St.

Georges Church, Abids 3:30pm

HMCF Chanchinbu - Vol. - XII - Issue - 1 - Ni 19.08.2012 (Pathianni)

HLAU SUH U...

- K.C. Lalmuanpuia

In samzai te lam pawh hi chhiar vek a ni asin. Chuvangin, hlau suh u; chawngzawng tam tak aiin in hlu zawk si a. Matthaia 10:30-31. Kan Lalpa Isuan he thu mak tak leh thlamuanthlak hmang hian hlau lo turin min ti a. Kan hlauh loh tur chu enge ni? Tih chhanna chu chang 28 ah kan hmu taksa tihluma, thlarau tihlum thei si lote hi hlau lo turin min hrilh ani. Lal Isua hian eng boruakah pawh kan focus tur chiang takin min hrilh a, chu chu kan thlarau nunna hi ani. Amah a nun nei te chuan a tana kan hlutzia kan hre tur a ni a, thil dangin min tibuai tawh lovang. Tunlai khawvelah chhiatna chi hrang hrang kan hre mek zel a, Pathian thinurna tawng buak ani mek zel ani tih a chik te chuan an hmu. Kan Lalpa Isuan ngaihven turin min tih(24:42-44) chu an rilru ah an vawng renga thu thang chi hrang hrangin a ti chiai ve ngai lo - a lo kal beiseina in anmahni a luahkhat zawk hin. Chutih lai chuan hrilhlawkna dikzia lantir nan amah hawisan avangin Kristian ram ni a inchhal hin te pawhin an inchhal duh ta lo an a, Bible kalh zawngin an nun a hman tawh avangin an nun a he zo tawh a Pathianin min siam dan phung pawh an hre tawh lo. Chu nun chu khawvel ram tina chuan thar ten an copy chho zela. Tunlai hangthar tam zawk nun chu zing aanga tlai thlengin computer screen/TV screen/tablet/mobile

hmaah hman ral ani a. Mahni siamchawp khawvelah inkhungin, nunphung pangngaiah in adjust har an tih avangin naupang tam takin an duhzawng bawiha lutin thil tih hreh an nei ta lo. Khawthlang ramah te chuan mimal awmngaihna hrelovin pawi tihna nei hauh lovin mipui an pawng kah thawm kan hre chamchi ta a, India ramah pawh facebook comment vel mai mai avanga mahni nun lo la duh tawk lah tunhnaiah kan hre leh ta. Chanchinbu chhiar ila chhiatna chi hrang hrang leh kangmei te ram tinah a awm a, bomb puak leh sakhua avanga tihduhdahna te kan hre zing tawh lutuk a, ngaiah kan neih zo ta. Kan rilru in rem leh muan ringawt duhna a neia, remna leh muanna kan nei ta cheng a Pathian thu in min hrilh anga awm kan tum chuang si lo. Thlarau tihlum theitu hlauh lam a leng ta lova, hmuh theihloh aiin hmuh theih kan ngaihsanna a pung zel a.kan harh chhuah meuh chuan mahni dinhmun diktak inhmu thiam tawhlo khawpin kan lo bo tawh thin a. Bo nih inhre tlat lovin mahni hriatna ang ang Pathian ringawtin Bible thu pawh kan duh chin kan pawma, kan duh loh chin kan en kan tawh mai hin. Contd / .

Inkhawm Programme: Date: 26th August (Pathianni), 2012 Fellowship Luka Group, City Bial (Note: A hun taka an hman tra thlen i tum hram ang u.)

 GILEAD

(a hma thuziak chunzawmna)

Ediorial Board Editor: Ruben Lalruatfela (9000686518) Joint Editors: James Khamliansawma (7382452875)
Rosangpuia (9951632778)

Cir. Manager: H. Lalruatkima (7382452975) Email: rubensailo@gmail.com

Hei hi ani Isuan a zawn chu Thlarau leh tihtakzet a Amah chibai buktu hi. Mite tih ve vang nilova, harsatna a lo thlenchang ringawt nilova, a mawi tawk chin chiah a tel zel ni lo, kan phurna leh nuam kan tih chin chiah zel a tel ve ni ringawt lovin, ..Lalpan min hrilh thinlung taka awih duhtute ilo ni zawk ang u. Kan hlauhna leh hlauh lohna chu mita hmuh theih pawn lam thil ni lovin hmuh theih loh Thlarau lam thu lo ni deuh deuh rawh se. Tichuan kan Lalpan min hmangaihzia kan hrethiam tawh anga, chawngzawng pakhat lei a tla pawh kan Pa vana mi hriatpui ani tih beng mai nilovin thinlung leh Thlarauvin kan lo hre fiah tawh ang a, Hlau suh u tih hian awmze famkim a nei ngei dawn a ni.
________________

Hruaitute duhsakna leh Pathian khawngaihna zarah Gilead editorial board-ah kan awm chu a ni a. A lawmawm rual rualin thil huphurhawm tak ni pawhin ka hria. A hma lama lo enkawl tawh hinte hnungzui tur chuan mahni insit a na duh hle a. Amaherawhchu rawngbawlna a nihna angin editorial board member-te thawh hona nen kan theihtawp kan chhuah ve ang chu. He mi Gilead Volume XII-a Issue hmasa ber chhuah thei tura kan awm hi Pathian vang liau liau a ni tih hriain a chuangah lawmthu kan sawi mawlh mawlh a ni. Issue hmasa ber a nihna angin Pathian thu em em pawh ka rawn ziak dawn lem lova. He chanchinbu enkawl chungchangah member zawng zawngte kha in mi puihna leh he chanchinbu lo changtlunna zawk tura in rawtna neihte min rawn hriattir hin turin ka sawm duh che u a. Article chhuah tur nei tan pawh inthlahrung miah lova a chunga email address kan tarlana rawn mail mai turin kan inhriattir nghal bawk a ni. Tunlai boruak chu kan hre vekin a rinawm a. India ram khaw hrang hranga North East mi awmten harsatna kan tawk mek a. Mahni ram lam pana haw hahnem tak an awm tawh bawk. Hemi chungchangah hian hruaitute thuchah te ngaichang thiam ila a duhawm khawp mai. Thuthang belhchian dawl lem lo tam tak a awm tih hre reng ila. Chumi rual chuan mitin tan fimkhur a ngai hle tih hre reng bawk ang u. India ram hrang hranga kan North East unaute leh keimahni heuh tan member tin te i awngai zel ang u.
________________

Kan Chhungkua:

17th August, 2012 khan JNTU zirlaite chuan inkhawm an neih hin, a vawi 400-na chu special leh hlimawm takin an hmang. JNFAU lama kan unaute henkhat chuan tunlai Muslim leh North-East mite inkara boruak ha lo awm avangin Hyderabad chhuah san rihin an mahni in lamah an cham mek. 18th August, 2012 khan University of Hyderabad-ah North East Students Forum (NESF) chuan North East lam atanga zirlai kal tharte lo lawmin Freshers Social an hmang. He program-ah hian Andhra Pradesh Special Police Additional Director General, Gautam Sawang leh officer dangten an telpui ni a thu dawn a ni. Thlaleh October 4th-7th chhunga HMCF retreat neih turah inbuatsaihna a kal mek zel a. Kan awngainaah hre zel turin leh he retreat-a min telpui turin member zawng zawngte kan insawm nghal bawk ani. Kan member-pui, naupang inkhawm zirtirtu ni bawk, Nl. C. Lalrinmawii chu JNTU-a a zirlai zova May thla lama min haw san hnuah, Ace Engineering Academya coaching kal turin August ni 10 khan Hyderabad a rawn thleng.
________________

Bukna leh tehna dik hi LALPA ta a ni a; ip rih zawngte chu a kuta awm vek a ni. - Thufingte 16 : 11

Published and edited by Ruben Lalruatfela for and on behalf of Hyderabad Mizo Christian Fellowship