St.

Georges Church, Abids 3:30pm

HMCF Chanchinbu - Vol. - XII - Issue - 5 - Ni 16.09.2012 (Pathianni)

Thuhriltu Thuhril henkhatte

- Laldinpuii

Thuhriltu bu hi a ziaktu chu Lal Solomona niin a lang a, a chang hmasa berah a ziaktu hi Lal Davida fapa anih thu a intarlang a. Tin a hnu deuhah lal fing tak anih thu a inziak bawk. A ziah hun lai hi 945 B.C niin mi thiamte chuan an chhui zawn. Thuhriltu bu ah hian bung 12 a awm a, Bible ah chuan hmun a awh zau lo hle mai, amaherawhchu a thu ken hi a pawimawhin ngaihtuahna a kal thui tir thei hle a ni. Han ngaihtuah chian phei chuan nun dan tur min zirtir a tih theih hial ang. A tlangpui a han chhiar chuan nun in awmzia a neih loh zia a sawi ni berin a lang a. Beisei bo viau ang pawhin a lan chang a awm. Mi henkhat chuan Thuhriltu hian thu hlawm ken pawimawh tak tak 2 neiin an sawi thin a, chungte chu: 1. Khawvela kan nun chhung hi a rei dawn lo. 2. Pathian ih a, A thupekte zawm hi kan tih ngei ngei tur a ni. Lal Solomona khan a khawvel a thil awm, a vela mi te kha a zir chiang in a chik hle tih a hriat theih a. Bung 1 ah hian hei hi a lang chiang hle a, leilung chungchang te, ni te, thla te leh lui te chungchang a sawi a, Tun hma thil tuman an hre reng lo va. Nakinah pawh tun lai thil hi an hre reng lo vang a ti hial a ni (Bung 1:4-11). Lal Solomona khan thufing tam tak a la khawm a, hemi buah pawh hian thufing henkhat a zep tel bawk a ni. Lal ropui leh fing em em, a duh ang thil chu nei thei zel ni mah se a hnathawha a lawmna chu a famkim thei lo a. Lawm chu a lawm meuh mai, amaherawhchu kim lo a awm tih amah pawhin a hria a ni. Tin, ka mit itzawng apiang ka hlah lo va, ka thinlung pawh eng lawmnaah mah ka sum lo; ka thawhrimna zawng zawng avangin

ka thinlung a lawm si ani hnuaiah hian hlawkna reng reng a lo awm lo e (2:10-11). Lal Solomona kha nun hi thil ho anih zia hre chiang tur berte zing ami a ni a. A bu tir lamah pawh a thiltihtheih zia leh a mit in a hmuh a duhzawng chu a hmaih ngai loh thu a sawi bawk a ni. Chutiang mi in a vawi tam tak Engmah lo mai a lo ni a tih charh charh chuan a lungngaihthlak viauin a hriat theih ang. Thuhriltu buah hian thil inhal (contradictions) kan hmu teuh a tih theih ang a, tlem a zawng han tarlang ila. 5:13-17-ah hian nun hi eng nge a ulna tih zawhna lian tak a zawt a, chang 15-na ah A nu pum ata a lo chhuaha saruaka a lo kal ang bawk khan a kal leh ang a, a thawhrim rah engmah a chhawm lo vang tiin a sawi a. Amaherawhchu 6:1-4-ah hian nun hlutzia a sawi leh bawk si. Contd / .

Inkhawm Programme: Date: 23rd September (Pathianni), 2012 Hruaitu: Pu T. Lalremchhunga antu: Tv. David L. Renthlei, Luka Group Bible Chhiartute: Tv. Reuben Lalrinfela, Marka Group (Numbers 11 : 10-15) Nl. Ramengmawii, Luka Group (Marka 4 : 30-34) Thawhlawm Khawntute: Nl. Elizabeth R. Lalrochami, Matthaia Group Tv. Ebenezar Lalduhsaka, Johana Group Sermon: Nl. Laldinpuii

 GILEAD

Ediorial Board
Editor: Ruben Lalruatfela (9000686518) Joint Editors: James Khamliansawma (7382452875)
Rosangpuia (9951632778)

Cir. Manager: H. Lalruatkima (7382452975) Email: rubensailo@gmail.com

Bible-ah Isua thlalerah ni 40 chhung chaw ngheia a awm thu kan hre heuh a. Hetah hian, a nitin hun hman hin dan a neih sa kalsanin Pathian nena inpawlna hun nei tura kal a ni a tih theih awm e. Hei tak hi retreat tia kan lo sawi hin chu a ni. Kan nitin nunphung pangngai ni lo, hmun dangah, a bik takin fianrial deuhah, kan kal a, awngaina nen Pathian nena kan inpawhna tichak thar leh tur leh rinna a intuaithar leh tura hun kan hman hi retreat chu a ni mai a. Darkar aanga thla pawh a ni thei. Ringtu zawng zawng tana thil pawimawh tak a ni. HMCF Retreat pawh thlaleh maiah neih tum a ni a. Member-te hahnem ngai takin a tam thei ang ber tel ngei i tum ang u.

(a hma thuziak chunzawmna) A chang chuan mihring kan lo piang ve hi kan tana ha lo viau niin a sawi a, a lehlamah erawh chuan kan pian tak rau rauah chuan kan nun kan hman a kan thawhrim hi a pawimawh zia a sawi leh lawi si. 7:15-ah chuan nun hi a fair lo a tih thu a tarlang a Ka nun engmah lovah hian engkim ka lo hmu ta a: mi fel a fel chunga borala awma, mi suaksual thil ha lo ti chunga dam rei phian si angte hi Amaherawhchu, Pathian rorelna a innghah a ul a ni tih hi kan theihnghilh a hlau a ni tih hriatna chu a hnu 7:18-naah hian heng buaina zawng zawng hi Pathian ihtu chuan a chhuahsan vek si hin a a ti leh zawk ta a ni. Mihringte hi eng ang mi pawh ni ila, kan tawpna tur chu a inang a ni tih he Thuhriltu bu aang hian kan hmu chiang em em a, 9:2-ah pawh kan chunga khawrel thuhmun la thlen vek tur thu kan hmu. halaite hnena thurawn lar em em pawh kha he bu ami hi a ni a. Mi tam tak sawi tawh anih hin avang leh kan Bible chang hriat lar em em anih avangin ka sawi tam lo mai ang a. Thil pakhat ka sawi duh erawh chu Lal Isua nen, harhfim tak chung hian khawvel hi nuam takin kan chen thei a ni. Pathian hre reng chunga nuam ti a, hlim a, kan hatlai hun chen hi phalsak kan ni. Thuhriltu hian nun dan tur min zirtirte pawh a tih theih hial ang. Finna thu tam tak a sawi a, thil lo la thleng tur leh a hnu kum sang tam tak hnu a a dik zia kan la hriat tur ang chite pawh a sawi telin ka hria. Nun hohzia leh rei lohzia a sawi nasa a, mahse nun hlutna a sawi tel tho si. Khawvelah hian kan duh ang leh awm kan tih angin thil hi a kal vek hin dawn lo a, thil ni awm tur ang tak, ni si lo tamzia te pawh a sawi tel. Thawhrim leh taimak hi mihring rohlu anih thu min hrilh a, mahse mihring zawng zawng tawpna chu thihna a ni tih uar takin a sawi tel bawk. Amaherawhchu heng zawng zawng bul leh tawp chu Pathian a ni tih a sawi chiang hle: Heng thu zawng zawng khaikhawmna hi i ngaithla teh ang: Pathian ih la, a thupekte vawng rawh; hei hi mihring zawng zawng tih tur chu a ni mai. Pathian chuan thiltih zawng zawng chungah ro a la rel dawn si a, thil inthup engkim, a chhia emaw, a tha emawte pawh, tih hi (12:13-14). Chuvang chuan keini pawhin kan ngaihtuah tur chu heng zawng zawng hre reng chung hian beiseina nei chungin a laiah Pathian dahin kan nun kan hmang thei dawn lom ni?

Mahni Nun Bih Chianna Tehfung (Rules For Self Discovery):

- A.W. Tozer 1. Enge kan duh ber (What we want most); 2. Enge kan rilru luah ber (What we think about most); 3. Engah nge kan pawisa kan hman hin (How we use our money); 4. Hun awlah enge kan tih hin (What we do with our leisure time); 5. Kan mi kawm nuam tih zawngte eng ang mi nge (The company we enjoy); 6. Kan thil ngaihsan leh kan mi ngaihsan te (Who and what we admire); 7. Enge thil nge min ti nui tu (What we laugh at). Heng thil te atang hian kan nunzia dik tak chiang takin kan inthlir let thei ani.
________________

Khawlohna tuhtu chuan vanduaina a at ang a, A thinurna talhtum chu a hlawhchham ang. - Thufingte 22 : 8

Published and edited by Ruben Lalruatfela for and on behalf of Hyderabad Mizo Christian Fellowship