Вы находитесь на странице: 1из 20

VOL.2 NO.

2 BI-WEEKLY JOURNAL 16 JULY 2012 MONDAY


lawmi khiangte
ka hmangaih che
Solo album Thar
2
|
TAHANTIMES domestic news
16 July 2012 Monday | Vol.2 No.2
MEDIA THILTIHTHEIHNA
M
edia thiltihtheihna hi ziak zawh sen chi pawh a nih a rinawm loh. Mass
Communication hmanrua, heng; TV, radio, chanchinbu, etc., te hi a
huam vek a. Chanchin thleng thar te, thleng tawh te, thleng tur te, ram
politics boruak te, economics dinhmunte leh thil dang eng emaw zat tar
lana a awm theih nan TV, radio, chanchinbu, internet kan tih ang chi
zawng zawng hi thil pawimawh tak a ni. Tun hma deuh kha chuan radio
leh ziak tarlanna chanchinbute kha media awmchhun tih mai theih a ni
a. Tunah chuan TV, internet tih ang chi changkang tak tak a lo chhuak
zel a. He tih lai hian ziaka tar lanna chanchinbu chi hrang hrangte
pawimawhna a tinep hauh chuang lo.
Kan ram pawhin democracy lamtluang kan zawh chho mek a. Kum
2008-a an ziak ram constitution-ah Dan, Inawpna leh Judicial dah
pawimawh a ni a. Heng pathum hi an kal flawr fal thiang lova. Thunei
bik emaw awm a tha hek lo. Rual tak leh fel taka kalho tur chuan media
kan tih tak hi a pawimawh ta em em a ni. Kan ram President ngei pawhin
media hi a dah pawimawh hle a. Ram inrel bawlnaa ban pawimawh tak
palinaah hial an dah thin reng a ni.
Hman deuh lawk atang khan kan ramah pawh media hi a zalen
tan viau mai a. Thil lawmawm tak a ni. Kal dan hluiah kha chuan mimal
leh pawl hamthatna chauh uma media hi kalpui a ni a. Hotute duh loh
zawng chu a chhia emaw, a tha emaw media lam hian an tilang ngai lo.
Sawrkar inrelbawlnaa ban pawimawh pathum Dan, Inawpna leh Ju-
dicial lam fak-seltu ber tur chu media hi a ni a. A pawimawh a ni. Chu tih
laiin media zalenna hmang suala thu dik lo leh rintlak lohva inchirh theh
a fuh hauh lo bawk ang.
Media hian ram rorelna pawimawh tak a tichhe thei a. Ram thatna
tur pawhin nasa takin a thawk thei bawk. Heng TV, Internet, radio tih ang
chi hi chu mi nawlpui hian chanchin hriat nan kan hmang em em lo va.
Keiniho zingah chuan chanchinbu hi kan thu hriatna hnar ber a ni.
Kan ramin democracy kawng a zawh chhoh zel laiin media a zalen
ta bawk a, Kawl tawnga chhuak chanchinbu chhiar tlak a awm ta nual.
Mizo, Falam leh Hakha tawnga ziak chanchinbu pawh tha tak tak a lo
chhuak zel ang. Keini mawhphurhna chu chhiar hi a ni a. Thil eng emaw
mai mai, heng kuhva, zial, chhang vel tih ang chi lei aia chanchinbu lei
kan uar hunah hmasawnna rahbi dik kan rap chho tawh ang. Media
thiltihtheihna hriaiin media thlarau neih i tum ang u.n
VICE PRESIDENT TUR
Vice President kal chhuak ta Thiha Thura U Tin Aung Myint Oo seat luah
turin sipai lam hluttaw palaite chuan Yangon Region Chief Minister U Myint
Swe an nominate ta tih thu sipai hluttaw palai Brig. General pakhat chuan a
nemnghet ta tih The Voice Weekly-in a tarlang.
Chu Brig-General-in media-te hnena a sawi dan chuan, ram tana hna-
thawk teuh thei tur, mipuite rinchhan tlak tur nia an hriat avanga ani U Myint
Swe hi thlang an ni awm e.
Vice President Thiha Thura U Tin Aung Myint Oo kha sipai hluttaw
palaite thlan a ni a, chu vangin a seat a ruak tak pawh hian sipai hluttaw
palai bawkin an thlang tha leh ta a ni.
Yangon Region Chief Minister U Myint Swe hi 2010 Inthlanpui-ah Yan-
gon Region Constituency (2) atangin a in-candidate si a, hetia a hming a
lo lang ta mai hi mak ti deuh an awm. Mahlaing Township-a Pyithu Hluttaw
Palai U Aye Mauh chuan, "U Myint Swe an thlang chu mak ka ti deuh a. Re-
gion-a mi a ni sia ka ti a. Mahse Region-a mi pawh ni se a theih tho va, civil
zinga mi pawh Dan chuan thlan a phal tho alawm ka ti leh a. Danin a phut
ang qualifcation a neih phawt chuan tu pawh a thlan theih reng alawm," a ti
a ni. Tun Hluttaw an thut tan tirh July ni 4 vel kha chuan Vice President atan
U Htay Oo, U Tin Aye, Commander in Chief (Navy), Rear Admiral Nyan Tun,
U Aung Minn, U Soe Thein te hming a lang hle a, mahse July ni 9 atang
chuan Yangon Region Chief Minister U Myint Swe hming a lang fal ta a ni.
Taung-tha Township-a Pyithu Hluttaw palai U Aung Thaung chuan, "A
tha alawm, mi tha a nia. Mi zaidam, mi nem a nia. A rilru pawh a tha, a
tluang, thil sawipui theih tak a nia," tiin tha a tih thu a sawi.
Yangon Region Hle-kuu Township Pyithu Hluttaw palai U Phyo Minn
Thein thung chuan, "President thu hnial chi a ni lo ang a. A zia chu a chunga
mi a rum leh a rum ang a, a chunga mi a nem leh a nem ve mai. Chu tiang
mi chu a ni," a ti ve thung.
U Myint Swe hi Defense Service Academy Batch (15)-na chhuak a ni
a, Yangon Command, Commander hna a chelh tawh bakah Tatmadaw-ah
Lt. General thleng a kaisang hman a ni. Heng bakah Military Security Force
lu hna a chelh tawh bawk.n
VAWI 7-NA NI TURA KAN RAMA AN BUATSAIH TUR
KOREA CINEMA FESTIVAL-AH SONG SEUNG HYUN
LEH SONG HYE KYO LO KAL DAWN
KOTRA atanga an tarlan danin
Korea Cinema Festival a vawi
7-na chu kan ramah buatsaih a ni
dawn a. Filmstar lar Song Seung
Hyun () leh Song Hye Kyo
() te an lo kal dawn.
He festival-ah hian Korea Expo
an tih mai Korea bungraw chi hrang
hrang pho lan a ni ang. A buatsaih-
na hmun tur chu buaipui mek a nih
thu hriat a ni bawk. He festival-ah
hian Korea ram atangin company
lian leh lar 60 velin an bungrua an rawn show dawn a ni. Heti ang chi hi kum
khatah vawi hnih chauh a buatsaih thin. Kan rama an rawn show hmasak
ber tum a ni bawk ang. Korea culture lam hawi pawh show tel a ni bawk ang.
Kumin November thla vel khian buatsaih theih an tum a ni. Song Seung
Hyun leh Song Hye Kyo te hi kan ram mipuiten an ngaihsan em em Korea
flmstar an ni a, an lo thlen hun an nghakhlel hle tawh a ni awm e.n
RAM MI LEH RAM DANG MI TANG 80, CHHUAH ZALEN
Myanmar ram chhung tan in hrang hrang atang, ram mi leh ram dang mi, mi
80 ngaihdam an ni a, 2012 July 3 khan chhuah zalen an ni.
Constitution dan 204 (a) sawi angin lung in hrang hranga ram mi tang,
mipa 37, hmeichhia 9 leh ram dang mi 34 te chu 2012 July ni 3 atang hian
an sualte ngaihdam an ni ta tiin sawrkar chanchinbuten an tarlang. Ram
dang mi, chhuah zalente chu ram pawna Thawnchhuah nghal an ni.n
KAN RAMA AMERICA AMBASSADOR ATAN
DEREK MITCHELL CHU SENATE-IN A NEMNGHET TA
D
erek Mitchell chu kum 22 chhunga US Ambassador hmasa ber niin June
29 khan Senate chuan a nemnghet ta a ni. Derek Mitchell hi kan ram thua
US-in a chhawr mek a ni a. Tunah chuan Ambassador-ah hlan kai a ni ta.
May 17 khan kan ram thua America Ambassador ni turin a lo rawt tawh a,
ti hian Senate-in a nemnghet ta a ni. Heti anga Ambassador dah a ni leh ta
hi kan ram insiam that chhoh vang a ni a, Senate hian lungrual takin a nem-
nghet ta a ni.
Derek Mitchell chuan, "Kum kal taa hlawhtlinna ropui tak chu president
U Thein Sein leh NLD hruaitu Daw Aung San Suu Kyi te inbiak remna kha a
ni a. President U Thein Sein hi mi ropui tak a ni. Ram a hruai dan te, kum kal
taa ram a siam that chhoh dan te hi theihnghilh chi a ni lo. Heti anga huaisen
taka a kal hi Myanmar mite beisei em em a tihlawhtling a ni a, thil tam tak
chan pawh a nei. Ram a insiam that chhoh zelnaah pawh hnungtawlh a tum
tawh lo. Democratic movement a kalpui hi a tidanglam tawh lo vang. Politics
avanga lung in la tangte leh a chhuah tawh thenkhatte chunga case a siam
thu-ah kan ngaih a la tha thei lo. Dan lek kawh a nih theih nan rorelna dik
a awm a tul. Constitution-a sipai chungchang hi sipai-civil inkungkaih dan
democracy kalhmang nen a inmil lo," a ti.
Tuna New York-a khawsa mek, UN-a kan ram palai hlun U Than Swe
chu America-a kan ram Ambassador atan ruat a nih tur thu foreign minis-
ter U Wanna Maung Lwin-an a sawi a. US Secretary of State Clinton nena
Washington-a an inkawm hnua sawi a ni. Kum 1947 atang khan America
ram nen hian kan ram hi an lo inzawm tawh a. 1990 chho atang khan US
hian kan rama a ambassador pawh a la chhuak a, offce in charge chauh a
dah a. Tunah hian Ambassador a rawn dah leh ta a ni.n
TAHANTIMES
|
3
TAHAN 'F' GROUP THALAI AN HNATLANG
Tahan hi Group hrang hrang A, B, C, D, E, F, G tiin then hran a ni a. Heng group-a thalai
hruaitute hian group chhunga chhiat ni, that ni hi an buaipui thin a. Khawtlang tana mi
tlawmngaite an ni. July 7 khan Tahan 'F' group-a thalai mi 10 vel chuan bench chhia siam
thain an hnatlang ta a ni. He mi nia hnatlangte hi mistiri deuh vek an ni a. Tukthuan tuihnai
tak an kilho nghe nghe. n
LocAL news
16 July 2012 Monday | Vol.2 No.2
LEILET NEITUTEN VAN RUAH TUI KHAWP KHAM LO
Kumin chu kum dang ang lo takin leilet neituten van ruah tui an khawp kham lo em em a.
June thla laihawl vela hal chhun hmante chuan tui kawng rin chhan lehzualin buh an phun
tawk a. Thenkhat ve thung chuan July thla tir velah chauh an bawhbeh hman a, chung lam
rorelnain ngawih a la chuh tlat avangin ruah a sur tha mumal hlei thei lova, mawi mam pe
tawh si a, buh phun thei lo an awm nuk mai.
Tui kawng rinchhana favang an awm laiin hmun thenkhatah chuan thawk chhunzawm
hlei thei lovin an tang khang mek a ni. Kumina buh phun man hi Tahan velah chuan ni khat-
ah mi pakhatin Ks.3000 - 6000 an hlawh thei a, kum dang aiin induh thawh a na hle a ni
awm e. Buh phun turin a zawna zawn takngial a ngai a nih thu lo neitu pakhat chuan kan
palai a hrilh.n
VAIMIM A HUN TEP
Liandovate unau mim fang khat inphel an tih kha tuna vaimim
kan tih ang hi a ni lova. Tuna Vaimim hi chu Vaimim tak tak
a ni thung. Good Friday-a thlai thlak hi a tha duh tiin kha mi
nia Vaimim tuh thenkhatte chu tunah awm chen chenin an
dawng hluah tawh a, chu mi hnu fe-a tuh te chu khup chen
chen an ni ve fur hlawm ta mai.
Kawl thufngin Kawmchar huanah bazaar din rawh an
tih angin kawmchar huana thlai ilo; hmarcha, maian, an-
thur, khanghu, theihai, ser, purun, khahkhuan, phuihnam,
kawlthei, rahnal, hnuhnun, phiang, antam, zikhlum, Nan
Nan, vaimim, tawkte ang hi hmun thenkhatah hmuh tur a
awm nual a, Tunah theihai leh lakhuihthei vanglai a ni a, na-
kin lawkah vaimim vanglai a rawn ni chho mek dawn a ni.n
PU BUTA DAIFIM GALLERY-AH
Mizo musician hmasa lama hmatawngtu zingah chuan Vul-
mawi Buta hre lo aram an awm thei dawn em ni le. Pu Buta
hi Pawl 3 vel a nih atang hian Cowboy lem ziak a tui tan
a. Pawl 10 pass lovin Mandalay Siangpahranga kulh thlang
lem ziah zirna (State School of Fine Art and Music)-ah kum
3 a zir a. Chumi hnuah lem ziak hnathawkin Tahan-ah 1977-
84 thleng a awm a.
Pu Buta hi Mandalay leh Tahan vela a awm lai hian sul-
hnu a nei nual a. Hla phuah thiam, lead guitarist a ni bawk
a, zai a thiamin lem ziak a hnehsawh hle a ni. Ama hovin
music album pathum lai an siam nghe nghe. 1985 kum khan
Aizawl-ah a pem a, vawiin thlengin Dawrpui veng-ah an
khawsa mek a ni.
Tuna a awmna hmunah hian music lam chu hawisan
deuhin lem ziak lamah a inhmang nasa hle a, Mizorama
Silkscreen Printing hmasa ber a ni nghe nghe. In chung
chhawngah Daifm Gallery hmun a nei. Hmanlai Zonun lem
eng eng emaw Water Colour leh Oil Colour-a ziahsa a tar
ferfur a, mit a tlaiin a ennawm khawp mai. Heti anga a ziah-
sate hi Rs. 1000-5000-in an lei thin a, ram dang atang a zin
vei vak Sapho pawhin an dawr ve thin a nih thu Pu Buta'n a
sawi.
He Daifm Gallery hi kum 10 cham a lo ni der tawh mai a,
Zoram dung leh vang a fang nual tawh a ni. Pu Buta hi tun-
ah kum 60 hmel a lo hmu ve ta reng mai. A kum ngaihtuah
hian a hna a la tikhaihlak lem lova, a hriselna a la thain a
mawng a la zang khawp mai.n
SATAWM VENGA HNANG TAH THIAM
Satawm venga cheng Pu Kapzula hian hnang hmangin thil chi hrang hrang a siam thin a.
Kum 2006 vel atanga siam tan a ni nghe nghe.
A thil siamte zingah emping, arbawm, thlam lem, thlangra, nau thenna (thenbawm),
nghabawm leh a dang eng emaw zat a awm. A leitute hi Mizo an ni deuh tlangpui a, tourist-
ho tana leisaktute pawh an awm thin. He hna hi eizawnna atan a tha hle a. Hnangte hi
Tuingo lam atanga lut a ni deuh ber. n
4
|
TAHANTIMES internAtionAL news
CAMBODIA RAMA KHAWSIK NATNA DANGLAM
NAUPANG 60 CHUANGIN AN THIHPUI

Cambodia ramah khawsik natna danglam tak a leng mek
a, naupang 60 chuangin an thihpui tawh a, World Health
Organization chuan Cambodia Health Ministry a tanpui
mek a ni.
Chu natna danglam tak chu naupang 62-in an vei
a, 61-in an thihpui. Cambodia chhim lam leh ram laili vel
atanga leng tan a ni tiin WHO nena thuchhuah an siam
tlanah chuan Health Ministry chuan a puang.
A natna lo awm tan dan an zir chiang mek a, an la
hrechiang thei chiah lo va. He natna hi naupang kum sarih
hnuai lamin an vei bik ni awm a ni. Natna lo awm tanna
hmun chu an hre tawh a ni awm e.
He khawsik natna hi thawkna dawt natna chi-a chhiar
tel a ni a, an nat hian an hriatna thazam lam a khawih
chau a, dam lo thenkhat phei chu an tha te a na bawk ni
awm tak a ni. Heng hi WHO Cambodia offce-a Dr Nima Asgari sawi a ni. Naupangin natna
a vei tawh chuan darkar 2 chhung lekah an thi mai ani. Dam lote hi Phnom Penh leh hmar
lam tourist kal tamna Siem Reap khuaa mite an ni a. "He natna hi virus, bacteria leh tur ei
palh te nen a inkungkaihin kan hria," tiin Dr Nima Asgari chuan a ti.
He natna hi mi tam tak suat thei tur chi a nih a la hriat mai loh naa, tun anga hun rei
lote chhunga naupang tam takin an han thihpui mai hi chu a manganthlak hle a ni." a ti
bawk.n[AFP]
AMERICA RAMA LUT (PEM) ZINGAH ASIA MI TAM BER
China-American mi 728 telin Asia-American mi 3511 an zawhna atanga an hmuh chhuah
a ni bawk. Heng mite hi Alaska, Hawaii leh Columbia te leh Statistic te an zirchiannaa a lo
lan danin America rama pem lut zingah Latin mi aiin Asia mi an tam zawk thu hriat a ni.
America-ah hian Asian-American-hote hian sum an la lut thei hle a, mi thiam pawh an tam
bik an ti. Hei hi PWE Research Center-in a hmu chhuak a, The Rise of Asia American-ah
tar lan a ni nghe nghe.
'Asian-ho hi sum leh ngaihtuahna thar neiin America ramah an lut a, hei hi America van-
neihna a ni," tiin Vernon W.C Ching chuan China Daily a hrilh. China atanga America-a pem
lut hi an tam em em a. Lung laihnaah te, lo lam leh relah te hna an thawk deuh ber.n
[China Daily]
16 July 2012 Monday | Vol.2 No.2
POLICE THAU LUTUKTE HNENA
PAKISTAN THUCHAH - EI-IN INSUM,
A NIH LOH CHUAN BAN
Pakistan police-te hming
hliauna chu thamna lak
ching, hna thawk tha si
lo an nihna hi a ni. Tunah
chuan thil pakhatin a belh-
chhah leh deuh deuh
dawn an taksa a rit lutuk.
Punjab bial police offcer
19,000 zinga hmun lia then
hmun khat chauh ftness
test an pass thu a than
atangin Pakistan sawrkar
chuan police-ho chu bitu-
men beihpui a thlak dawn
ta a ni. Local Newspaper-
in a sawi dan-in he ram
bial lar ber venghimtu tur
police-te chu an kawng
bawr inch 38 aia lian lo
tura danin a phut sa anga tite theuh turin sawrkarin thupek a
chuah a ni. Chanchina a lan danin chutianga intite thei lo an
nih chuan feld duty atan an chhawr dawn tawh lo a ni.
Kar kal ta khan Local TV channel te chuan offcer thau
over-ho thla chu an tichhuak nawn deuh reng mai a ni. Chair-
a an hnar burh burh lai te, an phone be lai, kawnghren mar
tang maia dul leh dul insi-a an ding lai te an tilang reng mai a.
Lahore headquarter-a police pakhat sawi danin Punjab-a In-
spector General of Police Habib ur-Rehman chuan a offcer-
te chu thu buai chingfel thei khawpa inft turin a duh em vang
a ni awm e. Policemen tam tak chuan he 'test' hi an duh lo
hle a. A chhan chu anmahni, a test hna thawktute ngei ngei
pawh over weight khawpa thau an ni tlat a ni. Offcial thu
puangtu biak tur an awm mai loh avangin 'province' dangah
tih tum a nih ve leh ve loh a hriat mai theih rih loh.n[Reuters]
KOREA RAM HRUAITU FANU CHU
PRESIDENT INTHLANNA-AH
CANDIDATE MAI THEI
Park Chung-hee fanu kum 60-a upa tawh Park Geun-hye
chu December thlaa an buatsaih tur South Korea president
thlanna-ah rorel lai party aiawha president candidate a nih
hmel hle. July 10-a an buatsaih New Frontier (Saenuri) party-
in president candidate tur an thlanna-ah hruaitu a ni a. A tlin
chhoh va, South president a nih chuan Asia khawmuala ram
changkanga hmeichhe tling hmasa a ni ang. A tlin chuan
khawtlang nun lam siam that leh North Korea nena an inkar
boruak siam that a tum nghe nghe. Park Chung-hee hun lai
khan South Korea chu khawvela ram hmasawn ber pawlah a
kai chho hman a. Hengte hian a buk a rihtir hle ni awm tak a
ni. Mahse tling chho tur chuan thalaite leh khaw te thenkhata
mite vote a hmuh nual a ngai ang.n
JCB HAWH THEIH TA!

Rate dik leh fel takin JCB hawh theih a ni ta.



Operator senior tak enkawlna hnuaiah a ni ang!

A khawl a thain a rintlak a ni.

Darkar 24 chhung dawr theih kan ni e...

Min rawn dawr ve chhin la, i inchhir lovang!
Contact:Shwe Moe Beer dawr, Sanmyo ward, Kalaymyo. Ph: 096472143
Luhmeh i duh chuan Chinlay hi rawn pan ve rawh le...
A pantute in chhir an la awm lo...
Rualbanlote a thlawna meh sak tur in a in hawng reng e!!
Henr maa
Pyin Daw Oo
TAHANTIMES
|
5 internAtionAL news
EGYPT RAMAH DICTATORSHIP-A RORELNA A TAWP TA
Egypt ram president inthlan a thawh hnihnaah prime minister hlui Ahmed Shafk chu hnehin
Muhammad Morsi chu thlan tlin a ni a. Muslim Brotherhood pawl chuan June 17 khan dicta-
torship-a rorelna a tawp ta tih a puang. Inthlan thawh hnihna an buatsaih hma ni hnih, June
14 khan Egypt Parliament chu thiah a nih tawh thu an rama court sang ber chuan a puang
a. Inthlan thawh hnihna result puan hma vekin sipai sawrkar ding lai chuan anmahni chauh
chu dan siam theihna power nei awmchhun an ni tih an puang a, chuvangin constitution dan
pawh anmahni ngeiin member 100 thlangin an siam dawn tiin thuchhuah an siam a ni.
Chuvangin parliament awm lo, constitution dan awm bawk si lo ram chu engtin nge presi-
dent-in a awp tak ang tih chu zawhna lian tak a ni a. Sipai lam hian thuneihna chelh zui zel an
duh vanga hetia chawkhnawk an ni tia sawiseltu pawh an awm. Brotherhood's Freedom and
Justice Party (BFJP) website-ah, "Muhammad Morsi chu mipuiin an thlan president hmasa
ber a ni," tih tarlan a ni naa Ahmed Shafk leh a hote chuan inthlanna chu a fair loh thu an
lo sawi ve bawk. Egypt president hlui Mubarak-a sawrkar a tlak hnu khan rorelna chu sipai
lamin an la a, thla 5 chhungin Constitution ziak zova, parliament-a nemnghet a, democracy
kalhmanga kal an tum thu puang mah se, mipuiin duh lovin ram pumah kawng an zawh leh
mai thei a ni. BFJP lam erawh chuan eng thawm mah an nei rih lo.n
PARAGUAY RAM PRESIDENT CHU
PARLIAMENT-IN PAIH THLAIN
VICE PRESIDENT CHU PRESIDENT-AH
HLANGKAI
Paraguay president Fernando Lugo chu Parliament-ah
vote hmanga paih thlak a ni a, vice president Federico
Franco chu June 22 khan president-ah an hlangkai ta.

Latin America ram hruaitute chuan mipuiin an thlan tlin
president, parliament-in a paih thla leh chu tha an ti lo hle
a, vice president Federico Franco chu president hna thawk
lo turin an nawr a ni. He thil duh lova kawng zawh mipui
pawh an awm.
President Lugo hi Catholic puithiam lo ni tawh a ni a,
in leh lo hmun ram thua buaina chhuak, mi 17 lai an thih
phah buaina a chin fel danah dem a kai hle a, president
hi hemi thu-ah thiam loh an chantir a ni. A thiam lo a ni
tih lamah vote 39 a tla a, a duh lamah vote 4 chiah a tla.
Ani hi kum 2008-ah khan president a rawn ni chho tan a,
kum 60 chhung meuh ram rorelna lo chelh tawh rightwing
Colorado party lehthal thaktu a nihna hi a hming thanna a
ni a. Amaherawh chu sawn vawi hnih a thlak bakah nausen
pahnih dangte pa ngei nia puh a nih thu-ah te a hming hliau
hle bawk a. Parliament chhawng hnihah a tla thak thak a,
a lal thutthleng chu a kiansan a lo tul ta a ni. A sawrkarpui
tangrual party, Authenti Radical Liberal Party ngei chuan
Colorado Party nena thurualin a paihthla a ni.n
EGYPT RAM MIPUI ZAWNG ZAWNG TAN KA THAWK ANG:
PRESIDENT THAR MUHAMMAD MORSI
Egypt ram president atan Islamic zing-
a an thlan tlin hmasak ber Muhammad
Morsi chuan ram mipui zawng zawng
tana thawh a tum thu a sawi a, lung-
rual a pawimawhzia sawiin mipuite a
fuih nghal bawk. Kei hi Egypt mipui
zawng zawng president ka ni ang,
President Mubarak hun laia Prime
Minister Ahmed Shafk chu hneha
president rawn ni ta Muhammad Morsi
chuan a ti.
Ram mipuia inlungrualna a awm
chauhvin harsatna kan su kiang thei
ang a ti bawk a. Morsi hian lungrualna hi a ngai pawimawh hle. Morsi hian vote 51.73% a
hmu. Muslim Brotherhood pawl atangin a chhuak bawk. Amah hi kum 60 mi a ni a, engineer a
ni bawk. Ram hrang hrangte thurawn pawh zawm a tum hle. Egypt hi Israel ram nena remna
thuthlung ziak Arab ram awmchhun a ni bawk.n
16 July 2012 Monday | Vol.2 No.2
Hengte hi lei tur a awm e.
1. Bible Tawng chi hrang hranga ziak
2. Sacrament Tray, Thleng, No, Chhang (special) leh
Wine (non-alcohol)
3. Baptisma No
4. Kristian Hlabu leh Mizo tawng lehkhabu te, Chin
tawnga ziak lehkhabu chi hrang hrang
5. English leh Burmese-a ziak lehkhabu te
6. Sahbawn siamna bawlhlo te kan nei e
address:
Zion Bookshop
Yuzana Street, Tahan 'A'
Ph: 400307662
ZION BOOkShOP
GENEVA INREMNA CHU SYRIA SAWRKAR
LAMIN DUH MAH SE, EPTU LAMIN AN DUH LO
Syria ram chhung buaina chin fel a nih theih nan Geneva
khawpuiah ram hruaitu hrang hrangten inbiakna an nei a,
Geneva inremna an duan chhuah chu Syria sawrkar lamin
duh mah se, eptu lamin an pawm lo ni awm tak a ni. Eptu
lam chuan thil nuih zat thlak mai mai niin an ngai. Ram
hrang hrang hruaitute hian dinglai sawrkar leh eptu lama
mite lungruala sawrkar thar din an rawt a. He sawrkar hian
constitution siamin inthlan pawh huaihawt tura rem tih a
ni a. He an thil rawt hi Syria rama democracy sawrkar din
chhuahna atana step pawimawh tak a nih avangin party
zawng zawngte pawhin duh se a that thu Syria Foreign
Minister aiawha thu puagtu chuan a sawi.n
6
|
TAHANTIMES worLd crime
16 July 2012 Monday | Vol.2 No.2
A PI-IN A TUNU, THLA RIAT MI KUT A TANSAK
China ram Shan Dong bialah a nu leh pa
hnaa an kal hlanin, thla riat mi naute chu a
piin a lo awm a. A pi chuan chu nau kut chu
a khing hnihin a tansak tih DM News chuan
June 26 khan a report.
Naute kut a tansak hnu-ah pitar chu
mahni intihhlum a tum nghal a, ni khua hre
lova a awm avangin thil awm dan engmah a
zawh fah theih rih loh a ni. Naute nu chuan
in a thlen ve leh naute chu pawmin minute
10 chhungin damdawi in a panpui nghal a.
Damdawi in thlen hnu-ah a pasal a phone a, naute kut pahnih chu inah a laktir leh a ni. Doc-
torte hian darkar 12 chhung meuh operation an bei a, hlawhtling takin naute kut pahnih chu
an zawm thei a. Enkawl zui zel chu a ngai ang a, a kut chu pangngai takin a hmang tha leh
thei dawn a ni awm e.n[China Daily]
HOTEL NEIH DUH VANGA A PASAL THATTU CHUAN
A TUH RAH A SENG TA!
American federal jury pakhat chuan, a pasal
ro a khawm duh vanga a pasal leh a pasal
nu, mi ruaia a tihhlum thu-ah nu pakhat chu
thiam loh a chantir. A pasal hi Miami hotel
hmingthang tak rochungtu a ni.
Narcy Novack, (55) leh a nuta Cristobal
Veliz, (58) te hian 2009 khan Florida Miami
Beach-a Fontaine Bleau Hotel dintu chhung-
kaw zinga Ben Novack Jr leh Bernice Novack
te chu thi ngei ngei turin an vaw thlu a ni. New
York chhim lam District, White Plains-a US
District Court chuan hapta kua zet thubuai chungchang hi an sawi hnu-ah he thutlukna hi
a siam ta a ni. Narcy leh Cristobal te unau chu, mi buma eizawn, mi phiar ruk, leh tharum
thawha chetna chi li te-in thubuai awrhtira thiam loh chantir an ni. November ni 1-ah an
chungthu rel a ni ang a, dam chhung tang tura tih an nih a rinawm.
"Heng pawi khawihtute hi tunlai khawvel thara 'vantlang hmelma' an ni a, anni hian Ben
Novack Jr leh a nu te rawng taka thah an nih theih nan ruahmanna an siam, uluk takin an
phiar, mi an pun, an tanpui bawk a ni," tiin Westchester County District Attorney Janet Difore
chuan US Attorney Offce nen joint statement an siamah chuan a sawi.
Ben Novack Jr. hi kum 52 mi a ni a, 1952-a Miami Beach-a hotel changkang tak satu
fapa kha a ni. He hotel resort hi Goldfnger, The Body-guard leh Scarface-ah te khan scene
pawimawh tak takah hman a ni nghe nghe.
Prosecutor te chuan Narcy leh a nuta te hi 'mi khawih ching' hlawhfa an rawih hnu khan
an duham lehzual ta zel a ni an ti a.
Ben Novack Jr chu 2009 July khan thaw chham leh hriam bil taka hliam na tuarin New
York-a Rye Brook hotel room-ah a thi a. Narcy leh Cristobal-te mi rawihten dumbbells (ban
bul sawizawi nan rit lak atana hman a kuang tawi, hmawr bawk)-in an chhut hrep hnu-ah box
cutter zumin a mit an khersak bawk. Hotel room-a heng misualte luhtirtu chu Narcy a ni a. A
pasal na tuar rak chiam chiam chu misualten tape hmanga a hmui char phui an tum lai hian
Narcy hian a pasal thawchhama siamna tur, a hmai hupna tur lukham a lo pe vat a ni awm
e. Ben-a nu Bernice, 86, chuan 2009 April thla khan Florida, Fort Landerdale-a a inah beih
a tawk a. An mawtawr dahna garage-ah a lu leh a ka-ah 'wrench' (nut herhna)-in chhut a ni
a, rei vak lovah chhuat laiah a thi ta mai ni awm a ni.
Hemi hnu hian Narcy hian Ben-a company atangin USD 100,000 a ru a, Florida leh New
York-a a account-ah te sem darhin a thun, a chheprelh darh hlawm a ni. Narcy te mi rawihte
pawh hian an thil sual tih an inpuang tawh a, rorelna an nghak mek a ni.n[Reuters]
ZAWHTE NGHAISA
Tlangval pakhat, puan tihro-
na khawla zawhte vawm luta
nghaisatu Thla ruk tan hnu-
ah a ching leh tho ang em?
The Sun chuan zawhte
thlabar tak, puan tihrona khawl-
a kalhhnana virtir chiam-tu, mi
turu a man chhuak.
Rilru chiang lo deuh Allan
Anderson, 22, chuan a zawhte
nghaisa lai chu video a la a,
online-ah a thehdarh a ni awm
e. Mahse zawhte chu vanneih
thlak takin a dam chhuak hlauh.
British miho thin ur lutuk chuan
chu mihring chu man tumin an campaign ta a. A tawpah
Cambrideshine-a Godmanchester in pakhatah an chhui lut
ta a. Hna nei lo, Anderson chuan pheikhawk pawh bun lovin
kawngka a rawn hawng a. Tracksuit kekawr tet hnuang leh
T-shirt tawp tak hi a inbel a. Video online-a tichhuaktu a nih
thu a inpuang.
A thil tihah pawi a tih leh tih loh, sawi deuh a neih leh
neih loh an zawt a. Ani chuan, Aih, ka tih tur ka ti zo tawh a.
Engmah sawi tur dang ka nei lo, a ti hmiah.
Anderson chu RSPCA (The Royal Society for the Pre-
vention of Cruelty to Animals Ransate Nghaisakna Laka
Humhalh Pawl) chuan an kawm a. Video a lakte chu Nitroaz-
za tih hmingin a dah a, zawhte pawh chu famthu thawh nan
a hmang a. Zawhte chu, Pu Virvela te a ti vel.
A bialnu, a fapa nu Kayleigh Hunt hian Huntindon-a a
in atangin a zawhte chu a pet chhuak a ni awm e. Kayleigh
chuan, Mi sofa-ah te mut a ching a, ka pet chhuak ta a nih
kha, a ti.
RSPCA chuan tupawh ransa nghaisaa thiam loh chantir
a nih bawk chuan thla ruk thleng lung in tan tir theih a nih thu
leh pound 20,000 thleng chawitir theih a nih thu a lo puang
twh a. Thuneitu pakhat chuan, Hemi chungchangah mi pa-
hnih chu an zawt fah tawh a, RSPCA hian an chhui zui mek
zel rih e, a ti a.
Anderson nghaisak zawhte Princess chu Gordman-
chester-a ransa enkawl thatnaah dah a ni phawt a, pa pa-
khat tu tih insawi duh lo-in Nilai ni khan a dah a ni. The Sun
hian Princess enkawl man tur a chawipui a ni awm e. Zawhte
Welfare Manager Juliete Jones sawi danin an zawhte chhan-
chhuah chu nei duh, hauh an awm leh tawh a ni awm e.n
Minister, Pastor, Theological College-a zirtirtu leh zirlaite tan chauh ni lovin
Mizo pumpui tana lehkhabu belhfakawm tak
REV. DR. NGURLIANA Ph.D Thesis
"Toward a Mizo ChrisTian Theology"
Gospel and Culture in the Mizo Christian Context
chu a duh apiang tan lei mai theih turin Mizo Theological Association chuan a published ta.
Tunah hian Tahana Book Room tinah lei tur a awm e.
He lehkhabu-ah hian Pathian Pathianna, Christology, Chhandamna, Kohhran leh
nakina thil lo awm dan tur chungchangte chu Mizo ngaihtuahna kalhmang atang chhui a ni a.
Chu chuan Mizo Christian Theology thar a hring dawn a ni.
A ziaktu Rev. Dr. Ngurliana hi Upper Myanmar Methodist kohhrana Ordained Minister niin tunah hian
Myanmar Theological College-ah Principal hna a chelh mek. Ani hi Pathian thu lama talent nei tha tak a ni a,
Ph.D degree pawh University of Birmingham, England (UK) atangin kum 3 vel lekah a lehlan a ni ber mai.
Third World Theologian leh Asian Theologian-te zinga mi langsar tak, University of Birmingham-a
Professor of Biblical Hermeneutics, Department of Theology and Religion ni bawk,
a Supervisor R.S. Sugirtharajah pawhin 'Tunah chuan theologian i ni ta' a lo tihna lehkhabu
belhfakawm tak a nih avangin i lei thei lo a nih pawhin chiar ve ngei ang che.
TAHANTIMES
|
7 generAL knowledge
16 July 2012 Monday | Vol.2 No.2
CHOCOLATE EI THEI LO HMEICHHE NAUPANG
Kum 5 mi hmeichhe naupang pakhat chuan chocolate ei a
chak ve em em a, mahse atan ei chi a ni lo tlat. A chhan chu
a ei chuan a thi thei mai dawn tlat a ni.
He hmeichhe naupang hi Lola Raine a ni a, a thin leh kal
lamah fel lohna lian tham a nei tlat a, chuvangin chocolate
them te pawh ei se, atana pawi khawpin, a taksaa 'potas-
sium' levels a kai phah dawn tlat a ni. A laizawn Nicole pawhin
heti ang chiah hian Autosomal Recessive Polycystic Kidney
Disease a vei ve tho va, mahse a tanksa bung hrang fel lo lai
pahnih chu an thlaksak tawh avangin a duh duh hunah choco-
late a ei thei tawh a ni.
Lola nu, Birmingham-a Natalie, kum 35 mi chuan,"Lola
hian chocolate chu a ngen ve thin a, mahse ei a theih si loh
a, a tap chiam chiam thin a. A taksa bung hrang thlak turin a
nghak ve reng a, mahse tum hnih chu an cancel tawh a ni. A
inzai hma chu ei-in a insum hle a ngai a ni ber mai," a ti a.
Natalie hian fa panga a nei. Ti hian a ti bawk. "A u hi a tha chho viau tawh a, Lola tan
pawh heti ang hi kan beisei ve a ni." n
NU PAKHATIN A TLEIRAWL LAI BIAL PA TAN
A HNUTE A ZAI LIAN
Tute pawh nei tawh nu pakhat chuan kum 44 liam taa a bialpa
tan tiin a hnute a lo len theih nan plastic surgeries a nei tiah
mai. He nu hian pasal vawi 3 lai neiin a then leh vek tawh. He
nu hi Wang Qin a ni a, kum 61-a upa a ni tawh. China ram
Hubei Province, Huangshi khua-a khawsa a ni a, Internet-a
thawnthu ziak thawh thin a ni bawk. Kum 16 a nih laia a bialpa
hlui tan tiin a hnute a zai lentir ta a ni.
Kum 2 vel liam ta chhung khan chemte hmangin vawi 4
lai a inhliam tawh a. A mit, hnar, khabe leh khabe ruh pawh
tihdanglamin a awm tawh. Hei hi Hong Kong actress Angie
Chiu an a duh avanga tidanglam a ni nghe nghe. Wang Qin
chuan, "Ka bialpa hlui chu Shenzhen-ah (Huangshi atanga
km 800-a hlaa awm) a cheng tih ka hriat veleh amah hmuh
tumin ka zawng a. Kum 44 hnua han hmuh leh chu ka chakin ka phur em em a ni," a ti. A
bialpa hlui hi Xiang a ni a, kum 1968-a inchhar kha an ni. Hankou atanga Badong-a lawng
hmanga kalnaa intawng an ni bawk. "Kan kut pawh kan inchelh ngai lo. Mahse ka pain kan
chanchin a hriat chuan min khap ta tlat a. Ni thum chauh kan inkawp hman. Englai mahin ka
theinghilh leh tawh ngai lo vang. Ka frst love a ni tlat a," a ti bawk. Ka hnute ka zaitir chhan
pawh hi atana ka famkim (perfect) theih nan a ni. Nupui neia chhungkaw din tawh pawh a lo
ni mai thei. Eng pawh nise vawi khat tal hmuh leh ka duh a ni a ti.
Wang Qin hi 'Inspiration Granny' Li Zhi Po Po tia hriat a ni bawk. A chhan chu kum 3 liam
ta khan Wuhan Province-a hmeichhe nalh tak tak 1000 chuang intihsiaknaa a lo tel tawh
vang a ni.n
EVEREST TLANG HI ENGTIANGA SANG NGE?
Khawvela tlang sang ber Everest san zawng chungchangah
China ram nena an inhnial thin chu chinfel tumin Nepal sawr-
kar chuan Everest tlang chu an teh nawn leh a. Nepal ram mi
thiamte chuan thiamna sang tak hmangin kum 2 chhung an
teh a, Everest san zawng chu feet 29028 (8448 metre) a nih
thu an puang ta.
China mi thiamten an teh a, a san zawng an sawi chu
tuna mi ai hian feet 13 (4 metre)-in a sang hret a ni.n
KHAWVELA UI HMELCHHE BER
He ui hi hnar bul tut, mitmeng zim tak, hmui hmul, khabet
hmul var, khat deuh deuh a to lehnghal a ni. He ui thatna
lai zawn tum hian enlenna meuh hmang mah ila, a that lai
hmuh tur a awm reng reng lo. Hei vang tak hian North Cali-
fornia-a kumtin an neih thin, ui hmelchhe inelnaah 2012 tan
khawvela ui hmelchhe ber lawmman a dawng ta reng a ni.
He inelnaah hian khawvel hmun hrang hrang atanga ui
hmelchhia 28 te an tel ve naa kum 8 rual lek Mugly hi chu
tuman an tluk thei lo a ni. Lawmman atan USD 1000 leh
kum khat tla ui chhang a dawng dawn a ni. A neitu Bev
Nicholson-i chuan, Mugly hming an han lam ri ka lawmzia
chu sawi ngaihna pawh ka hre lo, a ti a ni.
Mugly hian 2005 kumah pawh Britain rama ui hmelchhe
ber lawmman a dawng tawh bawk a ni awm e.n
LA DAM ZINGA KHAWVELA UPA BERIN
BIRTHDAY 115-NA A HMANG
Nung dama awm zinga khawvela
upa ber Japan ram Kyoto-a Jiroe-
mon Kimura chuan a birhday 115-
na a hmang. Khawvel huapa dam
reina lam research beitu, Geronto-
logy Research Group (GRG) sawi
danin Mr Kimura hi la dam zinga
upa ber a nih bakah khawvelah a
pathumna a hauh a ni. Hei hi record
chin atanga a lan dan a ni.
Kimura chuan, "Thu-a sawi fah
ngaihna pawh ka hre lo, ka lung a
awi khawp mai," a ti a. A thu-a han sawi takah chuan Kimura
hi la dam zinga upa ber chu a ni lo. Georgia-a awm Besse
Cooper chu 1896 August 26-a piang a ni. Kimura hian fa 7 (5
an la dam) a nei, tu 14, tu chhawng 25 leh chhawng leh 13
a nei. A dam reina chhan ber thuruk chu, "Ei tur reng reng
tlem azawng chauh a ei thin," hi niin a sawi.
Kimura hian Post Offce-ah kum 38 hna a thawk a, a
hnu-ah a banga lei let paah a inlet leh a, kum 90 mi a nih
thleng a thawk a ni.n
Heng a hnuai lam a hna te a awm e...
maLaYSIa
Mamawh zat Hlawh Zat [Nikhat]
1. Construction workers... 15 (Mipa) 35 RM + OT
(Note 450000Ks. thun a thlahlawh cut in kan kal tir thei e...)
2. Factory workers 10 (Mipa) 21 RM + OT
3. Electronic workers 5 (Hmeichhia) 21 RM + OT
SInGaPOre
Mamawh zat Hlawh Zat [thla khat]
1. Driver (S Pass) 5 (Mipa) 1500 S$
(Note .Sorkhar Degree leh Motor khalt License nei tawh tan chauh)
2. Cleaning Service (S Pass) 5 (Mipa/Hmeichhia) 1500 S$ + OT
(Note. Sorkhar Degree Ngah tawh tan chauh a ni)
3. Cashier 3 (Hmeichhia) 1500 S$
(Note. Sorkhar Degree+ LCCI level 3 ngah tawh tan chauh a ni)
A.G.T.I / B Tech / B.E la tawh tan pawh hna kan zawn sak thei reng e...
Contact to...
Apex Chin Dwin Service Co.Ltd (Lic. 1783 /2011-2012)
Ph. 095105071 / 0973173910
APEX CHIN DWIN
haRRY-a aTchiLh
gaBRiella wilDe
8
|
TAHANTIMES ceLebrity 16 July 2012 Monday | Vol.2 No.2
RECORDING LAMAH
SELENA GOMEZ
tOm CRUiSe leh hOlmeS
INTHEN CHU US ELLE COVER
VANG NGE?
Katie Holmes hmui tipawrh leh sexy deuha a han inpho lang chu a hot ber awm e a
taksa a lantir zauh zauh tlat ta mai.
US Elle cover-ah Mrs Tom Cruise lo ni tawh thin-i lem chu a chuang a. ABra lang
a, a bekthlak mawi tak a lantir a, an nupa kar boruak tha tawh lo a entirna a ni ngei ang.
An inthen hma thla ruk khan a pasal Cruise nen inthen an ngaihtuah thu a sawi chhuak
zauh tawh. Kum 33 mi, Dawsons Creek actress hian nun thara zuan luh thu a sawi tlat
a ni. Mahni chauha tal hi nuam ka ti zawk hle a ni, a ti.
Ka rilru pawh a tleirawl tha leh a, a sexy zawk daih. Kum 20 rual ang vel niin ka
inhria. Engkim hriat chaka i harhvang reng ang kha a ni mai, a ti a ni.
Ka nihna ka inhria a, ka thlen chin ka hria a, ka tum ka hria a, chung chu ka thlur
bing tawp tawh mai a ni, a ti bawk.
Katie Holmes hian a fanu, kum ruk mi Suri chu amah chauha enkawl a duh a, court
kaltlangin a dil mek a ni. A ria nalh hle a, jeans kekawr a ha a, kawr pawl leh serthlum
rawng a inbel bawk a, a fanu a awm a. Han en mai hian mahnia khawsak chu nuam
a tih hmel hle a ni.n
Kum liam ta chhung zawng khan Selena Gomez hian movies
lamah a hun te a khawh ral a, tunah zai lam a buaipui chho leh
tan dawn niin an sawi.
"Music lam buaipui lovin kum khat chuang meuh hun ka
hmang, Hotel Transylvania, Spring Breakers leh The Getaway
flm-ah te changin hun a hmang a, tunah chuan a album 4-na
tur a buaipui chho leh ta. A album tichhuak tur hian a bei ngawrh
chho viau dawn a ni awm e. A album-ah hian Justin Bieber lam
telna hla pawh a khung tel dawn bawk.n
T
hree Masketeers flm lanu Gabriella Wilde rim thluk tumin Prince Harry chu a phe vat vat mai' tih The Sun chuan a thai lang
leh ta tlat mai le. Huaisen takin a bel vel naa a la hlawhtling lo tlat a thiante sawi danin he kum 23 bawihi hian lalchhung-
kaw bialnu nih chu a huphurh ru a ni an ti tlat. Thu hre deuhte chuan, "Harry chu Gabriella fan tak tak a nia Harry chu ngaih
pawh a ngaina. Mahse 'Kate Middleton' ang nih ve kha a hlau a ni ber mai," an ti. "Kate-i bulhnaia englai pawha Kate-i thil
tih apiang lo mitmei rengtute avang hian Gabriella chuan a peih lo sa a ni," an ti bawk.
Actress ni bawk, model ni bawk he nula ropui tak hi a hming tak Gabriella Zanna Vanessa Anstruther-Gough-Calt-
horpe hian nikum khan The Three Musketeers Orlando Bloom khingpui Constance-ah a chang a ni. Doctor Who TV-ah
thisen zuk hmang angin a chang zo tawh a. Tunah tak chuan 1976-a chhuak, hlauhawm flm 'Carrie' an chan that leh
mekah a chang. Kum nga kal taa a bialnu Chelsy Davy nen an inthen hnu kha chuan Harry, 27, hian nula nalh tak tak
kawp a nei leh zut tawh a. Chung zingah chuan actress leh model Florence Brudenell-Bruce, 26, pawh a tel.
Thla hnih thum kal ta mai khan, Lal fapa nih hi a khawhar thlak chang a tam, a ti chhuak a. Tuna a lungkuaitu,
Hants, Basingstroke-a Gabriella hi mahnia lehkha zir thiam a ni a, businessman hausa tak John Austen fanu a ni.
Amah leh a laizawn Isabella, actress ni ve bawk chu Britain rama hmeichhe duhawm ber dawttu nih an hauh mek
bawk a ni. Gabriella chuan zak hmel deuh hlekin, "Khatiang list-a ka lo tel vena ringawt kha ka hre lo." "Ka
nau Isabella pawh a ni tho. Society thilah kan inrawlh lo teh asin." a ti a. "Party-naah kan tel ngai lova,
khawi club-ah mah kan teihawi ngai bawk si lo, mahnia awm ngaina deuh alawm kan nih," a ti zui
bawk. n

TAHANTIMES
|
9 entertAinment
TOP 10 BOXOFFICE
1 The Amazing Spider-Man $137M
2 Ted $120M
3 Brave $174M
4 Savages $16M
5 Magic Mike $73M
6 Madea's Witness Protection $46M
7 Madagascar 3 $196M
8 Katy Perry: Part of Me $10M
9 Moonrise Kingdom $27M
10 To Rome with Love $5M
TOP 10 MusIC alBuMs
1 Living Things Linkin Park
2 Overexposed Maroon 5
3 Believe Justin Bieber
4 Maybach Music Group Various Artists
5 Write Me Back R. Kelly
6 Welcome to Fishbowl Kenny Chesney
7 21 Adele
8 Up All Night One Direction
9 Looking 4 Myself Usher
10 Rock of Ages Soundtrack
Cameron Diaz, Sandra Bullock, Angelina Jolie, Charlize Theron, Julia
Roberts, Sarah Jessica Parker, Meryl Streep leh Jennifer Aniston te inanna
hlawm chu eng maw? Kristen Stewart aia hlawh tlem theuh an nihna hi.
A dik a ni. He actress kum 22 rual lek hian May 2012 thlenga chhiar
kum khat chhungin USD mtd 34.5 a thawk chhuak a. Nikuma a sang ber
Angelina chu palina-ah a paihthla ta a ni. Twilight tih leh Snow White
te hian Forbes magazine thlan, Hollywood-a sum la lut hnem ber ac-
tress dinhmunah a hlangkai a ni ber. Forbes LA bureau Chief Dorothy
Pomerantz chuan, "Star kaisang chak tak a ni. Ani tluka sum la lut
chak hi an la awm lo. Hetiang hi i hmuh duh ber chu a nih ka ring," a ti
a ni. "Tuna i hmuh hi naupang te a la ni a, actress hmingthang ber ni
tura tlarte zingah a chuang sang hle a ni," a ti bawk.
Cameron chuan Bad Teacher a hmingthanpui ve hle avangin USD
mtd 34-in pahnihna a hauh a. Sandra erawh chu The Blind Side a
lak hnu-ah a chawlh veng veng avangin USD mtd 25-in pathumna
a hawl pha a. Anglina thung chu tunah palina a ni a, USD mtd 20 a
fun hawng ve thung. Snow White and the Huntsman-ah te a chan
bakah Prometheus-ah a chan leh avangin Charlize chuan USD
mtd 18 la lutin pangana a thut bet ve thung.
Parukna chu Julia ta a ni ve leh a, Mirror Mirror-ah te a chang
a, USD mtd 16 a tel ve. Sarah thung chuan 'I Don't Know How
She Does It'-in USD mtd 15-in pasarihna a chang ve tawk. USD
mtd 12 vela pariatna ni mi pahnih an awm a, Meryl, 'The Iron
Lady' leh Bridesmaids star Kristen Wiig te an ni. A tawp berah
1990 chho vela TV-a actress hlawh hnem ber ni thin Jennifer a
ding ve thung a, a hnung ber tlarah USD mtd 11 paycheque a hum
ve ran a ni. Forbes hian an hlawh, hlep, a bang, fakna atanga an
sum lak luhte atangin list a siam a ni. Tichuan nikuma pathumna
hauhtu Reese Witherspoon chu list-ah a lang pha ve ta lo a ni.
Heng top actress-te hian belhkhawmin USD mtd 200 an thawk
chhuak a, Hollywood top ten mipa (actor) te erawh chuan belh
khawmin USD mtd 361 an tlin daih a.
Khaikhinin Hollywood-ah mipate chu hmeichhiaten an la khan
lo hle a ni. Pomenantz chuan actressten an hip tawk lo a ni ang
e, a ti duh a. "Hei hi chu a rei ka ring tawh lo. An la intluk tlang
chho thuai ang. Hollywood chauh ni lo, eng industry-ah pawh
hmeichhiaten an hlawh tlem zawk zel zawng a la ni," a ti.n
16 July 2012 Monday | Vol.2 No.2
Website: www.tahantimes.com
E-mail: tahantime@gmail.com
hOllOYwOOD ah kRiSten-i hlawh tam BeR
international english language proficiency
test preparation course
ETs
TOEFL
[PBT]
Cambridge
IELTS
Special class/Regular class

SaYa mICHaeL KHuPPI
IeLC, Tahan Times
'A' Group
xl;jcm;csuf
Test
Scoring system
Test section audio CD + Past paper
2012 TOEFL-610, IELTS-8.0
Test of Written English fullmark 6 5.5
Top Ten

trSwfaumif;&csif&if trSwfjrifhjrifh&xm;wJh q&mxH oif,lyg

The
TOEFL & IELTS
Specialist
PARIS JACKSON-IN A PA MICHAEL JACKSON A HRIAT RENG THU ZIAK
Rin loh taka Michael Jackson (MJ) a thihna kha kum
3 a lo tling reng tawh a. MJ-a fan-te hian an Twitter-ah
MJ-a an ngaih thu an ziak hlawm a. A fanu Paris Jackson
pawhin a pa a ngaih thu hi ama Twitter-ah mawi takin a
ziak, MJ hi King of Pop an ti hial thin.
Paris chuan, "RIP Michael Jackson...Ka pa duh tak,
ka thinlungah kum khuain i awm reng dawn, ka hmangaih
che," tiin a ziak a. A pain a nu bianga a kiss lai thlalak a
tar lang bawk. An thlalak hnuaiah 'Mommy and Dad tih
a ziak bawk.
A nu Debbie Rowe hi mi hriatah a nu angin an lantir
ngai lo. Kum 1999 khan Michael Jackson nen an inthen a. Debbie hian a fanu Paris leh a unau Prince Michael
te hnenah a chan pual (rights) zawng zawng pawh a lo hlan vek tawh a. Paris hian a pa hnung zuia zai lama
hlawhtlin a tum hle a. Movie star nih pawh a duh. n
K
atheryn Elizabeth Hudson
(Katy Perry) hi Santa Bar-
bara, California-ah Keith,
West Coast scenester leh
Mary Hudson (ne Perry)),
evangelist te inkarah October
ni 25, 1984 khan a piang a.
German, Portuguese, Irish leh
English thlahpawlh a ni. Pas-
tor nupa te fa pahnihna a ni a,
u hmeichhia Angela Hudson
leh nau mipa David Hudson
te a nei. Perry hian a nu leh
pa-te rawngbawlna puiin kum
9 atanga kum 17 a nih thleng
biak inah a zai thin. Gospel
music chauh a ngaithla thin
a, a nu sawi dan taka "secu-
lar music" chu ngaihthlak
phal a ni lo. Kum 15 a nihin
Nashville lama rock musician
hovin biak ina a zai chu hriain
Nashville lamah an hruai ta a.
Nashville-ah chuan hla phuah
dan leh guitar perh dan te an
zirtir chho zel a. Katy Hudson
tih hming puin, album hminga
ama hming chawina Gospel-
rock album pakhat chu 2001
kumah a release a. Mahse
chu album chu a hlawhtling
ta lo. "Katy Hudson" tih chu
actress Kate Hudson-i hming
nen a inhnaih em avangin a
hnu deuhah a surname atan a
nu maiden name Perry chu a
la a, Katy Perry tiin a hming a
thlak ta a ni.
200709: One of the Boys
vanga hlawhtlinna
A studio album pahnihna,
One of the Boys tana thawk
ho turin 2007 kum tir lam
khan Perry chuan Capitol Mu-
sic Group chu a sign pui ta a.
One of the Boys chu June ni
17, 2008 kumah an release
a. Chu album chu Billboard
200-a pakuana a han ni a.
He album-a single pa-
khat, "I Kissed a Girl",
chu a hlawhtling hle a,
Bi l l board
Hot 100-ah chawlhkar sarih
chhung pakhatna a ni. Sin-
gle pahnihna, "Hot n Cold",
pawh chu Billboard Hot 100-
ah pathumna a ni bawk. "I
Kissed a Girl" chuan Perry
chu 2009 Grammy Awards
tan Best Female Pop Vocal
Performance-ah nomination
a hmuh tir a. Perry chu 2008
MTV Video Music Awards
tan Best New Artist leh Best
Female Video te telin, cat-
egory panga-ah nominate a
ni bawk. 2008 MTV Europe
Music Awards semna-ah Best
New Act Award a dawng a,
2009 BRIT Awards semna-
ah Best International Female
Artist Award a dawng bawk. "I
Kissed a Girl" leh "Hot n Cold"
te chu digital copy maktaduai
thum chuang ve ve hralh an ni.
2010present: Teenage
Dream leh The Complete
Confection
May 2010 khan Perry
chuan a album thara tel tur
single, "California Gurls" chu
a release a. Chu single chu
Billboard Hot 100-ah chawl-
hkar ruk chhung, a zawnin
pakhatna a ni. July 2010-ah
Perry chuan a single pah-
nihna, "Teenage Dream", chu
a release leh a, Billboard
Hot 100-ah chawlhkar hnih
chhung, a zawnin pakhatna a
ni leh ta a. August ni 9-a 2010
Teen Choice Awards sem-
naah awards
pahnih a
atan a thlang a. January ni 11,
2012-ah Perry chuan People's
Choice Awards vawi 38 sem-
naah award panga a dawng.
Teenage Dream chu March
ni 27, 2012 khan Teenage
Dream: The Complete Con-
fection tia hming thlakin an re-
lease nawn leh a. Chu albuma
tel tur single pakhat, "Part of
Me", chu February ni 13, 2012
khan an release a, Billboard
Hot 100-ah pakhatna a ni leh
tawh bawk.
artistry
Perry-i vocal range hi con-
tralto a ni. Perry-i ngaihsan
zingah hian Alanis Morissette,
Cyndi Lauper, Pat Benatar,
Joan Jett, Shirley Manson, leh
Freddie Mercury (British band
Queen frontman) te an tel.
Mercury la dam se, a pian-
cham vawi 65-na ni tura Per-
ry-in amah chawimawina thu
a ziahin heti hian a ziak tel;
"Nang chu lo awmlo la, tuna
ka nih tur ang hi ka ni lo vang
a, rimawi hi ka buai pui hek lo
vang. I hlathu te
hian kum 15 ka
nih
atang khan ka thlarau a lo
chawm tawh thin.
Perry-i nu chuan Daily Mail
hnenah a fanu hla te chu a
ngei thu a sawi a, zahpui
awm leh tenawm tiin a sawi
hial. A hla "Ur So Gay" leh "I
Kissed a Girl" te chu sakhaw
lam leh tuai lamin an do nasa
hle.
mimal nun
Perry-i hi Travie McCoy nen
an lo inzui tawh thin a, De-
cember 2008-ah an inthen a;
Matt Thiessen nen an inzui
leh a, chumi hnuah British co-
median Russell Brand nen an
inzui leh.
Perry leh Brand te hi Sep-
tember 2009 atangin an inzui
tan a. He mite hian Decem-
ber 2009 khan, India an zin
tumin inhualna an nei a. Perry
leh Brand te hi October ni 23,
2010 khan an innei.
Thla 14 an inneih hnu,
December ni 30, 2011 khan
Brand chuan Los Angeles
court pakhatah inthen dilna
a fle lut a. Sum lam chun-
gchanga inremna an neih fel
hnuin February 2012 khan
inthen chu phal sak an ni ta.
Amaherawhchu, Califor-
nia dan anga thla ruk
an nghah hnu, July
2012-ah chauh
an inthenna chu
nemngheh tak
tak a ni ang.
n
dawng.
Perry-i studio album
pathumna, Teenage Dream
chu August 2010 kumah an
release a, chawlhkar khat
chhunga copy 192,000 hralh
chhuakin US Billboard 200
chart-ah pakhatna a ni. Chu
album chu U.S-ah copy mak-
taduai 2 chuang an hralh.
Chu album-a single pa-
khat, "Firework", chu Bill-
board Hot 100-ah chawlhkar
li chhung pakhatna a ni a.
Single dang leh, "E.T.", chu
Billboard Hot 100-ah chawl-
hkar nga chhung pakhatna a
ni bawk a. "E.T." chu May ni
12, 2011 kuma Billboard Hot
100 zinga pakhatna a nih chi-
ah atangin Perry hi Billboard
Hot 100 list-a top 10 zingah
chawlhkar 52 chhung awm
thei artist hmasa ber a ni ta a
ni. Hetah hian a la tawp mai
lo lehnghal! A single dang leh,
"Last Friday Night (T.G.I.F.)"
chu Billboard Hot 100-ah
pakhatna a ni leh a. Album
pakhata number one ni thei,
single panga nei hmeichhe
hmasa ber leh artist pah-
nihna a ni ta (Michael
Jackson-a Bad albu-
min hetiang dinhmun
hi a lo tawng tawh).
2011 MTV Video Music
Awards atan nomination
sawm a hmu a, pathum
a dawng. Chung te chu;
"Firework" tan Video of
the Year, "E.T." tan Best
Collaboration leh Best
Special Effects te an ni.
October 2011 kumah sin-
gle parukna, "The One
That Got Away" a release
leh a, Hot 100-ah pathum-
na a ni. December ni 15,
2011-ah Perry chu MTV-
in Artist of the Year
10
|
TAHANTIMES
People 16 July 2012 Monday | Vol.2 No.2
TAHANTIMES
|
11
16 July 2012 Monday | Vol.2 No.2
KHAWVELIN MYANMAR A THLIR NI
PersPective
B
angkok airport atanga km 9891-a
hla Oslo airport panin darkar 12
meuh chawl lova kan thlawh hnu
chuan, Europe khawmual chung
feet singthuma sanga thlawk kan
thlawhna chu a thlawk hniam tan ta
duai duai a. Tukverh zar ka han keu
a, ram ngaw hring hlir mit tlin tawk
a lo inpharh duai mai ka'n hmu a,
Norway kan hnaih ta tih ka hre ta
a. Rei lo te-ah Oslo airport pawh
thing, buk tak tak karah a lo lang ta
uar a.
Norway nipui lai an ti naa kei
Myanmar mi tan chuan Shan ram
thlasik lai ang vel a ni. Thal lai tih
takah airport building chu an tilum
tawh lova, a dai viau naa airport-a
hnathawktute erawh chuan nui hlim
hmelin min lo lawm hlawm a.
Airport ka'n lut a, ka hma-
chhawn hmasak ber chu Immigra-
tion offcer a ni a. Ani chuan ka
passport chu a'n en a, 'Myanmar'
tiin a phun ri sep a, min nuih seih
a. "Aung San Suu Kyi pawh a lo
kal dawn," a'n tizui nghal a. Ka rilru
chuan Myanmar te min ngaihsak
ve hle mai ka ti a. Airport chu a
sei zawnga sak a nih avangin zan
khuaa thlawhna chuang kan rawl
tehlul nen bungraw tlanna panin
rawl reh rawih hnu-a rawl nawn leh
khawpa kal a ngai a. Custom lam
chu inzar buai a awm lo reng reng,
nuiin kan inchibai a, chu zawng
chu. Airport atangin special rail kan
chuang a, Yangon kan chhuahsan
atanga darkar 20 velah chuan ka
thlen chak em em Norway ram Oslo
khua chu ka thleng ta hlawl mai a ni.
Oslo Rail Station pui atang
chuan ka thlenna tur hotel panin lei
hnuai rail chuan a ngai a. Passenger
luh chhuahna bula chanchinbu leh
lehkhabu zawrhna dawr ka hmuhah
chuan Norway magazine pakhat
kawmah Daw Aung San Suu Kyi
lem ziah an lo hmang a. Lemziah-
ah chuan Daw Aung San Suu Kyi
chu thlamuan hmel takin a lang a,
rilru nghet tak, tum ruh tak a nihzia
pawh lang turin a ziaktu hian a thai
thiam a ni. Daw Aung San Suu Kyi
inthuamna rawng hring leh a back-
ground rawng sen chu a inchawih
hle mai bawk. Ram dang daih maia
Myanmar ram hruaitu hmingthang
tak lem chuti anga ka'n hmu thut
mai chu ka ke pen lai pawh ding
chat khawpin ka rilru a kuai peng
hman a.
Amaherawh chu, hetih laia ka
rilru a khawih dan hi June ni 15-ah
Oslo-a 'THE GRAND HOTEL'-a lo
thleng Daw Aung San Suu Kyi lo
hmuaktu mipui zozai ka hmuha ka
rilru a khawih dan nen chuan khai-
khin tham pawh a lo ni lo thung.
Chumi ni chuan ni a chhuak a, van
chu a pawl thiang hle mai a, khua
vel chu a eng nuam em em mai a ni.
Chuti anga mak tak maia khua a
en nawm lai chuan Norway mite leh
ram dang khualte chuan Daw Aung
San Suu Kyi chu an lo lawm nasat
em avangin GRAND HOTEL leh
Norway Parliament inkar par huan
chu zing tak atangin mipui an lun hle
mai a.
Daw Aung San Suu Kyi tlai dar
5:00-ah a thleng chauh dawn tia
hriatir lawk pawhin tlai dar 3:00 pel
hret atang chuan mipui an tlim hmur
tawh a ni. Myanmar form-a inthuam,
Taing-yin-tha form-a inchei an kat
nuk a, khawvel media mite lah
awmna inchuh, innek luih luih ngai
khawpin an thahnem.
A hma hruaitu motor cycle pa-
hnih leh Daw Aung San Suu Kyi
chuanna mawtawr rual an lo kawi
lut chiah chu, 'Myanmar' 'Nu Suuh,'
'Daw Aung San Suu Kyi' tih rite chu
a khawk rum rum mai a ni. Mawtawr
atanga Daw Aung San Suu Kyi rawn
chhuak chuan hotel lam pan mai
lovin amah lo hmuaktu mipui lam a
han pan chat nghal chu ram dang
mi, mipuite pawh amah lo chibai
tumin an innek nasa mai. He hun,
rilru khawih taka tap hi Myanmar-
ho chauh an ni lo. Foreign mi tam
tak pawh an mittui a parawl kuang
hlawm a ni. Nufa rei tak inthen in-
hmu leh ang an ni hlawm a, mittui a
tling piau hlawm mai a ni.
Mipui zinga ding ve reng kei leh
Japan chanchinbu mite hnunga Af-
rica nula pakhat chu, "AUNG SAN
SUU KYI, KAN HMANGAIH CHE"
tiin chawl lo hian a au nawn a au
nawn mai bawk a. A hnu-a kan han
zawh chian chuan Ethiopia atanga lo
kal hi a lo ni a. A nunah a mi ngaih-
san berte chu 'Nelson Mandella'
leh 'Daw Aung San Suu Kyi' te an
nih thu, ral thuam chelek lova hmel-
mate beia remna siamtu an nih ve ve
bakah Daw Aung San Suu Kyi chu a
hmeichhepui a nih avanga a ngainat
zual thu' a'n sawi laite chuan a mittui
a tling piau mai a ni.
Daw Aung San Suu Kyi Oslo a
thlen ni khan tur nipui chuan a lo
hmuak tawh a. A tuk, Nobel Peace
Prize hlan ni turah erawh chuan
'khuang ruah' lam a che ve thung.
Mahse 'a si te te' chauhin a thawk
a. Chawimawina hlanna tur City Hall
bul velah chuan mipui an khat tlat
tho mai.
Khawvela 'hun hmang dik lu-
tuk' tia hmingthang hnam tih takah
a taka Norway-ho chet chhuah dan
ka'n hmu chu ka ngaisang zual lo
thei lo. 12:40 chiah chiahah Norway
Prime Minister mawtawr chu Hall
kawt a thleng chat a. Carpet sen
an phah hrul, an phah lohna laiah
a lawn chho a. 12:45 chiahah kum
za lai an lo tih thin ang ngeiin Oslo
city Darpui an vua a. Chutih rual
chiah chuan Daw Aung San Suu
Kyi phurtu leh mawtawr dang rual
chu an lo lut ve nghal a ni. Darpui
chuan chawimawina ri nen a lo lawm
mek reng lai chuan Hall luhna carpet
sen bul tak maiah mawtawr a lo ding
chaih a, Daw Aung San Suu Kyi a
rawn chhuak zan mai ka'n hmu chu
ka thin a phu nasa-in ka hnuk a ulh
thut bawk a, thla lakna chang pawh
ka hre ta lo hial a ni.
Kha hun hlu danglam tak, tim ur
urna khawp boruakin mi a tuam lai
khan rilru chawk tho tak dar ri a lo ri val
val reng bawk a. Chutih lai taka bawk-
bawn rawng pawl Myanmar thuama
inhmeh deuh maia inchei Daw Aung
San Suu Kyi han hmuh kha chu a hmu
apiang kha keimah ang thovin an ka
ho theuh ve ngei ang le.
A hma lawk carpet sen inphah
lam pana a pen chhuah hma, Nor-
way Foreign Minister, amah hruaitu
tur a han nghak lawk, ding lam a han
hawi zawk lai thla chu ka lo la hman
zauh a, chumi tuka ruah sur kara ka lo
nghah man a awm lehzual ta a ni. Ka
hmaa pitar chuan, "Ka dam chhunga
a vawi khatna," a lo ti sap a. Carpet
sen phah chung ngeia Daw Aung San
Suu Kyi zawi muanga a kal chho lai lo
hmuh chu Myanmar mi tan mai ni lo,
a hmuna awm khawvel hmun danga
mite tan pawh rilru a deh dan sawi
chhuah thiam a har viau ngei ang le. A
bik takin Daw Aung San Suu Kyi Hall-
a a luh thleng chawl lova dar a lo ri
val val reng mai pawh kha a ropui mai
bakah thil dangdai tak a ni ngei mai.
Nobel Peace Prize chawimawina
hlan hi December thlaa buatsaih thin
a ni naa kumin erawh chu Daw Aung
San Suu Kyi chawimawi nan bik June
thlaa buatsaih a ni a. Mi pakhat tan a
bika an buatsaih nawn tum khatna a
ni. Hun tan dawn minute 10-ah Nor-
way lal leh lalnuten thuthmun an rem
hmasa a, tichuan a tahtawlin hun chu
hman a ni. Heng zawng zawng hi
Norway TV NRK chuan 'live'-in a ti-
chhuak reng a. City Hall atanga hla
vak lo, NOBEL PEACE CENTER
kawtah pawh mipui en theih turin TV
screen hlai pui mai hian an tilang reng
bawk a. Ruah a sur cherh cherh naa a
bul atangin a tawp thleng an thlir tluan
thak hlawm a ni. Daw Aung San Suu
Kyi thuchah sawi zawha ding meuha
Norway lal leh lalnu-in kut benga an
han lawm kan hmu kha chuan No-
bel Peace Prize hlut leh ropuizia min
hriattir nawn a, ka thin a phu dep dep
mai a ni.
Kha minute 40 chhung inkhawm
buatsaihtu Norway te kha khawvelah
an va ropui em! Inpekna satliah leh
hratlaka beiha neih mai theih ni hauh
lo, Nobel Peace Prize hlut leh ropui-
zia hi khawvelin a zah a, a hre chiang
a. Nobel Peace Prize dawngtute thin-
lung, sawifah hleih theih loh khawpa
ropui chu khawvel hian a ngaisang
a ni. Myanmar hnam Daw Aung San
Suu Kyi ngei mai Nobel Peace Price
hlanna inkhawm, a hmuna tela kan
hmuh ni tluka Myanmar nih ka in-
chhuan ni kha a la awm lo kan ti teh
ang.. Myanmar ka nih hriain min rawn
chibai sup sup hlawm bawk nen. Ka
hlimna ka lawmna a sang lutuk chu
ka thinlung ril tak atangin thu a lo kal
ringawt. "Khawvelin Myanmar a Thlir
Ni" tih hi.n
eDITOr
12
|
TAHANTIMES
RAWLTHARTE
DAWT SAWI CHIN HUN
article 16 July 2012 Monday | Vol.2 No.2
R
awltharte hi dawt sawi thiam vek
an ni. Thil mak a ni lem lo. Dawt
sawi chu kan thiam theuh. Mi dang-
te rilru nawm zawk nan dawt kan
sawi tlangpui. A chang chuan miin
min ngaihsan kan beisei vang te,
kan chapo uan duh vang te, har-
satna kan tawha tal chhuah nan te
dawt kan sawi thin. Mahni tana tha
tur ngaihtuahin kan daw zeuh zeuh
a ni ber. Rawltharte pawh hi hetiang
tho an ni ve.
Nu leh pa te duh dan kalh nan
dawtte an sawi ve thin. Mahse
tleirawlte hian puitling tluk em
chuan dawt an chhak chhuak hnem
lo. A tlangpui thu-in thil tha zawk
beisei vanga dawt sawi an ni duh.
Rawltharte hian an mimal
chance, mimal hun khawih buai an
hlauh vang te, nu leh pate an chung-
ah an lungawi lovang tih an hlauh
chang te, nu leh pate leh an inkarah
inhriatthiam lohna thlen an hlauh
chang te-in dawt an sawi thin bawk.
Keimahni ngei pawhin kan
tana rah tha a chhuah beisei vang
emaw, ngaih dan duh dan inang lo
pumpelh nan chhuanlam phuah-
chawp siamin dawt kan sawi thin
kha.
Dawt sawi hi thil sual ti angin kan
pawm tlangpui a. Mahse a hun leh
a thu azirin ngaihthiam theih chin a
awm a ngai. Rawltharte dawt sawi-
ah hian a phenah chhan tha tak a
inphum thei tih hriat a pawimawh.
Rawltharte hian hriat thiam tum
hmasak an mamawh a. An dawt sawi
chhan kan hriat chhuah a pawimawh
a ni.
Itsikna, mahni induh tawk lohna,
thinrimna, nu leh pate ngaihsak
hlawh lohna, nu leh pate inthen
vangte a lo ni reng thei a. Ngaih-
sak hlawh duh vang, hrem pumpelh
duh vang leh mite ngaihsan hlawh
duh vang tihte hi dawt kan sawi
thin chhan bulthut a ni duh a, a
pawimawh a, chik chian a tul.
Rawlthar kan tihte hi naupang
nun paltlang hlim an ni a. Nu leh
pate nen awm dunho a tlem tial tial
a, rualpui rawltharte nen hun an
hmang tam hret hret bawk a, an ril-
ru vei zawng engkim an inhrilhtawn
thin bawk a.
An thiante nen hun an hmang
tam tial tial a, nu leh pate duh loh
zawng nia an hriate chu nu leh pate
hriat loha tih an rawn ching tan a. An
ngaihtuahna te a lo puitlin chhoh zel
avangin nungchang pawh mahnia
inenkawl, mahnia inthununna rilru,
mahnia mawh lakna rilrute an rawn
nei tam tial tial bawk. An rilru a vak
nasa thei em em a, an rilru an kawm
vel a, nuam an ti thin em em a ni.
An ngaihtuah dante chu nu leh
pate ngaihtuah dan nen inang lo nia
hriatna an lo nei tan a, nu leh paten
anmahni an enkawl danah ngaihdan
dang an lo nei tan ta thin a.
Chutianga an rilru a kal chak telh
telh avang chuan mi dang lak atang
pawhin ngaihdan tha, ngaihdan thar-
lam leh danglam deuhte an beisei ru
tlat thin a. Tichuan mawhphurhna
awmzia te an hrethiam ve telh telh
a, mi chhan let (response) dante an
thiam chho tial tial a, thil thenkhatah
phei chuan dawt an sawi thiam viau
tawh mai a ni.
Chuvangin rawlthar i kawl ve a,
dawt sawi a thiam tan ve viau taa
i hria a nih chuan chu chu hma-
chhawn dan tur thurawn tlem ka pe
duh che a ni.
I rilru han sawm khawm la. I duh
dan leh a duh dan chu han ngaih-
tuah chiang vang vang phawt rawh.
I duh dan leh i faten an dawn-
sawn dan tura i beisei chu ngaihtuah
neuh neuh phawt rawh. Entir nan i
fa chuan mi ngaihsan a hlawh theih
nan dawt a lo sawi mai thin a, chu-
tianga a tih mai chuan a duh danin
thil a kal tak tak dawn chuang lo tih
zirtir i lo duh ta a.
"Bawihi, i thiante hnenah dawt
i sawi tih ka hria. I thianten i dawt
sawi an hriat chhuah huna an hmusit
tur che hi ka lo lungngai lawk a," tih
te, "I thu sawi khan a nghawng dan
tur i ngaihtuah chiang tawh em?" ti
te-a i hrilh a tha ang.
I fapa-in a thil tihsual thup nan
bum che a tum a nih chuan, 'dawt
eDITOr
sawi chu a tan a that loh zawk zia leh
thu dik tak sawi mai a zia zawk daih
thu' hrilh a tha ngei ang.
"Bawiha, dawt min hrilh avang-
a ka rilru nat turzia hi engah nge i
ngaihtuah loh? Dawt i sawi khan i
rilru-ah engtin nge a awm? Khatia
thu dik lo i hrilh avang khan mi tan
a pawi thui dan tur i hria em?" tih
ang chi, dawt sawi hi thil sual a ni
tih a ngaihtuah chhuah theihna tura
kawng kawh hmuh zawnga sawi a
tul.
Kum sawm an pelh chhoh lai
vel hi titi pui hun tak a ni. Dikna te,
rinawmna te leh nun ngil pangngai
awmzia te sawi pui fo a tul hle.
"Bawihi, dawt i sawi thin a nih
chuan mahni i inenkawl thei tak tak
rih lovah ka ngai che a. Ka hriat tur
chi, ka hriat awm chi zawng zawng
min hrilh loh chuan i tan engmah ka
tihsak taktak thei dawn lo che asin,"
ti te-in a hriat fah theih nan hrilh tha
rawh.
Dikna te, rinawmna te hi mite
nena kan inkara min phuar nghettu
a ni a, a pawimawh tak tak a ni tih hi
hrilh hre rawh. Fiahfel takin dikna leh
rinawmnate hian kori a tu tak tak a
ni tih a pawm ngei ngei turin fah ang
che.
Mahse, thil pawimawh deuh mai
chu an dawnsawn theih tawk hriat
thiam tum thung ang che. Inhnial leh
sawiho a tul chang pawhin inhawng
taka i awm thiam a pawimawh ang.
Amahah rinna i nghat a, amah chu i
ring tawk a ni tih a hriat a ngai.
I fate nen thu in sawi tlan hnu-ah
i dan leh dun zamte chu sawhsawn
nghal a ngai kher lo. Mahse an thu
sawi chu uluk deuhin ngaihthlak-
sak rawh. An chhuanlam te pawh
hriat chianpui ngei turin beng chhiin
ngaithla ang che. Tichuan in inkara
inrem theih dan tur kawng i zawng
ang a. Dawt sawi a lo nei a nih pawhin
a sawi chhan, a bul a bal hriat thiam
tum hmasa ang che. Chumi hnu-ah
chauh a chinfel dan tur i ngaihtuah
dawn nia. Engtik lai chiah khan nge
thu dik lo a sawi a, tunge a tihder a,
eng vang nge tihte hriat chhuah tum
phawt ang che.
In chhung khurah thu dik tak sawi
tur leh sawi chhuak ngam tura boruak
siam thiam hi a pawimawh khawp mai.
Dawt a lo sawi avanga i hmangaihna
kiam ta deuh mai tura a ngaihnate chu
a nih lohzia i sawifah a tul. Thu dik a
sawi duh nan tanpui la. Dawt a sawi
i hriat avanga pawi i tih thu, i rilru a
khawih thu hrilh zawk rawh. Chu chu
tilang ngei ngei rawh.
Chutih rual chuan ama lam inlam-
let emaw, inpuang duh emaw anga a
lan chuan hlim taka dawnsawn i tum-
zia i tihlan nghal a pawimawh hle tih
hriat a tha.
Tleirawlte hi an rilru ngaihtuahna
a thang chak em em a, pawn lam
khawvel leh mihring nihphungte an
thlingthla thiam ve tial tial a. Chuvang-
in nangmah ngei pawh felfai thei ang
bera i awm a tul takzet a ni.
I fate nena thu in sawiho, in inkawm
reng rengin nelawm tak, inhawng taka
i awm a tul hle kan ti tawh a. I fate chu
awlsam taka dawt sawi an thiam hle
tawh a nih a, thil pawi lian tham pawha
dawt sawi an hreh lo hle tawh a nih
chuan rilru lam daktawr i panpui vat a
tul ngei ang.
A tawpna atan. He khawvelah hian
thil reng reng hi a tha leh a chhia a kal
dun reng thin a. Rawltharte nun pawh
hi a chhia leh a tha hian a deng reng
a ni. Keimahni ngei pawhin heng rawl-
tharte nun hi kan lo paltlang tawh a ni
a, dawt sawi changte pawh kan lo neih
ve tawh tho kha. Chu chu hre reng tho
ila. Kan faten dawt sawi an zir ve a
nih pawhin a enga mah hmaa hlauh
thawn chiam tur a ni lo va, hrem chiam
tum mai tur pawh a ni lo. A chunga kan
sawi tak ang khian thin nel takin siam
that dan kawng zawn tur a ni zawk.
Thu pawimawh deuh kan hriat tur
chu, 'rawltharte hi an rilru a no hle a ni'
tih hi a ni. An dawt lo sawi emaw, pawi
lo khawih emaw kha an nun pumpui
tana hminghliauna rapthlak tak angah
an ngai ang tih hi venthawn a ngai.
Chutianga an ngaih loh nan nu leh
paten mawh kan phur a, kawng tha
leh dik an zawh theih nan kan tanpui-
na an mamawh hle a ni.
n
Rawlthar kan tihte hi
naupang nun paltlang
hlim an ni a. Nu leh
pate nen awm dunho
a tlem tial tial a...
In chhung khurah thu
dik tak sawi tur leh sawi
chhuak ngam tura boruak
siam thiam hi a pawimawh
khawp mai.
TAHANTIMES
|
13
Health
16 July 2012 Monday | Vol.2 No.2
KUT TIN ZUAH TE TAN
TIN HNAWIHSEN A KAI REI THEIH NAN

Kut tin kan hnawih sen dawn chuan a daih
rei nan leh a tlo nan kan kut tin chu a thiang
hlim tawk a tul. Kut tin thianghlim leh mawi
taka tin hnawihsen kan hnawih chuan a
rualin a dak a, a rawng pawh a mawi bik a
ni. Chu vangin tin hnawihsen hnawih hma-
in kan kut chu sahbawn hmanga uluk taka
sil phawta hul taka hruk hmasak tur a ni.
Kut tin hnawihsen thiah dan
Tin hnawihsen tihfai i tum a, a la kai fo a
nih chuan lapua fai them hnawihsen thiah-
na hloin i tihuh anga chu chuan i tin chu i hru ang. A zawhah kut hnawih chi
lotion chi khat khat i inchulh leh ang.
Tin hnawihsen i hnawih nawn leh dawn chuan
A tihtletna nail polish i tinah i hnawih phawt anga minute hnih vel hnu, a
ro hunah i rawng duh duh i hnawih leh ang. Minute hnih vel i chiah leh phawt
ang a, a hil ro ta tihah nail polish-in i thual nawn leh ang.
Kut tin seh ching suh
Kut tin seh ching an awm thin. Kut tin a chhe duh a, tin hnawihsen rawng
pawh a reh duh. Chu vangin sim vata thil chin tha chi danga thlak tum la a
tha.
a rawng dal dal
Jelly ang deuha rawng dal, serthlum rawng leh a pawl dal te hian kut tin
a tinalh duh a, chu bakah hnawih a samkhai. Hnawih atanga second 30 vel
lekah a hil ro nghal mai a, kar hnih lai a daih thin bawk.
Kut tin lem i vuah dawn chuan
Kut tin lem i vuah dawn chuan a rawng tak tak hmang la, i kutin mi mit a
la bik ang. A sen, a hring leh a pawl tak ang chi rawng tak lam hmang la a tha.
Rawng tak hman hian a lem hmang tih a hriat loh deuh a, a tak ang maiin a
mawi a ni.n
CHINI EI TAM LEH THLUAK MUANG
Chini ei tam lutuk hian thluak a tichak lo thei a ni
tih US Scientist-ten an puang. Heng mithiamte
hian fructose tel tam deuh vaimim tui, sazu an
intir ngat ngat hnu-ah sazu-in a thluak chakna a
hloh hret hret dan atangin he thu hi an zir chhuak
a, May 15 ni khan an puangzar ta a ni.
Los Angeles-a University of California Re-
searchers (UCLA) te chuan Sazu ho hnihah an
then a, fructose tel tam deuh vaimim tui chu an
tui in turah an pawlhsak a, kar ruk chhung an intir
a ni.
Sazu ho khat chu thluak tichak thei omega-3
fatty acid telna faxseed oil leh docosalexaenoic acid (DHA) an pe a, ho
dang erawh chu an pe ve lo va. Chini tui an pek hma hian sazute chu
kawng inthelh bo awl em em kikawi deuh deuha siam hnawk em emah
ni nga chhung training an pe a. He mi hnu hian chawlhkar ruk chhung
chini thlum tui an rintir leh a, tichuan sazute chu nichina kan sawi,
kawng inthelh tam tak awmna 'maze'-ah an chhuah leh a, an han chik
a. DHA tel eiin pek loh sazute chu an insulin a tlahniam bawk a. Insulin
hi hormone chi khat a ni a, blood sugar leh thluak hnathawh a thunun
thin. "Insulin hian thluak-thisen a fan vek theih avangin thluaka neu-
trons-te a signal a, zirna tlahniam zawng leh hriatrengna bo zawngin
thil a thlen thei thin." Tawngkam danga kan sawi chuan 'fructose' ei
hnem lutuk hian insulin thiltihtheihna, cell-in sugar (chini) an hman leh
an khawl dan turte a tibuai zo va, sugar te hi kan rilru ngaihtuahna lam
tana thil tangkai tak an ni si a ni.
"Insulin hi kan taksaa blood sugar thununtu ber a ni a, a tangkai hle
a. Thluak lam tan erawh chuan a hnathawh dan a danglam a, insulin hi
'hriatrengna' leh 'zirthiamna' tibuaitu a ni thei tlat," Gomez Pinilla chuan
a ti. "Kan hriat thar chu fructose tel tam ei-in te hian, 'thluak a tichhia a,
taksa tan pawh a tha lo,' tih hi a ni," a ti. "Kan thil hmuchhuah chu i thil
eiin i ngaihtuahna a siam," tih a ni ber Gomez Pinilla chuan a ti a.
"Fructose (thlum) tel tamna ei-in rei tak i ei chuan i thluakin thil thar
a zir theihna leh a hriatreng theihna a hloh deuh ang. Mahse Omega-3
fatty acids i ei tel ziah erawh chuan a tichhe nep deuh ang," tih a ni ber.
Heng thu hi Journal of Physiology-ah an tarlang a ni.n
TAHANTIMES
|
13 12 May 2012 Saturday | Vol.1 No.22
tdrfaqmufypnf;a&mif;0,fa&;
In sakna bungraw chi hrang hrang
1. Rangva a chhah leh a pan 6'-12', Plain Sheet () 8'-80'
2. Perek chikim, Rangva prek leh Washer
3. AAA cement buk tling//
4. (Thirzai)/Thir tlawn - - -
rate dik takin kan zuar e.
Duhsak taka min rawn dawr ve turin mi zawng zawng kan ngen a che u.
aDDreSS:Pu Thangdailova & Pi Zarzoliani
/ Ph: 073-21451
14
|
TAHANTIMES
TAHAN CHRISTIAN YOUTH FELLOWSHIP-IN
ZIRLAI TITHA CHAWIMAWI
Tahan Christian Youth Fellowship (TCYF) chuan kum tina a tih thin, rawngbawlna
pawimawh taka a ngaih Zirlai Titha Chawimawina inkhawm chu July 5, Ningani zan
khan Mission Unit MYA Chapel-ah a buatsaih a. Kum dang zawng aiin inkhawm
pawh an tha. An chawimawite chu Matric pass mi 63, secular degree la mi 52 leh
Bible lama degree la mi 40-te an ni a. An zavai hian mi 155 an ni. Pek hmaih mi 6-7
vel an la awm cheu bawk. Chawimawina atan hian Certifcate mawi tak hlan a ni. Kal
khawm an thahnem a, mipui zai pawh a tha, solo hlei hleite an thiam. Engkim a kal
fel vel vek niin TCYF Secretary Tv. Ramthangzauva hnen atangin thu kan dawng.
TCYF hi kum 1975 khan din tan a ni a, Tahana kohhran hrang hrang thalai in-
suihkhawm pawl a ni. Dan fel tak leh tum nghet tak neiin an kal a. Fellowship entawn
tlak an tling. Combine Service te, Sport Festival te, Icon (zai intihsiak) te, Zirlai Titha
Chawimawi te, chawnghei tawngtai leh tlaivar tawngtai te hi a rawngbawl dan tlang-
pui a ni a. Chrismas hmuah inkhawm a buatsaihnaah matric pass titha zual hnenah
Piangthula Award a hlan thin bawk.n
MIZO STUDENT FELLOWSHIP (MSF)-IN
EDUCATION SEMINAR BUATSAIH
Nikum lama an lo tih tawh angin MSF (Kalay
University) chuan July 7 khan Mission Unit MYA
Chapel-ah Education Seminar a buatsaih a, kal
khawm pawh an thahnem hle.
Seminar-ah hian Sagain Region Electrical
& Industry Minister U Kyaw Win a rawn tel thei
hlauh a, zirlai, nu leh pate leh khawtlang hruai-
tute hnenah thuchah a sawi. Minister hi tunlai
hian Tuihang hydel Power khawl (Zee chaung)
tui dahkhawlna thenfai hna kal mek vilvengin
leh hna pawimawh dang thawkin Kalaymyo-a a
cham lai a ni a, zirlaite infuih tawnna ni bawk he
seminar hi a rawn hmanpui zawk a ni. Minister hi
Sagain Region Hluttaw palai U Khin Maung Than pawhin a tawiawm a. Chu bakah
Kalay District Administrator U Nyi Nyi Thwe leh Kalay Township Administrator te
pawh an lo kal thei a, anni pahnih hian thuchah tawi an sawi ve ve bawk a ni.
He Seminar-ah hian kumina matric pass-te leh an chhungte kohkhawm an ni
a. Subject tha tak tak ngaihthlak a nih bakah College an luh huna major an lak dan
turte hrilhfah an ni a. Thupui sawitute hi mithiam tak tak an ni bawk a, a kalkhawm-
ten an hlawhkpuizia an sawi a. Tukthuan tuihnai tak buatsaih a ni a. MSF hruaitute
an fakawm hle a ni.n
local news
tUnlai tahan BORUak
J
uly thla laihawl kan thleng chho tan a. Ruah sur duh hun tak
ni thin kha ruah a sur duh ta vak lo. Khua a lumin a uap deuh
churh mai. Zan lamah pawh mutthilh a har thei hle. Leiletpa tan
pawh ruah a sur that loh em avangin chet a har deuh niin a lang.
Euro 2012 a zo va, football titi pawh a reh deuh ta duak mai.
Club lian leh hausaten player thar an lei tan a, rim mek pawh an
awm. He boruak hian Tahana football ngainatute a hip khawp
mai. Ran talh leh bungraw chi hrang hrang zuartuten tluang takin
an hna an kalpui thei zel a. Kut hnathawk thawktute pawh hna an
hmu zel. Puan tahtu hi an pung chak deuh ber ni awm tak a ni.
Mitthi an awm deuh zeuh zeuh reng a. Hman deuh atangin
kawngsirah Zualko Board chi hnih tar thin a ni ta a. Hei hi mitthi
awm min hriat awlsam phahtir a. Mahse a ziaktu thenkhat kut
ziak hi chu chhiar a har deuh a ni.
Tahan kan vanneihna em em chu thlai hnah/rah, sangha thar
lam tak tak lei tur a awm reng hi a ni. Mobile phone pawh lei tur a
awm reng a, a hmangtute pawh an pung zel. Bazar lamah chuan
lehkhabu (ziak loh puan), pen, pencil, school form leh nihliap
hralh a kal deuh ber a ni awm e. Tlai lama no mawi (suahbuah)
dawm thalai hi an awm reng a, mahse rui chhia erawh an awm
meuh lo. Khawlum lai a ni bawk a, beer dawr pantu pawh an
thahnem thei hle.n
16 July 2012 Monday | Vol.2 No.2
OPEN FRIENDSHIP
BADMINTON TOURNAMENT
Infamna, sport hi thalaite ruihhlo laka an fhlim theihna kawng tha
tak pakhat a ni a. Chu bakah a infama te innel tawnna, rilru hmun
khata luan za tirtu a ni thin bawk. Kalay- Kabaw area leh Chin Hills-a
tlangmite kan inpawh tawn that theih nana sport hmanga hmalak hi
thil tangkai tak, pawimawh deuh niin a lang.
Heng hi hre rengin leh tum ranin Joint Falam Pawlpi (JFP) te
chuan thahnemngai leh beiseina sang tak neiin Friendship Badmin-
ton Tournament buatsaih an tum a, an sponsor bawk dawn a ni. He
Friendship Tournament-ah hian sakhaw pawl inthen hranna a awm
lo va, chi leh kuang, hnam indaidanna a awm lo bawk ang. Kalay-
Kabaw leh Chin Hills-a mi tupawh badminton tui mi te, infam mi
zawng zawngte tel tur leh hlutpui theuh tura sawm an nih thu Saya
Lalzuithang hnen atanga thu dawn a ni.
A hun : 24-28 July 2012. 7.30.AM 5:00 pm.
A hmun : Taungphila Baptist Centenary Hall
Entry fee : Ks. 4000 ( uniform kawr a tel ang )
Hming pek hun : 22 July 2012 thleng pek theih.
(Hun bi tiam hnu-a inpe chu pawm a ni lovang)
Category then dan hrang hrangte
1. Open Senior Singles leh Doubles
2. Junior A Singles leh Doubles
3. Junior B Singles leh Doubles
4. Over 45 yr Singles leh Doubles
COnTaCT
Hming pekna / Game application form
Pa San Thawm S.T. Vuite Sanmyo, mb- 0947080849
Pa Ngun Lian mb-0947072496
Pa Hrin Ceu mb-073-21792
Saya Lalzuithang B-11, EFCM Dawr khan, Tahan te an ni

n
TAHAN WARD ADMINISTRATOR OFFICE, SA CHHUNZAWM
Tahan Ward Administrator Offce tur chu sak chhunzawm a ni. 2012 July ni 4 khan a ban
tun tan a ni. Offce sak hna hi 2012 February ni 6 khan foundation tur laih tan a ni a, chuta
tanga thla nga-naah ban tun tan a ni.
Offce sakna tur hmun hi lui kawr kam, tui lak hek, kawng atanga khuar thuk tluan deuh
thaw a nih avangin a khata tiau emaw lei emaw chhun khah chu thil hautak tak huphurhawm
deuh a ni a. Hemi chungchangah hian offce sak chungchanga din Building Committee
zinga Pu Lalpekthianga (V-Family) chuan tlawm a ngaih theih hlauh dawn avangin ngun
taka a ngaihtuah hnu-ah Building Committee chuan ruahmanna hetiang hian a siam ta a ni.
"Pu Lalpekthianga hian lei hnuai pindan chu hawh se, (Leirawhchan foundation) chu
concrete-in a chung neiin, tan-pha-nat vuah sa sela, offce chuan chu pindan chu Pu Lal-
pekthianga hnenah (11.1.2012) atanga (11.1.2042) thleng kum 30 a hawh ang" tiin thu a
thlung ta a ni. Building Committee hian mipui hnena sum khawnin leh mi tlawmngaite thilpek
atangin offce sak a tum a ni a. Sum indaih loh a na hle a. A foundation tha tawk siam a ngai
a, sum a awm loh laia Pu Peka (V-Family) ten tlawmngaiin Committee nen inremsiamna a
rawn neihpui hnu-ah a hnuai lam chu Pu Peka te chuan an sa nghal a. Tunah chuan sak
zawh a nih tawh bakah offce chhuata rin atan a chang tha tawk tawh a, hetiang hian a
chung lam tur committee-in a sa chhunzawm ve nghal ta a ni, tiin Committee chairman
Pu Lalhmuaka chuan a sawi.
TAHANTIMES
|
15
RAM HMING, DIK TAKA ZIAK LEH SAWI TURIN
UNION ELECTION COMMISSION-IN NLD PARTY
A HRIATTIR NAWN
Ram hming koh dan chungchangah a
nihna dik tak anga ziak leh sawi turin
Union Election Commission chuan NLD
(National League for Democracy) Party-
te a hriattir nawn leh a ni awm e. Nation-
al League for Democracy Party Central
Executive Committee Chairman Daw
Aung San Suu Kyi (Pyithu Hluttaw Palai)
chuan Thailand ram World Economic Fo-
rum-ah, 2012 June ni 1-a a thusawina-
ah 'Myanmar' tih aiah 'Burma' tiin a hmang zawk a.
Hemi chungchangah sawrkar chuan, "Political Party-te chungchang
sawina-ah Constitution Dan 405 (b)-ah chuan, 'Political Party chuan he
constitution dan hi a zahin a zawm tur a ni,' a ti a. NLD Party pawh hian
Party in-register dan 6(c) angin Republic of the Union of Myanmar Con-
stitution Dan zah taka zawm turin an intiam tawh a."
"Constitution Danah chuan, 'Ram chu The Republic of the Union
of Myanmar' tia koh tur a tih tawh avangin 'Burma' tia koh hi a thiang
tawh lova. Ziah danah pawh Constitution Dan ang taka 'The Republic of
the Union of Myanmar' tia ziah tur a ni," tiin Union Election Commission
chuan 2012 June ni 1 khan NLD Party hnenah hriattirna lehkha a thawn
tawh a ni.
Hemi hnu hian Daw Aung San Suu Kyi (Pyithu Hluttaw Palai) hian
Europe lam a zu zina a thusawina-ah 'Burma' ti deuh hlirin a ram hming a
sawi leh thin a. Chu vangin Union Election Commission chuan 28-6-2012
ni-ah ram hming chu Constitution Dan ang taka ziak leh sawi thin turin
NLD Party chu a hriattir nawn leh a ni.n
16 July 2012 Monday | Vol.2 No.2
domestic digest
JACKIE CHAN MYANMAR-AH
UNICEF (United Nations International Children's Emergency Fund) Special
Envoy, Jackie Chan Myanmar-ah a rawn zin a, July ni 5 khan Mandalay-ah
a rawn thlawk lut a ni.
July ni 5 tlai khan China ram Beijing khawpui atangin a rawn thlawk
chhuak a, Mandalay International Airport-ah Special Flight N688JC-in a
rawn tum a ni. Mandalay-ah a tuk a cham a, ni 7 ni khan zingah Yangon a
thleng thla.
Mandalay-a a cham chhung hian a thlen tlai la la-ah 62nd leh 30x31
inkara Myanmar Buddhist Orphanage Association (MBOA) fahrah enkawl-
na 'Nga Soh' hmun tlawh hmasa ber turin a thawk chhuak a, mipui an tam
lutuk vangin naupangte pawh a hmu hman ta lova, a let leh thuai a, Manda-
lay tlanga han lawn ve a tum pawh a thulh leh ringawt a ni.
July ni 6-ah chuan Social Welfare Relief and Resettlement Ministry
hnuaia hmeichhiate ei-bar zawn dan zirtirna school a va tlawh a. Chuta
tang chuan mihring hmanga sum dawnna (Human Traffcking) Regional of-
fce pui a va tlawh leha thuneitute nen an inkawm a. Tichuan nimin lama a
tlawh pawh theih tak loh 'fahrah enkawlna' Nga-Soh school chu a va tlawh
leh ngat a ni. Naupangho nen hlim takin an va inkawm a ni awm e.
July ni 7-ah erawh chuan Yangon a thleng thla a, Yangon-ah hian zing
lamah 'Yadana Myitta' naupangte nen an inkawm a. Hlate sa-in naupangte
nen an infam hlawm a ni awm e. Naupangho zawhnate chhangin hun hlim-
awm tak a hmanpui bawk a ni. Chhun lamah erawh chuan media lam nen
inkawmna tha tak an nei thung.
"Myanmar hi ka tan ram thar a ni a. Myanmar ram tih hian Daw Aung
San Suu Kyi chauh hi ka hria a. Chuvangin he ram awm dan phung hi hriat
ka chak hle a, lo kal hi ka nghakhlel khawp mai a," tiin chibaibukna thute a
sawi a.
Myanmar ram hi a la hring tha hle mai a, hei hi ka lawm khawp mai.
Chanchinbu, media lamte hian naupangte hmanga sumdawnna (human
traffcking) lam chanchinte pawh hi hei ai hian ziak uar ula, tiin a duh thute
a sawi bawk.
Myanmar hmeichhiate China ram lama an hralh chungchanga Eleven
Media-te zawhna chu tihian a chhang. "Heti ang thil hi Myanmar-ah chauh
ni lovin khawvel puma thil thleng mek a ni. Mexico-ah pawh an hmeichhiate
America-ah lo hralh tawk an awm tho. Chu vangin hei hi khawvel huap thil a
ni. Pawimawh ka tih chu ramri-a luh chhuah dan hei aia khuahkhirha thunun
deuh hi a ni. Thil pawimawh deuh chu media lam hian China ram chanchin
hei aia nasaa ziah leh tarlan tam hi a ni," tiin.
Human traffcking chungchangah, "Naupangte hian mahni inven dan hi
an hriat a pawimawh lutuk tlat a. Ram dangah hna tha tak tak thawh tur a
awm tia miin an thlem pawhin tumah rin hauh loh tur tih te, mahni ram hriat
chian loha kal miah loh tur tih te, mahni chhungkaw chungchang thil tam tak
hriat te, sumdawng mite laka naupangte humhim tura hmalakna kal dan te
hi an hre chiang hle tur a ni, tiin thahnemngai takin a sawi bawk.
Jackie Chan Myanmar-a a lo kal chhanah hian bitum pathum a neih thu
ama sawi dan atanga hriat a ni. Human Traffcking thu, HIV kai naupangte
enkawl chungchang leh fahrahte enkawl dan turte hi a ni.
Jackie Chan hi hetianga mi tana rawng a bawlna kum 30 lai a tling tawh
a. 1988-ah Jackie Chan
Charitable Foundation, 2005-ah hmun kilkhawra tar leh upa lam chak lote
tanpui nan 'Dragon's Heart Foundation' a din leh bawk a ni.
2004 atangin UNICEF Special Envoy-a thlan a ni a, mi tanpui leh nau-
pangte human right lam thilah nasa takin a thawk reng a ni.
Jackie Chan hi July ni 8 zing lamah Myanmar atangin a thlawk chhuak
a, Thailand Bangkok a pan a ni. Hetah pawh hian UNICEF Palai angin a lut
a ni. Heta tang hian Hong Kong, USA lam te tlawh kual a la tum a, a hmawr
bawkna tur erawh chu Afghanistan ram a ni awm e.n
SELF ADMINISTERED DIVISION/ZONE 6 LEH
HMUN KILKHAWR ATANGA MEDICAL COLLEGE
LUT TUR TAN MARK MARGIN AWM LO
The Messenger Journal-in Hluttaw Palai U Phone Myint Aung hnen
atanga a thu dawn a tarlan danin 2012-2013 Academic year-a Medical
College luh dil tur, Self-Administered Division leh Zone 6-a kumina matric
pass-te tan mark hniam lam limit sa a awm lo a ni awm e.
Khaw te lam hmasawnna leh hriselna lama an changtlung theih nan
tiin Self Administered Division leh Zone paruk (Danu, Naga, Kokang, Pa
Laung, Pa-O, Wa te leh sawrkarin thawktute hlawha CLA (Cost of Liv-
ing Allowance) a pek bik ram pilril leh kilkhawr te-a damdawi lam tui tak
tak mite tan 2012-2013-ah Ministry of Health, Medical Science Depart-
ment hnuaia Medical College luh dil duhte tan a dil theih thu June ni 16
chanchinbu-ah sawrkar chuan thu a chhuah a.
Heng hmun voh bik atanga medical college luh dil zirlaite chu an dil-
naah mark hmuh zat tarlan tur ni ve tho mah se, a dil thei chin mark hmuh
zat bithliah a awm lo a ni.
Diltute chu nu leh pa, dan dinglaiin a phut anga ram mi dik tak an ni
tur a ni a, sawrkarin a ruat bik heng bial chhunga cheng ngei an ni tur a
ni bawk. 2012 matric exam-ah Myanmar sa, English, Maths, Chemistry,
Physics, leh Biology subject-tea pass a ni tur a ni. Pawl riat, pawl kua,
pawl sawm te pawh heng ruahmanna bik siamsak biala kai chho an ni
ngei bawk tur a ni a, matric pawh heng bial chhung atanga pass an ni
ngei tur a ni.
Tluang taka zir zawh hnuah pawh kum 5 chhung sawrkar tan mahni
biala thawh leh ngei ngei tur a ni bawk. Zir dilnate hi 2012 July 27 aia
tlai lova theh luh tur a ni awm e. Hetianga hmunpui, khawpui leh ram
kilkhawra chengte level khat anga hrut rual tawp lova, taingyintha na-
tional races-te voh bika sawrkarin duhsak bik hi tun hma atanga hnam
tenau ten an lo beisei thin a ni a, thil lawmawm tak a ni.n
MANDALAY-AH PIALRAL BUS A THLAWNIN
Mandalay City Development Committee chuan May ni 1 atang khan mit-
thi vui nan 'pialral bus' a thlawnin a service-tir.
Mandalay City Development Committee hnuaia Factories and Vehi-
cles Department leh Mandalay General Hospital-ah te heng ruang phur
mawtawr te hi dah a ni a. Mamawh apiang chuan ph 02-81316 leh 02-
80157-ah te contact mai tur a ni.
Mandalay khawpui leh a chhehvelah hian Social Welfare Association
50 chuang an awm a, heng zawng zawng hian mitthi vui mamawh tan
mawtawr (pialral bus) a thlawnin an hmantir hlawm a ni awm e. n
16
|
TAHANTIMES essay
16 July 2012 Monday | Vol.2 No.2
Vocabulary
English thiam tak tak tur chuan, a hmasa bera
thil tul pawimawh chu Vocabulary hriat tam hi a
ni. Vocabulary or words tih chu, entirnan; ei leh
in lam thumal a tlem ber 100 vel, hnathawh lam
words a tlem ber 100 vel, education lam words
or vocabulary a tlem ber 100 vel ni sela. Thu-
pui 60 vel awm sela, thupui pakhatah a tlem ber
words 100 vel loh theih loha hriat a tul tak zet a
ni. Thenkhat chu English Medium-ah an awm a,
Grammar pawh an thiam hle. Chungho chu pawl
10-ah 'Thingyan Festival' te 'A dream I cannot for-
get' te ka ziahtir thin. Grammar thiam hle mah se,
a words te, a outline (a ziah tur dawt dawt) te an
thiam loh avangin an ziak thei chuang lo. English
thiam nana thupui ber chu words (thumal) tam tak
hriat a ni ber mai. Chumi thiam tur chuan vocabu-
lary lehkhabu tam tak chhiar a tul.
Hearing or Listening
Hearing hi a har ber a ni. Zaah sawm ruk
velin a har. Words tam tak hre hmasa lova hear-
ing thiam tum chu camping, crusade-a sual bul
zir phawt lova chhandamna zir ang hi a ni awm
e. 'Video-ah Kawlhovin rang taka an tawng mah
M
ei eng hian khua a tinuam thei em em a, mei
eng lam kan hnianghnar a, mi rethei ten pawlho
leh mi huasa-te zar kan lo zo ve nana cho nan
Tahan-a private mei eng-in kan khua a tih nawm
dan in tarlang teh ang.
Kan Han khawpui hi kum 1983 hma lam kha
chuan electric mei eng lam dinhmun a la hniam
hle a, Zawlkin atanga han thlir thlak chu sawi loh,
a khawchhunga chengte tan hrim hrim pawh thim
tak a ni a. Chhungkaw tin, khawtlang leh kohhran-
ho ten mei eng kan hman ber chu; kohhran in-
todelh deuh leh khawtlang lamin Pam (pump) an
chhi thei a. Chhungkaw awm thei deuhin khawn-
var/laltin an hmang a, chhungkaw rethei deuh-in
bur (chhiteng) leh sathau khawnvar (mombati)te
an hmang thei ngawr ngawr hlawm a ni.
Hetih hun hian kan Tahan khua chu mei eng
lamah kan la hniam ve hle a ni. Mahse mei eng
lama kan tlakchhamna kha a hreawm tih nachang
pawh kan hre lem lo a ni. Tlangval thenkhat inti zei
deuh tan, laltin eng kha a la eng lutuk mah mah
a ni mai thei, nula an rim-in laltin eng chu ban
an inhliah thimtir thin a ni awm e. Tlangval chhaih
nan, nula senior deuh chuan hmaizah (fan) vawn-
fungin a han nawr hersak hlak a, tlangval khan
inhliah a han tum tha leh a, a han nawr let ve
leh a. Laltin eng kha nula leh tlangval thenkhatte'n
zahzel atan an hmang tangkaiin leh an sawi duhte
an sawi ngam nan a bul tan nan an hmang thin a
ni awm e,
Kum 2000 kan han thlen chinah chuan private
mei eng chhungkaw tinin kan chhi tawh a, khaw-
tlang leh kohhranho, nu leh tlangvalhote kan zan
lam nunho dante chu private mei engin min con-
trol zo tawh a tih theih awm e. Zan dar 10:00 vel-
ah private mei eng-in vawi thum vel a rawn khap
fuk fuk tawh chuan, tlangval tan-ah lenghawn ar
khuan a ngai hran tawh lo a ni ber mai. Thlarau
lama khat vak lo kohhran hruaitute tan pawh zan
engliSh thiam tUR ChUan
TAHAN-AH PRIVATE MEI ENG
kan hriat hman loh chuan Sap tawng rang taka an
tawng phei chu Van tawng ang mai a ni mai awm
e' titute chu words tam tak hre lo te ni awmin an
lang.
Hearing thiam tur chuan, Sap tawng zirna
VCD, DVD te tam tak kan ngaihthlak a tul. Video
pawh kan en thin a tul. A tha ber chu Sap tawng
chauh an hmanna ramah a tlem ber kum thum vel
awm thei ila.
english thiam chu tute nge?
College zirtirtute nge? Doctor te nge? TOEFL/
IELTS pass tawh te nge? Bible School zirtirtute
nge? Tu ber nge thiam ber chu le? Nu leh pa
thenkhat chuan Bible School an kal vang emaw,
doctor an nih vang emaw an thiam turah kan ring
mai a. English thiam tak takte chu English-ah rilru
zawng zawng pe vek, a pawl pawh sang, TOEFL
leh IELTS pawh pass, Sap tawng video zawng
zawng pawh letling thei vek, Mizo tawng leh Kawl
tawnga lehkha zawng zawng Sap lehkhaah letling
vek theiho an nih loh chuan tute nge ni ang?
English thiama a zirtir dan thiam lo, thiam vak
lova zirtir dan thiam tak, thiam taka a zirtir dan
pawh thiam tak tiin then thumah then a ni.
lam program kaihtawi nan chhuanlam atan a tang-
kai phian a ni awm e. Zirlaite tan erawh chuan mei
eng lama kan tuihalna a na tulh tulh a ni a tih theih.
Kum 1984-vel atanga Pu Lalzahngaia te, Ta-
han Times Pu Niliansang-a pa te, Pu Doliana (Pu
Dadova)te leh midangte hmalaknain Tahan-ah
hian private mei eng pek tan a ni a. Kum 1990 chho
vel-ah Dr.Thanbilluaia hmalakna-in private mei
eng Wesley clinic hman atan leh clinic thenawm
khawveng tan eng pek chhuah an tan ve leh a.
Mei eng chhit man hi thla khat tan bulb khatah Ks.
75 a ni a. Wesley clinic-in mei eng pek an bansan
hnuah Pu Lalnghaka (D Group) leh Pu Kapthiaua
(A Group) ten an chhunzawm ve leh a. Kum li nga
velah an bansan ve leh a ni. Chuti chuanin kan mi
hmasate hmalakna chuan eng nawmzia min var-
pawh tir ta a. Laltin (lantern) leh burte han chhit en
leh teng teng chu, mipui ten kan peih tawh ngang
lo a ni ang, veng thenkhatah phei chuan nu leh
paten mei eng pe thei tur mi tlawmngai turte an
zawngin an ngen nasa a ni awm e. Tun dinhmunah
chuan Tahan-ah hian mei eng petu chhungkhua
17 vel an awm tawh a ni.
enG PeTuTe aVanGa TaHan a nawmna
TLem Han SawI LanG ILa
1. Chhungkua tan mei eng mana sum sen ral tur
a tiziaawm phah a. Chhungkaw tinte run a tin-
uam a, lehkha zirlaite tan a tangkai hle a ni. .
2. Khua a tinuam a, nu leh pa, mipuite tuallai nun-
hona a tinuamin leh kum upa zualte tan lenvah
a tinuam bawk.
3. Khua a tiralmuang a, rukhmang leh misualte
a tihuangtau ngam lo bawk. Tin, Kan tunhma
nuna laltin (India-Lantern), burte (chhitteng)
leh sathau (mombati) kan chhit thin lai a,
khawnvar tui leh petrol inpawlh avanga kan in-
tih kan thinna lakah min tihim.
BawLLIana
THawnGneITHuana
Zirtirtu zawng zawng hnenah kal kim vek
sela, chuti chuan tunge thiam ber tih chu a hriat
theih mai ang chu. Mahni mil zawng doctor an
awm ang hian mahni mil zirtirtu pawh an awm lo
ang tunge ti thei.
Hun pek
English thiam tur chuan hun tam tak pek a
ngai. Tukinah vaimim kan tuh a, naktukah ei a
theih mai loh. Hun pek a tul. Engtianga rilru chak
pawh pawl 10 thlen hnu chauha English zir chuan
distinction a hmu chuang lovang. English-a dis-
tinction hmuho chu pawl 5, 6, 7, 8 atanga English
Grammar lo zir sa ho an ni zel.
Thlapui-ah mi pathum an lawn a. Mahse, Arm-
strong chauh kan hre lar hlur. A thiante pahnih
chu kan hre chang vak lo. A thiante pahnih awm
lo sela Armstrong chauh chuan a lawn thei dawn
lo. Pawl 10-ho distinction an hmuh leh pawl 10-a
English zirtirte chauh an hming a thang a, pawl
5,6,7,8 leh English class danga lo zirtirtute hming
a lang ve tawh lo. Hun tam tak an lo pek tawh
avanga Pawl 10-a distinction hmu an ni chauh
zawk tih hi nu leh pa tam tak hian kan ngaihtuah
chang vak tawh lo thin.n
4. Kawng pengthuam thenkhat, kawnghmun
thim lai leh lei-ah te private mei eng chhit hian
accident a tihtlem phah hle bawk a ni.

meI enG PeTuTen HarSaT an TawHna
Diesel rate a san laia eng man an pe tha duh
lo chu a hreawm an ti hle a. Eng man khawn hian
in khatah tumthum li kal a ngai thin a, inthlahrun
awm an ti hle bawk. Mipui tam zawk chuan mei
eng man pek hi an ngai pawimawh hle thin an ti.
Thil danga harsatna la awm chu, sawrkar thu nei-
tute lamin an hriatthiam viau laiin, mipui thenkha-
tin a hlutna an hrethiam lo a. Mi thenkhatin mei
eng chhit ruk te, istiri hman ruk te, water pump-a
tui pump ruk te, TV chhuah ruk nan leh battery
charge ruk nana an hmang thin hian meikhawl
(generator) neitute rilru a tihah thin hle a. Heng
mi awm hleite hian mite tana pawikhawihna a ni
tih leh thil sual ti anga an inngai duh miah lo chu
pawi tak a ni, an ti a. Battery charge ruk leh mei
tha an hman ruk hian diesel hi a let tam takin a
ral phah a, meikhawl lamin kan tuar phah bawk,
an ti. A chang chuan thla thenkhatah hlep sawi
tur awm lo khawpin an tawrh phah thin thu an
sawi bawk. Nu leh pa thenkhat leh kohhrana mi
pawimawh tak tak thenkhatte chuan mei eng an
hman ruk, va man hian an fate thiltih sual angin
chhuanlam an sawi thin," an ti bawk. Mei eng pek
hna hi hna harsa tak mai a ni a, meikhawl neitu
tam zawkte chuan zawrh leh an duh thu dawn a ni
bawk. Tahan-a mi awm thei zawkte leh pawlhote
hian khawl changkang leh hmanraw changkang
tak tak nen mipui hmakhua ngai a, mei eng pe
thei kan mamawh thu te, chuti anga mi tlawmngai
kan neih hun tur a nghahhlelhawm an tih zia an
sawi tel bawk a ni. Mipui-te pawhin hetiang lama
mi thil tithei awm ngaihven reng kan mamawh
thu an sawi tel bawk a ni.
n
TAHANTIMES
|
17
NAU VANGA HLIM NUI BALOTELLINAU ANG A TAP LEH!
M
ario Balotelli bialnu hlui chuan, Balotelli hnenah a fa a pai
thu a hrilh niin a insawi Balotelli a phawk nasa. Raffaella
Fico hian phone-in Balotelli a nau pai chanchin a han hrilh chu
Balotelli chuan, "Chanchin tha ber' a ni" a ti chhuak hial. Kha
chanchin a hriat, a tukah Germany lamah Balotelli chuan goal
hnih a thun thei ta a, Italy pawh Euro 2012 fnal-ah a hlangkai
ta a nih kha. Mahse ni rei lo te-ah Man City striker, 21, chu
nausen ang maiin a tap ve leh thung. Chawlhni-a Spain ram
nen fnal an khelhah 4-0-in Italy an tlawm tlat tak vang kha a ni.
Kum khat an inkawpa an inthen leh tak hnuah model Raf-
faella Fico, 24 chuan a rai tih a inhre ta a ni. Khata an inthen
chhan kha Balotelli chuan Raffaella hriat lohin nawhchizuar
Jenny Thompson a lo kawp reng tih The Sun-in a puan zar tak
vang kha a ni a.
May thla-ah Cheshire-a pound mtd 3 man Balotelli ina
thinrima an intihbuai chiam tum, police pawh an rawih hial hnu
lam kha chuan an inbe ngai tawh lo reng reng a. Mahse tunah
chuan inkawp leh turin an inpeih reng a, chhungkaw din an tum tih Rafaella chuan a sawi leh lawi tawh a ni. A sawi pakhat
chu, "Germany an beih hma ni khan Italy team training camp-a a awm laiin Mario chu ka phone a ni."
"Ka hrilh a, 'Nu leh Pa nih kan chak thu kan sawi kha i la hria em?' Ni e. Nau ka nei dawn a ni. I fa a nia," tiin Rafaella
chuan a sawi chhuak. "A tirah chuan a ngawi reng a. A hnu-ah chuan a insum zo lo a ni ber mai. 'Ka tan chanchin lawmawm
ber i rawn thlen a ni,' a ti phawng mai. A tukah chuan German chu si hnih ngawtin a titlawm ta a nih kha," a ti bawk.
A sawi zawm zel a. "Mario hian min hmangaihzia ka hria alawm. Ka hmangaihzia pawh a hria. Tunah chuan kan in-
zawmna kan siam tha leh mek a ni. 'Pa infam mi tak, kawppui tha leh hmangaih thei tak a ni zel dawn."
A sawi zel dan chuan naute chu mipa nge hmeichhia hriat an chak hle a Mario chuan mipa ni se a ti a ni awm e.
Rafaella chuan, "Mipa emaw, hmeichhia emaw, a eng zawk zawk pawh ni se, sur name Balotelli tih hi chu chhuang takin an
pu dawn chiang." a ti charh charh bawk a ni.n[The Sun]
WIMBLEDON OPEN FINAL-A CHAK TA LO
ANDY MURRAY CHUAN COURT-A TAH
HAWM HAWM A CHAK
Hman nia an khelh zawh tak Wim-
bledon fnal-a chak ta lo British
No.1 Murray chuan a hneh tak loh
Switzerland ram mi World No.1
Roger Federer a hneh loh hnu
khan court-a tah hawm hawm mai
kha a duh ni awm tak a ni.
Federer hian 4-6, 7, 5, 6-3,
6-4-in a hneh a. Murray hi hun
eng emaw ti chhung Lawn Tennis
hi chawlhsan a tum dawn bawk.
Mahse Olympic Games an tan hunah chuan mahni inring
tawk taka Tennis khawvela kir leh a tum. Ka rilru leh taksa a
chak chhoh zel thlenga chawlh lak ka mamawh a ni a ti.
Kum 1936 khan Wimbledon Open mipa single fnal-ah
hian Britain mi Fred Perry kha a lo champion tawh a. Tun
tumah hian Murray hi champion ta se la, kha mi hnua Brit-
ain mi champion leh hmasa ber a ni ang. Murray hi tunah
World No.4 a ni mek. Roger hi hneh tumin a bei nasa hle, a
tir lamah chuan a che tha zawk nghe nghe a, mahse a hneh
thei ta lo a ni.n
16 July 2012 Monday | Vol.2 No.2
MARIA SHARAPOVA WIMBLEDON
SECOND ROUND-AH A LUT TA
Maria Sharapova chuan Wimble-
don opening match-ah a hneh
avangin a thawk lak a tizang ta
riau va, hmasawn zel a inbeiseina
chuan a titles hloh tawhte pawh
hmu let leh thei ngei turin a tiphur
a ni. He Russian hmeichhia hi
2002 hnu lamah French Open leh
Wimbledon-ah kum khatah a rua-
la hnehna chang hmeiche hmasa
ber a ni.
"Sang taka ka thlen theih hi ka la inring tlat a ni. Chu
chuan min nawr kal reng a, zingah tha tho takin min kai tho
thin a ni," tiin Anastasia Rodionova 6-2, 6-3 a hneh hlim hian
a sawi chhuak a. Round two-ah chuan 2000-a semi-fnalist
Tsvetana Pirunkova nen an inhmachhawn ang. A chawlh
hmaa Wimbledon a khelh hnuhnun bera number one Kim
Clijsters kha second round-ah a rawn lut ve ang. Kum 2007-
a chawl ta he Belgium nu hi kum hnih hnu-ah a lo lang leh a,
season hnih kal taah khan hliam na tuar reng chungin a khel
a, US Open zawhah hi chuan a chawl dawn tawh a ni.n
Chief editor
Ni Lian Sang-a
editorS
F. Lalbiakmawia
Zalianthanga
C. Zaithankhuma
MeMberS
Sapselthanga The Rengs
Lalengkima Laldinthari
Zothankhuma Lalhruaithangi
PatronS
Lalsawmliana [LPS-Mizoram]
Vanlal Zawma [UAE]
B. Zarzoliana [Malaysia]
Vanlal Dika [Canada]
Pachhunga [Yangon]
Vanlawmsanga [Germany]
Lalrinsanga [Mandalay]
Lalremsanga [Australia]
Zoramchhana [USA]
Lallawmthara [New Zealand]
LONDON 2012
OLYMPICS
Thu 26 July 2012
Honduras 5:30 Morocco
Mexico 8:00 Korea
Spain 8:15 Japan
UAE 10:30 Uruguay
Gabon 10:45 Switzerland
Fri 27 July 2012
Belarus 1:15 New Zealand
Brazil 1:15 Egypt
Great Britain 1:30 Senegal
sun 29 July 2012
Egypt 5:30 New Zealand
Mexico 8:00 Gabon
Brazil 8:30 Belarus
Senegal 10:30 Uruguay
Japan 10:30 Morocco
Korea 10:45 Switzerland
Mon 30 July 2012
Great Britain 1:15 UAE
Spain 1:15 Honduras
Wed 1 July 2012
Brazil 8:00 New Zealand
Egypt 8:00 Belarus
Mexico 8:30 Switzerland
Korea 8:30 Gabon
Hriselna leh tui thianghlim i mamawh a nih chuan rawn pan mai rawh.
()
( )


TZR Beauty Salon Tel. 09-400457749
MIKE TYSON: EVANDER HOLYFIELD-A BENG
A TUI LO HLE
Khawvela Boxer
lar leh hmingthang
Mike Tyson chuan
Holyfeld-a beng a
tui lohzia a puang
leh ta hem mai.
Kum 1997 khan
MGM Grand Ho-
tel (Las Vegas)-ah
World title inchuhin
Tyson leh Holyfeld
hi an inbei a, kha
mi tum khan Tyson
hian Holyfeld-a
beng hi a sehsak a.
Endiktuten khel zui tlaka ngai lovin Holyfeld kha hnehna an chantir a nih
kha. Tyson chuan 'A tui lo lutuk' a ti.
Kum 2009 khan The Oprah Winfrey Show-ah Tyson leh Holyfeld hi an
inbe tha leh tawh nghe nghe. A beng siam that nan hian Holyfeld hian doc-
tor a zaitir bawk. A beng seha a awm hi pawi a ti hle a nih kha. Holyfeld hi
kum 2008 December thla khan kum 46 mi niin boxing a khelh hnuhnung ber
kha a khel a ni.n
AVB: ROM-AN MIN PAIHTHLA A NI
Thinrim takin Andre Villas-Boas chuan Ro-
man Abramovich chu, Chelsea atangin min
paihthla a ni a ti. Tottenham boss thar AVB
chu Blues neitu Abramovich lakah a thin a la
ur hle. A chhan chu Stanford Bridge-ah thla
kua emaw lek incharge angin a awm hman
a, March thla khan Rom chuan a pet chhuah
tak mai vang a ni. Villas-Boas chuan, Chel-
sea neitute thutlukna chu ka zah lutuk...
mahse engtikah mah ka pawm lovang. A
tira min lak luh dawna a inrawlh nasat teh lul
nen tunah hian ka tan chuan min bantu tak
chu amah hi a ni," tiin a hnenah pawh ka ti
hmiah. "A thutiam ang engmah tihpuitlin a neih lohzia pawh ka hrilh hmiah
bawk," a ti a. Villas-Boas hi kum 34 mi a ni a, Porto chu domestic double
leh Europe League tana a kaihhruai hnu-ah thal lai khan Abramovich chuan
kum thum tan contract a siampui a ni. Mahse a hna ni 256 chauh a chelh
hman a, Chelsea tan Premier League leh Euro-ah beisei tur a awm lo nia a
lan ve leh ban a ni ta a ni. A assistant Roberto Di Matteo chuan a ai a awh ta
a, Blues chu Champion League FA Cup trophe 2 a hlawhsak ta a ni.
Spurs boss-in Harry Redknapp a thlak hnu-a press conference vawi
khat a neihnaah AVB chuan, "Fair taka thil tih dan zirtirna experience ropui
tak ka dawng a ni," a ti chhuak.
"Chelsea-a thil kal mek titawp tura thutlukna siam hi ka hna a ni lo tih
in hriat ka duh a,a neitu tih tur a ni. A neitu hnenah ka banna ka theh lut
ngai lo. Min bantu chu a neitu a ni a, project pawttawitu chu a neitu bawk a
ni. Project chu a hun aia hma-in a titawp a, Chelsea chuan trophy pahnih a
hlawh ta a, he squad ropuizia hi a ti ta luai luai a nih kha. Mahse a tira kan
han hui khawm lai kha chuan he squad hi tumahin an rin loh kha." a ti a.
"Chu vangin he thil ka paltlang ta hian zirtirna tha tak mai min pe a ni.
Tunah chuan a hma aia coach tha zawk, a tir aia mi tha-ah min siam chhuak
tawh a ni. Chelsea-in Champion League-a hnehna a changa cup hial a
hlawhna chhan hi chu intihsiaknaah kan la tel hlawm vang a ni. Hnehna an
chan theih nan an hun ka pawh tawisak a, palina dinhmun phak lohna point
thum chauh ka hmabak tawh tihah Champion League chu tling ngei turin
hun ka pawttawi ta a ni. Heng zawng zawng hi min ban ni ka ngaihtuah leta
ka thil ngaihtuah chhuahte an ni." a ti bawk.n
GIROUD KHA RVP THLAK NANA LEI A LO NI
Arsenal scout Gilles Grimandi chuan Oliver
Giroud kha Robin van Persie thlak nana lei
a ni a ti. Pound mtd 12-a inbiak rem hnuah
thla kal ta khan French striker hi Montepel-
lier atangin a rawn lut a. Hei hi Van Persie-an
Gunners nen thuthlunna siam zel a tum tawh
loh thu a sawi hma lawk ni tam pawh duh tawh
loa thil thleng a ni. Grimandi chuan tihian a
ti: Giroud tuai thar chhan kha Van Persie kal
chhuah dawn vang a lo ni em? Ni teh reng
mai. Miin min chhui zawm loh nan kan ti a ni,
Europe top club Manchester United leh
Manchester City-ten an ngaihven viau naa,
Arsenal boss Arsene Wenger chuan tun season chhung chu he Dutch pa
hi Emirates-ah a la awm a beisei a ni. Gunners defender ni tawh, North
London-a kum 5 chhunga vawi 113 lai lo khel tawhin, A rawn awm leh chu
kan duh alawm. Mahse a contract kha kum khat a la duh si a, thil hi a hnawk
deuh tlat a ni, a ti. Arsenal-ah chuan boruak a hrisel deuh alawm. Hetah
hian kum 8 a lo khawsa tawh a, club tan pawh a inhmang nasa e. Sum tha-
hnem tawka an thlema amah pawhin kal chhuah a duh tlat si chuan chelh a
harsa viau ang.
AC Millan-in Paris Saint-Germain report anga Thisgo Silva leh Zlatan
Ibrahimovic te pahnih Pound mtd 51-a a lei te Grimandi chuan a khaikhin
a. A sawi belh leh chu: Thiago Silva te ang hi lak chhuak theih, sawn theih
an nih ka lo ring ngai lo va. Thil reng reng hi tum khat atan zel sawi ila a
fuh dawn a nih hi. I thunun theih piah lamah awm a awm thei thin a ni a ti
bawk.n
18
|
TAHANTIMES sport 16 July 2012 Monday | Vol.2 No.2
MURRAY HNEHIN FEDERER-AN
WIMBLEDON TITLE VAWI 7 LA TA
Wimbledon Open Tennis Men's
Single fnal-ah British mi Andy
Murray hnehin Roger Federer
chuan Wimbledon title vawi 7
chu a la chiang ta. British-ho rilru
pawh a na khawp mai. First set-
ah Murray hi a rawn khel tha hle
mai a, a chak nghal nghe nghe.
Mahse Swiss master Roger
chuan set 2-na pawimawh takah
a rawn chak chho ve leh hram
hram a, he mi hnu hi chuan set
dang zawngah pawh a zawnin a
chak chho ta ani. An inhneh dan
chu 4-6, 7-5, 6-3, 6-4 a ni.
He hnehna hian Federer
chu world ranking sang berah a
hlangkai leh ta. Kar 286 chhung
World No. 1 ni ta Pete Sampras-a
record ang a nei ve ta a ni. Kum 30-a upa Federer hian Sampras-a record
(Wimbledon-a title vawi 7 lak) chu a umpha ve leh chiah a, Grand Slam hi
vawi 17 a la ta a ni. Grand Slam a lak hmasak ber tum chu 2010 Australia
Open-ah khan a ni bawk.
Murray tan chuan tun tum hi Slam fnal-ah vawi 4 a chak lohna a ni
a, Federer lakah a vawi thum chak lohna a ni ta bawk. Britain chuan mipa
Wimbledon singles champion kum 76 chhung a nghah chu a la hlawthtling
ta chuang lo a ni. A nghah chhunzawm zel a ngai ta a ni.
World No.4 Murray chuan lungchhe takin, inkhelh zawha interview-naah,
"Ka khel tha a, ka teuh viau asin. Min tantute hnenah lawmthu ka sawi. In
titha. Thil har tak a ni reng a ni," a ti. Federer chuan, "Kum rei tak chhung
a lo khel tha tawh, mi nghet tak a ni a," a ti. "A fmkhur hle a, Grand Slam
dang a la lak ka ring," a ti bawk.
Sawi tak angin a tir lamah chuan Murray hi a khel tha em em a, Set
1-naah 2-2-a an inhneh tawk laiin Murray chuan backhand a ti sual. Feder-
er-an a khel tha chho va, break point vawi 2 lai a siam. Mahse Murray a zam
lo. 5-4-in Murray-an a hruai ve leh a, Set 1-naah a chak ta. Slam fnal set
1-naa a chak hmasak ber tum a ni nghe nghe.
Set hnihnaah player pahnihte break point hmuh tumin an bei chho, 4-4
a nih laiin Murray-an a dinhmun tha tur a hloh ta. Set thumnaah hian ruah a
sur thut a, minute sawm li lai an chawl a. Minute 40 an chawlh hnuah fresh
takin an khel chho leh a. Murray hian a khan lo telh telh a, a tawpah Federer
chu a chak ta a ni.
Set linaah chuan Federer hian Murray chu a nawr na zual sauh a, a
tawp lam game nganaah backhand bawkin court paivat zawngin Federer
hian a'n vuak chu Murray chuan a dang zo ta lo a ni. Mipui chuan Federer-
an a serve leh dawn chiahah chawlhtir lawk an duh a, mahse thil tih theih a
ni lo va, darkar thum leh minute 24 an inkhelh hnu chuan Murray a vaw sual
leh a, Federer chuan hnehna a chang thei ta a ni. Scot pa chu a thutnaah
hnem ngaia ngui ruaia a thut laiin Federer erawh chuan khawvel-a 'ber' a
nihna chu nuamti takin a tem vel mek thung a ni.n
MAN UNITED ATANGIN QPR-AH: JI-SUNG PARK
Kum 31 mi, South Korean pa chuan Manchester United atanga a insawnna
chu a tifel ta a, kum hnih tan Loftus Road-ah hming a ziak lut ta. QPR boss
Hughes chuan Kan tan hlawhtlin thutna tak tak a ni ringawt mai, Ji kan
zinga a lo tel tur hi kan lawmin kan lung a awi a ni. A chhan chu a record
hi en ila a hriat vek a," a ti. Ji-Sung Park hi Loftus Road-ah QPR-in tun thal
chhunga a lak luh parukna a ni a, Ryan Welsen, Andy Johnson, Rob Green,
Samba Dakite leh Old Trafford teama a khelhpui tawh Fabio te a fn ta a ni.n
TAHANTIMES
|
19 advertisement
---
Ta Da Oo kiang, Sky Net dawr bul, Bogyoke Street, Pinlong, Kalaymyo.
Tel: 073-21838, 09-47073562, 09-6472848
BIKE SALES & SERVICE
Hei le! Kan mi leh sate rinchhanin Bike thar tha, Che Koung (_a...a) packing ngat
tlawm takin kan zuar ve ta.
Duhsaka min rawn dawrtute hnenah present eng emaw pek zel in ni ang.
Tlawmngaia rawn kawhhmuh emaw, a lei tur rawn hruaitute tan pawh lawmman (..)
buatsaihsak in ni ang.
Cherry Maung Soe + Sayama Ringi
miZO NOVeLS | ThLa TiN Chhuak magaZiNeS | NaupaNg ThawNThu buTe
kawL & miZO kRiSTiaN Lehkha bu Chi hRaNg hRaNg
kawL weekLy jOuRNaL Chi hRaNg hRaNgTe
Lei tUr kAN Nei reNg e.
Tel: 09-47072961
Tahan Times Book Corner, Vengpui Methodist Church kawm chhak, Tahan, Kalaymyo. Tel. 09 47072961
solo album tihchhuah a ni dawn ta.
kumin September thla khian release a ni ang.
Lawmi khiangte hi Lalrindiki khiangte (Daduhi) te laichin
hnai tak a ni a. mhiP buatsaih miss thlanna-ah
pawh Lawmi hi pakhatna a ni.
amah a hleitlingin a hmel a tha a, a hla
thunte pawh hi belh chian dawl tak vek an
ni. Zofate awitu atana khuanu ruat ngat
a ni.
ka hmangaih che

Оценить