Вы находитесь на странице: 1из 20

VOL.2 NO.

5 | BI-WEEKLY JOURNAL 3 SEPTEMBER 2012 MONDAY


V.L. RUATI
10
th
Std
Pu Lianmawia
Pi V.L.Hmanglawmzuali
Satawm [A] Group
Kalaymyo
julietruati777@gmail.com
Make-Up
LADY Beauty Salon
Photo
THANGKHUMA [KYAW MOE]
Kalay University
2
|
TAHANTIMES
KAR HNIH CHHUNGIN PRESIDENT U THEIN SEIN LEH
DAW AUNG SAN SUU KYI TE VAWIHNIH AN INHMU
President U Thein Sein leh National League for Democracy Party Presi-
dent Daw Aung San Suu Kyi te August 22 tlai lamah Nay Pyi Taw-ah an in-
hmuh thu an sawi. An inbiakna chipchiar engmah hriat a ni lova, offcial lova
inkawmna ni awm tak a ni.
President U Thein Sein leh Daw Aung San Suu Kyi te hi chawlhkar hnih
chhunga an vawi hnih inkawmna a ni a. A hmasa zawk chu August 12 zing
lam khan a ni. A vai thu-ah vawi li an inkawm tawh tihna a ni. 2011 August ni
19 khan vawi khat an inhmu tawh a, 2012 April ni 11-ah an inhmu leh a ni.n
DoMeStiC news
3 September 2012 Monday | Vol.2 No.5
CHUNGNUNG ZAWK LEH HNUAIHNUNG ZAWK
K
hawvelah hian thil inchen lo, intluk lo, inang lo a tam em em a. A sei
zawk , a sang zawk, a thui zawk, a zau zawk, a thuk zawksawi tur
a tam mai. Chutiang zel chuan a chungnung zawk, a hnuaihnung zawk
tih te a awm ta zel a ni.
Chungnung zawk, hnuaihnung zawk tih hian, thil dang dang chu
dah tha ila, chungnung zawka inhriatna rilru (superiority complex) leh
hnuaihnung zawka inhriatna rilru (inferiority complex) hi sawi ila.
Kan dinhmun, nihna azirin chungnung zawk, hnuaihnung zawk hi
kan awm ngei mai. Mi tluk loh kan nihna lai a awm a, mi kan tluk lohna
lai pawh a awm ngei thin. Rual kan ban loh chuan mahni insitna, hnuai-
hnunga inngaihna kan rilru-ah a riak thin a. Chutiang bawkin mi kan
khum chuan chungnung hle-a inngaihna rilru kan pu thei bawk.
He rilru hi kan duh emaw, duh lo emaw kan pai lo thei lo. Amah-
erawh chu mi dang kan dawrnaah mi nena inrem kan tum a nih chuan
he rilru hi kan dah that thiam a pawimawh hle ang.
Thian tam tak kan nei hlawm ang a, mahse kan ngainat bik leh
thiantha tak taka kan ngaih chu an tam lem lo thin. Thiantha tak taka kan
ngaihte lakah chuan kan rilru-ah amah nena inteh a, hausa zawk, rethei
zawk,chungnung zawk, hnuaihnung zawk tia intehna rilru kan nei ngai
lo. Kan nih ang angin kan inkawm tawp mai thin. Chuvangin chungnung
zawk, hnuaihnung zawk tia inkhaikhinna rilru pu rana kan inkawm chuan
kan inkawm ngeih thei tak tak lo tih hi a chiang. Mahni indah sanna rilru
nei ran mi chuan mi dang chu a hnuaichhiah deuh nge nge thin. Mahni
indah hnuaihnung tlat pawh hian midang a kawmin a inkiltawih emaw, a
er emaw thin a, boruak a inpawh tha tak tak thei lo.
He thu hi mihring indawr tawnna apiangah a dik thawkhat viau thin.
Chhungkuaah pawh, ka thawk hnem zawk, ka lalut hnem zawk, ka
.zawk tihna rilru kan put tlat chuan innghirnghona a chhuak lo thei lo.
Chutiang zel chuan kohhran te, khawtlang leh hnam thilah te pawh
a ni chho zel a. Hnam khat leh hnam khat kan inpumkhat emaw, inrem
taka kan awm theihna tur emaw pawhin kan nihna, dinhmun azira a
chunga kan sawi tak kan rilru put dan khi pawimawh tak a ni.
Anni hnam aiin kan changkang zawk , anni aiin kan hnufual zawk
tih rilru nei rana kan khawsakho chuan hnam inpumkhat emaw, lungrual
emaw a har viau ang. A nihna ang tak chu lo ni mai sela, chu kan nihna
dinhmun chu chapo phah nan emaw, inkiltawih phah nan emaw-a kan
hman phawt chuan in-unau a har ang.
Myanmar-ah hian hnam hrang hrang kan khawsa ho a. Changkang
tak kan awm rualin hnufual em em kan awm teuh tho va. Kan nihna
theuh inhre thiam a, chungnung zawk, hnuaihnung zawk tih rilru tha lo
pu hauh lova lungrual taka khawsak ho mai hi kan tih tur ber chu a ni.n
'RAKHINE STATE-AH BENGALI HNAM AN SUAT'
TIH HI A DIK LOH THU AMERICA SAWRKARIN
A SAWIFIAH
Rakhine State-ah Myanmar sawrkarin Bengali
Rohingya te an suat tih thu hi thu dik lo a nih thu
United State sawrkar chuan a sawi chhuak tiin US
atanga chanchin dawn a ni.
Myanmar security ten Bengali te suat nan a
huhovin an that buaih buaih, Rohingya te chenna
inte an hal a, duh tawk tawkin an that tiin Inter-
national chanchin phekah thlalak dik lo tak tak
hmang-a an theh darh mek laiin United States
Foreign Ministry-a thu puangtu Patrick Ventrell
chuan Myanmar sawrkar an puhnate hi thu dik lo hul hual a ni tiin August ni
9 khan a sawi chhuak. Saudi Arabia-a OIC (Organization for Islamic Coop-
eration) chuan Myanmar-ah Islam sakhaw betute an suat mek tiin a puh a,
UNO leh ram dangten inrawlh vata chinfelsak a ngai tiin thu a theh darh a.
International chanchin tam tak chuan Rohingya chanchin an ziahnaah
Myanmar sawrkar sipaite chuan Rohingya te chu an that chiam a, Bengali
650 an thi, 1200 an bo, Rohingya 800000 te in leh lo tlan chhiat san ngaiin
an awm tih ang velin chanchin dik lo pui pui an chhuah a, ram dang dangah
Myanmar sawrkar duh loh entirnan kawng an zawh mek a, a darh zau zel a.
A bik takin Muslim tawmna ramah te kawng zawhna a tam a, India ram
Mombaiah phei chuan August ni 11 khan Islam sakhaw betute lungawi
loh entirna chu tharuma innuainaah a chang a, mi pahnih thiin mi tam tak
an inhliam phah a ni tih international news vel atangin a hriat a. Myanmar
sawrkar thu chhuah atanga a lan dan chuan Rakhine State buainaah mi 77
an thi tawh a ni.n[Venus News]
UNION LEVEL MINISTER LEH SAWRKAR HRUAITUTE
NEIH SUM LEH HAUSAKNA TARLAN AN DUH LO

2012 August ni 8-a Pyithu Hluttaw rorel ni 22 ni khan Pathein constituency
palai U Win Myint thu put luh, 'Inawpna tha leh sawrkar thianghlim a lo awm
theih nan Union level sawrkar mite, Region leh State level sawrkar mite reng
reng in leh lo, an hausaknate chhinchhiaha record siam" chu an sawiho a,
thlawptu 68 an awm laiin duh lotu 217 an awm avangin a tlang ta lo a ni.
U Win Myint thu put luh hi National League for Democracy Party Pyithu
Hluttaw palai pasarih, Tatmadaw Hluttaw palai pahnih leh USDP Pyithu Hlut-
taw palai pathumte tiamin Attorney-General of the Union Dr Tun Shin ten an
sawiho a.
National League for Democracy Party Pyithu Hluttaw palai chuan ram
insingsa mekah hian President kaihhruai sawrkar hmalak zelnaah mipuiten
rinna an nghah tak tak theih nan sawrkar mite neih in leh lo sumpaite puan-
zar hi a pawimawh hle a ni tiin a sawi a, Mingalartaungnyunt township Pyithu
Hluttaw palai Daw Phyu Phyu Thin thung chuan sawrkar mi kan tih bakah
sipai lam hruaitu lute neih thilte pawh hi puanzar a pawimawh hle ang a ti a.
Attorney-General of the Union Dr Tun Shin chuan he thu lut hi rem kan
tih tlana nemngheh a nih phawt chuan sawrkar mi, minister te bakah Hluttaw
speaker leh Hluttaw Deputy Speaker te neih thil pawh puan zar ve a tha ang
a ti a. Sawrkar mi, dan anga Union level-a telte neih thil chungchang chu
President hnenah hriattir a nih tawh thu a sawi bawk.
Union Industry Minister U Soe Thein chuan July thla tira Union Minister
pathum leh media te inkawmnaah, 'Sawrkar mi, minister a nihna ang ngeia
a neih thilte puanzar a hreh loh thu leh mipui tana thil tha tih duhna thinlung
neih hi a pawimawh ber tiin a sawi chhuak.n[Weekly Eleven]
TAHANTIMES
|
3
SANMYO VENG ADMINISTRATION OFFICE SA MEK
Kalaymyo chhungah hian ward hrang hrang eng emaw zat a awm a. Ward tinte hian lal an
nei vek a. Offce pawh neih vek a ni. Hei tunah Sanmyo Ward Administration offce pawh
August 20 atang khan sak tan a ni ta a. An sakna hmun hi Sanmyo hmun leh hma tho a ni
a. Tahan Police Station kawt chiah kha a ni.
A sakna man tur sumte hi veng nu leh pate hnen atanga dawn a ni deuh ber a, mimal
tlawmngaia pe pawh an awm nual. A sak hun chhung hi a rei dawn lova, sak zawh a nih
veleh luah nghal a nih tur thu Pu Roliana (Incharge, offce sak chungchang) hnen atangin
thu kan dawng.n
loCal news
3 September 2012 Monday | Vol.2 No.5
KALAYMYO-A TUI PAIHNA KAWRTE SIAM THAT DUH AN TAM
2012 August ni 8 ni khan Tahan Bogyoke kawngpui kam vela tuihawk luankawr thianin
municipal lam hotute an rawn thawk chhuak. Nay-chia-taik bul culvert pawh bawlhhlawhin
a hnawhpin vek avangin then fe a ngai a. Bawlhhlawhah te hian zikhlum kau rau, thlai rah
hrang hrang leh vawkte thi thlengin hmuh tur a awm a ni.
Kalaymyo-a cheng mipui tam zawk chuan ruah a sur tam changa kawng vela tui a tlin
nasat thin em avangin tui chhe paihna kawr te te siam that an ngiat nasa hle.
August 15 nia ruah a sur khan Kalaymyo kawngpui dung leh a chheh velah tui a tling
nasa hle a. Hei hi a chhan chu kawng sira tui luan kawra tui a luan that theih loh vang a
ni. He tui luan kawrah te hian bawlhhlawh chi hrang hrang a tam em em a, tui hi a luang
tha thei lo a ni. A rim pawh a chhe hle a, hriselna atan pawh a pawi hle ang. Mahni in leh a
chheh vel tihthianghlim chu mahni mawhphurhna theuh a nih hi hria ila.
Kalaymyo-a kawngpui pawimawh deuh deuh pali sirah tui luan kawr hi laih a ni a, mi-
mal dawr kawt, sawrkar dawr kawt leh mimal in kawt vela kawr te hi an thianghlim fai var a
pawimawh. Chuti a nih loh chuan thosi a lo piang thuai a, rul leh sazu an tam duh bawk a,
a rim a chhiat bawk avangin hriselna atan a tha lo hle thin a ni.n
UPPER CHINDWIN-A THALAI HRUAITUTE
INHMU KHAWM
August 21, Thawhlehni zing 8:30-11:00 khan Shin Hong
Hall, Kalaymyo-ah Upper Chindwin-a khaw hrang hrang
thalai hruaitute an inhmu khawm a, kal khawm hi mi 100
bawr vel an ni. Khawtlanga nu leh pa, thalai leh naupang,
hmeichhiaten harsatna an tawh thuah lungrual taka thawhho
dan te an sawi a. Mahni veizawng leh tha tih lohzawng chu
a duh apiang tan sawi theih a ni a. Tamu, Kalaywa leh khaw
hrang hrang atangin palai an lo kal thain sawihona pawh a
nung tha ang reng khawp mai..n
BIKE CHUANGTE HELMET KHUM TURA
NGENNA BEIHPUI ZIRLAITEN HUAIHAWT
2012 August ni 15 khan Kalaymyo university hrang hranga
zirlaiten bike chuangte helmet khum ngei tura ngenna beih-
pui an thlak. Kalaymyo kawngpui lun lai hmun thumah in-
thenin zirlaite hian lehkha an sem a, bike chuang apiangin
helmet khum turin an fuih a ni.
Hemi ni hian university hrang hranga zirlai 70 chuang
an thawk chhuak a, fuihna leh bike chuangte zawm tur traffc
rule lehkha an sem a ni. An lehkha semah chuan a lehlamah
bike chuangte zawm tur dan zinga mi 10 an tarlang a.
Bike khalh hian, ban pharin signal kan pe mek a nih loh
chuan kut khing hniha handle chelh tur tih te, bike hnungah
bungrua kan phur a nih chuan bungrua chu bike hnung ke
atanga inchi 12 aiin a lawr chhuak tur a ni lo va, a san lam
pawh a khalhtu koki aiin a sang tur a ni lo tih te, bike chuan
reng rengin helmet khuma khabe hrui suih (kilh) ngei ngei
tur tih te leh bike-ah mihring thutna tur a hnung lamah a
awm a nih chuan pakhat aia tam phurh loh tur, a hma lamah
tumah phurh loh tur tih te a tel hlawm a ni.
Engpawh nise bike lukhum khum lova chuan hrat ber,
student identity card an neih avanga traffc police-ten an
hlahthlem fo zirlaite ngeiin 'I nunna chu nangman humhim
rawh' tih thuziak hmanga bike chuang zawng zawngte hel-
met khum theuh tura beihpui thlak meuha an fuih hi thil law-
mawm tak a ni.n
4
|
TAHANTIMES international news
ECUADOR-IN JULIAN ASSANGE CHU POLITICS THIL AVANGA
HUMHIMNA A PE, BRTTAIN ERAWH CHUAN ASSANGE CHU
SWEDEN RAMA HLAN A TUM
Ecuador ram chuan WikiLeaks dintu
Julian Assange humhim turin thu-
tlukna a siam a, August ni 16 khan
a puang. Assange chu politics thil
vanga an sawisak an hlauh avanga
humhim tum an nih thu Ecuador
chuan a puang. He thu puan a nih
hnu hian Britain chuan Assange-a
Sweden ram hnena hlan a tum chu
thulh a tum chuan loh thu a puang.
Sweden sawrkar pawhin thutlukna
chungchang hi Ecuador ambassador
chu kovin a zawt fah.
Assange hi Sweden kuta hlan a nih chuan American-ho kuta a thlen mai a rinawm a,
America chuan ram phatsantu, enthlatu-a puhin thubuai a siamsak ngei a rinawm tiin Ecua-
dor Foreign Minister Ricardo Patino chuan a sawi. Thil awmzia zawng zawng Assange-an
tawngkam leh lehkhaa a hrilhfah hnuah Ecuador sawrkar chuan a zir chiang a, he thutlukna
hi a siam ta a ni tiin Patino chuan a sawi bawk. London-a Ecuador Embassy hian a chhunga
tawm tlat Assange hi a pek chhuah loh chuan Embassy hi luhkhung mai an tum thu British
thuneitute chuan vauna lehkha an pek thu Patino hian August 16 khan a sawi bawk.
Britain ram dan pakhatah chuan Embassy-a luh theih dan hi a awm a ni. Assange hi
June thla tir atang khan London-a Ecuador Embassy-ah a tawm a, politics thila humhimna a
dil a ni. Assange hi 2010-ah Britain-ah man a ni a, Sweden chuan sex lama tharum thawhna
thuah zawh duh an nei a ni. WikiLeaks website hian American Embassy hrang hrang thuruk
record 250,000 lai mai a thet darh a. He thil avang hian US sawrkar leh ram thenkhat chu an
thin a ur hle a ni.n[CNN]
3 September 2012 Monday | Vol.2 No.5
CHINA MISS CHU MISS WORLD-AH TLING
Miss World thlanna program hi China ram Mongolia-a Or-
dos khuaah buatsaih a ni a, a thlengtu China rama Miss Yu
Wenxia chu Miss World-a thlan a ni ta.
Miss World thlanna hi kum tin buatsaih thin a ni a.
Khawvela mi maktaduai 1000 velin an en thin. Kuminah hian
Mongolia sipai inthuama inthuamten lam hmangin hawnna
program hi an hmang a. Miss World thlannaa tel hi mi 116 an
ni. Nikuma Miss World Venezuela Miss Ivian Sarcos chuan
a crown chu a hlan leh a ni. Kumin hi intihsiaknaa miss an
tel tam ber kum a ni bawk. Miss world tling tam ber ram chu
Venezuela ram hi a ni a, mi 6 chu Miss World an lo ni tawh.
India leh Britain atangin 5 ve ve an tling tawh bawk. Kumina
Miss World ni ta Miss Yu Wenxia hi China ram atanga Miss
World an thlan vawi hnihna a ni. An thlanna hmun Ordos
khuaa thlengtute China Miss Yu-i chu pakhatna a nih thu an
puan chuan China mipui tam takin an lo lawmpui a ni. "Eng
vanga Miss World-a tling nge a nih? tih zawhna chu chhang-
in, "Ka naupan laiin mi tam takin min puih thin avangin ka lo
vannei thin a, nakin zelah naupangten vanneia an inngaih
theih nan ka pui zel ang," a ti.
Yu Wenxia hi kum 23 mi a ni a, music lam instructor
nih tum a ni. China ram Miss thlannaah 1st runner up a ni
bawk. Wales miss Sophie Moulds chu 1st runner up a ni a,
Miss Australia Jessica Kahawaty chu second runner up a ni
bawk.n[The Sun]
RUSSIA PRESIDENT PUTIN-A DEUSAWNTU
MI PATHUM LUNG INA AN DAH CHU A FAIR LO TIIN
KHAWTHLANG RAMTE CHUAN SAWI
Russia president Putin deusawntu
Pussy Riot music band-a hmeichhe
pathum chu mipui tamna hmuna che
khawlo-ah puhin Moscow court chuan
lung in kum hnih tang turin an chung-
thu a rel a.
He thu hi US, EU-a Human Rights
lam chuan an sawisel nasa hle. An phu
lova an hrem thuah leh Russia rama
zalen taka thu sawi a theih loh thuah
America ram chuan pawi a tih thu a
sawi a. He rorelna hian Russia rama
thu buai relna a fair lohzia a lantir thu
EU lam thupuangtute pawhin an sawi.
He rorelna hian rorel lai sawrkarin eptu lam dim hauh lova an khawih thinzia a tilang bawk.
He mi zaithiam pathumte lung in tang tur duh lohna lantir nan hmun hrang hrangah kawng
an zawh a ni.n

TAHANTIMES
|
5 international news
HNAM INTIHBUAINA THLENG NGEI TURA THLALAK LEH
VIDEO THEHDARHAH PAKISTAN CHU INDIA-IN A PUH
North East-a mite tithlabar tur leh Muslimho fuihpawrh nan
Facebook, Twitter leh YouTube social network-ah thlalak
phuah chawpte theh darh chiam a ni a, heng hi Pakistana
inkhuar frfak pawl pakhat tih niin India Ministry of Home
Affairs report-ah tarlan a ni.
India ram 'North East' tia koh zinga tel Assam-ah Bodo
leh Muslimho inkarah buaina a thleng a. Tichuan 'North
East-a miten Muslim-ho lakah kut an thlak na fe tiin media
lamah thu a thang ta a ni. He thil avang hian Southern India
lam khawpui hrang hranga North East mite chuan vauna
te an tawk a, thlabarin an awm phah a, hnathawka awm te,
lehkha zira awmte mi tam tak mahni khaw lama lo tlan haw an tam a ni.
July ni 13 atanga online-a thlalak an theh darh tam tak chu 'phuah chawp' an ni hlawm
a. Tibet lirnghing, Thai leh hmun hrang hrang atanga chhiatna tawkte thlalak dang dang
fawmkhawmin an phuah thaa an thehdarh a ni. Myanmar, leh Assam tea thlalak leh video te
online-ah an vawrh darh a, hmun hrang hrangah boruak ralmuanawm lo tak tak a thlen phah
a ni. G-mail leh internet phone tein chanchin dik lo an sawi darh a, Assam hmun leh hmun
dangah mipuite an chi-ai phah nasa ta a ni. Muslim te 'Id' zawha tharuma inbeihna a hluar
sauh dawn ni awma sawina lehkha te pawh a darh nasa hle.
Heng thu thang avang hian India chhim lam khawpui dang dangah Muslim leh North East
mite inkar boruak a ralmuan awm lo zo vek a ni. Heng thu thang lo chhuahna hnar ber chu
Pakistan a ni tiin India Home Minister Raj Kumar Singh chuan a sawi. n[CNN]
SYRIA BUAINAAH SAWRKAR
SIPAI LAMIN BOMB THLAK
Syria rama buaina awm
mekah eptute lamin an
lak khaw pakhat chu saw-
rkar sipai lamin bomb an
thlak a, a tlem berah mi
20 chuang an thi. Syria Air
Force lam chuan vawi hnih
meuh bomb hi an thlak a,
mi 20 chuang an thi ta ani.
Hei bakah hian hliam
tuar mi tam tak an awm a,
building tlu chhe kara tang
naupang pawh eng emaw
zat an awm. Britain rama
awm Syria rama human
rights lam endiktute chuan mi 23 an thih thu an puang ve
bawk. Mi 200 chuangin hliam an tuar bawk a ni.
AP News Agency lam chuan khaw chhungah ruang 9
an hmuh thu leh chung zingah chuan naupang pakhat a
tel thu an sawi ve bawk. Bomb thlak a nih zawh hian thalai
intel tualho pakhat chuan building chhe pakhat hnuaia mi
pakhat an hmu. An chhan chhuak nghal bawk. "Pathian
chu a ropui a ni" tia au rual dual dualin he pa hi an chhan
chhuak a ni. Damdawi in lamah an kalpui nghal a. Heti ang
chi hi hmuh tur a awm deuh reng. Syria tual chhung buai-
naah Syria hian Air Force lam a hmang nasa em em a, UN
lam pawhin an la khap lo.n
SYRIA RAM TUAL CHHUNG BUAINA AVANGA
RALTLAN MI 170,000 CHUANG AWM TA
Syria ram chhung buaina avanga thi ngawt pawh 20,000
chuang an awm tawh a. An President lah a la luhlul bur
mai si a. Tunah hian Turkey ram lamah buaina avanga tlan
chhia hi an tam em em tawh a ni. Hetia an tlan chhiatna
kawngah pawh hian sawrkar sipaite leh eptute chu an indo
nasa hle.
Tunah hian buaina avanga tlan chhia hi mi 170,000
chuang an awm tawh thu UN lam chuan an puang. Syria
ram sawrkar sipai chuanna motor rual chu eptu lamin an
bei thut a. Bab al Hawa khua chu sipai thlawhna hmanga
beih a ni zel bawk. Ni khatah mi 129 chuangte an thi thin. n
SYRIA INKAHNA LEBANON A KANGKAI
Syria rama inbeihna chu thenawm ram Lebanon a kang-
kai ta.Lebanon hmar lama inkahnaah mi pahnih an thi a,
60 chuang an hliam niin Reuter chuan a report. Lebanon
hmar lam Tripoli-a Sunni leh Shiite Muslim te zan khuain an
inkap a ni.Sunni leh Shiite te inkar boruak hi Syria Presi-
dent Assad dodalna a intan tirh, thla 17 kal ta atang tawha
inmun a ni. Hetih lai hian Syria ram chhung buainaa sipai
chakna hmanga inrawlh lo turin Syria Deputy Prime Minis-
ter chuan America chu a vau lawk sa a ni.n[CNN]
PHILIPPINES SIPAI LEH MUSLIM HELTE INTIHBUAINA
AVANGIN MIPUI SING TEL AN INTHIAR FIHLIM
Philippines chhim lamah sipai leh mus-
lim hel pawlte an inkah nasat avangin
mi 45000 vel an tlanchhiat thu UNO
chuan August ni 16 khan a puang.
Heng mahni in leh lo chhuah-
santute hi school leh sakhaw hmuna
chentir an ni a, an dinhmun chu a tha
lo hlawm hle a ni tiin UNHCR offce lu
ber Arjun Jain chuan a sawi a.
Heng chhanchhuahna hmunahte
hian mi an tam an tawt lutuk a, pindan
pakhatah chhungkua pariat leh sawm
vel an khawsa a ni. Kar kal ta khan
chhim lam Maguin Danao bialah Islam
Freedom Fighter (BIFF) te chuan sipaite an beih avangin an inkap chiam a, sipai panga aia
tam an inhliam a ni. BIFF te hi indo mi za tel an awm a, a tira MILF mi 12000 atanga peng
chhuakte an ni. Muslim mi tlem zawkte independent-na tura 1970 vel atanga bei tawh kha an
ni. MILF te tak hi chu sawrkar nen an inbe rem tawh a, Philippines chhim lamah mahnia ro
inrel hran bial neih thuai inbeisei mek an ni.
Tuna sipai nena inkap BIFF hotu ber hi Saudi Arabia-a training nei tawh a ni a. 2008
atang tawh khan Philippines chhim lam Kristian ramte pawh an bei chiam tawh a, civil 400
chuang an thi a, mi 750,000 velin in leh lo an tlanchhiat san phah tawh tih AFP chanchinah
tarlan a ni.n[AFP]
3 September 2012 Monday | Vol.2 No.5
Sympathy Helping Centre-in Upa (tar) chanhaite
() puala lucky ticket a zawrh mek
vawr hun atan August 15, 2012 (Nilai) a ruat chu
rokhawlhna lian tak avangin sawn hlat a tul ta tlat mai
a. Duhsak taka mi lo leisaktute zawng zawng hnenah
thupha chawi pahin, in mi hriat thiampuina kan han
ngen tak meuh a ni. Tin, hun ruat August 15, 2012 nia
kan vawr theih tak si lovah chuan, ticket vawr program
nuam leh hlimawm zawka buatsaih a nih theih nan
favang boruak nawm hun nghah law law ni se tih a ni
a. Khuangchawithla (October) 30, 2012 Thawhlehni
kan ruat leh ta e, tih kan han inhriattir nghal che u a ni.
Sumzawnga khual zin mite hian driver tha leh motor tha awm rem-
chan hun nghaha zin an ching thar tawh zawk a. Tunah chuan nghah
ngai lovin driver tha leh motor tha tak a awm sa reng tawh a ni.

Shwe Lwin Pyin gate chuan, Kalaymyo to Mandalay, Tamu to Man-
dalay nuam taka i zin theih nan tun laia ber kai chin Motor tha leh
chuan nuam tak Pajero Motor, Air-con awm leh chuan man tlawm
bawk hmangin an service reng tawh tih kan han hriattir che u a ni e.
Ticket i in ngeiah kan rawn dah thei a.
Kal dawnah i inah ngei kan rawn hmuak ang che.
Chil hills, Falam, Hakha, Tedim, leh Mandalay lam zin nan
a hrana order theih reng kan ni bawk.
Contact Ph. 073 22021, 09400309087
NL. BaBy
Maribah PCO, Taungzalat St., Tahan
SHWE LWIN PYIN GATE
PAJERO, MOTOR CHUAN NUAMIN
THuPHA kAN cHAWI EI
6
|
TAHANTIMES
MAHNI INTHAH TUM NU PAKHAT CHU
A CHHUNGTEN CHHAN
He thil hi lemchan thil a ang hle. Thih ngei tuma in chung atanga zuan thlak
tum hmeichhe pakhat chu a chhungte, thiante leh chhanchhuah hna thawk-
tuten an chhanchhuak hlauh. Building chhawng kua atanga zuan thlak tum
Sheng Fi-i keah an lo chelh hman hlawm a ni.
An hriat thiam loh em em chu hemi hma lawk hian kum 4 mi a tupa
pakhat chu thaw chham tura puana a ka hupsakin in chung atangin a lo
paihthla tawh bawk.
He thil thlenna hi Southern China-ah a ni. A unaunu nen pawh an lo
intibuai hle thin tawh bawk a, he a unaunu hi a thah tak mipa naupang nu a
ni a. An intihbuai avangin a fapa hi a thahsak ta a ni. Thah a tum thu hi a pha
lova, a ruang chu feet 100-a sang atangin a paih thla a ni. He thil thlenna
hmun hi Guangdong Province-a Zhangjiang-ah a ni.n
WorlD CRIMe
3 September 2012 Monday | Vol.2 No.5
NU, NAU HNUTE PE LAI PAWNA CHHUAHTIRTU
TAIWAN MUSEUM PAKHATIN HREMNA A TAWK
Taiwan-a museum pakhatah a nausen pawmlai hnute a pek avangin nu
pakhat chu security thawktu pakhatin a hnawt chhuak a.
Museum-a nau hnute hnektir chu mipui hmuha thil mawi lo a ni tiin se-
curity duty pakhat hian pawna chhuak turin a tih avangin he museum hi
thubuai siamsak an ni a. Museum Curator (hotu ber) leh security duty chu
Taiwan dollar 6000 ve ve chawitir an nih thu Taiwan khawpui Health Depart-
ment-in an sawi chhuak.
Taiwan-ah hian kum 2010 atang khan mipui vantlang hmunah nuten
zalen taka nau hnute hnektir phalna dan an zam tawh a. Tun tum hi he dan
an lek hmasak ber tum a ni. He thil thlenna Museum hi 'National Palace Mu-
seum' a ni a, China hmasang kutchhuak art collection an neih that avanga
hmingthang tak a ni.
Museum lam chuan nau hnute pe lai nu hi security duty hian pawna
chhuak turin a ti lo va, museum-a nau hnute pekna tura ruat bik pindana kal
turin a ti mai a ni tiin an pha thung.
Taiwan-ah hian Nu, naute hnute pe tha duh lo an pun sawt em avangin
nuten nau hnute pek an uar that leh theih nan Taiwan sawrkar chuan van-
tlang hmuna zalen taka hnute an pe zarbuaitute thubuai siamsak theihna
dan a zam ta a ni. n
A FAPA MI RUK, KUM 21 HNU-AH A HMU LEH!
China ram Chongqing-a thei zuar Hu
Shangming chuan kum 21 chhung
zawng khan a fapa bo hi a hmuh leh
ngei beisei rengin a awm a.
Nitin, hlah hauh lovin a fapa an kal
bopuina hmunah a va nghak ziah a, thil
mak thlen beiseiin a tawngtai ziah a. A
bul hnai thei ang berah in a lei a, dawr a
kai ta nghe nghe a.
Hu chuan, "A lo kal ang a, min
zawng hmu mai si lovang tih ka hlau a
ni," a ti a. "Chuvangin helaia ka awm a
ngai. Khawiah mah ka kal sawn dawn
lo. Khami nia ka fapa ka'n hmu zo lo ka
thinlung awm dan kha ka theihnghilh
ngai tawh lovang. Kha mi nia thil thleng
ka ngaihtuah chuan tunah pawh hian ka
thinlung hi vih angin a na a ni."
Kan hnung deuh khan Hu-a hnenah
Xiamen Police-ho an lo leng a, tlangval
pakhat amah hringtu nu leh pa dik tak zawnga vak, helai biala a awm ve thu
Hu-a an rawn hrilh a. "Chu tlangval chu i fapa i bo taka kha a ni thei asin,"
tiin an rawn hrilh a ni. Chu tlangval kum sarih rual a nih laia a thlalak an han
phawrh chu(h), "Hei hi a nih hi ka fapa chu! Ka tlangvala a ni chiah mai," a
ti ta chul a.
DNA test an han nei a, Hu leh chu tlangval Ma Yangzhen te chu pa leh
fa dik tak an lo ni chiang a. Hun rei tak inthen vang vang hnua inhmu leh an
nih avangin Hu chu insum zo lovin a tap chhuak hial a, 'Ma' chu nghet takin
a kuah bet tlat ta mai a ni. A fapa hi bo hlen tawh tur emaw tih hial khawpin
an inbo a ni si a.
"Ka fapa. An hruai bona che hmunah kum 21 chhung ka lo nghak che
asin. Kum tam tak a ni. Ka ngai lutuk che asin. Vawiin tluka ka hlim ni hi a la
awm ngai lovang."
'Ma' chuan a la naupan em avangin a nu leh pa dik takte hmel hi a hre
pha tawh lova. "Ka la hriat ve chu 'grape' rah an zuar thin tih leh kan kawtah
serthlum kung tam tak a awm tih chauh hi a ni," a ti a.
Hu leh a nupuite hian Shapingba-ah thei dawr an siam a. An fapa 'Hu
Yong' chu awmtu tur dang an neih si loh avangin nitin an hruai ve thin a.
1991 February 19 khan dawr bul hnaiah Hu Yong chu a lo tla ve mai mai a,
annin hna an thawk a. An han en leh chu Hu Yong chu a lo awm tawh lo. A
bo der a ni.
Thenawm khawveng pakhatin Hu chu fu feh tur a pe a ni awm e. A han
fep chu a chatthla ta der a. A'n harh chuan amah mantute nen rail-ah an lo
chuangho der tawh a. Rinhlelh kai pathum police-in an man na a, a Hu Yong
bera chu an hmu zo ta chuang lo a ni. A chhan ber chu Hu Young chu hmel
hriat loh hnenah an lo hralh daih tawh vang a lo ni.
Chutiang chu a ni a, mahse Hu hian a pianna nu leh pate chu a hre
chhuak thei mai lova. Kum tam fe hnu-ah erawh chuan a pa 'Hu' chu a hre
thei leh ta chauh a ni.
"Ka han hmuh chiah khan ka hre mai. Ka pa a ni tih ka hre nghal mai,"
a ti a ni.n[Daily Chilli]

Web: https://www.cimpi-advertising.blogspot.com
Ph: 09-47073128
" "
:..z.a:z z.....a:..
TAHANTIMES
|
7 General KnOwLeDGe
3 September 2012 Monday | Vol.2 No.5
OLYMPIC TUM 18 EN TAWH PUTAR PAKHAT
Kum li dan chauhva buatsaih thin Olympic
inkhel ropui tum 18 en tawh kum 90 mi Harry
Nelson chuan Olympic a tum zat chhiara en
tam ber record a siam ta.
America ram California state Los Angeles
khuaa cheng kum Mr. Harry Nelson hian 1932
atang khan Olympic hi a en tan a. Amah hi
Los Angeles University atanga zir chhuak a ni
a. Kum 1932 khan Los Angeles-ah Olympic hi
nghah a ni a, kum 10 mi Harry Nelson chu a u nen Olympic chu an en a ni. Olympic en zing
ber nih a duh avangin kum 1952 khan Olymic an nghahna Finland-a kal turin a motor a lo
hralh hial.
Kum 1956 khan Australia ramah Olympic hi nghah a ni a, en a duh avangin a nupui nena
honeymoon an hman tur pawh kum khatin a sawn hla nghe nghe. A nupui hian Olympic a
enna-ah a zui ve ziah thin bawk.n
LEHKHABU PAKHAT CHHIAR CHHUAH APIANGIN
LUNG IN TAN HUN CHHUNG NI LI PAWT TAWI
Brazil tan inte hi a chhe zawngin an hmingthang
thin hle a. Mahse DM News ten June thlaa an
puan dan chuan titha thawkhat tak an ni.
Brazil sawrkar chuan 'lung in tang thenkhat
chu lehkhabu pakhat an chhiar chhuah apiang-
in an tan hun chhung ni li a pawh tawisak dawn
a ni. Kum khat chunga chhiar tur literature, phi-
losophy, science leh classic lehkhabu ro, bu 12
lai an pe ang a. An chhiar zawh vek chuan kum
khatah ni 48 lai, an tan hun an pawt tawi thei
dawn a ni.
Mahse dan an zam. Lehkhabu pakhat chhiar nan hun hapta li zel pek an ni ang a. An
chhiar zawhah an thil chhiar chungchang 'essay' pakhat an ziah a tul. Tichuan ziak leh
chhiar lamah an intuai hriam ang a, an hriatna, thiamna a pung dawn a ni. A tu chin nge he
program-ah hian telh tur ni ang tih erawh chu roreltu ruat bikten an thlang ang.
Brazil ram Sao Paulo-a ukil Andray Khadi-an "Lung in tangte tan lehkhabu thawh khawm"
dan tur a ruahman a. He a ruahmannaa inhmag lung in tangte chu a hma aia mi tha leh
hmantlakah an chhuah ngei a beisei thu a sawi.n
SWEDEN RAMA HMEICHHE CHAK BER
Sweden rama hmeichhe chak ber hi a hming
chu Irene a ni a. Kum 1966 khan Denmark
ramah a lo piang a. Kum hnih mi a nihin a nu
leh pate nen Sweden ramah an pem a. Kum 20
chhung sport stadium-ah a taksa a lo sawizawi
tawh a.
Hmeichhe sek intihsiaknaah pawh a tel ve
fo tin. Kum 1978 khan heti ang intihsiaknaah
hian a tel tan a ni. Kum 15 a tlinin a taksa a
sawizawi tan bawk. 'Ka dam chhungin ka in-
sawizawi reng ang,' a ti.n
HMEICHHE SAM SEI HLIR
CHENNA KHUA CHU
Sam hi hmeichhe tan hian a pawimawh hle mai a. Hmel lan
dan a tidanglam nasa thei hle. Kawlho ngat phei hi chuan
hmeichhe zahawmnaah hial an ngai. Hei tunah China rama
Yao hnamho chenna Huangluo chuan khawvela hmeichhe
sam sei hlir chenna khua niin record a siam ta. He khuaah
hian chhungkaw 82 chauh an cheng a, Yao hnam chauh an
khawsa bawk. He khuaa cheng hmeichhia zawng zawngten
sam zuah sei chu an hnam dana ngaiin an zuah sei vek a,
an hlut hle bawk. Khuaa cheng hmeichhe 120-te sam chu a
tlangpuia chawh rualin 1.7 meter a ni a, a sei ber sam chu
2.1 meter a ni. He sam sei khuaa cheng hmeichhiate hian
an hnam dan ang takin kawr sen an ha vek thin bawk a,
khawvel hmun hrang hranga khualzin mite a hip hle ni awm
tak a ni.n
MI VANDUAI, DUAI LO TAK HUGH HERR
Hugh Herr hian ke khing hniha
tan ngai khawpin vanduaina
a tawk a. Mahse a duai lo. Ke
pahnih nei lovin 'ke lem' vuah
mah ni se, feet 200-a sang
lung bangah a lawn thei tlat.
1982 khan Hugh Herr hi
kum 17 rual a ni a, a thian pa-
khat nen 'Mt Washington tlang'
an lawn a. Chutih lai chuan
chhum a zing pik tlat a, kawng
lakah an tang a. A vawt si a,
Herr-a ke hliam chu vurin a
seh a, a hnu-ah tan ve ve ngai
hialin a lo awm a, a ke khing
hniha tan a ni ta a ni. Vanneih
thlak takin chhanchhuaktuten an hniak atangin an chhui thei
hlauh a, chhan chhuah an ni a, mahse an thian dunin thla
tam fe damdawi ina enkawl an nih bakah Herr-a ke chu tan
a ngai ta hial a ni. "A theih loh tunge ti thei tawh ang?" tiin
TV-ah feet 200-a sang lung bang a lawn chhuah theih thu
chu inchhuang takin a tlangau thei ta a ni.n
INTERNATIONAL ENGLISH LANGUAGE PROFICIENCY
TEST PREPARATION COURSE
ETS
TOEFL
[PBT]
Cambridge
IELTS
Special class/Regular class

Saya MiCHaEL KHuPPi
iELC, Tahan Times
'A' Group
xl;jcm;csuf
Test
Scoring system
Test Section Audio CD + Past paper
2012 TOEFL-610, IELTS-8.0
Test of Written English fullmark 6 5.5
Top Ten

trSwfaumif;&csif&if trSwfjrifhjrifh&xm;wJh q&mxH oif,lyg

The
TOEFL & IELTS
Specialist
MILA KUNIS
A BIALPA A BAN CHHAN
8
|
TAHANTIMES CeleBritY 3 September 2012 Monday | Vol.2 No.5
Hollywood flmstar hmel tha Mila Kunis hian a bialpa hi a
hmangaih hle thin a. Mahse a bialpain drugs a khawih thin
avangin hmangaih tak chungin a bansan ta a ni.
A bialpa hi 'Home Alone' star kha a ni a, a hming chu Ma-
caulay a ni a, kum 8 chhung an lo inzui tawh a ni. Macaulay
chuan drugs a khawih tan ta a, khawih lo tura khap theih lah a
ni bawk si lo, Mila Kunis chuan a ban lo thei ta lo a ni. Amah hre
chiangtute chuan "Kunis hian Macaulay hi a hmangaih lutuk tlat,
mahse a bialpain drugs a khawih tak avangin a rilru a na hle a ni,"
an ti.n
KIM KARDASHIAN
LUNGPUI CHUNGAH
Lung ruh hmel tak Kim Kardashian chu lung bang nghengin tui chenna thuam swimsuit tle
sar mai nen a inpho nalh vel. Reality star, 31, te hi mi mit la ngei turin a thlalak Twitter-ah
a tar chhuak a, a intheh lar leh ta nge nge. "Lungpui chunga lanu' tiin a inziak. Thlalak uar
tak kan model-i chuan jumper ha-in thlalak dang a pho bawk. A result a that hle avangin
tihian a ziah belh. 'Lungpui anga sakhat' tiin.
A mimal nun a chhui letin 'lungpui a su' niin a inhria a ni mai thei. A pasal hlui Kris
Humphries chuan ni 72 chhung an inneihna chu, 'a der mai a ni' a ti a. He mite pahnih hi
court-ah an inthenna tur an buaipui nasa mai a ni. Kim atana thu lawmawm chu a laizawn
Kourtney chuan Kim hi a boyfriend Kanye West nen fa an la nei dawn tia a lo ring tlat hi
a ni. Kourtney chuan tihian a ti: "Kim leh Kanye te pahnih hian fa neih an duh ve ve tlat. A
hun nghah a ni mai."
"Kim hi pasal nei turin a inpeih fel diam tawh. Kan naupan tet ata hetiang em ema Kim
hlim hi ka la hmu ngai lo."n
CHRIS BROWN
RIHANNA
O
prah Winfrey nena interview an neihnaah Rihanna chuan a bialpa hlui Chris Brown
chu a la hmangaih thu a sawi a, a mittui a lo luang chhuak a, insum erawh a tum hle.
Chris Brown hian Rihanna hi kut a thlak a, chumi avanga inthen an ni. The We Found
Love singer chuan an pahnih boruak hi a la tha lo zel niin a sawi. Kum 24 mi Rihanna
chuan "Ka lo inrin leh theih nan theih tawp kan chhuah a, kan inhmangaih ve ve
a, chuti ang chu a ni kumkhua bawk ang, a ti. Kan inthian thatna angin kan kal
zel, tunah chuan thian inhnaih tak kan ni tawh, a ti bawk. Nikum lam khan
Rihanna-i hi Chris Brown chuan kut a thlak avangin Brown chu
khuahkhirh tura tih a ni a, mahse Rihanna nen hian an
inhmu fo. Rihanna chuan, "Amah ka la hmangaih
reng hi a mak a ni," tiin a sawi. Tunlai hian Brown
hian model Karrueche Tran a zui mek a. Rihanna
hian Brown nena an inlaichinna a chhiat phah a
hlau lem lo. "Ani chu ka nunna tluka ka hmangaih a
ni, ka hmangaih hmasak pawh a ni," a ti a. A kut-
thlakna pawh a ngaidam.n
TAHANTIMES
|
9 entertainMent
TOP 10 BOXOFFICE
1 The Expandables 2 $52M
2 The Bourne Legacy $86M
3 ParaNorman $28M
4 The Campaign $65M
5 The Dark Knight Rises $422M
6 The Odd Life of Timothy Green $27M
7 Premium Rush $6M
8 2016: Obama's America $9M
9 Hope Springs $45M
10 Hit and Run $6M
TOP 10 MUSIC ALBUMS
1 Based on a T.R.U.Story 2 Chainz
2 NOW 43 Various Artists
3 God Forgives, I Don't Rick Ross
4 Mighty Death Pop Insane Clown Posse
5 Overexposed Maroon 5
6 Believe Justin Bieber
7 Up All Night One Direction
8 21 Adele
9 Uncaged Zac Brown Band
10 Southern Air Yellowcard
"HUNGER GAMES" FILM CHHUNZAWMNA AVANGIN JENNIFER LAWRENCE CHUAN DOLLAR MAKTA-
DUAI 10 HLAWH DAWN A NI.
Filmstar duhawm Jennifer Lawrence chuan "Hunger Games" flm chhunzawmna atangin dollar maktaduai
10 a hlawh dawn. Lehkha ziaktu Suzanne Collins lehkhabu ziak "Hunger Games" bu thum chu cinema-a chan
a ni a. He flm-ah hian Jennifer Lawrence hian Katniss Everdeen lemah a chang a. Kumin kum tir lam atanga
an release Hunger Games hian en man ringawtah dollar maktaduai 683 a la lut tawh a.
A tir lamah chuan Lawrence hian hlawh pawh a dawng tha lem lo. Mahse buaipuituten Lawrence pawimawh-
na hi an hriat chian tak em avangin dollar maktaduai 10 an pek belh dawn ta a ni. 'Hunger Games'-a a changtu
dangte pawhin lawmman an dawn belh vek bawk ang.
'Hunger Games' lehkhabu pathum chu flm li-a chan tum a ni a. A pakhatna chu kumin kum tir khan release
a ni tawh. Nakum lamah a chhunzawmna hi peih fel an inring. Hunger Games part II 'Catching Fire' chu Sep-
tember thla khian peih fel hman an inring bawk. Director chu Francis Lawrence a ni a, a chan leh turah hian a
changtu hmel thar pawh hmuh leh beisei a ni.n
3 September 2012 Monday | Vol.2 No.5
Website: www.tahantimes.com
E-mail: tahantime@gmail.com
'HUNGER GAMES' FILM CHHUNZAWM DAWN:J. LAWRENCE
'TOP GUN' DIRECTOR TONY SCOTT CHU LEI ATANGA ZUANG THLAIN A THI
'Top Gun' flm director leh producer Tony Scott chu San
Pedro-a lei pakhat atangin hlauhna nei miah lova a
zuan thlak thu a hmututen police an hrilh. He lei hi Vin-
cent Thomas Bridge a ni awm e.
Scott hi kum 68 mi a ni. Los Angeles police-ten tui
ata a ruang hi an la chhuak. Mi tam takin Scott-a chet
dan hi an lo hmu a. Scott chu leia a dah a motor Toyota
Prius atangin a lo chhuak a, (12:30 p.m velah) hlauhna
(timna) nei hauh lovin tuiah a zuang thla ta a ni. Police-
te hian a car chhungte pawh an endik a. Amah a in-
thahna tur chungchang a ziak pawh a offce-ah an hmu
nghe nghe.
Scott hi director hlawhtling leh mite zah em em a ni
a, 'Man on Fire', 'Enemy of the State' leh 'Beverly Hills
Cop II' flm-ah te pawh director a lo ni tawh. A flm lak
hnuhnun ber chu kum 2010-a a lak 'Unstoppable' kha
a ni. He British director hi Beverly Hills-a cheng a ni a.
Kum 1986-a a lak 'Top Gun' flm khan a tihmingthang
hle a ni. He flm-ah hian Tom Cruise chu Navy aviator
angin a lo chang a nih kha. Chhuah a nih atanga ni 4
lekah dollar maktaduai 21.6 lai a lakluh nghal bawk kha.
Scott hian nupui pathum a nei a. Fa phir (mipa) a nei.
A nupui hnuhnung ber chu flm star leh model Donna
Wilson a ni.n
TAHANTIMES
|
9
TAHAN TIMES DUHSAK TAKA MIN CHHIAR SAKTUTE HNENA
LAWMTHU SAWINA A TAN
Tuna tang chuan Tahan Times page 20 zinga a zatve, page 10 zet chu
color vekin chhu tawh dawn a, a man erawh a to phah chuang lovang.
Chuti chung chuan kan paper quality pawh kan tihniam chuang dawn lova,
tuna kan hman mek ang a tha chi hi kan hmang zel ang.
Tun hma atanga fakna [advertisement] kan lo chhuah sakte tan a rate ngai
thovin color kan hmansak bawk dawn.
Chanchinbu page awm zat pawh kan titlem chuang lovang.
Tahan Times
Tel. 09 47072961
10
|
TAHANTIMES
I.T 3 September 2012 Monday | Vol.2 No.5
K
hawvel pum huapa Social Network lian ber facebook dinch-
huaktu Mark Elliot Zuckerberg-a hi May 14, 1984 khan White
Plains, New York ah Juda chhungkua atang a lo piang a, nau-
pangt a nih atangin computer programming lamah a tui hle a,
engemaw dinchhuah a, mi pakhat nih tum tlat mi a ni. Philips
Exeter Academy-a lehkha a zirlaiin a pa hnuaia thawkte'n awl-
sam taka an inbiakpawh theihna tur programme a siam a, a
pate offce hian an hmang tangkai hle. A pate tana software
a siam hnu lawk hian game pakhat Risk a siam leh a, chumi
hnuah music player Synapse a dekchhuak leh a, miin rimawi
a ngaihthlak ngun deuh deuh he player hian a lo chhinchhiah
a, a ngaithlatu mizia a chhut chhuak thei nghe nghe.
Microsoft leh America On Line (AOL) chuan leisak a, an hnuaia thawk
nghal turin an sawm a. Mahse an sawmna chu hnawlin Harvard University a
zawm ta zawk a ni. He University-a a kallai hian Zuckerberg-a hian facebook hi
a tinung tan a, hei hi february 4, 2004 mai kha a ni. Facebook tih hming hi an
school-a zirlaite leh staff te profle ziahna paper sheet hming a lakchhan niin
an sawi. A tir chuan The Facebook tih a ni a, mahse Kum 2005 khan a hming
bula article "the" hi an paih.
Engkim chu tluang takin a kal purh purh bik hauh lo, facebook an siam
hnu niruk chauh ah Harvard University-a a zirpui senior students Cameron
Winklevoss, Tyler Winklevoss, Divya Narendra ten an thian hova idea an neih
chu facebook dinchhuah nan Zuckerberg an a hmang an rawn ti ve ta! An
sawi dan chuan Harvard Connection.com chu facebook hian a entawn a an
idea zawng zawng a hmang a ni an ti. Mahse March 28, 2007 khan hmalakna
mumal awm lovin an thubuai chu tihtawp a ni. An la duhtawk mai lo an tanna
ngaia tangin US District Court, Boston ah thubuai thar an siam leh a, July 25,
2007 khan thubuai sawina hun hmasaber hman a ni a, June 25, 2008 khan
facebook chuan Dollar maktaduai 65 chawiin thubuai chu a titawp ta a ni. He
case-ah hian ConnectU lam hian college-a a kallai a lehkha eng engemaw
an phawrh nasa hle a, college alumni magazine-ah Zuckerberg-a chetdante
an ziak chiam a, hei hi Zuckerberg-a'n hrethiam lovin thubuai a siam ve leh a,
mahse college alumni magazine hi thiam chanter an ni.
Kum 2004 March thla khan Zuckerberg-a leh a roommate Dustin Mosko-
vitz te tang dunin facebook chu an vawrh lar ta vak a. Stanford, Darthmouth,
Columbia, New York University, Cornell, Brown, Yale, MIT, Boston University,
Canada leh United States-a University-a zirlaite hman theihin an han dah chin
a, a hit kher mai. Heng University-ah te hian facebook account neilo an awm
lo tih ngam a ni. Tichuan, September 2005 khan khawvelin a hmelhriat ve tak
tak ta a. Mi tupawh kum 13 chin chunglamin an hman theih turin September
26, 2006 khan an tlangzarh. Chuti chung pawh chuan May 2011-a Consumer
Reports.org in a sawi danin kum 13 hnuai lam facebook hmangtu maktaduai
7.5 lai an tling. Kum 2011 March thlaa a report danin facebook hian nitin ac-
count 20000 chuang an delete thin. Heng account an delete sak hote chu kum
13 hnuai lam leh diklo taka hmangtute an ni.
Facebook hi a tirah chuan a changkang mai bik lo. Mark Zuckerberg leh
a thiante Eduardo Saverin (business aspects), Dustin Moskovitz (program-
mer), Andrew McCollum(graphic artist) leh Chirs Hughes te nen nasa takin
an thawk ho a ni. September 6, 2006 khan events, birthday reminder, pro-
fle changes te hi hman theihin an dah a. August 22, 2006 ah
notes, tags leh programme dang an belh leh a, 2007 February
8 khan thiante hnenah man chawi a thilpek thawn theihna an
siam belh leh. May 14, 2007 vek hian marketplace an tlangzarh
a, May 24, 2007 tho khan facebook chhungkuaa programme
chi dang deuh siam theina tur a din a, facebook platform an ti
a, khawvela computer thiam tam takin an rawn bawh ta a, face-
book chu chawp leh chilhin a hausa belh zel a, kar khat chhung
lekin tlawhtu maktaduai a nei nghal ta der mai. July 2007 khan
member te'n an duhzawng an post theihna tur Wall an siam leh
a. November 6, 2007 khan social advertising system an tih mai
Beacon chu a tlangzarh leh a, site dang daihah facebook chu
en theihin a awm leh ta a, facebook a mahni thiante nen lei tur leh hralh tur a
inhriatpawh theih a, a fuh lehpek kher mai. Tichuan, April 7, 2008 ah tuna chat-
ting kan hman hi an siam. July 20, 2008 ah tho facebook beta hi an tlangzarh,
link dan theihna hi June 13, 2009 ah dahin, email address @facebook.com hi
November 15,2010 ah an tlangzarh. Thlalak dahna pawh hi a tirah chuan album
khatah thlalak 60 chauh a dah theih a, May 2009 khan album khata thlalak 200
leng turin an siam tha. Google leh Yahoo lam pawhin Facebook hi Zuckerberg-a
hnenah lei an dil a, mahse lei tura siam a nih loh thu-in a lo chhang.
Social Media Today in a sawidanin 2010 April thla khan US mipui zaa
41.6% te khian facebook account an nei. May 2011-a a landan chuan US atang
thla tin mi maktaduai 138.9 in an tlawh ziah bawk. Hnathawktu pawh mi 2000
chuang neiin Menlo Park, California, US ah tunah hian headquarters an nei.
An headquarters hmasaber chu Palo Alto, California ah a ni. Facebook in a
report dan chuan 2011 January thla khan facebook hmangtu hi maktaduai 600
an ni tawh. Miin an hriatbelh zela nitin tlawhtu an tam telh telh bawk. Facebook
hmangtute pundan Wikipedia in a tarlan dan chuan August 26, 2008 ah mak-
taduai 100, April 8, 2009 ah maktaduai 200, September 15, 2009 ah maktaduai
300, February 5, 2010 ah maktaduai 400, July 21, 2010 ah maktaduai 500,
January 5, 2011 ah maktaduai 600 an ni tawh. Kan sawi hmaih hauh loh tur chu
facebook hian PC Magazine award "Top 100 Classic Websites" 2007 khan a
dawng a, 2008 khan Webby Award "People's Voice Award" a dawng bawk. The
New York Times in 2010 April-a a tarlan danin facebook hmang nasatu ramte
chu:- United States, United Kingdom leh Indonesia te an ni. US hian an hmang
nasa bera, Indonesia hian a dawt. Chutiang khawp chuan miten hmang nasa in
lar mah se heng Pakistan, Syria, Republic Of China, Vietnam, Iran, Uzbekistan,
Saudi Arabia leh Bangladesh ah te chuan hman an khap vet hung. A chhan chu
he website hmangtute hian an duh duh anmahni page bikah an dahluh theih
avangin copy rights leh intellectual properity rights bawhchhiatna a tam vang a
ni.
He company hi 2008 kuma an chhut dan chuan dollar maktaduai 300 vela
hausaa ngaih a ni. October 1, 2010 khan Mark Zuckerberg-a hringnun behch-
han flm, The Social Network chu tlangzarh a ni a, Mark Zuckerberg-a lem hi
Jesse Eisenberg-a'n a chang a, David Flincher-a'n a direct. Ben Mezrich-a'n
kum 2009 a Mark Zuckerberg-a chanchin a ziahna bu "The Accidental Billion-
aires: The founding Of Facebook, A Tale Of Sex, Money, Genius and Betrayal"
tih behchhana thawnthu siam a ni.
n
/
Highlight

//
/




/
/
//
KAN DAWR KUM 3 A TLINNA HRIAT RENGNA DISCOUNT
DANGLAM TAK KAN TIHSAK THEI E!
Blessing Beauty Saloon chuan kum 3 hmel a lo hmu ve ta reng mai.
Hemi denchhen hian discount danglam tak kan buatsaih dawn ta e.
A man bithliah pawh awm lovin September 3-15 thleng min rawn dawrtute
hnenah kan lawmzia entir nan man tlawm tein kan lo tihsak ang.
Mit hmul tlemte tan a bik taka chei dan tha, mawi leh reh mai mai tawh lo
tura thain kan tihsak thei bawk. Mo kawr, mo neitu kawr chi hrang hrang
pawh kan nei bawk e.
Ph: 09 400310758
oifwef;ol vufcHonf
KC LaLruaTdiKa
INTERVIEW
TAHANTIMES
|
11
3 September 2012 Monday | Vol.2 No.5
PRESIDENT U THEIN SEIN LEH
VOA BRANCH HOTO INTERVIEW
Zawhna: Tunlaiah Myanmar chung-
changa ram dangte sawi ber chu
Rakhine State-a Rohingya chung-
chang hi a ni a. Human Rights Com-
mission pawhin meeting a buatsaih
dawn. International level-ah pawh
Islamic Council meeting neih a ni
dawn a, hetah hian Rakhine State-
a Rohingya an tih Muslim-ho thu
pawh hi sawi lan ngei a ni ang. An-
niho lakah Myanmar miten Human
Rights an palzut tiin puh a ni a. Hei
vang hian anniho tanpuiin Saudi
Arabia ram chuan dollar makta-
duai 50 an pe a, Turkey ram Foreign
Minister pawh lo kalin tanpuina a pe
bawk a. Tun anga ram i siam that
laia ram thenkhatin Myanmar chuan
chuan Human Rights a pal zut,
hnam leh sakhuaah inthliarna a
nei tiin an sawi a. Hemi thuah hian
i ngaih dan tlang takin min hrilh thei
em?
Chhanna: Hei hi sawi ka duh. De-
mocracy kawng kan zawh laia rin
loh taka harsatna kan tawh a ni. Ra-
khine-ah hian mi thenkhatin rawng
takin thil an ti a. Chu chu lehlam
pawhin duh lovin an che ve leh ta a.
Tihian buaina lian tak a lo chhuak ta
a ni. Tual an that a, in an hal a, thil
tam tak a kangkai ta zel a. Thil sual
pakhat avangin heti hian buaina hi
a lo pun lun ta a ni.
Rakhine hmuna rei tak lo cheng
tawhte tun ang buaina hi an la hre
ngai lem lo. Thil awm zen zen s ni
lo. He buaina hi sakhaw thil avanga
chhuak a ni lo va, hnam thil avanga
lo awm pawh a ni hek lo. Thil sual
pakhat tih avanga a tuartu lam lung
awi lovin an tih let lehna atanga lo
punlun a ni. Thi leh hliam pawh ram
dang nena kan tehkhin chuan tlem
te an ni. Thite hi za pawh an tling
meuh lo. Hliam pawh za bawr vel
chauh an ni. In an inhalsak tawn
avangin in 5000 vel a kang ral a.
Heng ina khawsa Rakhine Taingyin-
tha leh leh lamah Bengali-te chuan
chenna tur an nei ta lo. Chenna
tur nei lo hi mi 60000 vel an awm
mek. Heng mi harsate (an pahnihin)
awmna tur camp hi hmun 53-ah
siam a ni a. Chhawm dawlnate
pawh pek an ni. Heng hnate hi kan
rama Agency-ho nen kan thawk a.
NGO te, INGO te nen lungrualin kan
thawk. Heihi kan thil tih a lan fah
nan a ni. Ei in tur kan buatsaih thuah
keimahni chauhva mi 60000 chuang
buaipui chu a harsa hle a. UN lama
pawlho te, NGO hoten min tanpui
thin. Buk sak sak thuah pawh a daih
tur kan nei lo va, UN lam bawkin min
tanpui. Rakhine State-ah hian ruah-
tui a tam avangin hulhar taka khaw-
sa thei tur chuan Shelters mamawh
a ni a. Tunah a lehlam lehlam tan
thil tul apiang tihsak zel an ni. Leh
lam leh lam an inhmuh thiam loh
avanga heti anga buaina hi chhuak
a ni. Hnam inthliarna avang a ni lo.
Tuna an sawi kan hriat hnam nuai bo
tumna neia min puh thuah rilru a na
hle. Internet-ah pawh kan thlalakte
an tar lang a. Ruangte pawh an let
pheng phung mai. A nihna aia hluar-
a lantir an duh vang a ni.
Heta thil thleng bak bak an tar
lang. NGO te, UN hnuaia pawlhote
nen kan thil tih a lan fah theih nan
kan thawkho va. Hmanni khan Tur-
key Foreign Minister a lo kal a. Tur-
key Prime Minister nupui pawh mi
50/60 vel hruaiin a lo kal bawk. Thil
awm dan te ka lo hrilhfah a. A hmun-
ah pawh ka kaltir. Tanpuina pawh
leh lam leh lamin an pe a. Lo kalte
hi Muslim an ni a, mahse Rakhine
taingyintha Buddhist-ho pawh zah
takin an en tih kan hria. Indonesia
atangin Red Cross leh Organization
of Islamic Cooperation President Mr
Jusuf Kalla pawh a lo kal a. Hman
deuh khan ani hi an ram Vice Presi-
dent a ni a. Indonesia-a ka kal lai
khan kan inkawm tawh a. Kan innel
sa. A lo kal hi ka lawm hle. A hmuna
kal a duh avangin ruah sur hnuaiah
a kal a. Hengte hi thil awm dan dik
tak an hriat theih nan a ni.
Zawhna: An dil anga endiktu pawl
din hi a theih ang em?
Chhanna: Hemi thuah hian press
conference pawh neih a ni tawh a.
Yangon-a ram dang palai awmte
pawh sawm an ni. UN hnuaia Agen-
cy te, NGO leh kan rama human
rights thua UN palai Quintana pawh
a tel. A hmunah pawh a kal a. Tuna
buaina hi kan ram chhunga thleng
buaina mai a ni a. Ram chhung hmun
dangah pawh a kangkai lo. In hriat
angin Yangon-ah pawh Muslim tam
tak an awm a. Buddhist pawh tam
tak an awm. Christian te, Hindu te
pawh an awm nual. Khawpui dang-
ah heti ang tho hi a ni. Heng hmun
dangahte hian buaina a chhuak ve
chuang lo. Rakhine State-ah chauh
hian a ni. Kan ram chhung buaina
liau liau a ni a. Tunah chuan hneh
takin security lam pawh kan kalpui
tawh. Chhawm dawl hna pawh kan
thawk chho zel. Kan ramah Human
Rights Commission pawh din a ni ve
a. Anni lam pawh kan endik tir vek
a. Chuvangin ram pawn lam atanga
rawn endik kher chu a fel chiah lo
vang. Kan ram chhung thil a ni miau
a. Ram pawn lam atanga rawn en-
fah chu thil tih awm lo tak a ni.
Zawhna: President sawi tawh ang
khan he buaina hi sakhua leh hnam
buaina a ni lo a. Mahse he lai biala
an innghirnghona hi a rei tawh tih
chu hnial rual a ni lo. Heng boruak hi
engti anga chin fel nge in tum?
Chhanna: Ni e. Heng buaina ching-
fel tur hian hun a duh rei ang a. Bo-
ruak (Tension) a sat laia tidai turin
Rakhine Party te pawn an ti thei
ang. Chung Party te nen pawh kan
inkawm tawh. Kan khawvel hi a zim
tawh a. Khaw khat ang lek a nih
tawh avangin kan hnam, kan sakhua
tia sawi hleih theih pawh a ni tawh
lo. Human Rights lam atanga thlir
pawhin tute pawh hi mihring vek kan
ni a. Human Rights palzut pawh a
dik lo. 'Tawngkam tam taka kan sawi
aiin in tawngkam khat pawh an awih
zawk ang. Chu vangin in unauten
thlir dan dik an neih theih nan nangni
Party hruaitute hian in hun tam tak
senga in thawh a tul a ni.' tia kan in-
fuih a ngai ang.
Dan hmanga kan sawi a tul bawk
ang. Kum 1982-a dan zam kha a
awm a. He dan hian heta chengte a
humhalh a. Kum 1948 hma lam khan
lo siam tura kohte an niin ka hre ve
a. Haw tawh lovin an awm hlen ta a
ni ber. Heng mite lak atanga lo piang
an tu leh fate chu ram mi nihna pek
dan pawh a awm. Heng dante hi tha
taka hmang chungin hnam tinte in-
rem taka an awm theihna tur, mihring
taka inen an thiamna tur leh human
rights dah lal nachang an hriatna
tura kan zirtira society tha tak din
a pawimawh a, Hun chu a duh rei
ang. Tuna pawimawh chu zirna a
ni. Anni lam (Benglai) lamah zirna
School tha pawh a awm lo. Sakhaw
inzirtirna hmun deuh chauh a awm.
Zirna tha takin kan kalpuisak ang
a. Chuti chuan thil dik leh dik lo an
thliar thiam tawh ang. Kan han zir
chian deuh hnu chuan a hnua lo lut
hi chu tlem te an ni a, a awmsate an
inthlahpung chak hle a ni.
Zawhna: Heti anga inthlah pung
zel, rethei site tanpuina tur sum in
mamawh teuh dawn a. Saudi Ara-
bia ramin dollar maktaduai 50 an pe
dawn tih ang chi te kha in sawrkar
kaltlanga hna thawh nana hman tur
nise in tan a lawmawm viau ang a.
Chuti ni lova, ram pawn lama human
rights tan tia au au NGO te tanpuina
anga a kal mai te hi in hlauthawng
em?
Chhanna: Hlau thawng teh lul mai. A
lo kala te hnenah pawh a leh lam leh
lam rualkhai taka tanpui turin kan hrilh
thin. An tanpuinate pawh an tanpui
duhte kuta thlen ngei a, tangkai taka
hnathawh nan kan lo hmansak tur
thu pawh kan lo hrilh fo thin. A dawng
lo turte hnena a thlen palh kan hlau
khawp mai.
Zawhna: Tuna buaina chungchang
ram chhung media leh ram pawn me-
dia-te tarlan dan a thuhmun lo viau
mai a. Ram chhung lam chuan ram
hmangaihna lam atangin na tak takin
an ziak a. Ram pawn lam thung chuan
Human Rights thlirna atangin an ziak
ve bawk a. A tawpah ram pawn media
te chu ram pawn atanga lo lute hi in
fuihpawrh a ni, tia puh an ni ta a. Heng
thu, ram pawn lam media-te sawiah i
rilru kap deuhte a awm em?
Chhanna: Buaina hi punlun zelin hmun
dangah a kangkai ang tih kan hlau hle.
Thu thenkhatte hi chu phuah chawp
a ni a. Thu thenkhat chu Muslim-ho
chawk phur zawnga ziak an ni. Hengte
hi internet-ah ka hmu nual mai. Hemi
thuah hian kan hlau thawng a ni. Eng
vang nge tih chuan Egypt rama kan
ambassador kawtah te mipui an pung
khawm a. Pung khawm satliah an nih
chuan rights an nei a ni mai a. Mahse
in chhunga lutin ram fag te an la thla
a, heti ang hi chu kan ram palai leh a
chhungte tan a hlauhawm viau tawh
a ni. Indonesia-ah pawh chuti ang tho
chu a ni. Thu dik an hriat theih nan
ram hruaitute hnenah pawh lehkha ka
thawn a. UN Secretary General Ban
Ki Moon hnenah pawh ka thawn. He
buaina hi hnam leh sakhaw buaina a
ni lo. Ram pumpuia thil thleng pawh a
ni lo. Hmun pakhata thleng chauh a ni.
Indonesia president pawh kan thawh-
pui a ni a, lehkha ka thawn.
Malaysia Prime Minister hnenah
pawh chuti tho. He buaina hi a punlun
kan duh lo. A tirah chuan ram chhung
media lamin hnam hmangaihna lam
thlirna atangin an ziak ngei a. Mahse
tunah chuan a chhan dik an hre tawh.
Heti anga media ngaih dan a danglam
tawh laiin ram pawn lam media chuan
an hre thiam chuang lo. Ngaih dan
a danglam tlat. Chuvangin kan hlau
thawng. Chuvangin kan sawm a, kan
entir bawk a. OIC secretary pawh kan
sawm. Rawn en rawh u, kan lo hrilh-
fah ang che u. A hmunah ngei in kal
ang kan ti a ni.
n
Source: Hot News
A
ugust 13, 2012 Thawhtanni tlai lam dar 4 velah President Offce-ah VOA branch hotu U Than Lwin Tun chuan President Thein Sein interview a neihpui
a, an inzawhna leh chhannate chu:
12
|
TAHANTIMES
3 September 2012 Monday | Vol.2 No.5
Heng a hnuai lam a hna te a awm e...
MaLaySia
Mamawh zat Hlawh Zat [Nikhat]
1. Construction workers... 15 (Mipa) 35 RM + OT
(Note 450000Ks. thun a thlahlawh cut in kan kal tir thei e...)
2. Factory workers 10 (Mipa) 21 RM + OT
3. Electronic workers 5 (Hmeichhia) 21 RM + OT
SiNgaPorE
Mamawh zat Hlawh Zat [thla khat]
1. Driver (S Pass) 5 (Mipa) 1500 S$
(Note .Sorkhar Degree leh Motor khalh License nei tawh tan chauh)
2. Cleaning Service (S Pass) 5 (Mipa/Hmeichhia) 1500 S$ + OT
(Note. Sorkhar Degree nei tawh tan chauh a ni)
3. Cashier 3 (Hmeichhia) 1500 S$
(Note. Sorkhar Degree+ LCCI level 3 nei tawh tan chauh a ni)
A.G.T.I / B Tech / B.E la tawh tan pawh hna kan zawn sak thei reng e...
Contact to...
Apex Chin Dwin Service Co.Ltd (Lic. 1783 /2011-2012)
Ph. 095105071 / 0973173910
APEX CHIN DWIN
Health
HRITLANG LU NA HIAN THLUAK
A KHAWIH PAWI EM?
Khawih pawi lo. A dik tak chuan hritlang lu na leh thluak hian
inkungkaihna an nei lo. A chhan chu hritlang lu naa awmten an
tuar natna hi thluak inrel bawl dan atanga lo kal a ni lo va, ka
chunglama thil hriat theihna leh hritlan avanga lo awm a nih vang
a ni. Chuta tang chuan chal a tivawt a, lu a rawn na ta a ni. Lu zai
a nih hian thluak tihkhaw loh a nih loh nan lu chu tihvawh thin a
nih avangin heti ang zawhna hi a lo chhuak ta a ni.n
MP3 VANGIN BENG A CHHET HMA
Thalaiten an leklam em em, mp3
player chungchang thu thar pakhat
chu Tel Aviv University-a damdawi
lam zir mite chuan an belchiang a.
Mp3 player, ipod te naupan tet atang-
a ring tak taka play-a ngaithla thinte
hi an len hunah mi pangngai aiin an
beng a chhet hma tih an zir chhuak a.
Midang aiin kum 10, 20 laiin an
beng a chhet hma dawn a ni. Dan
pangngaiah chuan kum 60 velah
chauh beng a chhet tan a. Tunah chuan kum 30/40-ah an beng
a chhet tan tlat tawh a ni. Ring taka rimawi leh zai music te kan
play hian min khawih pawi mai lo angin a lang naa khua reiah
chuan a lo pawi tlat a ni.n
NU PAKHAT CHU KUM 4 CHHUNG THIL EI THEI LO
Charlene Johnstone chuan kum 4 liam taah khan
nau a pai a, chuta tang chuan a pum hnathawh
dan a dik loh (paralysed stomach) tak avangin
engmah a ei thei ta lo. Kum 24 mi Charlene hian a
inchawm nan ni khatah darkar 14 meuh drip khai
nan hun a hmang thin. He natna hian a pum hri-
sel pangngai size 12 chu size 6-a tein a tisawng
te ta a ni.
Heti ang natna leh a nghawng hi a chhan
chiah pawh doctor-te chuan an hre bik lo. Thazam
(nerve) a keh chhiat vang a nih an ring ve ngawt.
Charlene chuan, "Nau pai thuah thil dik lo ka
chungah awmin min hrilh a. Ka fa pai mek thanlen
chu ka duh ber a ni," a ti. "Ka pum tha lo an endik
lai chuan, ka nau pai rihzawng a nghawng ngei
tur thu min hrilh," a ti bawk.
Nausen Hayten chu pound 10-a rit niin a
piang a. A pian hnuah pawh Charlene hian eng
chaw mah a ei thei chuang lo. A rihzawng pawh
a tla hniam chak hle. A pum te a nat tak hnuah
chuan hospital-ah hruaiin vawi thum thisen an lo
thun a. A rihzawng a pun chhoh zel nghakin thla
7 chhung hospital-ah a awm nghe nghe.
Charlene chuan, "Ina haw a, ka fa bula khaw-
sak ka duh ber, mahse ka la dam fel si lo. Ka chak
lo em em a, ka fapa pawh ka chawi zo lo, zana
chaw pek vel pawh ka ti hlei thei lo," a ti. A pum
hna thawh dik lo chu doctor-ten an enkawl nasa
hle nain a la dik thei tlat lo. Zai a niha a senso tur
pound 22,250 chu MP lamah a campaigned a.
March, 2010 khan zai a ni ta a, mahse a
hlawhtling vak lo. "Ka pum a nat hma thla 8 vel
kha chu chaw ka ei a. Ka ril a rawn dik lo tan a,
engmah tih theih a awm tawh lo, mahse min puitu
Doctor Matthew Priest azarah ka khawsa thei zel
e," a ti. "Ka ward-a mite hian min pui nasa hle thin
a, ka second family an ni ringawt," a ti bawk.n
'O' THISEN NEITE AIIN A, B LEH AB THISEN
NEITEN LUNG NATNA AN VEI DUH BIK
Zirchianna an neihnaah 'O' thisen neite aiin A, B, AB thisen nei-
te chuan lung natna lam chi hi an nei duh bik ni awm tak a ni.
AB thisen neite chu 'O' thisen neite aiin lung natna hi 23%-
in an vei duh bik a. A chhan dik tak hi mi thiamte pawhin tun
thlengin an la hre bik lo. Thisen group hrang leh ni tina khawsak
phung inzawm dante an zir mek a ni. 'B' thisen neite chu 'O' aiin
11% leh 'A' thisen neite chu 5%-in lung natna an vei duh bik a ni
tih an hmu chhuak.n
tdrfaqmufypnf;a&mif;0,fa&;
in sakna bungraw chi hrang hrang
1. Rangva a chhah leh a pan 6'-12', Plain Sheet () 8'-80'
2. Perek chikim, Rangva prek leh Washer
3. AAA cement buk tling//
4. (Thirzai)/Thir tlawn - - -
rate dik takin kan zuar e.
duhsak taka min rawn dawr ve turin mi zawng zawng kan ngen a che u.
addrESS:Pu Thangdailova & Pi Zarzoliani
/ Ph: 073-21451
rate dik takin kan zuar e. duhsak taka min rawn
dawr ve turin mi zawng zawng kan ngen a che u.
Pu Thangdailova & Pi Zarzoliani
/
Ph: 073-21451
TAHANTIMES
|
13
3 September 2012 Monday | Vol.2 No.5
CONSTITUTIONAL TRIBUNAL OF THE UNION CHUNGCHANG
PYITHU HLUTTAW SPEAKER THU THAWN LEH
PRESIDENT U THEIN SEIN CHHANNA
pERspEcTIVE
C
onstitutional Tribunal of the Union
thu tlukna leh Hluttaw palaite
lung-awi loh chungchangah Pyithu
Hluttaw Speaker-in Presidet hnen-
ah 2012 August 14 ni khan thu a
thawn a, President-in August ni 20
ni khan a chhang nghal.
Pyithu Hluttaw Speaker thu
thawnah chuan Constitutional
Tribunal of the Union thu tlukna
chungchangah Hluttaw palaiten an
pawm loh avangin a kaihhnawihtute
tan pawh thil pawi thleng lo thei ang
ber tur, kawng kal tha thei ang bera
chinfel a nih beiseiin rilru tluang
taka thu thawn a nih thu a tarlang a.
2012 February ni 2-a President
aiawh Chief Justice of the Union-in
Constitutional Tribunal of the Union-
a thu theh luh chungchangah Con-
stitutional Tribunal of the Union thu
tlukna: 'Hluttaw-in a din Committee
leh Commission te hi Union level a
ni tia hrilhfah hi Danpui kalh a ni' tih
thu-ah Hluttaw palaite hi an lungawi
lova, 2012 April ni 26 First Pyithu
Hluttaw Session thumna lai khan
Pyithu Hluttaw Palai 191 ten hming
sign-in Constitutional Tribunal of
the Union Chairman leh member te
thil tisuala puh thu theh luh an tum
thu Hluttaw Rights Committee kal
tlangin min hriattir a.
Hluttaw Speaker dinhmun
atangin he thu hi ngaichang rih tura
ngen a ni phawt a, Pithu Hluttaw
Committee Chairman te leh USDP
Central Secretary te nen Presi-
dent hnena hriattir a ni a, President
pawhin a lehlam lehlam lungawina
tur thlapa rel a tum thu a sawi a.
Amaherawhchu tun thlenga chinfel
a la nih loh avangin Hluttaw palai
301 te chuan Constitutional Tribunal
of the Union Chairperson leh mem-
ber te chu mawhphurhna hlen thei
lova puhin an khin duh thu an rawn
thlen ta a ni.
Ka dinhmun atang chuan he-
tiang boruak thleng lova President
aiawha 'Attorney General of the
Union' in zawhna a thehluh chu sut
leh se, Constitutional Tribunal of the
Union Chairperson leh member te
pawhin anmahni thu ngeiin an hna
chawlhsan mai se, heng hi 2012 Au-
gust 21 hma ngeia chinfel nise tih
hi kawng tha ber niin ka ngai a ni.
He thu-ah hian Pyithu Hluttaw Le-
gal Affairs and Special Assessment
Commission pawhin hetia chin fel hi
sawrkar leh Hluttaw zahawmna hum
nan te, a kaihhnawih zawng awngte
tan pawh a na lo thei ang ber niin
kawngkal tha ber nia an hriat thu,
thurawn min pe a.
Chuvangin thil awm dan i hriat
chiana i chinfel thiam nan thu ka
rawn thawn a ni e, tiin a ziak a.
He Hluttaw Speaker thu thawn hi
President chuan August ni 20 khan
tihian a chhang ve leh a.
A hmasa-in Hluttaw Palaite lung-
awi loh thu-ah rilru tluang takin tih
dan tha ber tur thurawn an pe a, a
lawm thu a sawi phawt a.
"A hmasain Hluttaw-in a din com-
mittee leh commission te Union level
a ni tih chungchangah heng com-
mittee leh commission te hi Union
level an nih chuan Union level an nih
ang taka sum leh pai, leh adminis-
tration lam te ngaihtuahsak vek an
ngai dawn a, chutia ti tur chuan dan,
by-law te nen inkalh hauh lova tih a
tul a. Hei vang hian Hlutaw din com-
mittee leh commission te Union level
an nih leh nih loh 'Union level pawl'
awmzia chiang taka hrilhfah turin
Constitutional Tribunal of the Union
hnena thu thlen a ni.
Hemi chungchangah Constitu-
tional Tribunal of the Union chuan
2012 March 28-ah, "Hluttaw-in a din
committee leh commission te 'Union
level' anga hrilhfah hi Constitution
Dan pui nen a inkalh," tiin thutlukna
a siam fel tawh a. He thutlukna hi
Constitution Dan 324-na leh Con-
stitutional Tribunal of the Union Dan
23-na te thlirin thu tawp a ni. Chu-
vangin he thu sut leh hi rorelna court
kalphungah thil theih miah loh a ni a,
sawrkar hi in hriat thiam ka beisei a
ni. A pahnihnaah Constitutional Tri-
bunal of the Union Chairperson leh
member te 2012 August ni 21 hma
ngeia anmahni thua bantir chung-
chang hi ka sawifah duh a. Consti-
tutional Tribunal of the Union hian
Danpuiin a phalna ang chiahin an
mawhphurhna chu hlenin zalen tak-
in thutlukna a siam a. Hemi chung-
changah Constitutional Tribunal of
the Union Chairperson leh mem-
berte chu an hna atanga chawlhtir
turin President nihna hmangin hma
la ngawt dawn ila dan kalh a ni dawn
a. Chuvangin Constitutional Tribunal
of the Union chairperson leh mem-
ber te an hna atanga chawlhtir hi thil
theih loh a ni.
Constitutional Tribunal of the Un-
ion-a telte hi President leh Hluttaw
pahnih Speaker te thlan, Hlutaw-in a
nemngheh an ni a. Dan hre tak tak,
rorelna lama kum tam tak thawk tawh,
tawnhriat ngah an ni a. A mithiam
thenkhat phei hi chu he Constitution
buatsaih nana 2004 leh 2007 inkara
neih National Convention-a mawh-
phurhna zo taka lo hlen tawhte an ni.
Chuvangin Danpui chungchanga thil
tisual pheng phung leh hleih neia thu-
tlukna siam mai mai tur an ni lo tih hi
ka ring a.
Kei leh Pyithu Hluttaw palai
zawng zawng hi, Ram Danpui hi ka
vawng tha anga, zah takin ka zawm
anga, ram dante pawh ka zawm ang
tia intiam vek kan nih kha. Chuvangin
Constitutional Tribunal of the Union
thu tlukna hi Danpui 324 leh Consti-
tutional Tribunal of the Union dan 23-
nain a sawi angin ka zawm a ngai a ni.
Kan ram hi democracy-in kan kal tan
a, khawvelah kan hmai a uang tan ve
dawn chauh a. Chuvangin democracy
a than duan zel theih nan Dan siam
theihna, Inawpna leh Rorelna banpui
pathumin a kalpui mek 'inthlaka in-
siamthat hna' tibahlah lo tur te, mipui
mtd 60 te an zahawm vang te, kan
ram Sovereignty-a Banpui pathum te
inlungrualna a khawihpawi loh nan te,
Hluttaw hian thil tisuala puh zawng-
a hma la lovin Danpui bung (12)-in
a sawi ang zawngin zalen taka kan
'right' hman theih kan neih hi hman
tum zawk ta ila, tumah intina lova kal
dan awm ber niin ka hria.
Amaherawhchu heng pawl pa-
hnihte hi Danpui atanga thlirin pawl
hran an nih angin mahni duh zawk
zawk politics kawng zawh hi a theih a
ni tih kan inhriattir nghal e" a ti a ni.
n
Ref: Myanma Alin 21/8/12
CONSTITUTIONAL TRIBUNAL OF THE UNION CHAIRPERSON LEH MEMBERTE BANG TURIN
DAW AUNG SAN SUU KYI LEH HLUTTAW PALAI 301 TEN AN NGEN
"H
etia Hluttaw palaiten an ngenna chhan chu, Constitutional Tribunal of the Union hian "Hluttaw hrang hrangin a din committee, commission leh
pawlhote hi Union level a ni tia hrilhfah hi Constitutional Danpui nen a inkalh" tia thutlukna a siam sual vang a ni" tiin Hluttaw palaiten an sawi.
President aiawha The Attorney General of the Union-in Constitutional Tribunal of the Union hnena 2012 February ni 2-a a thu thehluh (zawhna)
chungchangah Constitutional Tribunal of the Union chuan 2012 March ni 23-ah thu tlukna a siam a. Constitutional Tribunal of the Union-a an zawhna
theh luh chu "Hluttaw hrang hrangin a din committee, commission leh pawlho hi Union level a nih leh nih loh' thu a ni. He zawhna hi Constitutional
Tribunal of the Union chuan, "...Union level a ni tia hrilhfah chu Danpui nen a inkalh," tiin a chhang a. Hluttaw palai tam tak chuan Constitutional
Tribunal of the Union hian dik lo takin thutlukna a siam an ti thung a ni.
Chuvangin Danpui No.334, (5)-in a sawi angin Constitutional Tribunal of the Union Chairperson leh a hote hian an mawhphurhna an hlen that thei
lo tiin August ni 8 khan Hluttaw Right Committee kal tlangin Daw Aung San Suu Kyi telin Hluttaw palai 301 ten hming sign-in an lungawi loh thu an pu
lut a ni.
Pyithu Hluttaw Legal Affairs and Special Cases Assessment Commission-a mawhphurhna neitu pakhat chuan Hluttaw-in a din committee leh
commission te hi Union level an ni naa a member te erawh chu Union level an ni kher lo a ni tiin a sawi a. "Tunah hian Hluttaw-ah palai 600 chuang an
awm a. Palai zawng zawng hi Union level-a chhiara enkawl tur an ni lo. Sawrkar tan sum sen belh a tul lova, eng hamthatna mah pek belh a ngai lo,"
tiin commission member pakhat chuan a sawi.
Union level mi pakhatin a dawn tur hlawh leh facility chungchang danah chuan, "Union level Minister pakhat chu (1) sawrkar in a thlawna luah, (2)
security venhimna, ram chhung damdawi inah a thlawna inenkawlna, tui leh electric a thlawna hman theih, ram chhung biakna telephone a thlawna
hman, personal assistant pakhat neih, chhiahhlawh pahnih, huan enkawltu pahnih, lirthei motor pathum kawl theih...tih ang hamthatna a dawng tur a
ni" tih a ni a. Hluttaw-in a din committee leh commission member te erawh chuan an telna committee leh commission te chu Union level ni mah se, a
memberte chuan heng hamthatnate hi an dawng ve zawn lo, tihna a ni.
"Kan thu inhmuh lohna lai ber chu Hluttaw-in a din committee leh commission te hi Union level a ni kan tih chuan, "Minister nen an in-level vek
ang a. Sawrkar sum pawh a hek phah teuh ang,' tia ngai an awm a. 'Tin, sawrkar pawh thunun an tum hial ang' tite pawh an awm. Tak takah chuan
chutiang a ni lova, hna thawh a awlsam nana committee leh commission te hi din a ni a. Union Minister chu Union level a ni a, a thawhpui tur committee
leh commission chu Union level nise kan ti mai a ni. A dang engmah a awm lo. A memberte hamthatna, thuneihna pek chiam a ngai lo. A commission
kha Union level kan ti a ni mai," tiin Bill Committee member U Win Nyo chuan a sawi thung.
Constitutional Tribunal of the Union chungchanga Hluttaw member 301-in thu an theh luhah hian 2012 August ni 21 ni hmain Constitutional
Tribunal of the Union Chairman leh a member-te mahni duh thuin an hna atangin an inhnukdawk tur a ni tih a ni.n
14
|
TAHANTIMES
TAHAN WARD ADMINISTRATOR THLAN HUNA
SUPERVISOR TUR MI PANGA THLAN AN NI
2012 August ni 22 ni khan Tahan Ward-a supervisor tur mi panga thlanna
Tahan Mission veng MYA Chapel-ah buatsaih a ni.
He inthlannaah hian tahan Ward Ne-myay 16 atanga thlan chhuah mi
80 leh Ne-myay Hmu te an kal khawm a. Ne-myay tin atanga thlan chhuah
mi 5 theuh kal khawm 80-in an zing atangin Tahan Ward inthlan huna super-
visor tur mi panga an thlang chhuak a ni.
An thlante chu:
1. Pu Vanmawia 2. Saya Rohnuna
3. Pu F. Lalbiakmawia 4. Pu Kham Khan Thang
5. Pu Lalchangliana te an ni.
August ni 4 khan heng supervisor mi pangate tur hi thlan a ni tawh a.
Nimahsela Ne-myay tin atanga mi panga thlan danah mipui hriattir lova thur
chhuah mai a ni e, tia lungawi loh thu thlen an awm avangin hetiang hian a
bul atangin inthlan that leh a ni.
Heng thlan chhuah supervisorte hi Tahan Ward Administrator thlan hun-
ah a buaipuitu turte an ni.n
TRAFFIC POLICE-TEN DAN ZAWM LO CHAWITIR
23 August, 2012 Ningani zing dar 9 atanga dar 10 thleng Tahan Nay Kyar
Taih kawtah traffc police sawm rual te chu surprise check neiin an duty a.
Lukhum khum lova bike khalh leh lukhum khum lova ke thum nei taxi khalh-
te chu dintirin cheng Ks.1500- zel mi pakhatah an chawitir. He kawngpui
Bogyoke street-ah hian bike leh motor vei vak hi an tam em em thin a. A bik
takin Kalay University-a kal tur zirlai vei vak hi an tam a, traffc rule zawm
lova chak tak taka khalh hi an tam em em a ni. Bike lukhum khum loh hi thil
pawi tak a ni a, accident palh thuah pawh lukhum hian nunna a chhanhim
thei ber. Heti anga surprise check a awm zauh zauh pawh hi tul tak chu a ni
ve niin a lang.n
THING PHUN TUR TE, THLAI TIAK LEH THLAI CHI
HRANG HRANG ZAWRHNA HMUN
Tahan bazarah hian thil chi hrang hrang zawrh a ni a. Thawmhnaw lam chi
te, ei theih lam te leh damdawi lamte zawrh a ni deuh ber a. Hman deuh
atang khan bazar chhak lamah hian thing phun tur te, thlai tiak leh thlai chi
hrang hrang zuar an lo awm ta a. A bik takin thing phun leh thlai chin hun
ruah tui tlak lai hian lei tur a tam duh bik em em a ni. Thing phun tur hi chi 20
chuang lei tur a awm a. Thlai tiak leh thlai chipawh chi hrang hrang a awm.
Thing phun tur chi-ah hian theihai leh zawngtah hi hralh a kal ber bawk.
Tahan leh a chheh velah hian tingkung hi a thahnem ve fu a. Mihring lo
changkang zelah thing phun te kan intihhmuh chho va, thingkung hi mihring
tana tangkai em em a ni a, a phun tur lei pawh an thathnem theih thu a
zuartu Tialte hnen atangin thu kan dawng.n
TAHAN KHUAA CHHIAT NI/THAT NI KALPUI DAN
Tahan khuaah hian tlang mi hnam hrang hrang an awm a. A tam ber hi chu
Mizo an ni a. Heng Mizo te hian hman ata tawh khawtlanga chhiat ni/that ni a
lo thlen hian thalaiten mawhphurhna lain a tul apiang an thawk thin. Tun hma
chuan hmun hla tak taka zualko kal te, ruang zawn tih ang chite kha thalaite
kova innghat vek a ni a. Tunah chuan ruang zawn hi a awm tawh lo. Lir thei a
lo tam tak em avangin ruang zawn hi a tul tawh lo a ni. Tahan-ah hian A, B,
C, D, E, F, G tiin group 7-ah inthen a ni a. Group tin hian thalai hruaitu an nei
theuh va, chung hruaitute huaihawtna hnuaiah thalaite hian tlawmngai takin
mitthi lumen te, lenkhawm te, zualko kal te, inleng thingpui lumsak tih ang
chite hi an thawk deuh ber. That ni-ah erawh chuan mawhphurhna tehchiam
an nei meuh lova, kohhran lamin mawh an la deuh ber.n
local news
3 September 2012 Monday | Vol.2 No.5
TUNLAI TAHAN BORUAK
R
uah a sur zauh zauh va, khua erawh a lum em em tho. Kawr pan
lam leh thawl lam ha an tam ber. Bike a tam tulh tulh a, motor tha leh
changkang pawh a pung zel a. Heti anga vehicle a pun tak em avang
hian accident pawh a thleng zeuh zeuh. Kalay University zirlaite chuan
bike chuan laia lukhum khum a pawimawhzia ziakna lehkha an sem a,
zirlai 70 vel chuan bike luhkhum khumin campaign an nei a ni.
Mitthi an awm deuh zeuh zeuh va. Dam lo erawh an thahnem hle.
In tin deuh thawah hritlang awm na avanga dam lo an awm deuh vek a
tih theih. Doctor lam pawh an buaiin enkawl tur an hmuh tam hun lai tak
a ni. Secular school bikah chuan Farewell hlim takin an hmang hlawm
a. Bible School lamin thawm an nei meuh lo. Theih tawpa zirlai zir a ni
deuh ber mai. Kut hnathawktute pawhin an hna tluang takin an thawk
zel thei. Bazar lamah chuan thlai thar lei tur a tam hle. Bawrhsaiabe,
bawkbawn, umei leh thlai chi hrang hrang lei tur a awm reng.
Kohhran lam pawhin han sawi mai tur thawm an nei lo. Campaign
erawh an buatsaih zauh zauh. A buatsaihtute hi kohhran chu an ni lem
lo.n
Beauty Salon

Highlight

tm;ay;rI (10) Budrfjynfhygu


rsufESmaq;? *sD;cRwf? aygif;wif? acgif;avQmfjcif;rsm; aqmif&Gufay;ygonf/
(B) Tel. 073-22008
TAHANTIMES
|
15
U AUNG THEIN LINN DUH LOTU HMING PE
1300 CHUANG AN AWM TAWH
Pyi-khaing-phyo (USDP) Party
Pyithu Hluttaw palai U Aung Thein
Linn-an China ram chhuak
Southern Weekend chanchinbu
interview-naa a thu sawite duh
lova Union Election Commission
hnena thu theh luh duh, South
Okalapa biala mipui te hming sign
an lak khawm chu 1300 chuang
a tling tawh niin a huaihawttu
U Minn Aung chuan a sawi.
"Hming sign nana kan lehkha sem pawh kan khawn leh mek a. Tun kar
chhung hian kan thehlut hman ang" tiin U Minn Aung chuan a sawi bawk.
Southern Weekend chanchinbu nena interview-naah U Aung Thein
Linn chuan, 'President-in a term chhunga Ayeyarwady Dum Project
chawlhsan a tum hi mathei lovin kan bei zawm tho tho ang," a tih avangin
duh loh thu Election Commission hnena thlen tumin July thla ral atang
khan mipui hming sign an la khawm ta a ni.a
Hemi chngchang hi Pyi-khaing-phyo party pawhin enquiry an bei mek
a, U Aung Thein Linn pawh hi Yangon Region-a a party mawhphurhnate
hlihsak a ni tawh a ni. Constitution Danpui bung 9 (Pyithu Hluttaw palai
nihna hlihsak thu) No 396 (b) sawi dan chuan vote thlaktu mipui 100-a
pakhat chauh pawhin an palai thlan chu ban turin Union Election Com-
mission hnenah thu a thehluh theih a ni.
2010 Inthlanpui khan Southern Okalapa bial-ah vote thlaktu singriat
chuang an awm a, mi 800 hming sign-tu an awm chuan 1% an tling tihna
a ni tiin U Miin Aung chuan a sawi. Pyi-khaing-phyo Party chuan U Aung
Thein Linn-an kha thu a sawi chhuah leh chhuah loh fnfah an tum mek
a, an thil hmuh azirin party displine dan anga a chungthu rel zel tur a ni
an ti.n[Popular News]
KUM KHAT TLIN HMAIN MOTOR THAR SINGNGA
CHUANG LA LUT HMAN
Motor hlui pek luha a aiah ram dang atanga a thar lak luh, leh zalen taka
lak luh phal dan thar avang hian motor thar singnga chuang lak luh a ni
der tawh tiin Ministry of Commerce lam atanga thu dawn a ni.
Kum 2011 September thla atang khan kum 40 tling tawh leh kum 30
leh 40 inkar motor hluite aiah a thar chah phal a nih bakah 2012 khan
2007 model chin motor thar lak luh phal a nih tak avang tein 2012 July
thla thlenga a lan danin motor singnga chuang lak luh a ni tawh a ni.
Tichuan Region leh State lama mite pawhin model sang motor tha
tak tak te an chuang ve thei ta a ni. Tun hmaa a man nuai sangthum lai
han kai motor thate kha nuai 1000 velah te a tlakhniam phah a ni tiin
Ministry of Commerce Minister U Win Myint chuan a sawi.
Motor a tam tak em avang hian traffc jam a nasat phah a. Hei vang
hian hetia zalen taka motor lak luh duh lova sawisel pawh an tam a. Dan
zawm tha duh lo driver vanga traffc jam phah te pawh hi a tam a, dan lo
ang taka lirthei khalhtute lakah pawh na taka action lak a ngai,' a ti bawk.
Motor hlui sorkar hnena pek luha a thar chah chhuah leh hian khaw-
laiah motor a pun phah chiam lem lova, zalen taka motor lak luh theih a
nih atang hian a pung chiam a ni, traffc a ti-jam bawk.n[7Day News]
INDIA, MYANMAR LEH THAILAND RAM
KALTLANGIN KM 3200-A SEI HIGHWAY
KAWNGPUI 2016-AH SIAL ZAWH TUR
Malaysia rama Bernama News Agency chuan India, Myanmar leh Thai-
land inkalpawhna kawngpui km 3200-a sei chu 2016 tawp hmaa zawh fel
tur a nih thu a tarlang.
ASEAN ram ruk zinga tel India chuan Myanmar ram chu USD mtd
500 a puktir a, he sum a then a zar hi kan sawi tak ram pathum tang
tlanga sial tur highway siam nan hman a nih tur thu Thailand-a India
ambassador Mr Anil Wadhwa chuan a sawi. He highway hi kum 2016-
a zawh fel beisei a ni a, India ram North East States atanga Myanmar
thleng km 1600 chu a thara sial ngai te a awm ang a, a then chu a awm
sa thuam that a ni ang.
Heng kawngpui hmang hian India bungraw phur mawtawr liante
pawhin India Myanmar Thailand an tlawh kual vek thei dawn a ni. "He
highway hi sum dawnna bungrua thiar nan te, investment luan luh nan
te a tha hle dawn a, hna tam tak a awm phah dawn bawk a, kan chhawr
hlawm hle dawn a ni," a ti bawk.
He highway sial nan hian AGB bank leh World Bank te'n sum lamin
an tanpui a. India, Myanmar, Thai, Laos, Cambodia, Vietnam ramte sum-
dawnnaa inpawhna kawngpui tha tak a ni dawn a ni. n[Weekly Eleven]
3 September 2012 Monday | Vol.2 No.5
domEsTIc dIgEsT
MYANMAR-AH KUM 48 LEH NI 14 HNUAH
MEDIA-TE AN ZALEN TA
Myanmar-ah kum 48 leh ni
14 hnuah lehkha bu chhuak
apiang endik hmasak phawt
thin chu a bo ta a, media te
an zalen leh hret ta. Journal,
magazine reng reng endik
phawt hnua chhuah ni tawh
lovin chhuah hnu chauha
sawrkara thehluh tur a ni ta
a ni. Hei hi 2012 August ni 20
atanga hman tan tur a ni.
He thu hi Information and Public Relation-a Deputy Director U Tint Swe
chuan 2012 August ni 12 meeting-ah a puang a. 1964 August ni 6 ni atanga
media khuahkhirhna dan chu kum 48 leh ni 14 hnuah phelh a ni ta tihna a
ni. He dan tharah chuan chanchin journal, sakhaw lam journal, politics leh
history magazine, sakhaw magazine, politics thuziak, sakhaw lam thu ziak,
history, biography, hla thu chham, hla, embassy lam lehkhabu chhuah te
chu August ni 20 atang chuan a bu chhuah hnuah chauh sawrkara theh luh
a, register tur a ni.
Hetiang hian dan chu a phelh dul tawh hle naa, democracy nena in-
mil tho, dan dinglai hmanga phalna pek theih tho nitin chanchinbu chhuah
phalna erawh chu a la awm rih lo a ni.n[Weekly Eleven]
KHAWVELAH SIK LEH SA, KHAWCHIN CHHE BER TUR RAM
10 THLAN CHHUAH ZINGAH MYANMAR CHU PAHNIHNA
Khawvela sik leh sa khaw loh berna tur ram thlan chhuah (10) zingah
Myanmar chu pahnihna a ni tlat mai. August ni 17 niah Naypyitaw-a 'The
National Seminar Workshop on Energy, Environment and Climate Change'
an buatsaihah Myanmar ram dinhmun tur chu an sawiho a ni. Myanmar
ramin 'energy' a mamawhzia sawinaah an sawiho a ni.
Asian Development Bank lamte pawhin Southeast Asia (a bik takin
Myanmar) hi sik leh sa mila khawsak thiam ngai tak ram zingah a tel a ni
an ti ve bawk. Sik leh sa danglam vanga chhiatna thlen nasat theihna ber
tur ram chu Bangladesh ram a ni a, Myanmar chu a dawttu a ni. Chhiat
tawk thei zual ram 10 zingah Asia khawmuala ram paruk an tel a ni. Central
America ram pahnih leh Caribbean thliarkara ram pahnihte chhiar tel an
ni bawk. Kum 2012-ah pawh hian Myanmar chuan sik leh sa inthlak dang-
lam vel chu a tuar hle a. Mandalay Region leh Sagain Region-ah te khua
a kheng a, agriculture lamah harsatna a thleng mek a, chutih rual chuan
Ayarwady leh Yangon Region, Bago Region, Mon State leh Karen State-ah
te chuan ruah nasa taka a sur nitin avangin tui a lian nasa hle a, in leh lo tam
tak tuiin a chim a, harsatna hrang hrang a thleng mek a ni, tiin 2012 August
22 Weekly Eleven-ah te tarlan a ni.n[Popular News]
U TAY ZA-AN LO HMUN ACRE 40000 CHU
SORKARAH A PE LET LEH TA
Ayeyar Shwe-war Company
chuan Ayeyarwady region-a an
lo hmun acre 40000 chu lo nei-
tute neih leh atan sawrkarah a
pe let leh ta. Ayeyar Shwe-war
company chuan heng leileta
tha lo laite siam thain tihian a
hlan ta a ni. Company-in neih
phalna a neih pawh sawrkar-
ah a hlan nghal bawk. July 26
khan he company chairman
U Tay Za-an hming sign thlapin a theh lut a. Company-in lo neitute a sem
danah company nena lo ram thuah lo thawk tawh lo nei mite hnenah lo co-
operative society dinin a sem ta hlawm a ni.
Kum 1998 khan Ayeyar Shwe-war company hi din a ni a, Ayeyarwady
Region-a Yay-kyi-kwin leh Yay-net-kwin-a ram awl te leh ram chhe tak tak
chu an siam tha a, acre 41200-a zau thlai chin theihna an lo siam chhuak ta
a ni. Lo neitute cooperative society-a tel lote pawh an duh dan anga thiltih an
phalsak bawk.
Ayar Shwe-war company chuan heng lo rama hna thawh theihna a neih
pawh chu thawh zawm a tum tawh loh thu sawrkarah hian a thlen nghal
bawk. Yangon region-ah pawh lo neitute hnen atanga lo chhuhsak buaina
hi a awm fo va. Heng buainaa tel company lian thenkhat chuan lo neitu dik
takte nena hnathawhho an tum. Company thenkhat chuan lo chhe laite hi an
siam tha tak tak a, a then chu an leite pawh a ni. Heti anga sum senga an
siam that pek let vek hi a theih lo va, mahse dik lo taka hneh chhuh an nih
chuan a neitute hnena an hlan leh a tul.n[Hot News]
16
|
TAHANTIMES Article
3 September 2012 Monday | Vol.2 No.5
mr. brayton case
myanmar-a tam dotu
Myanmar ram hi leilet leh thlai chin-
na, ran vulhna ram a ni a.
2009 kumah a ram chhung
thawhchhuah GDP (Gross Domestic
Product) US$ 91.1 Billion ($91100
million) a ni a, Myanmar-in ramdang-
a a thawnchhuah (foreign export)
40% chu Agriculture products a ni.
Heng export products zingah hian
Bo Keih Pe an tih bean (be) chikhat
chu a tam pawl a ni. Burma ah Bo
Keih vawk leh Bo Keih pe (be) chu
kan hre lar hle a, hengte hi Mr. Bray-
ton Case hming chawia an phuah te
a ni. Kawlho chuan Sap kan tih mai
vun ngo, hnarbang sang ho hi Bo
an ti mai a, Mr. Brayton Case pawh
Bo Case an ti mai a, an lam dan zel
in Bo Keih a ni ta a nih chu!!!
Mr. Case a chanchin hi Myanmar-
ah sikul ka kal laiin chianglo takin ka
hre thin a, Pyinmanaa tunhmaa awm
Agriculture Science sikul kha ama din
a ni a. Chumi hnuah Agriculture Uni-
versity a ni leh zel ta a. Kumin 2012
ah USA-a lehkhabu leh thildang on-
line a an leina lian ber Amazon.com
ah Mr. Case chanchin ziakna lehkha-
bu HUNGER FIGHTER IN BURMA:
The Story of Brayton Case Rober
F. Cramer ziak, New York a 1968-a
an chhut chu ka lei fuh hlauh mai a,
hemi lehkhabu-a Mr. Case chanchin
an ziak tlangpui hi kan hriat atan ka
han ziak a ni e.
Mr. Case-a pa hi Rev. John Elijah
Case a ni a, a nu chu Miss Lily B.
Clarke a ni. An nupa hian Central My-
anmar-ah Missionary an ni a, ABM
(American Baptist Foreign Mission
Society) hnuaia thawk an ni. A pa hi
USA Maine state mi a ni a, a nu hi
New York state mi a ni. Myanmar-a
Missionary an thawhnaah an inchhar-
a an innei. Mr. Case hi Myanmar
ram Myingyan (Min-Chhan) khua
ah August 18, 1887-ah a piang. Nau
mipa pakhat, Russel Case a nei. A
pa hnenin atangin Kawl (Myanmar)
tawng an hmang a, Myingyan chheh-
vel Kawlho ang chiahin Kawl tawng
a thiam a, Kawl naupangho nena
seilian a ni. A naupan lai hian an-
mahni tawng English erawh a thiam
lo thung.
Mr. Case hian a naupan lai Myan-
mar-a a awm lai hian a thian Kawlho
retheih harsat zia, ei leh in an har-
sat zia, an tam zia a hmu a, a khaw-
ngaih em em a, a upat hunah riltam
leh mangangte chhawmdawltu, tam
dotu nih a tum ruh tlat a ni.
Brayton Case kum 13 a nih (AD
1900)-ah Case-te unau hi a pa leh
nu-in USA-ah an thawn haw a, lehkha
zir turin. A naupan lai atanga a lo
tum, Myanmar-ah kal leha Pathian
Thu Chanchin Tha hril chunga ei leh
in lam hmasawnna tura thawh a tum
ang ngei in USA a thlen hian ran vulh
leh thlai chin lam (Agriculture) a zir a,
Brown University leh Columbia Uni-
versity atangin Agriculture ah Master
degree thleng a zir zova, University
of California Union Theological
Seminary-ah Bible degree a zir zo
bawk.
1913-ah Myanmar-ah a lo kal
leh a, 1916 thlengin kum 3 chhung
chu Hinzada (Hin-Tha-Dah) khua-ah
Pathian rawngbawl leh Agriculture
lam zirtirin a awm a. Missionary lo
awm hmasa Dr. and Mrs. Cummings
te nupa kaihhruainain rawng a bawl a,
Sunday sikul a zirtir a, Kawl tawnga a
sermon hmasa ber chu hemi khuaah
hian a ni a, Thufngte 4:23 Thil dang
bera aiin i thinlung veng tha rawh,
Nunna lo chhuahna a ni si a, tih hi
hemi a sermona a changthlan a ni.
1915-ah chawlh la-in India-ah a
zin a, Allahabad khua-ah Missionary
Pioneer ho-in an buatsaih Agriculture
training-ah a kal. Miss Lena Tillman
(France rama piang, America sikul-a
kum 10 zirtir thawk tawh), Moulmein
(Maw-La-Myaing) khuaa mission-
ary thawk mek, English Girls School
zirtirtu nen an inhmu a, January 17,
1917 Moulmein-ah an innei.
Myanmar ram lai taka awm Pyin-
mana (tuna Myanmar ram Capital
Nay-Pyi-Daw awmna) chu Mr. Case
hian a ram leilung tha a ti ber a, Myan-
mar ram laili-ah a awm a, Shan state
a hnaih a, kalvelna a awl avang leh
thlai chinna atan lei tha a nih avangin
1917-ah a pan ta a ni.
Pyinmana-ah awmhmun a khuar
a, a chhehvela mipui hnenah thlai
chindan tha, ran vulhdan changkang
a zirtir a, thlaichi tha, ran chi tha chu
USA-an a chah thin a. Amah ngeiin
huan siamin a thawk a, a zirtir a ni.
1923-ah Myanmar rama Agricul-
tural Science sikul chu Pyinmana-ah
a din ta a, Myanmar ram hmuntina si-
kul naupang te, Shan state lam telin
he sikulah an zira, zir hunchhung hi
kum 4 a ni. 1927-ah chuan zirlai 18
zirchhuakte hnenah Agriculture Di-
ploma a hlan thei ta a ni. He sikul hi
Myanmar-a Agriculture sikul hmasa
ber a nih bakah tuna Agriculture Uni-
versity a lo dinchhuah theihnan zirna
leh zirtirtu tamtak hringchhuaktu a ni.
Khawvel indopui 2-na, 1941 hnu
lamah Japan ral Myanmar-ah a lo
hrang a, khawpui an bomb a, Pyinma-
naa Mr. Case-a sikul pawh an bomb
chhia a, Mr. Case chu raltlanin India
ramah a kal ta a. British-America leh
tangrual pawl chuan Burma ram chu
Japan kuta ta chhanchhuah tumin
Imphal-ah awmhmun an khuar a.
Mr. Case pawh America sipai hotu
General Joseph W. Stillwell hnuaiah
America sipaia inziaklutin Liaison Of-
fcer a ni ta a.
British leh America sipaiin Kachin
state Japan kut atanga an chhan-
chhuah khan Agriculture lam chu mipui
a zirtir a. Chutia mipui tan hna a thawh
mek, tam a do lai mekin Kachin state
Indawgyi dilah an chuanna lawng (boat)
a chesual a, July 14, 1944-ah a boral ta
a ni. Mr. Case boral thu a hriatin India
leh Myanmar ram awptu (England ram
lalber aiawh) Viceroy chuan, Mr. Case
boral hi Myanmar tan leh keini tangrual-
ho tan channa ropui tak a ni tiin thu-
chhuah a siam a ni.
Mr. Brayton Case hi Myanma rama
Pathian Chhandamna Chanchin Tha
thehdarhtu a nih mai bakah amah
avangin bean (pe/be) tha chi, ar thachi,
vawk tha chi kan neih phah a. Tin, thlai
chin leh ran vulh lamah kan changkan
phah a, zirna sikul sang min dinsak
bawk a, Myanmar ram mipui hian tun
thleng hian Mr. Case zar hi kan la zo
reng a ni e.
He Hunger Fighter, tam dotu, mi
hratkhawkheng Mr. Brayton Case nun
hi zir tlak, chawimawi tlak a ni. Mi re-
theite hmangaiha chhawmdawltu,
Pathian rawng bawltu, Missionary ropui
Mr. Brayton Case hi he a chanchin Mizo
tawnga Mizo-te chhiar theih tura ka ziak
hi a hnena lawmthu ka sawina leh ka
chawimawina-ah ka ngai e.
British leh America sipai in Burma
ram hmar lam chu Japan kuta a an
laksak leh khan Mr. Case hian Burma
mipui tram leh mangang tranpui thuai
a tuma, Burma ramah a lo lut leh a,
Kachin ram lamah thlai a chinga, huan
a siama, a thlai leh ran vulh te chu mipui
hnenah a tlawn in a pe a, thlai chin dan
a zirtir zel bawk a.
Hetia a thih ni hian British sipai in
Japan ral avanga raltlan Burma mi ho
a buaipui naah a tel ve a ni a, lawng
(boat) in mi an thiar a. An lawng a pil
hian a thrian Kawl pa (Ba Kyan-a) chu
Kawl trawngin "thil pakhat tal pawmbet
rawh" tiin a au a, plastic tuithawl ruak a
pe a, Kawl pa chu a him ta hlauh a. Mr.
Case hi pa lian tak a ni a, pond 195 lai
a rih bakah rubber boots lian leh rit taka
bun a,steel helmet a khum bawk avang-
in (tui hleuh a thiam tho na a) tui ah a
pil ta a, British sipai pakhat in a pawt a,
mahse, a pawt zo ta lova, a pil a aboral
ta a ni. A ruang hi an zawng a, mahse
an beidawng ta a, ruang chhar. loh ni
in a boral ta a, Burma ram governor in
American Baptist Foreign Mission So-
ciety ah thirhrui (telegram) a vuat vat a,
"Burma thaks you for Brayton Case. His
agricultureal school at Pyinmana was a
national asset. His greathearted enthu-
siasm was an inspiration. His work dur-
ing evacuation and in liberated areas
areas was invaluable. His presence will
be much missed in the vital reconstruc-
tion peroid" tiin.
The Burma Christian Council pawh
in Archbishop of Rangoon kaltlangin
lehkha an thawn bawk.
Amah Mr. Case hi American, ABM
missionary ni mahse British sorkar
chuan a ngaisang in a hnathawhte ro-
pui a ti a, 1945 (a thih hnuah) chawi-
mawina ropui OBE (Order of British
Empire) a hlan. n
dr. ro diNga, uSa
TAHANTIMES
|
17 soccer
3 September 2012 Monday | Vol.2 No.5
CHIEF EDITOR
Ni Lian Sang-a
EDITORS
F. Lalbiakmawia
Zalianthanga
C. Zaithankhuma
MEMBERS
Sapselthanga The Rengs
Lalengkima Laldinthari
Zothankhuma Lalhruaithangi
PATRONS
Lalsawmliana [LPS-Mizoram]
Vanlal Zawma [UAE]
B. Zarzoliana [Malaysia]
Vanlal Dika [Canada]
Pachhunga [Yangon]
Vanlawmsanga [Germany]
Lalrinsanga [Mandalay]
Lalremsanga [Australia]
Zoramchhana [USA]
Lallawmthara [New Zealand]
PREMIER LEAGUE
Sat 1 Sep 2012
West Ham 6:15 Fulham
Swansea 8:30 Sunderland
Tottenham 8:30 Norwich
West Brom 8:30 Everton
Wigan 8:30 Stoke
Man City 11:00 QPR
Sun 2 Sep 2012
Liverpool 7:00 Arsenal
Newcastle 9:30 Aston Villa
Southampton 9:30 Man Utd
Sat 15 Sep 2012
Norwich 6:15 West Ham
Arsenal 8:30 Southampton
Fulham 8:30 Swansea
Man Utd 8:30 Wigan
QPR 8:30 Chelsea
Stoke 8:30 Man City
Sunderland 11:00 Liverpool
Sun 16 Sep 2012
Reading 9:30 Tottenham
Tue 18 Sep 2012
Everton 1:30 Newcastle
STANDING
Chelsea 3 3 0 0 9
Swansea 2 2 0 0 6
Everton 2 2 0 0 6
West Brom 2 1 1 0 4
Man City 2 1 1 0 4
Fulham 2 1 0 1 3
Man Utd 2 1 0 1 3
MAN U PLAYER ROONEY THLA KHAT VEL CHAWL DAWN
August 25, Inrinni zan khan Man U leh Fullham club te an inkhel a. Man U-in 3-2-in a hneh a nih kha.
Kha mi tuma mi ai rawn awhtu Man U striker Waye Rooney chu na takin a inhliam a. Kar 4 bawr vel
a inenkawl a tul dawn ta. "A inhliam kha a na khawp mai. Kar 4 vel a chawlh a tul ang. He inhliam hi
uluk taka enkawl a tul dawn, a chhan chu thawk lakna nen inkungkaihna an nei," tiin Ferguson chuan
a sawi.
September thla laihawl vela an khelh tur Champions League match hmasa ber chu Rooney hian
a khel thei dawn lova. Everton 1-0-a an hneh loh tum khan Rooney hian a khel a, an lei thar V. Persie
erawh a khel lo. Old Trafford-a Fullham hmahruai an thun hmasa zawk a. Mahse Man U lam atangin
V.Persie-an goal a rawn thun ve ta. Japan player an lei tharin a thun ve leh. Man U defender Rafael
pawn goal khat a rawn thun. Chumi hnuah Vidic-a tihsual azarah Fullham lamin goal khat an rawn
thun veleh ta a nih kha. Nikum lam pawh khan an defend-te nikhua loh azarah Man City an hneh lo
a nih kha. V. Persie-a goal thun pawh Fergusan hian a fak hle.n
REAL-IN LUKA MODRIC AN CHANG DAWN CHIANG TA
Tottenham leh Real Madird te Luka Modric an indawrna chungchangah
an in rem siam thei ta a, Modric chu Real Midfelder a ni dawn ta. Real
in an lei chhuahna man hi 30 ml pound vel a nih rin a ni. He Croatian,
kum 26 mi hian vawiin ah medical ti tur in Real a pan ta a ni.
Tottenham chairman Daniel Levy chuan Modric an chhuah dan
chungchang ah Modric hi player tha tak a ni a, kan zing a tel a tum
tak loh hnuah Real Madrid nen kan in dawr fel thei hi a lawmawm a, an
ni club hi hun rei tak a ta inthiantha kan ni a ti. Modric hian 2008 ah
Dinomo Zagreb atangin Tottenham 15.6 ml pound in a zawm a, Real
ah a man let vel in an hralh leh dawn ta a ni.Tottenham ah match 150
chuang khel hman in goal 17 lai a thun hman a ni.Modric hi Tottenham
ah luh tirh in defensive midfelder a ni thin a, Harry Redknapp in Tot-
tenham a enkawl hnu ah tawlh hma hret in attacking midfelder zawk ah a khel chho a, Tottenham player pawimawh ber zing
a mi a ni chho ta a ni.
Real Madrid ah Champions League khel tur a inbuatsaih Modric hi a class san zia chu kan hre theuh awm e. Real ah
pawh starting eleven a chan ngei pawh a rinawm a, chutih rual in Real Midfelder te dinhmun a sawhnghin a rinawm hle. Real
ah hian Kaka, Khedira, Alonso, Di Maria, Grenero, Ozil leh Diara te an awm a, han en mai pawh hian player tha tak tak vek an
ni awm e, Nuri Sahin phei chuan khelhna hmun a chan loh avangin transfer request a dil a, loan in Liverpool lamah an chhuah
a nih kha. Modric tan competition a sang viau dawn rual in Modric luh avanga khelhna changlo an awm ngei a rinawm, player
hming lar ber Kaka phei chu Man Utd lam in an rim ni awm te pawh in a lang mek a, engtin chiah nge Modric hian Real midfeld
a sawi ang tih hi ngaituah tham tak a ni. Chutih laiin a kalsan tak Tottenham in season bul an tan thalo nghal a, aiawh a an lei
Gulf Sigurdsson chuan a hmun a la awh zo lo hle a tih theih awm e.n
WENGER: THIL DIK LO CHU
A AWM A NI
Arsene Wenger chuan Rob-
in Van Persie aiawh tura a
lak pahnihte chuan an hna
an hneh lo a ti. Stoke City
nena an inhneh tawk tuma
an khelh danah a lungawi lo
a ni ber mai. Tunah chuan
Arsenal club chauh hi Pre-
mier League match hnih an
khelh tawh a, leh lam net la
pet thleng zo lo an ni reng
mai. An la thun goal miah lo
a nih chu. Minute 180 chhun-
ga goal khat pawh an la tih luh loh avangin season
chu bul an tan tha lo hle mai. Pound maktaduai 13-a
an lei Olivier Giround leh pound maktaduai 11-a an
lei Lukas Podolski te chuan an la chet that loh thu
Wenger hian a sawi a ni. Training an neihna hmunah
te tawngkam na tak takin a hau vel.n
NAKATA MYANMAR-AH A LO ZIN
Khawvel hriat khawpa lar Japan selected football
player hlui Hiroyuki Nakata chu August ni 19 tlai dar
6:45 khan Thai Airline-in Myanmar a rawn thleng.
Nakata hian Myanmar-a a cham chhungin August ni
20-ah Myanmar Football Association Chairman leh
a hote nen an inkawm ang a, tlai lamah Padomma
feld-ah Myanmar mipa U-19 team leh Myanmar
hmeichhe selected team te nen inhmu khawmin
practice a neihpui dawn a ni.
Myanmar-a a cham chhung hian Myanmar
Football infamna lama hma a sawn theih nan thurawnte a pe ang a,
August 22-ah a haw leh ang. Tun hi Myanmar-a a lo kal vawi hnihna a
ni a. Kum 2007 June thla khan a lo kal tawh a. June ni 7 khan infam
mite, mi hlui infam mi te, leh Myanmar Football Association-a hruai-
tute nen 'Thu Wunna' stadium-ah fund raising atan an inkhel hlawm
a, mipui 3000 laiin an en hlawm a ni.
Nakata hi Japan selected player a ni a, 1997 atangin 2006 inkar-
ah match 77 a khel hman a, goal 11 a thun tawh a ni. Professional
player angin series A club, Peru, Premier League leh Baltan te bakah
club paruk laiah a inkhel thin a, kum 30 a nihah a chawlhsan ta a ni.n
ANA VIDIC & ENDURNE: MITE NGAIHVEN HLAWH
Premier League season chu tan chhoh a ni leh ta a. Player-ho WAGs thlalak
vel pawh a lar chho leh dawn hle. Man U defender Nemanja Vidic-a nupui
Ana Vidic leh Vidic hian February thla khan fanu Petar Vidic an nei a, an
hlim hle. Ana hian an fanu sam mawi em em nei hi Fulham nena Man U an
inkhelh tum kha a hruai tel ve a. Man U keeper David Gea-a bialnu Edurne
pawh sam mawi leh thianghlim puin a rawn en ve bawk. United WAG-ho
hian season tharah design thar an nei dawn ta em ni le?n
HOPE SOLO MIMAL CHANCHIN ZIAKNAAH
GREG RYAN NENA AN INKAR TAR LANG,
RYAN CHUAN A DIK LO TI
US national women football keeper Hope Solo mimal chanchin ziaknaah
ex-national team coach Greg Ryan-a nena an inkar boruak tarlan a ni a,
Ryan chuan a dik lo a ti. Kum 31-a upa Solo chuan a lehkhabu thar, Solo: A
Memoir of Hope-ah, "Kum 2007 khan hotel pakhatah Ryan hian a nam lut
tih," ziak a ni. Hope Solo chuan, "Brazil nen an inkhelhnaah a tel loh tur thu
min hrilh zo chu kan ngawi dun vang vang. Sawi tur ka neih loh avangin ka
kal ta a, tichuan min nam ta a ni."n
18
|
TAHANTIMES sport digest 3 September 2012 Monday | Vol.2 No.5
Biak in, Kawngkhar, Tukverh leh Hall
puan zar hmanga cheimawi duhte tan
Korean design nalh tak takin
kan thuisak thei reng e!
riNTLuaNga + MaLiaNi
TaMu
Ph: 09 400506814
INTERIORDECORATIONDESIGN
GETAFE AN HNEH LO VA, REAL MADRID LAKAH
MOURINHO A LAWM LO
Getafe an hneh lo chu Mourhinho chuan thil pawm hleih theih loh niin a
ngai. Mourinho chuan Getafe laka an tlawm mai avangin a player-te chu a
rauh nasa hle a. A tirah Gonzato Higuin hmangin hma hruai mah se, second
half lamah an defender chet chhiat avangin Real hi an chak ta lo a ni. Tun
season-ah chuan point ruk lai hmu thei tur khan point khat chauhan hlawh ta
a ni. Reporterter-ho hnena a sawi danin, "Hneh loh kha kan phu reng ani,"
a ti. "Press ho hnena sawi thiang lo thil tam tak coach chuan kan nei a. Ka
playerho hi ka la be leh rih lo va. Ka sawi leh ka rilru ang engmah an pawh
lo a ni. Ka hrilh that leh an ngai," a ti a.
Portuguese coach hian referee thutlukna chungchangah sawi tur a nei
a. A player-ten Adrian Colungan ball kha a dek niin an sawi a, kha khan
lehlam chan a titha ni awm tak a ni. "A goal hnihna chungchang ka player-
ho sawi pawh hriat ka nei. Colunga khan a kutin ball kha a dek ngei an ti a."
(Kha khan a ti-goal ta a)."
"Engpawh nise vawiin chu ka player-te khan an khel chhe thlawt a ni,
tlawm tur kan ni ber mai." n
US OPEN TENNIS KHELH CHHOH MEK A NI
Kum 2012-a Grand Slam Tennis inkhelh hnuhnung
ber US Open chu August 27 khan khelh tan a ni a.
September 9 thleng khelh a ni ang. Mipa Single-
ah Federer chu pakhatna la tura rin kai ber a ni a,
hmeichhe single-ah Azarenka a ni thung. He US
Open-ah hian Nadal-a tih loh player lar dang chu
an tel deuh vek dawn a. Kumin US Open-a mipa leh
hmeichhe single-a pakhatna late hian US dollar maktaduai 1.9 an hlawh
dawn a ni. Tennis hi khawvel infamnaah chuan lar pawl tak leh hmuh nawm
tak a ni a, Grand Slam ngat phei hi miten an ngaisang bik em em a ni. n
Advertisement
---
Ta Da Oo kiang, Sky Net dawr bul, Bogyoke Street, Pinlong, Kalaymyo.
Tel: 073-21838, 09-47073562, 09-6472848
BIkE SALES & SERVIcE
Hei le! Kan mi leh sate rinchhanin Bike thar tha, Che Koung (_a...a) packing ngat
tlawm takin kan zuar ve ta.
Duhsaka min rawn dawrtute hnenah present eng emaw pek zel in ni ang.
Tlawmngaia rawn kawhhmuh emaw, a lei tur rawn hruaitute tan pawh lawmman (..)
buatsaihsak in ni ang.
Cherry Maung Soe + Sayama Ringi
Hriselna leh tui thianghlim i mamawh a nih chuan rawn pan mai rawh.
()
( )


TZR Beauty Salon Tel. 09-400457749
Acer 4739 i3 Acer E1 431 i3 Acer 7739 i3 Acer 4743G i3
435,000/-
Intel Core i3 380M 2.13
2 GB DDR3/500 GB HD
Intel Core i3 380M 2.13
2 GB/500 GB/1G VGA
Intel Core i3 2.4
2 GB/500 GB/1G VGA
Intel Core i3 2.4
4 GB/750 GB/1G VGA
Acer 4743zG i3 Acer 4752G i3
Lenovo V470C i3
445,000/- 465,000/-
490,000/-
Intel Core i3 2.13
2 GB/500 GB/1G VGA
Intel Core i5
2GB DDR3/320 GB HDD
443,000/- 513,000/- 453,000/-
350,000/- 476,000/- 415,000/-
AMD Dual Core C60
2 GB DDR3/320 GB HD
Intel Core i3
2 GB/500 GB/1G VGA
Intel B940
2 GB DDR3/500 GB HD
SingTech C-30 Dell n5050 i3 Asus X44L Samsung NP300E i3
485,000/-
Intel Core i3 2.4
4 GB/500 GB/1G VGA
Intel Core i3-2310M
2 GB/320 GB/1G VGA
Toshiba L755 i3
522,000/-
Intel Core i3-380M
4 GB/500 GB/1G VGA
COMPUTER SALES
1/24, Taungzalat, Bogyoke Street, Tahan, Kalaymyo.Tel.21448
Email: tsocomputer@gmail.com
Asus P8z77-v LE Plus
180,000
LiteOn DVD-RW
25,000
TP-Link Router
48,000
ThermalTake 450
86,000
TP-Link CPE
40,000
Seagate 500G
58,000
Asus GT 630 2G
85,000
SSK
External DVD-Writer
44,000
TP-Link
Wi-Fi Adaptor
22,000
International level-a chhang siam (ur) thiam leh
changkang tak takten nitina an siam cake, chhang
thawp leh chhang chi hrang hrang tui em em, thar-
lam tak tak lei theih a ni ta.
Inneih, party, birthday lawm, dam lo kan, lungphun,
lawmthu sawi tawngtaihona tih ang puipunna chi
hrang hrang atan chah theih kan ni a. Chah (order)
duh chuan ni thum advance-in chah lawk tur a ni
ang. Chawlhni-ah i mamawh dawn a nih chuan Zir-
tawp ni-ah i rawn chah lawk dawn nia.
MIN RAWN DAWR VE TEH UN. A tui teh mai a nia!
Pu raLMaNTHaNga
(A). Ph: 09 400307754

Оценить