1

Berita 5 (Orti 5) Makudang-kudang Tradisi ring Bali Bali pinaka sinalih tunggil pulo ring wewidangan Negara Kepulauan Republik Indonesia sampun kaloktah ring sajebag dura negara antuk keasrian alam, budaya miwah tradisi. Mayuta-yuta toris lokal miwah dura negara rauh ka Bali nyabran warsa. Daya tarik pesona genah-genah wisatane ring Bali pinaka objek wisata sane nenten wenten telasnyane karauhin, sakadi obyek wisata pantai Kuta, Sanur, Tanah Lot, Bedugul, Kintamani, miwah makudang-kudang lelampahan seni ring Bali. Lianan ring kaasrian alam sane dahat becik, pulau puniki taler katah madue budaya miwah seni tradisi sane tawah. Yening selehin ring teges krunane, tradisi utawi dresta madue teges pinaka adat sane kamargiang temurun saking leluhur tur kantun kamargiang olih kramane kantos mangkin. Wewidangan ring Bali sane kaepah dados makudang-kudang kabupaten gumanti madue seni, tradisi dresta sane dahat mabinayan ring soang-soang kabupaten. Kawentenan seni tradisi punika pinaka tetamian leluhur sane kantun kalaksanayang olih kramane ring Bali kantos mangkin. Makudangkudang seni tradisi ring Bali lumrahnyane kalaksanayang rikala nyanggra utawi nepetin ring pamargi rahinan jagat Hindu minakadi, rahina Galungan, Kuningan, Nyepi miwah rahinarahina sane lianan. Wenten kudang-kudang seni budaya miwah tradisi sane tawah, sakadi sane wenten ring Kabupaten Karangasem. Sinalih tunggil seni tradisi sane sampun sering kamargiang ring Bali minakadi tradisi makare-kare utawi katah kasambat tradisi perang pandan sane kalaksanayang nyabran rahinan sasih kalima ring Desa Tenganan, Karangasem. Tradisi makare-kare kamargiang pinaka upacara persembahan majeng para leluhur miwah Dewa Indra sane kapercaya pinaka Dewa Perang. Manut nilai Historisnyane, kacritayang Dewa Indra mayuda ngalawan Maya Denawa, Raja Bali trah raksasa sakti sane madue bikas kaon sawenang-wenang nambakin krama Hindune ring Bali ngaturang sembah majeng ring Ida Sang Hyang Widhi Wasa. Tradisi makare-kare kalaksanayang ngangge sanjata sane kakaryanin antuk pandan madui pinaka lambang gada sane kaanggen mayuda. Tradisi punika kalaksanayang olih sakatah krama lanang Desa Tenganan, saking krama sane kantun alit-alit, kantos sane sampun lingsir. Yadiastun para kramane ring sajeroning ngamargiang makare-kare punika kantos ngamedalang biyuta ring soang-soang krama. Sesampune wusan maperang, soang-soang krama punika raris saling tulungin nyabutin duin pandan tur nagingin tamba sane kakaryanin

antuk kunyit tur daun base. Lianan ring tradisi makare, wenten taler tradisi sane nyihnayang paperangan sane kawastanin gebug seraya utawi gebug ende. Sekadi wastan nyane gebug ende kalaksanayang olih sakatah krama ring Desa Seraya Karangasem. Gebug ende masrana antuk penyalin salantang 1-2 meter, tur ende sane madue teges tameng sane kaanggen pinaka panangkis. Gebug ende sane kairingin antuk gamelan punika sujatiane nenten wantah pinaka lelampahan kemanten. Nanging madue tetujon sane dahat katengetang. Tradisi gebug ende kapercaya olih krama pinaka jalaran nedunang sabeh rikala lahru. Pateh sakadi tradisi perang pandan,krama sane ngamargiang gebug ende talerr enten kantos ngawetuang biyutas awusan ngamargiang tradisi punika. Ring wewidangan Denpasar, wenten tradisi sane kawastanin omed-omedan. Tradisi omed-omedan kalaksanayang olih sakatah yowana ring Banjar Kaja, Sesetan. Yening selehin ring krunane, omed-omedan madue teges saling kedeng. Prosesi puniki kariin antuk ngamargiang pamuspan sane matetujon nunas karahayuan. Wuspunika para yowanane raris kaepah dados kalih, sawetara 50 diri yowana lanang, tur yowana istri. Sesampun polih arahan raris kaadu. Barisan sane pinih ajeng saling diman tur katonton sakatah krama. Tradisin epunika kapercaya madue tatujon pinaka panulak baya. Tradisi sane taler dahat ngulangunin inggih punika tradisi makotekan sane sampun kamargiang duk masa Kerajaan Mengwi. Tradisi puniki kalaksanayang pinaka makelingin kemenangan Kerajaan Mengwi daweg mayuda nglawan kerajaan Blambangan. Kawastanin tradisi makotekan saantukan kawentenans uaran kayu sane saling matabrakan, rikala kayukayune punika kasikiang ngwentuk gunung. Kayu sane kagabungin punika raris ngawetuang suara tektek tur raris tradisine punika kawastanin makotekan. Makotekan kamargiang olih satusan krama lanang ring Desa Mungguri kala nepetin rahina Kuningan.

Ngicenin pinampen antuk daging orti! 1. Ngrereh unteng orti ring baduur. 2. Indayang ngrereh kosa basa sane rumasuk meweh. 3. Indayang makarya pitaken manut ring daging orti baduur nganggen bahasa bali.

Tradisi: 1. Perang Pandan (Makare-kare) Tenganan Karangasem

2. Gebug Ende (Seraya Karangasem) Tradisi menurunkan hujan

3. Makotekan Desa Munggu, Kec. Mengwi(menghindari wabah)