Вы находитесь на странице: 1из 1

Xantsi Vorbi pa E Lashi Viasta

Sostar ramosardian E Vorba le Devleski ande e rhomenes shib? So gindis tu pa le dieli kai kerdion adies? Kana kadala dieli nachinaina te kerdiol, antunchi dikhen opre, ai vazden tumaro shero, ke tumaro skepimos pashelo Luk 21:28. Durion katar le divanuria le intaino ai bi malade, ke kodola kai keren kadala dieli duriona may but ay may but katar O Del 2 Timote 2:16. O Del phendya amen, Ker mishto buchi saxke te mothol tuke O Del, ke mishto kerdian, sar iek manush kai chi trobul te avel leske lazhav ande peske buchi, kai mothol vorta E Vorba le chachimaski 2 Tomote 2:15. Ai kadia si sostar le shtar rhom ande Fransuzo ai me ramosardiam E Vorba le Devleski ande Rhomenes shib le rhomenge, ke O Del alosardia ame te keras leski buchi. O Del sas amensa swako dies, ai chaches Wo zhutisardia ame. Rhujisailem ka Del butivar swako dies anda tumende, ai me phendem, Devla, zhutis le rhom te jinen E Vorba ai te haliaren chi Vorba. Ai, Devla, des le chi voia, ai skepin le rhom, ai bolen le le Swuntone duhosa, ai des lensa duma swako dies. Tho chi dragostia ande lengo ilo, pravares len, le sama lendar, zhutis le te haliaren so si vorta ai so nai vorta angla Del, te haliaren so so si chaches ai nai chaches te traiin vorta angla tute, Devla. Ai de le rhom cho raduimos ai pachamos kana jinen chi Vorba. Ai me tradav tumen but bax, zor, ai sastimos. E Ruth