Since 2006

ZAM Information Department ZAM Hotline 016-293 9027 ZAM Office 03-2142 6659 Email: zomiassociationmls@gmail.com

informing people, transforming lives

Volume 8, Issue 41

Malaysia gamsung aom Zomi khempeuh in hongtungding 31 March 2014 (Zingkha ni 1, 2014) Monday ni in A thumveina kumcin Sialsawm leh Zomi kumthak muakna pawipi nopcitak in ki bawlding ahih manin, nongkihel hamtang nading in zahtakna lianpi tawh kongsam uhhi. Ahun: 11am - 4pm, Amun: St. Anthony Biakinn (Tung Shin Hospital mai) Zomi Nam Ni UNHCR pan thugenna Mimi :: Kei hong thei nailote khualna tawh kei kamin pen Mimi a hihi. UN tawh kithuah a na ka sep zawh kum tam simpian ta in, CDU ah tawlkhat ka sep khit ciangin SPF ah ka sem a, tun EDU ah ka sem ta hi. A zahtaak huai mipi hizah tak in nong pibawlna uh hangin nuam mahmah napi ingh in hibang pahtawina angah kha dingin kilawm ka kisa kei a ka mai bang hong zumkik liang hi. Bangbang ahizongin UNHCR min tawh 66 th Zomi National Day lungdam pihna kong pulaak hi. ZOMI Community tawh nasep khop pen UNCHR in nuam ka sa uh a, kong paakta uh hi. Ko UN te pen gam tuamtuam pan a galtaai Refugee tampi tawh nasem khawm ki hi -in, siang gen lehang amaute pen no ZOMI te zah a kithutuak om lo uh hi. Tua ahihman in no aa dingin ZOMI na hih uh kisaktheihpih huai mahmah hi. Pianna gamlei pan nawlkhinna thuakin inn tawh a kigamlatna gamdangah na om uh hangin ki thuhual theihna lungsimhoihte vom in na nuntakpihna uh ka muh tak uh ciangin ko UNHCR ten ZOMI te pen thupi hong sa ungh. Hibang lungsimhoih na neihna un na Minam uhleh na Ngeina uh kipsak in thahatsak ding hi. Minam kipawlna thahatzia pen haksatna bangci bangin phul in nawk uh hiam cih tawh ki -en hi. Kipawlna leh minam pawlkhatte en leng hamsat hun ciangin kitamkham in kinusia lel uh hi. Ahizongin no ZOMI te pen hamsatna tampi kawmkaalah na kipumkhat thei uh a, na kithutuak theihna un hong thahatsak hi cih pen kimu thei hi. Pianna gamlei leh tualbial khitna munnuam nusia cih pen hangsan masak kisam hi. Noten tua hangsanna nei in a hoihzaw lametna tawh hong kalsuan khia na hihna uh a kilatna pen hih gam nong tun phet un kipawlna nong phuan masa pah uh hi. Tua khit ciangin Siamsinna sangte nong vaihawm leuleu uh hi. Hih in muhkholhna VISION anei Minam picing na hihna uh zong kilangsak hi.Tulai taka na neih uh ZEC sangte zong a kumkum in khang in, sangnaupangte zong tam semsem hi. Note hanciamna hangin UNHCR -EDU Department vaipuak tampi takin nuamtuam hi. Lungdam mahmah ungh. Na hamphat diakna uh pen Pilna lam hitaleh vai khempeuh ah Itna leh Veina tak tawh hong makaih ding mipil makai na neihna uh a hihi. Amau Kipiakkhiatna leh a Hanciamnate muk leh kam tawh gen zawh ding hi lo a, tuahang mah in no ZOMI te hiciang a khangto na hi uh hi. Pilna pen lungsim sunga om hi a, kuama hong laksak theih leh hong guuksak theih hi peuhmah lo hi. Tua ahihmanin Pilna thupitzia leh a manphatna pen manphatna anei na dangte tawh teh theih hi lo hi. Koikoi na tung uh zongin, na ciah kik uh ahiphial zongin note tawh a om khawm den ding thu manpha nam nih om hi: 1) Hihlai munpan na ngah uh Pilna leh Siamnate leh 2) Zomi na hihna uh kisaktheihpih huai zahdong a milakah na pahtawina uh ahihi. Ka tawpna dingin UNHCR min tawh lungdampihna kong pulaak kik a, tua banah hih lai muna na Siamsinna sangte uh mipiten thapia in na panpih ciat un, tua hileh a khang akhangin mite nuaiah na om kei ding uh hi cih thu kong vaikhak hi. Ka lungdam! UNHCR-CDU pan thugenna Grace :: Zopau ngiat tawh dam maw! Zomi Nam Ni nuam mahmah ei hong ci masa hi. Nong zindo siamna hangun lungdam mahmah ungh. A 66th cinna Zomi Nam Ni ah nong sap manun lungdam mahmah ungh. Hih dan apian theih na ding a mapang khawm Zomi Nam Ni committee tungah zong lungdam ungh. Tua leh lasa te, a lam te tungah lungdam. Bek thamlo in tuni a hong paikhawm mipi khempeuh tungah lungdam mahmah hi. Tuni in khat bangin na din- khopna/kigawm khopna hang angtang huai mahmah hi. Mailam ah hih dan nasep hoih zom paisuak un. Na ki pumkhat uh ciangin thahat semsem in, na kikhenkhen uh ciang thanem ding hi uh teh. Malaysia ah na hamsatna te uh zong hong telpih mahmah ung. Na kipawlna uh pan na mipihte mah un hongvan in hong buaipih tawn tung hi. Hidan sepkhiatna hoih te semzom suak un. Na hihna uh kisak theihpih un. Tua hihna pen na tu, na ta uh kiangah gensawn un. UNHCR -CDU tawh nasep khawm na makaite tungah zong lungdam mah ungh. Na na kipawlna makai te thapia tawntung ungh. Lamtheilo, lasa theilo kahih manin na hun uh tampi hong laksak nawn kei ning. 2014 sungah note tawh nasep khopna kizom suak ding hi. ICMC (International Catholic Migration Commission) pan thugenna Jacky Loo :: Sunpha Zomi! Zomi National Day na bawl uh akum 66 cinna sungah kei nong hel manun genzawh loh lungdamna kong pulaak a, nuam taka na bawl ding uh zong kong deihsak mahmah hi, Happy 66 th Zomi National Day. Kei ka min pen Jacky Loo hi -in, tulaitak ICMC ah a thuzeekpi Project Manager ka sep lai tak ahihi. Tuni pen na Minam Ni uh ahih mah bangin no aa dingin tuni sanga Ni thupizaw om lo kha ding hi. Hibang ni manpha sungah mikim in Minam khat aa ih piankhiatna tangthu leh ih lamkiatna mun, a tomin cilehang abul ih patna ih phawkni ahihi. Pianna gamlei tawh a kigamlatna mun gamdangah na om uh hangin na hihna uh na mangngilh loh ding uleh na letkip den ding uh a thupi penpen a hihi. Minam na itna uh a lenkip den dingin hilai mun panin kong hanthawn nuam sawnsawn hi. Mi hizah tak hibang munah na kikaih khop theih uh kong muh ciangin na lungduaina uh, na thukhualna uh leh na kithutuahtheihna uh ka mu a, kong zahtaak >>>

Sialsawm leh Zomi kumthak pawipi ah sapna

...hongpai un, ih kulhpi ciangpha ni. Nehemiah 2:17

16 March 2014

ZAM Thupuak pen leitung muntuamtuam aom Zomi khempeuh in asimtheih dingin www.zomidaily.com website ah ki koihden hi.

mahmah hi. Mailam ah zong hibanga lungsimhoih na neih paisuak ding uh kong deihsak banah, na Innkuan sungah, na Minam sung leh na Pianna gamlei ah hibang ki Itna, Daihna leh Lungmuanna a omsak Zomi te ahi dingin lametna lianpi no tungah ka nei hi. Ka thugen kong khupna dingin Laisiangtho in Itna, Lametna leh Upna thupisak mahmah hi. Ahizongin tua teng lakah Itna sanga thupizaw om lo a, Itna in na khempeuh hong kipatna bulpi ahihi cih thu manpha hong gen ka hihi. Ka Lungdam! Kawlgam Census vai panpihna ki piakbeh theilai Kawlgam sungah mimal simna Census pen 30 March pan 10 April sungding hi a, asawtlo in aki panding hita hi. Malaysia gamsung aom khuamakai, pawlpi makai leh minam vai avei, alunglut mipi honkhat ki muhkhopna pan khentatna zui in Census vai ah agim atawl te panpih nading huhna ki donsak a, apiakhinzong tampi omkhin hi. Sum aki ngah masa sungpan Ks.1,000,000 (Tengsawm) ki khakpah hi. March 16 nidong panpihna ki piatheilai ahih manin, apianuam laiten amanlang ZAM zumah nongpuak nading un kong zasak uhhi. Apiasa khua kipawlna leh pawlpi te: Pau Khen Khup (Sakollam) RM50, Suanghoih RM100, Tungzang RM100, Dongh Sawm Tung (Cingpikot) RM100, Mualzang RM100, Kansau RM100, Tungtuang RM100, EBC KL RM200, Cingpikot RM100, Saipimual RM100, Muizawl RM100, Dimlo RM100, Zampi RM100, Chantagyi RM100, Mualbeem RM100, Luangel RM100, Ngalzang RM100, Zozaang RM100, Laibung RM100, Gawngmual RM120, Anlangh RM100, Haiciin RM200, Lingthuk RM100, ZCF Kota Dsara RM200, SDA RM200, Tuithang RM200, ZCCM RM200, Vongmual RM100, IZCC RM200, Kaptel RM100, Lailo RM300, Ngalbual RM100, Sezaang RM200, Vangteh RM200, Mualnuam RM100, Zion UPC RM200, Singunau RM100, CMF RM200, Sunway Emmanuel RM200, Pangzang RM100, Tuitawh RM100, Cikha RM100 ZAM zum ah Ngeina Puan athak honkhat hong tunbeh Kawlgam pekpan in aki vaikhak ngiat ahi ih ngeina puan tuamtuamte zanni in athak pawlkhat hong tunbeh leuleu hi. Alunglut adeih peuhmah in ZAM zumpi ahdeihzahzah ki leitheita hi. Aki ngahthei van te: Zopuan (pasal), Zopuan (numei), Puandum, Zodial, Zodial naikhau (silk), Puanlaisan, Tanghciin, Khephiau leh Zokhi namtuamtuam Dotbehnop aomleh >>> Siama Ngaih Hau (010-823 0571) ZSM pan mipi tungah hopih kikna Malaysia gamsung a om ZOMI khempeuh in kei ZOMI hing ci in ih ki angtang sak mahmah a, Zomi cih -in ih si ih sa sungah omkhin tengkhin, belh khin ahih manin Zomi cih ih zakna peuhah ih lungsim om in, ki mai tai tuam aa, ki innteek sakna lungsim khat om pahlian hi. Zo lai tawh lai ki at khatpeuh ih muh ciangin ka lai hi, ih lai hi ci -in ih neihsa ahih manin ih genkhiat theihloh " lungnop na khat" ih ngah thei hi. Tua ahih manin Zomi te in nuam khawmdah khawm, puakhawm, zawngkhawm thuakkhawm nekhawm, dawnkhawm nuamdiak Zomi te ih hihi. Kumthak zawh nasep mankik nailo, zumvai te kilam dan na omtuan nailoh kikal in March kha laizang ah ih tungto zual a, tuasungin ih sanggam te ZOMI sinsen luangguk in Malaysia gamsung panin hong nusia ahih manin ZSM in hanmual ah kha ngiatngait hi. Tuabang hiven, ih theih loh kal, kigin loh kikal, vaisah kawmkal mahin hunsia in hong lap thei hi ci in Laisiangtho gensa tangtung zel a tangtung lai ding hi. Tua hi a, Zomi genvai kipawlna (ZSM) ah nang leh na meltheih te na lutkhin takpi hiam cih kongho pih nuam lailai hi. Kei leh ka innkuan te, ko khua in tuaksam kei nung, tuak liangin ki umsam kong cih na lel tawh Zomi genvai kipawlna ah na lut

kei khak leh Zomi na hihna ngaihsut huai mahmah lai ding hi. ZSM pen Nang na zatkhak ding khasiat huailua a, tua dingin piak huailo hi. A hi zongin, ih sanggam te miguk in kha nih huam sungin a kipawlsa mipi te sumpiak na hangin han tang thei ahih manin ih ZSM ah kipawlna sumkhia khinsa khempeuh tungah Topa damsak na hongtung hen la, ki hel nailo mipi khempeuh in ih kihel theihkim ding khatvei kong tangko lailai uhhi. Tua ban ah Khua makai Pawlpi makai leh veng makai te khempeuh in ih laibu let te kaikhawm in, zum ah nong puak zel nang uh zong ih ki sazak sawn hi. Ih belh Pasian in Zomi te hong damsak ciat tahen. Dahpihna Tg. Thang Suan Kim (kum 20) in Malaysia gamsung Kuantan khua ah 03 March 2014 ni in hong nusia ahih manin ZAM in ki dahpih mahmah hi. Amah pen Lailui khua Pa Dal Do Kam leh Nu Ning Hau Lun te tapa ahihi. Aluanghawm pen ZSM vaihawmna tawh 08 March 2014 ni in ki vuithei hi. Lungdam kohna Zomi Catholic (ZCCM, St. Joseph Church, Sentul) pan tukal Thupuak bawlna ding RM50 hong piakhia leuleu uh ahih manin lungdam ihko hi. ZCCM Pawlpi tawh na kizop nop leh: Francis Khampi 016 269 1351 ZAM Palai sungpan kua tawh kizomding Kimat kihen natuahkhakleh: Sia Tuangpu : 016-254 4093 Sia Thaa Mung : 016-646 5375 Sia Kam Mung : 016-995 6231 Zato vai kisapna aomleh: Sia Khoi Tuang Sia Kam Sang Sia Kep Lian Nasep leh Bank Card vai: Sia Mangpu ZAM Card vai: Sia David Mungno ZEC Sangvai: Sia Francis Lamthang : 010-286 6189 : 016-918 9692 : 014-369 4897 : 019-510 6413 : 017-333 4320 : 014-225 9458

Laibu thak kizuakding Hongtungding 31 March 2014 (Monday) ni kumcin Sialsawm leh Zo kumthak muakna pawi ah Tutmun mikaangpau sinna leh Eden ah ciahkik ni cih laibu te ki zuakding ahih manin akua mapeuh in tha pia ciatni. Zongeina Saihadial (Zodial) zong ki zuakding hi. Ih Zodial neihsawm ciatni. USA lengding te tentan kahna F&B Business Park 18 Jalan Metro Pudu 2, Fraser Business Park Jalan Pudu, 55100 KL, (Near LRT Chan Sow Lin) Australia lengding te tentan kahna A 14-6, Menara Atlas Plaza Pantai Jalan Pantai, Rharu 59200 KL Phone: 03 9235 5431 IOM Sisitna IOM MH Malaysia 2nd Floor/Level 3, KPJ Health Care No. 1, Jalan Pahang 53000 KL Ph: 03-9235 5400 Zuihloh ding taxi:: KL sung teng hih taxi HWB 7810 zui vet kei un. A tuak khin om ahih manin taxi nasap ma in a nambat en masa hamtang in.