Вы находитесь на странице: 1из 2

Presentation of I Sevusevu

Sisilias Trip to Japan


11 April 2014
Dabe taura toka na yaqona qai tukuna cake yani (vakaraitaka yani)
Au kerekere meu se vakacabora mada yani e dua na waka ni yaqona lailai qoka
Vakacobocobo sara yani.
A vakaturaga saka tiko i na vanua ; ina vanua vakaturaga o Japani vei ira na Gone
Turaga Bale na Emperor kei Japani, na Tenno kai taukei ni lotu vakashinto. Sa
vakaturaga tale tiko ga kina vei dela ni yavutabu vakaturaga dou sa kumuni tiko ena
mataka nikua au cavu baleta tiko na kemudou i cavuti, au kerea saka tiko na kena
veivosoti
Dou rairai tiko na gone vakaturaga, e dua na waka ni yaqona lailai sara au mai
lavetaka tiko ena kemudrau i serau. Na yaqona qoka, nai sevusevu. Sa nodra i sevusevu
tiko na Turaga na Chief Country Representive ni OISCA International Fiji; sai sevusevu
vakaturaga tale tiko ga mai na noqu lomani vale e Sanima na nodrai tikotiko na Turaga
na Tui Leleuvia.Na waka ni yaqona qoka kemudou na Turaga sai sevusevu vanua tale
tiko ga ni noqu veiyavutabu vakaturaga mai Kubuna vei ira na Gone Turaga Bale na
Vunivalu na Tui Kaba kei na kenai sasavu; Na matanitu qaqa na Tovata na buinimasi e
va; mai noqu Valelevui Burebasaga mai vei ira na Gone Marama Bale na Roko Tui
Dreketi na Vunivalu kei na nodra i sasavu
E dei vakavinaka saka tu na vosa ni Volatabu ni a kaya, sa rogo na Kalou ni vunia na
ka. Na siga e dai e vuni vei keda taucoko. Noqu mai butuka tiko qoka na nomudou
somo na Turaga e dua na ka tou a sega ni lalawaka vata mai kina, ia, sai tuvatuva vuni ni
kalou bula kina noda bula vakayadua ena kena cuqeni na kena qaravi na sasag ni
veivakararamataki ni vakasama me baleta na kena vakayagataki na qele. Ena vuku ni
sasaga qori dou a vakanananu kina na Turaga au kauta lako tiko mai kina nai karua ni i
lakolako mai na noqu vanua vakaturaga mai Viti me mai tiko ena vuli yabaki dua sa tou
vakarau vavaca yani
Na kena yaqona saka qoka, nai sevusevu. Au vatonaka tiko yani ki Valelevu nodrai
tikotiko tabu na Gone Turaga Bale na Emperor kei Japani na Tenno. Au kerea tiko
kina mo dou loma savu na Turaga, dou ciqoma na yaqona qoka ; mo dou vakadeitaka
kina nai nakinaki ni noqu basika mai e dai ; ka mo dou vakadeitaka vata kina na vanua.
Me soli na galala ena kena qaravi nai tavi ena loma ni yabaki dua me rawa ni mana kina
na ka dou a sa dau vakanananu voli mai kina na Tuaraga. De lakolako au mai tiko
vakarurugi ena loma ni nomudou vanua na Turaga dou qai dau vakataroga ka lecava
voli nai nakinaki au basika tiko mai kina
Na yaqona qoka e lailai saka tiko, e sega ni veiraurau keu kemudou na Turaga. E
sega tale na kena vosa matau me vakaisulutaki kina na kena vosa me vaka ni dou
vutuniyau sara ena vosa. Ena sega na betena na noqu na mai vosa balavu taka tiko nai
sevusevu ni na sega ni veisautaka nai rairai ni yaqona au vakacabora tiko ena kemudou i
serau. Au kerea tiko mo dou qai raimuri taka tiko, dou vosa vinaka taka ka mo dou
ciqoma ena yalo vakaturaga
A balabalavu saka tiko na vosa ni yaqona nai sevusevu, e sere vakaturaga saka tiko
mai nai soqosoqo ni OISCA International Fiji ; sa sere vakaturaga tale tiko ga mai
Sanima kei na veiyavutabu ni noqu vanua vakaturaga i Viti ; au vakacabera vakaturaga i
Valelevu i Japani vei ira na Gone Turaga Bale na Emperor na Tenno kei na kenai muri
A saka yaaaaaaaaaaaaaaaaaani !
Ni sa oti e dua na mai taura vei iko na yaqona. Ni sa kauta o koya na yaqona. Mo suka
mai vakalailai i muri, dabe sobu, tukuna sara :
Au vura saka
lako vata tiko kei na nomu vakacobocobo.

Похожие интересы