Om Swastyastu,

Mangkin galah mararianan sane kacihnayang antuk suaran bel. Para sisia usan nguncarang
suksma majeng ring guru pengajian, ngenggalang medal saking sisi kaja genah kelas Pat.
Sakewanten, wenten tigang sisia kari ring tengahing kelas.
(1) Bagia : Eh...Dayu, lakar kija ci?
(2) Luh Ayu : Eh...bagia, adi kenten mamunyi? Ten dados degang-degag sareng Dayu. (luh
ayu Nyagjagin I Bagia)
(3) Bagia: eh...adi Ayu keto. Pelih raga mamunyi? Rage nak metakon ajak dayu. Adi Ayu
ne pedih?
(4) Luh Ayu: ten ja kenten...sampunang gangge basa kasar. Tenten becik ento!
(5) Dayu: (dayu nyagjagin timpalne) eh...kenapi niki...kenapi? adi umung pisan?
(6) Luh Ayu: niki dayu, I Bagia ngangge basa kasar manggihin dayu!
(7) Dayu: Oh....jakti nika Bagia? Ten pedas tiang miragi.
(8) Bagia: Ten je kasar tiang dayu...iraga kan patuh, kabaos jelema. Adi mabinayan
nganggen basa Bali?
(9) Dayu: yen tiang ring gria sadina-dina ngangge basa Bali alus. Aji miwah biang tiang,
nenten kayun tiang ngangge basa bali kasar.
(10) Luh Ayu: pireng...uratiang mireng nggih De Bagia Bagus... nak nenten dados ngangge
basa kasar!
(11) Bagia: men pang kenken wenten basa kasar yening ten dados kaanggen?
(12) Dayu: Dayu masi nenten uning. Lan mangkin takenang sareng Ibu Desak mangda
sumengken napi tatujon iraga ten dados ngangge basa Bali Kasar. Lan-lan... mangkin
rereh Ibu Desak ke Kantor! (nandan lima Luh ayu, laut majalan nyumunin. I Bagia
nutug sambilanga nguntul.
I Bagia, Luh Ayu, sareng Dayu sampun neked ring kantor guru. ngencolang Ipun ngerereh
Ibu Desak.
(13) Dayu : Om Swastyastu Bu, ampura...
(14) Ibu Desak: Om Swastyastu, punapi niki alit-alit Ibu...adi magesan-gesan ngerereh
ibu?
(15) Dayu : Niki bu...tiang sareng Luh Ayu lan Bagia wenten katakenang. E...e... inunian
Bagia sareng Luh Ayu umung ngeninin indik basa Bali.
(16) Ibu Desak: Jakti nika bagia lan Luh Ayu? (Ibu Desak nolih I Bagia sareng Luh Ayu)
(17) Bagia & LUh Ayu: (sinarengan masaut) Nggih nika bu...
(18) Ibu Desak: Luh ayu,,, adi tumben Iluh Umung?
(19) Luh Ayu: Nggih bu...sawireh Bagia ngangge basa kasar. Tiang ten demen ningehang
bu.
(20) Bagia: (ngenggalang masaut) nak...biasa doen ngadok basa kasar. Adi Luh ayu ne ten
demen?
(21) Ibu Desak: Majeng sira Bagia ngangge basa kasar?
(22) Luh Ayu: majeng desak bu. Yen bapa miwah memen tiang nguningayang nak nenten
dados iranga ngangge basa kasar, mangda nenten kabaos alpaka bu.
(23) Ibu Desak: oh...lan lan jani pirengang ibu nelatarang indik basa Bali nggih.
Sumengken mirengang.
Basa Bali punika kapah dados tiga inggih punika: Basa Bali alus, Basa Bali Madya,
Basa Bali Kasar. Nening masa bali Alus kaanggen ritatkala mababaosan sareng tri
sedaka, ring sang sane kelihan, sang sane kajungjung utawi pamerintah.

Basa Bali Madya, kaanggen ritatkala mababaosan ring pasar, sareng sawitra, ring
waruh-warung, miwah ring jero soang-soang. Basa Bali Kasar kaanggen majeng
nguninayang indik baburon sekadi celenge suba ngamah? nenten dados iraga
ngorahang Cai suba Ngamah? yening anak miyegan, biasane ngangge basa bali kasar.
Iraga nenten dados ngangge punika.
(24) Bagia: ring buleleng, wenten anke kakauikin cicing bu!
(25) Ibu Desak: Basa bali punika pinaka tatamian saking uni utawi leluhur. Sekadi sengak,
telebongkah batan biu, gumi linggah ajak liu. Yen ring buleleng nenten ja sadina-dina
ngangge basa kasar. Yening majeng ring sane sampun kauningin utawi sawitra...wau
kanggen basa punika mangda akrab. Yening majeng ring sane tegehan miwah sane
kapatutang ngangge basa bali alus utawi madya...sinah basa punika sane kaanggen.
(26) Dayu: oh...mangkin tiang sampun ngeresep bu...suksma sampun nguningayang nggih
bu.
(27) Ibu Desak: inggih...sareng-sareng. Luh ayu lan Bagia, sampunang mayegan nggih.
Iraga patut saling asah asih sareng sawitra.
(28) Bagia & Luh Ayu: (sinarengan masaut) nggih bu,
(29) Bagia: Dayu miwah Luh Ayu...suksma nggih..ampura tiang iwang.
(30) Dayu & Luh Ayu: nggih nenten kenapi.
(31) Luh Ayu: Lan-lan mangkin ka kelas, sawireh galah mararianan sampun telas.