Ø S TOCKING nazawng a lum kher lo. Ø A WNG nazawng bih tur a ni kher lo. Ø F AIFUK nazawng an lungleng kher lo. Ø KS nazawng Burma mi an ni kher lo. Ø B AZAR kal nazawng an ‘bazar’ kher lo. Ø S UM ngah nazawng an hmel \ha kher lo. Ø N ULA fai nazawng an thianghlim kher lo. Ø T HUTAK nazawng hi thu dik a ni kher lo. Ø D AWIHZEP nazawngin an him phah kher lo. Ø V AI mistiri nazawngin hna an hmu kher lo. Ø L EHKHABU nazawng chhiar tlak a ni kher lo. Ø C AR model thar nazawng nalh kan ti kher lo. Ø T HINCHHIA nazawng hi rilru chhia an ni kher lo. Ø T UI connection nei nazawngin tui an nei kher lo. Ø R AMHUAI hlau nazawngin Pathian an ring kher lo. Ø S UAL laka insum nazawng hi sual sim an ni kher lo. Ø | AWNGHRIATLOH nei nazawng hi UPC an ni kher lo. Ø NLUP semtu nazawngin a hlawhtlin an ring kher lo. Ø M AGISTRATE thu remna nazawng rintlak a ni kher lo. Ø F ASHION thar nazawng biak-inah hak chi a ni kher lo. Ø Z OSAP hla phuah/lehlin nazawng sak tlak a ni kher lo. Ø K HAWLAIA inkuaha kal nazawng an inngaizawng kher lo. Ø R AM puma lar nazawng an vengah ngaihsan an ni kher lo. Ø E LECTRIC inenchhawk dan nazawng hi an hotuten an hriatpui kher lo.
Zawh Poh Leh
* CAR parking a tlem zawh poh leh car ken aiin taxi lak a hlawk. * KEKAWR a zuih zawh poh leh chawnpuar nalh lo a langsar. * TUAI an tam zawh poh leh Patil an luck. * TUIKHUAHTLANG tuikhuah a khah zawh poh leh a thlang Vailuiah tui a tam. * RV ah chuan a fianrial zawh poh leh in luah man a to. * BD zir tumten zuk leh hmuam ti ngai lo angin an insawi vek a, sim thei lo Pastor kan nei nual tho an ti. * C HIAHPUAM sawhkhawk a lang \an a, mahni intihlum kan pung \an an ti. * C HHIM lamah chuan nite pasal hi pa\ang an ti. * CM hian hla a la sáng hret a, chang hnihnaah a tlin lo mai thei an ti. * E IRUTEN Pathian an nel ve theihna chu thawhlawm thawh a ni an ti. * F ANA hla saka lar \henkhat hi lengzem satute nen zu an in ho thei an ti. * F ARISAI khelmual chu biak-in a ni an ti. * E IRUKNA sum tel lova lei Grand Vitara Aizawlah a awm ve \an an ti. * I NHMU lova chatroom leh sms vela inchharte hi ‘hmangaihna mitdel’ an ti. * K OHHRANAH hian sipai angin rank hniam apiang an lám nasa an ti! * K OLKATA Airport (Intl.)-ah Public Telephone tih inziahna-a ‘b’ a tla palh a, Pubic Telephone hmangtute an innuih tet tet an ti. * K UMTHAR ruaia kan ei ngam loh bawng sa zawng zawng kha hotel leh thingpui dawrah kan ei zo leh vek tho an ti. * N IMBU kung bulah Serfang a awm chuan, pollination avangin Nimbu rah hi Serfangah a chang thei an ti. * NLUP a vawk leh ar vulh thlangtu tam lutuk hian a buaipuitute lu a tihai hle an ti. * NREGS hnatlang hi nupui pasala neih tlâk zawnna \ha tak a ni an ti. * NULA-IN anmahni aia naupang an ngaihzawn hian, catch them young an ti! * P ASTOR atan tatoo nei an la duh lo an ti. * P OLITICIAN te hian mi dang fak an nghak zo lo ber a, ram hmangaihte hi an chuhhelh ber an ti. * P OWER supply a \hat hma chuan Stadium \ha hi sawi tawh loh tur an ti. * S AKRAMEN atana Hnahlan wine hmang duh lo kohhran chuan intodelh thu sawi tawh loh tur an ti. * T RACTOR khalhtu hi Chairman an ti. * T UNLAI Aizawl zu chu ruih hleih theih loh khawpa dal a ni a, a intute tan pawh kohhran mitmei zah a n>p ta deuh an ti. * Z ANAH taxi-ah ks, car-ah call-girl, bike-ah ngawl vei... an ti. * Z AN inkhawm chhuanlama chhuah hi nula \henkhatin ‘chance’ an ti. PARTY DRESS NEN KHAWLAIAH Kan khawpui nulate incheina hi i ch$k lem loh chuan, “Thawmhnaw t^wt hâk an intihhmuh a ni,” i ti ang. I ch$k deuh chuan, “2009 kum tir lamah nula hovin kekawrtlawn dum tâwt tak khuha kawrfual hâk an intihhmuh a, 2009 tawp lamah kawrfual hnuaiah, kekawrtlawn dum aiah mawza tlawn dum h^k an intihhmuh ta a ni,” tiin i chhang ang. |henkhat chuan, “Nakin lawkah fual tak an rawn ha leh mai ang!” te kan ti liam mai bawk ang. A dik vek. Mahse, vawiina i mit hmuh ngeia Aizawla hmeichhe incheina inthlâk mek hi inthlâk intihhmuh a ni satliah lo. Ngaihhlut zawng (value system) inthlâk hi fashion-ah a lang chhuak zawk a ni. Chu chu ngaihtuah a ngai a, ngaihtuah hmanhmawh a ngai bawk. Hlîm sáng sáng hmel\ha Tawi leh mawl thei ang berin sawi ta ila. 2005 lamah khan kan nulate hian an malpui thlenga tilanga khawlaia kal an châk ru hle tawh a. A hun lai fashion chhuanlamin, kawrfual hnuaia jeans kekawr hâkah bul an \an a. Kekawr chu zuih satliah pawh ni lo, tawt mar pang khawpa a lo tawt tak zel hnuah pawh, an duhthusamin a la tight zo lo va, 2009 Krismas-ah chuan, kekawr aiah mawza tlawn (stocking / tights / leggings) an lo ha (bun) \an ta. An mawza tlawn chu a tirah kekawr tluk thovin a chhah a, a pan tial tial a, a lang tlang \an mek tihah he thu hi kan ziak a ni. Eng nge lo thleng dawn le? Kan nulate hian MHIP lam hawi lova Oscar de La Renta leh Elizabeth Arden lamte an hawi tak si chuan, 2010 fashion trend chu mal tihlan a ni. Khaw lum rualin mawza tlawn hi hnawk an ti riau dawn. Chu chuan, an pawnfen chhing tifual chuang lova mawza tlawn hl$pa inchei a hring thei a, pawnfen aia khuh tlem zawk kekawrbul tawite hâk a hring thei a, high school tleirawl uniform ang tak ha- a inchei a hring thei bawk. An mal hrim hrim hi chu min hmuhtir tumin, inrawn miah lo chungin an inthurual hle. Engtin nge chu chu kan hriat? Mizo nula, Bangkok, Hongkong leh Taiwan-a zin tamzawk chuan an thlen rualin a ha chhing pawl nih an tum nghal deuh vek. An hmaa mihuaisen kalte chu an zui dawn avangin, kumin hian kum dang aiin kan nulaten an ke lamah khaw lum tawrh har an ti zual ang. He ‘five year planning’, 2005-a an sual \an kha, 2010 March thla tawpah an sual chhuak \an dawn niin a lang. An puan bih an thing e, en ru Nula mal sep kan tum lo va, a chhan leh a nghawng sawi kan tum. Khawthlangah chuan, 1960 lama Swingin London miniskirt thlarau kha a rawn hráng thar leh a ni satliah mai a. Thil thar a ni lo. Kan ramah chuan, dodal loh tur tawk leka kum 5 chhunga Mizo mipa rilru hmin chhoh hret hret a, a tawpa hnehna entirna a ni. Mizo puan chu hmeichhe zalenna d$ptu, tihmasawn thei lotu, Sap leh Korean antir thei lotu, an pheikhawk leh an sam colour matching tibuaitu, an hmuhsit Burma mi antirtu, ILP hmanga humhalh ngai khawpa tribal hnam mawl anga lantirtu leh an mipate thu hnial ngam lo anga lantirtuah an ngai te pawh a ni thei ang. Tin, biak inah leh khawhar inah lo chuan Mizo puan hi bih an tum tawh lo tih an entirna te pawh a ni thei ang. Engvangin nge chu chu a lo thlen? Ngaihhlutzawng (value system) inthlakin puan hi puan ang a hnawl \an a ni. Engvangin nge ngaihhlut zawng a inthlak? Sawi vek kan tum chuan kan thupui a\angin kan peng hla lutuk ang. Entirna tlem chauh: Burma mi hmuhsit kan inzirtir chuan kan fanuten Nobel Laureate Aung San Suu Kyi anga puan bih an zak. Vawiina puan bih thiam rual, bih thiam ta lote hi nimina Suu Kyi aia Lady Diana ngaisang zawk Mizo nuho fanute an ni. Lalruotmawi khan Mizo paho dahlauzia min finfiahsak ang bawkin Chiahpuam khan Mizo hmeichhe kawlhrawnzia min finfiahsak tawh. Paho dahlau leh nuho kawlhrawng- in leplerna thlarau a kaitho a ni. Ngaihhlutzawng leh incheina inzawm theih dan \henkhat chu chutiang chu a ni. Ram lo thleng tur Eng nge kan hmabak tak le? 2010-a senior department a\anga puitling sunday school- a kai thar tleirawlte hian Aizawlah chuan pawnfen chhing an feng deuh vek ang. Chawlhni inkhawm apiangin an feng zel bawk ang. Puan bih luihtir tum la, inkhawm loh an duh zawk ang. Nakin lawkah kohhran nuho an la ni dawn. A tawi zawngin pawnfenin biak- ina puan bih a run \an kan tihna a ni. “An lo upa zel ang a, puan an bih hun a lo thleng mai dawn a lawm!” i ti mai thei. I dik mai thei, (tun \um chu) i dik lo maithei. Kohhran upate lo \hei turin dah teh ang. Khawhar inah YMA-in “Nulain puan bih vek tur” an tih chhung chu kan nulate hian an bih mai ang. Mahse, veng \henawmah mitthi awm se, Aizawl nula tamzawk hian khawlaia puan bih chunga veng danga mitthi in pan an hreh \an. Kekawr ha chunga mitthi ral an pung zel. Mi veng nula ang lova puan bih chu veng chhung nulaten zahthlak an ti \an. Khawhar ina nula kal an tlem tial tial. Kan nula ‘zahawmte’ chuan ipah puan an paipawn a, hun urhsun lai chiahin an kekawr / pawnfen an bih hnan a, hun urhsun tawp rualin an puan bih an k>k thla nghal deuh zel ang. Anni leh Keini Kekawr leh pawnfenin puan an do rawn thu chu duhtawk ila. Thawmhnaw mana kan insengso lutuk hi a zahthlak a ni. Thawmhnaw lei nasata lar American hian, khawvel sumpai aikhirh hma lawk khan, thawmhnaw manah an sum lakluh 4.80% vel an hmang. Mizo hian, chawhrualin, 20% tal kan hmang ngei ang. Aizawla mingo naran veivak (back packer!) ho hian traffic muang lutuk leh incheina changkang lutuk vangin min bawl ta fo. Fashion trend te chu keini l>tin an hria. Tun hnaiah French nu pakhat Aizawla lo zin chuan, “In \halaiten khawlaia an hâk tamzawk hi chu Paris-ah chuan khawlaiah kan ha ngai lo. Party-na ah chauh kan ha \hin. Kawtthlerah chuan casuals kan ha tlangpui,” tiin a sawi a ni awm e. Internet social networking a\angin ka finfiah a. Fashion khawpui Paris-a 2010 Jan ni 20 chhuna Champs-Élysées kawtthlera \halai teihawi thlate pawh an rawn tar a. Jeans leh jacket an ha ve mai. Celsius degree 5 vela vawtah an nulaten boot an bun kher lem lo. Fashion khawpuia mihring nuai 117 te hi Europe-a income sang berte an ni a. Nikum hmasaa he khawpui kum khat sum lakluh belhkhawm, Rs tld 33,690 ($ tld 731.3) hi, min chawmtu Indiain nikuma a budget l>t thum zet a ni. Chu mite zinga za-a pakhat (nuai 1.17) velte chu Aizawl nula inchei anga khawlaia incheite pawh an lo awm ve mahna. Kan nulate mal hi kan zahpui a ni lo; mawl vanga mal an hlim hi kan zahpui a ni zawk. Thawmhnaw dekchhuaktu ni ila chuan inchei uar hi a inhmeh thei zel ang. Thawmhnaw (apparel) dekchhuak tam ber chu China a ni a. A pangana India hian nikum Apr-Dec inkarah $ tld 6.17 man kan thawnchhuak a. A dehchhuahna-a eizawngtu mtd 3.5 leh hralh chhuaktu mtd 3 zingah Mizo hi kan tel ve lo tluk a ni. Khawlaia Party Party-naa lám \hin culture a miten Pathian fakna tur worship dance an duang a, party châka party ngam si loten party spirit hmangin worship dance kan lampui thung a. Weekend-a party \hinten in chhunga làmna hmun mil tur thawmhnaw an duan chu kan ha ve châk a, kan party ngam chiah si lova, kar tluanin khawlaiah kan ha ta mai a ni. Hla lenglawng làmpui hi tisa-mi-na anga kan ngaih chhung chuan fakna hla-a lám zingah tisa-mi an tel reng ang hi a ni. Hnam dangin heng thil min zawh chang hian, heti ngawt lo chuan chhan ngaihna ka hre lo. Pangpar huana lám chunga nula chhaih hi vaihovin an châk a, a takah an ti thei si lova, an culture-a awm miah lo Bollywood di-chhai film chu art-form-ah an chantir a ni. Hausa in chhunga party dan thlahlela phâk ve si lo Latin American mipuite chu, Rio kawtthler zauvah samba khuang tlirin, saruak titiha tisa châkna tuifawn hleuhin kum tin vawi khat an ‘party’ \hin. Mardi Gras pawh sakhaw malchunga seilian ni mah se, Setana kapkárah zalh a ni ta. Aizawl khawlaiah hian, chu lamtluang chu panin kan kal mek a ni lo maw? Hun leh Hmun Old Trafford-ah ManU \anin kawr phelhin aw rawl tawpin au la, an chibai ang che. I tih dan ngai chiahin Buckingham Palace kawtah au leh la, an man ang che. Aizawl dai veng pakhat chu zu hmun a ni a. Rui leh ks an hmuhin khawvelin mak an ti lo. Treasury square-a rui leh ks an hmuhin mak an ti. Kolkata Hazra Bridge bul vel chu ks veng a ni a, ks kan hmuhin khawvelin mak kan ti lo. Salt Lake leh Ballygunge-ah ks hmu ila mak kan ti ang. Hmun zahawma thil zahawm lo awm hian a neitu a timualpho. Khawlai leh sakhaw biakna hmuna party dress hak chhuah hi (culture-ah kan senglut phal a nih si loh chuan) maicham nghenga nawhchizawrh anga zahthlak a ni. Pawnfen zawng zawng hi party dress kan tihna phei chu a ni lo. Second Hand Brand! Incheina hi rilru lanchhuahna pakhat a ni. Ngaihhlut zawng inthlâk hi mahni inrinhlelhna leh mahni hnama rinna nghah ngam tawk lohna entirna a ni thei. Mahni inring ngam chunga inchei chuan, “Kei hi keimah ka ni tih he incheina hmang hian ka entir e!” a tihna a ni a. Inringhlel chunga inchei chuan “Incheina hmangin ka chhung lam kawrawng ka rawn thup mawi a ni e!” a tihna a ni. Pawnfen chu hmanrua mai a ni a, mi fate inpuanchhuahna hmanrua chu inthupna atan kan lo hmang a ni mai thei. Chuti a nih chuan, fashion philosophy tlanglawn leh apparel marketing strategy nen kan inkalh ta a ni. Entir nan: Mi rama fashion conscious te chuan, “Kei chu Tommy Hilfigure kutchhuak lo chu ka ha ngai lo,” te an ti a, rinawmna brand an nei. Keini chu, kawng thlang lam show room-a duhzawng kan hmuh loh chuan kawng chhak lama second hand kekawrte kan lei mai! Pride nei lovin Brand a nei thei lo. Kutdawhin brand a nei ngai hek lo. Chutiang hnam tan chuan second hand thawmhnaw chu inthup chunga lemchanna hmanraw remchang a ni. |hangthar marketing & advertising khawvel kawlhrawng hian, Jehova leh Setana tiamin engkim hi hralhsumah a chantir ta. Chuvangin, kawr awma F**CK tih inziak ha chunga kohhran hnatlanga thawk taima tak takte kan awm ta. Mizoram khaw pakhata \halai pakhat tv camera ka hmachhawnpui a. Chhuah tuma kan edit laiin a t-shirt-ah chuan FELLATIO tih hi a lo inziak kuau mai tih ka hmu a. Tun emaw YouTube-ah a tar ang tih hlauvin a hlawmin ka paih ta. Kei chuan kan sex video naran aiin hmuh hrehawm ka ti zawk. Kan tihtur Hnam a ngheh chuan, fashion inthlak hian culture a tihausa \hin. Hnam a ngheh loh chuan, fashion inthlak hian culture hausakna a rawk \hin. Fashion zirlaite chuan hei hi in zir ngei ang. Tun \uma fashion inthlak hian kan culture tihausa lova kan puan bih sa min phihthlaksak a nih chuan, he hnam hi s^wi nghin loh pawhin a nghing mek tihna a ni. Eng nge kan tih theih ni ta ang le: 1. Incheinaah khawvel fashion trend kan zui a nih pawhin, nunphung pangngai, office kal leh chhuahvah narana hâk tur, Mizo hmeichhe casual-wear kan neih a ngai tho. ‘Jeans a ni mai,’ tih ngawt theih a ni lo. Raipuar se, nau pua se, em phur se jeans a nalh vek lem lo. Kan hmeichhiaten an pawm tlan theih duang chhuak turin fashion show i siam ang u hmiang. Communist China, N Korea leh Vietnam te anga inang \hup \hup kan sawina chu a ni lo. 2. Ram leh hnam hmangaih chunga thawmhnaw zuartu kan mamawh. Mi duhzawng ringawt zawng lovin, thawmhnaw lepler leh zahawm inbuktawka an zawrh a ngai. T- shirt-a zahmawh leh sakhaw elsenna thu inziakte hi chu zawrh loh a \ha. 3. Nu mawhphurhna a lian. Nu tamtakin a r<ka hâk an châk, a taka an hâk ngam si loh hi an fanute an hâktir fo. Party dress-a fanute cheiin an inkhawmpui dawklak a, an lo tleirawl a, party dress-a inkhawm an tum ta mai a ni. 4. Media - entawn chintawk neih a ngai. Music channel-a incheina kan hmuh tamzawk hi party dress a ni. Khawlaia hatute pawh celebrity an ni. Ngaihsan dan dik chu an hâk ang hâk ni lovin, an thiam ang thiam a ni zawk. n VANNEIHTLUANGA