Editor:
Rothangliana Tochhawng
Joint Editors:
Nancy Laldinpuii
Dr K Lalnghinglova
Correspondents:
Julie Zothanpuii
Lalzarzova
Ramthanpuia
chhimbalweekly@gmail.com
www.chennaimizo.com
VOL. XII ISSUE NO. 17
IN BRIEF
*Chawnghmingthaga,
Bungkawn Veng, a taxi khalh
lai nen a chin hriat loh a awm
mek chu Mamit lamah a mi
phurh te nen hmu an awm ni
a hriat ani a hehi finfiah turin
police te’n hma an la mek.
*Art & Culture Minister Pu
PC Zoramsangliana hovin ni
15th Dec khan a office ah
nakum Chapchar Kut
lawmna denchhenin Cheraw
Kan ah Guinness World
Record siam tum a ni tih
chungchang sawiho ani.
*Ni 13th khan Dawrpui West,
Aizawl Civil Hospital
kawmthlang MCM building
bulah Zomuanpuia (30)
Champhai Kanan Veng chu
lumin a thlang Tuikual Veng
area, Sairang Road-ah ah a
tla a, Aizawl Civil Hospitala-
a hruai a niin a hliam tuar
lovin ni 14th Dec khan a
boral.
*Ni 14th Dec khan Zarkawt-
a Lalbuaia Shopping Com-
plex dawr chu truck in a su
a, a bula tlan scooty chu
hnawl telin a khaltu
Vankroschhunga, Saron Veng
chuan a ban leh ke ah hliam
a tuar a, damdawi inah
dahluh a ni.
*Shillong atanga Aizawl pan,
maxicab pahnih driver te chu
nilaini zan khan Khliehriat
pelh hletah misualte’n an
sawisa, an hliam na lutuk lo
nia sawi a ni.
He who has not Christ-
mas in his heart will
never find it under a tree
- Roy L. Smith
AN OFFICIAL ORGAN OF THE CHENNAI MIZO WELFARE ASSOCIATION
SUNDAY DECEMBER 20, 2009
RUAI KAN THEH LEH NGEI DAWN E!
20th Dec 2009, Nizan khan kan President Pu Lawmsanga te inah Executive committee leh
Worship committee member te an thukhawm a, tunkum krismas hman dan tur an rel. Committee
thurel dan chu hetiang hi ani.
A HMUN: Gurukul / Police Officer Mess
TAN HUN: 3:00pm
COMPERES:
CMWA Executive Tv. Ramthanpuia
Committee Members
Nl. Julie Zothanpuii Khawlhring
1st SESSION
TANTU: Tv. Zobiakvela
KRISMAS THUCHAH: Pu P.C. Lallawmsanga
THAWHLAWM KHAWNTU: Nl. Zothankimi
Nl. S.T. Lalbiakdiki
SOLO: Nl. Lalfamkimi
THAWHLAWM HLANTU: Pi Lucy Vandingpuii
,,2nd SESSION
SOLO: Tv. K. Lalthlamuana
KRISMAS TITI: Dr K. Lalnghinglova
SPECIAL ITEM: MCC
(Incharge: Tv. William Lalduhawma
Tv. Lalbiaksanga Ralte)
ZAIPAWL: Welfare leh Worship Committee member te
BAND: Michael and friends
BANNER INCHARGE: Pu Benjamin L. Sailo
Pu Lalnuntluanga Colney
SOUND INCHARGE : Pu Benjamin L. Sailo
RECEPTIONIST: Nl. F. Lalnunthari
Nl. H.S Lalbiakengi
Nl. Zonunsangi
Tv. C.B Vanlalruata
FATU: Pi Laldingliani Sanga (Leader)
Tv. Lalfakzuala
Tv. C.B Vanlalruata
Tv. Daniel Laldinsanga
Nl. H.S Lalbiakengi
Nl. Zonunsangi
Nl. F. Lalnunthari
Note: Puitling tan Rs 150 leh naupang tan Rs 50 thawh tur ani ang.
CHHIMBAL
EDITORIAL
A awihawmloh hle
mai, mahni buai buaiin kan
buai a khawvel nghahhlel
Krismas chu kan lo thleng leh
ta reng mai a. He hun
lawmawm thleng leh tura
zuaha kan la awm hi a ropui
takzet ani.
Mitin mahni zawn
theuhah theihtawpin kan in
buatsaih a, van zaipawl meuh
pawh an hlapui rem tur zirin an
buai mup mup ka ring ani. He
hun hi ngaihtuah nasat poh leh
a hlutna a zual a, a ropuizia a
lang thin. Rimawi thiam ten
thu leh hlain an puangseng
lova, mithiamte finna in a tlin
hek lo.
He thilmak chhunga
awm hi mihring finna a
zawnchhuah a hmuhtheih chi
ani lo, hriatsual hlauhawm tak
zawk ani. Khawvel lal lo piang
tur chibai buk tur a fehchhuak
khawchhak mifing pathumte
pawh kha an finna a inghata
an thiamna ringa an kal khan
bawnginah ni lovin Heroda lal
inah zawk a hruai thleng anih
kha. Arsi kha lal in chunga ding
ani lova mahse lal lo piang tur
chu lal ina hmuh ngei tumin,
finna a bual at a awmin an lut
anih kha. Mahse rinna mit a an
han en meuh chuan
Bethlehem bawngin chungah
ngei chuan a lo de va va zawk
si a. Chutih laiin thiamna lama
chhuan tur neilo Berampute
khan rinna mit a thlirin kal peng
hauh lovin bawngin an thleng
zawk si.
Finna piaha awm hi
rinna chauhloh chuan a
hmuhfiah theih si lova. Van lal
ber ran thleng a lo piang tur
chu mihring mihring na a
ngaihtuah chuan tlawm hle
mahse mahni finna leh duh
dan a in nghat lovin kan nau
thar chibai buk tura kan kal
naah hian rinna hmachhuanin
Bethlehem thleng lova tawp
mai lovin, bawngin ah chuan
nau piang chibai buk i tum
theuh ang u.
PUBLISHED AND EDITED BY ROTHANGLIANA TOCHHAWNG ON BEHALF OF THE CHENNAI MIZO WELFARE ASSOCIATION.
KEIMAHNI
I LAWN VE DAWN EM?
Nipui a thaw a, thingtin zarmawi leh partinte chuan lawmlai chenin,
parmawi rimtuiin min chawm vel a, a liamzela van malsawmna tithar leh
turin malsawm ruah chunglam atangin a rawn bua a.Thingtin parmawi leh
hramthiam va leng zawng te pawhin, malsawmna in a rawn parchhuah pui
tur nghakin riah run min rem san ta.
AW! leilung tho la hlim ta che, khawdur
a kiang a, rial leh tek te an chuai ta,
vanthiang dumpawl karah muvanlai
a len leh tawh khi. I la harhchhuak
nange thlasik hun nuam kha kan thlen
leh tawh asin!!!
Mitkhap kar lekah thlasik boruak
chuan min lo tuam leh ta reng mai, a
lawmawmin a lunglen thlak hle mai
kum hmasa lamah kan hmangtha
emaw thalo emaw lungleng mi tan
lo pawh he boruak hian sulhnu
nunhlui min suangtuah leh tir vung
vung thin anih hi. He hun danglamna
bik tak hi chu thlarau mi leh tisa mi
min thliarhrang ve lo a, chutiang
chuan hlimna leh lungngaihna pawh
a kengkawp chawk. Krismas Carol leh
lenkhawm chungchang sawi tur nei ve
lo te tan pawh Krismas party thupui
hmanga nuih dar darna hun a awm
lehzel hi, he hun ngaihhlutawmna
chhan chu ani.
Kan hman tumdan a inanglo ang
bawk hian, kan hman thin dan pawh
CHHUNGKAW NEWS
* Kar hmasa khan mi 97 inkhawmin
kan thawhlawm zat chu Rs 1246 ani.
ATC zirlai 39 ten inkhawm rawn chhim
in, Halleluiah Chorus an rawn rem
bawk.
*Zirtawp tlai khan Chhimbal Editor
Tetea, Chhimbal Joint Editor Nancy,
Financial Secretary Mawitei,
Choolaimedu VCP Chhanga leh The
Zuziz guitarist Fa ten Aizawl lama
Krismas hmang turin Chennai an
chhuahsan.
*Ni 18th Dec atang khan Loyola Col-
lege UG final year zirlai te pawn intern-
ship an tan. Ni 18th Jan 2010 thleng
an nei ang.
*Tunlai hian Michael-a, Triplicane leh a
thianten Krismas a an hla sak tur zirin
an bei ngawrh hle. Tha taka an zai
theihnan Chhimbal in duhsakna kan
hlan e.
*Charlie te unau, Chepauk te pawh
an chhungkuain Chennai ah Krismas
an hmang dawn. Ni 22 hian a Nu leh
pa in Chennai an rawn thleng ang.
DECEMBER 20, 2009 2
-Charles Vincent Lalnunfela, Loyola
a danga. A kum hmasa a pakhat a
hmang pawh khan a kumlehah zet
zawng pahnih a hman a ngai thin. He
Krismas boruak chuan thil hi a ti thei
ve hrim hrim ani.
A engapawh chu nise, hei a hun
chuan min rawn nangching leh ta poh
chu ani a, a tam zawk phei chuan
ticket kan hum leh fur tawh awm a, a
thenin hetlam (Chennai) ah kan
hmang hlawm dawn ani a. Khawiah
pawh hmangin tute nen pawh
hmang ila, Krismas hi hlimna kut a ni i
hre reng ang u.
Sawifiah zawhloh thilpek kan dawng
a, chhiarsenloh malsawmna in min
vur a, lungngaihna kan hnualsuata,
hlimna par kan chen leh dawn a,
lungngaihna mittui hrukiangin
lawmna tlang kan lawn leh dawn chu
ani a, hnuchhawn tawh mittui hruai
kir lehtu a tang lovin, keimahni theuh
bakah kan vela mi te kan sawi
HLIMNA TLANG ah chuan kan lawnpui
ve dawn lawm ni?
HO HUANG
ADVERTISEMENT
* Doctor mai ka ni lo, nula doctor
pawh ka ni tho asin. Ft 5 leh inches 3 a
sang tha hrui ngah tak ka ni a, kumin
krismas ah hian GS ni mahila nula
hman pui tur ka la neilo. A duh chuan
hemi number 9500137080 ah hian ka
biak theih e.
*Ka sa chu thalo mahse rinna lamah
chuan ka nghet chet chawrh khawp
mai. Tun krismas ah hian Krista bakah
nula hmanpui tur ka mamawh e.
Hmanpui tur neilo chuan Worship Sec-
retary hi minlo be teh U.
*Guitar thiam tak ka ni a, guitar zut
ka thiam ang bawkin nula tih lawm
ka thiam bawk. Krismas min hmanpui
duh chuan hmanpui theih ka ni e.
-Anthony, Loyola
CMWA Orange & Yellow Team
players te’n kan jersey hak a
rang lamin Sports Secretary
hnenah kan thehlut dawn nia.
COPIES - 80