LEITUNGBUP SEVENTH-DAY ADVENTIST (SDA)

THUTHAK PAWLKHAT
By: Pau Lam Dal, Philippines
May 31, 2015
Philippines ah Adventist Medical School Hong theihna ding (International
Board of Education of the Seventh-day Adventist Church) in Phalna pia: Asia
gam sungah, adventist medical (aatui, zaha tawh kisai) sin na sang masapen leh
leitung bup SDA te aa dingin a gukna sang zong ahi: SSD sunga om, Philippines aa
ih sangpi, Adventist University of the Philippines (AUP) College of Medicine ah
hong tung ding 2015 2016 sangkum kipat August kha pan kipan Doctor of Medicine
(M.D.) program kipan ta ding uh ahi hi. Tu laitak in SDA in
zatui lamsin na sangpi ih neih gukte in:
1. Loma Linda University - United States
2. Montemorellos University - Mexico
3. River Plate Adventist University Argentina
4. Babcock University Nigeria
5. Peruvian Union University Peru
6. Adventisti University of the Philippines Philippines
(March 5, 2015| Adventist Review)
Numei Kizuakte Tungah Liingpaak Piakna Bawl-uh: Sourth American Division
sung, Brazil gam-a adventist pawlpi mipawl khat te in ah March 8, 2015 ni in agam
vua om numei kizuak te tungah lingpaak piakna nei kawi kawi uh hi. A liingpaak
piakna vuah apaak kia bek pialo in, lai ip no khat ta tawh kopin pia uh hi. Tua lai-ip
sungah DVD video khui khat kikoih in ah tua video sungah Topa Zeisu in
mikhempeuh hong itna, mimawh te ahong hehpihna, eite aa dingin ahong thuakna
leh ahong sihna thu, athawhkikna, avankahna, ahong paikik na ding thu aa kipan,
Ana lamdang bawl tuam tuam te leh Lai Siangtho mun tuam tuam te kihel hi. Tua ban
ah tua kiim aa om SDA pawlpi kempa omna,
biakinn omna, mun leh minte zong tua lai-ip
pang khat ah kigelh hi. Tua bangin asepna uh
ahangin: Topa Zeisu in, apuatham bek tawh
thukhen lo hi, ci uh hi. Bek thamlo-in numeite
athupi sim na uh leh, Topa Zeisu thu thei sak
ding leh Ama kiangah tunpih ding cih pen
akipat khiatna uh ii thupaipi ahi hi.
(March 11, 2015| Adventist Review)
Zusai leh Laamna Phual-ah Pasian Thumaan Taangkona: Jamaica Union
Conference sunga om Adventists thu-um pawlkhat in Pasian thu taangko na (cialpi
khat) kal 4 vilvel Rum Bar (Laamna Zusai) ah
zudawn selo, zateep selo, laam selo napin zune te
lakah Pasian minphatna va zangh thei uh hi. Kha
khat sung tua bangin ahunzat na uh pan-in mihing
12 in February 28, 2015 ni in, SDA sungah hong
kituiphum uh hi. Pasian thumaan taangko na mun,
buuk lam tawm (manndat cihbang te, mi inn
kawm tawm ci bangte, biakinn sungah zangh cih

bangte) leh adang tampi ihzak zeel zeel hina pi, ahizongin tu tunga pen ahih leh Rum
Bar (Laamna Zusai) mun ah Na kisem ahi hi. Jamaica Union Conference sunga om
SDA pawlpi khat ahi, The Duncans Adventist Church ten Pasian thu taangko na
ding mun zong zong uh aa, Logwood Wolk Community aa om Rum Bar (Laamna
Zusai) ka mu uh aa, khut ka zepsan ngam kei uh cin, amakai district Pastor Tavaughn
Thomas in genbeh hi.
(March 10, 2015| Adventist Review)
Ni 4 Cialpi Lawhcing: Inter-American Division sunga om khuapi khat ahi, Manogua,
Nicaragua ah Mark Finley in Nicaragua Revive, Esperanza, cih bulphuh in ah ni 4
sung Pasian Thumaan Taangkona cialpi khat va nei a, alamdang in Kha Siangtho in
nasem in ah lungdam na khituite luang in ah, mi
2,000 bang Nicaragua bual ah March, 2015
sungin kituiphumna nei thei hi. Hih thumaan
taangko na ah, Mark Finley thugen te pen
athugen hun tawh kituak lian in, TV, Radio leh
laihawm thuthang tuam tuam ah kitaangko in
kikhah khia ziah ziah hi. 2014 kum bei in,
Nicaragua ah adventist pawlpi 263 leh company
163 om aa, pawlpi mi 131,004 pha uh hi. Hih
kituiphumna sungah SDA makaipi pa Ted N. C.
Wilson leh Inter-American Division makai pa Israel Leito zong va kihel thei uh hi.
(March 12, 2015| Adventist Review)
Kha Khat Sungbang Ihmuhlo Napi-in, Apumpi Cidam: April 25, 2015 ni in Nepal
gam-ah nakpi in ziinliing aa, inn-le-lo tampitak kicim, kisia, kipuuk in ah mihing
8,000 val si hi. May 12 ni in zong nasia tak mah in khatvei nawk kik aa, tua tungtaang
ah mihing 100 val sih beh uh hi. Hih zinliing in
anawkzawh Nepal aa, ih pawlpi mi SDA upa khat in,
pawlpi mite tawh aliam-abaai, amuh bang bang,
atuah bang bang uh huh in, keem in, khoi in, om uh
hi. Upa pa in ah agen kikna ah, Kha khat taang ding
bang ka ihmu kei hi, tun zong ih mu man nai keng,
ahi zongin ah hih ka nasepna hangin ka tha bei tuan
peuhmah kei, Pasian in tha hong guan hi, ci-in ateci
pangna Adventist thu kizakna ah ki suaksak hi.
(May 20, 2015| Adventist Review)
UN Thuzeekpi Ban Ki-moon leh SDA Makaaipi Ted N.C. Wilson Kimuh
Khopna: Nihgeel kimuh khopna amasa pen pen hi aa, United Nations Zumpi, New
York ah April 6, 2015 ni-in minute 45 sung hun zangh khawm thei uh hi. A
hunzatkhop na sung un: tu laitak akibuaipih mah mah khat ahi, biakna kilangneih na,
ahihkeh, kilangdo na, kibawlsiatna te
ah bang ci mapan ding cih leh
mihing khat-le-khat khut kileen aa
nasem khawm-a, kipanpih ding cih
bangthute kikum khawm uh hi. UN
thuzeekpi pa in, Mihing khat-lekhat ih kihuh, kipanpihna ah UN
tawh na hong sem khawm un, cin
SDA te hong sam hi. SDA makaaipi pa in, Eite khat-le-khat ih pumpi leh ih lungsim,

ihkipawlkhopna leh ih ih kithunget sakna tawh ih kihuh diam diam pen Khazih deihna
(nungzuihna) bang ahi hi, cin pulaak hi. Leitungah, Gam makaaite tawh ihnasep
khopnate sungah Matthew Lai Siangtho 5: 13,14 na sunga Ci leh Khua-vak cihthu
om bangin, ei SDA te in midangte tungah Ci leh Khua-vak bang ahi dingin Topan
hong makaih ta hen!
(April 6, 2015| Adventist Review)
SDA Pawlpimi Kibehlapna Khangpen (Manlangpen) Division?: Inter-American
Division sunga om Pawlpi kim in kum nga sung 2011 2015 ciang nasep ding geelna
kician aneih kholhna vuah: Pasian thu taangko in vak kawi kawi ding, cialpi bawl
kawi kawi ding, Pasian kiangah mite tunpih ding, Topa Zeisu nungzui suaksak ding
cih tummpi in nei uh hi. Amasa in kum-nga sung peuh mah in mihing million 1
peuhmah Pasian kiangah tunpih ding cihpen a goal uh ahi hi. Hih IAD sungah kum 5
zong cingtak nailo deuh, 2015 Quarter masa ah a goal uh cin uh in, mi million 1 val
in, kithuphumna nei- zo uh hi. April 4, 2015 ni in, IAD sungah kikhop tuahna khat om
aa, Pasian mai, mipi tampitak mai
leh pawlpi upa makai 7,500 val maiah IAD tuucing pu Israel Leito in,
Amasa in ah mi million 1 tuiphuum
ding pen kum 5 ka goal uh ahi hi.
Ahizongin ah, ami million 1 lian (a
nambat) hi masa lo zaw in ah, Topa
Zeisu nungzui a hong suah beh mi
million 1 val akibehlap hizaw hi,
cin Pasian tungah alungdam na thu pulaak hi. IAD sungah pawlpi mimal million
3.63 val pha uh aa, leitungbup SDA pawlpi sungah Inter-American Division in ah
pawlpi mi kibehlap amanlang pen (atampen, khangpen) uh ahi hi.
(April 6, 2015| Adventist Review)
Adventist Pawlpi mi 10 Kihel-kha: April 2, 2015 ni in ah, Kenya gam aa om
Garissa University College (kumpi sang) khat ah Somalia migilo thautawi, Islamist
(Al-Shabaab) mi 4 in tua sangah va buluh in sangkah sang naupang 700 val mankhia
uh aa, tua 700 val lak ah, muslim hipeuhmah
suakta sak in ah, Christian ahikhempeuh ban
kaplup uh hi. Christian sang naupang 148 si in ah,
tua misi te lak ah SDA mi 10 kihel kha uh hi.
Tua mi 10 te pen akhuatual pawlpi vuah Sabbath
school makai, Khangno makai bek thamlo-in,
asang vuah zong sang naupang makai lamte hilai
uh hi. Tua migilo thautawi te ii target (tumm) in
ah: Muslim ahilo sang naupang peuhmah kaplum ding, cih ahi hi. Athauzat te uh pen,
AK 47s namte hi aa, hih tungtaang ah Christian sang naupang 148 leh tua thautawi mi
4 te tawh gawm in mihing 152 si in ah, 79 val bangin liamna ngah uh hi.
(April 8, 2015| Adventist Review)
Zimbabwe ah mihing 30,000 (Tul sawmthum) ciangbang SDA sungah hong
Kituiphum dinguh Kilamen: Leitungbup SDA kipawlna (pawlpi) makaaipi Elder
Ted N. C. Wilson leh akithuahpih apawlte in Zimbabwe Union Conference sung
Chitungwiza ah kaalnih sung Pasian thumaan taangko na cialpi leh akhawnkhong in
cina luna te zatui leh zatang tawh bawlna nei thei uh hi. May 30, 2015 ni ciangin
mihing tul sawmthum bang hong kituiphum dingin lamen uh hi. May 16, 2015 ni in

mihing 259 hong kituiphum khinzo uh

hi. Tu laitak in Zimbabwe gam khuapi
17 sung, mun 87 ah nasia takin na
kisem ziah ziah in ah TV, Radio pan hi
ta leh, Bible Study (LST thusinna)
piakna aneihpih tawh, cina (ngaplo) kien nuam aa akigual deudau tawh, a
cina bawl bawl tawh, a thumaan
taangkoko tawh, a thungenngen tawh,
tuithawl tungah Revelation of Hope
cih tuangsak in tui azuak zuak tawh, Zimbabwe ah khalum peuhmah uh ci hi. Nitak
hun in thungai bek bek tul sawm leh tul giat (18,000) val kihel den uh hi. Damlo aa
akilak mi 34,000 val tungah zatui leh zatang tawh amawkna in bawlna kinei hi. Tu
laitak in ah Zimbabwe ah SDA pawlpi mimal million khat val pha uh hi. (Mi bangzah
kituiphum uh cih, May 31, 2015 ni ciang ciangah, Adventist Review pan hong ki
update nailo hi)
(May 31, 2015| Adventist Review)

A Simbeh Nuamte aa Ding leh Thuthak Etkaakna Pawlkhatte:

Adventist Review (http://www.adventistreview.org/), Adventist News Network
(http://news.adventist.org/), Spectrum Magazine
(http://spectrummagazine.org/) and Adventist World Magazine
(http://www.adventistworld.org/), March to May, 2015. Pawlpi mi pawlkhat
te theih dinga kilawm kasak zawkdeuh teng kong suahsak bek ahi hi.