E2E_IsaacNewton

Isaac Newton
1642an jaio eta 1727an hil zen.
Isaac Newton, garai guztietako
jenio handienetako bat, ume gaixotia eta
ikasle kaskarra izan zen. Hala ere,
unibertsitatera joan, eta ikasketak
amaitu zituen. Hasteko, aurkikuntza
garrantzitsuak egin zituen matematikan.
Grabitate-indarraren aurkikuntza
izan zen lorpen handienetako bat. Itxura
denez, sagarrondo baten azpian atseden
hartzen ari zela, sagar bat zuhaitzetik
askatu eta lurrera erori zela ikustean
bururatu zitzaion.
Argiaren azterketa ere interesatu zitzaion, eta esperimentu
garrantzitsuak egin zituen.
Zientzialari handia izan zen, eta pertsona ospetsu guztiek bezala,
etsaiak ere izan zituen; batik bat, beste zientzialari batzuk. Izan ere,
jeloskor zeuden, Newtonek ospetsu izatea lortu zuelako.
Bere bizitzako azken urteetan, Europa osoan ezagutzen zuten. Hil
zenean, Westminster-eko abadian lurperatu zuten, Ingalaterran heroi
handientzat gordetzen den lekuan.

(Zubia Santillanako Ingurunearen ezaguera 4 liburutik hartua)

E2E_IsaacNewton

ISAAC NEWTON
IRAKURRI AURRETIK
* Ikusi dituzu noizbait astronauten irudiak? Zergatik uste duzu mugitzen
direla horrela?
* Zer dakizu grabitateari buruz?

IRAKURRI ONDOREN
* Nolakoa izan zen Isaac Newton eskolan?
* Zer lotura dute sagar bat erortzeak eta grabitate-indarrak?
* Zure ustez, zergatik lurperatu zuten Newton Westminsterreko abadian?
* Ezagutzen al duzu beste zientzialari ospetsurik?

ARIKETA OSAGARRIAK
* Zer gertatuko litzateke gure planetan grabitate-indarrik izango ez balitz?
* Marraztu zure gela grabitaterik gabe.