K|P YOUTH RECREATION CENTRE (YRC) REPORT

|halaite tana hmun neih hi kum 1963 vel atang khan sawi rik a lo ni tawh a, Youth Centre hi kum 19791980 vel atang khan buaipui tan a ni bawk. Tichuan, hmalakna hrang hrang neih chhoh zel niin, K|P chuan
kum 1987 khan tawngtaina hmun leh Youth Recreation Centre (YRC) atan Hlimen ramah hmun zau \ha
tak a lei a. Kum eng emaw chen chu K|P member-ten Rs. 5 leh Rs. 10 zela thawhin sum pawh eng emaw
zat kan lo thawhkhawm tawh a. Amaherawhchu, Hlimen ram hi tui leh a panna kawngah harsastna a awm
avangin hluihlawn a lo ni ta a. Tichuan, Bethlehem Rorel Inkhawm-ah hmun dang zawn nise tiin rel a ni
tawh nghe nghe a ni.
YRC hmun atan hian kan hruaitu hmasaten theihtawp chhuahin hun eng emaw chen hmun an zawng a,
Tin, Bawngkawna Synod ramah pawh YRC hmun nei mai thei dawna kan inngaih laiin Synod-in Falklanda Pu Sangsiama ram cheng nuai zathum chuanga a lei chu CK|P YRC atan hman ni se (SEC
251:46) tia a rel thu CK|P chuan a dawng a, a lawmawm tak zet a ni. Kan nu leh pa, Synod hruaituten
YRC hmun tur K|P sum atanga kan lei theih hauh loh tur min han pe mai hi a lawmawm hle mai.
CK|P Meeting vawi 667 (VI)-na chuan YRC puitlin thuai a nih theihnana hma la tur Committee a din
ta nghal a. YRC bawhzuitu Committee pawhin a theih ang tawka hma la chhovin, YRC hmun tura a ram
neituten an lo luah hawhtir Spastic Society hnuaia Gilead School hotute nen inberawn chung zelin a hmun
samfai leh Gilead School insawnpuiin hnatlang pawh neih a ni a. Digital Mapping tihnan a hmun samfai
hnatlang leh Gilead School \hiah leh an bungrua te thiarin Aizawl khawpui chhung Bialte kan hnatlang a nih
kha. Hnatlanga kan tha sen zawng zawng hi 2019 lai a ni a, member-te inpekna azarah hma nasa taka lak
a ni hi a lawmawm tak zet a ni.
YRC hmun hi 13 bigha laia zau a ni a. Hruaitu hmasate ruahmanna bawhzui zelin YRC ruangam tur
pawh siam fel a ni tawh a, Architect atan Landmark Architectural & Engineering Consultant te rawih an ni.
Architech Project Estimate leh Plan pawh Synod Property Department-in a pawm felin SEC {SEC
256:32(3)}pawhin min pawm sak tawh nghe nghe a ni. YRC Project atana Esimate zat chu Rs. 80
crore vel a ni a. Estimate hi a plan vel final chiah a la nih loh avangin la danglam thei a ni. Dilna hrang
hrang kan thlente Synod lama kan hruaituten min lo ngaihpawimawh sakin, kan dilna min remtihsak zel
pawh hi a lawmawm em em a ni.
Hruaitu hmasate duhthusam angin YRC hmun hi \angkai thei ang ber leh changtlung taka siam Central
K|P Committee chuan \ha a ti a. A hmun hmaa thil hrang hrang awm tur chungchangah te, design leh a
plan-ah pawh thui tak hma thlir neih thaa hriain khawvel hmun hrang hranga Youth Centre dinhmun te
pawh zirchian a ni a; nakin zela K|P member lo la awm tur te tan pawh a chhenfakawm tak ni tura he
ruahmanna (plan) hi siam a ni .
YRC-a awm tura ruahmanna (Plan) chu heng a hnuaia mi ang hian a niA .AUDITORIUM:
1. Auditorium Block-I : Mi 2800 len theihna.
2. Auditorium Block-II: Mi 500 len theihna.
3. Basement Parking : Motor Park-na \ha tawk tak Car 121, Two Wheelers 543 leh Bus 5 dah theihna.
Aditorium hi programme hrang hrang Bial/Branch ten Retreat, Camping, Crusade, Seminar, Concert,
Musical Night etc atana hman theih tura ruahman a ni.
B . CONVENTION CENTRE:
1. Conference Room : Mi 100 len theihna tur room \ha tawk tak.
2. Lounge, Reception : Mipuiina tangkai taka an hman turin Lounge leh Reception changtlung tak.
Convention Centre-ah hian YRC Office a awm ang a. Conference Room hi consultation, committee
etc. atan te a hman theih tura ruahmanna siam a ni.
C . GUEST ACCOMODATION BLOCK:
1. Guest Room : i) Single Room - 10
ii) Double Room - 20
iv) Chokidar Quarter
2. Dormitory :
i) Mipa 80 riah theihna tur room pahnih.
ii) Hmeichhia 80 riah theihna tur room pahnih.
3. Choka changtlung tak leh mi 200 len theihna tur Dining Hall.

iii) Suite Room - 5

Heng room hrang hrang te hi pawnlam mikhual kan neih thin thlentirna atan te, Bial/Branch Retreat,
Camping, riak luta training/seminar etc riahna atan te, khawpui pawn Bial/Branch programme, Bial Zaipawl
programme etc a thlen mai theihna tur te, hetiang a riaka thlengte leh Auditorium hmangtute chaw/refreshment eina hmun tur Dinning Hall lian \ha tak te ruahman a ni.
D. OTHER AMENITIES (Thil dang awm tura ruahman)
1. Football ground.
2. Basketball Court.
3. Bethel-na hmun.
4. Blanket sukna
5. Swiming Pool
6. Pawna ei leh in nuam taka buatsaih theihna hmun.
CK|P Committee vawi 673(V)-na chuan kawng hrang hrang atangin funding zawn nise tiin a rel a,
hetiang a foreign funding leh kawng dang atanga funding zawn remtihna hi SEC-ah thlen a ni a, SEC {SEC
256:32(3)} na chuan min remtih sak tawh a. Funding chungchang hi buaipui chhoh mek a ni. YRC Project
hi tluang taka funding te kan hmu thei a nih chuan kum 5/6 chhung a zawh hman beisei a ni a. Chutihrual
chuan a vai a zawh hma pawhin memberten a hma thei anga kan hman \angkai theih turin YRC a awm tur
kan tarlan hrang hrang a\anga \henkhat khi chu kum 1/2 chhunga zawh mai theih tura ruahmanna pawh
siam a ni.
Funding atana thil \ul Consultancy Firm hman leh Society Registration (CK|P 679:IX and CK|P
678:V(3)) tih phalna chu Synod O.M. kaltlangin SEC-ah thlen a ni a. SEC chuan kan dilna te hi min
remtihsak tawh a (O.M. 14:15 of 2015;SEC 257:8 leh O.M. 11:24 of 2015; SEC 257:9), a lawmawm
hle. Heng ruahmanna hi Pathian hruainaa kan tihhlawhtlin hunah chuan K|P tan hmun pawimawh anih ang
bawkin Kohhran tan leh ram tan pawha rotling tak a ni ngei ang tih CK|P chuan a beisei a ni.
YRC a hlawhtlin theihna tur hian hun rei tak member-ten pawisa kan lo thawhkhawm tawh a. General
Conference leh Rorel inkhawmah pawh vawi tam tak agenda-a lo neih tawh a nih avang hian a hlawhtlin
hun hi kan nghakhlel tlang hle tih a hriat a. Rs. 5/- leh Rs. 10/- a kan lo thawhkhawm tawh hi a tam loh em
avangin, kum 2015 Rorel Inkhawm chuan YRC pual hian budget Aizawl khawpui chhung ten member pakhatah Rs. 50, District Capital tan Rs. 30 leh a dang zawng Rs. 20 thawh. tih leh K|P
Inkhawm Thawhlawm tum khat YRC pualin lakkhawm nise tiin kan rel a nih kha. Branch eng emaw
zatin YRC Budget tuak nan Sawhthing Linga inhlawh, lei laih, huan sam, sangha zawrh, bawm
dawh, YRC Ip siam, jumble sale, motor sil etc. hmanga hma kan la hi a ropui a, hetiang a kan tha leh zung
seng zawng leh kan remhriat dan ang ang a hma kan la chhoh hi a lawmawm hle a ni.
Hmalakna leh Hmachhawp : Pawisa kan lo thawhkhawm tawh a\angin a laihzawl hna ni 11 May,
2015 khan \an a ni a, Excavator lian pakhat leh JCB pahnih hman a ni a, lei paih nan hian a tirah motor lian
(AMW) hman a ni a, kawng lamah harsatna kan neih avangin motor lian hi chawlh tir an ni a, 407/LPK
hman zui a ni ta a ni, eng emaw zat laihzawl tawh a ni. Furin min nan chhoh avangin hna hi chawlh rih a ni a,
11 September, 2015 thlenga kan sum hman dan tlangpui chu hetiang a ni :Lei laihna (Excavator & JCB)
- Rs. 8,51,075
Lei phurhna (AMW&LPK/407)
- Rs. 18,24,700
Leivung paihna
- Rs. 2,92,347
Thawktu hlawh leh thil dang
- Rs. 79,990
Total
- Rs. 30,48,112
Hmalakna kal mekah hian Synod-a kan hotute leh Sorkar lama mi pawimawhte pawh hmalakna a kal
chak theih nan biak rawn \hin an ni a. Anni hian phur takin min lo dawnsawnga, him tak leh chak taka
hmalak anih theih nan ngaihtuahna min lo senpui thin a, a lawmawm tak zet a ni. Kristian |halai Pawl
member-ten ram pum huapa kan thil neih in\awm tur YRC hi State tan pawha rohlu tling pha tur a nihna
ngaihtuahin phur takin a tihhlawhtlin dan i ngaihtuah ang u.
YRC hmun laih hna hi CK|P Committee remtihna angin Lungphum zawh hian a remchan anga thawh
\an leh nghal tum a ni a. Sum awmsa awmlo member-ten kan thawhkhawm a\anga hma la kan nih avangin
Budget pek lamah \an la \heuh turin kan in ngen a, tun thlenga YRC atana sum lut tawh chu, Zan khat
inkhawm thawhlawm a\angin Rs. 4,43,956 leh YRC Budget ruahman a\angin Rs. 71,290 a ni. November
thla aia tlai lovah thehlut tura kan inngen angin, thehluh hman hram i tum ang u. YRC hi a hlawhtlinna tur
chuan K|P member-te kan pawimawh hle a, chubakah Pathian hnenah \awng\aia kan thlen reng hi a
pawimawh tak meuh meuh a ni.