Вы находитесь на странице: 1из 6

26 th August, 2010

S

y

n

f

o

c

i

t

y

=

3

0

7

www.mizoramsynod.org

i t y = 3 0 7 www.mizoramsynod.org Ramthar Ni August 31 (Thawhlehni) hi Ramthar Ni

Ramthar Ni August 31 (Thawhlehni) hi Ramthar Ni a ni a, Mizoram Presbyterian Kohhran tan Ni pawimawh bik a ni. A chhan chu Mizorama Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni anih vang a ni. Kum 1972 Mizoram Synod Inkhawmpui chuan, Synod Ramthar Board-in, ‘August ni 31, Pu Zosaphluia Mizorama a lo thlen ni hi Synod Ramthar Ni atan hman ni se’, tia a rawtna chu pawmin kum 1973 atang khan August 31 chu Ramthar Ni atan hman tan a lo ni ta a ni. Mizorama Chanchin tha rawn thlentu hmasa ber (Pioneer Missionary) Rev. William Williams chuan Khasi rama a thawh laiin Syhlet lama Mizo lung in tangte hnen atanga Mizote chanchin a lo hriatin Mizorama kal duhna a nei ta a. Kum 1891 March 20 khan Aizawlah a lo kal a, Mistiri leh kut hnathawka inhlawhfate hnenah Pathian thu hrilin tract te a sem a. Mizoram chanchin hi Welsh ramah a zu sawi a, Welsh Presbyterian Mission chuan kum 1892-ah Mizoram chu Missionary tirh luhna atan a thlang ta a. Rev. William Williams hi tirh an tum a, mahse vanduaithlak takin a thi ta mai si a. Mi thar an dap leh a; Theological College-a an zirtir chhungin hun a lo vei hman a. Hetih lai hian Arthington-a mi tirh Rev. F.W. Savidge (Sap Upa) leh Rev. J.H. Lorraine (Pu Buanga) te kha an lo chhuak a, kum 1894, January 11-ah Mizoram an lo thleng a; Welsh Presbyterian Mission tirhin Rev. D.E. Jones (Zosaphluia) hi kum 1897, August 31-ah a lo thleng ve leh ta a ni. Mizoram Presbyterian Kohhran chuan kumin Ramthar Ni pual hian zan lam inkhawm thupui a siam a, thupuiah ‘Chanchin Tha chu ka zahpui si lo va’ (Rom 1:16 & 17) tih an hmang ang.

Ramthar Ni (August 31) hian Synod Mission Board thawktute hetiang hian Kohhran hrang hrangah hun hmangin an insem darh ang:

 

Kalchhuakte Upa Lalhriata & Pu Vanlalbela

-

Kalna Kohhran Khawruhlian Vengthar

Upa D.P. Biakkhuma

-

Hualtu

Pu Lalthuamkunga

-

Pehlawn

Upa H. Ngurkhuma

-

Luangmual West

Pu Saidinga Sailo

-

Ramhlun East

Rev. C.M. Zalenthanga

-

Chhingchhip Mualpui

Pu C. Kapthanga

-

Thingsul Hospital Veng

Synod Mission Board thawktute bâkah hian Missionary Training Centre (MTC), Mission Vengthlang atangin trainee-te

an zinchhuak bawk ang.

 

PBS Graduation Service Vawiin (Aug. 26) chawhnu dar 2:00 khan Presbyterian Bible School (PBS) chuan Pi Zaii Hall, Synod Conference Centre-ah Session 19-na Graduation Service an hmang. Graduation Service inkhawm hi Rev. Lalzuithanga, Executive Secretary i/c PBS etc. in kaihruaiin hunserh a hmang a, Rev. H. Biakthansangan Presbyterian Bible School-a thawktute, Board member leh zirlaite inhmelhriattirna hun a hmang a, PBS Principal Rev. V. Lawmkiman report a pe bawk. Synod Moderator Rev. C. Chawnglianan zirlai pass chhuakte hnenah certificates hlanin thuchah a sawi a , Synod Statistician leh PBS Board Member Upa J.H. Ramnghinglovan exam-a ti thate leh class kal kimte hnenah lawmman a hlan a ni. PBS zirlai Tv. H. Zodinmawian zaiin kalkhawmte a awi a, Rev. Dr. Vanlalnghaka Ralte, PBS Board member-in zir chhuakte tawngtaisakna hun a hmang a, Rev. Dr. R. Lalbiakmawian fuihna thu a sawi a, zirlai aiawhin C. Lalramzauvan

a sawi bawk. Rev. H. Remthangan lawmthu sawina hun a hmang a, Board member Rev. Vanlalchhuangan malsawmna sawiin Graduation Service inkhawm hi a khar a ni. Presbyterian Bible School hi kum 2004 May thla atangin tan a ni a, a din tan tirh atangin zirlai 570-in an zirchhuak tawh a. Session 19-naah hian zirlai 73 an awm a, chung zinga 67 chuan zir tluan chhuakin an pass a; First Division-ah 17, 2 nd . Division-ah 27, 3 rd . Division-ah 14, Simple Pass 9 le Exam lo/failed 5 an awm bawk. A titha zual pathumte chu:-

1. Oshin Lalnunmawii D/o Lalhmingliana, Tlangnuam Kohhran

2. Lalzawngkimi Fanai D/o F. Zirliana, Farkawn Kohhran

3. H. Lalramnghaki D/o H. Lalengliana, Mission Veng Kohhran

te an ni.

Presbyterian Bible School atanga zirchhuakte hi rawngbawlna tangkaiah an inhmang zui hlawm a, Missionary, Social Worker, B.Th., BD zir zawm thahnem tak an awm tawh a, Synod Revival Speaker zinga a tam zawk hian an zir chhuak tawh bawk a ni.

Synod Mission Board Lifetime Achievement Award & Excellence Award Kar hmasa (August (19 - 21) chhung khan India Missions Association (IMA) Conference, Nagpur-ah neih a ni a, IMA Vice President tang lai mek Rev. Zosangliana Colney, Executive Secretary a tel a, Synod Mission Board aiawhin Rev. Lalzuithanga, Executive Secretary pawh a tel a ni. Kumin IMA Conference-ah hian India ram pum huapa rawngbawltu titha thlangchhuakin Lifetime Achievement Award chawimawina an hlan a ni.He Award dawng tur hian mi pathum thlanchhuah an ni a, Upa Dr. L.N. Tluanga (SMB Missionary pension) chu thlanchhuah zingah a tel a, thuziak leh tangka fai a dawng a ni. Tun tumah hian IMA hnuaia thawktu zawng zawng zingah hna thawk tha ber leh chawimawi tlak an thlang chhuak a, Excellence Award an hlan bawk. He Award dawng tur hian Synod Mission Board-in IMA-a thawk tura a thawhte zinga mi, Pu Zohmingthanga chu thlan a ni.

Obituary : Pu Vanlalrawna, Evangelist Synod Mission Board hnuaia Madhuripathar, Arunachal West Field-a Evangelist hna thawk mek Pu Vanlalrawna chu

August 23 (Thawhtanni) zing dar 3:20 khan thawhah leh mitliam natnain a thi. Pu Vanlalrawna hi Pu Sawngkhuma (L) leh Pi Damniangi (L) te fa niin September 22, 1968 khan Presbyterian Hospital Durtlangah a lo piang a, zirna lamah P.U.C a passed a ni. Synod Mission Board hnuaia a thawhpui leh Staff Nurse hna thawk mek C. Lalhmangaihzuali D/o Pu C. Pakunga nen September 14, 2001 khan inneiin tunah hian fa pathum an nei

a

ni.

Pu Vanlalrawna hian January 15, 2001 atangin Synod Mission Board hnuaiah Missionary hna a thawk tan a, December 31, 2006 chhung Evangelist Teacher-in St. Paul’s School, Bairabkunda, Assam-ah a thawk a, January 14, 2007 atanga

a

thih ni thlengin Madhuripathar, Arunachal West Field-ah Evangelist hna a thawk a ni.

August 18 vel atang khan a insawi sel tan a, zual lam a pan zel avangin August 21 khan Medical College & Hospital, Dibrugarh lamah phurh chhoin August 23 (Thawhtanni) zing 3:20 vel khan chatuan ram min lo pansan ta a ni. Pu Vanlalrawna vuina inkhawm hi a unaupa Pu Thangsiama In, Chaltlang Lily Vengah nimin (Aug. 25) khan neih a ni a, Rev. Lalzuithanga, Executive Secretary i/c Mission etc. in a vui a ni.

Goodwill Dinner

Nimin (August 25) 8:30 p.m. khan Interserve India chuan Curry Pot, Khatla-ah Goodwill Dinner a buatsaih a, hetah hian

Synod Puipate nen inkawmhona hun neiin mi sawm bikte nen zanriah an kilho a ni.

SMB Media Ministry hawng dawn August 31 (Thawhlehni) chawhnu dar 1 hian Pi Zaii Hall, Synod Conference Centre-ah Synod Mission Board buatsaih Media Ministry thar hawnna inkhawm neih a ni dawn a, Synod Moderator Rev. C. Chawnglianan a hawng ang. Hawnna inkahwm programme hi Rev. Lalchhuanmawia, Media Ministry Chairman & Synod Mission Board Secretary in

a

kaihruai ang a, Upa R. Lalmalsawma, Media Ministry Ex-Officio member & SMB Coordinator-in Inhmelhriattirna hun a

hmang ang. Synod Moderator Rev. C. Chawnglianan Media Ministry hawngin thuchah a sawi nghal ang a, Mizoram Synod Choir leh Mission Veng Masihi Sangati Zaipawl-te an zai bawk ang. Pu Lalvena Hnamte, Secretary & Programme Director, Media Ministry-in Media Ministry chanchin leh rawngbawl dan tur chungchang a sawifiah ang a, Nl. Meena Vanlalrovi, Ramhlun Venglai leh Pu Vanlalringa, Khatla te an zai bawk ang. Rev. Lalzuithanga, Ex-Officio member, Media Ministry & Executive Secretary i/c Mission etc. in Malsawmnain hun a khar ang. Synod Mission Board chuan Mizoram chhunga hnamdang (Non-Mizo) awmte hnenah Chanchin Tha hril hi a ngai pawimawh hle a, hemi kawnga chak zawka hma la turin Media Ministry hi din a ni dawn ta a ni. Local Cable hrang hranga tihchhuah turin Masihi Sangati Pastor te leh he lama rawng lo bawl tawh thinte thusawi record chhoh mek a ni a, Pathianni tlai dar 5 apiangin Local Cable-ah programme hi tihchhuah thin tum a ni. Media Ministry hnuaia programme te hi Synod Mission Board leh Synod Information & Pulbicity Department (Synfo) tangkawpin an buatsaih thin dawn a ni.

Social Front Seminar-cum-Workshop on Sex Video and Pornography : Synod Social Front chuan vawiin (Aug. 26) chawhma dar 11:00 atang khan Synod Conference Centre, Pi Zaii Hall-ah Sex Video chungchanga Seminar-cum-Workshop on Sex Video and Pornography an nei a, Rev. Lalzuithanga, Executive Secretary i/c Social Front etc. in programme a kaihruai a ni. Seminar-a tel tur hian Aizawl khawpui chhung Kohhran aiawh pakhat theuh, Aizawl khawpui chhung Branch KTP aiawh

pakhat theuh, Social Front hnuaia Committee Member-te leh mi sawm bikte sawm an ni a, an vaiin mi 242 an tel thei a ni. Seminar-ah hian paper zirhona leh sawihona hun tha tak an hmang a. Paper zirhote chu :

Aizawl Thalaite zinga Sex hluar dan chhui chianna (Sex Video, Saruak Thlalak, Call Girl)

-

Dr. Robert S. Halliday, Social Front Coordinator

Legal Implications of Sex and Pornography

-

C. Lalramzauva, Advocate

Research Paper on Pornography and Sex Video :

-

Laltlansangi Fanai, Master in Criminology

The present scenario August 27 - 30 chhung hian Ruantlang Bial huapin Ruantlang Kohhranah HIV/AIDS Seminar neih a ni dawn a, Seminar neihpui tur hian Pu John Lalhruaitluanga, Social Front Asst. Coordinator leh Pu J. Malsawma, Social Front Office Assistant te an kal ang.

Zin August 27 - 31 chhung hian Darlawn leh Khawruhlian Bial Upa Seminar-a tel turin Rev. Vanlalzuata, Senior Executive Secretary, Rev. Lalchangliana, Synod Revival Director leh Nl. Lalrinfeli (Soloist) te an kal ang. August 28 (Inrinni) hian Darlawn Kohhranah Seminar neih a ni ang a, August 30 (Thawhtanni) hian Khawruhlian Kohhranah Seminar hi neih leh a ni ang. Aug. 25 & 26 hian Presbyterian English School hrang hrang - Rawpuichhip, Kawrtethawveng, Mamit leh Lengpui te tlawhin Rev. Mangchhuana Sailo, Supervisor leh Pu C. Zahmuaka, Principal (Retd.) te an kal.

Music Nimin (August 25) khan Synod Music Committee chuan Synod Music School (Morning Class) September - November, 2010 Session-a seat chang tura thlanchhuahte hming an tarchhuak a, Tonic & Staff Notation zir tur hian mi 65 thlanchhuah an ni a. August 26 - 30 chhungin Synod Music School-ah Admission tih fel nghal tur a ni a, fee pek nghal tur a ni. Hemi hun chhunga admission ti lo chu an aiah midang dah an ni ang.

Synod Bookroom News August 30 (Thawhtanni) zan hian Kanan Branch KTP leh Bookroom tangkawpin Literature Nite an hmang dawn a, Rev. K. Lalpiangthara, CKTP Leader -in thu a sawi ang a, Tv. Lalniliana, Synod Bookroom Manager-in Slideshow a present ang. Literature Nite an hman turah hian man tlawm zawkin bungrua zawrh chhuah a ni ang.

Moderator Programme

Synod Moderator Rev. C. Chawngliana chuan tun kar tawpah hetiang hian hun a hmang ang :

August 28 (Inrinni)

Zan

-

College Veng Kohhran

August 29 (Pathianni)

Chawhma -

Ramhlun South (Golden Jubilee programme) Kohhran

 

Chawhnu

-

Electric Vengthlang Kohhran

Zan

-

Aizawl Venglai Kohhran

LITERATURE SEMINAR PROGRAMME

BIATE PASTOR BIAL

Date

:

August 28, 2010

Vanue

:

Khatla Presbyterian Church Hall

Chawhma

:

Dar 11:00 A.M. - 1:00 P.M.

:

:

:

Hruaitu

Pastor H.S. Remmawia, Bial Chairman

Thupui

Literature pawimawhna leh Thuziak rawngbawlna

Sawitu

Upa H. Ronghaka, Joint Editor, Synod Literature & PUblication Board

Sawihona

:

Sawi hawngtu

:

Upa C. Lalbiaktluanga, Business Manager,

Chhun chawlh

:

Synod Literature & PUblication Board Dar 1:00 P.M. - 1:30 P.M.

Chawhnu

:

Dar 1:30 P.M. - 3:30 P.M.

Hruaitu

:

Upa Biakchhunga, Biate North

Thupui

:

Kohhrana Mizo tawng hman dan

Sawitu

:

Rev. Thangzauva, Editor,

Sawihona

:

Synod Literature & PUblication Board

Sawi hawngtu

:

Upa Thanglianzuala, Member Synod Literature & PUblication Board

Seminar on

KRISTIANTE HMACHHAWN MEK HARSATNATE

Organized by CALVIN STUDY CENTRE AIZAWL THEOLOGICAL COLLEGE

Date : August 28, 2010 Vanue : Khatla Presbyterian Church Hall

HUN KHATNA : SEMINAR HAWNNA 10:00 A.M. - 10:25 A.M. Hruaitu

:

Rev. Prof. Roger Gaikwad

Inlawmna & hunserh

:

Principal, Aizawl Theological College Hruaitu

Thupui sawi hawnna

:

Rev. C. Chawngliana, Synod Moderator

HUN HNIHNA : THUPUI ZIRHONA -I

Hruaitu

:

:

Rev. Prof. Vanlalchhuanawma

Thupui 10:30 A.M. - 10:50 A.M.

Mipat Hmeichhiatna (Sex) Hman Sual Chungchang

Paper 1 Ziaktu 10:50 A.M. - 11:10 A.M.

:

Mipa leh Hmeichhe Inkara Sex Hman Sualna Rev. Lalchungnunga

:

Paper 2 Ziaktu 11:10 A.M. - 12:30 P.M. Thupui Sawihona

:

Neih Anpui Inkara Sex Hman Sualna (Homosexuality) Rev. Dr. Lawmsanga

:

Tlangkawmna

:

Hruaitu

12:30 P.M. - 1:00 P.M. REFRESHMENT

HUN THUMNA : THUPUI ZIRHONA -II

Hruaitu

:

Rev. Dr. C. Lalhlira

Thupui 1:00 P.M. - 1:20 P.M.

:

Hun Hnuhnung Chungchang

Paper 3 Ziaktu 1:20 P.M. - 1:40 P.M.

:

Hun Hnuhnung Chungchang Bible-in a Zirtir Dan Rev. Dr. K. Lallawmzuala

:

Paper 4 Ziaktu 1:40 P.M. - 3:15 P.M. Thupui Sawihona

:

Hun Hnuhnung Chungchang Thurin Atanga Thlirna Rev. Rosiamliana Tochhawng

:

Tlangkawmna

:

Hruaitu

3:15 P.M. - 3:30 P.M. Vote of Thanks

:

Rev. Dr. Vanlalnghaka Ralte, Director, CSC

Banna

:

Rev. K. Lalrongheta

MSSU Hriattirna

Kumin 2010 Khawvel Sunday School Ni Zirlai Thupui zir tur chu peih fel a ni tawh a, Bial Sunday School Secretary-ten Synod Office, MSSU Department-ah lam theih a ni.

REV. ZOSANGLIANA COLNEY Executive Secretary

BEIHRUAL CHUNGCHANG

Kum 1918 June

thla

atanga

hman tan Beihrual chu kum 92 na

a

lo

ni

Laldawnkimi, Archivist, Synod office

Beihrual zara

ta reng mai. He

Kohhranhoten malsawmna kan dawn zozai hi a man a va tam em!

THUHMA : Kum 1894-ah Chanchintha kan dawng a, kum 1906-ah Harhna tum khatna a lo chhuak a, a tum hnihna pawh kum 1913 ah a lo chhuak leh a, ringtu an pung hle. Mahse hun engemaw chen hnuah harhna chu a lo reh a, Kohhran a lo nguiin a lo chaklo leh ta, rinna kawnga an la ngheh tawk loh avangin han ban leh puk puk te a awm a, khawvel miten nuihzatin “Pathian thu awih leh aichhia chuan thal an hua a nia” an ti thin. Mahse, mi engemawzat rinnaa mi nghet leh rinawm an awm a, phurna hloh mahse thahnemngaihna hloh lovin an thawk zel a. Kohhrana nguina leh hnung tawlhna awm fo thin chuan nghawng nasa tak a nei ta a, thawhlawm pawhin a tuar hle. Kum 1917-a Tirhkoh tirh chhuah mi 7 chu thawhlawmin a daih loh avangin an hlawh bi cheng 10 chu cheng 8/- a tihhniam a ni a. Tichuan ringtute intihchak tawnna leh ringlote beihna chu hnapuia neih an duh ta a ni. ( Mizo Kohhran Chanchin Rev. Saiaithanga phek 54-56, 58)

BEIHRUAL NEIH A NI TA: Hetih lai hian Mizoram Hmar chan pum pui hi Khasi Synod hnuaiah Presbytery pakhat kan ni a, kum khatah vawi hnih ( March & Oct ) Inkhawmpui an nei thin a, March 15 - 18, 1918 Presbytery Inkhawmpui Aijal-a neih chuan hetiangin a rel a “ Kristian Beihrual-na hi June, 1918 a hian lo awm tan turin kan ruat a. Thla chawhma lam chu mahni Kohhran ho tan a, in tih chak na tur leh in tih thianghlimna leh in tih ngah lawk na atan kan hmang theuh ang a, tin, thla chawhnu lam chu ringlo te tan a hman tur ani ang, mi hruai hram turin. Tin, Kohhran tin in an thawh-zia dan theuh tur an ngaihtuah ang”.

(Presby. 1918 No.10,

Kristian Tlangau May 1918 phek 94 )

Rev. Sandia pawhin hetiang hian hriattirna a chhuah a- Hmar-Chan Presbytery thil-tih chhiar ilang-in, thil pawimawh em em an ruat a ni. Tun June thla chhung hian Hmarchan khaw-tin-ah Pathian Ram tizau turin leh Isua mi zawng zawng tithianghlim turin kan beirual ang. Hetiang-in tunlai-in India ram pumpui-ah an ti mek a ni. Malsawmna tam tak an hmu tawh a ni. Tin, unaute u, heng thil hi hriatreng a tul a ni. Kan beihrualna hi ti tha tur leh Pathian hming ti-ropui turin, heng thil hi i ti ang u :-

a) Nashatak-in tawngtai-in Pathian malsawmna kan dil tur a ni, June thla hma pawhin rei fe an.

b) Kan ngaihtuah fo tur a ni.

c) Kan in-en tur a ni. Kan rilru kan buatshaih tur ani. Sualna zep ilangin malsawmna a dal ang. Isua hnena fel

takin kan inpe tur a ni.

d) Engtinnge beihrualna hi kan tanpui theih ang, kan ngaihtuah tur ani. Tin, a tumna ber kan hre reng tur a ni.

Hapta hnih hmasa chhungin, kohhranho mi ti-harh leh ti-thianghlim turin kan beihram ang. Tin, chu mi hnuah chuan awihlote hnena kal-in kan bei-rual ang. Heng thil pahnih hi kan Pathian duh zawng ani tih kan hria.

Taimatakin i ti ang u. Tin, kan Kohhranho tin in malsawmna ropuitak an hmu ang tih kan beisei. Beihrual thatna tur chu tawngtaiin i dil fo ang u. (Kristian Tlangau May 1918 phek 99) Hemi tuma an hman dan Lalhnawka khua Lungsum leh Lalzika khua te chuan an report bawk a, a ngaihnawm hle ( Kristian Tlangau Sept 1918 phek 172, 180) Aizawl hmuna an hman dan report Sandia Sap leh Liangkhaia te ziak hetiang ani:

“ June nikhat zan atang khan inkhawm kan lo tan ta a, Pathian in mal min shawm shak a, keini Kohhran a

mawi lovin kan inkhawm chu kan lo hlim ta hle mai a, zan khat zan a pang chuan inkhawm kham lovin kan lo tin ta hial mai a; chumi Kohhran chhunga inkhawm chhung chuan, mi in ah emaw, Biakin ah emaw inkhawm mah ila, kan hlim hle fo thin a, uar hauh lova shawi pawhin hlim reng rengin kan tum tla, tih theih a ni e. Tin, thla chanve a lo ral dawn Pathianni vawi thum zan ah chuan Inpumpekna inkhawm kan nei a Chu mi inpumpekna ah chuan “Inpumpekna lehkha” an ti a, Pathian hnena kan thu tiam zawng zawng kan lo thlah thlam tawh shi kha chawk harh leh turin In tiam na lekha te tak te mi zawng zawng hnena an shem a. Tin, mi pakhatin Pathian hnena inpek tharna lam thu a shawi a; han ngaih thlak meuh chuan kan Pathian thu awina hi a lo pan deuh tak a lawm maw ! tiin kan in shit theuh mai a “Tun hma lam ai kha chuan ka va bei nasha deuh tawh dawn em” kan

ti rilru theuh a ni. Tin, thu shawi zawh a chuan “In-pum-pek thawh-lawm” an ti a, thawh-lawm kan upa ten an khawn bawk a, chu tah pawh chuan ni dang ai chuan kan thawh tam zawk theuh a ni awm a, chu mi tum maiah chuan cheng 14/- lai kan ngah a. Tin, chu tah chin a chuan Pathian thu awi lo ho kan bei tan ta a. Mi lian deuh in mi lian deuh an bei a, mi te deuh in mi te deuh kan bei a, nula in nula, tlangval in tlangval, pitar in pitar, putar in putar, naupang in naupang, mahni tum tawk theuh kan bei a. Pathian in chakna min pek avangin tumahin hlau lo leh zak ”

lo leh ning lovin kan bei theuh va: ruah sur chung te pawh hian kan bei zel a kan lawm em em vek a ni

Khaw hrang hrang atanga Beihrual vanga hming pe thar ( Kristian Tlangau Oct. 1918 phek 194-195)

mi 344 an ni.

Hetianga June 1918 ah hlawhtling taka an hman avangin October, 1918-a Champhai Hmunhmeltha khuaa Presbytery chuan “Beihrualna hi awm leh sela kan ti tlang a, kum 1919 September a ni ang, a tih dan tur chu hmana mi ang bawk khan a ni ang”. tiin a rel leh ta a ni ( Presby. Oct. 1918 No.11 ) Ringtuten thahnemngai taka an tawngtaina leh an beihna chu Pathianin mal a sawm a, kum 1919 ah chuan Harhna tum thumna a lo thleng leh ta nghe nghe a nih kha.

HMAN HUN: Kum 1918 ah June , 1919 leh 1920 ah September, 1921 ah January ,1922 - 1924 ah April thlaah te hman thina ni a, mumal taka September thla kan hman hi 1925 atangin a nih hmel e. (Presby. Oct. 1920 No.25, Oct. 1921 No.33, Assembly 1925 Jan No. 18)

THU ZIR : Standing Com. rel angin kum 1937 atangin ram pum huap thu zir bik siam tan niin a lang, “ Kan Kohhran kum tin Beihrual hi fel zawka kan tih theih nan Beihrual programme ram pum tan siam ila, kan subject chu Insumna thu lam nise” (SC dt.28.6.1937 No.7). Mizoram buai avangin ram pum huap zir tur siam loh tum a awm a, hengah hian mahni Kohhran remchan anga buatsaih leh hman a ni. Tin, Nilai zan Thupui leh Beihrual thupui bu hrana neih a ni thin a, kum 1972 atang khan bu khata siam a ni ta. Hapta hmasa ber Ramthar hapta hi 1981 atanga hman tan a ni a, Hapta lina Kristian Chhungkaw hapta hi 1983 atanga hman tan a ni.

BEIHRUAL THLA HMAN DAN TIHDANGLAM RAWTNA:

Aizawl West Presbytery-in Beihrual thla hman dan tihdanglam a rawtna chu 2001 Synod chuan tha tiin SEC

bawhzui turin a dah a ( 2001 Synod Gen.5) Questionaire-te siama ngaihdan hrang hrangte lakkhawm anih hnuah tihdanglam dan tur hetiang hian rel a ni :

1) Beihrual hi September thlaah hmang zel ila. 2) Tualchhung Kohhranin remchang leh tha atih angin Biak in leh in lamah hman pawlh thin a ni ang. 3) Thupui hi rampum huapin Synod-in ala siam zel ang a, amaherawhchu a thupui leh Bible chang tarlan bakah a kaihhruaina thuziak hi chu tuna kan hman lai aia tawi fel zawka siam tur a ni ang. 4) Mahni Kohhran tan tangkai leh sawt zawka hmang duhte tan zau zawka zalenna pek a ni ang. 5) Kan Kohhran hmalakna pawimawh - Kristian Chhungkua, Ramthar leh vantlang nun siamthatna ( Social concern) lam thilte hi hlamchhiah loh tur a ni ang.

SEC 186:7;

(SEC 185: 7;

SEC 187:29)

…………………………………………………

26 th August, 2010

Mail us at -

synfo@sancharnet.in; synfo@yahoo.com

Synod Information & Publicity; Aizawl, Mizoram. India Phone: 0389 2314648

Fax

:

2316598 Website – www.mizoramsynod.org