28th October, 2010

Synfocity=316 www.mizoramsynod.org
 Synod Committee 2010
October 18 atanga November 3 chhung hian Pi Zaii Hall, Synod Conference Centre-ah Synod hnuaia
Department/Board/Committee hrang hrangte an thukhawm mek.
Nimin (Oct. 27) khan Pastoral Committee an thu a, an thu ngaihtuah zingah Pro. Pastor lak zat tur tihchian, Bial then
chungchang, Presbytery then chungchang, Kum 2011-a Pastoral Ministry thupui tur thlan, Pro. Pastor lak dan en that
leh Synod Mission Board atanga thu lut - Karbi Anglong Presbytery hawn chungchang, Bial thar hawn rawtna, Field
Secretary atan rawt tharte tihte a tel a ni. Vawiin (Oct. 28) hian Education Board an thu ve leh a, an thu ngaihtuah tur
chhawpchhuah zingah -
 Synod Higher Secondary School-a Vice Principal hmun ruak tur
 P.C. Girls’ School-a Class VIII hawn chungchang
 Mission School-a thawkte tan sawrkar pension
 Presbyterian School dinhmun chungchang
 Synod Higher Secondary School Golden Jubilee lawm chungchang
 Synod Higher Secondary School & P.C. Girls’ School-a thawkte hlawh chungchang
 Kum 2011 - 2012 Budget Estimate thlirna
tihte a tel a ni.
Committee neih chhoh zel dan tur hetiang a ni:-
 Ocotber 29 : Synod Literature & Publication Board.
 November 2 : Social Front Committee
 November 3 : Synod Music Committee
Tunah hian Department tin ten kum 2011 -2012 Budget ruahmanna an siam mek a, heng ruahmannate hi Finance
Committee-in November 16 -18 chhunga thukhawmin an thlirho ang a, Synod Executive Committee (SEC) Budget
Session, December 2-a thukhawm thlir turin a thlen leh ang a, SEC hian Synod pumpui budget 2011 -2012 ruahmanna
a enfel hnuah Synod Inkhawmpuia pawm turin a chhawp chho dawn a ni.

 PWF Khawmpui Palai kal.

Presbyterian Women Fellowship (PWF) Inkhawmpui leh Silver Jubilee lawmna hmang tur Mizoram Synod palaite
chuannimin (Oct. 27) khan Aizawl an chhuahsan.
Presbyterian Church of India hnuaia Kohhran Hmeichhiate inzawmkhawmna Pawl, Presbyterian Women
Fellowship (PWF) chuan kum 25 hmel a hmu ta a. Kum khat dana Inkhawmpui an neih thin– PWF Bienniel Conference,
October 23 -31 chhunga Jaiaw Presbyterian Kohhran, Shillong-a an nghah turah PWF kum 25 tlin (Silver Jubilee)
lawmna hi neih nghal a ni ang. PWF kum 25 tlin lawmna leh Inkhawmpuiah hian tlarau lam thupui atan “Kum 2010
hnulam thlirna” (Vision Beyond 2010) hman a ni ang a, Secretary for Women’s Relation, PWF, Nl. Zohmangaihin a sawi
dawn a ni. Mizoram Synod atangin palai 100 an kal a, Inkhawmpui chhung hian Mizoram Synod Palai Zaipawl te hian
hla remin lemchan te an entir bawk ang.

 Zin
 October 27 - 30 chhung hian Jarkhand Mission Field-a School & Sunday School Teachers Training neih mek a ni a,
training neihpui tur hian Pu Saidinga Sailo, Supervisor of Schools leh Pu Lalthahluna Ralte, MSSU
Asst. Coordinator-te an kal a, November 3 (Nilaini) hian lo let leh tura beisei an ni.
 October 29 - 31 chhung hian Home Mission North huam chhunga khaw hrang hrang - Tuipuibari, Zomuantlang,
Damparengpui, Persang leh Salem Boarding School-te tlawh turin Rev. Lalchhuanmawia, Synod Mission Board
Secretary leh upa Vanlalchhunga, BEC Member te an kal ang.

 Kristian Thalai Pawl

 October 29 - 31 chhung hian Vairengte Bial Meet & Leadership Training, Vairengte Kohhranah neih a ni dawn a,
hemi hmanpui tur hian Pu Zohmingliana (Asst. Leader), leh Tv. Zohmangaiha (Committee Member) te an kal ang a,
Mizoram Synod Choir ten zaia rawngbawlna an nei bawk ang.  
 Kum 2010 KTP General Conference leh kum 2009 Rorel inkhawma rawtna - CKTP hruaituten khawpui chhunga
Branch a tam thei ang ber tlawh dan ruahman ni rawh se, tih chu bawhzuiin nikum atang khan CKTP hruaite ten Aizawl
khawpui chhung Branch hrang hrangte an tlawh kual a, October 11 (Thawhtanni) zan khan Aizawl khawpui pawn Bial 5
tlawh in November 1 (Thawhtanni) zan hian Aizawl khawpui pawn Bial 4 (Sesawng, Thingsulthliah, Sairang leh Lengpui)
chhunga Branch 20 an tlawh leh ang. Lengpui Bialah hian Rev. K. Lalpiangthar (Leader), Tual Upa Dr.C. Zarzoliana
(Asst. Secretary), Pu Lalthanmawia leh Pu Lalhruaizela (Committee Members) te, Sairang Bialah Pu Zohmingliana
( Asst. Leader), Dr. Samuel Vanlalthlanga, Pu H. Liantluanga, Pu Lalmuanpuia, Pu Saizamliana Sailo leh Tv.
Zohmangaiha (Committee Members) te leh Mizoram Synod Choir te, Sesawng Bialah Upa Lalrinmuana (General
Synfocity=316 1
 Secretary), Pu Vanlalfinga (Fin. Secretary), Pu Lalnghinglova Hauzel, Upa Zothangzuala Chhangte, Tual Upa
Lallianmawia, Tv. V.L. Muanchhana (Committee Member) te, Thingsulthliah Bialah Pu Lalmuanawma (Treasurer), Pu
R. Lalhmingthanga, Pu Lalramdina Ralte, Pu Lalrohlua (Committee Members) te an kal ang.

 Synod Bookroom
October 25 (Thawhtanni) zan khan Durtlang Branch KTP leh Synod Bookroom tangkawpin Literature Nite an hmang a,
hei hi kumin chhunga Synod Bookroom-in thalaite lehkhabu chhiar leh ziak lama hma an sawnna tura beihpui a thlak
kharna a ni nghal a ni. Literature Nite hi CKTP Leader Rev. K. Lalpiangtharan a hmanpui a ni.
Synod Bookroom hian kumin 2010 chhung hian beihpui an thlak nasa hle a, a vaiin Branch 21 nen Literature Nite an
buatsaih hman a. Literature Nite neihna hmun apiangah lehkhabu 10% discount-a phochhuah thin a ni a, slide hmangin
lehkhabu thate entir thin an ni bawk.

 Social Front
Mizoram Synod Social Front chuan ‘Land Reforms chungchang zir zauna’ booklet a tih chhuah chu MLA, VC, Minister
leh Kohhran Upa zawng zawngte hnenah thawnchhuah mek a ni. November thla hian Mamit Hmunsam Kohhranah
Mamit khawpum huap tan Land Reforms Seminar buatsaih a ni ang a, Kolasib khawpum huap tan Kolasib Diakkawn
Kohhranah neih a ni bawk ang.

 Susamachar Prasaran Programme

October 31 (Pathianni) tlai dar 4:30 - 5:00 velah Hindi Programme (Susamachar Prasaran) LPS & Zonet Cable atangin
hetiang hian tihchhuah a ni ang : Group/Choir - Central PYF Choir - Krus Par, Sermon - Pu Lalhruaitluanga - ‘Isu Kaun
hai’, Group/Choir - Masihi Sangati - Chhinga Veng Kohhran - Isu Bula Raha Hai, Group/Choir - Masihi Sangati -
College Veng, Stuti Geet - Khul Jayegi Kitabe.

 Kohhran Golden Jubilee

November 5 (Zirtawpni) hian Chhinga Veng Presbyterian Kohhran chuan an Kohhran Golden Jubilee lawm nan Jubilee
Ruai, Kohhran chhungah leh Presbyterian Hospital, Durtlanga damlote tan an buatsaih ang. Jubilee lawmna hi
September 28 atang khan tan tawh a ni a, programme hrang hrang Pathian Biak Inkhawm leh Biak In pawn lamah te
siam a ni a. Jubilee Revival Camping te, Presbyterian Hospital puala thisen pek te, Jubilee Free Clinic te, Inneih that
runpui te leh Jubilee Exhibition te buatsaih chhoh mek zel a ni. Jubilee lawmna programme hian November 7
(Pathianni) thleng a awh ang.

 Moderator Programme
Synod Moderator Rev. C. Chawngliana chuan tun kar tawpah hetiang hian hun a hmang ang :
 Ocotber 30 (Inrinni) Zan - Mission Vengthlang Kohhran
 October 31 (Pathianni) Chawhma - Luangmual Kohhran
Chawhnu - Zonuam Kohhran
Zan - Bethlehem Venglai Kohhran

Admission Notice
Presbyterian Hindi Bible School, Bawngkawn Mizoram -ah Batch 47-na (January-June. 2011) a zir duhte tan dil theih a ni leh ta e.
Hriat turte:
Dilna chu plain paper a ziakin Principal, Presbyterian Hindi Bible School hnenah January 12, 2011 thleng dilna thehluh theih ani.
1) Diltu chuan Hindi Tawng, ziak leh chhiar a thiam ngei tur a ni.
2) Kohhran Dan zawhkim a ni tur ani.
3) Kohhran/Fellowship/ Field Secretary etc.hriatpuina lehkha thil tel tur a ni.
4) Ramchhung leh pawn(Mission Field) atanga zirlai tirtu ten an mi tirhte School-a an awm chhunga (a) an damloh thu-ah enkawlna atan
leh (b) an kal lam leh haw lehna tura senso thilah Local Guardianten an ngaihtuah sak tur ani.
Guardiante/Zirlaite chuan hengte hi intum tur a ni:
1) Hindi Holy Bible 2) Hindi Hlabu thar 3) Non Mizo Sunday school Zirlai bu 4) Exercise book-12 nos. 5) Stamp size photo-2 copy 6)
Bedding 7) Mosquito- net 8) Mug & bucket 9) Smart Shoes 10) Nihliap 11) Kawrlum 12) Torch -light, 13) Kal lam leh haw lam
Bus/Rail Ticket etc mahni/Guardian in ngaihtuah tur a ni ang 14) Dam loh thilah pawh Guardian/Field ten an ngaihsak beisei a ni.
Diltu chu natna benvawn neilo ani tur a ni.
· Zir hun chhung : January 14- June 14, 2011
· Dil theih hun chhung : January 12, 2011
· Interview hun January 13th Thursday 2011, 11:00 Am.
· A hmun : Principal’s Office.
Presbyterian Hindi Bible School, Bawngkawn

Sd/-
Synfocity=316 2
 REV.JOHN SHARMA
Principal,
Presbyterian Hindi Bible School
B.P.O Bawngkawn
Mb.No-09402111624/09862428437

Synod Multipurpose Training Centre Advertisement

Synod Multipurpose Training Centre chuan man tlawm zawkin Pastor kawr (Clerical Shirt), kawr (mipa & hmeichhia), kekawr an thui thei
reng e.
Programme Director,
SMTC

MSSU Hriattirna
Kumin 2011 Naupang Sunday School Zirlaibu Syllabus peih fel a ni a, Bial leh Kohhran hman tur MSSU Department-ah lam theih a ni.
Rev. Zosangliana Colney,
Executive Secretary

………………………………………………….............................................................................................................................

28th October, 2010

Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org

Synfocity=316 3