Դեմոկրատիայի քննադատը կարող է չընդունել թեզիսը այն
մասին,որ պոլիարխիան մեծ չափով առաջ է մղում երկիրը դեմոկրատիայի ճանապարհով: Անկախ այն բանից,թե որքանով են ժամանակակից ռեժիմները իրենց ինստիտուտներով և կառույցներով տարբերվում նախորդներից,դրանք հաստատապես շատ դեմոկրատական չեն: Նա կասեր,որ դեմոկրատիան ավելի շուտ գաղափարախոսական ֆասադ է: Իսկ եթե ավելի ուշադիր նայենք,ապա ֆասադի ետևում կերևա մարդկային փորձի նույն հին և ծանոթ ֆենոմենը` տիրապետությունը: Իր խոսքերը հիմնավորելու համար քննադատը կարող է մեջ բերել իր նախորդ Գաէտանո Մոսկային.<<Քաղաքական օրգանիզմների միջև գոյություն ունեցող բոլոր գործոնների և միտումների միջև մեկն այնքան ակնհայտ է,որ տեսանելի է նույնիսկ առօրեական հայացքով: Բոլոր հասարակություններում`սկսած սահմանափակ զարգացվածությամբ և հազիվ քաղաքակրթությանը հասած հասարակություններից,մինչև ամենազարգացած և ուժեղ հասարակությունները, ձևավորվում է մարդկանց 2 դաս` կառավարողների և կառավարվողների դասերը: Առաջին դասը սովորաբար ավելի փոքրաքանակ է,իրականացնում է բոլոր քաղաքական գործառույթները,մոնոպոլիզացնում է իշխանությունը և օգտագործում է իշխանության բոլոր առավելությունները: Երկրորդ դասը,որը ավելի փոքրաքանակ է և ուղղորդվում և ղեկավարվում է առաջինի կողմից քիչ թե շատ օրինական կերպով, քիչ թե շատ ազատ կամ հարկադիր միջոցներով,մատակարարում է առաջինին,գոնե արտաքնապես,գոյության համար անհրաժեշտ միջոցներով և այն միջեցներով, որ անհրաժեշտ են քաղաքական օրգանիզմի կենսունակության համար: Պրակտիկ կյանքում մենք բոլորս ընդունում ենք այդ կառավարող քաղաքական դասի գոյությունը>>: Գաէտանո Մոսկան առաջ է քաշում փաստարկներ,որոնք ֆունդամենտալ մարտահրավերներ են այն բանին,որ դեմեկրատիայի գաղափարը երբևէ կիրագործվի: Նրա փաստարկումը,ավելի պարզ ասած, այն բանում է,որ փոքրամասնության տիրապետությունը անխուսափելի է: Իսկ եթե փոքրամասնության տիրապետությունը անխուսափելի է,ապա անհնար է և դեմոկրատիան: Ապացույցները այն բանի,որ դեմոկրատիան ցանկալի է,կամ որ այն կառավարման ամենալավ տարբերակն է,կամ որ մենք պետք է ջանք թափենք դրան հասնելու համար,պնդումներ են,որոնք չեն համապատասխանում մարդկային հնարավորություններին:Անկասկած,նման հավաստումները կարող են օգտակար լինել կառավարողների համար,քանզի դրանք ծառայում են որպես միֆեր,որոնք օգնում են թաքցնել կառավարման իրական բնույթը և ապահովում են հպատակների համաձայնությունը: Բայց այդ բարի տրամադրությունները չեն ժխտում և չեն կարող ժխտել այն ֆունդամենտալ էմպիրիկ փաստը, որ միշտ կառավարում է փոքրամասնությունը; Եթե միշտ կառավարում է փոքրամասնությունը,ապա,բնականաբար, մեծամասնությունը երբեք չի կառավարում: Եվ եթե վերջինս ճիշտ է,ապա դեմոկրատիա երբեք չի կարող գոյություն ունենալ: Հետևաբար, պրակտիկայում այն, ինչ մենք դեմոկրատիա ենք անվանում,ոչ ավելին է,քան ֆասադ փոքրամասնության իշխանության համար: Այս կամ այն չափով նման գաղափարները կիսում էին Մարքսը,Լենինը,Մոսկան,Պարետոն,Միխելսը,Գրամշին և այլք: Այնուամենայնիվ,փոքրամասնության իշխանության տեսությունները պետք է տարբերել ուրիշներից,որոնք մեծ նշանակություն են տալիս դեմոկրատիայի,քաղաքական հավասարության և ազատության անկմանը`պայմանավորված քաղաքական ռեսուրսների,ռազմավարական դիրքերի և շուկայական հնարավորությունների հետ կապված քաղաքացիների անհավասարությամբ: Պոլիարխիաներում անհավասարության նշանակության լուսաբանումը ներառում է տարածություն`սկսած օպտիմիզմից մինչև լրիվ պեսիմիզմ: 1.Անհավասարությունները այնքան սովորական են,որ հազիվ թե ուղղումների կարիք ունեն,իսկ եթե նույնիսկ դրա անհրաժեշտությունը առաջանա,ապա դրանք կարող են հեշտությամբ վերացվել: 2. (Ա) Անհավասարությունը խիստ սահմանափակում է դեմոկրատական գործընթացը պոլիարխիաներում: (Բ) Նույնիսկ այս դեպքում պոլիարխիաները շատ ավելի դեմոկրատական են և ցանկալի,քան այլընտրանքային տարբերակները,որոնցում բացակայում է պոլիարխիայի ինստիտուտներից մեկը կամ մի քանիսը: (Գ) Այնուամենայնիվ,այդ անհավասարությունները կարող են էականորեն փոքրացվել,եթե ոչ ամբողջովին վերացվել: Դրա շնորհիվ մենք զգալիորեն կբարելավենք պոլիարխիայի դեմոկրատական որակները,ուստի պետք է ձեռնարկվեն ընդունելի փոփոխություններ: 3. (Ա) և (Բ) ձևակերպվում են նույն կերպ,իսկ (Գ) այլ կերպ: Անհավասարությունները չեն կարող փոքրացվել (առանց այլ արժեքների համար անդառնալի վնասի,իսկ որոշ դեպքերում դրանք ընդհանրապես չի կարելի վերացնել) և,հետևաբար,իրենցից ներկայացնում են ամենևին ոչ կատարյալ աշխարհի հնարավոր ամենալավ համակարգի անուղղելի ասպեկտը: 4. (Ա) Անհավասարության հետևանքները այնքան մեծ են,որ թույլ են տալիս (Բ) պոլիարխիաներում գոյություն ունենալ դեմոկրատական գործընթացի միայն ոչ կարևոր(тривиальный) ասպեկտներին: (Գ) Սակայն անհավասարությունները կարող են վերացվել, և ամբողջական հեղափոխական գործընթացի միջոցով կարող է հաստատվել <<իրական դեմոկրատիա>>: (Դ) Մինչ այն պահը,քանի դեռ չի իրականացել այդ հեղափոխական տրանսֆորմացիան,բոլոր հասարակությունները կկառավարվեն իշխող փոքրամասնության կողմից: 5. (Ա) և (Բ) նույնն է,ինր որ չորրորդ կետում: Բայց (Գ) անհավասարությունը և դրա հետևանքները հնարավոր չէ վերացնել: (Դ) Այդ ժամանակ բոլոր հասարակությունները միշտ կկառավարվեն գերիշխող մեծամասնության կողմից: Այս գլխում կհետազոտվեն չորրորդ և հինգերորդ տեսակի իշխող դասի տեսությունները: Չնայած փոքրամասնության տիրապատության տեսությունները ունեն կարևոր արմատական տարբերություններ,դրանք համընկնում են այն բանի գնահատման մեջ,որ պոլիարխիաներում և նույնիսկ <<դեմոկրատիաներում>> արտոնյալ փոքրամասնությունը իշխում է մնացածին: Նմանատիպ տեսության ամենաազդեցիկ ներկայացուցիչներից է Մարքսը,որը ամբողջ պատմությունը ներկայացնում էր որպես շահագործող դասի փոքրամասնության իշխանություն շահագործվող մեծամասնության նկատմամբ: Այսպիսով, պատմությունը պետք է շարունակվի`կրկնելով իրեն այնքան ժամանակ,քանի դեռ պրոլետարիատի վերջնական հաղթանակը վերջ չի տա շահագործմանը և տիրապետությանը: Միխելսը, Պարետոն և Մոսկան հնարավորություն էին փնտրում ժխտելու Մարքսի գաղափարները տիրապետության իրենց տեսություններով,որոնք պետք է լինեին շատ ավելի օբյեկտիվ և գիտական և շատ ավելի քիչ ռոմանտիկ և ուտոպիական: Քանզի կառավարող դասի տիրապետությունը անխուսափելի է,նրանք ապացուցում էին. լրիվ անիմաստ է հուսալ,որ փոքրամասնության իշխանությանը կարող է վերջ դրվել: Լենինը և Գրամշին,հետևելով Մարքսին, պաշտպանում էին այն գաղափարը,որ դեմոկրատիան գոյություն ունի միայն մակերեսին,որովհետև կապիտալիզմի ժամանակ բուրժուազիան իշխում է աշխատավոր դասին,բայց նրանք տարբերվում էին այն բանի ըմբռնման մեջ,թե ինչպես է այդ իշխանությունը ձեռք բերվում: Որտեղ Լենինը ընդգծում էր հարկադրանքը,Գրամշին,ինչպես և Մոսկան,շեշտը դնում էր գաղափարների և մշակույթի հեգեմոնիայի վրա:
Ինչու և ինչպես է կառավարում
փոքրամասնությունը
Փոքրամասնության իշխանության տեսությունները համոզիչ
են,որովհետև,ինչպես Մոսկան է նշում,դրանք հանդես են գալիս որպես ծանրակշիռ:Դրանք ամրապնդվում են ոչ միայն բազմաթիվ պատմական ապացույցներով,այլև բազմաթիվ հանգամանքներով,որոնք հիշեցնում են իրենց մասին,երբ մենք զբաղված ենք առօրյա գործունեությամբ և վերլուծում ենք մեր շուրջը կատարվող իրադարձությունները:Կարող է որևէ մեկը,ով ակտիվ է կազմակերպչական կյանքում,չնկատել,որ հաճախ նույնիսկ իբր թե դեմոկրատական կազմակերպություններում գոյություն ունի փոքրամասնություն,որը որոշումներ է կայացնում, և մեծամասնություն,որ հետևում է նրան: Եթե փոքրամասնությունը իրոք կառավարում է մեծամասնությանը,մենք կարող ենք հարցնել,թե ինչու է այդպես պատահում:Չնայած վերոնշյալ հեղինակները հատուկ ուշադրություն էին դարձնում տարբեր գործոններին,նրանք երևի թե կհամաձայնեին համեմատաբար կայուն սոցիալական,տնտեսական,քաղաքական կառույցների և ինստիտուտների վճռորոշ նշանակության հետ,որոնք հզոր ազդեցություն են գործում մեծ թվով մարդկանց նախապատվությունների և հանարավորությունների ձևավորման վրա համամատաբար տևական ժամանակաընթացքում: Եթե վերցնենք ծայրահեղ դեպքերը,երկրում,որտեղ կառավարում են զինվորականները,անկախ այն բանից,թե որքան մերիոկրատական կամ էգալիտար կլինեն հավաքագրումը և առաջխաղացումը,միայն քչերը կարող են մտնել կառավարողների խումբ: Բուրգի գագաթը տարածապես սահմանափակ է,իսկ ըստ սահամանման` փոքրամասնության կառավարման բոլոր տեսությունները մեկնաբանում են աշխարհը որպես իշխանության արհեստական կառուցվածք,որտեղ գագաթը համամատաբար փոքր է հիմքից:Հնարավոր է` բոլոր վերոնշյալ հեղինակները կհամաձայնեին նաև,որ վերջին 2 դարերում կապիտալիզմի,շուկայի և բուրժուական հասարակության կառույցները չափազանց կարևոր էին պետության բնորոշ գծերի որոշման մեջ: Կառավարող դասի առանձնահատուկ կառուցվածքը նույնպես որոշում են կարգավորումներ`նման վերոնշյալներին. Ինչ տեսակի մարդիկ ավելի մեծ հավանականությամբ կմտնեն դրա մեջ,իսկ ինչպիսիները`ոչ:Արդեն կառույցների ներսում,իսկ մեծ չափով նաև դրանց շնորհիվ, անհատները և նրանց ընդհանրությունները`դասերը, հասնում են տիրապետող դիրքերի: Անձնական հատկանիշները իհարկե կարող են նպաստել տիրապետող դիրքերի ձեռքբերմանը և ամրապնդմանը կառույցների միջոցով հաստատված սահմանափակումների ներսում: Մոսկան,Պարետոն,Միխելսը,նրանցից առաջ նաև Մաքիավելին ուշադրություն էին դարձնում խորամանկության, խորաթափանցության, Aհամառության, հավակնությունների(ամբիցիաների), խելամտության, առողջ դատողության և երբեմն նաև անգթության վրա: Մարքսը նշում է, թե ինչպես որոշ դեպքերում մարդ, որը չի տիրապետում կարողության,սակայն եռանդուն է,համառ և ընդունակ,կարող է դառնալ կապիտալիստ: Մոսկան,Պարետոն,Միխելսը առանձնացնում էին նաև կառավարվողների որոշակի հատկություններ, որոնք տրամադրում են նրանց ընդունելու և նույնիսկ ձգտելու տիրապետության: Պարետոյի համար դա կառավարվողների շրջանում մեծ տարածում ունեցող սովորություններն են,համոզմունքները,հակվածությունը կարգուկանոնին, ռիսկից խուսափելու ձգտումը,հնազանդությունը,կոնֆորմիզմը և իռացիոնալ միֆերի ընկալումը: Միխելսի համար` զանգվածների` կառավարվելու պահանջմունքը, նրանց քաղաքական երախտագիտությունը, լիդերների պաշտամունքը և այլն: Գումարած դրան,կախված առանձնահատուկ պատմական ժամանակաշրջանի ինստիտուտների և կառույցների պահանջներից, մասնագիտական գիտելիքները և հատուկ տեսակի հմտությունները կարող են օգտակար և նույնիսկ անհրաժեշտ լինել: Առանձին անհատական առավելությունները, որոնք որոշ մարդկանց հնարավորություն են տալիս մուտք գործել կառավարող դաս,կարող են ինտլեկտի պես մասնակի բնածին լինել,բայց անհատական առավելությունները հիմնված են նաև այնպիսի ռեսուրսների և ընդունակությունների վրա,որոնք սոցիալապես դետերմինացված են: Ռեսուրսները բաշխվում են`կախված ժառանգականությունից, սոցիալական դասից,բախտից և ձեռքբերումներից: Ինչ ճանապարհով էլ որ դրանք ձեռք չբերվեն, կրթությունը, բարեկացությունը, գիտելիքները, ինֆորմացիան, կարգավիճակը և այլ ռեսուրսներ մեծացնում են կառավարող դաս մտնելու անհատի հնարավորությունները: Եվս մեկ անգամ նշենք,որ այն չափով,որ չափով որ առավելությունները,որոնք փոխանցվում են շնորհիվ անհատական հատկանիշների,ռեսուրսների և տաղանդի, մեծացնում են դրանց տիրապետող հաջողակների շանսերը, դրանք ազդեցություն են ունենում միայն սահմանափակումների ներսում,որոնք հաստատվում են հիմնական կառույցների և ինստիտուտների կողմից: Պարետոյի խոսքերով ասած`<<կառավարող դասը,մյուս սոցիալական խմբերի նման, կատարում է ինչպես տրամաբանական,այնպես էլ տրամաբանությունից դուրս գործողություններ,բայց հիմնականում այն բանում,որ իրականացվում է կարգուկանոն կամ համակարգ, այլ ոչ թե անհատների գիտակից կամքը>>: ???? Այն միջոցների շարքում, որ կառավարող փոքրամասնությունը օգտագործում է իր տիրապետության ապահովման և ամրապնդման համար, դրա բոլոր ներկայացուցիչները որոշակի նշանակություն են տալիս ուժին և համոզմունքին: Բայց փոքրամասնության կառավարման տեսությունները մեծապես տարբերվում են այդ գործոններին տրվող կարևորության չափով: