Taner Murat

Ótken bír
şaklayga sewdam

CreateSpace Basîm Úyí

2010
www.tanermurat.com
manzúme-iy sewda
 Ótken bír
şaklayga sewdam
Bír şaklay kabîp ğuttum

Bír şaklay kabîp ğuttum

Bírgún
ğazîñ-gúní gálíba
óz azbarîmda
otîrîp úyúm aldînda
okîp renklí meğmuwamnî
ázír ertengí kaweme
aşayatîrganda
yemegímní
beşínğí sayifaga
kózlerímní
soganday
patlatkanîmda
bír parşa
pener alağak boldîm
bír parşa
sak bolmadîm
şanagîñ kenarîna
kelíp kongan
bír şaklay kabîp ğuttum.

5
 Ótken bír
şaklayga sewdam
Ay-way
Bír şaklay kabîp ğuttum

bír şaklay
o da ótken terakay
ne yaptîm men
degenşík
n-íşledím men
degenşík
sak bolgaydîm
degenşík
endí ka-termen
degenşík
tomalanîp şo şaklay
bír ğutum ewel sarîmay
man maylangan bogazîmnî
kullanîp taydîraktay
tayîp kettí
karînîma.

6
 Ótken bír
şaklayga sewdam
Kórdíñ mí kaday?

Bír şaklay kabîp ğuttum

Yaramaz şaklay
Wahşiy kagay
Moynîm baylay
Ózí ótken kuşka uşay.

N-íşliyím endí?
Ka-ttí ettí
íşliyğegín íşledí
maksatîna ğettí
kíríp íşíme yerleştí.

Ka-ttí yaptî
ózín attî
íşíme battî
yerín taptî
raátím sattî.

7
 Ótken bír
şaklayga sewdam
Endí men
Bír şaklay kabîp ğuttum

ne kadar
beş para bermiyím
íşíme karay-beriyím
yakîşmaz mením yaşîmda
bír erkekke
desem de
bolmay.

Ağîmasîz şaklay
sáde íşíme
kírgení men
nokta koymay.

Merhametsíz kagay
sáde karînîma
konganî man
toymay.

8
 Ótken bír
şaklayga sewdam
Hergún, her sáát

Bír şaklay kabîp ğuttum

Tapkanda fîrsat
Koşaksîz sebat
Boşîna lugat
Tabîlmaz neğat
Túmşugî alat
O kaza bír hat
O aşa nurbat.

Burgulap ğúregímní
bír teşík aşa
bír teşík aşa.
Yaslanîp góñílíme
raát yuwalana
raát yuwalana.

9
 Ótken bír
şaklayga sewdam
Yemegíme sak bolmay
Bír şaklay kabîp ğuttum

Kabîp ğuttum bír şaklay.

Góñílíme kol salîp
Şokîy-şokîy parşalay
Ğúregím men egleníp
Ístegeníndiy oynay
Kózín ğumup yuklasa
Kanat astînda saklay
Ğawun ğawsa íşíne
Yerleşe de yuwalay.

10
 Ótken bír
şaklayga sewdam
Şaklay karzak toplay

Şaklay balîklardan
bek hoşlanîr.
Eñ bek súygen balîklarîndan
karlîgaş balîgîdîr. Şaklay karzak toplay
Bír de taş balîgî.
Ker balîgîn da súyer
turna balîgîn da
tawuz balîgîn da.
"Olar maga
o kadar kóp uşay
ka-típ te súymem"
dep aytar. Eger bír
balîkka suklansa şaklay
kelínşek balîgîna suklanîr.
"Keşke bírgún
men de oga terakay
uşap ketsem", der.

11
 Ótken bír
şaklayga sewdam
Şaklay karzak man
ğílbíz toplamaga bek súyer.
Anasîn-babasîn yuwasîndan uşup
ketkenínden berítlí
bír súrúw karzak man
Şaklay karzak toplay

ğílbíz topladî.

Onîñ ğîyîmînda
Meleagrina margaritifera tabîlîr
dúrdane karzagî.
Heliotis iris'te tabîlîr
başka aytuwlî karzak, deñíz
kulagî.

Ve túrlí-túrlí başka
kól, ğîlga bír de deñíz
karzaklarî man
taşkulaklarî.

12
 Ótken bír
şaklayga sewdam
Ótken şaklay
karzaklarnî bek añlay
onlar man ótíp añlaşa
kullanîp aralarînda
ayîrî bír tíl
sîr bír tíl
Şaklay karzak toplay
ótíşe-ótíşe añlatalar
sayraşa-sayraşa bír-bírlerín
añlap kableteler.

Ótken şaklay şúndí

mína, mením katîmda.
Barabarmîz.
Bír-bírímízní
añlap kabletmege
elímízden ne kelse
onî yasaymîz.

13
 Ótken bír
şaklayga sewdam
Balîknî súygen şaklay
Túrlí tíllerden añlay
Bo tíllerní kullanîp
Şaklay karzak toplay

Yapkan íşí bek kolay

Kóllerden-deñízlerden
Karzak man ğílbíz toplay.

- Sakîn mení, ótken ğayka

Salma ğílbíz sîrasîna
Tîkma mení bír boşlîkka
Ekí karzak arasîna.

14
 Ótken bír
şaklayga sewdam
Şaklayîñ yîkpalsîzlîgî

Bír yîkpalsîzdîr
bo ótken şaklay.

Şaklayîñ yîkpalsîzlîgî
Kím men ómírínde
sayragan bolsa da
illa bír yerlerden
şîgîp bírşiyler
ya bazî sebepler
ílíşkísí yaman hálde
soñîşlangandîr.

Síptí sayraganda
Jim Morrison'nîñ sesín súyúp
onîñ artîndan sayrap ğúrgen.
The Doors man Jim
kaysî yerge barsa
o da onda edí
artîndan o da
heş kalmaz edí.

15
 Ótken bír
şaklayga sewdam
Hoşlanîp Jim de onîñ ótíşínden, oga
úyretken kóp şiyler.
"Ózíñní atmalîsîñ
eñ balaban
Şaklayîñ yîkpalsîzlîgî

eñ zor
eñ korkînş
eñ şeşílmez
korkîlarîñ arasîna.
Alîşîp kalganda
o balaban korkîlarga
başlaganda korkmamaga
kutulağaksîñ
azatlîk korkîsîndan da.
Mína, bodîr azatlîk!"
dep añlata edí
Jim oga
onîñ ótíşínden hoşlanîp.

16
 Ótken bír
şaklayga sewdam
Bírgún
Paris'te ekende
ótíp pítírgen soñ

Şaklayîñ yîkpalsîzlîgî
egleníp bír kenarda
sokaklarîñ barînda
ğalbarîp Jim şaklayga
"Maga da
wakît-wakît
zaman-zaman
bírew men paylaşmayğak
bírkaş dakka kerektír"
dep aşîp kapîsîn
abdestkanaga kírgen.

Terí pantolanlî
Kertenkele Tañrî
bírtaa aşîp kapînî
şîkmagan eken.

17
 Ótken bír
şaklayga sewdam
Şaklay soñra
Elvis Presley'níñ kîywaldawuna
ğúrek baylap ğúrgen
Şaklayîñ yîkpalsîzlîgî

amma maalesef
taa da ogîrsîz
taa da yîkpalsîz şîkkan.
Hakkîykatîn Elvis oga
bazda-bír
kiyípí yerínde bolsa
"There will be peace
in the valley"
dúrkúsún kîywaldar edí.
Amma torasî şo ke
şondan başka
Elvis oga
fazla zaman
ayîrmaz edí.

18
 Ótken bír
şaklayga sewdam
Elvis Presley
hewesín taa bek
şelpeklerden-tatlîlardan
almaga
alîşîp kalgan edí.

Şaklayîñ yîkpalsîzlîgî
Bonîñ úşún
zamanîñ kóbísín
şekerler úşún
tatlîlar úşún
ayîrar edí
zamanîñ kóbísín
onlarîñ arasînda
geşírer edí.
Şonday etíp
1977 senesíñ
awustos ayînda
bír şelpegíñ ústúne
fazla şeker kaşîrganda
Kral Elvis te
taşlap ğañgîz şaklaynî
ketíp bírtaa kaytmadî.

19
 Ótken bír
şaklayga sewdam
John Lennon man
şaklay tabîşkanda
ekewúñ de
Şaklayîñ yîkpalsîzlîgî

bútún hayatî deñíştí.

John oga
aşîk kózí men
kóríntíler kórmege
úyretmege başladî.
O da
bonday dersler alganîna
bek kopayîr edí.
Bírí-bírísín kayet
sayar edíler.
Ayîrîlmadan sáde
koltîklaşîp óter edíler.
Biñ bereket
bar eken dúniyada adalet.

20
 Ótken bír
şaklayga sewdam
Amma kîzganşlîk
tuwul mî, saga?
Torasîn aytağak bolsak

Şaklayîñ yîkpalsîzlîgî
John Lennon man
bolgan íşín-ílíşkísín
kópten pítírgen
Yoko Ono
"Men súyúp o kadar onî
men kolîñ tersí men
iteldím kaldîm"
dep ğîlanîp
Mark David Chapman atînda
bír şerefsízní ódep
1980-de
aralîk ayînda
John'nî kurşunlap
ótíşín kesken eken.

21
 Ótken bír
şaklayga sewdam
Bondan soñ
dargîn-dargîn
kaswetlí-kaswetlí
Şaklayîñ yîkpalsîzlîgî

umutsuz-umutsuz
sîrtîn tayatmaga
yerí kalmagan şaklay
bír kaplîmbakaday
tartîlîp óz kabîgîna
uzun bír súre
terk etkendiy dúniyanî
onday etíp yaşadî.
Kóríp sáde bazî úy íşlerín
kúnnúñ kóbísín
úyúñ íşínde
geşírer edí.
Bo turum kíríp hayatîna
Freddy Mercury
hayatî aydînlanmaga
başlaganşîk súrdí.

22
 Ótken bír
şaklayga sewdam
Freddy men de
herşiy baştan alîndî.
Şaklay Freddy'ge

Şaklayîñ yîkpalsîzlîgî
Freddy demez edí
Faruk der edí.
Turmadan
kalk Faruk'nî
yersíz yamanlaganîn aytîp
şaklay Faruk'ka
toz kondîrmaz edí.
Bírgún oga
sayrap Faruk
"I want to be free"
şîgîp kastanege bargan.
Bírtaa kastaneden kaytmagan.
Şaklay taa da ğañgîz-ğañgîz
koşaksîz bír kuş kalgan.
Yîkpalsîz bír hayat
yîkpalsîz bír şaklay.

23
 Ótken bír
şaklayga sewdam
Yîkpalsîzman dep şaklay
Keşe-kúndúz bakîrîklay
Şaklayîñ yîkpalsîzlîgî

Tuzlî balîk uzattîm

Heş kabletmiy, heş almay
Tírí balîk ta berdím
Tumşugun bírem salmay.

- Ğok bolsîn bonday yîkpal

Yemek tuwuldur dertím
Mení bírew añlamaz
Maga sayramak lázîm.

24
 Ótken bír
şaklayga sewdam
Şaklayîñ tumşugî

Şaklayîñ kalîn we kuwatlî

bír tumşugî bardîr.
Onî sáde mením íşímní-bawurumnî
parşalamaga kullansa da
o tumşugundan
Şaklayîñ tumşugî
heşbírzaman ayîrîlmaz.
Şaklay tumşugî man ğatar
tumşugî man turar.
Bírgún
mením íşím
yok ta tumşugun
kaydan tapkanîn
úyreneğek boldîm.
Ewelkí bír hayattan
kalgan eken
Amazon múrenínde
kîzîl turna
bolîp ğúrgen kúnlerínden.
Men oga inandîm…

25
 Ótken bír
şaklayga sewdam
"Aaa, añladîm.
Men de bírwakîtlar
Akyarda wurulgan edím"
dep sîramda
ğewabîn da berdím.
O maga inandî…
Şo man
Şaklayîñ tumşugî

tumşuk meselesí
o yerde píttí
o yerde kómílíp kaldî.
Çúnkí
bo meselení
bolay-típ kapatmasak
başka ómírímízde
yaşaganlarîmîzga
hesap bermege
zorînda kalağakmîz.

26
 Ótken bír
şaklayga sewdam
Íşíme kongan şaklay
Insan góñílín añlay
Ózí ózín súydúre
Ózíne kelse taşlay
Şaklayîñ tumşugî
Ózín sîrasîn atlap
Sabîrîmnî bek zorlay.

- Yazîk bolsîn saga, kagay

Ya bódene, ya bír torgay
Bolîp şîkkaydîñ aldîma
Tuwul sendiy, keskín gágáa.

27
 Ótken bír
şaklayga sewdam
Şaklay blue-jeans kíygende
Şaklay blue-jeans kíygende

Ótken şaklayîm man

búgún akşam
kíyíp blue-jeans-lerímízní
şîgağakmîz kasaba íşíne.
Aytkan edím mí?
Şaklay blue-jeans kíygende
blue-jeans oga
bek yakîşa.
Kazana ayîrî bír hawa
bír azatlîk
bír ózbaşlîk.
Şîgağakmîz heş tanîlmagan
bír ortamga.
Kenardakî bír mallede
tabîp kíşkene
bír kîrşîma
ğaşînmaga álemínde.

28
 Ótken bír
şaklayga sewdam

Şaklay blue-jeans kíygende

Búgún akşam
kíyíp blue-jeans-lerímízní
delí kíşílerdiy
ğanîmîz ne ístese
onî yapağakmîz.

Íşíp şarap
kade artîndan kade
dumanlatîrmîz sígara
íşe-íşe
aylandîrtîrmîz baş-kafa.

Úş aylîk kozîlarday
otlakka şîkkanda
oynarmîz bíz de sekíre-sekíre
şo kíşkene
kîrşîmanîñ ortasînda.

29
 Ótken bír
şaklayga sewdam
Şaklay blue-jeans kíygende

Soñra
adam-akîllî terlegen soñ
batkanda kafalarîmîz
adam-akîllî dumanga
bírleştírírmíz ğúrek
takîldamalarîmîznî
beríp kulak-kulakka
basîp kókírek-kókírekke.

Búgún akşam
şaklayîmnî óbeğek bolaman
şo yabanğîlîk
dúniyanîñ ortasînda
şo eğnebiyler arasînda.

30
 Ótken bír
şaklayga sewdam

Şaklay blue-jeans kíygende

Ak-Murun'da bír şaklay
Ğígerímní tîrnaklay
Mením ğanîm ateşte
Ağînîp bír suw atmay
Men ğanîp kúl bolsam da
Aylanîp ta karamay.

- Kollarîm arasîna
Kel şaklay, kel yaramaz
Wak sabiy bír óbúwden
Karlîgaş bírem kaşmaz.

31
 Ótken bír
şaklayga sewdam
Şaklay oyîn miydanînda
Şaklay oyîn miydanînda

"Ğanîm ótken şaklayîm

búgún akşamga
kîzîl entaríñní
kíyseñ bolîr mî?
Neşín deseñ
sen kîzîl renkke
baylîk beresíñ.
Kíyersíñ ğañî rugan
ayakkabîlarîñnî da.
Neşín deseñ
sen ruganga
kózní algan
ğîltîrîmlar beresíñ.
Sen ústúñe ne kíyseñ
beríp oga bír ústúnlúk
ózíñ ústúnlúgúñ
astîna parmak basasîñ."

32
 Ótken bír
şaklayga sewdam
Aytmadan geşmiyím
şaklayga kóre

Şaklay oyîn miydanînda

ókşelí ayakkabî
hayatîñ eñ balaban
heweslerínden sayîlîr.
Ótken şaklay
"Ókşelí ayakkabî
kîskaayaklînîñ bağagîn
gúzelleştíríp ğúrúşúne
letafet katar"
dep aytar
onîñ fíkírí bodîr.
"Şaklay, saga da
aytkan edím mí?
Akşamga oyîn
miydanî ázír
şîgayîk şo miydanga."

33
 Ótken bír
şaklayga sewdam
"Oyîn miydanîñ ortasîna şîkmaganşîk
kalk bízge baş kaytarmaz
Şaklay oyîn miydanînda

kalk bízge kol şarpîldatmaz."

"Eger oynagan oyînîña gúwenseñ

mína, sáde añlap oynaganlarga
awur hawa okîyğak
buyur miydanga.
Oynamak tírílík
oynamamak kastalîk."

"Ğañî ayakkabîlarîñ
ayagîn sîga mî?
Belletmemege şalîş
arabamda alîp keldím
saga pápíş."

"Ótken şaklayîm
kúlúmsúrep oynaganda
bek ğazibelísíñ."

34
 Ótken bír
şaklayga sewdam
Ótken yeşílkóz şaklay

Şaklay oyîn miydanînda

Moynîm sarîp kuşaklay
Boş ber dep ğalbarsam da
Ekí kolî boşamay
Súymem sení desem de
Sîkkanî heş ğîmşamay.

- Ğabîştîñ túşúnğeme
Uşup ket, ğîrtuwğî kuş
Sende merhamet bolmaz
Tuygî awğusî baykuş.

35
 Ótken bír
şaklayga sewdam
Şaklay man óbíşmiytanmîz
Şaklay man óbíşmiytanmîz

Bíz
ótken şaklayîm man
bek óbíşmiytanmîz
bíz kayet siyrek óbíşemíz.

Sáde bazda-bír
deñíz dalgalî bolganda
sáde owakît óbíşemíz.

Ya da
tîşarda ğawun
ğawmaga başlaganda.

Ya da
kagay kuşlarî
ğîyîk-ğîyîk bakîrîp
úyúmúzúñ ústúnden
uşup geşkende.

36
 Ótken bír
şaklayga sewdam
Ya da

Şaklay man óbíşmiytanmîz

ne bíliyím
tolînay keşelerínde.

Ya da
ğukağúrek dúrkúlerí
seslep otîrganda.

Ya da
sóndíríp şîraknî ğatağakta.

Ya da
saba yukudan turganda.

Ya da
aşap-toyîp
sîpîradan turayatîrganda.

Ya da
saba selamlaşîp
íşímízge ketiyatîrganda

37
 Ótken bír
şaklayga sewdam
Şaklay man óbíşmiytanmîz

Ya da
kaytîp íşímízden
úyledensoñ selamlaşayatîrganda.

Ya da
bír kanun meğlisten şîkkanda.

Ya da
awurup şaklayîñ arkasî
men onîñ
awurgan arkasîn
uwup alganda.

Bíz
ótken şaklayîm man
bek óbíşmiytanmîz
bíz kayet siyrek óbíşemíz.

38
 Ótken bír
şaklayga sewdam
Akşam bolayatîr.

Şaklay man óbíşmiytanmîz

Deñíz dalgalana.
Zerlek dalgalar wuralar ke
maniyení koparağak.
Kún batayatîr.
Kók bulutlana.
Kaberlerde aytalar ke
bo keşe ğawunlar ğawağak.
Deñíz yagîndan
toplaşayatîrlar ğîykîldap kagaylar
bízím úyúmúz betíne.
Bo keşe tolînay da bolağak.
Bo keşe
ótken şaklayîmîñ
awurup arkasî
men onîñ arkasîn
uwup algan soñ
başta yawaştan
moyînîn óbeğekmen
soñra ótken şaklayîm man
toya-toya óbíşeğekmíz.

39
 Ótken bír
şaklayga sewdam
Şaklay man óbíşmiytanmîz

Tílí balday bír şaklay

Heş awuzun toplamay
Tîraşsîz betleríme
Pítín óbíşín saklay
Mîyîklî erínímden
Mení óbíp toktamay.

- Toktap-tur kuş, şaytanlî

Bír solîşka músaade
Toymay kalgan şapkîn kîz
Yapkanlarîñ ziyade.

40
 Ótken bír
şaklayga sewdam
Şaklayîñ aşçîlîgî

Bazda-bír
ótken şaklay maga
akşam yemegímní
píşíríp ázírliy.
Şonday bír
añlaşmamîz da bar.
Şaklayîñ aşçîlîgî
Akşamga
ne píşírse píşírsín
sáde mením aldîma
sedeflí karzak
akelíp salmasîn.
Sedef
mením bírínğí
sewdamnî
akîlîma akelgení úşún.

41
 Ótken bír
şaklayga sewdam
Men, ne bolsa-bolsîn
ótken şaklaydan heşbírwakît
ne píşírgenín soramam.
Tabiy, bek aşîksam
sorarman, o sayîlmaz.
Mína, bolay-típ
bírgún yorgîn-argîn
Şaklayîñ aşçîlîgî

íşímden kaytîp
úyge kelgende
kayet aşîkkanîma
"Ne píşírdíñ ótken
şaklay?" dep soradîm.
O da maga ázírlegenlerín
sayîp saldî:
"Katîklî-koşaplî kalakay"
Inangîñîz kele mí?
Pítín akşamnî
pítín keşení
toktamadan kúlúşúp geşírdík.

42
 Ótken bír
şaklayga sewdam
Aşçî sîrasînda şaklay
Añlaşmanî taptalay
Sedef karzak kaynatîp
Ğaralarîm kamalay
Şaklayîñ aşçîlîgî
Mení wurup-awnatîp
Ózí raát ğatîp yuklay.

- Eskí ğara aşmayîk

Bar edí, dep, sózímíz
Sen sózíñde turmadîñ
Pakîlğî, ağîmasîz!

43
 Ótken bír
şaklayga sewdam
Şaklay man tawga barsak
Şaklay man tawga barsak

Şaklay yeşíllíkke bayîlîr.

Hawa árúw bolganda
kaşîp kasabanîñ
kalabalîgîndan
tawga baramîz.
O yerde
Şeramet tawunda
dere boyînda
bír konîlga ğayîp
pítín-gún otîrîp
raátlenemíz.
Barganşîk, ğolda
Kíríşlíkte
kóylí apakaylar
ğolîñ kenarînda
sîralap sepetlerín
ğemíş satîp turalar.

44
 Ótken bír
şaklayga sewdam
Erík kórse

Şaklay man tawga barsak

ótken şaklay dargîn
kíşí bolîp ğîlamsîray
"Ğanîm erík ístedí"
dep. Men de
oga fazla
tíl tóktírmeden
tartîp arabanî
bír kenarga, toktataman.
Bír sepetke
tîgîp kollarîmnî
bír awuş erík
şîgarîp karayman.
Eríkler píşken
kúneşte tîpkî kógerşín
ğúrekleríndiy ğîltîray.
Şo kógerşín ğúreklerínden
satîp alîp şaklayga
ikram etemen.

45
 Ótken bír
şaklayga sewdam
Şeftalí kórse ótken
şaklay dargîn kíşí
bolîp ğîlamsîray
"Şeftalí aşagîm kele"
Şaklay man tawga barsak

dep. Men de:

"Amma ğanîm
sen bonday yapa-bergende
turmadan bírşiyler
ístiy-bergende
mení yorîltasîñ"
dep aytmayman
taa da arabanî
tartîp bír ğagaga
taa da toktataman.
Bír sepetke
tîgîp kollarîmnî
şîgarîp bírkaş tane
balaban şeftalí, karayman.
Şeftalíler píşken
kúneşte tîpkî ataman
ğúrekleríndiy ğîltîray.
Şo ataman ğúreklerínden
satîp alîp şaklayga
ikram etemen.

46
 Ótken bír
şaklayga sewdam
Şaklayga

Şaklay man tawga barsak

her ğemíşten
alîp ikram
etken soñ
góñílín alaman.
Akşam úyge
barganda şaklayîñ
aşayatîrgan
şefatlísínden men de
bír tíşlem ístiymen.
O, kolîn
uzatîp şeftalí bergende
men yañgîşkanday etíp
şeftalíníñ yeríne
onîñ parmagîñ
uşun yawaşça
tíşlep óbemen.

47
 Ótken bír
şaklayga sewdam
Kórmedím onday şaklay
Şaklay man tawga barsak

Daametíp ğîlamsîray
Men erík ikram etsem
O ğígerímní saplay
Şeftalí alîp bersem
Búyregím şokîp karay.

- Buyur, bír şeftalí tíşle

Koramîzdan bír şeftalí
Parmaklarîñ tane-tane
Kel óbiyím tatlî-tatlî.

48
 Ótken bír
şaklayga sewdam

Şaklay man haftasoñîlarîmîz

Şaklay man haftasoñîlarîmîz

Haftasoñî kelse bíz

ótken şaklay man
bírí-bírímízge uzak turamîz.
Kolîmîzîñ artî
bírem tiyíşmiy.
Úylege, ústúne
sarîmay ğagîp
bír tílím ótmekní
bólíşíp paylaşîrmîz.
Salkîn-salkîn
ğemíş suwumuz da
tabîlîr buzdolabîmîzda.
Úyleawgansoñ
okîp men oga
sewda manzúmelerí
o maga kalîn-kalîn
órme órer.

49
 Ótken bír
şaklayga sewdam
Şaklay man haftasoñîlarîmîz

Músúr akelemen
músúr patlatîp
eskí parşalarnî seslermíz:
Jimi Hendrix
Janis Joplin
Aretha Franklin
Eric Clapton
Carlos Santana
Cat Stevens.
Ke bíz tek
eskí parşalardan
añlay-alamîz.
Soñra Jimi Hendrix'níñ
ya da Janis Joplin'níñ
ólímíñ artînda
bolgan aslî sebeplerní
tartîşmaga başlaymîz.

50
 Ótken bír
şaklayga sewdam

Şaklay man haftasoñîlarîmîz

Ya da
Cat Stevens
alîp atîn Yusuf Islam
músúlmanlîkka geşkende
pop muzikasîndan ayîrîlganî
dogrî bolîp bolmaganîn
tartîşmaga başlaymîz.
Tartîşmalarîmîzîñ
eñ gúzel yagî
şodîr ke
sîra man kazanamîz.
Bazîlarî o mením
yakîştîrgan sebeplerímíñ
ústúnlúgún tanîy
bazîlarî da men onîñ
kóríşín taa dogrî
ekenín kabletemen.

51
 Ótken bír
şaklayga sewdam
Şaklay man haftasoñîlarîmîz

Ótken ğoldaşîm şaklay

Ómírímní yazîklay
Men íşímden şîk diymen
O aytkanîmnî saymay
Men onî kuwalayman
O da kiyípín heş bîzmay.

- Kes dalganî ótken martî

Uşup ğelíñ kuyrugunda
Tabîşayîk mabet úşún
Deriyanîñ ğagasînda.

52
 Ótken bír
şaklayga sewdam
Ótken şaklayîñ asîl atî

Ótken şaklayîñ asîl atî

Ótken şaklayîñ asîl atî

Şaklay tuwul.
Men oga
íşímní-bawurumnî parşalagan
kuwatlî bír tumşugî bolganî úşún
Şaklay dep aytîp alîşîp kaldîm.
Yoksam
menden atîn sorasañîz
men onîñ atîn bírem bílmem.
Çúnkí bíz
heşbírzaman bír-bírímízden
asîl atîmîznî soramadîk.
Çúnkí bíz
heşbírzaman bír-bírímízden
asîl kím ekenímízní soramadîk.
Men sáde onday alîşîp kaldîm.
Men oga onday aytaman.
O mením úşún Şaklay
O mením úşún Ótken Şaklay.

53
 Ótken bír
şaklayga sewdam
Ótken Şaklay
ortalîkka súygí bagîşlar.
Ótken şaklayîñ asîl atî

O onîştan tuwgan
súygí bagîşlamaga
súygúnúñ ózegí
bolmak úşún tuwgan.

O onîştan tuwgan
bo dúniyanî
ózín gúzellígí men
ózín árúwlígí men
ózín ğuwaşlîgî man
ózín inğelígí men
ózín letafetí men
kuşaklap almak úşún tuwgan.

O onîştan tuwgan.

54
 Ótken bír
şaklayga sewdam
Men men dost bolgan şaklay
Akîlîmdan heş taymay
Inanîlmaz bír masal
Ótken şaklayîñ asîl atî
Mením atîm tanîmay
Omîzîma baş salîp
Ózínkísín de saklay.

- Insanulî kolîñnî
Ber uşayîk taşlîkka
Saray kurup merğandan
Yaşatayîk adem-ğayka.

55
 Ótken bír
şaklayga sewdam
Elveda ótken şaklay

Búgún şaklaynî
hawaalanîna
ozgarîp kayttîm.
Ğolda konîşmadîk
Elveda ótken şaklay

sessíz edík.
Ózí kulaklîk tagîp
bútún ğol dúrkí sesledí.
Hawaalanî kalabalîk.
Bír torbanîñ
ústúne otîrgan
karap sáátke
o maga
"Máálí keldí, elveda!"
dedí. Men oga
"Elveda ótken şaklay!"
dedím. Şo man
ğollarîmîz ayîrîldî.

56
 Ótken bír
şaklayga sewdam
Úyge kaytsam
túrlí-túrlí şiylerge
bolağak-bolmayğakka
tolî bír úy.
Hawa kaberlerínde Elveda ótken şaklay
Kara Deñíz men Balkanlar
bír kar boranîñ astînda
kalağaklarîn aytalar.
Ğolşîlarîñ dîkkatîna
ayta-ayta turalar:
tayyare seferlerí
iptal bolağak
hawaalanlarî, limanlar
karağollar kapalağak eken.
Úynúñ íşínde
taa kóp
aylana-aylana tursam
elvedalîk manasîñ derenlígíne
buwulmaga başlayğakman.

57
 Ótken bír
şaklayga sewdam
Elvedalîk
koparîlmadan solgan gúl.
Elvedalîk
totîrîlmagan kade
boş kalgan şanak.
Elveda ótken şaklay

Elvedalîk
kulagînda bîzîldagan sessízlík.

Elvedalîk
keleğegíñ túkenmegen tasawurlarî.

Elvedalîk konîsînda
bílmeñíz kerekken herşiy bodîr.

Mením
bír ótken şaklayga
yaşagan sewdama
búgún nokta.
Nokta we tamam.
Yarîndan dewam.

58
 Ótken bír
şaklayga sewdam
Ótken şaklay, elvedalar,
Aydîn kókler, hoş hawalar,
Deñíz aşîp şo taşlîklar
Elveda ótken şaklay
Álemíne raát uşuşlar!

Ğanîm kîzdîrmay saraylar

Dúrdaneler men merğanlar.
Káfiy maga óz evrením,
Ata ğurtî, ak kefením…

59
 Ótken bír
şaklayga sewdam
5 Bír şaklay kabîp ğuttum
11 Şaklay karzak toplay
15 Şaklayîñ yîkpalsîzlîgî
25 Şaklayîñ tumşugî
28 Şaklay blue-jeans kíygende
32 Şaklay oyîn miydanînda
36 Şaklay man óbíşmiytanmîz
41 Şaklayîñ aşçîlîgî
44 Şaklay man tawga barsak
49 Şaklay man haftasoñîlarîmîz
53 Ótken şaklayîñ asîl atî
56 Elveda ótken şaklay

61