Inkhawmna – St. George’s Church – Abids.

-Dar 3:00 pm

Tlang Thawveng
B.Sanga
“Pathian, hmasanga thlahtute hnena bung tam tak leh kawng tinrenga Zawlneitea thu lo sawitu khan, heng ni
tawpah hian keimahni hnenah a Fapaah chuan thu a sawi ta.”

Pathian hian mihringte hi tum feltak neiin min siama; amaherawhchu A siam mihringte chu sualah tluin
Amah nen mi hrang kan lo ni taa (Gen 3: ). Pathian leh mihring kan inzawm leh theihna turin Pathianin
bung thar pawimawh deuh deuh pahnih min kaipuia, Thuthlung Hlui leh Thuthlung Thar lo awm chhan
ti ila kan fiah thei awm e. Dan leh khawngaihna ti te pawhin kan sawi thei bawk ang. (Kan hriatfiah
lehzual theihnan Rom leh Galatia chhiar nise.)
Sinai Tlang: Pathianin Mosia kal tlangin Sinai
Tlangah A mite hnenah Dan a pe a. He Thusawm
pek Dan hi Lalpa hmaa an thiam chan ve theihna
tura Lalpa thuthlun a ni. Chutichuan Dan chuan
Sual a rawn hailing ta a; zawm tura thupek a nih
rualin sual inhriatna Darthlalang a ni mah ta zawk
a (Rom 5:20) Awtsuh tih thupek chuan Awhna hi
sual a ni tih a tilang chiang a, Ru suh tih thupek
pawhin rukruk hi sual a ni tih a hailing zual a ni.
Chutiang zelin a dang te pawh.
Pakhat Zawm mah thil harsa anih vei nen sawm
zinga pakhat lek zawmloh pawh suala ngaih Lalpa
mithmuhah a ni zel si a (Gal 3:11). Tumah Pathian
mithmuhah Dan avanga thiam chang an awmloh
avangin kawngdang ‘Inthawina’ A ruatsak taa. Mi
a thil tihsual avangin Pathian hnena ngaihdam
dilna’n ran thisenin Pathian hmaah an inthawi a,
chumi avang chuan Lalpa’n kum khat chhung atan
alo ngaidam thin a ni. (Kum khat chhung a
ngaihdam hmak avangin an sual leh em tih lam a
ensak tawhlo! Sawi awlsam ka tum lam nilovin,
kan tana awmzia a neihzawk nan leh kan sawi tur
zela fiah zawk nan.)
Atira Bible chang kan tarlan ang khan Pathianin a
Zawlneite a hmang tangkai em ema, A mite an
kalsual thui lutuk tur te, an peng hla lutuk tur te
vengtu leh an tana inthawina maicham buatsaihtu
atan a hmang a ni. Dan chuan mihring min ti fel zo
bik si lo; Zawlnei an ral a, Zawlnei dang a ngai
lehzel bawka, mihring aiin Lalpa a beidawng zawk
ti ila kan sawisual awm love.
Kalvari Tlang: Dan thute kan zawm famkim
theihloh avangin Isua Krista, Pathian fapa ngei chu
he khawvel ah a rawn kal ta a (Rom 8:3-4, Gal
2:21). Amaherawhchu Dan sawm pawh kan zawm
theihloh nak alaichuan a hma aia khirh zawkin
Zirtirna thupek min pe a (Mat 5:21-48). A mak hle
mai ti rawh u!!! Engtinnge ni ta ang le?
Sinai Tlang mahin min phut nasat tawh tehreng
nen, a aia nasa zawk Lalpa’n min beisei leh tlat a, a
chhan chu kan Pathian hi sual ngaitheilo,
thianghlimnaa khat a nih tlat vang a ni. Sinai Tlang
Dan chuan mihring ah bat a siam ringawt a,
Kalvari Tlangah erawh a phut mihring lamah
Lalpaa a tang tel ve tat lat a ni. Ran thisen chuan
mi pakhat tan zel kumkhat chhung atan lek a daih
a, Lal Isua thisen erawh chuan mi zawng zawng
tan, Chatuan daihin a rawn tlingtla ta a ni (Heb
9:27). Leilung pian hmaa talhtawh Beramno
thisenina khawvel a chhandamna hi Pathian
thilthlawnpek, khawngaih chunga khawngaih leh
chhawnna a ni (Joh 1:16).
(Phek lehlamah chhunzawm…)
26th December 2010
Joint Fellowship Programme
Hruaitu : Tv. Malsawmdawngliana Lailung
Tantu : Tv. P.C Vanlalruata
Bible Chhiar : C. Laldinpuii (Mat 12:33-37)
Lalremkima (Lev 14:13-20
Thawhlawm : Nl. Ramthianghlimi
Tv. HVL Zarzoliana
Sharing : Pi Lalmalsawmi
Tv. C. Lalremruata
Special Item : Group tin atangin
HMCF Chanchinbu-Vol-IX-Issue-41-Ni-19.12.’10 (Pathianni)

Create PDF with PDF4U. If you wish to remove this line, please click here to purchase the full version
 Editorial Board
Editor: K. Lalromawia (9963690836) Amaherawhchu I rinna erawh tlai takah, I tan a
Joint Editor: Benjamin Lalfakzuala thi a ni tih I hriat veleh Kraws-a a thihna ringtu
Cir. Manager: Cindy Zonuntluangi ah I tel ve a ni tih I man fiah thei ang.
E-Mail: Lalromawia_kh@yahoo.co.in
Bena5150@yahoo.co.in A nih leh a lo va awlsam awm ve? Chu tak chu
alawm khawngaih chunga khawngaih leh
chhawnna chu ni. Krista, kan rinna siamtu leh
Krismas ni lo thleng turin ni ruk tifamkimtu (Heb 12:1,2) chuan Ama rual veka
chiah nghah a lo ngai leh ta reng mai min kai thovin, van hmunahte Ama hnenah min
le. Kan va han nghakchhuak teuh thuttir ta a lo ni (Eph 2:6). Kan sualpu taksa zawk
tawh em! hi Ama hnenah khenbeh a ni a, Krista rualin
Kraw-ah kan thi a, phum kan ni a, kan nunna
HMCF Executive Committee lam pawhin program erawh chu Ama hnenah thuhrukin a lo awm ta a
nawm hmel tak tak a duang a, Pathianin rem a tih ni (Kol 3:3).
chuan Urlawk zan te leh Krismas ni te, fellowship
etc te pawh lo rel lawk anga nuam tak leh hlawk Anihlohleh nun ber a thuhruk chuan he
taka hman theih in beisei ila.
khawvelah sual ila enge a pawina awm? (Rom
6:15). Chhandamna I hrefiah a nih ngat chuan
Hetia kan sawi lai reng hian zirna lamah chuan
Exam pawimawh tak mai NET exam chu chutianga awm tur I nihlohzia I chiang ngawt
Chawlhni lehpek khi a lo ni veleh ta reng maia. ang le. Kraws ah khan kan sual hi a khengbet
Hyderabad atang pawhin NET exam ziaktur tam lova, a ni, mihringah hian ala awm renga, mahse
tak an awmin a rinawm. Krismas boruakin min a sualpu taksa zawk kha a ni min khenbehsak tak
chiah nasa mai lehnghala, NET exam tur zawng zawk ni. Isua Kraws-a khenbeh a nih khan tuihal
zawngte tan tha taka an inpuahchah theihnan leh
dang charin a awm tih kan hria. Nimahsela an
Krismas tha taka kan hman theuh theihnan I
tawngtai ang u. khenbeh tlat avangin he khawvel tui te banin a in
theilo a ni.

Chhunzawmna… Engtiklai pawhin hmelmapa hian min bei dawn a

He Bible changa kan hmuh ang hian chu Isua
famkimna chu kan chang theuhva, a famkimna
kan chan dan in chhui leh dawn the ang.
Anih loh leh khawngaihnaa chhandam kan nih
avang chuan kan vai hian Vanram kan kal ringawt
mai dawn em ni? Hnai love, “Amah chu tupawh a
ring apaing an boral lohva, chatuana nunna an
neih zawk nan (Joh 3:16)” a ti a ni. Krista rinna
avanga thiam chang tur zawk kan lo ni. Engtia rin
tur nge?
Bill Gates-a hi mi zawng zawngin a hausak kan
ring vek ang chu tiraw! A hausakna ring tak tak
tute chu ama vua leh vangte an ni. Thuthlenga kan
thut hian tlak kan hlau lo a ni. Thutthleng
rinawmzia ka hriat avangin tlak hlau lovin min
siam a, ka ring a ni. A awmzia berah chuan I pian
hmain ringtu ah A siam tawh che.
ni. Chutiang zawnga tlan thei ziazang kan ni
tawhlo tih he khenbehnun avang hian a lang
chiang a ni. Chu chu a ni Paul’an nitin ka thi thin
a tih chu. Tlang Thawveng thawvenna hi nakina
kan ro chan tur zawk lam thil anih avangin rinna
intlansiakna ah hian chhel tak leh huai takin tlan
zel ila (Tirh 20:24, II Tim 4:7). FATAK kan nihzia I
lan tir ila, hmalam panin I tlan zel ang u.
12TH DECEMBER INKHAWM REPORT
Inkhawm zat: Puitling: 95
Naupang: 12
Total: 107
Thawhlawm: Puitling: Rs. 1134/-
Naupang: Rs. 105/-
Total: Rs. 1239/-

Create PDF with PDF4U. If you wish to remove this line, please click here to purchase the full version
 Isua Rilru
Rev.Zairema

“Krista Isua rilru ang hi nangni pawhin pu ve zêl rawh u. Ani chu Pathian anpui ni mah sela Pathian
tluka awm chu tum tlat turah a ngai lo a, mahni intitlâwmin, bâwihah a insiam a, mihringa lo piangin
mihring a lo ni ngei nâ a, a inngaihtlâwm a, thi khawp hialin thu a zawm a, Krawsah a thi ta a. Chuvang
chuan Pathianin ani chu a dah sâng ta ber a, hming zawng zawnga hming chungnung ber a pe ta a.
Tichuan Isua chawimawiin mi tin, vana mite, leia mi te, lei hnuaia mite a hmaah an thingthi ang a,‘Isua
Krista chu LALPA a ni’ tiin an puang ang.” - Philippi 2:5-11

Mi rilru hi hriat mai theih a ni lo, amaherawhchu
an thil tih danah an rilru kalphung chu a lang lo
thei lo. Isua rilru kalphung pawh kraws a tuarnaah
a lo lang a, Paula hian chu chu a hmu chiang hle.
Chutiang rilru chu amah pawhin a pu a, a lehkha
chhiartute pawhin pu ve ngei turin a duhsak a, he
lai chângah hian a târ lang a ni. A thu a fiah zâwk
beiseiin lehlin thar hmangin i han chhui teh ang.
Judate chuan mihring Isua chu an hmu a, Pathian
anga siam a nih chu an pawm thlap, mihring maiin
Pathian a an dan erawh chu sawi fiah a har deuh
thin. Thlêmtuin hmeichhia a thlem khân, ‘Pathian
anga a chhia a tha thlei theih,’ tih a ni. Pathian
tluka awm chu mihring châk zâwng tak a ni.
Mihring chuan kan nihna pângngai aia sâng nih
duhna rilru kan pu.
Isua erawh chuan Pathian tluk renga awm chu
vawn tlat tum tun turah a ngai lo, mihring a lo ni
ta zâwk a. Mihring nih hi Pathian lam ngaihtuah
chuan hniam tak a ni. Hei hian Pathian rilru leh
mihring rilru kalphung a tilang – mihringin
Pathian tluk a duh a, Pathianin mihringa awm a
rawn thlang ta zâwk a ni.
Mihringa Isua a lo awm hi a Grik tawng chuan
‘kenosis’ tiin an sawi a, bêla tui ‘bun ruah’ ang
deuh hi a ni, mahse, ‘intitlâwm’ tih hian a awmzia
a phawk tha tâwkin a lang. Isua nihna thûah
theology kalpui dan thenkhatah a Pathianna kha
dah tha a, mihring rawn ni ta angin an sawi.
Chutianga ngaih theih loh turin ‘a inngaitlâwm,
mahni inhre chang lo’ tih a dik zâwk ang.
Mihringa a lo chan kha Pathian tân chuan a hniam
êm, mahse Isua kha mihringah ngei a lo chang a,
mihring ang chiahin a seilian a. Heti chung hian a
Pathianna chu a keng tho si. Mihring chiah a nih
avangin mi dang angin Pathian anga awm rawn
duh ve mai awm tak a ni, mahse amah a inhre
chang lo. Mihring pângngai a an lohna chu a
inngaihtlâwmna hi a ni. Bâwih dinhmuna din a
hreh lo, bâwih dinhmun a hniam hle,
chhiahhlawh an ni a, hetih hun lai phei hi chuan
ram tam berah chuan an puten bâwng chhawrin
an chhawr a, vaw hlum mah se a pawi lo, an duh
hun hunah an talh thei tih tur a ni. Bâwih
dinhmun aia la hniam leh chu krawsa tuar turte
hi an ni.
Rorêltuin thu a tihfel tawh chuan khawvêlah eng
mah neih a nei lo. Saruak tak takin a taksa pawh
an khêng bet, Judate erawh chu an duat deuh a,
hrenpereng an hren an phal, chu chiah chu an thil
neih chu a ni. An dam laia an thil neih dang chu
an chân vek. Hei aia hniam dinhmun hi a awm
thei lo – hemi thlenga Isua a zu ding ta hi a
intitlâwm a, Pathian thu ang anga awm a tum tlat
vang a ni. Amah a inhnâwl daih a, Pathian
hnênah a duh ang tihhlawhtlin a tum ve lo.
Kraws tuar chu a huphurh hle, ama thu chu ni se
pumpelh a duh, Pathian hnênah pawh la bo turin
a ngên a, mahse a dil vang ni loin Pathian thu thu
ni se a duh tih a sawi chiang. Pathian thu zawma
mihring dinhmun hnuaihnung ber a zu liluh
thleng hi Pathianin a chawimawina chu a ni.
Isua chu a thi a, a tho leh a, Pathian ding lam
vanah a han thu ta a, hei hi Pathian chawimawina
chi khat chu a ni. He lai changa Pathian
chawimawina a tih nen hian ngaihfin loh tur a ni.
Tirhkoh Johana chuan Isua krawsa a tuar thu a
sawi apiangin ‘a ropuina’ tiin a sawi thin. Isua
ropuina lai ber chu mihringin mualphona tawp
nia kan ngaih thin chu a ni. Mihring pawhin mi
inngaitlâwmte chu kan lo ngaisâng khawp mai,
keini kan inngaitlâwm ve peih lo thin nâ a.
(Phek li naah chhunzawm…)

Create PDF with PDF4U. If you wish to remove this line, please click here to purchase the full version
 Chhunzawmna…
Mahatma Gandhi chu chêksawlh theih loh
khawpin a inngaitlâwm a, kan ngaihsan phah a.
India rama mi hnuai ber hmun phiatte pawhin an
khawih ten duat taka a enkawl liak liak avangin
Mother Teresa chu ringlo khawvêl pawhin an
ngaihsan, khawvêl chawimawina sâng ber Nobel
Prize a hmu a ni.Isua ngeiin ‘Thuhnuairawlhte chu
an chan a tha e, ram chu an rochung dâwn si a’ a ti.
Inngaihtlâwm te, thuhnuai rawlhte hi nêpna niin
kan ngai, han inlek deuh thâr hi kan ngaisâng
zâwk fo. Kristiana chu vanram kawng a zawh laiin
In Mawi a han thleng a, Vanram lanna pindanah
an muttîr a. A tûkah chuan Zahna kawn
(Inngaihtlawmna)-ah a chhuk thlâk a tûl ta tlat
mai, vawi thum a tlu a ni.
Isua zuitu intite ngei pawh hian a tlâwm zâwk nih
chu kan hreh. Kohhran pawh kan inropui siak fo.
Kan Kohhran hian Pathian thu keng bîk deuh
zâwk tein kan inngai thin. Biak in thatah te kan in
el, inelna sual a ni lêm lo thei. Kan rilru a dik em?
Isuan, ‘Thlarau lama an pachhiatzia inhriate chu
an chan a tha e, vanram chu an ta a ni si a’ a ti
bawk. Thlarau lamah pawh kan in dah û hle thin.
Mi dang chu kan hmu neu zâwk fo. Kan Kohhran
hruaitute meuh pawh Thlarau dawng ve lo,
piangthar ve lo niin kan hre fo, kan indah
chungnun vang a ni. Pathianin a chawimawi chu
Thlarau lama an pachhiatzia inhria, hniam hlea
inhre thinte hi an ni.
Paula’n Isua hi mihring ngei a nih a hre chiang hle,
kum thûah an inrual deuh thaw a, a mit ngeiin
hmuh pawh a hmu awm e. Heti taka Isua
inngaihtlawm avang hian vana mi te, leia mi te, lei
hnuaia mi te a hmâah an kûn lo thei lo. Hming
ropui ber Pathianin a pe ta a ni. A hmaa thingthi
zawng zawngte hian ‘Isua Krista chu LALPA a ni’
an ti ngei dâwn. Tirhkoh hian hmun dangah pawh
‘Isua chu LALPA a ni’ titu chu chhandam an nih
tur thu a sawi. Thuthlung Hlui lamah chuan Lalpa
tih hi LALPA tiin hawrawppuia ziak a ni thin,
IAHUA (Jehova) tihna a ni. Judate tân mihring mai
chu IAHUA, Lalpa han tih rual a ni lo, lunga den
hlum theihna khawpa Pathian sawi chhiatna a ni.
Mahse, Paula hian Pathian rilru Isua rawn tihlan hi
ngun taka a ngaihtuahin Isua mihring chu Pathian
a lo ni ngei tih a puang thei ta a ni. Isua rilru put
dan ang kan put ve hi Kristian nun vawrtawp a ni
tur a ni. Hei hi a ni khawvêl chhandamna tur
kawng chu Kraws kawng hi, chu chu Pathian
thiltihtheihna thurûk chu a ni.
Create PDF with PDF4U. If you wish to remove this line, please click here to purchase the full version
Kan Chhungkua
@ October-a HMCF retreat naa min hmanpui
tute Vanlalsailova leh a team Counter for Christ
Ministry-te chuan Serchhipah rawngbawlna an
nei zawh hnuah, kar kalta nilaini 15th Dec atang
khan Sialsuk lamah rawngbawlna an nei leh a, I
tawngtaipui ang u.
@ Khandwa, Madhya Pradesh a kan missionary
support thin Lalventluanga thawhna bialah
kumin chhungin ringthar 10 Pathian hnena an dil
chu mi 11 in Baptisma an chang tawh a, Pathian
hnenah lawmthu i sawi ang u. He hmunah hian
kum hnih chhung a awm tawh a, ring thar 29 an
awm tawh a ni.
@ Nimin 18th December, 4pm khan Tv. K.C.
Lalmuanpuia inah HMCF Hruaituten zanriah ei
hovin Pathian Thu a inpawlna leh Pathian faka
zai hona hun an hmang a, an hlawk tlang hle.
Krismas leh Kumthar Programme Pathianni
hmasa a chhuah tawh kha tlemin tih danglam a
ni. Hetiangin:
@ Ni 24th Dec (Urlawk) zana Fellowship
Hruaitu : Tv. KC Lalmuanpuia
@ Ni 25th Dec (Krismas Ni)
Sermon : Pu Zohmingthanga
@ Ruai buaipuitute ah Pu Laldinliana telh a ni.
@ Krismas thilpek tur atana HMCF in bawm a
dawh ah hian BiakIn-ah chuan vawiin bak a a
thlak theih dawn tawh lova, chuvang chuan
thahnemngai takin mi dangte tana Krismas
thilpek pe turin tan ila ang u.
NOTICE:
@ Krismas leh Kumthar Ruai committee te tun
Inkhawm banah hian inhmuhkhawm tur a ni e.
@ Ni 22 Dec (Nilaini)-a Dream Home Project,
Nagaram-a mi enkawltu Pu Arona'n Semi
Christmas an hman na turah HMCF zaipawl te
min rawn sawm a, hetah hian zaipawl bakah a
thei thei kal nise tiin HMCF Ex.Committee chuan
a rel a, a kal man hi HMCF in a tum dawn a ni.
Heta kal tumte chu hemi ni tlai dar 3pm ah Pu
Lalduhawma te in, Sainikpuri-ah innghahkhawm
tur a ni. A thei thei kal i tum ang u.
Published and Edited by Benjamin Lalfakzuala for and on behalf of
Hyderabad Mizo Christian Fellowship