Tarrafal Kapital

By Dr. Azágua

Didikadu pa Neida Monteiro

Tarrafal é kapital
Tarrafal é txon di kal!

Ken ki ben t’atxa-l

Ken ki bai ta dexa-l.
Ken ki ben di terra lonxi
Ta ben, ta konxi.

Tarrafal é kapital
Tarrafal é txon di kal!

Nu ten txêu ki konta

Di tudu nos afronta
Má simé,
Sima na San-Tumé
Nu luta
Nu labuta
Tê ki nu disfruta!

Povu intilijenti
Di kara kontenti.
Nos minis ten juís
Es sta tudu filís.
Es ta djuga bola
Só dipôs di skola.

Tarrafal é kapital
Tarrafal é txon di kal!

Na txon di mangi
Nu nterra nos sangi
Desdi kutélu Txonbon
Pa tudu kobon
Povu rafila
Na mei di Vila
Purtugês njuria-nu
Má es ka ngana-nu
Paraízu-prizãu
Na nos korasãu.

Tarrafal é kapital
Tarrafal é txon di kal!