P 1 June 18:Layout 1 2/14/2011 9:42 PM Page 1

Bank lem list-a mi DAFFODILS hi kan ni lo tih Zoram mipuite kan hriattir e.

CYMA

DAFODILS,
Panasonic Brandshop & Authorised Service Centre, Zion Street, Aizawl. Ph: 9436152661

TheZozamTimes
www.thezozamtimes.org zozamtimes@rediffmail.com SPORTS

Chelsea aiin Arsenal : Ferguson

HP COMPAQ WORLD NO. 1

Laptop i lei dawnin North East, Eastern India, India pum, Khawvel puma Laptop hralh hnem ber HP Compaq ngei thlang ang che. New arrivals at HP COMPAQ Premium Partner
Fel Fel Digitals
Zarkawt 2305677

PHEK 7

THALAI TIMES

PHEK 8

MFA-IN RUAHMANNA THAR SIAMIN ADFA THIAT

RNI NO. MIZ MIZ/2006/16849

CLIFF RICHARD-AN THE BEATLES MAWI LO TAKIN A CHHUAH

THLAKHATAH Rs. 100.00 VOLUME VI ISSUE NO 01

POSTAL REGISTRATION No. MZR/24/2009-201

INRINNI

JUNE 18, 2011

Rukbo chhanchhuaktute Election Commission-in

Enkawl that lamah zawk

Aizawl an lo thleng
Misualte kah hliam Premlal Dhiman pum atangin silaimu phawrhchhuak
Aizawl, June 18

MPF hmalakna entawn tum

Aizawl: Kohhran hrang hrang leh tlawmngai pawl ten an din Mizoram People Forum (MPF) ten inthlan dawna House-to-House campaign an khap chu Election Commission of India chuan entawn tlak an tiin, inthlan lo awm leh zel turah hetiang kawng zawnga hmalak zel an tum. Chief election commissioner (CEC) S Y Quraishi chuan tunhnaia Guwahati a tlawhna-ah thu sawiin, House-to-House campaign hi hlemhletna (corruption) bul pakhat a ni a, hemi tihtawp theih hi corruption tihtawpna kawng pakhat a ni, a ti a. Mizoramah chuan kohhran hrang hrang 30-40 kalkhawmin House-toHouse campaign hi an titawp thei a ni, a ti. CEC S Y Quraishi leh Union Law & Justice Minister M Veerappa Moily te chuan India rama inthlan dan siam\hatna atan Mizoram kalphung chu \ha an tih thu, election system siam\hat dan tur chungchanga inrawnkhawmnaah an sawi a ni. Times of India-in a tarlan dan chuan state leh central-a mipui aiawh thlanchhuah zatve deuhthaw chuan criminal case an nei a, hei pawh hi chinfel dan tur kawng zawn a pawimawh thu CEC leh Union Law & Justice Minister chuan sawiin, jail-a tang mek mi 26,800 vel zetin inthlana vote neih ve an duh laia, criminal case nei ve tho ten inthlan an chuh thei bik hi a dik lo a ni, an ti bawk.

Police te chet lakna

ABCI hnathawktu pahnih misualin an rukbote chhanchhuaka, Aizawl a\anga Assam Hailakandi district-a fehchhuak Police-te chuan dam takin Aizawl an lo thleng tawh a. Hetih lai hian, United Democratic Liberation Army ten an tlanchhiat paha an kahhliam, Premlal Dhiman chu Aizawl Civil Hospital-ah Nigani zan khan hlawhtling taka zai a ni a, enkawl zui mek a ni. Mizoram Police te hian UDLA te hi zankhuain an um a, thlam pakhatah an awm tih an chhuilut a. Thlam hi an lo chhuahsan leh avangin an kalna ni awma an rin lamah an umzui nghal a. Misualte hian an mi rukbo te hi hmun hla lehzual an thlenpui mai an hlauh tawh avangin thlam an hmuh apiang chu an dap zui ta niin thudawnna chuan a sawi. Police te hian misualte hi leilet zawla leilet enkawltute chenna Inah an awm tih hre chawpchilhin, hmun hrang hrangah insem darhin an veh zui nghal a. Hetianga an che vel hi mipa naupang pakhatin lo hmu fuhin, leilet tawp chin a\anga In lam pana naupang tlanchho hian Police a hmuh thu a han hrilh a, misualte hian an ralthuamte chuhin Police-te hi an kap zui ta nghal a ni. UDLA-te hian an mi rukbo pahnihte nen leilet enkawltute Inah hian an khawsa ve mai a. Police-te chuan In neitute leh rukbote kahfuh an hlauh avangin bawk turin an hrilh a.

UDLA in ABCI mi leh sa an kidnap-te an awmpuina hmun In pakhat a ni a, helaia leilet enkawltute luah lai a ni a. Police-te nen an inkah lai pawh hian In chhungah an awm ve reng a ni. In hnung lam hi ramhnuai, misualte an tlanchhiatna chu a ni.

In hmalamah hian leilet zawl a awm a, helam atang hian chhanchhuaktuten hmun hrang hrangah insemdarhin an hual a. Tui tlinna bul atang hian mipa naupang pakhatin police te hi lo hmu in, In lam panin a tlan chho a, Ina awm rubotute hnenah hian a han zualho niin an sawi.

Misualte ramhnuai lamah an tlanchhia a, rukbo chhanchhuaktu Mizoram Police te In bul vela an awm lai.

Hun engemawchen an inkah hnu-ah In hnung lam tlang, ramhnuai lamah an tlanchhe zui ta a ni. Misualte an tlanchhiat hnu hian engemaw thlauh palh leh lo la chambang te an awm em tih Mizoram Police-te hian In leh a chhehvel hi an finfiah leh vek a, silai mu leh hmanraw \henkhat an thlauhte an chhar nghe nghe a ni. Misualte hi mi 20 rual vel niin, an zinga 7 velin silai an keng niin sawi a ni a, \henkhat chu thuamhnaw pawh ha mumal lovin In a\ang hian an tlanchhia a ni. Misualte hian mi rukbote hi hruai zel an tum a, mahse, an duh loh avangin tlanchhe chungin an kap zui a. Premlal Dhumin chu a dul veilam sirah an kapfuh a. Bajrang Lal Bhurgri pawh misualte hian an kap ve tho a, an kah thelh niin a sawi. Thudawnna sawi dan chuan, UDLA te hian an mi rukbote tlanchhuah nan hian cheng vbc. 5 an phut tih mobile phone hmangin ABCI Ltd. hotute hnenah an hrilh a. Mizoram Police ten an chhanchhuah ni bak hi tlanchhuahna sum pek nan hun an nei tawh lo tih thlengin an hrilh a ni, thudawnna chuan a ti bawk. ABCI Project Manager, Premlal Dhumin hi nizan hmasa dar 10 vel khan Aizawl Civil Hospital thlenpui a ni a. Medical Superintendent, Dr. Lalbiakkima hnen a\anga thu kan dawn dan chuan, Premlal-a dulah hian silai mu pahnih lutin, pakhat zawk chu a hnunglamah a tlang a, pakhat zawk chu a khelruh bulah tangin lakchhuah a ni a. Silai mu in a ril a tihpawpte thenfai vek a ngaih bawk avangin an bei rei hle a, darkar 3 dawnah an zo fel theih chauh a ni. Misualin an kah fuh ve tak loh, Bajrang Lal Bhurgri hi hun engemawchen misualin an hruaibo avang leh ramhnuaiah rei tak an hren tawh avangin a chau ve deuh a. Kolasib damdawi In lamah enkawl mek niin, a taksa dinhmun pawh a pangngai chho mek niin thu dawn a ni.

Serchhip District Level Committee on Green Mizoram Day chuan district chhunga thingphuntute chu thing phun tam aia a enkawl uluk lam ngaihven zawk turin an ngen a, kumina an thingphun te chu nakkum-a endik leh vek a, lawmman siam an tum thu an sawi. Nimin khan DC Conference Hall-ah Green Mizoram Day inkhawm tawi buatsaih niin, Serchhip DC thar P.Lalchhuanga chu khuallian a ni a. He inkhawmah hian khuallian chuan, Kan tu leh fate dam khawchhuah nan leh khawvel nuam zawk kan neih leh theih nan nungchate hi duat takin enkawl ila, thing leh maute phun belh zelin, phunsa pawh uluk leh duat takin enkawl zel ila khawvel nuam zawk i din thar leh ang u, tiin a sawi a. Thil hman nawn theih (recycle) thil te chu thliar hran thiam a, bawlhhlawh pawh hman tangkai thiam a tul thu a sawi bawk a ni. Serchhip District Level Committee on Green Mizoram Day chuan Serchhip district chhunga department hrang hrangte leh NGO te chu group 10ah thenin, hmun hrang hrangah thing an phun nghal a, group khat hi thing tiak 30 theuh pein uluk taka enkawl turin an infuih a. Kumin thupuiah pawh A tam lam ni lovin, a enkawl that lamah zawk le tih an hmang a ni. He Green Mizoram Day hmanna-ah hian nikuma mahni thing phun enkawl thate hnenah lawmman an sem a, thing tiak 120 phun a 90 phun nungtu Sub Headquarter YMA te chu pakhatna an ni a, PCR High School, New Serchhip chuan pahnihna lawmman an dawng a ni.

Thisen pek hi mi hrisel pangngai tan a hlauhawm lo - thla 3 danah a pek theih

Central-in Mizorama Burma mi a ngaimawh

Aizawl: Dan lo anga Mizorama Burma mi an lut reng chu titawp turin Central sorkar chan Mizoram sorkar hnenah hriattirna a pe nawn leh a, hetih lai hian Mizoram police te chuan Mizoram chhungah Burma mi 55,000 vel zet an awm thu an sawi niin The Telegraph chuan a tarlang. Tun \um hi central sorkar-in Mizoram sorkar hnena hriattirna a pek vawi hnihna a ni a, January thla khan Mizorama Burma mi lut \hinte titawp turin hriattirna a lo pe tawh bawk a ni. Central sorkar chuan ramri a\anga km 16 chin chu Burma mite tan veivah a phalsak a, hemi bak pek tur chuan central sorkar hnenah phalna a dil a ngai a ni. Mizoram sorkar pawhin he hriattirna hi bawhzuiin SP, CID staff te chuan Mizorama Burma mi lut ru te chu an dap reng a. Amaherawhchu, Burma leh Mizoram inrina chu Km 404 zeta thui a nih avangin venhim zawh a har hle niin an sawi. Burma mi 55,000 vel zet chu Mizoramah khawsa mekin, mi hnuaia inhlawh te, dawr siam te, sumdawng leh sorkar phalloh thil hmanga sumdawngte an ni hlawm niin police te chuan an sawi a ni.

LAWRKHAWM q DMZP-in Medical seat laklet an duh (P-2) Ganja Kg. 17 man
q Excise & Narcotics hnuaia Anti-Narcotic Squad chuan June ni 16 zan khan Ganja Kg. 7, Rs.40,000/- hu vel an man. A neitu nia puh Lalremruata (39) s/o Lalmana, Seling pawh manin thubuai an siamsak nghal. Ganja hi sipai thingrem ang chi pakhatah polythene 10-ah Kg.1 zela thunin pack sa a ni a, Thingsulthliah-a In pakhatah thukru in, khawtlang hruaitu thenkhat nen an man a ni.

Police-te chhuang
q MUP Gen.Hqrs. chuan thuchhuah siamin, June ni 6, 2011-a misualin ABCI hnathawktu pahnih an rukbo chhanchhuaktu Mizoram Police-te an chhuang hle tih an sawi a. MUP chuan mipuite tana thlamuanpui tlaka Policete hnathawh chu ropui leh chhuanawm an tih thu an tarlang. Hetih rual hian inrukbona tenawm tak Mizoram-ah a thlen tawh loh nan Police-te tha tichak tura tanpui turin Mizoram mipuite an sawm.

Serlui B tuikhuaha tlahlum ruang lachhuak

Aizawl: Ningani zana Serlui B tuikhuaha tlahlum Zohmingliana (31) s/o Roliana, Thingdawl chu nimin zing dar 9 vel khan mi lachhuakin, vawiin hian Thingdawl-ah vuiliam a ni ang. Thudawnna sawi danin, Zohmingliana te hian Serlui kamah lo neiin a riak a. June ni 16 zan khan helaia ram riak ve tho Vanlalvuana nen thimhlimah mau pum pakhatah an chuang dun a. Pum-a an inkar lai hian an pum chu hnawlah a inbat buai a, Zohminglianaa hi tuiah petek thla in, tui hleuh a thiam loh avangin pumah hian inhamkai leh tumin mau pum phuarna hnang chu a man fuh hman a, mahse, vanduaithlak takin pum \awnna hnang hi a lo mawih avangin a chat a, tuiah hian a pil zui ta a ni. Vanlalvuana hian a \hianpa hi chhan tumin tuiah a zuang thla a. Khua a thim tawh avang leh a \hianpa tlakna lai vel hi hlam 4 vel laia thuk a nih bawk si avangin chet ngaihna a awm lo a, phone hmangin Serlui B kam vela ram riak dangte punin, engmah a tih theih loh avangin an riahchilh a. Nimin khan ruang hi an lachhuak ta a ni.

Theatre Workshop

Video Conferencing nei

Aizawl: District hrang hranga Agriculture officer te chuan, Agriculture-in NLUP a kalpui dan leh buh thar tam tura hma an lakna te chu ral a\angin computer hmangin an sawiho a. He ral a\anga sawihona (video conferencing)-ah hian Agriculture Director Dr. C.Lalzarliana, Agriculture officer lian te leh district hrang hranga DAO te an tel a ni. He video Conference-ah hian Watershed Development Programme hnuaia NWDPRA leh WDPSCA Scheme-a district Officer-te hmalak tawh dan leh a hlawhtlinna te sawi ho a ni a, RKVY hnuaia WRC-I leh WRC-II-a hnathawh tawh chin leh hma lak zel dan tur te, NLUP beneficiary te dinhmun leh verification an lak dan leh hnathawh an enzui pui dan te an sawi ho bawk a ni.

Rising Day lawm

q Tuikual South Pavalai Pawl chuan nimin khan an dinchampha (Rising day) an lawm a, resource person pahnih ten nilengin Pathian thu zirtirin tlai lamah chawhlui an kilho nghal a ni. Tuikual South Pavalai Pawl hi kum 2005-a din a ni.
EXCHANGE

'A Mid Summer Night's Dream' lemchan (REPORT P-2) pix:aitea

Currency

sumTHLENG
as on 17th June, 2011

Prism-in Vigilance leh Administrative Reforms Commission din phut

Aizawl: Prism chuan Chief Minister hnenah lehkha thehlutin, kum 2008-a an party Election Manifesto-a an lo tiam tawh anga State Vigilance Commission leh Administrative Reforms Commission din thuai tura ngenna an thlen. Memorandum-ah hian Mizorama hlemhletna a nasat chhan chu eiru te, dan hmanga hrem an nih thin loh vang leh sorkar inawp dan fel tawk loh vang a ni tih an tarlang a. Mizoram chu mihring cheng zat atanga chhut pawhin, ramchhung state dangte aia tlem daih a ni a, mahse, sorkar hnathawk ngah ber niin, deptt. zawng zawngah staff indaih lohna nasa tak awm anga ngaih leh sawi thin a ni an ti a, hei hi inawp dan phung fel tawk loh vang nia an ngaih thu an sawi. Prism chuan heng thil hi Chief Minister-in a chingfel thei tih an hriat thu memorandum-ah hian an ziak lang a. Hei vang hian State Vigilance Commission leh Administrative Reforms Commission din ngei an phut tih an hrilh a ni.

Kidnap hlawkpui tum politician zilh turin Ethics Committee beisei

AIZAWL: MNF party vice president Dr. R Lalthangliana chuan misual leh hel tuten emaw phut neia mi an rukbo thin chungchangah, mi puitling tak ni tura ngaih MLA leh politician thenkhat zingah politics-a hamthatna lak tuma remchang lo zawng an awm thin tih a sawi a. Heng mite hi sorkarin tunhnaia a dinthar Ethics Committee ten zilhhau a, ti leh ngai tawh lo turin khap se kan duh a ni, a ti. Tunhnaiah Mizoram Police ten ABCI hnathawktu rukbote an chhanchhuak chu lawmawm an tih thu leh Mizoram Police te fakawm leh chhuanawm an tih thu sawiin Dr. R Lalthangliana chuan, An nunna chhanchhuah a nih avanga kan lawm rualin, Premlal Dhiman hliam hi pawi kan ti, a ti a. Tha leh thuai turin duhsakna an hlan thu a sawi bawk. MNF vice president hian nimin khan Aizawl-a an party oce, Mizo Hnam Run-ah thuthar lakhawmtute kawmin, tunhnu zelah pawh tha lehzuala thawk turin Mizoram Police te an beisei tih a sawi a. Hetih rual hian, ralthuam keng thenkhatin sum duh vanga mi kidnap an chin thin chu khawvel hmun dang pawha thleng fo a ni, a ti Mizoram-ah pawh hetiang in kidnap-na hi a thleng ve ta fo mai a, chuvangin, sorkar leh mipuite tangruala nasa taka kan beihho pawh a ngai a ni, Dr. Thangtea chuan a ti a. Hetiang thil tha lo a thlena kidnaptute fuihpawrh zawnga au chiam chiam chi a nih loh thu te, Mizoramah kidnap a thlen changin, tlanna tur pawisa pek chu tu sorkar mahin an ti duh ngai lo niin a sawi. Tute sorkar pawh nise, silai keng misualin an vaubeh avanga sorkar pawisa lachhuaka kidnap tute hnena pe ta hi tu party sorkar mah hian an la ti lova. Sorkar pawisa tam tham hetiang atana lakchhuah hi a ruka tih theih pawh a ni lo, MNF vice president chuan a ti bawk.

1 Japanese Yen 1 Chilean Peso 1 Philippine Peso 1 Malaysian Ringgit 1 Vietnamese Dong

= ` 0.562847 = ` 0.0971625 = ` 1.04604 = ` 14.9469 = ` .0223421

Engnge an sawi ?

International Market rate a chhut a ni

Vanneihna leh hmingthanna hi keimahni in kan insiamchawp thei Earl of Beaconseld

The Zozam Times

MAIN OFFICE Tuikhuahtlang Ph : (0389) - 2301767 SITE OFFICE Dr.C.Lalthanga Building Mahatma Gandhi lim bul Ph: (0389) 2300628 Cir. Manager Ph : 9612495056
AIZAWL weatherforecast.com : Vawiin hian ruah a sur rin a ni.
MORNING AFTERNOON NIGHT

KHAWchin

(JUNE 18 FRI)

28/26

28/26

25/23

number hmasa hi maximum, number hnuhnung hi minimum a ni