Zindagi Kay Meelay MeiN KhwahishooN Kay Railay MeiN Tum Se Kiya KahaaiN JanaaN Es Qadar Jhamailay MeiN

Waqt Ki Ravaani Hai Bakht Ki Girani Hai Sakht Bay-Zameeni Hay Sakht La-makani Hai Hijr Kay Samandar MeiN Takht Aur Takhtay Ki Ek Hi Kahani Hai Tum Kow Jo Sunani Hai Baat Goo Zara Si Hai Baat Umr Bhaar Ki Hai Umr Bhar Ki BaataiN Kab Doo Ghardi MeiN Hoti HeiN Dard Kay Samandar MeiN Un-Ginnat Jazeeray HeiN Bayshumaar Moti HeiN Aankh Kay Jazeeray MeiN Tum Ne Jo Sajaya Tha Baat Us Diyay Ki Hai Baat Us Gilay Ki Hai Jo Lahoo Ki Khilvat MeiN Choor Ban Kay Aata Hai Lafz Ki FaseelooN Par Toot Toot Jaata Hai Zindagi Se Lambi Hai Baat Takhliyay Ki Hai Takhliyay Ki BaatooN MeiN Guftagoo Izaafi Hai Piyar Karnay WalooN Kow Ek Nigah Hi Kafi Hai Ho Sakay Tow Sun Ja'oo Ek Din Akailay MeiN Tum Se Kiya KahaiN JannaN Es Qadar Jamailay MeiN!