Ramhlun Pastor Bial : Kohhran Hmeichhe Inkhawmpui Vawi 14-na

A hun : Ni 17 - 19 February, 2012 A hmun : Ramhlun Kohhran Biak In

BULLETIN

Ni. 19.2.2012 (Pathianni)

THUNAWI...
Ni 18.2.2012 (Inrinni) nileng khan Ramhlun Kohhran Committee Roomah Rorel Palai ten rorel inkhawm an nei a, tlaiah thlengtu Kohhran in Rorel Palaite zanriah a buatsaih sak a ni. Vawiin Pathianni a Inkhawmpui chhimtu zawng zawngte thlengtu Kohhranah zanriah kil nghal vek turin kan sawm che u a, thlenin ruatsa neilote pawh Reception Counter-ah in report ila, thlenin kan insiamsak zel dawn a ni. Ramhlun Kohhran Committee chuan Bial Hmeichhe Inkhawmpui thlen nan hian theihtawp a chhuah a, Inkhawmpui budget-ah `55,000/- lai ruahmanin, a tul chuan sen belh pawh a inhuam hle a ni. Bial Hmeichhe Inkhawmpui thleng tur hian Kohhran Committee chuan Organising Committee a siam a, KTP leh Pavalai Pawl te nen kawng hrang hrangin chan insemin hetiang hian Inkhawmpui kan thleng a, kan fellohna lai tam tak a awm ang tih kan ring a, kan tihdik tawk loh zawng zawngah Palaite hriatthiamna kan ngen a ni. Bial Hmeichhe Inkhawmpui atan hian Ramhlun Kohhran Hmeichhe Committee chuan Kohhran Committee-ah `40,000/- an chhung lut a ni. Bial Hmeichhe Inkhawmpui atan hian Ramhlun Kohhran Committee chuan Condenser Microphone, `13,000/man a lei thar a, Zaipawl zai ngaihthlak pawh a nawm phah sawt beisei a ni. Inrinni nileng khan rorel Inkhawm neih a ni a, tlaiah rorel palai te tan thlengtu kohhran in ruai a buatsaih a ni. Bial Hmeichhe Inkhawmpui hmang tura lokal zawng zawng te Ramhlun Kohhran chuan kan lo lawm che u a, Pathianni tlaiah vengchhunga zanriah ei \heuh turin kan ngen che u a ni.

RAMHLUN KOHHRAN HI...

Ramhlun Kohhran hi 1960 khan mitlemte in bul an lo \an a, kum 2010 khan kum 50-na (Golden Jubilee) lawmin Ramhlun Kohhran ni \hin a\ang khan Kohhran 9 lai alo ding tawh nghe nghe a. Chungte chu- RamhlunVengthar, Ramhlun North, RamhlunVengchhak, RamhlunVenglai, Ramhlun Sports Complex, Ramhlun Vengthlang, Ramhlun East leh Ramhlun Vengchung Kohhran te an ni. A din \an dan : Kum 1956 a Bawngkawn leh Chanmari inkar Chaltlang chhuah lama Jeep kawng an laih \an hnu lawkah District Council lamin in hmun a \heh ta a. Kum 1957 khan he venga awmhmun bengbel hmasa ber Pu Kai\hiauvate chhungkua an awm \an a. Kum 1958-ah chuan chhungkua eng emaw zat an awm belh a, kum 1959 kum tir lamah phei chuan chhungkaw sawm vel an tling tawh a. Chutih lai chuan veng hming pawh an la nei lo va, 'Laipui tlang chhuah lamho' ti tein min an ko mai \hin a. A awm hmasaho pawh hi ramriak ang maia darhsarhin, inhlat tak takah an awm a. Inkhawmna tur remchang hnai ber chu Chanmari Kohhran Biak In a ni a, a hlat chu thu hran, PWD mual a\anga khm phei zawng hi kawng thar laih avanga leimin, lung leh lei \hil tla reng a ni a. Zan chu sawi loh chhun ngah pawh fimkhur taka kal ngai a ni. Chuvangin, heng awm tharte hi Chanmari Kohhran hian mumal takin an vil lo niin a lang. Mizo chhungkaw li an awmnaah chuan Kohhran a ding thei zel an lo ti mathlawn lovin helaia awm tharho chu an inrawnkhawm a, awmze nei deuhva Pathian biak ho an duh ta a. April thla tawp lamah chuan Pu Salhnunate chhungkuain tuna Ramhlun South Bus Stand chhak kawng chungah hian inthar an luah a. Pathianni ah chuan inkhawm hona hmasa ber chu an nei ta a. An inkhawm \an ni hi sawi fak thei an awm tawh lo n a, Pu Saihnuna fapa L.R. Dama'n April thla tawp lamah in an luah tih a sawi theih avang leh inkhawmna hmasa bera telten inthar an luah hlimah inthar lawm pahin kan inkhawm \an tih an sawi theih avangin an inkhawm \an ni tak hi April thla Pathianni hnuhnung ber anih a rinawm a, chu chu ni 26.4.1959 a ni. Pathianni chawhma leh chawhnuah an inkhawm thin a, reiloteah Inrinni zanah pawh an inkhawm ta zel a. Kohhran kalhmang tak pawh an la zawh lo va, an inkhawm banah inkhawm leh hunah tu nge thu sawi ang tih an inrawn a, "Mikhual rawih tur an awm loh chuan chumi chuan thu sawi rawh se," an ti chawp mai \hin a ni tih Rev. Lalthangliana, chutih laia tlangval viak \ha tak, Kohhran dingtira a khaipa zinga mi chuan a sawi. Minute bu vawnga awmze nei taka Committee pawh an nei ngai lo. Tu Kohhran mahin an enkawl lo va, Preaching Station ang pawhin a awm lo va, tual\o Kohhran a ni ber mai. Kohhran hlimthla a din a\anga thla thum velah chuan Pathianni chawhnu inkhawm banah veng paho chu an inkhawmna Pu Salhnuna inah chuan an inko khawm a, veng hming sak zai an rel ta a. Mi hrang hrangin hming an rawt chu an ziak a, in neitu Pu Salhnuna, mitdel chu an pawhtir a, Ramhlun tih hi a pawt fuh a, veng hmingah leh Kohhran hmingah an pu ta a ni. Hun engemaw chen Pu Salhnuna Ina an inkhawm hnu chuan Pu Raltawna in, PWD mualah an inkhawm ta a. Rev. Lalthangliana chuan Pu Raltawna Ina an insawn hun hi kum 1961 kumtir niin a hria. Kum 1960 a Dawrpui Bial Inkhawmpui, Venghlui Kohhran Biak In a neihah chuan Ramhlun Kohhran chuan Biak In sak leh Kohhran indan an dil ve chawm mai a. Bial Inkhawmpui chuan an tlemin, an dinhmun chu Kohhran puitlinga han hlankai ngawt chi niin a hre lo va, "Ramhlun vengin Kohhran hranga din leh Biakin sak an dil a. Biakin chu lo sa se, Kohhran hranga din erawh chu a la remchang rih lo va, Chanmari Kohhranin lo enkawl rih se," tiin an rel a (Gen.12) Bial Inkhawmpui rorel hi Chanmari Kohhran hian a bawhzui nghal mai lo va, thla nga lai a liam leh hnu, August ni 28, 1960 a Upa Vankeuva inah Committee an neihah chuan Ramhlun Kohhran Ad-hoc Commitee an din ta a ni.

Page - 1

Ramhlun Pastor Bial Kohhran Hmeichhe Inkhawmpui Vawi 14-na

Ni 19.2.2012 (Pathianni) : Ramhlun Pastor Bial Kohhran Hmeichhe Inkhawmpui Vawi 14-na Bulletin

Editorial Board Member-te

Pu H. Lalnunfela Tv. Rosangliana Tv. Lalbiaktluanga Tv. Lallawmsiama Tv. Angu VL Hnamte Nl. Rebecca Laldinpuii Ralte Tv. C. Lalvensanga

INKHAWMPUI RORELTE
1, 2) Kum 2012 chhungin Bial huapa Bible Exam neih nise, Exam atan Tirhkohte Thiltih Bu ni se tih Ramhlun atanga lo lut leh Bial huap Bible Exam neih nise, Exam tur atan Chanchintha Johana ziak nise tih Ramhlun Vengchung atanga lo lut chu sawi kawpin a thehluttu Kohhran ten an an thehluh chhan te an sawifiah hnuin Palai ten kan sawi zui a, Bial huapa Bible Exam neih ngei chu \ha kan ti a, Chanchin |ha Johana ziak exam \ha kan ti a, \ul leh pawimawh dang chu Bial Committee kutah awm se kan ti. 3) Bial chhung Kohhran tinte Kohhran Hmeichhe Inkhawmah intlawhtawn ni rawh se tih Ramhlun Vengchhak atanga lut chu, a thehluttu Kohhran atangin theh luh chhante kan ngaithla a, Palai ten kan sawi zui a, intlawhtawn zan hian mahni Kohhran Biak In khar zel a intawh tawn tur a ni a, tin, thilpek pawh a thlengtu Kohhran tan ni se, Thupui atan Kristian Chhungkua ni se, Programme leh \ul dang chu Bial Committee kutah awm se kan ti. 4) Bial huap a Leadership training neih ni se tih Ramhlun/Ramhlun Vengchung a\ang a lut chu a thehlut tu te a\angin an theh luh chhante kan ngaithla a, Palai ten \ha kan ti a, engchen a zauin nge kan neih ang, tih te kan ngaihtuah, Group Committee chin Leadership Training nei ila, a hun leh \uldangte Bial Committee kutah awm se kan ti. 5) Bial huapin Ramthar lam hawia hmalak ni se tih Bial Committee atanga lo lut chu Bial Secretary nisa in zawhna te a neih hnuin Palai ten kan ngaihtuah a, Bial huapa Ramthar hawi a hmalak chu \ha kan ti a, englam hawi a hmalak tur nge? zin chhuakin nge, awm hmun atanga thilpekin tih te kan sawi ho va, Bial Committee kutah awm mai se kan ti. 6) Kan inthlan dan hi term khat atan kum hnih nise, Office Bearer ten term khat bak nihna ngai chelh loh nise tih Ramhlun Vengchhak atanga lo lut chu, an thehluh chhan te sawi fiahna an neih zawhin, tunah hian he rawtna hi Central Committtee-ah thehluh mek anih avangin, a hranin Bial Khawmpui chuan theh luh rih lova, lo ngaihchan mai hi a \ha ang kan ti. 7) Central in Kristian Chhungkaw inchhiarna a testimonial nei te inchhiarna tel tur a tih hi member inchhiar nawn theih a nih avangin a hma a kan inchhiar dan kha hman leh ni rawh se, tih Bial Committee atanga lo lut chu, Secretary-in agenda a sawifiah chu kan ngaithla a, palai ten he thu hi ngun taka kan ngaihtuah hnuin Zoram Hmeichhe Khawmpui lian Committee-ah thlen ni rawh se kan ti. 8,9) Kum 2012 hi Bial huapa Bible chhiar chhuah kumah puan ni se, Bible chhiar chhuak te chu lawm man pawh pek ni se tih Ramhlun/Ramhlun Vengchung atang lo lut chu sawi kawpin a thehluttute Kohhran ten an theh luh chhan an sawite kan ngaithla, kum 2012 chhung hian Bible chhiar chhuah nise, Lawmman pawh siam ngei nise, Kohhran Hmeichhe Member te, a chhiarchhuak tur hian nise tiin Palai ten kan pawm. 10) Buhfaitham khawnna bua hming ziah danah, a bu a inziak angin chhungkaw hotu ber hminga ziah ni rawh se Bial Committee agenda chu Bial Secretary in an thehluh chhan te kan ngaithla a, palai ten rei tak kan sawi ho hnuin, tun \umah erawh chuan kan sawihona hi tawk rih rawh se kan ti.

Editorial....
Presbyterian Kohhran hi Inkhawmpui Kohhran tia sawi thin a ni a, Presbyterian Kohhrana kan awm chhung chu Inkhawmpui chi hrang hrang kan la nei zel dawn a, heng kan Inkhawmpuina ah hian kan kal dan turte rel thin a ni. Tin, kawmpui a Kohhran hrang hrang te lungrual tak leh phur taka Pathian kan fak hian Kohhran malah leh mimal nunah hlawkna tam tak a paw chuak \hin a ni. Kohhran mi thenkhat, Inkhawmpui ngaihhlut nachang hrelo kan tam ta niin a hriat a, kan puala Inkhawmpui ngat phei hi chu kan hlut thiam lehzual a pawimawh hle a ni. Keimahnin kan hlut loh chuan Inkhawmpui nawmna leh hlutna kan ti nep thei dawn a ni. Chutih rualin khawmpui thlengtu leh dawngtute inbuatsaihna hi a pawimawh hle a, khawmpui hi a thlengtu lamin kan \awiawm \hatloh chuan khawmpui hlutna leh ropuina kan hloh ang tih a hlauhawm hle. PALAI INCHHIARNA Rorel Palai inchhiarna neih a ni a, hetiang hi Kohhran tin a\anga palai kal dan a ni. Nisa Thlan Total Puipate Ramhlun Ramhlun Vengchhak Ramhlun Vengchung Ex-Officio Chhimtu Total 6 3 6 3 4 22 10 8 8 26 6 13 14 11 4 48

Kan bial chhungah hian Kohhran chhungkua 1307 kan awm a, chhungkua 1304 in Buhfaitham kan tham thei a, chhungkuaw 3-in kan tham thei lova. Kum 2011 chhunga Buhfai \ham chhuah zawng zawng chu Quintal 1548 leh Kg 51 a ni a, a pawisa in `15,48,510/- (cheng nuaih sawm panga singli sangriat zanga sawm) a ni a. Kum 2010 chhunga \ham chhuah chu Quintal 304 Kg 77 gram 500 laiin kan khum chho thei a, a lawmawm hle a ni. Buhfaitham hi Kg-ah `10/- a hralh thin a ni a.

Khawmpui Minute leh Bulettin buaipui tute

Page - 2

Ramhlun Pastor Bial Kohhran Hmeichhe Inkhawmpui Vawi 14-na

Ni 19.2.2012 (Pathianni) : Ramhlun Pastor Bial Kohhran Hmeichhe Inkhawmpui Vawi 14-na Bulletin

2012 - 13 BIAL HRUAITUTE CHANCHIN

CHAIRMAN : Hming : Pi K.Vanlallawmi Kohhran : Ramhlun Vengchung Pasal Hming : Rev. C. Vanlalhruaia Pianni : 19th August Hla duh ber : Nitin Isua ka thinlungin ka hmangaih deuh deuh va Bible Chang duh ber : Philipi 4:4 VICE CHAIRMAN : Hming : Pi C. Lalfaki Kohhran : Ramhlun Vengchhak Pasal Hming : Upa K. Lalchhanhima Pianni : 20th June Hla duh ber : Ka Thlarau tho la hlim takin Bible Chang duh ber : Johana 3:16 SECRETARY : Hming : Pi R. Lalrampari Kohhran : Ramhlun Pasal Hming : Upa V.L. Hmingthanga Pianni : 5th September Hla duh ber : Lalpa chu fakin ka chawimawi ang Bible Chang duh ber : Sam 37:5 ASST. SECRETARY : Hming : Pi Hranghmingthangi Kohhran : Ramhlun Vengchung Pasal Hming : Pu Ralliankima Pianni : 17th June Hla duh ber : A hmangaihna a ka chawlhin Bible Chang duh ber : Philipi 4:7 TREASURER : Hming : Pi Saihmingmawii Sailo Kohhran : Ramhlun Vengchhak Pasal Hming : Pu R. Rodala Pianni : 22th June Hla duh ber : Kawngaihna mak mawi leh duhawm Bible Chang duh ber : Johana 3:16, Johana 17 FIN. SECRETARY : Hming : Pi C. Zopari Kohhran : Ramhlun Pasal Hming : Pu C.L Nghinglova Pianni : 5th June Hla duh ber : Krista thisen hlu tak chhuak chu Bible Chang duh ber : Rom 8:1,2

PASTOR & PRO. PASTOR CHANCHIN

REV. C. LALSANGLIANA : Rev C. Lalsangliana hi 9th February, 1957 ah Lenchim khua ah a piang a ,Tlungvel ah a seilian thung. Pianpui unau mipa pathum leh hmeichhia pathum a nei a. A pa chu Upa Lalbiaka (L) niin, a nu chu Vanzingi (L) a ni. Apa hi Kohhran Upa a ni a, Lenchim atangin Tluangvel ah pemin a in bengbel zui ta a ni. Zirna lamah chuan 1976 ah HSLC a zova. Kum 1976-1980 inkar chhung khan ATC ah zirin B.Th a zova. 1980-81 chhung khan Bishops College, Kolkata atangin BD a zo leh bawk a. M.Th chu 1995-97 inkar chhung khan UTC Bangalore atangin a zo leh bawk a ni. July 7, 1981-ah Lalhmangaihi nen an innei a, fa paruk an nei a ni. Rev. C. Lalsangliana hi kum 1982 Synod Inkhawmpuiin Pro. Pastor atan a la a, a Pro. Pastor chhungin Kolasib bialah a awm. 1984 khan Synod inkhawmpui Republic Kohhrana neih a nih tumin Pastor atan nemngheh a ni a, heng bialah te hian a awm tawh a ni: 1)1985 Lungpho 2)1986-1992 Muallungthu 3)2002-2007 Armed Veng 4)2008-2010 Mission Vengthlang 5) 2012 Ramhlun North 6) 2012 Ramhlun (A hmui tel) ATC Lecturer ah hian 1997 atangin 1998 May thla thleng a awm a, chumi hnuah New Delhi ah Field Secretary hna chelh turin a kal a, Delhi ah hian kum 1999-2001 thleng a awm a ni. Kum 2008-2010 chhung hian Central KTP Leader dinhmun a chelh bawk a ni. Kum 2010-2011 Synod Moderator hna a chelh a, chumi hnu ah Ramhlun North Pastor Bial vawng tura tih a ni ta a ni. Synod-ah hian Board leh Committee peng hrang hrangah a awm tawh a, chung a awm tawhna te chu; a) SEC b) Sunday School c) Press & Bookroom d) SL&PB e) Music f) Hospital g) Pastoral Hei bakah hian Mizoram sorkar din Ethics Committee member a ni a, CASA Chairman a ni bawkin, MKHC leh MPF Chairman te a lo ni tawh bawk. Rev. C. Lalsangliana hi tun CKTP General Conference, Vawi-54 na Thenzawl a neih turah hian Speaker ani dawn a, tawngtaipui ila a tha ang e. Tunah hian Ramhlun Bial in Pastor leh Pro.Pastor mumal taka kan la neih loh avangin Ramhlun North Pastor Bial vawng chungin Ramhlun Pastor Bial hi min hmui mek a ni. PRO PASTOR : Hming : T. Lal\hafamkima Pa hming : T. Lalthlamuana Khua : Darlawn Unau :6 Zirna lam : M.A (Eco) B.D Pro. Pastor nih \an kum : 2010 Hla duh ber : I lamah min hip rawh Bible Chang duh ber : Johana 3:16 Pro Pastor T. Lal\hafamkima hi tunah hian Ramhlun North Pro Pastor in a awm mek a, Rev C. Lalsangliana nen kan bial min rawn hmui a ni.

Page - 3

Ramhlun Pastor Bial Kohhran Hmeichhe Inkhawmpui Vawi 14-na

Ni 19.2.2012 (Pathianni) : Ramhlun Pastor Bial Kohhran Hmeichhe Inkhawmpui Vawi 14-na Bulletin

BIAL CHHUNG KOHHRAN HRANG HRANG REPORT TLANGPUI

RAMHLUN KOHHRAN : Committee Member zat : 29 Committee neih zat : Vawi 12 Hmeichhe member zat : 835 Missionary chawm zat :8 Chhungkaw zat : Awm hlangna : 438 Inawm pawlhna :7 Belhkhawm : 445 Inkhawm \hin zat tlangpui : 53.25 % Agape copy lak zat : 266 Chhung Inkhawm chung chang : Nitin chhung Inkhawm nei \hin In zat: In 363 ( 81.57 % ) Punna/Kiamna : In 64 (punna) Sum Dinhmun : Hmuh zawng zawng : ` 5,62,719.00 Hman zawng zawng : ` 4,98,672.00 Hman bang : ` 64,047.00 Hmalakna \henkhat te: 1. Nitin chhung Inkhawm nei theilote Chhung Inkhawm Kaihhruaina Bu pein, Buhfai\ham bel neilote Buhfai\ham bel pek \hin an ni. 2. Kristian Chhungkaw Campaign neiin In 223 tlawhchuah a ni. 3. Kohhran Dan thianghlim, Biak In hawnga Innei thar 17 te lawmpui nan Chhung Inkhawm Kaihhruaina Bu leh Buhfai\ham Bel pek a ni bawk. 4. Bial Programme in Home Mission Field, Chawngte-P leh Chawngte-L tlawhin member 7 an kal. 5. Kohhran Hmeichhe Golden Jubilee Monument mawi takin siam a ni. RAMHLUN VENGCHHAK KOHHRAN : Committee Member zat : 20 Committee neih zat : Vawi 13 Hmeichhe member zat : 325 Missionary chawm zat : 5 Chhungkaw zat : Awm hlangna : 166 Inawm pawlhna : 7 Belhkhawm : 173 Inkhawm \hin zat tlangpui : Mi 20 Agape copy lak zat : 77 Chhung Inkhawm chung chang : Nitin chhung Inkhawm nei \hin In zat: In 123 Punna/Kiamna : In 7 (punna) Sum Dinhmun : Hmuh zawng zawng : ` 1,56,020.00 Hman zawng zawng : ` 1,56,894.00 Hman bang : ` 31,126.00 Hmalakna \henkhat te: 1. Committee member te 2 zela inkawpin nitin chhung inkhawm nei thei lote an inah tlawhin \awng\aipuina leh Pathian thua inpawlhonate neih \hin a ni. 2. Buh\ham bial neituten mahni bial \heuhah \hahnemngai takin chhung inkhawm neih hlutna leh a \ulnate, a\angkainate sawi \hin a ni. 3. Sunday School ban apiangin an puala \awng\aihona neih \hin a ni bawk. 4. Ramthar Field-a Missionary mi 10 tan Kohhran Hmeichhe Chanchinbu Agape kumkhat chhung atan laksak an ni. 5. Kan Kohhran mi Presbyterian Kohhran Biak In hawnga Pasal neite lawmpui nan Chhung Inkhawm Bu pek \hin an ni. RAMHLUN VENGCHUNG KOHHRAN : Committee Member zat : 23 Committee neih zat : Vawi 13 Hmeichhe member zat : 291 Missionary chawm zat :1 Chhungkaw zat : Awm hlangna : 145 Inawm pawlhna :4 Belhkhawm : 149 Inkhawm \hin zat tlangpui : 40.8 % Agape copy lak zat : 90 Chhung Inkhawm chung chang : Nitin chhung Inkhawm nei \hin In zat: In 103 (69.12%) Punna/Kiamna : Nil Sum Dinhmun : Hmuh zawng zawng : ` 252981.00 Hman zawng zawng : ` 2,11,432.00 Hman bang : ` 641,549.00 Hmalakna \henkhat te: 1. Group tin ten mahni bial chhunga chhung inkhawm nei lo te inah inkhawm neihpuiin campaign \hin a ni. 2. Thla thar Kohhran Inkhawmah leh Group Committee apiangin tawngtai thupuiah Kristian Chhungkua neih \hin a ni. 3. Bial Huapin Ramthar field, Home Mission South ah Chawngte L leh Chawngte P Bial tlawh a ni a. Committee Member 5 an kal. 4. Biak In hawnga innei tuak 2 lawmpuinan Buhfai tham bel leh nitin Chhung Inkhawm Bu pek a ni. 5. Kan Biak In thutphah cushion lei nan `40,000/- Kohhran ah chhunluh a ni. 6. Biak In chhung kalkawng thlur li ah Woolen Carpet `14,650/- man phah a ni. HRIATTUR PAWIMAWH TE: INKHAWMPUI CHIBAIBUKNA : Ramhlun Pastor Bial Hmeichhe Inkhawmpui Chibai bukna hmun hrang pariat (8) a\angin dawn a ni. INKHAWM BAN INPAWLHO NA : Pathianni chawhma Inkhawm banah inpawlhona neih tura rel a ni a, hun hman dan tur chu: A hmun : Kohhran Hall Hruaitu : Rev Lalsangliana, Bialtu Pastor BIAL SUM DINHMUN Sum hmuh zawng zawng - ` 2,17,647.00 Sum hman zawng zawng - ` 2,07,493.00 Sum kuta awm - ` 10,154.00 INKHAWMPUI THAWHLAWM THAWH DAN Inkhawmpui thawhlawm hmuh dan hetiang hi a ni. Ramhlun - ` 5000.00 Ramhlun Vengchhak - ` 2000.00 Ramhlun Vengchung - ` 1500.00 Total - ` 8500.00 KUM 2013 BIAL HMEICHHE INKHAWMPUI A hmun : Ramhlun Vengchung Kohhran Biak In A hun : Ni 8 - 10 February, 2013

Page - 4

Ramhlun Pastor Bial Kohhran Hmeichhe Inkhawmpui Vawi 14-na