Sound System Chungchang

Sound System chungchang
MIZORAM PRESBYTERIAN CHURCH (Presbyterian Church of India)
KRISTIAN |HALAI PWL
54th K.|.P. GENERAL CONFERENCE MULTIPLEX PROGRAMME
SOUND SYSTEM CHUNGCHANG
A hmun Sawitu
: :
Thenzawl Vengthlang Kohhran Biak In Pu Vanlalpeka Chanmari
www.mizoramsynod.org
Published by Central Kristian |halai Pwl Aizawl, Mizoram
copies - 1,000
Printed at TM Offset Printing Press Canteen Kual, Aizwl: Mizoram Ph : 0389 2312796 / 9862563084
Introduction
Ahmasa berin Sound hi engnge a awmzia? Engtik hunlaia lo awm nge? Tu siam nge? tih te hi zawhna awm thei tak a ni a, Pathianin khawvel a siam \an tirh a, a siam pawimawh tak mahse Bible a siam hunlai sawilan si loh a ni a, Gen. Bung 1 a kan hmuh angin boruak zau tak, boruak leh boruak inkara khawmualte a siam rual khan ri hi a lo awm ve \an a ni ti ila kan sawisual lutukin a rinawm loh awm e. Tichuan, Sound tih chu mizo\awng chuan Ri tihna a ni mai a, eng pawh ri thei/ boruak nawr che thei tawh phawt chuan ri a siam thei a, heng zawng zawngten ri kan siam theihna chhan chu kan hmuh theih si lova, kan bul vela khat tun reng boruak (oxygen) kan nawr chet vang a ni a, chu boruak che vel chuan kan benga kan hriat theih chin te, hriat theih loh te thleng pawhin ri a siam ta a, chu chu Sound (ri) kan tih chu a ni ta a ni. Sound (ri) hi mihring leh thilnung chi tinreng tan hian a pawimawh em em a, kan duh mamawhte inhrilh tawn nan te leh thildang dang atan te a \angkai em em a; tin, kan bengin a hriat theih loh te pawh inthlunzawmna (communicate) nan te kan la hmang thei zel a, Pathianin heti tak maia a thil siamte ah ri a lo dah thuk zia hi keini, Amah ringtu te chuan Pathian ropuizia hi kan hriat belh ngei pawh ka beisei a ni. Ri kan tih hi boruakah Second khat chhungin Km 3.44 (344 metre/1130 feet) a chakin a kal/che sawn hman a, amaherawhchu rizawi, rithum, risin te leh adangte chet chak zawng erawh a inang lo tih hre tel ila, ri ring pangngaiah chuan a chunga kan ziah lan ang vela chakin boruakah che/tlan hman a ni. Thil tam tak sawi tur a awm thei anga, amaherawhchu tun tum atan chuan sound ngawr ngawr hi kan sawi tum anih loh avangin hemi chinah hian duhtawk mai ila. SOUND SYSTEM CHUNGCHANG :1) Engvangin nge Sound System \ha kan mamawh? Bung hmasa lama kan sawi tak ang khan, Ri chu 1sec chhungin
1130ft- a chakin boruakah a tlan kual hman kan ti a, chuti taka chaka thlawk/che kual vel hman si engatinge, Sound System hi hman a ngaih? tih hi zawh makmawh a ni a, System (Bungrua) kan hman hma hauha, kan hman chhan tur kan hriat hi a pawimawh hmasa reng a ni. La Isuan tlang chunga thu a sawi khan Sound System a hmang lova, patling hlir sangnga khan a thusawi an hre thei vek a, tunah hian mihring ang khan lo kal leh ta se, khatiang zat ngaihthlak tur atan chuan Sound System a hman ve ngei a ngai tawh ang. (Pathian a nihna a\ang chuan tih theih loh a nei lova, amaherawhchu dan zawng zawng zawm famkim tura lo kal a ni tlat a) A chhan chu khawvelah hian ri a tam lutuk tawh a, kan bengin a hriat theih loh te pawh kan bul velah hian an awm nuai nuai tawh avangin kan aw chhuak pangngai hian thui tak tlang takin a thleng thei ta \hin lova, chuvang chuan kan bul vela awm ri aia lian/ring zawka ka aw ri kha tih len/tih rin a ngaih tak avangin, chu ri ti lian/ti ring thei tu chu kan mamawh ta a, aw rinna hmanrua (Sound System) kan hmang ta \hin a ni. A tawi zawngin sawi ta ila, kan bul vela Noise Pollution a tam lutuk tawh avangin Sound System hi kan hman a ngai ta a ni. 2) Sound awmzia :Bung hmasa lama sawi awm tak a ni a, amaherawhchu Sound System chungchang kan zirho dawn avangin Sound awmzia hi hlawm khata dah a fuh zawk dawna hriatna kan neih avangin, Sound System chhungah kan dah a, kan hriatthiam ngei ka beisei. Sound (Ri) hi boruakah tuifawn ang hian a che a, tuiah lung kan thlaka a fawn bial pap pap ang hian ri hi boruakah a fawn bial chhuak \hin a, chutia a fawn vel dan chu saptawng chuan Sine Wave an ti a ni.
Tuiah lung kan thlak tam poh leh tuifawn a tam a, a fawn buai nuaih nuaih \hin a, chutiang chiah chuan Noise Pollution pawh a awm \hin a, lung lian apiangin tuifawn a siam nasa angin Noise Pollution tamna ah chuan ri lian apiangin ri ring an nei mai \hin. Tichuan, kan beng hian ri in boruak a tih chet ran zawng leh muan zawngah hriat theih chin a nei a, Second khat chhunga ri in boruak a tih chet kual dan a chu a hmingah Hertz (1cycle = 1hertz) a ni a, Hertz hrang hrang hlawm khawmtu chu Frequency a ni. (Frequency chu Mihringa taksa bung hrang hrang hlawm khat sawi nan Mihring kan hmang ang hi a ni mai e ti ila kan Tuia lung thlak fawn dan hrefiah deuh mahna!) a) Hertz (Hz) : Hertz (Hz) hrang hrang chu Second khat vawi sawm inthen (10hz) hman te, vawi za inthen (100hz) inthen hmante, vawi sangkhat (1000hz) inthen hmante leh singhnih (20000hz) inthen hmante chu mihring beng hian Second khat chhunga inthen muang kha a thum angin kan hria a, Second khat chhunga inthen rang kha a sin angin kan hre thei ta bawk a, a then chu ri kiar, ri fiak, ri thler, ri kum, hnar ri, ri thawp etc. ang ten kan hria. Chung zawng zawng chu ri hian Second khat chhunga boruaka a chet ran/hman dan a zirin kan hre hrang thei ta a ni. Chung ri then hrang hrang (Hertz) te chu, mihring beng hian thliar hran theih/hriat hran theih chin kan nei a, chu chu saptawng chuan Audio Spectrum an ti a, chumi chhungah chuan Frequency 20hertz a\anga 20000hertz hi mithiam ten a thum emaw a sin emaw kan thliar hran theih china an ngaih a ni a,a tawi zawngin 20hz 20000hz hi mihring ri hriat theih a ni ti mai ila. b) Frequency :- Kan hriat tawh angin mihring beng in ri a hriat theih, 20hz - 20000hz chhungah hian Sound System kan tih hrang
hrang te hian hemi hertz pe chhuak thei tur hi an siam a, chung ri pe chhuak thei (rikim) chu Professional (H-Class) System an ti a, hemi pe chhuak kher lo pawh hi a awm a, chung chu Public Address System (P.A. System) an ti mai niin a lang. Kan bengin a ri a hriat/thliar hran theih chin kan hre tawh a, hei hi kan aw in a pek chhuah theih erawh a ni lem lo! Ahnuaia tarlan ang hian thilsiam zinga ri kan pek chhuah theih dan chu a ni :Mihring aw = 75hz - 16000hz (appox) Bak = 6000hz - 32000hz(appox) Sai = 5hz - 150hz - 250hz(appox) Khing achunga kan han tarlan ang khian mihringin ri kan pek chhuah dan tlangpui chu 20hz a\anga 20000hz chhungah a awm thei ta vek a ni. c) Mihring beng hi ropui taka siam leh duan a ni a, Pathian hian beng chhungah ringawt pawh hriatna (Nerve) hrang hrang a dah dan hi a ril em em a. Sound Control tutena kan ngaih pawimawh ber tur zinga pakhat chu, Kan bengin eng ri nge a hriat a, engtianga Adjust tur nge? tih hi a ni a, chuvangin bengin ri a hriat dan tlangpui a lem nen lo en ila :-
A lema kan hmuh ang khian beng chhunga bengdar hian pawn lam a\anga Sound lo lut chuan bengdar a ti che a, Ossicles (mihring ruh a ruh te ber) kan bengdar hnung chiaha awm chuan tawtawrawt ang deuha awm saptawngin Cochlea chu a va chhu che ta a, Cochlea chhungah chuan tuihnang a awm khat vek a, chu tuihnang chhungah chuan hmul te tak te te 15000 - 20000 vel awm chu a ti che dial dial a, chu hmul che chu kan ri thliar hrangtu a lo ni ta a ni.
Tui chhunga hnim awm tuifawnin a sawi chet ang chiah hian chu hmul chu a che a, a sei deuhte a tawi deuhte awmin, a sei deuh a chet chuan kan thluaka kan ri hriatna Cerebral Cortex chuan a thumin a lo hria a, a tawi ho che chu a sin in a lo hre ta a ni. He hmul hi saptawng chuan Celia (Tiny Hair Cell) an ti a, kum a upat chuan a upa ve zel a, chuvang chuan kum upain ri thum te ri sin te an nin \hinna pawh Celia sei deuh leh tawi deuhte a lo khawng tawh avangin an thluaka ri hriatna chuan a thliar hrang hlei thei ta lova, Ninawm in a lo hre \hin ta a ni. Chutih rual erawh chuan chu hmula chu kan zirtir thei a, ri hrang hrang hre thei turin leh a vaia hmul awmte hi Active taka kan awmtir duh chuan rikim (20hz - 20hz) kan ngaihthlak tam a ngai a ni. Sound lam a tui emaw Musician \ha tak nih tum chuan kan bengin a ri a hriat dan a thliar hrang thiamin eng ri nge tih a hre ngei ngei tur a ni. d) Decibel (dB) :- Ri reng rengin boruak a nawr/tih chet nasat (Force) zawng/rin zawng sawina hi Decibel a ni. Mithiam ten an tarlan dan chuan 0dB hi mihring bengin ri a hriat nuam theih lai ber (barely audible)a ni an ti a, chuvangin kan Sound bungrua a bik takin Mixer leh Amplifier ah pawh 0db hian hmun a luah pawimawh em em a ni. Ri in boruak a nawr nat nasat lutuk chuan kan beng chhunga air Pressure (nawr) a nasa a, kan bengdarin na taka a hriat chu Ossicles (ruhno) chuan kan Cochlea kua (Oval Window) chu na takin a va chhu ta a, bengdar chhia (Eardrum Rapture) a siam phah thei a ni tih kan hriat a \ha hle ang. Ahnuaia mi ang hian Decibel Table lo thlirho ila (hriatna tizau atan) Tabulator of Decibel 0dB - Barely Audible (hriat nuam tawk) 180dB - Eardrum (bengdarin a hriat theih tawk) 40dB - Air Condition 80dB - Automobile (Motor) 90dB - Truck/Train (Motor lian ri) 110dB - Jet Plane 130dB - Super Concorde Jet 180dB above - Eardrum Rapture
Heta kan hmuh ang hian mihring beng\ha pangngai hian 180dB hi kan bengdar in boruak a nawr nat zawnga a lo dawnsawn theih san ber a ni a, thlawhtheihna lianah kan chuan dawna beng hnawhna (Ear Plug) an rawn sem \hinna chhan pawh kan hrethiam awm e. dBU te dBV te dBM te leh dBv te Decibel chhungah hian a la awm a, tun atan chuan kan sawi vek hman lovah ngai mai ila, engpawh nise Sound System kaihhnawih thil vek a ni tih hre mai ila a \ha awm e. Heng kan han sawi zawng zawngte khi Sound bulthut (Basic) kan han tih mai chu a ni a, Sound System kan khawih/neih hma hauha kan hriat hmasak ngei chi, Sound System ina a hnathawh tumdan chu a ni ta a ni. 3. Sound System Equipments :- Thil engpawh ri siam thei reng reng chu Sound System a ni vek mai a, engmahin a chawhpawlh loh (tui luang ri te kut ben ri te awlawnga zai te leh a dang dangte) hi Acoustic kan ti a, chu rilawng chu thildang nena chawhpawlh (Electrify) pawhin ri a siam phawt chuan Sound System kan ti tho a ni. Sound System kan tih mai hian a awmzia sawifiah kher ngai lovin kan tawng tluk zetin kan hrethiam hlawm a, chuvang chuan thui taka sawifiah a ngai kher awm love. Sound System chhungah rau rau pawh tuna kan han sawi tum leh zir tum tak zawka chu a tih rinna hmanrua hrang hrangte a ni ber a, hun tawite karah sawi kim vek sen a nih dawn loh avangin a tlangpui chauh tak tak kan sawi mai a ngai dawn a inhriatthiamna ka han dil nghal e. Kan sawi tawh ang khan Noise Pollution avangin kan awte leh a dang dangte chu a let tam taka tih len/tih chak a ngai ta \hin a, chuvang chuan Electric Voltage hmangin mithiamten a tih len theih tih an hmuchhuak ta a, chung an tih lenna hmanraw hrang hrangte chu a pawimawh zuallo zirho dawn ila :1. Microphone :- Ahmanna tur leh enga tana hman \hin nge tih chu hrilhfiah ngaiin a lang lova, chuvangin a chepakaiin kan hrilhfiah vek lo mai anga, a tawi zawngin mantu/aw la tu ti mai ila, Microphone ah hian chi hrang hrang a awm a, chungte chu :www.mizoramsynod.org
a) Dynamic Microphone :- Dynamic

tih chu mizotawng chuan danglam tihna a ni mai a, ri ti danglam thei/hmandan a zira ri tidanglam thei te pawh ti ila a dik vek mai awm e. b) Condenser Microphone :- Pu J.F. Laldailova chuan Condenser chu Electric khawlkhawmtu tiin a letlinga, a aia fiah a sawidan awm pawhin ka hre lova, chuvangin Pu Dailova lehlin zul hianElectric khawl phawta ri latu ti mai ila, eng Voltage ber emaw hmangin kan ti nung phawt, tichuan Amplifier-ah emaw Mixer-ah emaw kan zawm khan ri ring \ha tak a pe chhuak thei a ni. Thiamna sang zelah tunah phei chuan hetiang Microphone (Mic) hi ti nungtu dah hmasak phawt ngai lovin Mixer-ah te an rawn dah sa a, Remote Power emaw Phantom Power emaw tiin an sawi \hin a, Pencil Battery a tih nun chawp ngai Condenser Mic ai mah khan ri a lo fiah leh zual a ni. Heng bakah hian Mic hi chi hnih a la awm a, Ribbon Microphone leh Piezo-Electric Microphone te an ni a, tuna tan chuan tul ber lovin kan hre deuhva, zir chiang lutuk ve lo mai ila a \ha mai awm e. Heng Microphone chi hrang ka han sawite hian man dan chi hrang an nei a, chungte chu :i) Cardiode :- A lema kan hmuh ang hian heng Mic ho hian man nat/fiah theihna lai bik an nei a, chuvangin Dynamic Mic chhuangkua-ah a tel thei a, a hmangtu in a ken dan a zirin a ri a danglamin a ringin a zawi thei bawk a, chuvang chuan Cardiode Microphone an ti a, a tlangpui thu in heng Mic ho hi a hmangtu in hnai taka a hman a ngai \hin a, hla deuh a hman chuan Sound Control tu tan harsatna a siam thei tih hre tlang ila.
10
ii) Omni-Directional Pattern :- Microphone hawi zawng pawh nei chuang lo, khawi hmun a\ang pawha a man nat zawng in ang hi Omni-Directional kan tih chu a ni mai a, a lema kan hmuh ang hi a man dan min hrilhfiahtuah hmang mai ila a \ha mai awm e. iii) Bi-Directional Pattern :- Microphone hma zawng leh hnung zawnga hmana a man rin dan in ang hi Bi-Directional Pattern kan tih chu a ni mai a, a lem a kan lantir ang hi a man dan chu ania. Tin, BiDirectional Pattern ang hian kil khat a\ang chauha man chi a awm leh a chu chu Uni-Directional Pattern an ti leh bawk a. A hmanna hmun tur leh hman dan tur zawng zawng sawi vek a chakawm hle mai! Mahse, hunin min daih dawn loh avangin a chi hrang kan hriat hi tun atan chuan duhtawk leh phawt mai ila.
Heng lo pawh hi Microphone ah hian man dan a la awm a, amaherawhchu kan hman ngai loh te anih hlawm avangin sawi vek lo mai ila, HyperCardiode, Super-Cardiode te; tin, chungho ah rau rau pawh Short Shotgun te Long Shotgun te pawh a la awm leh ta zel a ni. Heng Microphone chi hrang hrang kan sawi a\ang hian kan hman dan tur mila kan lei thiam ngei beisei ila, miin a \ha an tih vanga lei ve ngawt lovin eng atana hman tur nge tih chiang tak hriata
11
lei hi a finthlak hle in ka ring. Tin, Mic hman dan tur leh Sound Box nen engtia hla a hman tur nge tih kan hriat theih nan a lem hi ngun takin en mai ila \ha in ka ring. Thenkhat chuan a kendan pawh kan la thiam lova, kan milar zaithiam te ngeiah pawh hian hre lo an la awm a; tin, hrilh tawh pawha ti duhlo an la awm te phei hi chu a zia lo tak zet a ni. 2. Mixer :- Console, Board,Desk ti te in a hming hi an sawi bawk \hin a, a awmnna ram a zirin a hming a hrang mai chauh a,a tih tum leh nihna chu a in ang reng a ni. A tirah tak chuan studio a hman atan te siam a ni a, hun a kal zel a broadcast atan te, live sound atan te, public address atan te worship service a hman tur atan te an siam chhuak ta zel a ni. Audio Mixer hian,hnathawh tum hrang hrang a nei a, chungte chu :a) Sound Signal lian tak a lo ti chak loin signal te a ti chak theih bawk. b) Signal hrang hrang lolut khawm in ang lo tak tak te rual taka lo siamtu a ni. c) Sound signal chawhpawlh mawitu a ni. d) Sound (ri) kim pe chhuaktu a ni. e) Sound (ri) hrang hrang lo lutte thliar hrangtu a ni. f) Sound signal(ri) ti ring a ti tawi theitu a ni. Henglo pawh hi kan hman duh dan a zirin thil dang dang atan te pawh a la hman theih a. audio mixer hnathawh theih hi a hmang nal apiangin a hmandan an hmuh chhuah belh mai \hin.tin, Mixer-ah hian Analog(mahnia control chawp ngai vek) leh Digital (kan set felsa dah\hat theih) a awm a ni.Mixer-a channel khatin a thiltih theih leh channel tam takina thil a tih theih dan hi a in ang reng a, a siam chhuaktu ten an siam dan a zirin atam leh tlemte,thil hrang hrang an dah tam leh tam lohvah te a in nghat mai a,amaherawhchu, a siam a \hat leh \hat lovah te leh ri a pek chhuah \hat leh \hat lohvah te, kan hman duh na hmun a zira lei thiamte hi a hmangtu ten uluk taka kan
12
thlan thiam a pawimawh hle a, a man to vang ringawta \ha tura ngaih te, miin an hmang tih vang ngawta phak lo chunga lei ve ngawt te hi intih hmuh tam loh a \ha hle in ka hria.Thenkhatin channel tam tak an an mamawh laiin channel tamtak hi kan mamawh ve kher lo mai thei a chuvangin ka hman miahloh tur leh mamawh loh tur lei tel hram hi a finthlak berlo tih i hre thar leh ang u. Chiang deuh zawk in Audio Mixer chu i lo zir dawn teh ang. 1) Gain/Trim :- Company hrang hrangin an ziah dan a inang lova, amaherawchu Gain tih leh Trim tih hian a sawi tum leh a kawh tum erawh a thu hmuh reng a ni tih hre hmasa phot ta ila, mitam takin kan ngaih hai fo \hin chu gain hi Volume emaw kan ti \hin a, Audio mixer-ah gain kan pe sang vaka volume kan pe hniam leh \hin a hei hian a khawih pawi \hin chu kan bungraw dang eg. Amplifier te,speaker tweeter te a chhiat hma phah thei a ni. Gain/Trim( Indai rama kan mixer hmuh tam zawk hian gain tih an rawn hman a vangin kan sawi leh hunah pawh gain tih hian kan sawi zel tawh mai dawn nia) in a hna a thawh dan ber chu audio signal hniam tak a lo ti sang/ ti lian a( a len na na na chuan a ring \hin a,lung lian tuia kan thlaka a fawn nasa ang deuh hian, a tih ring ve tho avang hian volume emaw kan ti fo) tin, audio signal lian / chaksa a lo ti hniam/ chaklo \hin a ni. ahma lam a kan sawi tawh decibel(dB) lo control tu kha a ni a.mixer an siam chhan laipui ber pakhat pawh a ni. kan mixer kan en chuan a volume knob zawn chhovah lak lawh deuhin 0 tih in ziak kan hmu ang a.(professional Mixerah chuan a awm vek tura ngaih a ni) Company-in a tih nalhna atana an ziah mai mai a nilo tih kan hria in ka ring a. Mihring bengin ri a hriat nuam lai ber kan tih 0dB lai kha hmun pawimawh takah dahin Signal(Ri) lo lut zawng zawng chu alian emaw a te emaw gain hmang khan a lo ti zero vek a(Pa hero tak Piano te pawh alo ti zero a nih chu) tichuan eng ri pawh rual tak mai a alo siam tak avangin ri in chak hleih nuaih thunun(Control) ai chuan ri chak zawng in ang \hap lo khawih chu a nuam ta em em zawk a volume in a hna thawh tur tak anga kan thawh tir chuan Sound ngaihnobei a lo chhuak ta \hin a ni.
13
2) Low Cut 75hz/85hz :- Proffesional mixer kan tih ho reng reng chuan a tlangpuiin gain bul chiah ah hian low cut 75 hz emaw 85hz emaw hi hmeh tlum theih turin an rawn dah \hin a. hei hi erawhchu Frequency Response kan sawi zinga mihring aw in a ri a pek chhuah theih hniam lam 75hz emaw 85hz emaw bak zawng, ahniam lama ri la awm si aw in a neih tawh loh paih nan a an rawn dah a ni a.Mihringin a ri a pek chhuah theih bak aia hniam a Eq kan pek hian puak deuh pup pup te thli ri a bik takin phu.. Pha... etc.. a siam nasa \hin a. chumi lo filter ( thiantu/ dangtu) atan a chu dah a ni a, musical instrument a hman atan chuan a \ha lemlo.kan filter chuan a thum ham ham tur kha kan ti tlem a. rithum ngaina tan chuan a ho duh khawp. 3) 48+ve/ Phantom/ Remote power :Mixer kan en chuan hetiang a in ziak hi a lo awm \hin a hei hi a hmanna tur ber ber chu Mic chung chang kan sawi a condenser Mic kan tih ho tan khan an dah sa \hin a. Microphone leh mixer thlun zawm nan hrui( Signal Cable) kan hman a a hrui enge maw bera kal thei turin mixer in 48+ve a pe chhuak tel \hin a. tichuan hetiang mamah chi mic kha a va tihnun pui ta \hin a ni.Phantom Power mic kan tih reng reng hian ri a la chak a. alo zau bawk a tin a la na bawk a chu vak chuan thusawitu a hman a tan te a bik takin Zaipawl rual tan te a hman tlak em em a. tun hma a zaipawl kan mic-up hlawhchham \hin kha hetiang ang mic an rawn siam chhuah a\ang hian kan hlawhtlinpui \hin ta hi a lawmawm hle,khawl dang hman tel ngai miah lova mixera an rawn dah hlei hlei hian min ti awlsam sawt bawk ani. 4)30dB/40dB Input / Output :- Mixer tam zawk chu a ni lovanga thenkhat ah hian a lu lam ah hetiang hian an rawn dah sa \hin a, gain kan sawi chhung a mi tho ka a niin a hnatawh tum ber chu Signal input lian ho tan fixed-in a gain cutna an lo siam a hmeh tlum veleh a gain kha a lo hniam ta \hin a ni. Gain pek miah loh pawh a signal lo lut a la san lutuk a cut/tih hniam nan a duan ni awm tak a ni.
14
5) Equalizer (Eq) :- Equalizer-ah hian chi hnih a awm a chu chu Parametric (a herh a her kual theih) leh Graphic (a nawr a nawr tawlh GEq hi Sliding (Eq an ti bawk) Equlizer an ti a ni. Mixer Channel mal chauhah chuan Parametric Equalizer (PEq) an dah \hin a, atam zawng erawh a in ang veklo tih erawh hre tlang ta ila a \ha awm e. Felfai zawka ri a dawn sawn lo tih thianghlim a ri fai tak neih tir a tum a ni ber mai. hetiang hian lo sawi dawn ila. a) Hi (High Frequency Eq Control) : Frequency sang lam kan bengin a hriat dan chuan a sin lam pekna leh paihna (Boost/Cut) b) Mid ( Middle Frequency) : Ri laihawl ho pekna leh paihna (cut/boost) Mid Freq. hi mihring bengin ri a hriat chian theih lai ber leh mihring aw in a ri a pek chhuah fiah lai aber a ni a, Mid Freq kan tih lai ber hi 1000hz (1000hz = 1khz) hi a ni. Mixer thenkhatah chuan Mid Eq hi Sweepable (thliar hran) theihin an dah \hin a Mid Freq kan duh lai kha kan pe sang thei a, kan duhloh lai kan ti hniam thei bawk a ni. Hei hi a\angkai em em mai a, mipa aw aiin hmeichhe aw hi a fiah zawk a Mid Freq an neih \hat em avangin ri pherh te a chhuak hma bik a chuvang chuan paihsak deuh te a ngai \hin a. Tin, Music ah pawh Hollow Guitar te hi Mid Freq nei sang sa an nih avangin paih sak deuh a ngai chang a awm \hin avangin Mid Sweep an dah hi a \ha hle a ni. c) Low/ Bass (Low Freq Eq Control) : Rithum lam pekna leh paih na (Cut/Boost) a ni a. a mawitawka kan pek thiam chuan a thum lam hian ri a tihkim phah khawp \hin a, kan pek thiam loh ve thung erawh chuan vu vung vung ri te, ri deuh bul bul (boomy sound) te kan herh chhuak a sound ti hnawk tu a ni ve thei bawk.hetiang hian parametric Eq chuan hna a thawk tlangpui \hin. Graphic Equalizer(GEQ) hi Parametric Equalizer ang bawkin a hnathawh tum chu a in zul a, mahse zia rang dang deuh a nei a, Graphic tih chu thai rin a entirna ti mai ila, Frequency Hertz hrang hrangte thai rina entir tihna a ni mai awm e. Tin, Graphic Eq hi Sliding (Zai) Eq te pawh an ti bawk. Tichuan, Graphic Eq (GEQ) ah chuan Hertz hrang hrangte kha a mal te te a pek tam/pek tlem theihin an dah chhuak a, Concert-na ah leh tawngna (Speech Reinforcewww.mizoramsynod.org
15
ment) ah kan hman dawn chuan Para Metric a\anga chi hrang hrang kan chawhpawlh khawm kha a hlawmin Graphic Eq ah a lut a, chutah Graphic Eq chuan Frequency tlem ta deuh bik te a lo pe tam (Boost) a; tin, tam deuh te pawh a lo ti hniam (Cut) \hin a ni. Atlangpuiin Graphic Eq hi mithiam hoten an hman danah chuan Cut (tih tlem) nan an hmang tlangpui. Music Reinforcement-ah phei chuan Equalizer (Frequency/Hertz thununtu/hlawm khawmtu) hian ri chi tam tak a pek chhuah theih avangin uluk taka zir chian a pawimawh hle. Rimawi tak a pek chhuah rualin ri hnawk ninawm tak a pe chhuak thei bawk a ni. Guitarist tan Effect a hmanah te Bassist tan Eq a Set thiam danah te Drummer in Eq a Set thiam danah te Pianist in Piano in eng ri nge a neih a khawi Frequency nge mawi lai ber tih a hriat loh chuan ri bengchheng ve satliah mai mai te, Effect hman inang rau rauah pawh in nalh hleih em em te hi Eq Set thiam leh thiam lohah a in nghat em em a ni. Eq Set thiam chuan rimawi a nihna a phawk chhuak a, Set thiam loh erawh chuan rimawi a ti tling zo \hin lo a ni. Mithiam ten uluk taka an ngaihthlak a, aw ah te Musical Instruments ah te ri mawi lai leh ti hnawk lai te a ti pherhtu lai Hertz te an teh chhuahna chu (Branch tin-a Sound Operator ten kan \angkaipui beiseiin a hnung berah kan thil tel e) 6) Auxiliary (Aux) :- Mizo tawng chuan puibawmtu, \anpuitu, belhchhahtu tihna a ni mai a, Mixer belhchhahtu emaw Mixer puibawmtu tihna a ni mai awm e. Company hrang hrangin an dah zat in ang vek lo mahse a thil tih theih dan chu a in ang deuh vek a, thenkhatin 4 te 6,8 te; tin, 2 dah te pawh an awm a, buaina tur a awm hran chuang lovah ngai ila. Auxiliary (Aux) hi Monitor atan te, Processor (Voice Effect, Compressor, Limiter Delay) zawmkhawmna atante a \angkai em em a; tin, Mixer Volume nena hmankawp turte (Post) Channel Volume thlen hma-a (Pre) Volume Control nan te hman a ni tlangpui. Thildang tam tak a ti theia a lem a\anga en in a hman theihna ni awma ngaihah chuan \angkai tak a ni. 7) Panoramic Potentio Meter (Pan Pot) :- Atlangpuiin Mixer hrang hrangah hian ri in ang pahnih (Saptawngin Stereo) ri chhuak theia siam a ni deuh vek a, Left & Right (dinglam leh veilam) ri a
16
pek chhuahna Control-tu chu Panoramic Potentio Meter alam tawiin Pan Pop an ti a, Mixer ah phei chuan Pan tih ringawt te pawhin an ziak a, Recording Studio ah chuan Sorround Sound siam nan te, Expression siam nan te pawh an hmang \hin a, Live Soundah chuan Input a duh hnem deuh \hin avangin kan uar lutuk hran lo. Mixer Channel kan neih tam chuan Acoustic Drums te han Pan hian an Roll kual velah pawh ri tlan kual pup pup angin Pan hmang hian a siam theih a, ngaihthlak chu a ti nuam duh phian. 8) Volume (Vu) :- Ti ringtu, ti zawitu ti ila a chiang ber awm e. Thenkhat chuan Fader (ti zuihraltu) ti te pawhin an dah a, khing a chunga kan sawi zawng zawngte lo lakhawm a Master Volume/ Fader emaw a thawn \hintu a ni a, chuvang chuan kan Input Signal te lo khalh khawma a pek chhuahna tur hmun (Amplifier) a thawn chhuak leh \hintu a ni. Chuvangin a hmalama kan sawi Gain nen kha chuan a hnathawh tumdan a inang lova, ri engpawh Mixer-a lo lut rual tak leh in angkhat veka lo siamtu Gain in a hnathawh tur a thawh zawh tawh hnua ri inchawih mawi tak lo siam leh tu Equalizer in a tihtur a tih hnuah ri chhuak turin kan peih fel tawh a, a rin leh a zawih chu i tih dan danin lo ti ve tawh rawh le tia an thawn thlak chu Volume hian a lo dawngsawng a Channel hrang hranga ri lo lut ho chu a duh leh a ti ringa a duh leh a tizawi a, a lo chawhpawlh kual vel ta a, chung a chawhpawlh (Mix) kual vela chu ti ri tu pui ber (Master Volume) ah a thawn phei a, Master Volume chuan lo Control in a aia chak hnenah (Amplifier/Booster) a pe chhawng ve leh ta \hin a ni. Ti hian Volume in a hnathawh tum ber chu kan hrethiam mai awm e. Kan sawi hmaih hauh loh tur chu Mixer-ah hiah a behbawm an rawn dah tel chu Voice Effect a ni a, aw han tih tlawk (Reverb) chawp duh te, rinawn tura kan siam (Echo) duh changte, kan aw aia ritlai hreta kan siam (Delay) duh changte a hman turin khawl hran an dah tel \hin a, chu chu Mixer a Control theih turin a thlun zawm veka, chutianga an dah tel \hin chu Inbuild Effect Mixer an ti \hin. Khawl hranpa daih ni mahse Mixer pakhata a beh ve miau avangin hmun dang a\anga Fit chawp ngai tawh lovin hman theih maia a awm avangin a ti awlsamin hman a ti nuam ve riau \hin.
17
3. Amplifier :- Transducer (thlak thlengtu) tih te, Booster (ti liantu) tih te in an sawi \hin bawk a, Mixer in a hnathawh tura thawh vek hnuah amah (mixer) mai chuan Sound Box ti ring thei khawpa chakna (Power) a la neih loh avangin \anpuitu atan leh a thil neihte lo tih chak saktu a mamawh a, Chumi Signal a neihte tih chak saktu chu Amplifier/Booster an ti ta a ni.Mithiam ten rikim pechhuak theia an pawm hi Power Amplifier/Booster an ti. 4. Sound Box :- Kan thil tih zawng zawng hmawrbawktu ber chu Sound Box hi a ni a, Loud Speaker, Cabinet, Bin, Horn tih te pawhin an sawi \hin a. Kan hriat atana \ha chu Sound Box ah hian ri a pek chhuah theih hrang hrang a awm a, Frequency sangho la tu tur bik Speaker hi Tweeter an ti a, ri lai latu chu Mid Speaker (Mid Range) rithum la tu chu Woofer/Low Bin an ti leh a; tin, Sub-Woofer a awm leh a ri hniam tak tak la tu a ni. Tichuan, heng zawng zawng ri chhuak thei tura siam hi a awm leh a chu chu Full Range Speaker/ Sound Box an ti bawk a ni. Sound Box leh Amplifier hi Bungraw hrang ni se thil inkawp tlat a tu ve ve pawh hi awmlo se \angkaina nei lo ve ve an ni a, chutiang chiah chuan inkawp rem taka an awm a ngai a, chak zawk leh chaklo zawk awm lova an phurh zawh tawk an in hriatsak a ngai a, chuvang chuan Connection/zawmkhawm thiam a ngai ta a ni. Sound Box chungchangah hian a hming tam tak sawi tur a awm a, a dahna hmun a zira a rik chhuah dan te, kan Inkhawm/Function kan neihna hmun in Sound Box a mamawh dan te, Sound Box hawizawngin a ri a siam danglam dan te, hmun khawk lutuka Sound Box khaina hmun tur te, a tam mai sawi vek sen pawh niin ka hre lo. Engpawhnise, Sound Box hunna hmunte kan hriat hma hauha kan hriat hmasak ngei tur chu a zawmkhawm dan hi a ni a, i lo bihchiang dawn ila :5.Connection :- Sound Box leh Amplifier zawm dan lar ber pahnih chu Parallel leh Series Connection a ni a, a pawimawh avangin a chawh chhuah dante pawh zir tel ila a \ha awm e. 1) Parallel Connection :- Hrui pahnih in si miah lova a zawm tur ve vea zawm hi Parallel Connection a ni mai a. Amplifier hnung lam kan en chuan Com leh W (Ohm) Sign a lo awm a, tin Speaker

ve
18
lamah (-) Negative leh (+ ) Possitive a lo awm leh a, Ampli-a Com leh Speaker a Negative (-) zawm a, Ampli-a W (Ohms) leh Speaker lama Possitive (+ve) zawm kha Parallel Connection chu a ni mai a, amaherawhchu eng Ohms (W ) nge tih leh eng Watts nge tihah buaina kan nei ta a, entir nan Power Amplifier 1600w kan nei a, chumi chawm tur chuan 8W Speaker pali kan nei bawk. Engtin nge kan Fit ang tih kan hre duh ta, chuvang chuan Maths kan zir ve zauh a ngai ta a ni. Hetiang hian Formula dah ila :Impedence/Ohms - I = I I W/I W/I Formula ang hian kan chawk chhuak chhin ang :I = 1 1 8 8 LCM = 1+1 8 = 2 (4 up side down) 8 = 4W Sound Box pahnih ka neih chuan Amplifier ah 4W ah ka Connect dawn tih a lo lang ta a, pakhatah chuan 8W ah tho Connect a ngaia, hetah hian kan hriat hmaih hauh loh tur chu Sound Box Watt (w) kha a ni. Power Amplifier angah chuan a chhunga Ampli pahnih (2Mono Amp) a awm \hin a, 1600w anih chuan 800 + 800 a ni tih hria ila, hetiang Amplifier hi Balance Amp/Stereo Amp emaw tiin an sawi \hin. (Balance chu intluk tihna a ni a, Stereo chu pahnih tihna angin hmang mai ila, awmzia ah chuan ri inang pahnih dawng thei/pe chhuak thei tihna a ni. I Box pahnih belhkhawm Watts leh Ampli in a Watts a pek chhuah kha a inmil tur a ni. A theih hram chuan a inmil thei tur hi lei tum tlang hram hram ila. Sound Box chak zawng hi tehna hrang hrang a awm a, chu chu RMS (Root Mains Square) Signal chak tak vawikhata a lo dawnsawn thut pawha a zawh tawk sawina, India ramah leh U.K. ah te chuan Watts tih mai \hin a ni.
19
P.M.P.O. (Peak Music Power Output) Sound Box in a hnathawh tur a thawh mek laia, Signal sang thut thuta a sang lama a dawl zawh thleng sawina. Amplifier leh Sound Box kan leia kan en hmasak ber \hin chu Watts leh Ohms a ni a, a pawimawh reng lah taka, hemi ruala kan ngaih pawimawh tur pakhat chu Peak-ah engzat nge a dawl zawh tih hi en hmaih miah loh tur a ni. Parallel Connection hi a tlangpuiin Music Re-Inforcement ah an hmang \hin.
2) Series Connection :- Series Connection chu hrui pahnih thlen tumna in kal thelh a zawm (Series) kawp hi a ni mai a, Amplifier-a Com leh Ohms (W) zawmpawlh a ni. (Sound Box pakhat chauh hi Series theih loh tih erawh hre tel ila) Amplifier pakhat chauh kan neih laiin Sound Box tam tak kan nei ta si a, Parallel anga kan zawm dawnin Ohms (W) a buai si a, chutianga harsatna kn neih hun atan chuan Series Connection hian min \anpui thei ta a ni. A Connect dan leh eng Ohms ah nge kan dah ang tih kan hriat dawn chuan a chawhchhuah dan (Formula) kan hriat leh tho angaih avangin a hnuai a mi ang hi a Formula chu a ni (8W Series in pe mai ila) Ohms/Impedance 1 = SpeakerW + SpeakerW = 1=W+W
i.e 1= 8 + 8 I = 16Ohms
Sound Box Ohms kha belh mai tur a ni. Ohms inang 4 kan neih pawhin belh mai tur a ni. Hetiang hian :-
1=4+8+8+4 1 = 24W
20
Heta kan chawh chhuah 24W hi kan Amplifier-ah a awmlo anih chuan a hnaih ber tur Ohms ah Connect mai tur a ni.
Tichuan, Parallel Connection leh Series Connection khaikhawm nan mihring angin sawi ta ila, Parallel ah chuan mi pali-in cheng 500 (w) theuh an thianpa hnenah an dil a, an thianpa chuan ekhai cheng 1600 chauh ka nei a, chuvangin 1600 chu lo insem mai teh u a ti ta a, tichuan a thiante chuan a hmasak danin an insem ta a. Tichuan, \hianzaho an lo kal leh a, an \hianpa hnenah chuan pawisa an rawn dil leh a, a hmaa mi anglo takin a thenin 100 an duh a, a \henin 20 chauh te an duh a, a \hen 50, chutiang zelin an duh zawng zawng belhkhawm chu 2000 a lo tling ta si a, an \hianpa chuan thulai a la ta a, engpawh nise cheng 50 \heuh hian lo insem rual mai teh u a ti a, an insem rual ta a ni. Connection chungchanga kan theihnghilh miah loh tur chu Plus leh Minus (+ve leh -ve) hi a ni. An koh lerh dan chuan Plus (+ve)hi Hot an ti a, Minus (-ve) hi Cold an ti a, a zawmna tur lo zawka i zawm hian a ri tho ang, mahse a lo dawngsawng bertu Speaker khan boruak a va nawr dat dat tur kha a let zawngin a lut tlat a, Rithum pe chi Speaker ah phei chuan a thum hlei thei lo \hin a, chubakah Speaker chhunga darzai invet (mizo tawngin Ohm hi vet, veh tihna a ni) khan Magnet a va su chawrh chawrh \hin a, kan Sound Box a ti tlo lo thei bawk. A kumpui linglet tak meuh meuh a mithiam ten an zir \hin, tun darkar reilote chhunga zir zawh chu a theih lovah i ngai phawt mai teh ang u, hriat duh leh ngaihpawimawh kan nei anih leh inzawh hreh lovah ti mai ila a \ha mai awm e. A tlangkawmna atana ka hman duh chu Kohhran Sound hi a pawimawh em em a, ka sawi \hin dan takah phei chuan thlarau
21
thianghlim kengtu pakhat ka ti \hin. Hetiang taka pawimawh anih avang hian a khawihtu te pawh kan in uluk a \ha hle in ka hria. Hmun thenkhata Training ka pekna-a an lo sawi \hin chu an tawp tih hi a ni a, Sound Box pu chunga fai theih a Smart takin Sound hi a khawih theih a ni tih hi hre hram hram ila a va \ha dawn em! Langsar si lova rawngbawlna pawimawh tak a ni a, a \hat chuan an fak lovang che, a \hat loh chuan an kawh rawn luai luai ang che. Chuvangin rawngbawlna langtlang tak anih avang hian uluk leh zual ang u tih hi kan insawmna nise. Tin, a lei leh hman chungchangah pawh kan fimkhur hi a ngai hle tawhin ka hria. Tunlaiah phei chuan a nei to thei thei kan ti deuh emaw ni kan in tlansiakna \ha a ni ang em tih hi ngun taka \halaite hian kan ngaihtuah a ngai ta viau in ka hria. (Mizorama awm kan nih hi theihnghilh lo ang u) Kan Biak In tan a \hat tawk leh tawk loh te kan chawh chhuah hnuah eng ang System nge kan Biak In hian a mamawh tih hi kan chhut tho anga, kan rawngbawlpui pakhat chuan, Buhfai bag khat hi Bike in a phur thei a, Pick Up pawhin a phur theih a, Maruti 800 pawhin a phur thei a; tin, 407 pawn a phur thei a, Truck lian pawhin a phur thei, Mizoramah chuan kan Economic ngaihtuah miah lovin Truck a phurh tir kan tum a, tul lovah sum kan seng vak vaka a ti a, a dikin a sawithiam hle in ka hria. Buhfai bag khat phurh nan hian Maruti 800 ang vel hi a tawk viau lo maw? Kawng chho deuh leh chhe deuhah pawh zo takin a phur thei zelin ka ring. Engpawh nise, kan neih ang tawka \ha leh tlo tur kan lei hi kan tih tur chu a ni na meuh a, mahse kan Biak In chhunga boruak awmin a zawh loh tur (Volume Capasity) thleng thlenga kan hmang ta mai hi chuh! Open Air Concert ah pawh hmang ila a lehpek chuang a awm lovang tih khawp turte Biak In ah kan hmang ta te hi kan ngaih pawimawhna tilangtu ania a \ha tho e. Sound Box chungchang kan sawiah khan a siamtu Company te hian kan hmanna hmun tur a zira hman tur chi hrang hrang an siam a, hla taka thleng zung zung thei tur (Long Throw Speaker) te, pawna hman tur (Outdoor Speaker) inchhunga hman chi (Indoor Sound Box) te, zinna-a ken nuam tur (Touring Series) te leh tawi te te a thlawh tur chi (Short Throw
22
Speaker) te an siam a, hei hi chiang taka kan zir a ka hmanna turah engnge \ha ber ang tih chik tak chunga kan zir chuan hnu-a kan lei hi kan bat ni ve tlat in ka hria! Kohhran leh KTP sum hnar ber chu mipuiten 1/10 Pathian hnena an pek, kan hruaituten tawngtaia an hlan thianghlim thlap (sum thianghlim) a lei a ni \hin si a, mimal leh mihausa ten an duh duh an lei ang lei ve ngawt hi a neitu Pathian a zahawm a ni tih hi i hre thar leh ang u. Mi tlinglo leh mifel lo, thiamna lamah pawh chhuan tur pakhatmah neilo, Pathianin kan hruaitu te kal tlanga Sound System chungchang sawi tura mi ruat ve hi ka phu loh chawimawina a ni. Kei aia thiam leh tawnhriat nei \ha zawkten han sawi se kan \angkaipui leh zual tur hi a ni a, Sound lamah phei hi chuan zirlai thiamlo tak ka la nih ve tho avangin kan lo sawi hmaih leh ziah sual palh te awm a nih chuan ngaihdam ka dil e.Engpawhnise Sound System hi khawvel ta a ni lova Pathianin mihringa finna a pek vanga nei chauh kan nih avangin Amah ring tu ten a ram tih zau nan i hmang zel ang u. Lehkhabu rawn te :1. Live Sound Reinforcement 2. Text Book of Sound -
Scott Hunter Stark M. Ghosh
3. Audio Engineering for Sound Reinforcement John Eargles & Chris Foreman 4. Live Sound Basic 5. Live Sound for Musician Tony Marvuglio Rudy Trubitt
6. The Sound Reinforcement Handbook - Gary Davis & Ralph Jones (Written for Yamaha) 7. Handbook of Acoustic F. Alton 8. Introduction to Psychology (Seventh Edition) - Clifford T. Morgan, Richard A. King John, R. Weisz, John Schopler
23
EQUALIZER GUIDES FOR MUSICIAN
24
25
ZAIPAWL MIC-UP DAN
26

Sound System Chungchang

Загружено:

Сведения о документе

Авторское право

Доступные форматы

Поделиться этим документом

Поделиться или встроить документ

Параметры публикации

Этот документ был вам полезен?

Это неприемлемый материал?

Авторское право:

Доступные форматы

Sound System Chungchang

Загружено:

Авторское право:

Доступные форматы

Sound System chungchang

MIZORAM PRESBYTERIAN CHURCH (Presbyterian Church of India)

KRISTIAN |HALAI PWL

54th K.|.P. GENERAL CONFERENCE MULTIPLEX PROGRAMME