PATHIAN RAM KAUHNAK

(World Missions) #9

 Jesuh nih cun a hun naih hna i, Vancung le vawleicung i a ummi nawlngeihnak vialte cu pek ka si cang. Cucaah khua zakip ah va kal u law miphun vialte kha a ka zultu ah va ser hna u, Pa le Fapa le Thiang Thlarau min in tipilnak va pe hna u.

 Kan fialmi vialte hna hi an zulh nakhnga va cawn piak hna u. Cun hihi philh hlah u, nan sinah a zungzal in caan dongh tiang ka um lai, tiah a ti hna.
Hi tuurum chung i a um lomi, ka ta a simi tuu dang an um rih. Annih zong kha ka ratpi ve hrimhrim hna lai.

 Ka aw kha an ngaih lai i tuukhal pakhat tangah tuurun khat ah an cang lai. Annih cu a thawh hna i, Messiah nih cun sifahnak kha a in lai i ni thumnak ni ah thihnak in a tho han lai, cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai, tiah aa ial, tiah a ti.

 Cun nannih cu hi thil vialte a hngaltu tehte nan si. Asinain Thiang Thlarau nan cung i a tlun tikah cun, hawnnak in nan khat lai, Jerusalem khua le Judearam vialte le Samariaram le vawleicung khuazakip ah ka tehte nan si lai, a ti.

 Jerusalem khua chungah khan an lut i an rak umnak khaan chungah khan an va kal; thlacam awkah atu le atu a bu tein an i pum;
Amah cu an biak i an caan vialte cu Biakinn chungah khan Pathian thanghatnak caah an hman.