Академический Документы
Профессиональный Документы
Культура Документы
Nannih
cu Khrih sinah nunnak ah thawhter nan si cang. Cucaah Pathian orhlei kam i Khrih nih a bawi hutdan cung i a hutnak vancung khua chung i a ummi thil tu kha nan lung in i seh chih hna u.
Hi
Zeicahtiah
nannih cu nan thi cang i nan nunnak cu Khrih he Pathian chungah aa thup.
Mi zeimanh hi Khrih he an i pehtlaih tikah cun mi thar a si, a nunning hlun kha a lo cang, nunning thar kha aa thawk cang.
Nan
mihlun cu a hman tawnmi a ziaza he khan nan i phoih cang i mithar cu nan i hruk cang caah pakhat le pakhat i hleng hlah u. Hi mithar hi a sertu Pathian nih amah mui lo chin lengmang in a tharchuah lengmangmi cu a si i cucu amah hngalhnak kha tlamtling tein nan ngeih khawh nak caah asi.
Cu
a phichuak cu hihi a si: Jentailmi ti a um ti lo, Judahmi ti a um ti lo; cuarpartan ti a um ti lo, tan lomi ti a um ti lo, mihrut, Sitianmi, miluat, sal ti a um ti lo; zeizong vialte cu Khrih a si ko i zeizong vialte chung ah Khrih cu a um ko.
Nannih
cu Pathian mi nan si, Amah nih an dawt hna i an thim hna Cucaah mi zawnruahnak, zaangfahnak, toidornak, nemnak le lung saunak kha nan i aih awk a si.
Pakhat le pakhat lungsilonak nan i ngeih tikah pakhat le pakhat i ngaithiam u law i bawm u. Bawipa nih an ngaihthiam hna bantukin pakhat le pakhat nan i ngaithiam lai.
Cun
hi thil vialte cungah hin dawtnak kha chap u law dawtnak cu zeizong vialte, i rem hiphep tein a funtomtu a si.
Khrih nih an pekmi hna daihnak kha nan lung chung i biaceihtu ah ser u, zeicahtiah hi daihnak hmuh awkah hin Pathian nih pumkhat chung i um awkah an kawh hna. Cun lunglawmhnak in khat u.