Kristian |halai Pawl

Page - 4

Ramhlun Branch

Good Friday
GOOD FRIDAY : He ni hian Isua Krista chu Kraws-ah an khengbet a, khawvel chu thimin a tuam a. A thih hmain Isua aw ring takin a au va, Ka Pa, i kutah ka thlarau ka kawltir e Sipai za hotu chuan thilawmzia chu a hmuhin, He mi hi Pathian Fapa a ni ngei mai. |henkhatin an thil hmuh chu an ring a, \henkhat erawh thinrim takin an haw a, \henkhat thlabar takin an awm a chung zingah chuan amah zuitute pawh an tel a. Mihausa a hming Josefa a lokal a, Isua ruang chu a dil a, thlan tumah la zalh ngailoh naah chuan an zalh ta a. Puithiam lalte leh Pharisai te chuan Isua chu an ngaina lo a, Nithum chinah ka tho leh ang, a tih kha an hre reng a, a sawi ang khan a thlengdik ang tih an hlau a, Pilata an hmin a, thlan chu Sipai an ventir a, lung chu an chhinchhiah a. A tuk zingah chuan thlan enturin hmeichhe ho chu thlanah an kal a, mahse Isua ruang chu an hmu ta lo va. Isua chu thlanah a awm tawhlo a. Tuman Isua ruang chu a vengtu sipai lak ata an lachhuak silo. Isuan alo sawi thawh ang ngei khan a thleng dik a ni. Mihring Fapa hi misualte kuta mantirin a awm ang a, Kraws-ah an khengbet ang a, nithum niah chuan a tho leh tur a ni, a tih kha. Tichuan chu ni, Isua thihni chu Good Fridaykan tih hi a lo ni ta a. Isua chu a thi hlen lo a, a tho leh. Isua chu tihlum mahse nunthar kan neih leh theih nan a thih a ngai si. Hemi ah hian Pathian in khawvel a hmangaihzia kan hmu awm e. Pathianin khawvel a hmangaih em em a, chutichuan a Fapa mal neihchhun a pe a, amah chu tupawh a ring apiang an boral loh va, chatuana nunna an neih zawk nan. Khawvel thiamloh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e. Johana 3:16,17

Special Issue

I TAN A THI VE EM? German lemziak thiam Steinberg-a chu Isua lem niawm tak ziak thiam bera ngaih a ni a. Vawikhat chu hmeichhe naupang duhawm deuh mai hi a hmu a, a lem ziah sak tumin a hruai haw a. A lemziahna pindanah chuan Isua an khengbet lai lem hi a intar a. Naupangte chuan, Isua hi an khengbeh si chuan misual tak a ni dawn hi, a ti a. Steinberg-a chuan Isua chu sualna neilo mi zawng zawng tlan nana thi a nih thu a hrilh a. Naupangte chuan, Chu i tan a thi ve em? a ti ta reuhva. Kristian la ni lo Steinberg-a chu chu thu chuan a deng na hle mai a. A ngaihtuah zui a, a piangthar ta a. Tichuan a thil ziah chu chhunzawmin kraws hnuaiah chuan, I tan hetiang hian ka tuar a, ka tan engnge i tih ve dawn? tih a tar ta a. Chu chu Court Zinzendort-an a lo hmu a, Moravian Movement ropui tak a dinchhuak ta a. Moravian ho nun a\angin John Wesleya chuan piantharna alo chang ve bawk a. KRAWS ** Isua hian a lalram hlimpuitu tam tak a nei. Mahse, Kraws pu a atana tuartu chu tlemte an ni. - Thomas a Kempis ** George Nixon Briggs-a Massachusetts Governor \hiante pathumin Golgotha an tlawh a. Chu tlanga an awmlai chuan a \hiante chuan amah an hriatreng thu an sawi a . A ni chuan, |hiante u, chutiang hmun a\anga min rawn hrereng chu ka lawm hle mai. Mahse, chu hmuna , min hrerengtu leh Krawsa min tuarsaktu chunga ka lawmna chu a nasa zawk daih tih hi hrilh che u ila in haw lovang chu maw? a lo ti daih a. ** Mark-a nu chu a fapain zawhna a chhan mak em avangin an zirtirtupain a phone hial a. An zirtirtupa chuan, Fanghmir nipuia eitur chhekkhawl leh, khaukhuap nipuia infiam a thlasika \am leh si chanchin leh an lem ziakzawm rawh u le, tiin a hrilh a. Naupang \henkhat chuan, Fanghmir chuan eitur a pe phal lova, khaukhuap chu a thi ta, an ti a. Naupang \henkhat thung chuan An ei dun a, an nung ta a, tiin an ziak thung a. Marka erawh chuan an zirtirtupa mak tih em em turin. chu fanghmir chuan a eitur zawng zawng chu khaukhuap a pe vek a, amah chu a thi ta a, tiin a tawpah Kraws lem pathum a ziak ta a. ** Kraws chu lawm takin pu la, a pu ve ang che. Krawsah chuan damna a awm. - Thomas a Kempis Tlangval zurui pakhat hian Pastor upa tawh tak mai hi ** Vana lallukhum khumtute zingah khian leia kraws pu lo tihel takin Kristian ho hi in Pathian hi ropui takin tumah an awm lo. - C.H Spurgeon tumkau nen in chawimawi a, a hnu lawkah Inkhengbet leh a, thihna hnehin a tho leh ta tiin in lawm leh hle a, a Lal Isua kan tan Krawsa a inpekna Good Friday chu kan lo tholeh tih hi chu in belh mai mai a ni tawhlo maw, a ti thleng leh ta reng mai. Sualna leh fellohna neilo mihringte min a. Chu Pastor chuan a ni viau a sin, Lal Isua kan neih hmangaih avanga a tuarna kawng hi ava rapthlak em! Nun tirh hian kan hlim viau a, amah kan fak ning theilo, kan neih theih nan sawisak leh Krawsa khaikanin a awm a, mahse Sual avanga chauh chang leh ngui changte a awm chatuana thi tur min chhandamnan a nun zawng zawng a rawn \hin. Amah avanga kan hlimna te leh kan chawimawina hlan ta si. Kan sualna te zawng zawng phurin a tuar a, te chu alo chuai a, Lal Isuan kan thinlungah hmun a lungngaihna hmun Kalvari tlangah a thlen a, mahse Lal Isuan chang ta lo \hin. Mahse Isua chanchin i sawi thihna a Krawsa a tuarnatzia hmu tur hian kan khawvel mit hi tihdelin a atawp mai lo ang hian, chu sualin a beihna a\ang chuan awm \hin a, a tuarna kan hmufiah thiam \hin lo a ni. Lal Isua kan tho leh zawk \hin a ni. Lal Isua chanchin thawhlehna tuarna hi engti kawngin nge kan \awmpui ve le. Pathian tello a akimlo ang hian Kristian te hi Sual a\anga kan hmangaihna hi kan hmufiah thiamlo ang tih a hlauhawm hle. thawhleh loh chuan chatuan nunna kan chang thei lo Lal Isua tuarna hi \awmpuiin, kan tana chhandamna kawng a ang. Nangpawh Lal Isua avangin hlim takin i awm \hin, rawn hawn thar leh ni hi i hre nawn fo ang u. sual bumna avanga thi hlen mai lovin, a thawhlehna Kohhran zaipawl te Good friday chawhma inkhawmah \awmpuia, sual ata tholeh turin kawng a lo kawhhmuh hla remtur a ni a, hla zir \hin zawng zawng te hla lawk che a ni, tiin an in thlah liam ta a. remturin kal hma tum \heuh ila a lawmawm hle ang.
Published by Lalbiaktluanga on behalf of K|P, Ramhlun Branch. Printed at Five Brothers Offset Press Ph.- 9436197841: Copies 400

Facebook Group - K.T.P Ramhlun Branch

Kum Khat Man Pek Lawkin Rs. 100

PROGRAMME
GOOD FRIDAY PROGRAMME Good friday chawhma : Pathian Biak Inkhawm Chairman : Upa Hniarmanga |antu : Pi Vanlalkhumi Thupui : Lal Isua thisen hlu Thuhriltu : Upa C. Lengmanga Zaipawl : Kohhran Zaipawl Chawhnu : Lalpa Zanriah Sacrament |hehtu : Rev. C. Lalsangliana Zaipawl : Kohhran Zaipawl Zan : Pathian Biak Inkhawm Chairman : Upa V.L Nghaka Thupui : Lal Isua tlawmlai taksa Thuhriltu : Upa Vanlalnghaka Zaipawl : K.|.P Group Good Friday Lenkhawm Programme : 6.4.2012 Chhun Hruaitu : Upa C. Kapmawia Thingpui lumtu : Intermediate Zirtirtute 6.4.2012 Zan Hruaitu : Pu H. Za\huama Thingpui lumtu : K|P Committtee TUAR CHUNGA DAMNA PUANGTU LAL ISUA Luka 23:39-43 Pa Pathian remruatna ang zelin mihringte chhandamna hna hlen chhuak turin Isuan Kalvari tlang Kraws a pan a. Judaten khengbet tura an ngen tlat avangin Kraws-ah chuan khenbeh a ni ta. Isua an khenbeh rual hian mi pahnih dang khenbeh an ni a, sual lian tak an tih avanga thi tura hrem an ni. Isua ruala khenbeh ve pakhat zawk chuan taksa thihna chu engkim tawpnaah ngaiin a hlau em em a, thihna laka chhanchhuak thei tur nia an sawi Isua chuan a thiltihtheihna lantir sela, an tuarna chu titawp nghalin an taksa na pawh tidam se a duh a. Isua a chet mai siloh avangin a hau ta hial a ni. Khenbeh dang pakhat zawk pawhin dam chu a duh ve tho va. mahse amah Isua kha damna famkim chu a ni tih hriain amahah a innghat hmiah a, tuar chungin Isuan a damna thu a puansak ta a, chatuana nunna a chan phah ta a ni. Tuarna karah mahni tuarna laka damna duhin kan tuarna ngawt thlir a awl hle. Isua lam ena amah ringa innghah mai hi damna kawng a ni. - Nitin Lalpa nen ** Good Friday hi hlim tak leh hlawk takin K.|.P te hian kan lo hmang tawh \hin a, ruai nena han lawm pawh a phu thlawt te in ka hria. Ramthar lamah te kan fehchhuak chum chum a, kohhran kan hlim lai a nih vangin a kal ve theilo te chu kohhran lenkhawmna ah an lo zaikhawm bawk a. Kum 1986 chho ah khan Sunrise Service-ah \hianho zaipawl neiin kan tho hlawt chu kan zai ngawng ngawng a, Pu Biakliana kan tih mai hovin a tuibur um ngei mai chu khawng keuh keuhin kan zai a, zai a tui duh hle mai. Lal Isua Krista thisen, Setana hnehna chu Good Friday ah hian a hlu zual \hin in ka hria. - Tv. R.M Lalrinzuala
Kristian |halai Pawl

GOOD FRIDAY
GOOD FRIDAY CHANCHIN PAKHAT - Lettu : Elizabeth Chawnghlut A ni theilo, ka ring thei lo. Khang zawng zawng ka tih hnu khan Vanrama chengthei hian ka lo inring ngam lo, ka chanchin ka han hrilh teh ang che u. Hmanah chuan kei leh ka \hian Jake-a te chu suamhmang mi retheite chunga hleihlen hmang mi nunrawng tak kan ni \hin. Jerusalem leh Jeriko inkar kawnga Juda tlang pukah te cheng kualin khualzin suam chu kan hnapui ber a ni \hin. Isua Krista chu a vawikhatna turin Jeriko khuaa chhiahkhawntu Zakaia ina a lo thlen \um khan ka lo hmu ve a, chutah chuan Isua nen chibai inbuk tawnin ani chuan ka tih sual \hin te chu hre tlang vek ang maiin ka mit ah tak min en a, tihian min zawt a, Ka ramah chuan sual ngaihdamna a awm asin, chu chu neih ve i duh lawm mi?. Nimahsela, ka chhang thei lo, riat nawk nawk chungin ka kalsan ta zawk a. Chuta \ang erawh chuan Isua thusawi chuan min hneh em avangin a thusawi ngaithla turin ka awm ve ta ziah a, ka sualte sima a hnena kal chu ka duh \hin mahse keima theihna chuan ka pan thei mawlh si lo. Rei vak lovah chuan kei leh ka \hiante chu Rom sipaite manin kan awm ta a, Jerusalemah hruai kan niin zahngaihna tel hauh lova hrual kan ni zui ta a. Khami ni takah khan alawm, Krawslera Isua Krista an khenbeh rual khan kei leh ka \hian Jake chu Krista lehlam lehlamah khenbeh ve kan ni a. Mipui tam tak, Pharisai te telin Isua Krista vangin an lo pungkhawm a. |henkhatin, Pathian fapa i nih chuan kraws ata kha lo chhuk la, in tidam ta che tiin an tihel a. Ka \hianpa Jake pawh chuan midangte angin a au el ve a, kei chuan Nang misual, Pathian meuh pawh i hlau nange? Thuhmun rengin an hrem che hi. Keini zawng hremzia reng kan ni: Hemi hi zawngin engmah a tisual ve lo ka lo ti a. Ka thinlungah Isuan Jeriko khuaa min sawmna kha ka theihnghilh thei mawlh lo. Isua lam chu hawiin, Min la hria em? ka ti a. Ani chuan a lu a bu a, min la hria a ni. A thusawi ka theihnghilh theih loh thu te ka hrilh mawlh mawlh a. Ani chu a na tawrh avang chuan a chau hle tawh a, ka han koh leh chuan a mitmeng hmangaihna a khat chuan min rawn en leh \awk \awk a. Chutah, Isu i ram i thlen hunah min hre reng ang che ka ti a. Harsa ti tak chung a rawn hawi chhuak lehin Vawiinah ka hnenah Paradis ah i awm ve ang tiin achatthla zui nghal ta maia, keipawh chu tihhlum ka ni zui ve ta nghal bawk a. Chutah le keichu vanramah chuan Isua min tiam ang ngeiin ka cheng ta a. Heta chen hi ka phu mawlh lo mahse ka awm tlat si a ni. Chutah tak chuan heihi min ngaihtuah tir ta, kei ang misual turu pawh Pathian chuan ngaihdamna tluan tlingin min ngaidam a. Chuvangin, ka unau nangpawh a hnen i pan chuan engtik lai pawhin a ngaidam duh che asin. Kan sual man tuarin min ngaihdamna turin kraws ah min thih sak tawh. Ngaihdamna tluantling! A mak a ni tiraw, enge i ngaihdan ve le? Kohhran ten kan hunpui kan lo thleng leh ta a, heng kan hunpui Krismas, Kumthar Good Friday, Easter ah te hian Inkhawm \an hun hi kan bawhpelh deuh fo mai a, Kohhran mipui te \an ila thar leh ang u khai. Inkhawm tura kalhma ching thar leh ila a lawmawm hle ang.
Ramhlun Branch

Page - 3

A man : Thla Khatah Rs. 10

www.ramhlunkohhran.org

GOOD FRIDAY
Editor Jt. Editors : : Lalbiaktluanga Elizabeth Chawnghlut Rebecca Laldinpuii Ralte C. Lallawmsiama Anggu V.L Hnamte Rosngliana R. Lalroengi C. Lalvensanga C. Lalhlimpuia 9862967746 8974053309 9862756051 9774481785 8014447608 9862833823 9436386193 9862371157 9774224835

Contr.Editor : Manager : Production Managers :

Pastor Qtrs : 2348333 Biak In : 2348037

KTP Leader : 9862371006 KTP Secy. : 9436360042

HMANAH GOOD FRIDAY,,, A HLUI THEILO ** Naupangte ka nih laiin kan khuaah Good Friday zingah Biak In dar khatin a ri bang bang a. Mihlim \henkhat mitthi ngai an \ap ri karh karh te kha ka bengah a la cham reng. Hun kal zel ah chuan, a lawmawm leh hlimawm zawng in, Pathian fakna atan nileng in hun kan hmang ta. Ramhlun Kohhran chuan kan Upa te leh rawngbawltu dangte nen Ramthar Field a rawngbawlna hun remchangah hmangin vawi duai lo an feh chhuak \hin. Fehchhuak tam \umah pawh hmunnghak te khawhar lovin Kohhran zaipawl etc... \ha tak nen Good Friday kan hmang thei zel a, Pathian Thlarau Thianghlim malsawmna kan dawn thar lehna kan tana tuar Lal Isua hre rengin a tan kan inpe thar \hin. Hriat reng tam tak zingah, kum 1976 - a Good Friday kan Kohhranin hlim takin kan hmang a, zanah Rev. Dawnkiman (L) Lalpa zanriah Sacrament a buatsaih kha a ni. Lalpan kan tan a tuarna raptlakzia leh amah hre renga, kan nun hlan ve tur kan nih thu Sermon a sawi ni te kum 20 lai a lo liam ta. Kum 1996 ah pawh hlim tak a hman tumin Kohhran ho kan in buatsaih mup mup a, Good Friday dawn zanah Lalpa zanriah Sacrament Rev. Ronguran (L) a buatsaih ve leh a, Lalpa kan tana inpe ral \hak theihnghilh theih a nih loh zia \hahnemngai tak a Kohhran ho zinga a sawi te kha a ni. Hun kal tawh a kan ngaihtuah \hin aia urhsun leh hlut deuh deuhin kan hmang chho zel hi kan tifuh ngei ang. Kan tana nun petu tan kan nun hlan let ve hi Kohhran mi ten i tum tlat zel ang u. - Tlangthawmi ** Good Friday ka hman tawhah hian nun khawih tak tak thil tawn ka lo nei nual \hin a, a ber thlan tur ka hre lo, achhanchu min khawih dan a inanglo tlat a ni. Amaherawhchu, Alexanderpur Thingpui Huan Tlanga Thlarau Bo Zawngtute (TBZ) in \awng\aina In an enkawl mek ah kum 2008 Good Friday tlai dar 3:00 vela Pathian hma a inhlan tharna hun ka hman kha chu min khawihin ka theihnghilh tawh ngai lovang. Hemi \um hian KHB - 399 Upa Selet Thanga phuah, Lalpa i rawngbawl a min koh hi tih hla hmang hian Thlarau a pawlna ropui tak ka dawng a, ka \ap lo thei lo a nih kha! Krismas leh Good Friday hi pawimawh zawk awm thei lo niin ka ngai a, nun bul \anna leh a famkimna an ni. Amaherawh chu, keimahah Good Friday hian ka thlarau nunah chuan min khawih zawk mah emawni aw ka ti \hin. Kohhran ho ten tun a kan hman dan hi \ha tawk rih hle ah ka ngai a, Krismas ang hian uar tak a hman tum ta ila kan zo lo mai thei e. A pawimawhna hi kan hman dan uar leh uar loh aiin, kan Thlarau lam dinhmunah a innghat zawk mah niin ka hria. - Lalsanglura Ralte.
Kristian |halai Pawl

** Hmanlai chuan Good Friday hi kan ngaipawimawh \hin hle a, min chhandamna tura Lal Isua thihna hi kan sun a. Lal Isua min tlanna avangin kan lawm bawk a. Good Friday hi ruai te \hehin kan hmang \hin. Tunlai chuan thiamna leh finna lamah kan sang tawh a, thlarau lamah erawh kan hnufual thung tawh niin a hriat a, hmanlai chuan rinnaah kan nghet hle a, kan mawl ang ang hian Pathian thu kha kan ring a, mawl takin kan ring ve tawp mai a ni. Tunah chuan Pathian thuah kan hriatna te a sang a, mahse kan zawm zo ta meuh tawh lo a ni. Kohhran din tirh lai vel kha chuan Good Friday hi chuan kan la urhsun \hin hle a ni. Lalpa Zanriah Sacrament te hi kan la urhsun hle \hin a, heng hunah te hian mitthi sun ang tak tak a inchan a, mittui nena Sacrament kil te kan tam \hin hle a ni. Zaikhawm te kha kan ngaipawimawh a, hlimtakin Pathian kan fak \hin a, mahse tunah chuan zaikhawm te hi kan ngaipawimawh tawh lo deuh deuh niin a hriat a, Kohhran zaikhawmah te hian \halai te hi lam dawrh dawrh se, an \hatlai te hi Lalpa chawimawi nan a duhawm a ni. - Pi Vanlalkhumi, Pi Lalhleii, Pi Lianzuali Pachuau ** A lo rei fu tawh mai a, kum 1945 khan naupang kum 6 ka ni ve tawh a, kan khua Phullen ah pianthar harhna a lo thleng a, Upa Pawikila hi a chang hmasa ber ni a sawi a ni, a thlan pawh Ramhlun South thlanmualah a awm. Pathian thu ah an tui em em a, ti ti a leng lo a ni ber. Naupang harhna kum 1947 ah a thleng a, khawlai ah thu sawiin pawnah te \awng\ai rualna neih \hin a ni, he mi kum hian Good Friday ka hriat reng na pawimawh tak pakhat chu, hmeichhe hruaitute platform a ahmasa a \hu te chu Lal Isua tuarna hla an sakin an \ap a, naupang ho pawh kan mittui a tla ve a, kan \ap a ni ber e. A duh lo adodaltu pawh an awm ve tho mai, Synod hotu te beng a thleng ta hial a, Zosap Rev. Samuel-a chu enfiah turin kum 1947 October thlaah Phullen khuaah a lo kal a an thu te a ngaihthlak chian hnu chuan, Tunah chuan Missionary zawng zawng pawh haw vek tawh mah ila, Mizoramah chanchin\ha mei a mit tawh lovang, Phullenah eng a awm, Mizoram a en chhuah ka beisei a ti a ni an ti. Naupan lai a\anga rilru hneh em em tu Good Friday a lo thlen apiang hian lawmna thar min neih tir leh \hin. - Lalhlunchhungi Sailo ** Kum 1950 ah khan New Testement ka dawng ve a, Good Friday ni tak hian Isua tuarna ka chhiar fuh a. Kan tan a tuarna ka hriat chian phah hle a ni. Good Friday hi Christmas ang bawkin a hlu in a ropui ka ti a, ruai nen a han lawm chiam erawh hi chu kohhran mipui te hian kan zo lo thei awm e. -Upa Hniarmanga ** Good Friday ka hriat rengna chu kum 1948 ah hun ka nei a, Lal Isuan kan tan a thil min tih sakna ka ngaihtuah \an na a ni. Keimahah chuan Good Friday hi a tla na zawk a, Lal Isua Thisen a ropuizia leh kan sual a tlenfai nasat zia erawh kan hre tawk lo. Kan sual kan hriatchhuah a kan na leh \hin te hi kan tana a tuarna kan hre zo lo a ni mai awm e. - Upa V.L Nghaka
Ramhlun Branch

Page - 2

THUPUI INNGHAHNA Thil \ha ti atan Krista Isua-ah chuan siama awmin Ama kut chhuak kan ni si a; chu thil tha tih chu kan awmna turin Pathianin a buatsaih lawk a ni. (Eph. 2:10)

K|P THIL TUMTE 1. Isua Krista rinna leh Amah anna kawnga Thalaite hruai. 2. Kohhran kutke ni tura |halai te buatsaih 3. Kohhran hnathawh tih puitlin. 4.Krista Chanchin |ha puandarh.

Vol. XXX : Issue No 29.

www.ramhlunktp.jimdo.com

6th April, 2012

Good Friday Special Issue

ISUA KHA A THI LEH LO Lalsanglura Ralte Good Friday hi engvanga hmang \hin nge kan nih? Isua Krista thihna hriat rengna leh snnan ani lawm ni? Amaherawh chu Isua kha athi leh lo tih hi kan ngaihtuah zui ngai em le!?. Isua kha a thi ngei ani tih fiah duh tan chuan kan Bible in a thih ngei zia fiah takin a sawi si, pawm mai tur a ni dawn lawm ni? Nikodema leh Josefa (Arimathai khaw chhuak) khan aruang pawh Pilat-a remtihna ngeiin an hlawm a ni tih kan hria a. Anni pahnih inthurual hi tlukloh rim an nam hle. Thlanruak hawh tirtu leh Puanzaisin, buk sawmnga a rit (34 Kgs vel) Murra leh Aloe chawhpawlh rawn thawhchuah puitute an ni. Heti taka an buaipui chuan Isua chu a thi ngei a ni tih rinhlelh rual a ni silo. Puithiam Lalte leh Pharisai te pawhin an hria a, chuvangin Pilat-a hnenah pawh thlan vengtu dah an rawt a ni tih kan hria. Thlan kawngka Lung kawngkhar pawh khawihchet anih loh nan an chhinchhiah (sealed) tlat a ni tih kan Bible ah kan hmu a. Thuthlungtharah hian Isua thih thu sawi lanna apiangah phm anih thu sawi tel a ni zel bawk. Heng fiahna zawng zawng a\ang hian Isua Krista kha a thi ngei a ni tih rinhlelh rual ani love. Amaherawhchu, Thihna in a chelhhlenrualloh Pathian Krista chu Thlan thim luhchhuahin Thihna hnehin atho leh a ni tih pawh kan hria e. He khawvelah hian mihring thi tawh nia hriat lo nung leh si chanchin mak tak tak an sawi \hin. Kan Zoram khawvelah ngei pawh hian Mitthi tho leh te chanchin chu sawi tur a awm ta nual mai! Amaherawhchu, heng Mitthi tho leh an sawi \hin te zawng zawng hi an thi leh ngei ngei \hin. Thi leh tawh lova chatuan bantlang tur pakhatmah an awm silo. Kan Lalpa Isua Krista erawh chu athi leh tawh ngai lo. Nang leh keiin chatuan Nun kan neih nan a tuar a, thihna a paltlang a, a hneh vek hnuin thlanthim chu luhchhuakin chatuan atan a thawhsan leh ta; a thi leh tawh ngai dawn silova. Chu Nun thukruk chatuana nunna ngei chu Lal Isua Krista zarah nang leh kei hian kan lo nei ta a ni. Pathian chu fakin awm rawh se. Amen. (Pu Lalsanglura Ralte, Sons of God Ministry Speaker hi rawngbawlna an neihna hmun Hortoki a\angin kan ngenna te ngaipawimawha sermon tawi min rawn ziahsak avangin kan lawm takzet a ni.)
angel

HLA LEH A LO PIANDAN Kristian Hla Bu No 203 A saw raltiang tlangah He hla hi Rev. George Bennard- a phuah a ni a, he hla a phuah chhan ama ziak dan chuan, Kum 1913 khan Albion-a ka awm laiin nikhat chu kraws hlun thu hi ka ngaithla a, he hla hi ka ziak ta a. A thluk hi ka ziak phawt a, a thuin kim lo takin ka han ziak leh a. A hnu deuhah ka ziak kim leh ta a ni. Miin an hriat vena chu a tlai lehzual a ti. Isua kraws chu khawvel ngaihin hmusitawmber ni mahse ka tan chuan mi \ha berin ropuina hlipa min tuarsakna a ni a, ngaihdamna leh silfaina leh ropuina a nih avangin ka pawm tlat zel dawn. Vawiina tenawm leh rit bera lang, hmuhsitawm ber hi Lallukhum hluah ka la chan ang a ti a ni. Kristian Hla Bu No 173 Immanuela thi zaman He hla phuahtu William Cowper-a hi kum 1731 khan a lo piang a. Kum 6 mi anihin a nuin a boralsan a. A pain dan a zirtir a, Mahse a lo ta a. Thla 18 chhung zet mi dahnaah dah a ni a. A rilru a hah \hin hle a. Vawikhat chu intihhlum tumin Thames lui a pan a. Mahse, chhum a zin phui vek avangin taxi driver nen an bova, a haw leh ta a. Inah chuan Pathianin Rom 3:25, Pathian dawhtheihnaa hmanlai sualte haiderin a awm avang khan, Pathianin ama felzia entirnan Krista Isua chu, a thisen a, rinna avanga, sual thuphachawinaah a ruat a, tih thu hmang chuan a tiharh ta a. Chumi hnu chuan Zakaria 13:1, Chumi niah chuan sual leh bawlhhlawhna tlenfai nan Davida chhungte leh Jerusalem luahtute hnenah tuikhur hawnin a awm ang, tih thu hmangin Pathianin a rawn pawl leh a. A sualzia inhmuin Pathian ngaihdamna a hmuchhuak a. Pathian hmangaihna ropuizia a hmuhin he hla hi a phuah chhuak ta a ni. Kristian Hla Bu No. 187 Isua Kraws mak tak chungah khan He hla phuahtu Isaac Watt-a hi kum 1674 khan a piang a. Kum 1683-ah Southampton-ah a cheng a. Puritan pawl ami a ni. Church of England hovin lung inah thla 6 lai an tan \ir a. Chumi hnuah London-ah a cheng a. He hla hi Lalpa zanriah hla atan a phuah a ni. Galatia 6:14 behchhan a siam a ni. Mi hrisel lo tak niin feet nga chuahva sang a ni a. Lu lian tak leh hnar ngul sei tak a ni bawk. Pathian rawngbawl duh vanga nupui nei lo ngat a ni. Ka tum ber chu hlaphuahtu lar nih a ni lova, kohhranho chhiahhlawh nih a, midang hlimna tura nun a ni, a ti \hin. Metthew Arnold-a chuan, Kan \awnga hla \ha ber a ni, a ti hial a ni.
Ramhlun Branch

Kristian |halai Pawl

Page - 1