Вы находитесь на странице: 1из 4

Motto : Zir la. Tanpui la.

Humhim rawh

Theme :Pathian zarah huaitakin kan ti ang - Sam 108:13

ZIRLAITE KHAWNVAR
Vol. VIII Issue No.7 An official organ of the Mizo Students` Association, Bangalore Sunday August 26. 2012

ZIRLAITE TUKVERH
#. KLE Mizo Zirlaite chuan thlaleh, September ni 7 hian Fresher Social ropui taka hman an tum a. Tin, hemi hi hian an Adviser leh MSA Adviser ni bawk Pu Lalhriatrenga Chhangte chawimawina hun an hmang bawk dawn a ni. KLE Mizo Zirlaite hian Pathian malsawmna an dawng nasa hle a. BMA Football Leaque a mi tur Team Jersey pawh Congress sawrkarin a sponsor sak a. Chu chuan member te a tiphur hle. #. Kan Adviser Pu Lalhriatrenga Chhangte chu hun rei tak chhung Zorama lama hun a hman tawh hnuin zanin hian Bangalore a lo thleng thla leh dawn ta a. Tin, kan Asst. Treasuer Nl.Vanhmingliani pawhin tunkar thawhlehni hian lo chhuk thlak a tum ve bawk. #. Rajiv Gandhi University hnuaia Nursing leh Medical kaihhnawih zir ho chuan thlaleh, september ni 4 atang hian Semester exam an nei dawn a. MSA member ten kan tawngtainaah i hre reng ang u. #. MSA chuan thla thar, September ni 1 hian kan member, Ambedkar College-a Tv. Ricky Lalhmachhuana inah vawksa rep leh a tum a. Tlawmngaia leisak leh theuh kan tum dawn nia. #. Kum danga a lo tih thin angin MSA chuan thlaleh, September ni 2 hian Dr. AIT College tlawh leh a tum a. Committee member leh Adviser remchang apiangte kal theuh turin kan inhriattir e.

ZIRNA KUTPUI! AW! ZIRNA KUTPUI!


MSA member te kan inpeih tawh em le? tiin bul han tan tawp teh ang aw!!! MSA History-a Events ropui leh hlawkthlak ber tur Zirna Kutpui chu thla leh lawk, September ni 15 (Sat) hian hmang turin ruahmanna peihfel a ni ta. Amaherawhchu, tunlai India hmarchhak mipuite`n chhungril buaina kan tawh lai a nih avangin a ni hi la tinzawn hrih phawt a ni a. A tul dan azir leh boruak azirin a hun hi la tih danglam theih reng chu a ni. Ruahman dan chuan MSA member hrang hrangte hi Mizorama tlang hming hrang hrang behchhanin Group pali - Lurh Group, Tan Group, Bawm Group leh Chalfilh Group a then an ni a. Chung Group pali te chuan Quiz, Debate, Extempore Speech leh Solo hmang tein an inel chho dawn a. Chumi tur chuan group tin atangin Group Leader (Boys & Girls) leh Group Asst. Leader (Boys & Girls) siam theuh a ni a. Chung hruaitute chuan group member atangin participate tur an thlang chhuak ang a. Chung an thlan chhuahte chuan inelna thianghlim an hmachhawn dawn a ni. MSA hi kan hriat theuh angin Bangalore-a Mizo zirlaiten keimahni pual bik liau liaua pawl kan neih awmchhun a ni a. A dinchhan pawh Mizo zirlai harstana tawkte tanpui leh zirna boruak siam a ni a. Chumi kan thil tum tihhlawhtlin nana pawimawh tak chu tuna kan programme hman tur ZIRNA KUTPUI hi a ni. Eng anga lehkhathiam leh Division sanga pass ni mah ila, kan hriatna a zau lo va, personality tha leh nun hawihawm kan neih loh chuan ram leh hnam tana mi hmantlak kan ni ngai dawn reng reng lo va. Chuvangin, he Zirna Kutpui kan hman tur hi mitin hian kan talent haichhuahna remchang atan hman theuh i tum ang u... GROUP HRANG HRANG LEH A HRUAITUTE: Chalfilh Group : Leader :Lalrindika, St. Joseph College & Vanlalnghaki, KLE College Asst. Leader : Vanlalchhuanga, RR College & Laldinfeli, Jyoti Nivas College Lurh Group: Leader : Ricky Lalhmachhuana,Dr. AIT & Zomuanpuii, Hosmat College Asst. Leader : B.C. Lalremruata,CMR College & Lalchhantluangi,Christ Univ Bawm : Leader Asst. Leader Tan Group : Leader Asst. Leader

: J.C. Rochangliana,UVCE & Christie Lalrindiki, Mt. Carmel : Lawrence, Darshan & Helen LH. Thangi, Al-Ameen College

: Lallawmkima, Kristu Jayanti & Malsawmdawngzeli, Krupanidhi : Lalhruaitluanga Chhangte, Sambhram & Lalhmingthangi, Ramaiah

Note: Group member te chu phek 3-naah tarlan a ni.

Published & Edited by Lalramruata on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, AUGUST 26, 2012. Editor : Lalramruata Mob. : 7204833454 Email:Zirlaitekhawnvar@rocketmail.com Jt. Editor : Aldrin Zoliansanga Contributor : K.Remruatfela Cir. Manager :Vanhmingliani Jacob Lalremsiama

ZIRNA KUTPUI HUNA INELNA TURTE


1. Quiz : Greek Philosopher ropui Plato`an Knowledge is wisdom a lo tih tawh angin hriattamna hi finna hnar ber a ni a. Chuvangin, keini zirlaite pawh hian fin kan duh a, mifing nih kan duh a nih chuan hriatna kan khawlkhawm .tam a ngai a. Chumi a nih vang chuan hriatna kawnga inelna thianghlim Quiz hi a pawimawh em em a ni. Kumin Zirna Kutpui lo awm turah hian group hrang hrang pali atanga 2 thlanchhuahten hriatna kawnga inelna thianghlim an nei thin dawn a. Tin, ngaitlatu lam Audi. ence tan pawhin zawhna siam thin a ni bawk ang. Kan lo inbuatsaih lawk theih nan quiz ah hian MSA History te, tunlai thil thleng thar chanchinte, Mizoram political history mai bakah India ram leh khawvel political history te, entertainment lam thilte leh khawvel thudik awm sa, historical facts atanga tea zawhna siam a ni dawn a. Ngaithlatute tan bengvar hawkna tham a ni ngei ang. 2. Debate : Ziakmiten an sawi danin he khawvel hi a chak chak dinchhuahna khawvel, a fing leh tawnghmang thiamte nghawnglenna leh lansarhna hmun a ni a. Eng anga lehkha thiam sang leh zir sang pawh ni eng ang mah ila keimania thil awm, kan hriatna inphumru kan lanchhuahtir theih chuan si loh chuan vawk bula tuikeplung tla an sawi ang mai kan ni ang. Chutiang kan nih lohva, kan hriatna leh thiamna inphumru haichhuak tura fuihtu tangkai tak chu tanwgka hmanga inelna thianghlim Debate an tih hi a ni a. Kumin Zirnaa kutpui lo awm turah pawh hian group tin atanga mi 2 te atang theuhin Zirlaite hian Zonunmawi hi kan hlamchhiah a ni tih inhnialfiamna hun remchang kan chhawpchhuak dawn a. Mitinte lo inkau lawk ang u. 3. Solo : Education is all round development tih a nih angin zirna thil tum ber chu zirtute thinlunga thiamna famkim thlen a ni a. Mitinte hian thiam fal bik thil talent kan nei theuh a. Chung kan theihna theuhin inphumru haichhuah chu Education thil tum laimu a ni bakah MSA thil tum laimu ber pawh a ni. Kuminah pawh hian group hranh hranga atanga pahnih thlan bik theuhte chu hla pathum - Ka perhkhuang zaitin thiam ; Tleizawng par ; Kan sakruang Mizoram Tan tih hla atanga kan duh ber pakhat zel hmangin zaia inelna kan buatsaih chho dawn a. Mi tam tak tan chuan hming chherna hun pawimawh tak a ni ngei ang. 4. Extempore Speech : Tunlai khawvel inelna sang tawh takah hian mi taima satliah leh harhvang ringawt tan damkhawchhuahna chance a tlem tawh hle a. He khawvel Survival of the fittest hmuna damkhawchhuak tura pawimawh ber chu thluak tha nei leh a kalhmang hriatte an ni. Bawngin ki engzah nge an neih tih ringawta aia engvangin nge bawngin ki 2 a neih? ti-a zawhna zawt let thintu leh ngaihtuahna hmang thintute hi Creative idea nei tha ti-a sawi an ni thin. Thluak sawizawina atana tha deuh chu inngaihtuah lawkna hun awm lo va a hmun leh hmuna mahni ngaihdan huai taka sawi chhuah pawpna Extempore speech an tih ang hi a ni a. Kumin Zirna kutpui lo awm turah pawh hian group hrang hrang atanga mi 2 theuhte hnen atangin on the spot ah dawhkan kan buatsaih sak dawn a. Extempore tih a nih angin a thupui tur hrang hrang chu kan la rawn tarlang hrih lo ang. Note : Heng atana lawmman tur hrang hrangte hi mi inphal leh zirna chaiwsan duh mite tan sponsor theih reng a ni e.

Editorial:
ZIRNA KUTPUI MAWLH MAI HI
MSA, Bangalore chuan thlaleh lawk, September ni 15 hian Zirna Kutpui chu ropui taka hmang turin a inbuatsaih chho mup mup tan a. Hruaitute aiin zirlaite an phur zawk emaw ni tih theih turin zirlai tam tak ten kutpui an ur lawk chho tan ta mup mup a. Mitin tan a va hlawkthlak dawn em! Zirlai pawl (MSA) lo dinchhan bulpui ber chu zirlaite an lehkha zirna kawnga puih leh chhawmdawl a ni a. Chumi tih hlawhtlinna atana thil pawimawh tak chu Zirna kutpui kan hman tur hi a ni. Mizoramah zirlai pawl tam tak a lo piang tawh thin a. Mahse, chung zirlai pawlte chuan an dinchhan an hrechiang tawk lo thin nge zirna chawisan lam ai mahin politics rawng a kai lek lek thin a. Hnung lama mite nuihzat an hlawh phah thin fo. Kan hriat reng tur chu Zirlai pawl hminga activities dang - Entertainment thila mi sang chuang punkhawm ai chuan a tih tur tak zirna kaihhawih thil inelnaa mi 50 vel lek kal pawh a hlawkthlak zawkin a hlawhtling sa tawh hrim hrim a. Mi 50 vel lek ni lovin, mi 300 chuangin he kutpui hi kan zirna kawnga min fuihphurtu leh mi puitu a nih theih phei cuan he kutpui hian zirlaite chungah malsawmna a va thlen nasa dawn tehlul em!!!

Kan Chanchinbu hi kan Senior Adviser Pu Clement Lalhmingthanga`n tun session chhung min sponsor sak dawn a. A chungah kan lawm takzet a ni.

Published & Edited by Lalramruata on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, AUGUST 26, 2012. MSA GROUP HRANG HRANG TE: KUMIN MSA HMALAK TAWHNA TE
CHALFILH GROUP : 1. KLE College 2. RR College 3. St. Joseph College 4. Jyoti Nivas College 5. Hillside institution 6. Baldwin Methodist College 7. AVK Nursing College 8. Vyedehi Group of Institution 9. Jain University 10. St. Francis College 11. Calvin Theological College LURH 1. 2. 3. 4. 5. 6. 7. 8. 9. 10. 11. 12. MSA member te hi zirlai vek kan nih avangin hunawl kan neih hun leh activities nei tura kan hman hun hi a inang lo nuai a. MSA session thar i.e April atanga August phei hi chu zirlaite leh hruaitute kan inhaw chhawk a ni deuh ber mai. Chuti a nih vang chuan kumtinin September thla hma hi chuan pawl anga hma lak a awm thei tak tak lovin a awm ngai meuh lo. Amaherawhchu, kumin MSA te kan vanneihna em em chu zirlaite kan awl rual lai - September atanga a hnulam kan thlen hmain activities chhinchhiahthlak tak tak kan nei ve nual hman tawh a. Chungte zinga a langsar zualte chu a mal te te in lo tarlang ila: @. MSA chuan kan zirlaipui, lehkhathiam leh taima, mahse chhungkaw harsatna avanga zirna sum leh paia buaina tawkte chu reteihna vang ringawta an talent hupbo a nih ringawt loh nan sum leh pai hmangin heng mi pathum - C. Lalchhanhimi, K.Lalruatfela leh Jedid Zothantluangi (Chhippui khua vek) te chu a sponsor a. Heng mi 3 te inah ngei hian kan President leh Treasurer te chu a hmunah kalin, sum leh pai inhlanchhawn pahin hunserh tawi - tawngtaina leh thusawina hun nen hmangin an inhlan a ni. @. MSA chuan Bangalore hmuna lehkha lo zir tumte nasa taka tanpuiin Helpline a siam mai bakah a theih ang anga Airport ah te an hmuah thin bakah a hmunah te Admission a tihpui thin a. Mizoram chanchinbu leh media hrang hrangah te pawh Bangalore hmuna lehkhazir tumte tana hriattur pawimawh chi hrang hrang a chhuahtir thin a ni. @. Kumin MSA hmalak tawhnaa sawi hmaih hauh loh tur chu Acharya College-a Meitei tlangval pakhat thihna vanga pawl ding thar Committee on Justice For Richard tana a inpekna hi a ni a. Kan North East pui vanduaina tawk te tanpuiin nasa takin Committee ah te leh thuneitu sang zawk hnenah te a zualko pui a. He committee ah hian kan Adviser Samuel Lalrozama Hmar chu Joint Secretary niin kan President K. Remruatfela chu Legal Advisor a ni nghe nghe. Note: Tunhnaia India hmarchhak mipui buainaa MSA hmalaknate chu phek 4 naah tarlan a ni e.

GROUP : Dr. AIT Christ University Nightingale College CMR College Graden city College Bishop Women College St. Marthas Nursing College Mandya Hosmat College Hassan SEA Nursing College Indian Academy

BAWM GROUP : 1. UVCE 2. Mt. Carmel College 3. Darshan College 4. Al-Ameen College 5. Florence Nursing College 6. East point College 7. Oxford College 8. St. Philomenas Nursing College 9. Acharya College 10. Tumkur 11. SAIACS TAN GROUP : 1. Krupanidhi 2. Kristu Jayanti College 3. Koshys Group of Institution 4. Sambhram 5. UTC 6. Amity College 7. Ramaiah College 8. Presidency College 9. NLS 10. Mysore 11. Sarvodaya Nursing College

MSA CALENDAR 2012 - 2013


1. Zirna Kutpui : 15th. September 2012 2. MSA Day : 13th. November 2012 3. Zofest : 7 & 8 November 2012 4. NE Level Basketball Tournament : 9 & 16 February 2013 5. Parting Social cum election : 23th. March 2013

Note: College tihhmaih palh awm chuan 9036515569


ah kan hriattir vat dawn nia.

Published & Edited by Lalramruata on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, AUGUST 26, 2012.

INDIA HMARCHHAK MIPUI BUAINNA KARA MSA IN REMNA LEH MUANNA KAWNGA A KE PENNA TE
India hmarchhak mipuiten SMS leh tawngka hmangtea vauna leh rikrapna a tawrhna karah MSA chuan remna zawngin nasa takin a hmanhlel ve a. A tir lamah chuan thuthang leng vel satliah mai mai ni-a a ngaih vangin ralkhat atanga lo thlirin pawl lian leh pawl changtlung zawk, kan nu leh pa anga kan en BMA kutah dahin, a ralkhat thlir mai mai thin a. Amaherawhchu, Mizoram atanga nu leh pa nawrna nasa tak avang te, buaina leh harsatna tawk tam zawkte hi kan member puite an nih avang te leh mipuiten buaina leh harsatna an tawhna kara BMA tih tur, MSA tih tur ti-a mawhphurhna lo insiam fel ringawt chu tha ti lovin he buaina karah hian MSA chuan a tih tur tak ti-a ingaiin remna leh muanna zawngin nasa takin hma a la ve tan ta a. Chung a hmalakna chi hrang hrangte chu a a tlangpui thu kan rawn tarlang ve ang e: 1.) India hmarchhak buainain kan Mizopui ngeite beng a verh atang chiah khan MSA chuan kan member te himna ngaihtuahin College hrang hranga representatives kan siamte chu be kualin harsatna an tawh leh tawh loh te zawtin thlamuanna thu leh fimkhur a tul thu a tlangaupui reng thin. 2.) Ni 17th. August 2012 (Fri) khan kan Adviser Pu Clement Lalhmingthanga inah Emergency meeting koh a ni a. Hetah hian Bangalore Mizo mipuite leh Mizorama nu leh pa te tana hriattur thlamuanna thuchah (Press Release) kan siam bakah Bangalore Mizote harsatna a hmun ngeia min enpui tura Sawrkar mi leh sa lo thawn tura dilna lehkha Chief Minister hnenah kan thawn a. Hei hi kan CM zahawm tak chuan rawn bengkhawn nghal vatin a rang thei ang bera Minister an rawn tirh tur thu MSA hruaitute min rawn hrilh a. MSA hruaitute leh Bangalore Mizo mipuite kan lawm em em a ni. 3.) He buaina leh rikrapna kan tawhna karah hian kan Adviser pahnih Pu Clement Lalhmingthanga leh Prof. Lalrinawmi mai bakah kan President te an hahin an rim em em a. Pu Clement hian zirlai leh hnathawk tam tak mahni awmna hmuna him lo leh ralmuang lo ni-a inhriatte ama motor ngeia hruai chhuakin Mizoram House ah a thiarlut thin a. Tin, kan Adviser dang Pi Nutei pawhin chung kan Mizopui thlabarte chu a inah a lo mikhual hlawm bakah remna leh muanna zawngin sawrkar thuneitu sang zawk hnenah nasa takin a hmanhlel a. Chumai bakah, kan sawi hmaih hauhloh tur chu kan President Fela pawh kan Mizopuite thlabara awm tanpui turin mahni awmna hmun chhuahsanin Mizoram House ah amahin zan 5 chhung ngawt a in volunteer a. Mahni awmna hmuna himlo ni-a inhria mihrang hrangte lam kualin Mizoram House ah a thiarlut thin a ni. 4.) MSA chuan harsatna leh manganna tawkte tana biakpawh theih turin Help line number a siam a. Chung number te chu facebook group hrang hrangah leh Mizoram Chanchinbu hrang hrangah te tihchhuah thin a ni. 5.) India hmarchhak mipuiten inkungkaihna tha zawk kan neih theihna turin North East zirlai leh pawl hruaitute inhmuhkhawmnaah vawi tam tak a tel ve a. Tin chumai bakah kan member puite thlamuanna tur kawng dapin Karnataka sawrkar hmalaknaa DGP Press Conference a kohna hmunah te a tel ve a. Chung Conference na hmunah chuan Bangalore hmar chhak mipuiten harsatna kan tawh dan chi hrang hrangte a puangchhuak a ni. 6.) Tin, MSA chuan Bangalore hmarchhak mipuiten SMS hmanga rikrapna kan tawhna kara Bangalore hmuna chhuk lo theilo dinhmuna dingte tanpuiin, Airport hmunah te lo hmuakin an college theuhah te a hruaiin a dah thin a. Hetiang hmun raltia tlawmngaih an chhuahna kawngah hian an phunnawi ngai lo. 7.) A tawp ber na atan chuan Hmarchhak mipuiten tu te emaw hmanga vauna leh rikrapna kan tawhna hi keini tan malsawmna a lo ni e tih theih turin Hmarchhak mipuite inunauna kawngah leh Muslim sakhaw hruaitute te nena inkungkaihna tha neihna kawngah te nasa takin kawng a sial a. An chawei khawmna hmunah te leh an thil pawimawh tihnaah te lo tel ve turin hmarchhak mipuite nasa takin min sawm thin a. Hetah hian MSA hruaitute pawhin BMA hnung zuiin remna leh muanna siamna atana thil pawimawh a ni tih hriaiin a theih ang angin an sawmna te a tihlawhtling ve ziah thin a. Kan President phei chuan a thlawnin Islam lehkhabu thianghlim Quran leh Mumammad-a Zirtirnate tih bu a dawng hial a ni!

MSA FACEBOOK GROUP


MSA member-te min ti pumkhata, chanchin thar kan neih ang angte awlsam taka kan inhrilhpawh a, thawhhona tha zawk kan neih theihna a nih beiseiin Facebook-ah MIZO STUDENTS ASSOCIATION, BANGALORE tih group siam a ni a. He group hi mitan tana siam tih hre rengin chanchinthar kan neih ang ang apiangte leh zirna lampang thila kan vei zawng engpawh inthlahrung hauh lovin post thin ila. A la join ve lo kan awm a nih pawhin a thupui hming ang hi chhuin join theuh i tum ang u. Tin, kan thiante la join ve lo kan awm a nih pawhin add belh zel ila. Bangalore hi zirna khawpui leh finna khurpuia chhuah thei tur hian puanven i sawi chhing sauh sauh ang u...

Published & Edited by Lalramruata on behalf of Mizo Student Association, Bangalore

Вам также может понравиться