Editor : Tv. Lalrinzuala (Tavala) 9862040071 Jt. Editors : Pu P Lianzama Tv. C.

Laltanpuia News Editors : Pu Sangzuala Hmar Pu Saibiaknunga Pu Lalrinchhana

Production Manager : Tv. Lalthanzama Tv. Lalnunfela Circulation Managers : Tv. Moses Lalrempuia Tv. Amos Tv. Lalremsiama Treasurer : Nl. Lynda Zosiamliani

Volume 3 No. 19

Thlakhata vawihnih chhuak

October 7, 2012

WAYSIDE KNOCKOUT BASKETBALL TOURNAMENT

ayside Knockout Basketball Tournament, Hope Foundation-in an buatsaih leh MBBA in a hriatpui 1st Division leh 2nd Division Team te tana a buatsaih chu khelh zawh a lo ni ta a. He Tournament hi Hope Foundation-in Gan Sabra tanpuina atan a buatsaih a ni a, First Division leh Second division Team zawng zawngte telin he Tournament hi Knock out a khel a ni. DVSC Chuan kan Game hmasa berah Ramthar Basketball Club te tumin 81-43 in hnehna kan nasa leh First Division Club hlun tak mai Vikings Basketball Club nen kan inkhel a. He Semi final match kan khelh hi game pawh a hmuhnawmin kan inhneh tawk hle mai a, hun rei tak chu kan team te hian kan tumpui te hi points ah kan phalo in a um tuah kan tang deuh char char a, ruahte a sur deuh reng avangin kan players ten duh angin an khel tha hlei thei lova, ruah a tlak nasat avanga game han chawlh lailawk te pawh a awm ve nual a, game inhneh tawk tak karah fourth quarter kan khelh meuh chuan kan player-ten theihtawp chhuahin Vikings Basketball Club te chu pawtthla in 64-58 in hnehna kan chang ta hlauh mai a, tun Season atana a vawikhatna turin Dawrpui Vengthar Sporting Club Basketball Team te chuan Final kan lut ta a ni. Final Match hi ni 27.09.2012 Ningani ah khelh niin kan tumpui te hi Mizoram chhunga Basketball Club tha leh tun season chhunga Tournament awm tawh a la champion vek TBL Basketball team an ni a. Final khelhni tura ruat ni hi khua in min bumro avangin a hun takah tan theih a ni lova, hun engemawchen nghah a nih hnuah khua in ziaawm lam a pan theih loh avangin ruahsur hnuaiah Final match hi khelh tan a ni ta ringawt mai a. Kan tumpui TBL team te hian kan team te aiin bul an tan tha zawkin hma pawh an hruai nghal char char a, Court a Mizo Lin Dan nalin ruahsur hnuaia khel an ni bawk nen player ten an duh angin an khel theilo a, Game pawh beisei angin a hmuhnawm loh a, ruah a sur nasat avangin game pawh chawlh lailawk a ni fo a,nimahsela 3rd Quarter kan khelh tan meuh chuan kan player te pawn a hma ai chuan khel tha chho zelin TBL team te chu point-ah kan nihrual mai nilo in kan lehpel chho ta a. Hemi hnu atang hian kan game pawh tha chho sawt zelin kan game pawn awmzia a neichho zelin point ah pawh hmahruai fal bik awmlo in kan in nih rual chho zak zak reng mai a. Hun a tawp meuh chuan 51-51 in kan in hneh tawk a, Overtime khelh hial a ngaih phah ta a ni. Basketball ah hian hun pangngai a an inhneh tawk chuan overtime khelh tir leh in minute 5 chhung hun an pekbelh thin a ni. Hetia overtime kan han khelhah kan inhnehtawk chho viau zel a,second 20 a la awmin kan point dinhmun chu 5959 a ni a, hetih lai hian TBL lam te hian ball changin an star player leh India aiawh pawh a lokal tawh Mapuia chuan ball kengin second 5 a la awmin 3 points a lut ta hlauh mai a. Second 5 chauh awm tawh mahse DVSC team te hian theihtawp chhuahin bei let mahse hun a tawp chhunzawm tak mai avangin 59-61 in kan chak zo ta lo a ni. Final match ah hian DVSC team Captain Tv Lalrinzuala hian 3 points vawi 8 lutin a khel tha hle a ni. DVSC chuan runners up nomawi, pawisa fai Rs 7000 leh Basketball pakhat kan dawng a, Basketball in charge te rawtna angin kan pawisa dawn atanga sawma pakhat chu Gan Sabra tanpuinan Tournament huaihawttu HOPE Foundation te hnenah DVSC hminga hlan nghal a ni. he kan Tournament khelh zawh takah hian Players te leh kan in charge te in pekna a fakawm hle a. Tin, Final a kan team tawiawmtu te chung ah DVSC chuan lawmthu kan sawi tak meuh a ni e.

chang a, kan Player te an kheltha tlangin atir atanga a tawp thlengin DVSC hian hma kan hruai tluanchhuak a ni. Quarte final ah First Division Club te zing a mi BCA Basketball Club nen kan inkhel leh a, tan phat atangin kan Player ten hnehna chan ngei tumin theihtawp chhuahin an khel a. He an inkhelhah hian kan team te hian beisei phak bak a thain an khel a, ruahsur vanga inkhelh harsa tak hnuaiah leh kan Player te inpekna azarah hun a tawp meuh chuan 79-50 a hnehna changin Semi final kan lut ta a ni. Semi final match hi ni 25.09.2012 Thawhlehni ah tun Season atana Player tha lalut

TAWI KIM
DVSC Cricket incharge Tv. Ricky Lalchhandama pa Pu R. Zothansanga chu hun engemawchen damdawi ina a inenkawl hnuin ni 5.10.2012 khan damtakin a rawn chhuak. DVSC member Tv. Zodingliana chu MBBA in a buatsaih Refree recruitment cum Clinic ah DVSC aiawha telin Refree exam hi a pass a, MBBA hnuaiah Grade C Refree DVSC in kan neih hmasak ber a ni a DVSC chuan kan chhuang hle. DVSC Vice President Pu Aldrin Zosangliana nupui Pi Helen-i chu training-in Japan-ah ala cham mek. DVSC Executive Committee member David Ramsangliana nau chu hun rei tak a in enkawl hnuin in lama in enkawl turin a rawn chhuak DVSC Ex-Officio Pu Lallawmsanga chu Kwngna leh Neuropathy vanga in enkawl mek chu ziaawm lam a pan zel.

-2-

DVSC News :
Kan Player-te an fakawm
Tun hnaiah Central YMA buatsaih Volleyball tournament-ah branch YMA hmingin kan tel ve a; Presidents Cup tournament Cricket khelh ani bawk a, veng aiawha playerte leh a (buaipuitu coach/manager etc) te inpekna a fakawm hle. Volleyball player thenkhat phei chu exam lai an awm a, inkhelh zawh hmain exam tura kalsan leh te a ngai hial a ni a; kan tumpuite kan hneh tak lohna chhan te pawh kha a ni maithei bawk. Volleyball practice ngai bawk lehkha zir ngai bawk! Hetiang chung chunga player-te leh a buaipuitute inpekna hi a fakawmin tarlan loh phal chi a ni lo.Chutiangin Cricket a ni emaw, football, volleyball, basketball, a eng a pawh nise, kan player-te leh a buaipuitute hian hmanlo leh indaihlo chung chunga veng ai an awh chang a tam thin hle a,veng hmangaihna vanga penchhuak mai an ni tih hria in, veng hmangaihtu ni vea inngai, veng mipuite hian kan tawiawmna hi an mamawh takzet ani tih i hre thar ang u.Veng hmangaiha hman lo leh indaihlo chung chunga ke an penchhuahna, an inpekna hi veng neitu, vengchhung mipuite hian hriain kan ngaihven a pawimawh takzet a ni. Kan veng aiawha ke penchuak a, thawk chhuakte tawiawmtu (fans) erawh kan awm lo thin hle. Veng hmangaihtu nia inchhal, veng mipuiten kan mawhphurna i hre thar zel ila, Mahni awmhmuna in tih veng neitu viau mai hi duhtawk ringawt loin, veng aiawha penchhuak thinte tawiawma, thahnemngai taka an thil tih a kan puih hian kan veng hian hma a sawn lehzual ngei a beiseiawm a ni.

Basketball : October ni 18 a khelh tan tur, Mizoram Basketball Tournament awm tawha Prize money tamna ber tur Marova Memorial Basketball Tournament TBL leh MBBA ten a an buatsaih turah DVSC Basketball Team te chuan inbuatsaihna an kal pui mek a. Hemi tur atan hian kan Basketball Team te pawn theihtawp chhuah a Champion ngei an tum niin thu kan dawng a, DVSC Editorial Board te chuan duhsakna kan hlan e. Badminton : Kanan Badminton Club ten ni 17-20 October 2012 chhunga an veng Multipurpose Hall ah Invitation Tournament an buatsaih dawn a DVSC Badminton team te pawh sawm kan ni a. Hemi tur atan hian kan Badminton khel thinte pawh in buatsaihin tunlai hian an practise ngawrh hle a. He Tournament ah hian heng Category ah te hian inelna neih tur a ni: Mens Single, Mens Doubles, 35+ mens Doubles, 45+ mens Doubles. DVSC aiawh a tel turte chu Dr. Lalfamkima Treasurer hnenah in hriattir tur a ni e. Cricket : DVSC Cricket Team te chuan Presidents Cup, Cricket Association of Mizoram te buatsaih chu an khel ve a. He Tournament hi Open Tournament niin Cricket Club zawng zawng te chu an telkim thawkhat hle a, kan Cricket team te pawn ni 3th October 2012 Nilaini khan second round khel tan ve in Ramhlun Venglai Cricket Academy Junior Team te chu Durtlang Field ah tumin kan Cricket team te hian run 132 an siam a, kan Player Tv Richard Lalhruaitluanga chuan Run 82 siamin tun Tournament khelh meka mimal a run la siam hnem ber a ni nghe nghe a ni. Kan tumpui te hian Run 79 chiah siamin kan team te hian Run 53 in chakna an chang a. Ni 5th October 2012 Zirtawpni khan an match hnihna khel leh in he tournament leh Cricket Club tha ber zing a ngaih Kulikawn veng chu tumin kan team te hian hnehna an chang zo ta lo a ni. Volleyball : Central YMA Volleyball Tournament khelh zawh takah kan veng pawh hmeichhe team inelnaah telve in Quarter Final ah Hlimen Br. YMA hmeichhe team te chu 1-3 in kan hnehlo a. Kan veng aiawh a khel tam zawkte hi DVSC register Player te an niin an kum ala naupang hlawm hle mai a, tun anga an tuichhoh viau chuan hmasawnna an la neih ngei beisei a ni.
DVSC CRICKET TEAM TE

President Dr. Lalrinawma Hnamte Sr. Vice President Pu Henry Vanlalhruaia

D V S C OFFICE BEARERS

Vice President Pu Aldrin Zosangliana Secretary Pu KC Lalthanthuama Asst Secretary Pu V. Lalthazuala Treasurer Dr. Lalfamkima Fin. Secretary Pu Ricky Lalnunmawia Propery i/c Tv Jonathan Lalngaihawma Information i/c Pu Johny Zothanmawia

Tv. Jona - a Scooty man nen Millenium kawtah

LAWMTHU SAWINA
Nl. Maggie Lalnuntluangi chuan DVSC Basketball team Jersey tur min sponsor sak leh dawn a, tin hetih rual hian Pu Lallawmsanga (Malawma) chuan DVSC Cricket team te hman atan pawisa fai engemawzat min pe bawk a ni. Hetianga mi in phal kan nei hi DVSC chuan kan chhuangin kan lawm tak meuh a ni.

-3-

VAWIINAH F-1 TLAN DAWN

Formula one intlansiak chu vawiin tlai lamah Japan ramah neih chhunzawm a ni leh dawn ta. Japanese Grand Prix hi FIA Formula One World Championship calendar ah hian race tawp ber anih loh pawhin a tawp lamah dah ani tlangpui thin a, Champion zawn nana race pawimawh tak tak he ramah hian an lo tlan tawh thin a, world champion nihna he race ah hian tum 13 ngawt an lo hlan tawh ani. Japanese Grand Prix hmasa pahnih 1976 leh 1977 kha Fuji Speedway-ah neih alo ni tawh a, hemi hnu hian FIA calendar-ah telh chhunzawm a ni ta lova,1987 khan FIA calendar ah telh leh niin Suzuka Circuitah tlan tan alo ni ta a ni. Suzuka-ah hian a zawnin kum 20 Formula One intlansiak hi neih niin khawvela Formula One Circuit zingah chuan intlansiakna nuam leh khirh ber pawl alo ni chhova, amaherawhchu 2007 khan Fuji Speedway chei tharah Japanese Grand Prix hi tlan tir leh niin 2008 pawh khan Fuji ah tho an tlan leh a,2009 khan Suzukaah tlan tir leh niin Japanese Grand Prix hi Fuji leh Suzuka kum inthlaka tlan tir tur a ruahhmanna siam a ni a, amaherawhchu Fuji Speedway neitu Toyota company chuan Khawvel economy tlakchhiat chhuanlamin Fuji Speedway-ah hian an tlantir thei tawh dawn lo tih an sawi tak avangin Suzuka circuit ah chauh tlan ani tawh hrih dawn a ni. Tuna an tlanna Suzuka Circuit hi Dutch designer John Hugenholtz-a design niin Honda Company ta ani a, Formula One calendar a Figure 8 race track awmchhun a ni. Suzuka hi mi tam takin an hriat rengna tur pakhat chu Alain Prost leh Aryten Senna te inelna a ni. Tin anni pahnih bakah hian Michael Schumacher leh Mika Hakkinen te inelna pawh hi hriat reng tlak khawpa hmuhnawm a ni bawk. 2003 khan Michael Schumacher chuan he GP ah hian World Champion ni turin pariatna tal anih angaia, vanduaithlak takin 14 na atangin atan hlauh a, nimahsela atawpah chuan a point mamawh zat chu score in a vawirukna atan World Champion niin Juan Manuel Fangio record chu a rawn khum ta a ni. Tin hei bakah hian hriat ve mai mai atan 2005 khan Japanese Grand Prix ah hian khaw awmdan chiangkuan loh lutuk avangin tlan pawh a har hle mai a, Driver tha tak tak tam zawk phei chu a hnunglam atang deuh vekin an tlan tan a, mak ang reng takin Mika Hakkinen chuan 17 na atanga tan in Lap tawp berah Giancarlo Fisichella lehpelin pakhatna a ni hlawl bawk. He circuit ah hian driver hlawhtling ber chu Michael Schumacher niin vawi 6 lai chakber nihna a hauhtawh a, a dawh ah hian Motoharu Kurosawa, Gerhard Berger, Aryton Senna, Damon Hill, Mika Hakkinen, Fernando Alonso leh Sebastian Vettel te awmin anni ho hian vawi hnih theuh chakna an lo chang tawh a ni. Constructor lam ve thungah chuan McLaren hi hlawhtling ber niin tum 9 chakber nihna an hauh tawh a,an dawhah hian Ferrari awmin anni hian vawi 7 chak ber nihna an hauh ve thung,tin Benetton leh Williams hian vawi thum ve ve chakber nihna an hauh tawh bawk. Japanese Grand Prix ah hian kum zawna chakber nihna chang thei hmasa ber chu Mika Hakkinen niin 1998 leh 1999 khan a chakber a, ani bakah hian Michael Schumacher leh Sebastian Vettel te chauh hi kum zawna chakber nihna hauh thei an la awm, Michael Schumacher phei hi chu kum thum a zawnin chakber nihna a hauh nghe nghe (2000,2001,2002) a ni. Circuit information Laps:53 Circuit sei zawng:5.807 km Intlansiak thui zawng:307.573 km Lap record:1:36.568(Jenson Button) Tun kum qualifying result chu;1. Sebastian Vettel - Red Bull 1:30.839 2. Mark Webber - Red Bull 1:31.090 3. Kamui Kobayashi - Sauber 1:31.700 4. Romain Grosjean - Lotus 1:31.898 5. Sergio Perez - Mercedes 1:32.022 6. Fernando Alonso - Ferrari 1:32.114 7. Kimi Raikkonen - Lotus 1:32.208 8. Jenson Button - McLaren 1:31.290 9. Lewis Hamilton - McLaren 1:32.327 10. Felipe Massa - Ferrari 1:32.293

LOCAL COUNCIL THUCHHUAK

HNATLANG REPORT: Dawrpui Vengthar Local Council, YMA leh MHIP ten Faina Hapta denchhen a khawtlang hnatlang vengchhung kawngpui dung leh a velte, thlanmual ram then/sam fai hnatlang chu ni 2.10.2012 (Thawhlehni) zingkar khan tluang taka neih zawh a ni a. Hnatlang a kan thawhchhuah dan YMA bial then hrang hrang a kan kal dan chu hetiang hi a ni e :Bial Hnatlang 1-na 141 2-na 69 3-na 64 4-na 108 5-na 110 6-na 98 Pha Hnatlanglo 24 17 10 11 6 25 26 37 17 56 34 39

Hnatlanga thawkchhuaklo leh pha bawk si lote hi chhungkaw engemawzat kan la awm a, heng chhungkaw thawkchhuaklo te hi kan lo inhriattir tawh angin Rs. 100 a run tur an ni. Local Council Worker ten hnatlanglo te hi pawisa an rawn khawn dawn a, kal nawn ngai lova hnatlang lo chhungkua ten runna pawisa hi lo pe theuh turin kan inhriattir e. Tin, hnatlanga lo thawkchhuak zawng zawng chungah Local Council Chuan lawmthu kan sawi a, hetih rual hian chhungtin ten mahni in leh a velte fai takin i enkawl chhunzawm ang u tih hi kan inchah nawn leh a ni e. Member Secretary Local Council Dawrpui Vengthar

ZANIN INKHEL TURTE

EPL
Southampton Vs Fulham 6:00 PM Liverpool Vs Stoke 7:30 PM Tottenham Vs Aston Villa 7:30 PM Newcastle Vs Man. Utd 8:30 PM

La Liga
Levante vs Valencia 3:30 PM Mallorca vs Murcia 7:30 PM Ath. Bilbao vs Osasuna 9:30 PM Barcelona vs Real Madrid 11:20 PM Atl. Madrid vs Malaga 1:00 AM

MONTHLY CONTRIBUTION
Monthly Contribution chu khawn alo hun leh dawn ta a, DVSC Executive Committee member te hnenah kan inhriattir a ni e.

Bundesliga
Monchengladbach Vs Frankfurt 7:00 PM VFB Stuttgart Vs Leverkusen 9:00 PM Hannover 96 Vs B. Dortmund 9:00 PM

DVSC THIL TUM

Thalaite ruihhlo laka an fihlim theih nana kaihhruai. Infiamna kawng hrang hrang hmanga mahni intodelh tura thalaite chher. Rilru leh taksa hriselnan infiamna uar. Khawtlang leh chhungkuaa mi tangkai ni tura thalaite kaihhruai. Infiamna hmanga khawtlang inlungrualna siam.

Liverpool aiin Manchester United in min be hmasa - Steven Gerrard

Liverpool captain Steven Gerrard chuan a 'autobiography' ah kum 8 lek a nih laia Manchester United in lakluh tuma an biak tawh thu a ziak. Manchester United bakah hian Manchester City leh Everton hotute nen pawh an inbe hman niin a tarlang bawk. Liverpool ti Liverpool tu Steven Gerrard autobiography atanga lakchhuah, Liverpool official website-a tarlanah chuan, "Manchester United, Everton leh Manchester City ten min duhthu an tilang a, biak pawh kan inbe ngei a. A hnua Liverpool in min biak chhan pawh an kawtkaia naupang talent nei tha tak, an hmelma ten an lak khalh kha an duh loh vang a ni deuh ber. Anfield bula training ground awm thin Vernon Sangster Sports Centre ah trial nei turin min sawm a, sikul chawlh laiin Melwood a trial turin min sawm zui bawk. "Liverpool first team in training an neihna, Melwood hming hriat hrim hrim pawh kha ka tan chuan a tawk a, Melwood gate inhawnga kan tlanluh lai te chuan ka rilru a hlim veng veng ringawt mai a ni." tiin Liverpool-a a bultan dan a ziak. Tunah chuan club danga khel tur hrim hrima ngaihruat pawh a harsa tawh a, Manchester United jersey ha tur ngat phei chuan ngaihtuah thiam pawh a har. Mahse khatih lai khan Liverpool in trial turin ko leh hnuhnawh ta lo se Roy Keane leh Paul Scholes te nen an khel ho lo ang tih a sawitheih loh. November 29, 1998 ah Liverpool tan a game hmasa ber a khel a, hemi hnu hian a hawikir leh tawh lo. Tunah hian (Inrinni zan inkhel tel lovin) game 592 khel tawhin goal 151 a thun tawh a, kum 8 mi lek a nih laia a hmangaih tawh kha kum 32 a nih hnuah pawh a la hmangaih reng a, club captain a ni tawh a, Liverpool fans te ngaihzawn rawn leh an idol a ni tawh. Kum 32 a upa Gerrard chuan, "Thumal pathumin ka nun a tidanglam vek a, chu chu Liverpool want you (Liverpool in a duh che) tih hi a ni. Huyton a kan in a ka pa in he thu min hrilh khan ka nuna ka kawngzawh tur te, duhthlanna leh thutlukna ka la siam tur te a thlak vek a ni. Naupang te, kum 8 leka upa ka la ni a, mahse khami ni atang khan Liverpool nen kan love story chu a lo intan daih tawh a ni." a ti. Kum engemawzat chu Liverpool player tha ber a ni tawh a, chhinchhiahtlak tamtak zingah 2005 Champions League final second half kha Liverpool fans ten an hre reng tawh ang.

TUNLAI FOOTBALL TI TI :
Everton goalkeeper Tim Howard chuan season tharah chuan Champions League an khelh phak ngei a beisei thu leh player pawh an neih that tawk thu a sawi a, chutihrualin an player rawlthar rualte January transfer laia an hupbeh a pawimawh tur thu a sawi tel bawk. Tin Everton hian Beligian midfielder Vadis Odjidja-Ofoe chu Bruges lam atangin lakluh theih an in beisei bawk. Barcelona hlawhtling taka lo enkawl tawh tu, Pep Guardiola chu tunlai hian AC Milan nen an sawi zawm nasa hle. Pep Guardiola hi English Premier League lama lut tur angin thu a thang nasa hle a, amaherawhchu hetia AC Milan lam an rawn lang ve leh takah chuan khawi ram nge a pan ang a, khawi club nge a enkawl ang tih hi football lam tuimi ten an inrinsiak nasa hle. West Ham lam chuan England Team Coach Roy Hodgson hnenah Andy Caroll chu dimdawi taka chhawr turin ngenna an siam. Andy Caroll hi British player manto ber ni turin Newcastle United atangin Liverpool a zawm a, season khat a khelh hnuah West Ham lamah Loan in a chhuak mek a ni. Colombian forward Radamel Falcao chuan Atletico Madrid-ah a hun hmalam a chian loh thu a sawi chhuak a, he kum 26 striker hi nipui transfer lai khan Chelsea lama lut tur angin English Media lam chuan an tarlang chiam hman anih kha, thlasik transfer hian eng ang nge thuthlukna a siam dawn tih hi tunlai football titi sawi hlawh ber a ni. Liverpool forward lei thar Fabio Borini chu Brendan Rodgers chuan goal a thun thuai ang tiin a striker lakluh thar hi a chhan. Tin, Rodgers hian Swansea lam atangin an Head of Sports Science Ryland Morgans to a coaching team a tel turin Liverpool-ah hian a sawm lut ta bawk a ni. Sunderland Defender Phil Bardsley chu a inhliam a dam tak avangin reilo teah Sunderland tan a rawn in lan ang Celtic Manager Neil Lennon chuan a player Gary Hooper chu world class player a ni tiin England squad a pawh hian hmun chang ngei tur ni a a hriat thu a sawi.
450 copies

Juventus Coach Antonio Conte hramna tih tlem sak

Italian Olympic committee chuan thutlukna siamin Juventus coach hrem tawk mek Antonio Conte chu a hremna an tih hniam sak. Antonio hi match-fixing chungchanga thiamlohna nei ve anga Italian FA in a ngaih avangin thla sawm chhung atan hrem mek a ni a, amaherawhchu hei hi Italian Olympic committee chuan thla li ah a tih hniam sak ta a ni. Antonio conte hi season kalta a hnehloh neilo a Serie A champion Juventus Coach a ni a, a hremna an tih hniam sak tak avang hian December 9 a Juventus inkhelh leh hunah chuan a Japan Open khelh mekah, Defending Champion Andy Murray chuan chak thei mai dinhmuna a din hnu ah Milos Raonic lakah Semi Final-ah a chak zo ta lo. Andy Murray hian Raonic hi US Open ah khan Straight-in a lo hneh tawh a, Japan Open-ah pawh hian Set 3 na ah 4-1 in hma a hruai hman a, amaherawhchu Raonic hi tlawm mai duh team te hi a thutpui ve leh thei dawn ta a ni. Conte hi a tirah khan Sienna Coach anih lai (2010-11) a Albinoleffe leh Novara an kelh tuma engemaw thil dik lo awm a report loh vangin thiamloh chantir a ni a. Italian Olympic Committee hnena a zualko hnuah Novara nen an inkhelh tuma thiamlohna nei anga an puhna ah chuan thiam an chantir ta a, amaherawhchu Albinoleffe nen an inkhelh tum ah erawh chuan thiamlohna a nei ngei a hriat ani thung. He ti hian Conte-an hremna a hman zawh chuan Serie A match 15 lai a hmaih dawn ta a ni. lo in theihtawpa a beih let hnuah hnehna a chang ta hram a ni.He inkhel inhnehtawk takah hian Canada mi Raonic hian US Open leh Olympic champion lakah hian a khel tha hle mai a, 6-3 6-7(5-7), 7-6(7-4) in a hnehna a chang ta hram a ni. Raonic hian final match-ah hian Semi final match a Marcos Baghdatis 6-2, 6-2 a hnehtu Japanese Kei Nishikori chu a tum ang.

Japan Open Semi-Final-ah Andy Murray Chaklo

Published by Dawrpui Vengthar Sporting Club

Edited by : Lalrinzuala (Tavala)