CHANCHINBU ENKAWLTUTE

Editor : Chanchinmawia (9615820416) Jt. Editor : K.Lalremsiama News Ed. : Lalnunsanga Fanai (9862120903), H.Lalhmingliana, C. Zonunpuia Lalhmachhuana Fanai (9615030822) Cir. Mag. : Lalramzauva Chawngthu (8575462587) OB i/c : Branch OB

Vengthlang Branch YMA Chanchinbu Phek 2

Kum : XXI Phek 3

Vawi : 46

Tahrik Ni : 2 Pawltlak thla (December) 2012 Phek 4

Hmeichhe naupang tawngtaina

VETTEL VS ALONSO (F 1)

Lawrkhawm
Tanpuina Pe
Pu Zoliana, Vanapa Section chuan Kumpuan hmalakna atan Rs 2000/- Branch hnenah a hlan a, a chungah Branch chuan lawmthu a sawi mawlh mawlh a ni.

Decoration Thu
Tunkar kalta chhung khan zan lamah Decoration Sub Committee hmalaknain YMA Runah hnatlang neih thin a ni a. Hnatlanga thawkchhuakten nuam an tiin an phur hle a. He hnatlangah hian Decoration Member bik an kal chuang lova, Vengthlang khawlai cheina atan a phur a piang an kal mai a, an hlim thei hle a ni. Tin,Vengchhung cheina tur vehbur khawn kha tunkar chhungin Branch OB leh Decoration hruaitute ten an rawn khawn tan dawn. Tlawmngaia Branch leh Decoration hruaitute lo khawn khal lakah Vengchhung mipui te lo fimkhur turin kan in ngen bawk e.Kar hmasa khan Delhi lamah Nl. C. Lalramengi leh Tv. B. Lalzarliana ten Rs. 20000 man bawr vel vengchhung cheina tur an lei chu a then Nl C Lalramengin a rawn hawn thleng tawh a, tunah hian Speed Post hmangin a tam zawk Tv B Lalzarlianan a rawn thawn mek a. A chungah hian Branch chuan lawmthu a sawi tak meuh meuhva. A lo thlen hunah phei chuan hnatlang hi induhthawh a na viau dawn a ni. Decoration bungrua tur, khawlaia tartur frame Pu Zawra te chhungin man man zawkin min siamsak a, an chungah Branch chuan lawmthu a sawi mawlh mawlh a ni. Vengchhung cheina atan hian mi thahnemngaite inpekna a dakawm hle a. YMA Runah Laptop nen eng (decorative light ) hmanga khawlai chei dan tur design fel tak siamin sub committee hotute an kalkhawm thin a, mitin tel ve turin an sawm bawk e.

BRANCH EXECUTIVE COMMITTEE VAWI 11-NA NEIH A NI

Ni 2 Pawltlak Thla 2012: Dt 27.11.2012 (Thawhlehni )

Zan khan Branch Executive Committee vawi 11-na YMA Runah neih a ni a. He committee-ah hian member an kal tha thawkhat hle a. Committee-a thurel leh sawiho tlangpui te chu : 1. Vengthlang Branch YMA in YMA Kumpuan a bawhzuina chikhat Ruihhlo Do hna a kalpuina kawngah YMA Member engemaw zat an ruihhlo zawrh leh tihte bansan tura hriattira zilh an ni a. Intiamkamna neia sim tumte chungah theihtawpa tanpui tura hmalak a nih laia thuawih lo leh an thuiltihte bansan chuang lo mi pahnih, Vanlalsiama leh Lalpuithanga, Taitesena Section ve ve te chu YMA Dan Bu tlawhchhanin thuleh awm hma chu YMA Member an nihna hlihsak nise an ti. 2. Decoration Sub Committee hmalaknaa Vengthlang khawlai chei hna thawh mek thlirletna neih a ni a. Hmalak chhunzawm dan tur pawh Branch Executive Committee-ah tarlangin Executive Member te a tam thei ang thawkchhuak turin an infuih bawk. 3. Krismas leh Kumthar vuak veta puak thei thil, halpuah, hal mawi leh silai lem, a mu nei te Sawrkar -in a khap chu bawh zuiin vengchhungah hetiang zuar lo turin dawrkaite ngenna siam nise an ti a. Tin, vengchhunga thuawih lova, halpuah lam chi hal reng reng chungah thuneitute nena tanghova hmalak nise an ti. Vengthlang hi Champhai khaw lun lai ber leh Bazar hmunpui a nih avangin faina kawngah leh kawngkam chep lutuk thin lakah dawr neitute ngenna siamin, kawng kam mipui kalna dipdala, footpath vela bungrua chhep hnawk thin te chu sengfel tura ngenna siam nise an ti bawk. 4. Dt 13.12.2012 a Govt.PS II in Centenary an lawmna turah YMA fatu atan leh a tul ang buaipuia min sawmna lehkha chu ngaihtuah a ni a. An mi sawmna hi theihtawp chhuaha tihhlawhltin nise an ti a. Branch OB ten a tul angin hma lo la se an ti. Tin, Pu B Lalremruata h/o Zohmingi te chhungin an in luah leh an dilna chu ngaihtuah a ni a. Pu B lalremruata te chhung Vengthlang chuahsan tir hi YMA mai rel ni lovin khawtlang huapa rel a nih avangin tun maia rel theihah Committee chuan a ngai lova, kumthar remchanga rel atan thudahah neih mai nise an ti a ni.

Chhuanawm
Dt 30.11.2012 a zawh fel tak Mizoram pum huap Chess intihsiakna ngaihhlut ber PS Dahrawk Chess Tournament ah kan member Davis Zoremsiama, Khuangchera Section chu a Champion a, kan chhuangin kan lawmpui hle a ni.

Duty Tan Dawn

Kumpuan hmalaknain Krismas leh Kumthar vuakvetah vengchhung a duty insiam a ni a. December 3 atangin zantin khawlaiha duty tan a ni dawn a. Hemi atan hian duty tur Group 15 lai siam a ni a. Heng mite hian Kumthar thleng a inchhawkin an duty dawn a. Vengchhunga buaina leh harsatna awmthei ang zawn zawng vengin an vaihma vek dawn a. Duty tur hriattirna hi thawklehkhatah semchhuah vek a ni dawn lova, kan duty awmna tur Group a zirin kan duty hun dawn hnaihah lehkha kan hmu chauh dawn a. Vengchhunga pa ho leh pathlawi hote lo inring turin kan inngen a ni.

Kawng Siam
Nimin atang khan CHANEM bul chhuk tlaka dinglam chu PWD ten Black Top hna an thawk tan.

World Aids Day

Nimin kha World Aids Day a nih angin Champhai ah pawh kawng zawh in AIDS that loh zia puangchhuakin an aurual.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : F. Lalrinmuana 9856793450 Vice President : C. Laltanpuia 9615021656 Secretary : C. Lalthanpuia 9862657366 Asst.Secretary : H. Laltharrenga 9856782358 Treasurer : H. Lalthanmawia 9862936734 Fin. Secretary : F. Vanlalliana 9615558817

YMA Palai SEMTUTE

Vanapa Section : Lalrinawma, Lallawmzuala, Lawmsangzela, C. Vanlalhriata, CB Lalbiakdika, F. Lalruatpuia, F. Lalrindika, Jessy Lalmawizuala, Vanlalduhsaki, Vanlalruata, Lalbiakthanga Neuva Section :Vanlalzuia, Freddy-a, Vanlalruatzela, C. Lalrinthianghliama Khuangchera Section : Lalhriatpuia, Lalrinchhana, Rotluangpuia, Samuel Lalmuanzova, Lalmawipuia, Lalfelkima

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

HMEICHHE NAUPANG TAWNGTAINA

Awmtea Leo Khiangte

Khawvel pumah nimin khan World AIDS Day hman a ni a, kumina an thil tum pakhat hian zawm hlawh mawlh se a duhawm ngawt mai. Chu chu AIDS kai thar awm loh hi a ni. AIDS hi awm herh vang ni miah lovin vanduai vang hrim hrim pawhin a kai theih ngei mai. Mahse a kai tharna tam zawk hi chu nun khaw lohna leh inthlahdahna vang hrim hrim a ni. AIDS hi natna inkaihchhawn harsa lem lo tak, mahse a tihdam lehna awm tawh lo tih chu kan hre theuh a, a inkaichhawn theih dan leh inkaichhawn theih loh dan pawh kan hre vek tawh. Kai lo tura tih tur tul zawm hi thil harsa a ni lo va tlema taimak han chhuah deuh chuan AIDS hi darh miah lovin kan thunun thei dawn tihna a ni. Fimkhur a tha. Mi zawng zawng hi AIDS vei turin ruat tawp la, mahse tumah thinhrik lo thung ang che! Innei tur tan ngat phei chuan dinhmun hriatna atana thisen test ngei ngei hi a tha. Inngaizawng tir te pawh a rem phawt chuan dinhmun hriatna atana tih hi a tha khawp mai. Mahni dinhmun kan hriat chian ngam hian thil a awlsam zawk a ni. A nihna taka chuan AIDS hi kan lo kai palh a nih chuan natna tam tak zinga kan thihpui tur a ni mai a. Mahse midangte kaichhawn theih a nihna laiah hian kai thar nih kan tum tur a ni lo.

Tunlai chu tawngtaina awmze nei lotih lampang a chhuak ngun riau mai a. A chhanlet (counter) dan ka thiam ve lo va, chuvangin he thu hi ka rawn dah tawp mai. England doctor Helen Roseveare chu Africa khawmualpuiah missionary-in a awm thin a. Zan khat chu nau neihna pindanah nu pakhat nau vei mek hi an buaipui a. Vanduaithlak takin chu nu chu nau chungah a thi hlauh mai a. A fasen piang hlim chu an enkawl turin a hnutchhiah a ni ta ber mai. A kalsan tak a fanu kum 2 mi leka upa lah chu a tap hliam hliam bawk a. Damdawi inah chuan nausen ur lumna tur an nei lo va, nausen hnute hnektirna hmanrua lah an nei chuang bawk hek lo. An awmna hmun chu lei kiar lai tak a nih avangin chhunah lum patlingin lum mah se, zan lamah erawh tih tak zetin a vawt thin. Chuti ang a nih avang chuan nausen chu thuk bul hnaihah an dah a, mi pahnihin thli thaw laka venhim nan an thut hual bawk a. Pathian hnena an mamawh thlenin chumi hmuna awm, puitling leh naupang zawng zawng chu an tawngtai ta a. An tawngtai lai chuan naupang pakhat, kum 10 mi lek, Ruth-i, Africa naupang dang ang bawka rilru mawl leh ngen ngawla a tawngtaina chuan Helen-i thinlung a dek zawk mai. Ruth-i chu, Lalpa, khawngaih takin nausen hnute pekna tur bottle rawn thawn rawh. Naktuka i rawn thawn loh chuan nausen hi a thi hman ang; chuvangin vawiin chawhnuah ngei rawn thawn ang che. Bottle i rawn thawn rau rau chuan nausen u hmeichhe naupang lawm tur naupang lem rawn thawn tel bawk ang che, tiin a tawngtai a. Naupangho tawngtai chu Helen-i chuan a la thutak vak lo va, run dalah a lo Amenpui ve lek a ni ber a, an tawngtaina chu Pathianin a chhan pawh a ring lutuk lem lo. Pathianin an tawngtaina a chhan dan tur awmchhun chu an ram (England) atanga percel an rawn thawn hmang chauhin a ni si a. Amaherawhchu, kum 4 lai Africa rama rawngbawla a awm chhungin tum khat mah England atangin parcel a la dawng ngai lo va, tun ataka beisei chi niin a hre lo. Parcel chu rawn thawn tehreng pawh ni se, nausen hnute hnektirna bottle kher chu an rawn thawn tel lo tawp ang. Chawhnu lamah chuan a tihdan pangngaiin Helen-i chuan nurse training-ho a zirtir leh a. Chawhnu chanve velah mi pakhat hian a in kawta car a din thu a rawn hrilh a. Tlaia a hawn chuan car chu a lo awm tawh lo va; mahse an hulhliapah chuan parcel, pound 20 buk zeta rit an lo hnuhchhiah thung a. Naupangho an rawn kal khawm a, a chhunga awm hmuh chakin an kil thap a. Parcel chhung chungnung berah chuan kawr mawi tak hi a awm a, naupangho chuan mawi ti zet hian an melh vawng vawng a. A dawt lehah chuan pan tuamna chi puan a lo awm leh a, chumi hnuai lehah chuan ei tur chi hrang hrang hi a awm teuh mai a. Helen-i chuan a han hai leh a, a kut chuan eng emaw hi a khawih fuh ta! A han pawt a, nausen hnute pekna tur bottle a lo ni reng mai! Nausen hnute pekna tur bottle a hmuh chuan Helen-i lawm lutuk chu a te thawt a. A dil hauh loh, mahse an mamawh chu Pathianin a rawn thawn a ni. Pathian hnena bottle diltu Ruth-i chu a hmasa berah a ding a, bottle a hmuh chuan a kun hniam a, ring zet mai hian, Pathianin bottle a rawn thawn chuan naute lem pawh a rawn thawn tel ngei ngei ang, a ti chiam mai a. Parcel chhung chu a zen rawk rawk a, naute lem mawi zet mai hi a rawn phawrh chhuak nawlh tak tak a. A mitmeng chu a lawm avangin a eng sar a, a thil dil kha a ringhlel reng reng lo! Lawm takin Helen-i chu a en a, Ka nu, he naute lem hi hmeichhe naupang i pek hunah i rualin ka lo kal ve thei ang em? Pathianin a hmangaih tih hi hrilh ka duh a ni, a ti ta reuh a. Parcel chu England ram atanga thla 5 liam taa an rawn thawn a ni a. Parcel rawn thawntu chu Helen-i te khuaa Sunday sikul zirtirtu thin leh a thawhpui te an ni nghe nghe a. An zirlai hmeichhe naupang pakhatin naute lem a thawh ve bawk a. A hun taka thleng thei turin Pathianin engkim a lo ruahman lawk vek a lo ni. Ringhlel lova tawngtaina chu Pathianin a chhang thin.

Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : R. Vanlalremruati, Lalbiakpuii, David VL Rinfela, Elisa Lalhmingliana, Lalnunkima, Lalmalsawma, Lalramnghaka, Lalramhluna, Jonathan Lalnuntluanga, Joseph Malsawmtluanga

YMA ADVISER
RC Zahlira (9615713078); C. Vanlalnema (9615142191); F. Lalfamkima (9856780794)

Leader Asst. Leader Secretary & YMA Agent Asst. Secy Treasurer Fin. Secy

VANAPA SECTION

: R. Lalnunpuia : DL Zadinga Hnamte : Lalramzauva Chawngthu (8575462587) : Jonathan Lalhmingsanga : Zoremsiami : Zonunsanga Hmar

YMA Thuvawn : YMA chu tanpui ngaite tanpuitu a ni

VETTEL VS ALONSO (F 1)
- Sawmteipa German mi Sebastian Vettel hi July ni 3,m 1987 ah apiang a, 2007-ah Formula 1 a luhchilh tan a, tunah hian Red Bull Racing (Austria) car a khalh mek a, a zawnin kumthum 2010, 2011 leh 2012 ah champion a ni a, F 1 history ah vawithum champion thei naupang ber record a siam bawk a ni. A vaiin Grand Prix 27 a champion tawh a, podium vawi 46 zet a lawnkai tawh bawk. Spanish driver Fernando Alonso vethung hi July ni 29, 1981 ah a piang a, 2001ah Formula 1 a khalh tan a, tunah hian Scuderia Ferrari car khalh mekin 2005 leh 2006 kumah te khan Renault car khalhin a zawnin champion a ni a, F 1 history ah a zawna champion thei naupang ber record a siam a ni.Grand Prix vawi 30 zetah chakber a ni tawh a, podium vawi 86 lai a lawn tawh bawk. 2012 F 1 season tlan zawh takah khan anni pahnih hi a ti hmuhnawm tu leh titi ti tam tu berte anni a, intlansiak hnuhnung ber thlengin champion tur zawk hriat theihloh khawpin an inthlur nasa anih kha.A tu zawk zawk pawh kha champion nise vawithum champion thei naupang ber record an siam ve ve dawn a, F 1 khawvel chuan anni pahnih kha a thlir a, a tawp thlengin anmahni avangin intlansiak hmuhnawm tak kan en phah ta reng bawk a. Vettel hi vawithum champion thei hmasa zawk ni mahse an car khalh hi a chak em em mai a, qualifying-ah phei chuan car dang ten an phalo thin hle anih kha. Chutih rual chuan champion nih hi a phu ve reng bawk a ni ti ila kan sawisual hauh lovang. Alonso erawh hi a thiam hrim hrim vang niin a lang. 2012-ah ngat phei hi chuan Ferrari car hi a chakloh mai bakah sawisel a hlawh em em reng a, chuti chung chuan champion thei dinhmunah a tawp thlengin a in hlangkai thei a ni. Kumin chhung khan Malaysia, Europe leh Germany-ah te chakber nihna a hauh a, Vettel vethung hian Bahrain, singapore, Japan, Korea leh India ah te a chakber vethung. Hemite pahnih hi 2010 atang tawh khan championship title hi an inchuh chho char char tawh a, mahse car chak zawk khalhtu Sebastian Vettel a la dingchang zawk zel a ni. Hemi kumah pawh hian Ferrari team-te tihsual vang liau liauin Alonso hi a champion loh phah tawh a, mahse kumtluanin intlansiak hmuhnawm tak kan thlir tawh bawk anih kha. Chutiang bawkin 2011-ah pawh intlansiak hnuhnung ber thlengin champion tur zawk hriatloh khawpa hmuhnawmin an tal vel tawh bawk a, a tawpah Vettel bawk a chungnung zawkah a tang leh ta a. Kumin ah pawh khan Brazil-a intlansiak hnuhnung ber an neih dawn khan Vettel hi point 13 in a sangzawk a, Alonso kha chakber nise Vettel kha 4-na tal a nih a ngai a, chutiang zelin Alonso 2-na anih chuan Vettel kha 6-na tal anih a ngai bawk. Hetiang ang huna in lehthal tamtak lo thleng tawh thin avangin enge tun tumah pawh hian thleng dawn a hriat mai tlat lo a ni. An tlan ta a, a tir lamah chuan beisei ang hmuhnawm a thleng lemlo, Alonso chu 4-na ah a tlan a, Vettel a 9-na ah. Mahse intlansiak chawhnu lam a lo thleng meuh chuan hmahruaitu pahnihte an insutbuai avangin Lewis Hamilton chu a chhunzawn thei talo a, chumi avang chuan Alonso chu 3-na ah a tlan ta a, a hma a awm lah a teammate Fellipe Massa a lo ni kher kher bawk nen, a ni chuan rang takin a in tlanpelh tir nghal a, Alonso chu 2-na ah Jenson Button a hnungah a tlan ta!! Hetih mek laia 8-na a tlan mek Vettel tan chuan a thlamuan thlak ta hauh lo mai, mahse a car khalh a chak hrim a, a tawpah meuh chuan 6-na ah a rawn inhlangkai thei ta a, intlansiak hma a point 13 lai a hmahruaitu kha point 3 lekin a champion thei ta a ni. Tihian kumin chhung atan chuan F 1 chu kan lo thlahliam leh ta reng mai a, a hmuhnawmin mit a ti tlai thin hle mai. Mizota zingah hian a tuichilh tu la tlem viau mah ila, he infiamna hian gaihsan leh gaihven a hlawh telh telh dawn niin a lang. An tlanchak ziate leh infiamna rothap tak anih ziate hi hrechiang ila chuan ngaihsan a, hmuhnawm tihloh chi anih loh zia kan la hre chho deuh deuh ang. A tul anih chuan kumthar lamah a dan leh hrai chi hrang hrang te, inhremna chi hrang hrang te leh flag vai chi hrang hrangte nen chipchiar zawka sawiin F 1 2013 thlir tlan leh kan tum dawn nia.

I hria em ?
@ Netherlands ah khuan bicycle bik tan traffic len hran an siam a. Cycle tlan kawng bik hi 17,000 km vel niin traffic light pawh a hranin a nei ngat a ni. @ Hmasang Hindu ho chuan khawvel hi a mum a, sai pali chunga a inchhuang a, sai pali chu satel lianpui chungah an ding niin an ngai @ Thailand hi thaibawi ram tihna ni mai awm tak, zalente ram (the land of free) tihna a ni. @ Khawvela rose fossil upa ber chu Florisant, Colorado ah laih chhuah a ni a, kum maktaduai 35 vela upa a ni. @ Maria Speltirina-i hi hmeichhe zinga hrui hmanga Niagara Falls paltlang hmasa ber a ni a, kum 1876 khan hei hi a tihlawhtling a ni. @ Tek hi thenkhat chu ni ai hian a sa mah mah thei zawk! @ Chopstick hi China-ah kum 4000 vel kalta khan hmuh chhuah a ni. @ Khawvela honeymoon hmanna ber chu Hawaii a ni. @ Boxing day hi Canada atanga rawn chhuak a ni a. Hemi ni hian chhiahhlaw hte chu bawm-ah pawisa awm thilpek an puten an pe thin a, pawisa nei tur chuan bawm chu tihchhiat a ngai a, hei hi changchawiin a hmingah boxing day tih an chhawm zui ta zel a ni. @ Warsaw tih lohah chuan Chicago ah khuan Polish an tam ber @ Kum 1391 khan China ho chuan an lal hman turin toilet paper hi an lo siam tan daih tawh. Keini chuan tun thleng pawhin kan la hmang mang lo! @ Arpui hian a tui hi ni khatah vawi 50 vel a thai let thin, hei hi a chhan chu a chhugmu kha a kawra a beh loh nan a ni.

Zofate hmasawnna ngaihtuah

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA Leader &

NEUVA SECTION

YMA Agent

: Lalfamkima Varte

Asst. Leader Secretary Asst. Secy Treasurer Fin. Secy

: Biakremtluanga : K. Lalrinawma : C. Zorammuana : Zonunpari : Lalrammawia

(9862725576)

Leader Asst. Leader Secretary Asst. Secy & YMA Agent Treasurer Fin. Secy

TAITESENA SECTION

: H. Zarzoliana : T. Daniala : Lalhmachhuana Fanai : K. Lalhmangaihzuala (9856581374) : H. Lalrammuana : H. Ramengmawii

KHUANGCHERA SECTION
Leader Asst. Leader Secretary Asst. Secy Treasurer & YMA Agent Fin. Secy : C. Zonunpuia : C. Lalchhuanawma : C. Vanlalpeka : J. Lalramnghaka : Lalruatkimi (9862342324) : PC Ramnunsiama

YMA Kumpuan : Ram Leh Hnam Humhalh

LAWRKHAWM
Sertawk : Grapefruit an tih hi Mizo ten Sertawk kan tih hi niin ka hria; sertawk tih ka hmang zel phawt ang. Engpawh nise, mithiamten an zirchhuah tharah chuan, damdawi ei lai neite tan a hlauhawm thei hle tih an hmuchhuak a ni. Grapefruit (Sertawk) mai a ni lova, zikhlum chikhat, kale an tih leh licorice (hei hi Mizo ten Reng-an kan tih kha a ni em ka chiang lo) te pawh an tel tho mai. Sertawk (ti zel phawt ang!) hian tun hma a mithiamte rin aiin damdawi (prescription medication) hal (mil loh) a ngah hle tih an hmuchhuak a ni. An hmuhchhuah danin, prescription damdawi chi 85 lai a hal an tih pek chu! Damdawi a hal zingah hian cholesterol, diet lam inenkawlna te pawh a tel nawk mai. India lamah chuan a hming a dang maithei a, Lipitor, Zocor, Mevacor leh anticoagulant Plavix te pawh an tel nghe nghe. Daktawr chawh, damdawi eilai neite emaw, dietna lam eite chuan sert.awk, kale leh licorice lakah fimkhur a pawimawh hle awm e. Naupang awmdan mawi zirtirna : Naupang awmhlei leh a nachang an hriat lohna hi an tum vang a ni bik kher lo a nia. Nu leh pate hi kan buai deuh avangin kan fate kan awmdan mawi kan hrilh hman lova, a tam tak chuan hrilh dan tur pawh kan hre lo. Chuvangin a hnuaia hi i fate zirtir la, naupang hawihhawm takah an chhuak thei ang. 1. Thil a dil dawn reng rengin "Khawngaih takin" tih tel ngei ngei ang che. 2. Thil an dawn reng rengin "Ka lawm e" tih tir ang che. 3. Thil hmanhmawhthlak bik a awm a nih loh chuan puitling tawng laiin an rawn inrawlh tur a ni lova, an sawi zawhah an sawi ve chauh tur a ni. 4. Thil an hriat chian vak loh an tih dawn chuan a mawhphurtute tih dil hmasa thin turin zirtir ang che. 5. An thil ngaihnat loh zawng emaw an duh loh zawng chu ngawih bopui mai mai dan tur zirtir ang che. 5. Midang pianhmang te hi inchhaih nawmnahna atan hman tir loh a tha hle. 6. Mi ina i luh dawn reng rengin kawngka kik hmasak tur. A rawn chhawn hma chuan luh loh tur. Hei hi chu puitling zingah mamawh pawh kan tam mai. 7. Naupang hian tawngkam mawi lo an hmang tur a ni lo. Chu chu kan zirtir a tha a, tawngkam mawi lo an chhar loh nan a enkawltute pawh fimkhur a tul hle. 8. Midang an hmusit emaw an tiduhdah lo tur turin zirtir thin a tul. 9. Ka tihpalh tih hi an sawi hreh tur a ni lo. 10. An khuh emaw an hahchhiauvin an hmui leh hnar an hup thin tur a ni, mi hmaa khuh emaw hahchhiau an ching tur a ni lo tih te hi zirtir tel a tha. Awmdan mawi inzirtir kawngah hian kan hnam hi kan la hnufual hle a. Kan changkan zawk nan i uar thar teh ang u. Chuti lo chu mi mawl kan pung tual tual ang!

AK-47

JKan Asst. Secretary Pu Athara

te chhangchhe lutuk pawh hi... chawhrualin Athara hian nitin hnute vawithum pe ang a ni... -Pa Thana, Trea J Dinga, Paruala hian kan inhnuai hi a la luah em.... - U Hmingi, T-Sec J Rohlua chu tluk a lo harh em mai... apangngai ka hruai lut leh ta tawp mai... - Chaktea, T-Sec J Krismas dawn a ni sia Krismas Card thawn tur List siam leh tan teng... - Ramzauva, V-Sec J Rk-a hi ka ngaihtuah tlat... hetiang hi chuan Nupui a nei dawn lo, i zawnpui vat teng... - Kichena, N-Sec

Zanin
Norwich (9:30) Sunderland

Tunlai titi

Dt.28.11. 2012 Central YMA chuan thuchhuah an siam ah YMA khawmpui vawi 67 na neih zawh taka Mizo mipuite inpumkhatna ti chhe zawng leh Mizoram thendarh zawng a, chibing hmalakna reng reng tih tawp a nih theih nan YMA in hma la rawh se tih CCC meeting vawi 70 na Nov ni 14 a neih in a bawhzui dan tur a lo rel tawh chu Nov 26, 2012 khan CEC chuan ngun takin a thlir nawn leh tih an tarlang a, Hemi chung chang ah hian Central YMA chu a dinna ngaiah a la ding reng a ni an ti. Mithenkhat t en hriatthiamloh an neih avanga sawiselna te, Chanchinbu leh YMA Palai man luh dan media hmanga min finchhuahKumin chhunga YMA Palai man, Section hrang hrang atanga kan hmuh dan chu tute zawng zawng chung ah Section Jan Feb Mar Apr May Jun July Aug Sep Oct lawmthu central YMA chuan a Khuangchera 1610 1500 930 1210 1520 1210 890 820 1710 sawi a ni tiin an hmalak zelna Neuva 1680 980 510 500 2200 1270 100 240 230 430 tur ah mipui thlawpna an ngen Vanapa Nil 2600 3615 110 580 810 1980 600 820 thu an tarlang bawk Taitesena 1010 2410 1466 2030 1210 2240 2420 1180 1700 950 Published, Edited and Printed by Chanchinmawia for and on behalf of Vengthlang Branch YMA