Information Centres Zonunmawi Letter Box : Lalmuankima, Editor : R.Lalfakzuala, Jt.

Editor :

E-mail: zonunmawi@gmail.com RZ-a Dawr & R.C. Drugs Store Ph. 9436141143 Ph. 9436361939
November ni 24, 2012

ER

JU B I

ZNM: KUM 25-NA

MOTTO 1. Hun wl hman \hat 2. Kristian nun dn \ha ngaihsan 3. Zofate hmaswnna ngaihtuah
ZONUNMAWI

SILV

LE
E

KUM 25-NA, ISSUE NO. 43

RED RIBBON DRAMA COMPETITION 2012

LAWMMAN PAKHATNA KAN LA E

izoram State Aids Control Society (MSACS) buatsaih Red Ribbon Drama Competition vawi 2-na, Nov. ni 5-17, 2012 chhunga Vanapa Hall-a neih ah YMA Mission Vengthlang Branch chuan lawmman Pakhatna kan dawng e. He Drama Competition-ah hian Group 39 in hming an pe a, 32 in inelna hi an nei a ni. Kan Branch chuan Pu PC Lalrinpuia, M Section Drama ziah BEISEINA KAWL ENG tih kan chang a, a script a \ha a, a chengtuten theihtawp chhuahin an bei bawk a, lawmman pakhatna hi kan dawng ta a ni. Lawmman 1-na hian Trophy, Certificate leh pawisa fai cheng nuai khat a keng a ni. A KALKAWNG: September thla-a Branch Executive Committee meeting chuan he Drama Competition-ah hian tel ve nise tiin a rel a. Pu R. Zothansanga, Branch Secretary chu hma lo la tur leh drama Director turin a ruat nghal a, a ni hian theihtawp chhuaha hma la-in hlawhtlinna tlangah hian min chuankaipui ta a ni. DRAMA SCRIPT: Drama chu a script tel lovin a chan theih lohva, a script \hat leh \hatlohin kawngro a su hle bawk. Kan Branch Drama chan tur script hi YMA ngenna ngaipawimawhin hun chep tak karah Pu PC Lalrinpuia, M Section chuan Beiseina Kawl Eng tih chu min ziah saka, hei hian Hlawhtlinna Kawl Eng-ah min hruai thleng ta a ni. He script hian Best Script Award a dawng nghe nghe a ni. A CHANGTUTE: Lawmman 1-na dawng a, YMA leh Veng hming ti \hatu A changtute hian fak an phu ngawih ngawih, an inpekna leh thawhrimnain hlawhtlinna leh Veng hming \hatna min thlen hi a ropui takzet e. Drama changtute chu Pu R. Zothansanga, Director - Y Sec. (Best Director Award a dawng) Pu P.C. Lalrinpuia, Script writer - M Sec. (Best Script Award a dawng) Tv. Zothanmawia s/o Pu Rualchhingpuia (L) - Y Sec. Nl. Zoengmawii d/o Pu Lalhmahruaia - Y Sec. (Best Actress Award a dawng) Nl. Lalremruati Chawngthu d/o Pu Rozama Chawngthu - M sec. (Best Suporting Actress Award a dawng) Nl. Zoremtluangi d/o Pu R. lalrinzuala - Y Sec. Nl. Lalromani d/o Upa Hauhmingthanga - M Sec. Tv. K. Lalchhanchhuaha s/o Pu K. Lalmanmawia - M sec. Tv. Vanlalruala s/o Pu R. Lalluta, Y Sec. Tv. Lalrinchhana s/o Pu C. |huamliana - M Sec. Tv. R. Lalnuntluanga s/o Pu R. Lalhmingliana - Y Sec. Pu Lalmuankima s/o Pu Chalchhunga - M Sec. I/c Sound-Track/Music: Pu C. Lalchamliana s/o Pu C. Thanliana - M Sec. Tv. Lalhriatrenga s/o Upa L. Ramthanga - Y Sec. Tv. Anthony Lalawmpuia s/o Pi Khawlkungi - M Sec.

VENG CHHUNG THUTHAR

Pi V Nun\awmpuii, Y Sec. (Darnam), Durtlang .L. Hospital-ah enkawl mek a ni. Np. Lidya Lalremsangi d/o Pu K. Lalzuimawia, Y Sec. (Darnam), khawsik, Aizawl Hospital-ah enkawl mek a ni. Pu C. Chhunbura, M Sec., Durtlang Hospital-ah enkawl mek a ni. Pi Darhmingliani d/o Pu C. Rokhuma, M Sec., Civil Hospital-ah enkawl mek zel a la ni. Pi Lianthangi w/o Upa Biakvela, A Sec., zun kawnga bawk awm chu zai hmabakin In lama enkawl mek a ni. Pu H. Lalbiaktluanga, A Sec., Br. Committee meber, Mumbai-a in checkup-a kal chu tluang takin a lo haw.

A LAWMNA LEH LAWMTHU: Lawmman 1-na kan dawng hi Branch Executive Committee chuan lawmawm a ti takzet a, Nov. ni 27, 2012 (Thawhlehni) tlaiah Drama changtute hi YMA Hall-ah zanriah kilpuiin, zanah lawmthu sawina pawisa fai leh thuziak (Citation) hlan nise a ti. Tin, Branch YMA chuan Drama zirna hmun te, a channa a hmanraw \ul ang ang min hman tirtu leh a tul ang ang a buaipuitu zawng zawng chungah lawmthu a sawi mawlh mawlh bawk e.

ZONUNMAWI

P-2

Editorial, Articles, etc.

2 0 1 2 2 0 1 3

NOV. NI 24, 2012

Z O N U N M A W I

Editorial Board
EDITOR LALMUANKIMA JOINT EDITORS C. VANLALHLUA R. LALFAKZUALA ASSO. EDITORS R. LALRINZUALA VANMALSAWMA LALVUANSANGA MANAGER K. LALBIAKVELA CIR. MANAGER LALRAMLIANA ROKHUM ANDY LALRINMAWIA RUALZAKHUMA COLNEY OB I/C R. ZOTHANSANGA, BR. SECRETARY

ROL OLUNG MUAL FAM R OL UNG MU AL

Hming Kum Kohhran Thihni Vui Hun Vuitu : : : : : : C. LALHMUAKA 80 Presbyterian Nov. ni 18, 2012. 3:40 PM Nov. ni 18, 2012. 1:00 N Pastor Lalbiakvulmawia

Editorial
TLANG RUAI BUATSAIH MAN an veng chhung In ban dinnaten veng hmawr lamah ram zauh duak duak lo mah se, mi chengte kan bit tial tial a, veng chhung mi kan pung ta hle; hei hian a ken tel tlat chu chhiat \hat a pung tihna a ni. |hatni bikah, tun hnai hian kan tih dan \hin pangngai kha a danglam ta viau. Ei tur siammite hnenah ei tur kan order a nih loh pawhin, fatu rawih man kan seng ta nual mai. Kan changkang ve ta a ni thei a; kan tlawmngaihna a dal ta deuh niin a ngaih theih bawk. Khawsak harsa zual deuhte tan mo lawm nan tlang ruai buatsaih a huphurhawm zual ta lutuk a nih chuan Tlawmngai Pawl hruaituten beng chhiin, puan ven sawi chhin a hun a ni ang.

CENTRAL YMA HUANG

n Nov. ni 20, 2012 (Thawhlehni) khan Central YMA Committee Room-ah CEC Meeting neih a ni a. Hnam/ chi bil inlak hran chungchang leh Autonomous District Council chungchang sawiho a ni. Nov. ni 21, 2012 (Nilaini) khan CCC Meeting thurel leh Autonomous District Council chungchanga thuchhuahah chanchinbu mite kawmna neih a ni bawk.

HLAMZUIH
n Ns. Lalruatdiki (thla 1) d/o Pu Lalhmingthanga, M Section (Tlang Veng) chu Nov. ni 20, 2012 (Thawhlehni) chhun khan a thi a, chhungkhat laina leh \henawm hnaiten thlahna hun an hman hnuah Hlamzuih thlanmualah phum a ni.

HEALTH CARE CHUNGCHANG

n November ni 26, 2012 dar 10:00 AM a\angin Health Sub Centre-ah RSBY leh Health Care Pangngai te tan enrollment a tih leh theih ta e. RSBY tan Rs 30/- leh Health Care Rs 500/-, Rs 750/-, Rs 1000/- a ni ang. A duh tan chuan a rang lama tih tur a ni e. VENG CHHUNG THUTHAR CHHUNZAWMNA: n Upa Liansailova, M Sec. chuan Mizo Academy of Letters (MAL) buatsaih Drama Inziahsiak-ah lawmman 3-na a dawng. n Nov. ni 24-25, 2012 chhung hian Mission Vengthlang Pastor Bial Pavalai Pawl Inkhawmpui Vawi 1-na chu Mission Vengthlang Kohhran Biak In-ah an hmang mek. n Nl. R. Lalchhanhimi sis/o Pu R. Lalfakzuala, M Sec. chu Synod Hospital Nursing School Principal atan ruat thar a ni a; nakum January thla a\angin a zawm ang. n Pu David Zonunmawia s/o Pu Jordanthanga, A Sec. chu Synod Mission Board hnuaiah Missionary turin thlan a ni.

u C.Lalhmuaka hi Pu C.Liandinga leh Pi Rochhingi-te fa 8 zinga 6-na niin August 4, 1933 khan Sailam-ah a lo piang a; a unaute hi mipa 2 leh hmeichhia 6 an ni. kum 1963-ah Beiseii, N. Vanlaiphai nen inneiin, fapa 2 leh fanu 4 an nei a, tu 21 a nei a ni. Amah hi Pathian \ih mi, naupang fel, thu awih leh inkhawm peih tak a ni a, Sawiselbova tiin miin an ko fiam \hin. Pangzawl-a an awm lai, kum1982 khan Mizoram Baptist Kohhran Upa atan nemngheh a ni a; Aizawl-a an lo pem hnuin Mission Vengthlang Presbyterian Kohhranah Pem Upa-in a awm chhunzawm ta zel a ni. Pu C.Lalhmuaka hian MA, BT thleng harsatna nasa tak paltlang chunga zirin, Pawl 7 a\angin Master degree thleng hi Private-in a zir a. Zirtirtu hna thawkin Headmaster-in hmun hrang hrangah a awm a, Kum 1968 a\ang khan kum 20 chhung zet Hnahthial High School Headmaster niin, a hun chhung hian Matric-ah top 10 kum eng emaw zat he school hian a nei nghe nghe a ni. Zirtirtu hna thawk chung hian 1981 khan Guwahati University a\angin MA (Pol. Sc.) a zo. Kum 1989 khan Govt HSS, Aizawl-ah Principal atan dah a ni a ni a; hemi hnu hian Jt. Director, School Edu.-ah sawn niin, 1996 khan a pension ta a ni. Sawrkar hna a chawlhsan hnuin Congress Party-ah Executive Committee Member niin, Education Cell Chairman hna a chelh \hin. Mission Vengthlang Village Council member-ah 2002-2004 term atan thlan a ni a; Mission Vengthlang Branch YMA Adviser-ah 2003-2004 chhung a awm bawk. September 2011 vel a\ang khan a ban veilam na leh darna a sawi \an a, enkawlna chi hrang hrang a dawn hnuin April 3, 2012 khan Pum Cancer a ni tih hriat a ni ta a; April 7-khan zai a ni a; hemi hnu hian In lamah enkawl zui a ni a; hniam lam pan hret hretin, Nov. ni 18, 2012 (Pathianni) zing dar 3:40 khan Chatuan Ram min lo pan san ta a ni. Nov. ni 18, 2012 (Pathianni) chawhnu dar 1:00-ah Pastor Lalbiakvulmawian In lamah vuiin, Upa Hrilthansangan Thlanmual-ah a thlah liam ta a ni. YMA member a nih avangin Nov. ni 20, 2012 zanah Branch YMA chuan ralna hun a hmang.

THILPEK LAWMAWM
n Upa R. Malsawma, A Section chu Under Secretary a\angin Deputy Secretary-ah a kaisang a, chhiatrupna lo thlen palha hmanraw \angkai tak tak (1) Surgical Gloves - 2 Boxes (2) Search light lian - 1 no (3) Hruizen \ha chi - 1 coil (4) Thing tanna khawl - 1 no (5) Hrui leihlawn - 1 no (6) Portable mike - 1 no (7) Inzawnna (stretcher) - 1 no te chu Branch YMA te min pe a, Branch chuan lawmthu a sawi e. n Upa C. Lalhmuaka (L), M Section chhhungte chuan an pa borala a puan dawn zing a\angin puan 10 zet chu YMA-in a \ul anga a hman turin Branch YMA-ah an rawn pe a, Branch chuan lawmthu a sawi e.

NOV. NI 24, 2012

Lawr Khwm, etc.

P-3

ZONUNMAWI

BRANCH EMERGENT MEETING

n Nov. ni 22, 2012 (Ningani) zan khan YMA Mission Vengthlang Branch Executive Committee chuan YMA Committee Room-ah Emergent Meeting an nei. Meeting hi Pu Kaisangzuala, President-in kaihruaiin Er. Lalthangkhuma Ralte, Treasurer chuan hunserh a hmang. Meeting-ah hian member 25 an kal a ni. Thurel tlangpuite 1. RED RIBBON DRAMA COMPETITION: Branch Secretary, Pu R. Zothansanga (Drama Director) hnen a\angin Red Ribbon Drama Competition-a hmalakna, inbuatsaihna leh lawmman 1-na lak a nih thu report ngaihthlak a ni a, Branch Executive Committee chuan lawmawm a ti takzet a, Drama changtu zawng zawngte chungah lawmthu a sawi. Branch chuan Nov. ni 27, 2012 (Thawhlehni) tlaiah Drama changtu zawng zawngte YMA Hall-ah zanriah kilpui nise, zanah pawisa fai leh thuziak (Citation) hlan nise a ti. 2. HLIM ZAN: Organising Committee Secretary hnen a\angin hmalakna leh ruahmanna report ngaihthlak a ni. Mission Vengthlang Hlim Zan hi Dec. ni 27, 2012 (Ningani) zanah neih nise, a hmun atan Contact Sports Centre hman dil nise, tih a ni. He Hlim zanah hian Veng pawn a\angin zaithiam eng emaw zat sawm nise tih a ni bawk. Programme kimchang chu Organising Committee-in a hma thei angin lo siam se, tih a ni. 3. KAWN CHEI: Decoration Sub-Committee Secretary hnen a\angin Kawn chei dan tura an inbuatsaihna leh ruahmanna report ngaihthlak a ni, kum dang zawng zawng aia ropui leh mawi danglam taka chei an tum thute, Nov. ni 23&24, 2012-a hmanraw \ul ang lei tura Silchara bazar an tum thute ngaihthlak a ni a, Branch Committee chu an hmalaknaah a lawm hle. A \ul anga sum hman phalna an dil angin Committee chuan a phalsak bawk. Dawrkawn chauh nilo, hmun danga kawn remchangte pawh chei a \ha lawmni tih rawtna awm chu Branch chuan \ha a ti hle a, mahse nguntaka a ngaihtuahin sum tam thamlo tak sem darh a, mawi lutuk mang silova hmun hran hran chei ai chuan kan zavai a kawt chuah leh kan ta, kan veng hmel lanna hmasa ber Dawrkawn chu kan sum neih ang ang hmanga a mawi thei ang bera chei hi \ha a ti a, veng mipuite inpekna leh inphalnaah lawmthu a sawi takzet zet bawk a ni. Decoration Sub-Committee hian December chawlhkar hnihna ral hma ngeiin chei zawh hman lo tum se, tih a ni. 4. LEHKHA HMUH: (1) Gen. Secretary, Central YMA hnen a\anga lehkha hmuh E. Roll Revision zirchianna Nov. ni 9, 2012a Vanapa Hall-a neih tur leh Branch aiawh tir tura hriattirna chu OB ten hma lo la-in Pu Lalhmingmawia, CEC, Pu F. Lalramthara, Asst Secy. leh Pu Lalthawmmawia, Exe. Com. member-te an kal. (2) Gen. Secretary, Central YMA hnen a\angin kum 20122013 chhunga Central YMA Cultural Sub-Committee Secretary atana Pu Lalhmingmawia, CEC ruat a nih thu hmuh a ni. 5. REPORTS: A Section Leader, Pu Lalthawmmawia hnen a\angin Vailui (Khatla South nena kan inri-na) kama Welcome to Mission Vengthlang tih signboard tar tlu chhe tawh chu Section hnatlangin an siam\hat leh phun \hat thu report ngaihthlak a ni a, Branch chuan lawmawm a ti hle.

local council thu

n A VA LAWMAWM EM: Pu Lalhmingliana, MP (RS) in kan thlanmual kawng siam nana Rs. 10,00,000/- min pek te, Kohhran leh mi inphalte thawh khawm a\anga kawng siam hna chu Nov. ni 19,.2012 (Thawh\anni) khan Pu Lalhmingliana, MP (RS) chuan a rawn endik a. Local Council chuan Mission Vengthlang Kohhran, Jubili Kohhran leh NGO hrang hrang Office Bearer-te sawmin MP hi kan lo \awiawm a, Jubili Kohhran chokaah lawmthu sawina chawhlui kan kilho nghal a ni. Chaw ei hma inkhawm tawite neihah MP Pu Hminga chuan Mission Vengthlang mipuiten , thlanmual kawng kan siam chu \ha a tih tak zet thu leh thinlung taka a lawmzia a sawi a, khawtlangin inlungrual taka hna kan thawhho leh thawh \hat avanga lawmthu sawi nan Thlanmual kawng siam chhunzawm na tur Rs. 10,00,000/ - (Nuai sawm) dang min pe leh ta, kan va lawm em. He sum kan dawn leh hi bawhzui theih a nih veleh Local Council chuan a bawhzui nghalthuai dawn a ni. Veng hmangaihtu mi \henkhatte duhthusam leh rawtna te Local Council chuan a hre reng a, Tlang dunglam kawng siam pawh hi \ul a ti takzet e. Amaherawhchu, tuna Fund lo kalte hi Motor kawng lam siamna tur a nih rih avangin han pawhpen mai a remchang rih lova, kawng dangte pawh \angrualin kan la dap tlang zel turah i ngai ang. Inhrethiam tlangin i lo nghak hram hram teh ang u.

n THLANMUAL KAWNG IP KHA: Ip semtu lam indaihloh leh mipuite ngenna avangin November thlaa khawn lovin December thla tirah rawn khawn a ni zawk dawn e. Chhungtinte Krismas leh Kumthar hmuaka kan induhthawh lai mah nise, kan hmangaih kal ta te leh kan la kal ve na tur thlanmual kawng siamna tur lamah kan rilrute pe a, theihtawp chhuaha \an la \heuh turin Local Council chuan chhungtinte a ngen e. n SANITATION POINT: Sanitation Point te mipuite tana hriat a awlsam nan Point tinah Sanitation Point tih inziak tar chhuah vek a ni a, Sanitation Point-ah lo chuan bawlhhlawh paih Motor hi a ding tawh dawn lo a ni. Chuvangin, bawlhhlawh paih tuten keimahni remchanna a pianga bawlhlawh paih motor lo tih dina rem tawh dawn lova, Sanitation Point a\ang chauhin mahni bawlhlawh hi lo paih \hin tawh tur a ni e. n IN SAKNA BUNGRUA: Local Council-in kum tir lama thu a chhuah tawh angin Mission Vengthlang huam chhung kawngpui sira insakna bungrua/Cubic lung etc. unload reng rengin kawngpui tana hnawklo leh motor kal tibuai lo thei ang bera dah tur a ni a, unload a\anga darkar 48 (ni hnih) chhung ngeia kawngpui a\anga thiar sawn tur a ni tih veng mipuite kan inhriattir nawn leh e. n PARKING CHUNGCHANG: December thla a\ang chuan kawngpui dungah eng Motor mah Park (Zan riah) phal a ni dawn lova. Kawngpui kama Motor dah \hinte pawhin Metal Road rapin eng Motor mah dah phal a ni dawnlo tih kan inhriattir nawn leh e. Member Secretary, Local Council

ZONUNMAWI

P-4

Tunlai Khawvl, Naupang Bawm etc.

NOV. NI 24, 2012

n THLAI EI CHI MAIMAWM: Khawvela maimawm (spider) chi 40,000 vel awm zingah hian tuna a chanchin kan sawi mek, Bagheera kiplingi an tih hi chaw atana rin pui bera thlai hmang la hriatchhuah awmchhun a ni a; Central America-a cheng a niin, kum 2001-a hmuhchhuah, he maimawm hi thing chi khat, Acacia kungah chengin, he thing hnah zik no, protien ngah tak, Beltian bodies an tih a ei \hin. Acacia kung hi hmanlai a\ang tawha fanghmir nena inrem taka nungho \hin an ni a. Fanghmir-ten rannung dang lak a\anga a kung an ven laiin, acacia hnah zik no Beltian bodies hi fanghmir-in chaw atan an hmang thung \hin. Acacia kung-a a hnah zik no awm lohna lai zar, ei tur awm lohna hmun, fanghmir kal zen zen ngai lohna hmunah maimawm-te hi an cheng \hin a; an ril a tam veleh an awmna zar a\ang chuan rawn vak chhuakin, fanghmir che vel ngun taka an thlithlai hnuin fanghmir tam lohna hmuna Beltian bodies awmte chu an va ru zauh \hin niin mithiamte chuan an sawi. He maimawm, Bagheera kiplingi hi a mit a \ha em em a, a che rangin a zuan a zang bawk a; fanghmirte seh hman loh tawk velin a tlan zung zung thei \hin a ni. Maimawm \henkhat zingah rannung dang an ei baka pangpar zu dawt \hin an awm laiin Bagheera kiplingi chauh hi chaw atana thlai ring la hriat chhun a ni.

SPORTS LEH KAN VENG

n Vawiin Nov. ni 24, 2012 (Inrinni) chawhnu dar 2:00 hian Mission vengthlang Sporting Club chuan Local Council-in ram a pek lawmna SMTC-ah an nei. n FC Mission Vengthlang chu Reiek-ah Football Tournament khelin an thang mek.

JAC THU CHHUAK

n Veng chhungah Zu leh ruih hlo zuar kan awm tih hriat a ni a, mi eng emaw zat chu JAC in a man tawh bawk. JAC Meeting chuan, tun hnuah Veng chhunga Zu leh Ruih hlo zuar man reng reng chu, Veng chhung Chanchinbuah an hming tarlan tawh tur a ni, tiin a rel a, hetiang ti \hinte chu sim turin JAC chuan a ngen e. Tin, Vengchhung hmun ual au laia Zu leh ruih theih thil ti \hinte pawh fimkhur turin a chah nghal bawk e. n Jubili Biak In chhak step leh Pu R.K. Lungmuana kawmchhak step-a zu in \hinte kha hriat in ni a; man kher ngai lova lo sim tawh turin hriattir in ni e.

THLAN LAI AN LAWM

n Thlan lai a, nghak nghalte tana infiamna Volleyball chu a lo thep hman \hin a; hemi atan hian Pu Lalhmingmawia, Chairman, Local Council chuan Hand-pump min pe a. Thlanmual Committee chuan lawmthu a sawi e. Secretary, Thlanmual Committee

LEMZIAK-AH HIAN HNUAI LAMA THIL LEMTE KHU ZAWNG CHHUAK VEK RAWH LEM.

NAUPANG BAWM

MITTHI VUI HUN

n Branch YMA Executive Committee chuan chhiatni \hatni chungchanga vengchhung inkaihhruaina leh inrelbawl dan hi veng mipuite inhriattir nawn ve fo \ha a ti a, tun \umah chuan mitthi vui hun chungchang kan han tarlang e. Nov. ni 24, 2006 khan Synod huaihawtin Moderator kaihruaina hnuaiah Kohhran hrang hrang leh NGO hruaituten Synod Committee Room-ah Chhiatni \hatni chungchangah Joint Meeting neih a ni a. Heta sawihona angin Khua/veng tina Khawtlang hruaitu (VC), Kohhran leh NGO hruaitute inrawnkhawmnain Tlaivarpui (Lumen) chu chhun dar 12:00-ah leh tlaivarpui loh (zinglama thi) chu chawhnu dar 1:00-a invui \hin chu rualkhai taka kan kalpui leh hman mek a ni. Khawtlang huap emaw, mitthi/mitthi chhungte-ah harsatna/rokhawlhna eng emaw riau a awm chuan Khawtlang hruaitu, Kohhran leh NGO hruaitute remtihtlannaa han tih danglam \ul chang erawh a awm zeuh zeuh \hin. Kan Veng-ah pawh Synod Committee Room-a Joint Meeting thurel leh Central YMA thuchhuah zuiin Khawtlang hruaitu (VC), Kohhran leh NGO hrang hrang hruaitute Joint Meeting thurel angin tuna kan kalphung hi hman zel a la ni. Khawtlang kalphung leh inkaihhruaina thil Joint meeting-in a rel a nih avangin YMA-in emaw, Kohhran mal emaw in duh hun leh duh ang anga a tih danglam leh sawn mai mai chi a ni lo. Chuvangin YMA chuan khawtlang mipuiten lungrual taka he inkaihhruaina leh kalphung hi kan zawm tlan zel a duh takzet a ni. Secretary, YMA, MVT Branch.

Published & Edited by Young Mizo Association, Mission Vengthlang Branch. Aizawl, Mizoram. Printed at JP OFFSET PRINTERS, Tuikhuahtlang Ph-2312397.Copies - 900. Website: www.zonunmawimvt.blogspot.com