SIMEIKHU KARTIN CHHUAK THINGSULTHLIAH

Dt. 4 May 2013 (INRINNI) PHEK- 2 SELING PIG PRODUCER & CREDIT CO-OP SOCIETY

editorial : TELEPHONE EXCHANGE TRANSFORMER CHHE REI March ni 26, 2013 atang khan Thingsulthliah Telephone Exchange chawmtu Transformer chu a chhia a. Hei hi Tst Power SubDivision chuan siamthat tumin an bei nasa hle a, rin aiin a chhiat dan hi a hautak a ni ang, thla khat chuang mah an khawih hial a ni. A chhiat chhung zawng hian Generator hmangin Exchange khawl te chu tihnun a ni a, zing dar 8 atanga zan dar 8 thleng Generator an tihnun avangin Landline Phone chu hman theihin a awm a, Broadband Internet pawh a tha thin. Mahse, Battery Charger lamin a tuar a, Charger a that loh avangin Phone leh Internet chu hman theih lohvin a awm zui ta mai bawk a. Tunkar ningani khan Aizawl atangin Telecom hotute an lokal a, Charger tha lote chu siamthat turin Aizawl lamah an phur thla a. Hetih laiin Ningani vek khan Transformer chu siamthat a ni ta hlauh mai a, mahse, Battery Charger a awm loh avangin Phone a nung thei leh chuang lova, Internet pawh nun ngaihna a awm lo. Charger siamthat anih hunah Landline phone leh Internet chu a nung thei dawn chauh a, tun kar tawp hian tha hman tak maw. EPL inkhel turte kan download a ngai a, Dawnga H/o Dawngi D/A Dawr-ah a Internet kan va hman sak a, phek 4-na hi kan rawn tichhuak thei a, a chungah kan lawm hle a ni. H/A VENGHNUAI TANGRUAL PAWL Chairman : Pu Lalrivunga Vice Chmn : Pu Zonghingliana Secretary : Pu PC Vanlallura Treasurer : Pu Vanlalnghaka Jt. Secys : Pu R.Lalfaka Pu C.Lalhruaitluanga Pu Lalhmachhuana Tv C.Rosiama H/A Venghnuai Tangrual Pawl hian an huam chhungah Ruihhlo zawrh leh lakluh an khap tlat a, Ruihhlo avanga buaina siam leh bengchheng siam pawh an khap bur mai bawk a ni. Hei hi mipui ten zawm sak theuh turin an ngen a ni. Khapna pawisa lova tilui man an nih chuan na taka action an lak tur thu kan dawng.

LAWMTHU SAWINA Ni 29/4/2013 (thawhtanni) chawhnu dar 1:30 vela Air-Field peng bula Sumo leh Bike insut avanga Bike khalhtu C.Lalsangzuala(49), Phullen chu kan motor(sumo) hma-a a rawn inbarh luh thut avanga thihna hial a thlen chungchangah hrehawm kan ti em em a. He thihna tawk chhungte kan tawrhpui em em a ni. He thil thleng avang hian Ka sumo service puite min awmpuina avangin ka lawm em em a; Seling VC leh Thingsulthliah VC leh thenrual rawn kal te, Phullen thlenga ruang zui chhotu kan VC leh thenrual tha te, Aizawl lama a tul anga min buaipuitu te, min khawngaiha min turapuitu te, min tawngtai saktu leh thla hualna thilpek min petute, kan In lama min khawngaiha min lenpuitu te leh min buaipuitute zawng zawng chungah a mal malin lawmthu kan sawi seng lova, he chanchinbu hmanga kan rawn ziak hi kan lawmthu sawinaah min lo pawmsak theuh turin kan ngen a che u. Chhiat tawk chhungte nen pawh engmah inhriatthiam lohna awm lovin inngaihdamna lehkha pawh Police te hriatpuinain siam a ni a. Harsatna kan tawh avanga lawmna leh thlamuanna kan chan zawng zawng te hi in mi thlamuanna awka leh in mi tawngtai sakna vang a ni tih kan hria a, in chungah lawmthu kan sawi tak meuh meuh a ni. In khawngaihna dawngtu, Zonghingliana te chhung Thingsulthliah H/A Ph : 8014699535 / 9862244865 SELING HMEITHAI ASSOCIATION Ni 2/5/2013 khan Seling Hmeithai Association te Pi Saphmuaki Inah kalkhawmin intihhlimna hun an hmang a, Sawhchiar te pir hovin hruaitu thar thlanna an nei nghal. Hruaitu thlan thar te chu hengte hi an ni. President : Pi C.Romawii Vice Pre : Pi Thangpuii Secretary : Pi Ramfangzauvi Asst. Secy : Pi Laltluangi Treasurer : Pi Malsawmi Fin. Secy : Pi Chhuanawmi

Ni 30/4/2013 khan Seling BNRGSK Building-ah Assembly an nei a, kum 2013-2018 chhung hruaitu tur hetiang hian an thlang nghal. Chairman : Pu R.Roliana Vice Chmn : Pu HS Vanlalruata Treasurer : Pu Lalromawia Secretary : Pu PC Johana Board of Directors : Pu K.Lalchamreia Pu F.Ziakthuama Pu K.Khualluna DON BOSCO SCHOOL, SELING NEWS - A vawi khatna atan tunkar May ni 1, 2013 khan House hrang hrang ten Face Competition an nei. Naupang pakhat hmai-ah naupang dangin painting hmangin lem a ziak a, an duh duh lem ziakin an inel a ni. Hetiang hi an vawi khat tihna niin naupangin nuam an ti a, an hlim hle. - April ni 16-18, 2013 chhung khan Inter- Don Bosco School Sports competition chu Ratu-ah neih a ni a, Seling DBS atangin Bus pahnih hmangin naupang 90 an han kal a, High School Section-ah pakhatna niin M/S section-ah pahnihna an ni. He Inter DBS Sports competition-ah hian Ratu, Darlawn, Khawruhlian leh Seling DBS te an intihsiak. - Tunah hian School naupang 430 an nei mek. VAWK HRI LENG ZIAWM Vawk hri leng nasa chu tunlai hian a ziawmin control thawkhat a ni tawhin a hriat a; Vawksa ser lei ngam lote pawhin an lei leh tan tawh niin a lang. CRICKET GROUND ATAN EN Pu Thanzuala D/A chuan thalaite hmakhua ngaiin Cricket ground neih theih dan a ngaihtuah a, Aichalkawn a Lalhnam Complex leh Pisgah inkar ruam thla lai chu kar hmasa khan Thingsulthliah Cricket Association hruaitute nen an va en. Helai hmun hi chiang zawka en leh nise, a rem thei dawn anih chuan Tst V/C-ah dilna siamin, Pu Thanzuala chuan Mizoram Chief Minister Pu Lalthanhawla, Cricket Association of Mizoram President ni bawk hnenah a tul anga bawhzui a inhuam thu a sawi. Tih puitlin theih anih chuan a tha khawp ang.