SIMEIKHU KARTIN CHHUAK THINGSULTHLIAH

Dt. 4 May 2013 (INRINNI) PHEK- 3

TUI CHUNGCHANGA MIPUITE HRIATTIRNA LEH NGENNA Tunlai hian kan Tui lakna kawngah harsatna hrang hrang kan tawk a. A hmasain mipuite hriatthiamna kan ngen e. A hnuaia mi ang hi kan harsatna tawh dan chu a ni e. 1. Ni 25/4/2013 chhunah tui a lo haw thleng lo thut tih hriat a ni a, Lenchim kai Tuirini-ah tlan liam nghalin a chhe lai zawn a ni a, hemi ni hian a chhe lai kan hmu hman ta ngang lova. 2. Ni 26/4/2013-ah Tuirini Lenchim kaiah tlan liam lehin Lenchim ramah chhui chhovin Bukpui chhakah thingluang tawlhin pipe a lo khawh chhia a, a tread te a lo bun avangin siam zung zung theih a ni lova, tlai lam lo ni tawh bawk nen, hemi ni hian siam hman a ni ta lo a ni. 3. Ni 27/4/2013 zing dar 6:00-ah pipe thalo siamtha turin kan thawk chho leh a, zing dar 7:30-ah siamthat a ni a. 4. Ni 1/5/2013 zanah tui a lo thlen loh thu hriat a ni leh a, zan pawh sawi lovin Tlungvel nen kan inkar Line check nghal a ni a. 5. Ni 2/5/2013-ah Tuirini Lenchim kaiah Line chhia zawngin kan thawk chhuak leh a. Lenchim ramah pipe chhia hmu lehin siamthat nghal a ni. Hetianga Tui lama kan buai avang hian mipuite Tui kan inpe mumal theilo a, hrehawm kan ti tak zet a, mipuite hriatthiamna kan ngen tak meuh a ni. Tin, kan sawi hmaih theih loh, hmanrua kan neih loh te min hmantirtu Tlangnuam VC te, Electric Dept te, PHED te leh Pu Zuia, Lenchim-in tlawmngai taka min buaipuina kawngah te Thingsulthliah Village Water Committee hmingin lawmthu kan sawi tak meuh meuh a ni. Sd/- C.Lalramchhana, Chairman Village Water Committee, Thingsulthliah.

.. AN TI .. - Mipa sam tiphir sang tak leh hmeichhia kekawr bul taka hak chingte hi Korean film en thin an ni duh tlangpui an ti. - Mizote hian ei leh bara kan dinhmun hi kan incheina hian a changkan khalh tlangpui an ti. - Manchester United an champion chiang tawh a, EPL en a phurawm tawh lo an ti. - Seling a PWD JCB chu a ke tihthep ching an awm an ti. - Sawrkar hnathawk Silai nena ram vak thin an la awm an ti. - Kuhvakhawr man a to ta hle mai, khawimaw intih mai mai chi pawh a nilo an ti. - Sumo/Bus service laia meizuk hi tih loh hram nise an ti. - Dry-Area amite hian dangah zu an in tho an ti. hmun

- Damdawi Ruih nana hman chi hi chu Doctor lehkha tel lo chuan zuar/ pe thin lo se an ti. - Mobile phone Number hriat loh la duh lote hi chu tlema midangdai an ni deuh zel an ti. - Sikul naupang thenkhat hi chu Sikul-ah an kal ve mai mai a ni an ti. E/ROLL & EPIC CHUNGCHANG Electoral Roll-a hming chuang tawh, EPIC siamthat ngai te tan englai pawhin siamthat theih a ni a. ID Card siamthat nan Rs. 25/chawi erawh a ngai. Revision laia EPIC siamthat dil te pawhin Rs. 25/- chawiin EPIC thar lakchhuah theih a ni. Kum tling thar hming thunluh dil duh te tan emaw Transfer duh te tan pawh dil theih reng a ni. Heng hi mahni Bialtu BLO hnenah kalin a tih theih reng a ni. Kan sub-town chhunga Booth Level Officer(BLO) te chu a hnuaia mite hi an ni. Tst H/A : Pu K.Remthanga Tst D/A : Pu C.Laldawngliana Tst C/A : Pu H.Malsawmtluanga Tlangnuam : Pu K.Laltlanzauva Seling I : Pu Lianchia Seling II : Pu Lalchhanhima Chhangte RATION CARD TIBO Pi Malsawmi Sailo D/A hnen atanga khawnvartui lak lai khan Pu Lalchhuanga(Teacher) Camp Area chuan an Ration card an theihnghilh a, lo la palh in awm chuan pe leh ula an lawm hle ang.

Engvangin ngeVAI AN VA TAM VE..?

Tunlai hian Thingsulthliah-ah hnamdang(vai) an rawn tam thut a, khawi atanga rawn awm nge, enge an rawn tih dawn, engchen nge an awm dawn? Ni e, heng hnamdang rawn awm thar te hi an vaiin 32 an ni a, Thingsulthliah CRC-ah Ni 26 April, 2013 atanga inkulhin thla 2 vel an awm dawn a, an hotute pahnih hi Bihar lam mi an ni a, midang 30 te chu Tamil Nadu lam an ni a, Tamil Nadu ho hi chuan Hindi pawh an thiam lo a ni. Heng hnamdang te hi Kamanaying Engineering Corporation(KEC) International Ltd. hnuaia Metric Telecom Networks (MTN) Pvt Ltd, Gurgaon, Haryana atanga hnathawk tura lokal te an ni a. Helaia an awm chhunga an hnathawh ber chu Electric Hruipui 132 KV Line a, a chung bera hrui kal, Ground/Earth wire an tih hi Optical Power Ground wire-a thlak a ni. Lunglei atanga Buhkangkawn inkar hi an rawn thawk zo tawh a, tunah hian Buhkangkawn atanga Aizawl inkarah hna an thawk mek a ni. Thingsulthliah CRC atangin nitin zing dar 5:30 velah hna thawkin an chhuak thin a ni. An hotupa Arvind Kumar, JE sawi danin Telecom Department leh Power Department te Agreement siam angin tuna an hna hi thawh mek a ni a. Telecom/BSNL hnuaia phone hrang hrang heng Aircel, Airtel, Vodafone, Idea, Reliance, Tata Indicom etc ten Optical Power Groundwire hi an chhawr tangkai thei dawn a ni. Mobile phone Signal chungchangah pawh a hma aiin a tha zawk dawn a ni. 132 KV Line hrui/cable 4 zinga a chung ber(Earthline) an thlak lai hian Power shut-down lak a ngai kher lova, hnathawk te hi current man theih loh tura inthuamin a hrui chung berah inkhaiin an thawk mai thin a ni; accidental thil thleng a awm lem loh chuan current shut-down hi an la ngai hran lo, Emergency shut-down lak ngaih hun erawh a awm thei tho a ni a ti. Khawchhung vela an hnathawh laiin mipui ten anmahni tibuai lo zawnga awm tur leh tawiawm zawk tura an duh thu kan palai a hrilh. A sawi zel danin Power Department lam pawhin he hnathawh avang hian an hlawkpui ve tho a, Earthline cable chu thuamthat a nih nghal zel avangin a hma aiin a tlo phah dawn niin a sawi.