1. O FAIGA FAAPOLOKIKI MASAU TELE: O FEA FAIGA TONU MO LE LUMANAI? Tulouna oe Tumua. Tulouna oe Pule. Tulouna oe Itau ma Alataua.

Tulouna Aiga I le Tai. Tulouna le Vaa o Fonoti Tulouna a le Faleagafulu Tulouna Sua ma le Vaifanua. Tulouna Fof ma Itlagi. Tulouna Sole ma le Launiusaelua Tulouna le Manua. Tulouna le Lau Amotasi a S moa. Tulouna lau afioga Tuimanua o loo e afio I le faleula tau tagata. Afio mai l ia I ou epa ma ou faletoa. Alaala maia oulua Vaimagalo. Alaala mai Faatui. Mamalu maia oulua tama a le Manua.

I tausaga e fa ua tuanai, na ou faitau ai le Tulafono taufaaofi mo le Resitalaina o Fanua ma Suafa 2008, ma na ou iloa ai iina ua lamatia o tatou tagata e puleaga mai fafo. O eleele foi o tatou Samoa e aveeseina mai ia te i tatou i le Seneturi 21 e pei o i tatou o ni tagata o vao; a e o malo o atunuu i fafo, e na ona tutu ma tilotilo mai a e leai se fesoasoani mai, pe o le sauni foi o a latou agaese maai e vaevae ai o tatou eleele a e fai mo latou o a ta tou meatotino taua ina ua faataulaituina o tatou taitai e auro a i latou taufaavalea ma faatau atu ai le lumanai o tatou tagata. E leai se isi na te puipui ia te oe Samoa! O le ola po o le oti e te filifili iai! O Tama na latou sainia le Tulafono Faavae o Samoa (Le Faavae o Samoa) o sui na o Aiga uma o Samoa ma o lo latou faanaunauga ina ia malu puipuia o aia tatau o le Aiga Samoa i

taimi uma.

O le Tulafono Faavae o Samoa ua iai i totonu o mea nei: Muamua, o Mataupu o le Tulafono Faavae : Lona lua, o le FaaSamoa; ma Lona tolu, o talitonuga faaKerisiano Fai mai nisi o le FaaSamoa ma talitonuga faaKerisiano e le o manino lelei e taitaiina ai le Lalolagi Faaonaponei a e masalo foi sa iai se manatu ia i latou ia ina ia soso ese ma faasinoala ua aumai i ia talitonuga faavae. O talitonuga faaKerisiano o lo o faapuupuuina mai e le fuaiupu 30 ma le 31 o le Tusi ia Mareko Mataupu 12 i le Tusi Paia. Ia e alofa atu i le Alii lou Atua ma lou loto atoa, ma lou agaga atoa, ma lou manat u atoa ma lou malosi atoa. O le poloaiga Sili lea. E faapena foi lona lua. O lenei, ia e alofa atu i le lua te tuaoi, ia pei o oe lava ia te oe. E leai lava se tasi poloaiga e sili i na poloaiga. O le finagalo o le Atua ia le na o upu ae, ia o se folafolaga faifai pea a le tagata ina ia faatino lona finagalo mo tagata uma. Ua galo i o tatou taitai ona ava i le Atua aua ua o latou solivaeina le soifua ma aia tatau o o tatou tagata. Talu ai ua o latou le alolofa i tagata, ua tatau ai loa ona tulai ese ona ua le toe agavaa e auauna i tagata. Ua mananao i latou e ifo atu pei o latou o ni tamai povi auro. O le setete na fausia ina ia auauna a e le ina ia faanunumi o mea totino a tagata i le tulai mai o se vasega a sui faiupufai o malo, latou te ave le lelei mo latou lava a e le ago i le mafatia o o tatou tagata. Ua tatau ona tutusa o faiga mo tagata uma. Tatou fai atu ia i latou, e tatau i sui faiupufai o malo ona saili togafiti faafomai i totonu lava o Samoa; e le pine ai i tot onu ose tausaga ua maua e o tatou tagata o togafiti faafomai e maualuga tulaga i le lalolagi. O le fatu o le FaaSamoa, o le alofa i le Atua ma o tatou aiga, ma o tatou tuaoi, ma i le tauaveina o ia tiute e puipuia ai o amioletonu ma agasala ua pisia ai o tama uma. I le 2007 na faasalalauina ai e le Malo Aufaatasi (UN) le feagaiga tusia ua taua o le Feagaiga a Malo Aufaatasi mo Aia a Tagata Muamua ua tau mai ai o ia talitonuga o ni tulaga ia e tatau ona asa e puipui malu ai le soifua manuia ma le olaga alu i luma o tagata muamua i le lalolagi. O le tatou Faavae Tusia ua faatonuina ai sui faiupufai Samoa ina ia puipui malu i aia tatau o tagata uma o Samoa. Ua manino lava a le mulimuli i nei tulaga ma faatino i totonu o Samoa, ua lamatia pea le soifua manuia ma le soifua pea o tatou tagata.

I le Aso 25 o Iuni i le Tausaga 2008, sa ou tautino ai i le Faalapotopotoga o Malo Aufaatasi (UN) ma faasalalau i luga o le laina se Tautinoga o Aia o tagata Samoa. O lenei Tautinoga o lo o tauina ai tulaga e ao ona faatino mo le soifua manuia ma le soifua pea o tagata Samoa e pei ona tautinoina i le Tautinoga a Malo Aufaatasi mo Aia oTagata Muamua. Na ou logoina le Ao le Malo o Samoa i luga o le laina initaneti a le Fesootai Talofa Lava ona o l ena taimi e leai se imeli na ia te au; sa tuuina mai se faasalalauga mai le Ofisa o le Ao o le Malo e logo mai ai ua taunuu atu ma maua e ia o lea tautinoga. Faamolemole e tagai i lau uepesaite lea http://samoamosamoa.webs.com O o tatou taitai ua latou le amanaia le tatou Faavae Tusia ma ua latou tuu i tua o le Pulega faaleTulafono ina ua latou ave mea totino mai o tatou tagata e pei o vai, sa pulea e tatou lava i pulega faale aganuu. Ua latou galulue pea ua pei lava ua uma na faatulafonoina le Tulafono e Resitala ai Fanua ma Suafa 2008 a e mea ane e le i tuuina lenei tulafono i se palota faalauaitele (referendum) e pei ona faatonuina e le Faavae. Ua saini e le Ao o le Malo o se mea e le i faamaonia o se tusitusiga e le taliaina pe le faaaogaina i tulaga faale tulafono. O i latou ua i tulaga e iai le pule ua le leoa, ma ua tau mai ai iina ua leva na tatau na faamuta tulaga taitai ua latou umia. O tatou o Aiga Samoa, tatou te le i malilie lava e ave o tatou vai i le Malo. Tatou te le i malilie foi e faamuta pulega tumaoti i o tatou eleele. Tatou te le i mananao foi e totogi ni lafoga mo o tatou fanua faaleaganuu. I soo se itu o le lalolagi, a e maise Niusila ma Ausetalia o talitonuga faaletulafono e faatatau i aia tatau ma e pule i mea totino faale-aganuu, ua iai se malamalamaaga tele faapea foi ma ni felafolafoaiga faamauina. Ae peitai i totonu o Samoa ua amio i latou e pei oni a tatou uo, a e na o le tutu faaautafa ae ave le avanoa e aveesea atu ai eleele faaleaganuu ma mea totino a o tatou tagata. Ua tatou malamalama foi i le matapeapea i o tatou fanua pei i latou o ni taifau ua galala i fafo o se faamalama o se fale faatau povi. E folafola i aso uma o tupe, a o auvae latou ua faapologaina i manatu fia folo atoa ia o tatou fanua. Ua faapea lava outou o matou nei o tagata o motu, ua valea! O faiga faa Kapitalisi (Capitalism) faaopoopo iai ma le faaloloto lenei ua ala ai ona sasao i luga faiga l e popoi o tagata i Samoa. E tofu uma mea ma le tau, ma o Samoa faamanuiaina pe galulue na o latou, pe fai paaga ma ni kamupani mai fafo, ua latou sue le polofiti mai ni auaunaga mo tagata lautele o fia maua ia auaunaga. O auala faapisinisi lava nei ma faiga a tagata faaloloto e oo mai ai le oti i o tatou tagata. O le eseesega i le tau tonu o oloa ma auaunaga ma le tau ua tuu i le tagata faatau o loo mafatia tele, o le tupe maua lea a le vaega faaloloto. Afai o lo tatou fefefe ua leai ai so tatou leo, lona uiga ua faatamaia e tatou lava lo tatou tupuaga (o tagata Samoa). Atonu e manatuaina e tagata Samoa o le Seneturi 22, o au le sikauti na iliina le faaili ina ua iloa atu o ni faailoga o faailoa mai ai lenei mea matautia; o le aveesea faamalosi lea o eleele o o tatou tagata i le seneturi o le maoae o le malamalama; o le Seneturi 2 1 lea.

Ou te lipoti atu i tagata Samoa o le Seneturi 22 e faapea: Faatalofa atu i le Mamalu o Samoa o le lumanai O le tatou Tulafono Faavae Faavae ua faia iai o ni fesuiaiga ua le amanaiaina ai o lana puipuiga ina ia faatino ai o ni fuafuaaga e tauina ai o fua mai lo tatou atunuu po o lo tatou eleele faaTina ma ana mea totino, e i latou faaloloto ma fia pule mai fafo faapea foi o i latou o sui faiupufai o malo i totonu o Samoa. Ua fafagaina o tagata o le atunuu i upu tau faasee ma faatosina e faatatau i mataupu faatauaina, peitai i totonu o faaupuga o lo o faaaogaina ai tagata a e le o malutia ai le mamalu o le atunuu. O le Itu Faiupufai e Puipui i Aia Tatau o Tagata (HRPP) ua mumusu i latou e tau mai mafuaga tonu o a latou fuafuaga po o polesi e oo mai ai faatamaiaga i tagata (suicidal) ma ua faatino ia polesi ma le manatu o o tatou tagata e faatauvaa ma le taua ia i latou. E leai foi ni tusitusiga faapolofesa e iloilo ai tulaga moni e atunuu ua i le lio ma Samoa po o i latou ua faapea mai o uo a Samoa. Ua pei lava ua uma na makaina i tatou ina ia faaumatiaina e le Malosi o Palagi. I lenei lava aso ua ou le mautinoa pe faaauauina pea le soifua ma le manuia o la tatou tupuaga (o tagata Samoa) ma ana eleele ma mea totino a e ua ou faatuatuaina ma mautinoa o tatou o le a potopoto faatasi mo se lumanai, nai lo le tuuina atu o i latou ina ia faatamaia e faiga faaloloto a o tatou sui tofia faiupufai o malo. Ua fai mai nisi ia te au ua ou faalata i lou ola i lou faatalatalanoa i mataupu e pito i taua o taimi nei. Afai o lea, ua ou taliaina lava e mafai e tagata tiapolo ona fai o ni fuafuaga leaga ia te au. O lou ola, ua ou tuuina i Aao o le Atua. O le a se ola e tasi pe a faatusatusa i le mafatiaga ma le puapuagatia o le miliona o o tatou tagata ina ua aveesea o o latou eleele mai ia te i latou e faavavau. Tou te iloa lava pe mata e iai se aoga o au galuega pe leai! Ala maia i luga ou tagata e, manu e le i tuai tele!

Maua Faleauto

2. UA TALEAINA LA TATOU TULAFONO FAAVAE... Ou te faailoa atu ma le faaaloalo lava ina ia silafia lelei e Samoa atoa le mea lenei; o lo tatou Faavae Tusia, o la tatou Tulafono Maualuga foi lea i totonu o Samoa, ma o le tofa mamao sa i o tatou tama i taimi o le Tutoatasi, ua talepeina nei ona o le faaloloto ma le faomea o le Pati ua faaigoaina i se igoa e le tala feagai , le Pati E Puipui i Aia Tatau a Tagata O le mea moni o sa latou fatufatuga faatasi o se mea sese e ave ese faanana ai aia tatau o tagata Samoa na soifua mai i le laueleele, faatasi ai ma o latou fanua ma measina faaSamoa ina ia pulea ai e ia aiga o Samoa atoa e oo i le faavavau ma faamaulaloina ai o le toatele o Samoa i se tulaga e tasi , o le nofo pologa lea iai latou. O matai ma le lotu ua faakolapuina e le oa ma le tamaoaiga. E ao ina puipui fanau a Samoa mai nei tiapolo tusa lava po o le a le tau. O le talitonuga o le HRPP e le afaina lava pe a tausasami i tausamaaga se tele e tusa lava pe o iai le oi ma le galala i le toatele. Tagata e o Samoa e le o se mea ua faatagaina muamua e o tatou tagata ia uiga. Ua tatau lava ona ave ese nei ma i tatou nei faatauna i tagata a e ia tatou tu malosi o i tatou o tagata taitoatasi ma o tatou aiga e leai se tasi e sili lona taua i lo se isi e tofu tatou ma le tulaga e tatau foi ona tausia faalelei i tatou e amata mai ina fanau mai se ia oo i le tuugamau lona uiga tatou te le nofonofo e leai o se mea e fai. Lona uiga ia tatou leoleoina i tatou mai tagata leaga e mananao e ola pei o ni tupu a e tuu ai pea aiga e galala i le fia aai o latou ia ua ova iai o faiga lelei a e le malilie pea i latou ia luluina loa le faavae ma aveese atu ma i tatou o nei faiga e le manuia ua atili ai ona o tatou le fiafia ma ifo tootuli i tagata mai fafo ua fiafia tele i latou e faatiga i o tatou tagata. Maua Faleauto.

3. PE MATA E TEENA E SAMOA NI FAIGA FAATOILALO PE FAIAINA PEI O APOLITI, MAORI, MA TAGATA MUAMUA O AMERIKA? Pe mata e tetee atu Samoa i ni faiga e faatoilaloina ai Samoa, pe, e faamaualaloina foi e pei o tagata Apoliti, tagata muamua o Amerika po o Maori foi? O o tatou eleele, o tatou vai ma alavai, o tu ma aga o tatou tagata e ta-ua tele e le gata ia i tatou o e ona nei mea totino, a e e ta-ua foi ia i latou e mananao e ave faana-na meaai mai gutu o pepe ma tamaiti ma mananao i o tatou tagata matutua e faaiu o latou soifua i ni olaga maualalo ma le fememeai.. Ua uma atu soifua o o tatou lava tagata. Ua faanoanoa nofoaga faamamaluina ina ua mou atu foi ma tatou. Ua lagonaina foi le leo o ivi o tatou tua-a ua mavae atu ona ua mumusu i tiga ua tatou oo i ai. Ua leai ea se mea e faatotoe mo i latou e le i fananau mai? Pe o le a fananau mai ea i latou o ni tagata ua leai ni nofoaga ma ni mea e nonofo ai talu ai le fiafia o i latou mai fafo ua uma atu le Aiga? Ole a ea sou manatu pe a leiloa atu o tatou eleele? Pe e te maasiasi ea i le auauna atu o o tatou taitai i tagata mai fafo a e na o ni nai mea laiti e maua mai luga o latou laulau tutumu i meaai? Pe e te maasiasi ea i le faatonuga mai le Faalapotopotoga o Fetauaiga i le Lalolagi e faaaoga e Samoa mea tausami ua tiai ma ua le aoga mo tausami i o latou atunuu pei o siusiu o pipi? O fea ea alii e talitonu moni ia Samoa? O fea ea tamaitai e talitonu moni ia Samoa? O fea ea i latou e mananao e tuu atu mea uma ua ia i latou e aofia ai o latou soifua ina ia ola ma manuia o tatou tagata? O fea tagata tau ma tagata toa o Samoa e leoleo ma puipui i tagata faapelepele o lou aiga? Pe ua pei ea i tatou o se atunuu o tagata pologa? Pe manaomia ea e tatou ni mea inu faafiafia ma ni faafiafiaga e sosola ese ai ma nei tulaga faaletonu ua togi mai lava o tatou pupula atu? Ua uma na mateia mai tatou e tagata mai fafo. Ua talitonu lava latou o tatou o ni tagata valelea pei foi o isi tagata muamua ua latou faamaualaloina. Na saunoa o tatou tua-a ma le faautaga loloto na ala ai ona maua mai ai le lagolago a isi Malo mo lo tatou Malo Tutoatasi ina ia soalaupule e tatou lava lo tatou lumanai. Ua tulai mai ai nei lo tatou Faavae. A o lenei ua mavae atu le limasefulu tausaga a e ua pelogia tatou ma ave faanana a tatou mea e tagata ua fai ma o tatou fili mai fafo.Ua faaoleole i o tatou taitai nei tagata matapeapea mai fafo; ua foai iai tupe ma isi oa ina ia pelogia ma fa alata i tatou. Ua tau mai ia i tatou, e leai ni avanoa mo ni o tatou manatu i tonu ua fai e taitai e ui lava ina ua faatonu mai e moeiini o tatou mata ma filemu a e faia pea e i latou o ni tulafono le

sao e aveese ai o tatou eleele ma a tatou mea totino. O ituaiga a tulafono le saosao foi nei na faaleagaina ai tagata Apoliti, tagata Apate ma tagata Maori. E taitai atu ai loa tatou i le fale e faaumatia ai tatou pe a tatou gu -gu pea ma le tautatala. I le taimi lenei, o lo o tulai mai se taua tatou te tau ai mo o tatou eleele, mo la tatou aganuu faapea foi ma le agaga faale-nuu mo lo tatou atunuu. Ua ou fia faamanatu atu ai nei i matai, ma o latou faletua ma tausi, ma o latou alo o upu nei a se Initia Amerika tautaua o Joseph o le faapotopotoga o Initia ua ta ua o Nez Perce na faapaleina lea alii O ia o le tupu o Initia e pei o Napoleone. Sa faamatala e Iosefa ni manaoga na ma-vae ane ai si ona ta-ma ina o le a maliu e faapea, Na aami au e lou tama. Sa ou vaaia atu ua vaivai lava. Na ou uuina loa lona lima. A e fai mai loa lana tala: Atalii, o lou tino o le a toe foi i lou tina o eleele, o lou agaga o le a le pine ona mou atu lea e feiloai ma le Matai Sili o Agaga. A ou alu, ia manatua lou atunuu. O oe o le matai o tagata nei. E vaai atu ia te oe i latou o se tasi e taitaia i latou. Manatua, e le i faatauina atu i nisi lou atunuu e lou ta-ma.Ia e taofi lau faalogo pe a e fai atu se tasi e saini se feagaiga e faatauina ai lou atunuu. Ua iai tagata e matapeapea i eleele nei. Atalii, aua lava ne i galo ia te oe au upu nei ua ta mavae ai. O lou atunuu ua lagomau ai le tino o lou ta-ma. Aua lava ne i faatau atu i ponaivi o lou tama ma lou tina. Na mamau lau taofi i le lima o lou tama ma ou fai atu iai o le a ou puipui ma lou ola atoa i lona fanua lagomau. Ina ua uma atu au upu, ona toe ataata lea o ona foliga ma mou malie atu i le fanua lafulemu o agaga. O o tatou eleele e le tatau ona aveeseina mai ma tatou au-a e faamuta ai lo tatou ola faale- atunuu. E avea ai i tatou o pologa i totonu o lo tatou atunuu ma luga o o tatou lava eleele. E mafatia ai i tatou e pei ona mafatia mo ni tausaga se tele o isi foi tagata e faataua i o latou aganuu ma ua leai ni o latou foi eleele. O tatou lava o ni tagata aloaia ma tumu i le alofa. Tatou te fai atu i tagata ese e o mai, asiasi mai, afifio mai a e aua nei ave a matou meatotino. O lo o ua lagomau ponaivi o o matou tua-a i fanua ma eleele nei. Ua nonofo o tatou taitai ma pasia ni tulafono e le-saosao ma e le-usitai i le Faavae Tusia ina ia mafai ai e tagata mai fafo ona ave o tatou fanua ma eleele ma o tatou vai. O le Tulafono e Resitalaina ai Fanua ma Suafa 2008, ua faaliliueseina ai fanua ma eleele faale-aganuu ma tuuina atu i le Malo e fai ma latou, ma ua faaleaogaina ai ai-a tatau o aiga i o latou lava fanua. O lea tulafono ua faataga ai kamupani mai fafo e faatau fanua faale-aganuu ma e faataga ai foi ona ave o fanua uma o Samoa ma nei tagata mai fafo ma latou pe afai lava e tele ma faulalai ni a latou tupe.

O le Tulafono e Pulea ai Vai ma Ala Vai 2008, e faatagaina ai vai o Samoa ona faatauina atu i kamupani mai fafo i soo se taimi lava ua manao ai le Malo e faia lea mea. E mafua mai i lea tulafono le oioi tetele o tagata Samoa e totogi le vai taumafa i totonu lava ma luga lava o fanua ma eleele o o latou tua-a ua mavae atu. O le mea pito i matautia ua fetaiai nei ma Samoa ua aumai lea e tagata lava latou ma potopotoga ua ta-ua o potopotoga fai pisinisi sue tupe. Fai mai Chris Hedges, O le potopotoga fai pisinisi sue tupe ua faatuina lea ina ia sue ia tele ni tupe maua a e le aloaiaina ai le soifua o tagata, po o le lelei o tagata lautele, po o le aafia o le siosiomaga i galuega a lea pisinisi (itulau 33 o le tusi Empire of Illusion: The End of Literacy and the Triumph of Spectacle, 2009 Nation Books N.Y.). O le ata tifaga foi ua faalagolago i le tusi a Joel Bakan e tau O le Potopotoga Fai Pisinisi Suetupe: O Suega Tupe ma Suega Pule Soona Fai, ua fai mai ai o ia faapotopotoga fai pisinisi ua aliali mai ai foi uiga e maua i tagata ua maua i le gasegase o le mafaufau ua faaigoaina o psychopaths. Ua ta-ua foi e le alii e poto i le faamatalaina o mafaufauga faale-tagata o Robert Hare o se lisi o uiga faalia o lenei gasegase o le mafaufau ma faatusaina loa i uiga faalia e nei potopotoga sue tupe. O ia uiga ua ia lisiina i lalo: - Leai se kea i faalogona o nisi tagata - E le iloa faatino se agaga alofa ina ia tausia ai le va fealoai ma isi. - E matua leai ma se ano ina ia puipui ma saogalemu isi tagata. - E fai togafiti, talapepelo ma e faaaoga tagata ona o le manao i le polofiti. - E matu-a leai ma se fefe i le fai o le mea se-se. - E le ano ina ia tausi le amio pulea ma le amio faatulafonoina. O ni tusitusiga a Albert Einstein i le 1949 na ia faamatala le mafuaaga o ona talitonuga faasino i taumafaiga ina ia tutusa le manuia mo tagata uma a e le o le na o se toaitiiti. O le taunuuga na oo iai ia atinae o pulega faa-olikata o le oa i lima o e mautupe ma o lea pule e saoloto lava e le mafai ona siaki ina ia faaitia e tusa lava pe o vaaia e se potopotoga faatemokalasi a se sosaiete a se vaega faaupufai. E moni lava ma faamaoni lenei tulaga talu ai o palemene faatulafonoina e filifili lava e itu faaupu fai e faatupeina ma faatosinaina e tagata mauoa e faamamao lava tagata palota ma latou i e filifilia e fai tulafono. O le mea na tupu mai, o i latou ua filifilia e fai ma sui o tagata palota ua le taitai ona iai le

agaga e puipui atu i le toatele e vaivai po o i latou ua le oo atu iai le manuia o atinae fai a le atunuu. A e peitai e tusa ma faiga o pulega faa-olikata, e pule lava e i latou e mauoa auala o faasalalauga o tala e pei o nusipepa, leitio poo ni aoaoga. Lona uiga e matua faigata lava i le tagatanuu lava ia ma le tele o mea tutupu mai ona faia ni a na faatatau po o ni manatu foi e faaaogaina ai ona aia tau le tagatanuu moni (itulau 64 Empire of Illusion: The End of Literacy and The Triumph of Spectacle, 2009 Nation Books N.Y.). Ona o la tatou Faavae o le tusitusiga muamua lea ua faavae ai i luga lo tatou Malo ma o lo o tusia manino ai o le Tulafono Maualuga a Samoa e faavaeina i luga o le faa-Kerisiano ma Aganuu ma Tu Faa Samoa, e ao lava ona faataua aia tatau faale-aganuu o tagata taitoatasi atoa ma aiga i taimi uma lava. O nei aia tatau e maua ai e i latou e ona aia tatau le faamanuiaga ma le tamaoaiga ina ua latou avatu i isi le avanoa ina ia faaaogaina ai nei aia tatau. E leai se mea e ala ai fua ona faatauina atu aia tatau faale-aganuu o tagata Samoa. O nei aia tatau e le ni aia tatau a le Malo, e le ni aia tatau foi e tatau ona ave fua i nisi malo se i vagana ua maua se faatagana e ala i ni feiloaiga ma ni maliega e mafai ai ona faapaaga le faaaogaina o aia tatau mo le lelei atili o le faauauina o aia tatau mo tupulaga fai mai atoa foi ma se manuia tautupe mo Aiga. So o se malo lava ua faatonuina e la tatou Faavae ina ia puipuia aia tatau a tagata e aofia ai aia tatau faavaeina i auala e faamautuina ai le faamasinoga tonu. E le o faatagaina le malo e pelogia, talaoleina, ave faanana pe faalafi i le mea tonu mai tagatanuu o le FaaSamoa au-a foi o lo o faatonuina e le Faavae ina ia faatino le FaaKerisiano. Ua iai pea i latou e le o malamalama i le uiga moni o nei faaupuga faigofie . Ua tatau lava i tagata Samoa uma ona silafia lelei o i latou lava o lo o iai le malosi i mea uma lava a e le o le malo. E tatau i nuu uma o lo o iai ni feteenaiga ma le Malo ona faaaoga le FaaSamoa e faamalosia ai sa latou tetee. Aveese suafa mai faipule ua le usitai i le Faavae pe ua le faaalia se alofa i ona uso a tagata. Ia faapea foi ona aveeseina o tofi faale Palemene. O le tulafono lava lea o le FaaSamoa. Afai o oe ua e amio le pulea, po o se gaoi, e mafai ona aveese oe e lou Aiga E le se mea e sao ona faatino e le Malo o ni atinae e pei o faiga faiva, eliina o ni minerale, faaaogaina o laau toto mo togafiti mo le soifua maloloina e faipaaga ai ma ni kamupani mai fafo, pe faatuina ni kamupani e maua tele ai le oa a e le amanaia tagata o le atunuu i nuu ma itumalo o e ona nei meatotino uma. O le mea tonu lea e tau o le gaoi o mea totino a tagata e ona le atunuu ma e faasaina e le Faavae. O se gaoiina lava mai Aiga. E le i aveesea lava e le FaaSamoa i le Malo o aia tatau uma o ona tagatanuu e iai le aia i le ea ma le vanimonimo, aia e fagota ai i le sami, aia i minerale i le eleele, aia i vai ma ala vai, aia i laau ma togavao, aia i manuia na fananau mai ma i tatou po o aia i so o se isi lava oa ma mea totino.

E aofia ai uma o aia tatau ma so o se siosiomaga e amata mai lava i meaola ma mea totino ninii e aoga i tagata Samoa e mai i lagi uma e oo atu i le ogatotonu o le Lalolagi i le vaifanua po o le faataamilo ua iai Samoa. I le Setete o Amerika, o nofoaga e fai ai faamasinoga ua latou faamaonia le tausi ma le tonu o galuega faatino a le malo ina ua tausisi o lo o mulimuli le malo i faasinoga a le Fa avae Tusia o Amerika. E leai se galuega po o se faatinoga a le malo e faataga e le tulafono se i vagana e lagolago le agaga ma le faasinoga a le Faavae (Itulau 242). O i latou uma ua ofo ma le faamaoni e tautua le malo ma ua sainia le maliega, e ia te i latou le talitonuga tutusa, o puleaga faatulafonoina, o se tulaga e taua ma manaomia i totonu o pulega lelei aua o le puipuiina o o tatou aia tatau, o le pogai lena na ave ai le puleaga i le malo i le amataga. (itulau 285). O se tulaga ua iai se maliega tutusa, o lona uiga ua mafai e tagata uma ona faaaoga o lona aia tatau i i lona ia lava finagalo malie ma e iai le taua o lenei tulaga ina ua tuuina finagalo autasi e lagolagoina ai o tulafono uma (itulau 523). A e peitaI ua maitauina e Machavelli ma Walzer e lua tusi tulafono e faatatau i le amiotonu tasi mo tagata uma ma le tasi mo le au faipine a le malo.(itulau 368). Na tusia foI e Juan Forero I le nusipepa New York Times Iuni 24 2004 faaulutalaina O Atunuu Amerika Latina O le Faapipii ma Le Olaga Mativa - O le Taumafaiga o le Onosai I totonu o le Faatemokarasi O le tulaga le tutusa o tagata, ma le mativa ua matua faateteleina i atunuu Amerika Latina ua iu ai ina faatulai taitaI e ni tetee matautia ma ni feteenaiga, ua tulei ese sui fai upu fai o malo e potopotoga a tagata ua tumu i le ita ma le toatamaI ma ua sili ia i latou le pule faamalosi a e iloa atu faatinoga na i lo pulega faatemokarasi e lafi ai tua le soona fai o a latou mea totino ua aveesea faamalosi mai ia te i latou. William T. Vollman itulau 297, lana tusi O le ea i luga ma le ea i lalo O ni manatu faasino i tulaga Vevesi faaoolima, Le Saolotoga ma Auala Faafuasei lolomi ma faasalalau e Gerald Duckworth & Co. Ltd. 200 A fia iloa atili: inquiries@duckworth-publishers.co.uk Fai mai o le faailoga e iloa ai le pule e le o faatulafonoina o le :

- Pe a nofo lava le pule ma sui le feagaiga faakonokalate i lona lava manao pei o le faavae po o tulafono O lana faamatalaga o pulega le faatulafonoina e aofia ai: - Pe afai o sui tofia o tagata lautele ua le o toe avea ma fesoasoani i tagata a e ua avea ma

tagata ua puleaina tagata. Pe afai ua faamalosi faiga a le malo a e le faia ma le alofa. Pe afai ua le toe faatupu e le setete le tamaoaiga o ona tagata a e ua faatu pu le mativa Pe afai e le faatupu le saolotoga a e na o le taofiofi ma saisaitia o tagata Pe afai e fefefe a e le malutia tagata i lalo o pulega a le Malo Pe a le mafai e tagata lava ona faaaoga o auala filemu e toe faafoi ai i tulaga moni o le feagaiga faakonokalate. Ona ua faaaoga o faiga faamalosi ma tupe e faatumauina ai le pule. Ua fai mai o ia ua tatau loa ona ea i luga ma tulai -Pe afai ua faatino ni faiga ina ia tumau atili le pule faale-malo -pe afai ua le toe talanoaina ma fai felafolafoaiga i mataupu taua ua aafia ai le soifua ma le manuia o tagata o le atunuu -pe afai ua leai ma se manatunatu alofa i tagata -pe afai ua fai ma sini le faaleaoga o aia tatau o tagata ua tautuaina -pe afai e leai nisi fautuaga lelei e sui ai le usitai pea ina ua tele le tetee o tagata i pulega faamalosi -pe afai ua faapologaina le toatele e se vaega toaititi o lo o ua i tula ga pule -pe afai ua faaaogaina le pule i ni tulaga faa topelau e faafitia ai aia tatau muamua ma le saolotoga o le toatele o tagata -pe afai e le savali i le tulafono pulega mai le amataga e pei o faatosina po o amio kolapu i taimi o faiga palota. Samoa, o le mea pito i tau faafefe mai i nei taimi mo tatou, o le leai o se leo e lagona o le Malo i taimi o loo tulai mai ai ma manino le mau kolapu O upu e pei o pulega lelei, temokarasi ma pulega faatioata, ua faaaogaina e o tatou taitai ua pei ia upu e leai ni uiga. Ua fai mai i latou ia te i tatou, o ni mataupu ua tulai mai i le atunuu ua fai lava si mafamafa ma e manaomia ai le valaau i lea taimi ma lea taimi, o le Fesoasoani mai Fafo e Faasaoina o le atunuu. Na ofoina mai e tagata i fafo se puipuiga o aia tatau faale aganuu o Samoa. Ioe, o Niusila lava na ofo mai e ui sa na ia le amanaia o aia tatau o tatou ituaiga po o tagata Maori. Pe tatou te nofonofo ma faatalitali le oti o o tatou tagata pe tatou te tulai nei loa i luga ma puipui o tatou aiga? Pe tatou te puipui ia malu le tatou Faavae pe tatou te faataga atu i tagata mai fafo e pule latou i mea totino a Samoa tusa pe faaumatia ai tatou tagata? Maua Faleauto.

4. O LE USITAI E AUNOA MA LE MALAMALAMA NATE FAATUPUINA TAGATA POLOGA I le tusi a Viliamu T. Volemani i le itulau 447 ua ou faaSamoaina O le Tulai i Luga ma le Tulai i Lalo o lo o tusi ai sitepu nei mo le sueina o le mea moni. Muamua Fesili oe ia te oe po o le a le mea ua tupu mai: mafaufau manino . Lua - Faalogo i manatu o isi tagata talanoa atu i nisi o lo o iai ni molimau ia iloa pe aisea e ala ai ona eseese galuega a tagata ma aisea foi latou te faia ai o ia galuega. Taumafai e malamalama i mafuaaga e fiafia pe mafatia ai tagata. Tolu Suesue talaaga o nei mea ua tutupu mai. Pe o iai ni tulaga e tutusa ma nei ona po; po o a ni aoaoga ua maua mai ia i latou e iai le poto faapitoa i talaaga, po o i latou e aoaoina i lenei mataupu. Fa Vaai faalelei po o galue ma le agaga moni le tagata, po o le kamupani, po o le Malo foi. Fai mai Volemani O se tasi e le fesoasoani ma le kea, e leai son a aia tatau e fai ai ma taiala i olaga o isi. Lima Ao e suesue ma maua atili le malamalamaaga, e tatau ona faaalia foi ni suiga i ou manatu e faavae i au suesuega ma sou tomai fou. Ono - Soo se tulaga o e suesueina ia aua le maimau taimi i tulaga e le talafeagai ma mataupu o lo o fia iloaina. O lona uiga aua le tosina gofie i mataupu ese. E ao i tagata Samoa ona iloaina po o ai e alolofa moni ia i latou. O i latou lava ia e ono faalogo ma usitai i ai. Ou te talitonu o le mea moni lea e tupu mai i Samoa - ua maua tonu tatou i le tulimanu, i luga o le malae tau o tagata o tatou i le ise itu, ma i latou i le tasi itu. O le Vaega Faiupufai e Pui Pui i Aia Tatau a Tagata (HRPP), ua latou faaaoga le sui ina o tulafono ina ia mafai ai ona maoti ese le vaega o tagata e mauoa i totonu o Samoa. Ole Tulafono e Lesitaraina ai Fanua ma Suafa 2008, e le o mulimuli i le Faavae, e le kerisiano ma e le se auala temokarasi. O lo o aveeseina ai le aia tatau o le 98 pasene o le aofaiga o tagata o Samoa. O le Tulafono O le Pulega o Vai Taumafa ma ala vai 2008, o lo o taumafai e aveese faanana le pule faa Samoa mai ia i latou e ona vai ma ala o vai. Fai mai o matou e sili atu lo matou iloa i mea nei, e tatau loa ona outou faia o a matou faatonuga. E ui ina fai mai o le tulafono e mafai ona fao faamalosi a e le faapea o le a matou faia ai ia mea. Tuu mai lo outou faatuatuaga. O matou nei o o outou taitai.

Tatau mafaufau ane lava, pe afai ua fao uma ma pulea e le au mauoloa o tatou fanua uma ma o tatou vai, a e le tusa ma le tulafono. E matua tetee lava tatou.

O le Tulafono o pulega ma galuega faaleoleo 2007 e mafai ai e le Palemia ma le Ao o le Malo ona faaaoga o ni fitafita mai atunuu i fafo e faasagatau i tagata Samoa mo ni mafuaaga faalauaitele. O le a iai o alii e ufiufi o latou mata ma faaaoga o so se malosi faaauupega e taofi ai se tetee a le Aiga Samoa. Afai e te saunoa atu i se alii leoleo o lo o taumafai e tuli ese oe ma lou lava fanua, na fai mai le Malo e le tulieseina oe, e saunoa le alii leoleo faapea Ua fai mai le Tulafono ou te mafai ona tuli ese nei oe. O faatonuga lena na aumai ia te au. Afai o ia o se alii o iai le tomai faapitoa o lo o asiasi mai fafo, na te mafai ona faaoo o le oti ia te oe ona e faapea ua fai lea mea e puipuia ai o ia, a e le gata i lea e mafai na ave lou fanua ma mea totino pe afai na faatonuina o ia. Afai la e te teena le faatino o faatonuga ua sau ma ia lona uiga e mafai ona taua oe o se tagata e tatau ona aveesea. Afai e iliiloina e Viliamu T. Volemani talaaga ma faailoa mai o ia mea e moni, o lona uiga o se tagata e alofa i lona atunuu ma e le manao e avea ma pologa e ao ia te ia ona mafaufau loloto i ana tala e tautala mai. I soo se atunuu, e tatau ona iai o ni auala e taofia ai taitai mai le faatamaia o ona tagata. Ia iloa lelei, e iai alii e mananao e faatau atu Samoa i tupe. Afai latou te mafaia ona faatau o lau palota, lona uiga, e mafai foi ona latou faaaoga lo latou pule faale Malo ina ia maua ai o ni piliona e tele lava. Afai foi o tupe e fai ma o latou atua e leai so latou avanoa e taitai ai fua Samoa pe mata o iai so latou avanoa? O tatou taitai e le tatau ona auauna e faamalie manaoga o malo mai atunuu i fafo a e nofo aitalafu ai tatou.

Afai na latou nonoina mai oni tupe pe selau ma selau o miliona, e tatau loa ona tatala mai o le api ma faaali auiliili mai le faaaogaina o ia tupe. A e ia malamalama lelei lava i lenei mea. O aia tatau faale-aganuu o le Aiga i lalo o le FaaSamoa , e le i iai se faatagana mai aiga Samoa e faatauina atu ai. E leai se pule a taitai e faaaogaina ai a tatou meatotino faale- aiga e faatino ai o latou manaoga na o latou lava.

Pe o toatamai ea i latou ona o ou manatu i le mea moni ma le mea e le moni? Silasila foi, so o se tasi lava o le tatou ituaiga tagata e iai le aia tatau e valaau ai ma le leo tele e tau ai lona siifofoga manava pe a ua iloa atu ua sau le oti po o se faaumati aga o lona aiga. Afai la o tatou taitai ua pulea o latou mafaufau e pulega mai fafo po o lo latou faaloloto ua le amanaiaina o tatou manaoga, lona uiga ua fai mai lo tatou poto masani e faamuamua loa le faaolaina o o tatou ituaiga tagata na i lo le manatu ua tatou faamanua i o latou loto; a e o au lava ia ou te faaauauina pea lenei tagi atu ma lou tatalo pea. Ou te tulai ma teena so o se isi e saunoa mai o Samoa i Samoa ma le lalolagi atoa e tulaga maualalo o latou aia tatau nai lo Aia Tatau o lo o tusia i le Tautinoga o Aia Tatau o Tagata Samoa ma le FaaSamoa tusia i le Aso 20 o Iuni 2008. Ou te le o taumafai ou te fia poto i lou aumaia o nei mataupu i le silafaga a le Malo, a e ona o ou aia tatau faaleAganuu atoa ma aia tatau o Samoa taitoata si ua afaina. E mafatia aiga uma Samoai nei faiga. O tagata uma vagana ai o matai Sili, e ifo punou a e ave e nei Matai Sili le oa o mea totino o latou aiga mo latou lava. E le o le faaSamoa lea. O le ala lea a le Amio Leaga Pe o silafia ea e lo tatou Palemia o Samoa mai i so o se itu o le lalolagi ua latou auina mai o le selau o miliona o tala i tausaga uma e tautuai ma faamautu ai pea o le feagaiga faale aiga, o o latou piitaga i suafa ma o latou fanua faale aganuu? Pe o se mea e talafeagai ea ona le amanaia o la latou tautua? Ua suiina ea e le Itu Faiupufai E Puipui Aia a Tagata le Tulafono Faavae ma Tulafono ona o lona manatu e atinae ia te ia lava? Ua pei ea i latou oni alii pule a e le o auauna? Pe ua faamalosi ea e le Malo o ona manaoga i tagata lautele? Po o ua ia faamauoaina ea o ia lava a e oi o ona tagata? Po o ua faamativaina ea o tagata ona o faatinoga a le HRPP? Po o ua faaitiitia e le Malo aia tatau ma le saolotoga o tagata ma faaoo ia i latou o le nofo pologa? Po o ua nofo ma le fefe a e le nofo saogalemu ea o tagata i lalo o lenei Malo? E mafai ea e tagata ona aveese ma le filemu le Malo kolapu pe a ua faafefe mai na te aveesea o mea totino faale aganuu pe, ua faatulagaina e le Malo o ni auala kola pu ma ni

auala faanana e tumau ai pea o le pule faaleMalo ina ua faaititiina o tagata e ala i le faapologaina i itu tau le atinae? Silasila maia ma tau mai: - Po o ua faamautu ni auala e le Malo ina ia pule ai pea ia e tumau? -Po o teena ni talanoaga ma ni felafolafoaiga o mataupu taua o lo o afaina ai le soifua o le atunuu? - Po o ia ea ua le alofa i tagata? -Po o galue ea ina ia faatamaia o aia tatau o i latou ua pulea e i latou? -E iai ea se auala e faasao ai taitai meamanu e le i faaleaoga faasolo atoa o mea totino a le atunuu -O togata lautele ea ua faataugaina e le toaitiiti e i le itu a le Malo? -E faaaoga ina ea e le Itu a le HRPP o le paoa e titina ai i lalo aia tatau ma le saolotoga o tagata? - Ua faaogaina ea o togafiti faatosina e manumalo ai i ni palota; po o ni gaioiga faa kolapu e lamatia ai le lelei lautele o tagata ? Afai la o le HRPP ua na o se vaega toa laititi o Samoa a e ua o latou gaioi mo latou lava, ma le le amanaiaina o manaoga o le sosaieto o Samoa uma, o lona uiga e iai le tiute o tagata Samoa e fesilisili ai ona o nei mea. OU TE LE FIA POTO MA FAAMALOSIA LE ILOA O LE MEA MONI, LE MEA TONU, PULEGA LELEI MA LE FAAMAONI; O TULAGA TAUA IA E FUA I AI LE PULEAINA O I TATOU. IA LE TOE MAFAI NEI LOA E SUI FAIPULE ONA FAALAGOLAGO I LE FIAMAUA O LE OA A E TIGAINA MA LEAI AI O SE MEA A LE LAUTELE. E LE O LE ALA LEA O LOU IAI I LOU TOFI FAIPULE. Talu ai e le o leoa le Palemene ma e le o fia manao e puipui i aiga, e le tatau ona faasea i e e tutu e lagolago le lelei o tagata uma. Maua Faleauto

>> fsmtaua@gmail.com

5. MAFAUFAU I TUA I AUGATAMA SA ALOLOFA I LENEI LAUELEELE... Mafaufau i tua i o tatou tuaa sa alolofa i lenei laueleele E faapefea ona manatua pea i latou? O a ni mea o lo o mananao i latou tatou te faia e manatua ai ai i latou? O tatou o tagata Samoa e alolofa tele i o tatou tuaa. Tatou te manatua o latou suafa mani mea e uiga i o latou olaga ma o auala ia tatou te faaali ai le faaaloalo atu i o tatou matua ma faamanuiaina ai tatou e le Atua. Sa latou faameaalofa mai lenei laueleele o se oa e pito sili ona taua ma lo latou iloa e mafai e lenei laueleele ona aumaia mea tatou te manaomia Sa latou moemiti mo i tatou ma le alofa-e o le a tutupu mai-tatou te tufa atu lo latou alofa i e o le a tutupu mai pea Ao aoaoina mai e i latou o latou gafa o se vaaiga lea o le alofa, e tatau foi ona tatou tausia nei mea ina ia ola pea Ua tatou fananau mai i ni taimi lelei tele O le tausaga lenei, e tatau ona faia loa ai e tagata Samoa se faaiuga pe o ese mai o latou augatama ma faagalo i latou ae avatu ivi o tatou augamatama poo toa o aso anamua ma tuuina atu i tagata o nuu o ese. Pe, tatou te tutu o se tino e tasi, tupu ma tamaitai o tatou lava laueleele ma toe aumai o tatou laueleele A tatou le faia lenei mea, ua tatou siilima atu i tagata fouvale o atunuu ese ma avea i latou o ta tou matai ma avea loa tatou ma a tatou fanau o ni pologa Afai tatou te tutu faatasi o ni toa ma alalaga atu i le lagi o tatou o tagata Samoa nei ma le faavavau ma tatou tetee atu ma aua nei toatuli atu i tevolo mai nuu ese, o le a iai le faamoemoe tatou te maua o tatou laueleele Tatou aveese atu le manatu faapito faa-Europa e iai tagata a nanaina auro ma oa e aunoa ma le foai atu E tatau ona tatou tausia tagata uma tamaititi, tama ma tina matutua E tatau i tagata Samoa uma on umia laueleele pito sili ona lelei o Samoa O tatou o Samoa. O tatou e faamuamua. E tatau ona ola i tatou ma malolosi i tatou ina ia iai o tatou tagata pito sili ona atamamai ini fono e faia. E le tatau ona avea i tatou ma pologa A o atu i tatou i nuu ese e vaai mai i latou ia tatou o ni tagata uli valea e nao taaloga ma galuega maualalo e mafai ona u iai tatou I totonu o lo tatou atunuu, o i tatou lava e pule e faavavau O le taimi lenei e te filifili ai ou uso ma tuafafine pele- mo oe ma auga tupulaga tutupu mai LE SAOLOTO POO LE POLOGA AFAI ETE FILIFILI LE SAOLOTOGA, MASALO O LE A IAI LE TIGA MA LE OTI AE E SILI LE OTI NAI

LO LE TOILALO AFAI E TE FAAVAIVAI O LE MEA LENA E MANAO IAI LE TEVOLO O NUU ESE O le pologa e maua ai le mai, leai ni mea e nonofo ai, oti le agaga, tiga ma le faamaina e i latou e foliga i tagata ae pogisa totonu pei o ni meaola O le pologa e fanau mai ai le faamalosia ma le mafatia ma o le a latou ata ma aveese uma mea lelei uma mai ia outou Ou te tu atu ma tetee atu ia latou ona o Samoa e tusa pe malepe lou tino i se taua pe fasiotia foi ae o le a ou faia ona e sili atu lou alofa ia Samoa nai lo lou ola O lou loto e mo Samoa, o lou loto e mo ou lava tagata TULAI SAMOA. O LOU LAUELEELE LEA. O TATOU O TAGATA TOTOA. O TATOU TUAA O TUPU O LE LAUELEELE O SAMOA Ia mitamita a tatou fanau i taimi faapenei

IA MANATUA E I LATOU MA IA AVEA LENEI MEA E FAAMALOSIA I LATOU. TATOU TALO ATU I LE MALOSI O TATOU TAMA E TAOFI MAI O TATOU LAUELEELE AUA NEI GAOIA OU TE TULAI ATU MO SAMOA NEI E OO I LE FAAVAVAU. Maua Faleauto

6. SOO SE AIGA LAVA E IAI ESEESEGA I TAGATA TAITOATASI.... I soo se aiga, e iai fanau e eseese maualuga, malosi ma vaivaiga. O latou lava o se aiga. E le o se mea lelei ona tatou tiai i o tatou lava toto E iai nisi e tautala i le faaSamoa ae iai foi nisi ua leiloa le gagana E le afaina lenei mea. O le mea taua ia iai le loto mo Samoa ma fia tapena e auai i le taua mo o tatou fanua ma eleele. E manaomia le malosi uma ma taleni uma ona ua siosiomia i tatou i itu uma e le fili ma o nisi o tatou aiga ua sili atu lo latou alolofa i tupe nai o latou tina ma i tatou uma. O lo o galulue i latou mo tevolo o nuu ese o lo o mananao e avea i tatou ma pologa i o tatou lava fanua. Aua le avea le matapeapea ma le gaoai o taitai o le malo i tupe tatou te faatau atu ai o tatou fanu i nuu ese O le a le faamina i tatou i a latou faamasinoga faa-kangaroo e leai se amio sao o iai ma le amanaiaina i tatou Tatou tau atu i ai latou e tatou ona o ese aua o lo o ia tatou le malosi ma tatou te le usitai atu ini tagata faalata. O le taimi lenei o tatou ua latou pepelo ma gaoia o tatou punaoa-ua tatau nei ona aveesea i latou ae lei talo atu i latou i tagata tau o nuu ese e o mai i o tatou fanua Tatou te malolosi ma le vaivai Tulai ou uso Tulai ou tuafafine O tatou o Samoa E le mafai ona tatou toilalo. E le mafai ona toe tuuina atu se pule i le HRPP. Ua matua on o latou mafaufau i le mafanafana o le oa ua le toe kea i tagata. Ou te leo manao i se misa, ou te manao i le tetee atu ma le filemu Tagai atu, ua latou inosia le tulafono Ua latou pasia le tulafono 2008 o le lesitalaina o fanua ma aveese uma aia tatau o lo o puipuia e le faavae o Samoa Sa tatau ona fai se palota lautele mo lenei mataupu ae augapiu ma se mea sa faia Ua mumusu e talanoaina le tulafono e tusa ai o tulaga i mataupu faapenei. Ua avea i latou ma faatupu misa ae sa tatau ona avea i latou ma auauna Ua latou faaosooso i o tatou taitai E aia tagata uma i fanua Samoa ae o le matapeapea ua pogisa ai o latou mafaufau ma mananao ai e faatau atu aia a tagata Samoa pei o au-Europa le faatau atu o latou tina mo tupe poo le faatau atu o fanua o isi. Talanoa atu i tagata Samoa uma e te silafia-talanoa atu i lotu, aoga ma ia tou malamalama

toe lava o tatou le atunuu Polenisia o lo o iai laueleele O le a latou solia ivi o tatou augatama pe afai tatou te tuu atu o tatou fanua aua ole tupe lo latou atua. Uso ma tuafafine o le HRPP E oti Samoa pe afai e faaauau au fuafuaga o lo o faataatia mai O le faaauauina o lo tatou lanu e faamoemoe lea i le au faatasi ma le fetufaai.

E faalagolago i le alofa ae le o le mavaevae E faalagolago i punaoe e fafagaina itu tino uma ma e te oti foi aua o le ulu e oti pe a le fafagaina le tino Ua pisia oe i manatu ma mafaufauga mai uo i nuu ese lena ua e matapeapea ai Ua tatau nei ona e soso ese aua o le faaauauina o lo tatou lanu e manaomia taitai e alolofa i tagata, e le nao galuega foi a e o le amio tonu O tupe e fafagaina tino ma mafaufau o tatou tupulaga faiae i le taimi nei o lo o fia aai ma leai se malamalama O tupe e manuia ai se mai ma laveaina agaga O lo o tatou tino ua amata ona oti i le fatu nuti momoia ona ua e le alofa i tagata Ua e filifili e sili atu auro nai lo tagata Alu ese mai le ala e tumu i auro mo oe lava O le ala o seoli lea Ia aveesea mai oe e le Atua mai le afi o lo o faatali mai mo oe Maua Faleauto

7. A MAMULU ESE LOA FANUA TOFA SOIFUA A mamulu ese atu loa fanua Samoa-Sa Moa Tofa Soifua A mamulu ese atu loa fanua Samoa o le a leai foi ma se Sa Moa A mamulu ese atu loa fanua Samoa o le a leai foi se malumalu o augatama A mamulu ese atu loa fanua Samoa o le a leai se sootaga o augatama ma i latou e lei fananau mai A mamulu ese atu loa fanua Samoa o le a leai se vai maua poo se fualaau poo se falaoa foi A mamulu ese atu loa fanua Samoa o le a leai se saolotoga aua o le a galulue uma tagata mo meaai A mamulu ese atu loa fanua Samoa o le a iai pea laau mo pea faapea le sami mo laumei Ae o fanau a Samoa o le a leai se mea e momoe ai ae o le a nofo totogi seia oo i le oti A mamulu ese atu loa fanua Samoa o le a le mafai ona momoe nisi i lalo o laau ona o le a faasaina A mamulu ese atu loa fanua Samoa o le a le toe iai ni gafa A mamulu ese atu loa fanua Samoa o le a le toe iai ni matai A mamulu ese atu loa fanua Samoa o le a le toe iai se pule i tagata o Samoa A mamulu ese atu loa fanua Samoa o le a le toe iai se amio tonu A mamulu ese atu loa fanua Samoa o le a le toe iai se mitamitag i o tatou tagata A mamulu ese atu loa fanua Samoa o le a le toe iai se va fealoaloai i o tatou tagata O le a faafitia e tagata Samoa e le o i latou o ni Samoa A mamulu ese atu loa fanua Samoa Tofa Soifua Maua Faleauto 19 February 2009

8. UA MAUNUINA LE PATI O LE HRPP E PEI ONA LATOU MAUNUINA I NISI O lo o maunuina nei le HRPP e pei foi ona latou maunuina i isi tagata O fea o le a lalafi ai ma latou tupe pea sii taua mai Samoa? Poo le a lava mea o lo o tutupu, pe timu, poo le au taalo o malo pe faiaina, poo a foi tusi o lo o lolomiina i le Observer, e faauau pea fuafuaga a le HRPP mo le mauaina o ana tupe mai le fanua o le atunuu. O tulafono fonu, o ni maliliega fou, o ni polomisi fou ka ching, ka ching-ma tele ai lava tupe i le faletupe O fea o le a lalafi ai ma latou tupe pea sii taua mai Samoa? Faapea latou ua popoto tele e nofo mai i luga ina ua uma ona latou gaoia mea mai o tatou aiga E talitonu i latou o latou piliona o le a avea tutusa ai i latou ma i latou e mauoa i le lalolagi O lo o faavaleaina i latou e pei foi ona latou faavaleaina isi tagata O le latou taitaina o tagata i le faleoti, o le a oo atu ai foi ma latou i le oti O le a latou toilalo ai foi i tagata o nuu ese e sili atu lo latou atamamai O le a tuuina atu i latou i tagata matitiva e faamasinoina i latou ma o le a aveeseina foi e le fili a latou mea O lou taimi lenei Sa Moa., ao e uuina pea ou fanua Sei tatou vaai atu i le tagi mai e alofa atu ma fai mai e sese i latou pea aveesea uma mea mai ia i latou ma a tupu lenei mea o le a liliu atu i latou i le Alii ma tatalo. Pau lava le mea e totoe i tagata Samoa o le Tusi Paia Maua Faleauto

9. LE TOE IAI LE TAMA O FIALELEI I le aso 23 o Fepuari 2009, sa talapelo ai le alii o Ieti Taulealo, le papeti (pepe taalo) a le HRPP i luma o le Atua ma Sa Moa atoa Sa ia taua i luma o le Atua ma Sa Moa o le tulafono e lesitalaina fanua 2008, e puipuia fanua faale-aganuu ae o le mea sao e uiga i lenei tulafono o le a faaliliuina atu fanua faale -aganuu e fai ma fanua uu saoloto. O le agaga o le HRPP ia lesitala fanua uma o Sa Moa I lalo o pulega o fanua faa-Toreni ( Torrens System) e tusa ai ma le tulafono Na o le tasi lava le ituaiga pule o lo o faatu mai i lalo o lenei tulafono ma e na o le pule uu saoloto O le vaega 32 o lenei tulafono e mafai ai ona faaliliuina pule o fanua faale-aganuu i fanua uu saoloto. O lalo o lenei tulafono e aveeseina uma ai aia tatau i fanua faale-aganuu a ua lesitalaina ma faaumatia ai loa sootaga o lena fanua i o latou augatama ma e tutupu mai

O le tusi o Tulafono Faavae o le malo o Samoa o lo o faatonu mai ai tagata o le malo ina ia puipuia aia a tagata nuu o Samoa aemaise lava aia tatau e pogai mai le faavae. O tulafono maualuga o Samoa e fau mai i tulafono faavae, le faa-Sa Moa ma mataupu faa-Kerisiano. Ae o le tulafono lenei 2008 ua lepetia ina uma le faavae lenei o le tulafono maualuga.

O le tulafono foi lenei 2008 ua ia solia le vaega 102 o le Tulafono Faavae o Samoa ona o le aveeseina o aia a tagata Samoa mai o latou fanua faale-aganuu. O lenei tulafono e tuuina atu ai le pule uu saoloto ini nai tagata o le atunuu ma faaumatia ai aia tatau i fanua faaleaganuu ma avea ai se vaega itiiti o le atunuu e mauoa e faavavau ae o le isi vaega o le a fai ma pologa, fosi e galueina fanua o isi mo le tausiga o le ola, fosi e totogi mea e nonofo ma mea e tanu ai.Leai se saolotoga ona o le a taugata le totogi o mea e nonofo ai ma o meaai foi o le a faapea ona taugata. I le vaega 109 o le Tulafono Faavae o lo o taua ai afai e fia suia le pulega tuai o laueleele o Sa Moa, e tatau ona fai se palota ma o lena palota e tatau ona 2/3 tagata palota e malilie i le iuga o fanua faale-aganuu o tatou tagata. Ua iloa atu nei, ua alo ese le HRPP mai le palotaina o le atunuu atoa. Ua faalilolilo ona latou faia ona fai mai i latou talu ai ona e toatele atu sui o le HRPP i le palemene o le mea lea e le mafai ai ona faia se palota ma o latou e pule ia Sa Moa. E le o le mea lenei e manaomia e le Tulafono Faavae. O le tatou Tulafono Faavae o lo o manaomia mai le palotaina o le atunuu atoa i lenei mataupu ae lei tuuina atu i le Ao o le malo mo le sainia ina. E le mafai ona avea lenei mea ma se tulafono seiloga e malilie le 2/3 o tagata palota i le iuga o fanua faale-aganuu.

O lo o polomisi mai le puipuiga o aia tatau i fanua faale-aganuu i le vaega 9(4) o le tulafono, ae o se togafiti pepelo lenei mea ona pau lava le pule o lo taua i lalo o lenei tulafono o le pule i fanua saoloto lea e tuuina atu ai i l ua lesitala ai fanua le aia tatau e puleaina uma ai fanua, o lona uiga o lena tagata poo se kamupani e iai le 25% sea a tagata mai fafo e mafai ona latou faatoina ese soo se tasi mai le fanua ma ave loa ma i latou lena fanua.

Soo se aia tatau i fanua faale-aganuu e umia ei latou sili atu a latou pule e faaumatiaina ma leai ai loa se piitaga o augatama ma i latou e lei fananau mai ona ua faaumatia fanu a faale-aganuu e faavavau. E leo puipuia e le HRPP aia tatau a tagata. E na o le pti e sauaina ma faaleagaina aia tatau a tagata Samoa ina ia maua ai e latou ma latou uo le oa e ala lea i le gaoiina o punaoa mai tagata Sa Moa. O lenei tulafono o le a faatupuina se taua e iai i latou e malo ma faiaina. O se solitulafono lenei mea. O tagata Sa Moa uma e lei aumau i Sa Moa mo le lua ma le afa tausaga i tausaga e 3 ua mavae e tatau ona foi ma nofo i Samoa mo le lua ma le afa tausaga faatoa mafai ai lea ei latou ona lesitala se fanua e tusa ai ma le tulafono lenei. Pe a ma se tausaga se tasi ae leai uma loa ni fanua faale-aganuu ma suia loa i fanua umia saoloto O le 90% o fanua Sa Moa o le a umia e le HRPP ma a latou uo i la latou lava pule pe o le tuuina atu o le 75% i kamupani mai fafo. O le a iai foi ma le avanoa e faatauina atu ai fanua i kamupani mai fafo poo le HRPP foi pea faatagaina mai e le Ao o le Malo.

O le solitulafono lenei o le faaliliuina atu o fanua faale-aganuu e fai ma fanua uu saoloto e umia e se tagata e toatasi, ua solitulafono ai le HRPP ma lepetia ai le Faa Samoa faapea ai foi ma mataupu faavae faa le Kerisiano. O tulafono e sefulu o lo o fai mai: Ia e ava i lou tama ma lou tina, Aua e te pepelo; Aua e te gaoi; Aua e te manao atu. A faaleaogaina pule o fanua faale-aganuu, o le a faaleagaina ivi o tatou augatama ona o le a nofoia e tagata mai fafo le laueleele ae tuli ese o tatou tagata ma o le a faigaelo tagata ese i luga o ponaivi o tatou tama. Ua pepelo le HRPP e uiga i lenei tulafono. O lenei tulafono ua ia gaoia le tamaoaiga o Aiga Samoa fanua ma punaoa ma avatu i a i latou e lagolago ina le HRPP faapea tagata mai fafo e tumu i le manatu faapito, ae o suli o le a pala pei se fualaau ua tiai i le fanua ma o le a fananau mai tatou fanau ma le maasiasi ma faailoga o pologa i o latou muaulu ae le o le mamalu o ni alii ma tamaitai o le laueleele sa faameaalofaina mai e o tatou tama ina ia

faasaoina i le olaga atoa. O lo o atagia mai i le tusi o Tulafono Faavae vaega 2(2), soo se tulafono o iai nei poo se isi lava tulafonoa e pasia i tua atu o le aso ua pasia ma faamalosia ai lenei tulafono faavae, ae l o gatasi ma lenei tulafono faavae, e le faatagaina. O le uiga o le l faatagaina o le solitulafono ma leai sona taunuuga e p ei lava e leai se mea sa pasia e le HRPP Ou tagata pele o Sa Moa i le lalolagi atoa, ua iai nei se faafitauli ona o le HRPP e ona faamasinoga ma o latou e totogiina tagata faamasino ma faatau iai fale ma taavale ma ave i latou i malaga i fafo. E faapefea e nei tagata faamasino o lo o lagolagoina le HRPP ona faasaga tau atu i le latou lava pati? Ua ou suesue i talafaasolopito ma iloa ai a manao se malo e aveesea fanua faale -aganuu e manumalo lava l e toatele lana au tau Sa pasia e le HRPP ia Novema 2007 se tulafono faatatau i le pule a leoleo 2007 e mafai ai e le palemia Malie le Gaoi ma le Ao o le malo ona aumaia se militeli i totonu o Samoa mo se faamoemoe e filifilia lea e le palemia Malie le Gaoi ma le Ao o le malo. O nei Aitu, e mafai ona omai I totonu o Sa Moa mai soo se itu o le lalolagi ma aumai latou auupega e faaaoga i tagata Samoa ae le mafai ona tuuaia ona fai mai le tulafono 2007 o le pule a leoleo o nei aitu o lo o puipuia I lalo o tulafono a Samoa ma e sili atu foi I latou I lo le tulafono E faanoanoa tele ona e nao le Atua sa sili atu I le tulafono I Sa Moa I luma atu o le 2007. O le pati lenei ua ia faapito tagata Samoa i tua o tagata nuu ese ina ia mafai ai e nei tagata ona aumai le oti o agasala e 7 I tagata Samoa ma a faasaga tau iai o le a taua I tatou o le au solitulafono. Afai ae lavea se tamaititi e leai se totogi e aumaia ma e leai foi ni tuuaiga o le a faia I lalo o lenei tulafono. E latou te fasioti ma faagalo ae e mafai faapefea ea ona faagalo faiga le mafaufau a lenei pati?

O le auala lea a le HRPP e puipuia ai aia tatau a tagata, ou tagata pele! O le latou au tau lea o le aveese faamalosi o tagata mai latou fanua ma a le tutu faatasi tatou o se aiga atoa Samoa I le taimi nei, o le a leai ni fanua faale-aganuu I le tausaga lenei ma fananu mai a tatou fanau I le pologa. O le tatou taimi lenei Samoa pele, ia tauia atu tatou augatama I le puipuia lea o fanua ina ia maua e tatou fanau le meaalofa o le laueleele ma ona oa mai tatou tama. O l e tatou taimi lenei. O I tatou o tausimea o le lumanai. Tatau ona tatou tutu atu m o I latou e le mafai ona tutu mo latou augatama ma I latou e leI fananau mai.

Sii a tatou moto ma alalaga atu I le fale o le malo ma valaau atu AVEESE LE TORRENS! AVEESE LE HRPP Ou te valaauina tagata Samoa uma e faitau I lau website I le initaneti I le http://samoamosamoa.webs.com/ O lo o iai uma faamaumauga I pepelo ma le le faamaoni o le HRPP ma o lo o iai foi ma faamaumauga o lenei tulafono ma isi. E leitoa a tei le alii o Ieti Taulealo, le papeti taalo a le HRPP ina ua tuu atu le mea sao i ona luma ona lenei mea sao e osofaia ina fuafuaga faatevolo a le HRPP Ina ia faamagaloina o ia mai ana pepelo e le Atua ma Samoa atoa faapea le susuga ia Save Sano Malifa, ou te taloina ai o ia e faatoese ma ioeina ana pepelo. Afai na te le faia lenei mea, o le a alu ifo o ia I le tala faasolopito o Samoa o se tagata pepelo ua saunia e fai soo se mea e faaseseina ai tagata Aiga Sa Moa Atoa I le lalolagi, tatou uulima faatasi ma tutu faatasi o se tino e tasi ma tetee atu I lenei tulafono ua tusia e Ausetalia e faaumatia ai tatou tagata. Tatou faaali atu le mea e tau o le alofa i le tufa atu, tausia fanau, tagata mai ma i latou e matutua ma isi suli o aiga Sa Moa. Ua sosopo tele le HRPP. O le fasi otiina o tagata o latou aiga le latou faaiuga ua faia. E le toe manaomia e Sa Moa ni tagata polokiki leaga e tutupu ifo i oa ae o lo o iai fanau e leo lelei ona aoaoina ma i latou o e mamai ma matutua o lo o feoti e aunoa ma se mafuaaga i le falemai. Sa Moa, o au o le a iai se suiga fou o tagata polokiki e faamuamuaina tagata. Ua tele mea ua tuuina mai e tatou tama. O le taimi lenei o tagata totoa o Samoa e tau atu i nei manu feai e o ese ae latou te lei faaumatiaina lo tatou atunuu e faavavau i lenei tausaga. Ia tatou faapotopoto lo tatou malosi, ma faasasaga atu i le maota o le Malo ma tatou alalaga atu e tetee atu ma faapea atu -

AVEESE PUlEGA FAATORENI! AVEESE LE HRPP! AVEESE MALIE LE GAOI! SAMOA MO SAMOA!" Soifua, Maua Faleauto - Aiga Sa Moa Atoa

10. TALAAGA O FAIGA LE AMIOTONU I TULAGA FAAUPUFAI I SAMOA MAI LE 2008 I LE 2012.

I le itulau muamua o le Samoa Observer o lo o iai le ata o le Ao o le Malo o se ua filifilia e fai ma Alii faailogaina o le Tausaga, ma o lo o iai foi ma le ata o Tuilaepa Sailele Malie le Gaoi. Ae se paga lea o nei alii ua lotolotoi foi i ni mea tutupu e le faamaoni i le talaaga o le atinae faaupufai o Samoa. O lenei talaaga ua le faamaoni i faiga faa- upufai o le atunuu, ua aafia ai le Tulafono Faavae. Ua aafia ai le Palemene o Samoa i le 2008. Ma ua soli ai le Tulafono Faavae atoa a i ma tulaga mautu o le FaaSamoa. Ua soli ai foi ma tulafono faale-va o Malo ma o ni soliga tulafono ua matautia lava. E aafia ai tagata Samoa i totonu o Samoa ma e aumau i atunuu i fafo, ona ua faoina ma aveeseina o latou aia tatau i o latou eleele, a e ua tuuina le pulega o ia eleele i le pule a le Pati E Puipui i Aia Tatau o Tagata (Human Rights Protection Party). O le toatele o tagata Samoa ua le o malamalama i le uiga ma aafiaaga o le Tulafono e Resitala ai Fanua ma Suafa 2008. E ui ina ua talanoaina nisi o tulaga i totonu o lenei tulafono a e o le mea pito i sili ona le amiotonu, o le le uia lea o auala uma sa tatau na mulimuli iai ina ia avea ai lenei pili e avea o se tulafono moni e tusa ai ma le faatonuga ua i le Tulafono Faavae a Samoa. O o tatou augatama ma tuaa ua fai i lagi lo latou soifua o e na tusia le Tulafono Faavae (Faavae o Samoa) na latou sainia le Tulafono Faavae ina ia faaaogaina mo o latou tupulaga faapea ma isi tupulaga i le lumanai. Ona o se iloa sa ia i latou e faatatau i le toatele o tagata muamua i isi atunuu ua aveeseina o latou eleele mai ia i latou ona o togafiti a pulega mai fafo, o le mafuaaga lea na ala ai ona tusia e o tatou tuaa, le Fuaiupu 109 i la tatou Tulafono Faavae ma i lea fuaiupu e manaomia se palota a tagata palota uma ma se ioe a le lua vae tolu o sea palota lautele, ona faato-a mafai lea ona suia le tulaga i aia tatau o tagata ma mafai ai ona faatino se suiga i lalo o le tulafono. E le gata i le fuaiupu 109 a e o lo o tusia foi ma se isi faaopoopoga ina ia aua ne i saini e le Ao o le Malo sea pili vagana ua faataunuu le palota lautele ona o iina e faatoa mafai ai ona sui o tulaga faatonuina o aia tatau o tagata i o latou eleele.

Lona uiga ina ua nonoina tupe e Tuilaepa Sailele Malie le Gaoi ina ia faatino se pueina o ni ata faafanua o Samoa e faaaoga ai satelite, ma faaaoga loia mai fafo e tusiina ni

tulafono e le sao ma tuuina i luma o le Palemene ia tulafono, ua faatino uma ia mea e le tusa ai ma le Faavae o Samoa ma le tulafono. E faapefea la ona avea lenei alii ma Alii faailogaina o le Tausaga o le Ao O le Malo - a e o ia sa na sainia ni pepa e aveesea ai aia tatau o tagata Samoa i o latou fanua totino, e ui lava ina faasaina e le Tulafono Faavae? E tele ma anoano le mau tala e fia tau atu i lenei mataupu o le talaaga ua le faamaoni ai faiga faaupufai i le atunuu afai e te fia fesoasoani mai ina ia faasaoina lenei le amiotonu, o le tausaga lenei 2013 ua tatau ai loa ona saili le faamasinoga tonu mo tagata o Samoa. Maua Faleauto Faafesootai mai i le fsmtaua@gmail.com

11. O SAMOA I ASO NEI: O SE NOFOAGA E MAUALALO I LE LALOLAGI O Samoa i aso nei o se nofoaga maualalo i le Lalolagi ona o le maoae o faiga faakolapu i taitai o Samoa faapea ma le Lotu. O se vaega laititi o aiga i Samoa ua taitai nei i Upufai o le Malo Samoa, ua le o faatinoina tiute moni, le leoleoina o le soifua ina ia tutusa o tagata uma, a e ua latou faaaoga i meatotino a tagata lautele o Samoa, ua pei o latou lava e ona ia mea totino aua so latou manuia. Talu mai le tausaga 1994, e le i faatinoina lava e se suetusi tumaoti, se suesuega o tupe uma e faaaogaina e le Malo ma lana pulega o tupe a le atunuu. O lenei la faapotopotoga o aiga, ua latou faaaoga le avanoa faapuleaga, ma tupe, ma aumai ai ni auala faakolapu, ua suia ai pulega mautu faaleaganuu o eleele ma suafa o aiga Samoa O i latou e lagolago le malo ma ana faiga faakolapu e matua faamanuiaina, a e o latou e le lagolago pe le talia le malo ma ana faiga, e aveesea o latou aia tatau i o latou fanua ma suafa. O suafa ma eleele o mea totino ia a aiga taitasi. Peitai, ua avea le pule ua ave i le Faamasinoga o Fanua ma Suafa, ua fai ai la latou faaiuga o latou lava e iai le sao lelei o faaiuga uma o faamasinoga i fanua ma suafa: e iu ai lava ina le amanaiaina o suli moni o aiga e ona suafa ma fanua, o isi foi ua faaaoga o le masani faaleMalo po o le faale-aiga e faia ai o le mea, e le moni. O le iuga la o nei mea, ua iai nei i Samoa o se potopotoga o aiga ua latou taua i latou lava o aiga Tupu fou o Samoa. Ina ia faatumauina la latou pulega, ua le tausia ai ma le faamaoni o pulega lelei ma le gatasi. E leai ni sui e faatutu mai e itumalo palota se i vagana ua tuuina ia i latou o le tusi pasi o se tautua i lona itumalo. Ua tuuina lenei tusipasi e se komiti o lo o ua maua ni totogi i vaiaso taitasi mai le Malo. O lona uiga, o le pati fai upufai o iai nei, po o le Pati e leoleo i Aia Tatau a Tagata, na te filifilia sui mo le palota e aofia ai ma taitai mo le itu agai. O le Malo o iai nei, e mananao e tumau pea ia i latou le pule e faavavau. E le iai i lo latou manaoga ni faiga faatemokarasi po o se manuia lautele o tagata uma o Samoa. O lo latou manaoga e faavae i le faaloloto ma le manatu faapito aua ua latou tofoina le suamalie o mea lelei uma faaletino ua maua mai i le Lalolagi atoa; latou te le toe faamamulu la ia avanoa i se tasi lava. Ma e ui ina o loo manino le Tulafono Maualuga o le atunuu ina ia tutusa le faiga o tagata uma, a e o le mea moni ua tulai mai e matautia le faasaua ma le matuitui.

O isi aiga uma o le atunuu ua taofia avanoa e soalaupule i taitaiga o Upu fai o le atunuu. O tulaga o aoga ma le soifua maloloina ua maualalo ma mataga. Peitai e le kea lava iai taitai ona e iai tulaga faapitoa mo i latou ma a latou fanau e malaga ai i soo se atunuu o le Lalolagi pe a manaomia ni fomai i fafo. O mea lelei uma e mauaina e le toaititi: A e mo le toetele o Samoa, e tatau ona ifo i lalo; a le ifo e le maua se mea. O Ekalesia i Samoa ua maoae le paia, ua le mafai ai lava e se tasi ona fesili: Aisea e manaomia ai e le Atua ni tupe? O taitai o Ekalesia ua fiafia tele i le olaga pei ni tupu ona e maua ai mea sili na lelei e pei o meaai, fale, aoga, faigamalaga. O iai ea i nei mea le faakerisiano? O i latou ea le Atua? E taua ea i latou nai lo isi tagata Samoa? Ua tele ina le tausasami aiga ona o le faasao mo o latou taitai lotu ina ia lapopoa pei ni puaa i latou. O Ekalesia, ma le pati o lo o taitai i upu fai o le Malo, e mafana le la faiga uo. E tausi le isi i le isi. Tuufaatasi la i laua ona faapea lea o le la talitonuga, e sili atu i laua nai lo tagata o Samoa. Ua oo mai le taimi tatou te aoao loa i nei tagata pei ni meaola e ola i le soifua o isi, ina ia silafia lelei, o le galuega taitai, o le foai atu lea o lou soifua ma lou alofa i tagata uma, atoa ma le manatunatu mamafa i se tamaititi pito itiiti, toeaiina, loomatutua ma i latou uma o fia maua se fesoasoani. O faiga faatosina, o lona uiga ua pelogia tagata. Ua tele tupu nonoina mai e le HRPP mai atunuu o le Lalolagi a e po o fea ea ua alu iai nei tupe? Manatua na latou tuu o latou tagata o aiga i tulaga maualuluga uma. Ai foi o teuina ma tupe i le aiga. Ua latou fausia Samoa o se atunuu na te faia soo se mea mo se totogi tupe. E taua tele tupe mai fafo i le HRPP nai lo le manuia lautele o tagata o Samoa. O Samoa, o se atunuu pologa a e le o se malo e tutoatasi. Manatua, i le faaiuga o le aso, o le manatu aoao ua tulai mai, o le manatu faapito lava, ma afai la e te le o se sui aloaia o la latou tamai kalapu, o oe ma lou aiga o le a to esea o outou fanua ma suafa. Se mea ina a mataga o i latou ua faamaasiasi i o tatou tuaa. O le pati HRPP lava ua latou faatauina atu i measina a le tupulaga nei faapea le lumanai o tupulaga e le i fananau mai.

Maua Faleauto

12. O MAFUAAGA E ALA AI ONA TATOU FAITIOINA LE MALO Tatou te faitioina le HRPP ona ua talitonu latou o taunuuga o a latou fuafuaga ua faamaonia ai auala na latou faaaogaina, e tusa pe toafia ni tagata na faamanuaina i a latou faiga, po o a foi ni pepeloga sa latou faia, po o le leai o se sueina o tusi faatatau i tupe uma a tagata lautele e ona tupe uma a le atunuu, po o a foi ni tulafono le faatulafonoina na latou aumaia, po o ni le amanaiaina o le Tulafono Faavae faaupuga e puipuina ai latou, a e faataunaina pea Aiga o tagata Samoa faiga le sao, faanana ma le le alofa faiga le mafaufau ma le le faaaloalo i tagata lautele o le atunuu, ma o latou uiga palaaai e ifo toele i tagata mai fafo ona o a latou aisiga mo ni tupe, ma a latou faatosiga a e pulepule tutu i faasalalauga i nusipepa ma leitio ma televise ma avanoa e togafitiina ai o latou mai a e le maua ia avanoa e tagata e nao le oti ua maua soo e Aiga ona o tulaga maualalo ua feagai pea ma latou. O mafuaaga ia ua tatau ai loa ona avees e i latou ua ala tatau ai foi ona faamamaina le eleelea o totonu o le Malo o i latou lava ua faatusaina i ni manu latou te faatamaia le atunuu i ana mau amioga kolapu. E matua faamaasiasiina o tatou tuaa ua mavae e nei taitai palaaai, ma a latou auala matuia ma le faatauna i tagata o le atunuu.

Maua Faleauto

13. O NI FAIGA MA NI SUIGA UA LE TALAFEAGAI MO SAMOA Pe se mea e taliaina e tagata Samoa le tulaga, ua ave uma ma fai ma se toa itiiti o eleele ma mea totino uma tau-Samoa a le atunuu? Afai e na o se toa itiiti e ona mea uma pe o lona uiga ea, ua faavaivaiina ma puleaina loa tagata uma e lea toa itiiti? Ua manino lava o le faasinomaga lea ua mulimuli iai Samoa se i vagana ua tutulai mai loa tagata Samoa e faamanatu i o tatou taitai - ua i tagata Samoa uma lava o aia tatau, o ia aia tatau e le mafai ona aveeseina mai, ma i latou. Pue se ata o tagata o Aiga uma o lo o soifua ona faamanino atili lea i se peni faamanino i latou e lagolago i le HRPP, ona avane lea o se peni lanumeamata e tusi ai se laina i lalo o suafa o i latou e pito i taua ma tutotonu lo latou tofi i totonu o le pati o i latou lava ia ua o latou mananao nei e ona eleele uma i Samoa ma faatauina mea totino a Samoa i tagata mai fafo ina ia faaauau ai pea o latou olaga faale-tagata maumea. E leai se manatu na i o tatou tuaa ua mavae ina ia ave e se toa itiiti o eleele ma fanua ma mea totino uma a le Aiga Samoa. O lo latou manatu o sea tulaga o se tulaga solitulafono lea. Silasila i suafa o tuaa po o i latou o lo o iai a latou saini i le Tulafono Faavae ma ia malamalama, ua iai nei se faaiuga ina ia faaitiitia ma ia faaleaogaina le toatele o le aofai o e tutupu mai ia i latou ina ia le toe iai ni o latou aia i fanua ma eleele a o latou augatama po o tuaa ua mavae, ma e leai foi ma ni o latou manuia e maua mai ia eleele po o ni mea totino o i ia eleele. O ni faiga faapaaga ua faia nei i le va o e matapeapea mai fafo ma taitai faaletonuga, ua mautinoa ai le faatamaiaina o le saolotoga o Samoa ma le faapologaina o se aofaiga toatele o tagata Samoa i luga o o latou lava eleele; e oo lava foi ia i latou ua manatu e faamanuiaina, o le a aafia foi ma toilalo ona ua tumu i latou i manatu fiap oto ma le faasausili fai mai e popoto atu nai lo tagata pito atamamai i faiga faa -Kapitalisi i le lalolagi. E ao ona maua e tagata uma o mea totino mo le olaga fai soo e auala mai lea i le faasoasoa lelei a taitai mo le Aiga Samoa. Afai e le faia lea mea, ua faavaivaiina ai loa lo tatou ituaiga. O faiga faaloloto ua faia nei e le HRPP e maumea ai i latou lava, lona uiga o le toatele o aiga o le a faiifo le soifua talu ai le leai o ni fanua, meatausami, fesoasoani faale soifua maloloina, po o fesoasoani ina ia aoaoina. Ua faaaogaina tagata mai fafo e le HRPP ina ia maua pea e i latou le lelei a e le o le Aiga lautele. Ua manaomia e le HRPP le faaitiitia o le fainumera o tagata. Ua mananao ina ia saga mafatia pea ma leai ni manuia e maua e ni aiga se toatele ina ia tapena ai loa ma o ese.

Pei e moni ai foi le manatu lea - afai e mafai ona faatauina le tau mai le malosi o i fafo e mafai ai e ni tulaga faafuasei faa-natura ona faatamaia se aofaiga toatele o tagata Samoa o se tulaga lea ua fetaui lelei ma le manatu o le HRPP, aua e o ese uma loa tagata Samoa mai eleele ma fanua ona mautinoa lea le ulufale mai o ni tau maninoa mo tausaga e afe ma afe. Maua Faleauto fsmtaua@gmail.com

14. MANATUA LE FAAVAE TUSIA O LE ITU FAAUPUFAI O LE HRPP O Sini e Fitu aloaia a le Itu Faaupufai o le HRPP e pei ona taua i lona Faavae ia Ianuari 1986: 1.Ina ia iai o ni aoaoga i matupu faaupufai mo le atunuu ma ia iai foi ni taitai e faatinoina ni taitaiga e mafai ai ona malu puipuia aia tatau, saolotoga, avanoa faapitoa ma le tuusaolotoina o tagata Samoa ma tagata taitoatasi; ina ia puipuiina o latou manaoga tau latou lava, puipuiga o le toafilemu, faamalumaluga ina ia maua mea taua o le soifuaga, atoa ma le manuia lautele i luga lo latou lava eleele; ma ia iai o ni ofisa faavaeina latou te faalauiloaina ma faamaonia mo tagata lautele le mauaina o se soifua manuia e ala i atinae o le tamaoaiga tau tupe, atinae o aoaoga, soifuamaloloina ma tulaga uma mo le solosolo lelei o le soifuaga a e maise le itu i le auai o tagata uma i le atinaeina o tulaga faaupufai o le atunuu. 2. Ia tausi ma puipui ia malu le Tulafono Faavae o Samoa 3. Ina ia faalauteleina ma aoaoina i le Aiga o Tagata Samoa atoa ma i latou taitoatasi le agaga o le tutoatasi, le galue mo i latou lava, le galue ma le malosi, le le fefe e tau atu, ma le faamalosi ina ia maua pea o le manuia. 4. Ina ia unai ma faamaonia atili le puipuiina o tulaga faa-tauaina i Samoa e ala mai i puipuiga i totonu o Tulafono Faavae ma nisi puipuiga i totonu o so o se Tulafono Faavae ua faia e ni Malo ua faatuina i Samoa. 5. Ina ia fuafuaina ni auala e fofogaina ai tagata Samoa e auala atu ai faamatalaga faaleaoaoga i tulaga faaupufai o le atunuu po o tulaga i le lalolagi atoa ai ma tulaga taua mai nisi foi aganuu mai fafo e pei o le poto faale- aganuu, faa-musika, faa-filosofia, faaletamaoaiga po o nisi lava matata faapitoa. 6. Ina ia faalauiloaina ma faatupuina auala mo le atinaeina o tulaga manuia o le olaga o tagata o Samoa. 7. Ina ia faatinoina tulaga uma faatulafonoina ua manaomia, ma fesoasoani malosi i le faataunuuina o Sini ua tuufaatasia i lenei tusitusiga faavae. Ou te valaau ma faalauiloa atu ina ia toe foi le Itu Faaupufai o le HRPP i sini pei ona i lona Faavae mai le amataga. I tulaga o le atinaeina o lo tatou Aiga Faale-Sosaiete o Samoa, e mafai lava ona tatou faia pei foi o isi atunuu. Tatou te le manaomia ni tupe ina ia mautinoa ai - tulaga lelei o lo tatou tamaoaiga, tulaga mo le amanaiaina o aia tatau faaleaganuu ma isi aia tatau faale potopotoga o tatou tagata. A e manaomia tele ni taitai ua iai le loto ma le agaga alofa mo o tatou tagata. Ua tau mai i se faaupuga, o le atamai e aunoa ma le amiotonu o iai ma le fai togafiti.

O le uiga o le upu cunning i le Concise Oxford English Dictionary, o le poto lea e faaaoga ai le fai togafiti po o le sola ese mai le mea moni ina ia maua lona lava manuia.

15. AISEA E MATITIVA AI ATUNUU MATIVA? I lana tusi o lona ulutala ou te faaSamoaina, Tagata Poto Faapitoa I mea tau atinae o leTamaoaiga na galue faalilolilo, lomia ma faasalalau e Little, Brown I le 2006 (lolomi faa fa I le tausaga lava lea 2006) Hbk ISBN 0 316 732931; C format ISBN 0 316 731 161, o lo o tau mai ai e le tusitala o Tim Harford (Timi Hatifoti) le mafuaaga e ala ai ona saisaitia e le mativa tagata o atunuu ua malosi ai le mativa. E amata lana tusi I le tau mai o se tulaga moni e faapea o tagata ua iai le tomai o le atinaeina o tamaoaiga sa masani ona talitonu e maua mai le oa ma le tamaoaiga tau tupe mai auala eseese e faaaoga ai le malosi o le tagata ( e iai auala, o fale gaosi oloa, masini faumea, fesootaiga I telefoni), o le malosi faale tagata (galue malosi ma le aoaoina o le mafaufau) atoa ma le malosi faale tekenalosi (le poto faatekenolosi pei o le faaaogaina o masini tetele). Fai mai a Hatifoti, ua mautinoa lava o atunuu matitiva e mafai ona atinae ma avea ma atunuu mauoa ina ua faaaogaina tupe i auala eseese pei ona taua I luga, aofia ai ma atinae o le tomai faatekenolosi o e galulue e ala I aoaoga ma polokalama mo le siina I luga o le malamalama faale tekenolosi. Aisea la ua le mafai ai e atunuu matitiva ona oo atu I le tulaga o atunuu mau oa a e o lea e tetele fesoasoani mai fafo ma atinae mai I fafo ua faatinoina I totonu o atunuu matitiva? Fai mai Hatifoti e tatau I atunuu matitiva ona iloa atu o ni faamaoniga ua siI I luga tulaga ina ia pei o atunuu mau oa pe a fai ua faalelei ma faaopoopo ni atinae ua faamaonia e tagata le aoga o ia atinae mo lo latou soifua. Ua fai mai Hatifoti o se mea moni lava o atunuu e iai Saina, Taiuani ma Korea i Saute, Potesuana, Sile, Maulitia ma Sigapoa, o atunuu ia ua pito masau le atinae o latou tamaoaiga i le paneta a e i tausaga e limasefulu talu ai sa leai ma le lava le malosiaga e fau i lima, malosi tau masini, po o mea totino faanatura. Peitai ane, ua mafai ona ausia tulaga o le mauoa talu ai ona maualuga tulaga o aoaoga, tulaga faatekenolosi ia ma tulaga o le fausia mo le faatinoina o atinae. Fai mai Hatifoti o le leai o ni faamaoniga o le alu I luma o atinae ua mafua lea ona ua faoina mea totino o se atunuu e ona taitai. Fai mai Hatifoti, o le manatu o se tasi foi alii e iai le atamai tau le atinae o tamaoaiga, e suafa ia Manour Olson (Manoa Olesone) o le mativa o lo o i atunuu matitiva e mafua mai lea i le mautu o ni pulega pulepule tutu e le tupu ai le atinae o tamaoaiga. O se taitaI pule pule tutu e manatu lava na o ia, na te silafia e le aoga na talepe le atinae o tamaoaiga ma faatupu le tulaga galala I tagata pe afai e manao ia pule pea; aua afai e faaalu uma le malosi o le atunuu I le taimi e tasi o lona uiga o le a leai ai ni mea e gaoi I le isi

tausaga e sosoo ai. A lagona e le taitaI pule pule tutu lona saogalemu I lona malosi faale-taitaI, na te le titina I le pipi (o I latou e ala mai ai le oa) e maua mai ai fuamoa auro. Na te le talepe le malosi o le atunuu o lo o maua ai avanoa e tele na te faaaoga mo lona lava manuia. Faapei o faamai e faalagolago lona sosolo i le tino o lo o tupu ai, e faapena foi le taitai pule pule tutu ona manao ia ola le atinae o le tamaoaiga ina ia mafai ai pea ona gaoi mai ai. O lenei faataitaiga mai taitai i luga, e ala mai ai o le mau au faomea ma le au gaoi i so o se mea. O I latou lava e umia tulaga I pulega maualuluga ma e manatu lava na o I latou, ma e tauivi foi mo latou, o I latou lava le mafuaaga o mafatiaga o e matitiva, talu ai e leai pe ua aveesea foI o tulaga e siaki ai le kolapu (amio piopio), ina ia mafai ona puipuia mai ia tulaga. O le aoaoina o tagata o le atunuu, o se mea lea ua faamulimuli i auala e maua mai ai ni polofiti. O le tuu ai pea o tagata ia le iloa se mea ma faigofie ona faaaoga i taimi e manaomia ai, o se auala moomia lea e tumau ai pea pulega tutasi faaupufai. O pulega faale aganuu ma tagatanuu e le aoaoina, latou te le silafia auala e faalelei ai pulega ina ia amiotonu, latou te le malamalama foI I auala maoae soli tulafono o lo o taatele I atunuu palagi ma faaaogaina e maunu ai mea totino ma fanua a nai tagata o e nofoia muamua ia atunuu. Afai o se atunuu mativa e taitaI ai se tagata faomea, o lona uiga e taatele foI le au faomea aua e manaomia e le taitaI faomea nisi tagata ina ia faomea ona faapena ai lava lea ona lagolago e le faomea o le isi foI faomea. I le tumutumu o nei pulega faafatufatu I luga piopio, e iai o tupe ua faoa mai le atunuu pe faatusa i le tai miliona po o piliona foi. AgaI mai I lalo o le faa apefaI o le tamaoaiga ma le oa, o atinae e tatau mo le manuia o tagata, ua le faatinoina talu ai o tulafono ma polesi ua le o faasino ma faamalosi ai ni pisinisi e siI ai I luga le manuia o tagata uma. O le apogaleveleve o le piopio ma le le faamaoni o lo o taofia ai I totonu taumafaiga lelei e ao ona fai ina ia solo I luma polokalame tatau mo le faaleleiina o atinae (pei o auala, vai, eletise), faatosina le inivesi atoa ma le faaleleiina o le tulaga o aoaoga.

O le le faatuatuaina e le atunuu e tupu ai le tulaga e laulelei le isi taifau I le isi taifau ma e o

tulaga faapena e tulaI mai ai I le toatele le manatu faapito e fai le mea e faaleaoga ina ai o so se tasi. E amata mai le leaga e le Malo a e aafia ai le atunuu atoa. E leai se aoga e te inivesi ai I sau pisinisi aua e le puipuiina mai faomea oe e le Malo. A e pe sili ea la ona avea o oe ose faomea? E leai foI se aoga e sue ai se aoaoga ona ua le toe faalagolago le maua o se galuega I lou aoaoina lelei ma lou tomai a e ua maua galuega ona o auala piopio ma fesootaiga faaauala I tua atoa foI ma le mea moni ua le toe iai ni aoga faatuatuaina mai le Malo. O pulega lelei ma le tonu ma le atinaeina o le tamaoaiga e ao ina faasino tonu I se soifuaga lelei mo tagata taitoatasi, avanoa se tele mo filifiliga fai, faaitiiti o le nofo matau, le nofo galue a oti ai, ma le mau faigata o le olaga. O le faatagaina o se toaitiiti e manatu faapito e fai a latou faiga I le oa o le atunuu o le faatupuina lea o se atunuu e le malamalama, e le malolosi ma e e faigofie ona faaaoga ma faasauaina I ai. E tatau ea ona faamanatu I le toaitiiti manatu faapito - o le malosi moni ma le paoa e I tagata o le atunuu lea? O Samoa ea o se Kalepetemokarasi?* Maua Faleauto fsmtaua@gmail.com

*Kalepetemokarasi e faasino I pulega e faomea ma solitulafono.

16. NA O UPU LAITI MA LE LEAI O SE LEO E FAALOGOINA O le mea o lo o tupu nei i Samoa, o le talepelemuina o ona tagata faapea ai ma le atunuu fou sa folafolaina mai i le amataga I le lio faataamilo o lea galuega talepe, na o nai upu laiti lava, ma se leai o se leo e faalogoina. O le Faatemokarasi e faasino lea i le faiga o tonu poo fuafuaga: e na o sina taimi laititi lava e taua ai le taua o faatosina mo faiga palota lautele.

O Lana folafolaga mautu, o le faia lea o tonu faaupufai o Malo ina ua maea ona talanoa ma maua mai se finagalo o tagata o le atunuu. E faalagolago lea i le malamalama lelei po o le silafia e tagata uma o mataupu tetele o lo o faafesiliina, atoa ai ma le iai o se tofa i taitai, ma i latou tofia, e talia ai le faafofoga atu ma se faatauaina o finagalo e faaali mai. So o se ituaiga tetee e faasino agai i faasalalauga faatosina ma le faaseseina ua matuai tatau ma onomea lava lea.

O i latou na fuafuaina le talepeina o Samoa e maluluina, fai togafiti ma leai o ni o latou fatu. O i latou mai fafo e leai ni talitonuga; a e na o le faaloloto. Na o i latou lava e mafaufau i ai. O le faataitaiga maitaulia o le mumusu o le Pati e puipuiina Aia Tatau a Tagata (HRPP) e puipui aia o tagata Samoa a e o lo o fai mai le Faavae tusitusia o la latou galuega o le puipuiina o aia tatau uma ma aia faapitoa. Ua mumusu i latou e tuu se faamuamua i mea e ao ona muamua a e ua tasi lava le vaai na o le tuliina lava o le tupe ia maua. Ua latou saili e aveesea se fiafiaga ona o le FaaSamoa e ala mai i la latou pule malosi. I le lalolagi atoa, o ni laufanua tetele sa masani ona taua o nofoaga mao tua ua vaevaeina nei i vaega faa sonu (zone). O le amataga o le talepeina e tatau lava ona amata mai i se mea e ese atu po o ni manaoga faa faapotopotoga o ni tagata fai pisinisi ua faateteleina le fia faaopoopoina o le oa o lona uiga ua mananao e faaaoga o measina a le atunuu pei o eleele ma vai e tusa po o ai e ona ia mea totino.

O le sailiga talepe, e sosoo ai ma le manaomia o ni malae vaalele, o ni nofoaga faavaegaau ma nisi e fesoasoani i vaegaau ina ia latou puipuiina, le mea o manaomia mai le atunuu, ma puipuiina ni fesootaiga ma i latou o le atunuu o lagolago ni fuafuaga e le faatulafonoina ma e faanana foi. ( O le Tulafono mo le Malosiaga Faa Leoleo 2007) O i latou e iai tomai faapitoa e asiasi

mai po o latou foi o ni Aitu e ave iai le faatagana i luga atu o le tulafono, e iai foi ma laisene e mafai ai ona faaumatia i soifua o tagata faatasi ai ma se puipuiga faapitoa e le moliaina ai mo ni faasalaga. E mulimuli mai ai ma ni taua i le va o tagata lava ia, po o ni oge ua leai ni meaai, po o nisi foi faaumatia soifua i ni vaega o tagata lautele. ( Faitau i le tusi a John Berger O le Hold Everything Dear- po o le faaSamoaina Uumau i Mea Ua Pele ia te Oe - O ni faasoa atu faatatau i le Fia ola ma Teega i auala ma faiga televavave i le kelope). Au uo e, fesili i la outou Malo pe aisea ua latou tuulafoa o tatou tagata?i Pe e te le o maofa ea e pei o au ona o le fiu lava e fesili atu i le Malo po o i latou e lagolagoina le HRPP e faaali mai ni o latou manatu i mataupu faaalia a e na o le leai o se leo. E faapena ea la aoaoga i Samoa i lalo o le taitaiga a le hRPP? Ou te tau atu nei i Samoa uma i le lalolagi atoa SILASILA MAIA UA UMA ONA TUPU NEI MEA OU TE FAI ATU AI I ISI FOI ATUNUU. O i latou e faaaoga auala televavave i le lalolagi ua uma ona latou talepe i tu ma aga faaleaganuu a tagata muamua, i le faaogaina o tulafono piopio, o faiga e fesuiai ai le mea tonu atoa ai ma amiooga sese faanana. Latou te ave faanana o mea a isi. Latou te faafiti i le Atua. Latou te gaoi i le ogatotonu o le po ma fapipi i atu i latou ile lalolagi o tagata ma faiga piopio matuia. Latou te faataua lava na o le tupe. O le avea o se tasi ma sui tofia e fai o upufai o malo, e le o se tofiga e fai ai le faaloloto i soo se itu. A e o se tofi taua e auauna ai ma puipui i tagata.O outou sui tofia, e manatuaina pea o outou na faatauina atu Samoa i tagata mai fafo. O se mea tatau lava ona faamuamua i soo se malo mulimuli mai, o le faailoaina atu lea o le tulaga o le tala i le tupe atoa ai ma tupe ma mea totino uma a sui tofia. Ua fai lava ma au mea masani le tau atu i le Atunuu, o le Pati e Puipuia Aia Tatau a Tagata (HRPP), ua faifai pea lo latou taaalo i tupe a tagata (o le atunuu). A e pei ona saunoa mai o le alii o Starhawk, O felafolafoaiga ma faiga tonu e leai se aoga pe a leai ma se faautautaga loloto e faatino ma le faamaoni ma le alofa. E uma ane lava ua na o ni faamatalaga na ona tuu mai i tagata ma aliali mai ua matua tigaina i latou a e o le mea moni o a latou fuafuaga faasaua ua

faaauauina pea lava pea, e le faaitiitia.

Maua Faleauto

17. IA LE TALIA SE MALO SE I VAGANA TULAGA IA Ia le taliaina se malo sei vagana ua ia fafagaina o tagatanuu i tausami taua e tolu o le aso atoa ma tausami mama e tolu i aso taitasi o le tausaga!

O ni upu ia i le tusi a Polofesa Phillip Bobbitt i lana tusi ou te faaSamoaina, O le Fefe ma le Ioe: O Taua o le Seneturi Luasefulumaletasi, 2008 Lolomiina ma faasalalau e Alfred A. Knopf. O se setete e faasagatau i ona lava tagatanuu, o se setete lea e iai le faamatau e tusa pe ese le faasinoga a lona Faavae. O le Setete tau faamatau na te puipui ina ia aua nei faalauaitele se agaga tumaoti ua i se tagata, aua afai e mumusu tagata e faatonu atu latou, ona faigata lea ona toe faafoi i le tulaga o le talia ma le filemu o se mea ua tuu atu iai. O le sini faa le taua o le setete e iai le tau faamatau, ina ia faatupu le fefe ma le matau i tagata, ma, i totonu o na faalogona o le a le mafai ai loa ona faatino ma atinae ni mafaufauga alu i luma e faasino i le filifiliina o sui faiupufai, fuafuaga tatau i auala faatemokarasi, po o manatu i le faatinoga o maketi o mea faatau, faatinoga o le saolotoga e tapuai i lau lava tapuaiga, ma isi lava aia tatau a e maise aia tatau o le itupa o tina, aia tatau o e pito i vaivai i le tulaga faatupuaga, po o se potopotoga o ni tagata e ese la latou gagana. O le moni o pulega faaupufai o malo, o se mataupu lea ua faatulafonoina. Pe o le faafeagai foi e faapea, o pulega faaupufai o malo ua faatulafonoina, o le mataupu lea i le faatumauina o le mea moni. I le Setete o Amerika, o nofoaga fai faamasinoga latou te faatumauina le faamaoni o galuega faatino a le malo ina ua tausisi pea ma mulimuli i faasinoga a le Fa avae Tusia o Amerika. E leai se galuega po o se faatinoga a le malo e faataga e le tulafono se i vagana e lagolago le agaga ma le faasinoga a le Faavae (Itulau 242). O i latou uma ua lagolagoina le malo ina ua tuuina atu lo latou maliega, e iai tutu sa ia te i latou o le talitonuga e faapea, o pulega e faaaogaina ai tulafono, o se tulaga tatau lea i pulega e moni aua o le puipuiina o o tatou aia tatau, o le pogai lena na ave ai le puleaga i le malo i le amataga. (itulau 285). O se tulaga ua iai se maliega tutusa, o lona uiga ua mafai e tagata uma ona faaaoga o lona aia tatau i i lona ia lava finagalo malie ma e iai le taua o lenei tulaga ina ua tuuina finagalo autasi e lagolagoina ai o tulafono uma. A e peitaI ua maitauina e Machavelli ma Walzer e lua tusi tulafono e faatatau i le amiotonu tasi mo tagata uma ma le tasi mo le au faipine a le malo.

Na tusia foI e Juan Forero I le nusipepa New York Times Iuni 24 2004 ua ou faasamoaina O Tulaga faaopoopo ma le Mativa O se taumafaiga o le OnosaI I totonu o le Faatemokarasi O le tulaga le tutusa o tagata, ma le mativa ua matua faateteleina i Amerika Latina ua iu ai ina faatulai taitaI e ni tetee matautia ma ni feteenaiga, po o le tulei ese foi o sui fai upu fai o malo e potopotoga a tagata ua le malilie ma tumu i le toatamaI ua toatele ai o tagata ua mananao i le talepe nai lo faiga faatemokarasi e faalafi ai tua le soona fai o a latou mea totino ua aveese faamalosi mai ia te i latou. William T. Vollman itulau 297, lana tusi ua faaSamoaina O le ea i luga ma le ea i lalo O ni manatu faasino i tulaga Vevesi faaoolima, Le Saolotoga ma Auala Faafuasei lolomi ma faasalalau e Gerald Duckworth & Co. Ltd. 200 A fia iloa atili: inquiries@duckworth-publishers.co.uk Fai mai o le faailoga e iloa ai le pule e le o faatulafonoina o le : - Pe a nofo lava le pule ma sui le feagaiga faakonokalate i lona lava manao pei o le faava e po o tulafono O lana faamatalaga o pulega le faatulafonoina e aofia ai: - Pe afai o sui tofia o tagata lautele ua le o toe avea ma fesoasoani i tagata a e ua avea ma tagata ua puleaina tagata. Pe afai ua faamalosi faiga a le malo a e le faia ma le alofa. Pe afai ua le toe faatupu e le setete le tamaoaiga o ona tagata a e ua faatupu le mativa Pe afai e le faatupu le saolotoga a e na o le taofiofi ma saisaitia o tagata Pe afai e fefefe a e le malutia tagata i lalo o pulega a le Malo Pe a le mafai e tagata lava ona faaaoga o auala filemu e toe faafoi ai i tulaga moni o le feagaiga faakonokalate. Ona ua faaaoga o faiga faamalosi ma tupe e faatumauina ai le pule. Ua fai mai o ia ua tatau ai loa ona ea i luga po o le tulai Pe afai foi ua fafauina lava o faiga ina ia saga maua ai pea o le pule Pe afai foi ua le toe talanoaina ma fai felafolafoaiga i mataupu taua ua aafia ai le soifua ma le manuia o tagata o le atunuu Pe afai foi ua matua leai ma se manatunatu alofa i tagata Pe afai foi ua fai ma sini le faaleaoga o aia tatau o tagata ua puleaina Pe o le leai o se mapuea mai le pologa i mafatiaga ua mafatia ma le malilie ai tagata Pe ua faapologaina uma le toatele e le vaega toaititi o lo o ua i tulag a pule Pe afai ua faaaogaina le pule i ni tulaga faa topelau e faafitia ai aia tatau muamua ma le saolotoga o le toatele o tagata Pe afai e le savali i le tulafono pulega mai le amataga e pei o faatosina po o amio kolapu i taimi o faiga palota. Samoa, o le mea pito i tau faafefe mai i nei taimi mo tatou, o le leai o se leo e lagona o le

Malo i taimi o loo tulai mai ai ma manino le mau kolapu O upu e pei o pulega lelei, temokarasi ma pulega faatioata, ua faaaogaina e o tatou taitai ua pei ia upu e leai ni uiga. Ua fai mai i latou ia te i tatou, o ni matupu ua tulai mai i le atunuu ua fai lava si mafamafa ma e manaomia ai le valaau i lea taimi ma lea taimi, o le Fesoasoani mo le Faasaoina o le atunuu. Na ofoina mai e tagata i fafo se puipuiga o aia tatau faale aganuu o Samoa. Ioe, o Niusila lava na ofo mai e ui sa na ia le amanaia o aia tatau o tatou ituaiga po o tagata Maori. Ua ou tuuina atu ai loa o se lui. Samoa, aua le taliaina se malo sei vagana e mafai e lea malo ona fafaga o tagatanuu uma i tausami taua e tolu o le aso ua iai i totonu o le lelei atoatoa, faapea foi ma tausami laiti e tolu i aso taitasi o le tausaga. Atonu o lea lui o le a le mafai ai loa onatoe fai mai oni togafiti faaSifi i tagata. Maua Faleauto

18. NA FANAU MAI MA LE SAOLOTOGA A E LE O LE POLOGA

O se Ta'utinoga O Le Tulaga Tuto'atasi O se fiafiaga i lo'u tama, o lana masani lea e ta'u mai ia te a'u le atali'i, o ia na fanau mai ma le sa'olotoga. I o latou aso - Sa mafai ona ola ma tuputupu so'o se tamaititi ona o le tele o le tamao'aiga e amata mai lava I le vaomatua e o'o atu I le sami. Sa iai le 'oa i tausami na afua mai i 'ele'ele ma fanua - o 'ele'ele ma fanua Samoa ia o tatou tua'a. Tele le vai taumafa manino na maua ma le sa'oloto, e pei o le suasusu mai se tina failele e fou, ma o se mea alofa mai Le Atua. Na maua fua ma le leai o se fa'atapula'a o vai e inu, o fa'i pula ma popo na ola solo I le si'osi'omaga. E o'o fo'i I le sua o le meli, na mafai fo'i ona maua fua ina ua tala feagai ma taimi o sa'iliga. Na a'oa'o mai lo'u tama, o le tagata Samoa, o le atali'i lea e sa'oloto mai Le Atua, ma, e leai lava se isi mea e toe mana'omia. O le Itu Fa'aupufai ua ta'ua o le Itu Fa'a Upufai e Puipui Aia Tatau (HRPP), ua manana'o o i latou, e pule i le vai e ola ai tagata ; ma ua manana'o I latou e toe fa'atau mai I tagata Samoa o e e ona le vai e pei ona tusia I le Fa'avae Tusia o Samoa. O le HRPP fo'i ua latou faoa 'ele'ele ma fanua o aiga, ma fa'atau atu I le maketi o fefa'ataua'iga a e aunoa ma se talanoaga ma I latou e ona ia 'ele'ele ma fanua po sina sene e totogi ai. Ua manana'o lava I latou ina ia nofo pologa tatou, ma a tatou fanau ua le I fananau mai ma, ua faia lea mea I totonu lava o lo tatou atunu'u. Ua le toe maua fua o ni vai mani taumafa mai 'ele'ele ma fanua. Ua leai se nofoaga to'afilemu mo se tamaititi e ta'oto ai I lalo e aunoa ma se nofo pologa I le totogiina o tupe mo le fa'aaogaina o le fale, po o le faia o lafoga I le Malo. O 'ele'ele ma fanua ua mana'omia ai le totogi o lafoga I le Malo, o fanua ia e mafai fo'i ona 'ave'esea e le Malo pe afai ua le gafa lona totogiina. Ua lava lea, ma lava loa. Ua o'o mai le taimi e tula'i 'ese ai loa Aiga mai lenei Malo faomea. Ua o'o mai le taimi e ta'utino atu ai le sa'olotoga o Aiga e tusa ai ma Aganu'u po o le Fa'aSamoa. Ua tatau ona tula'i ese le Aganu'u ma Aiga mai le fa'ale Malo po o le Setete fa'aleMalo. A le seanoa o tatou Aiga ma lo tatou tautua punoua'i, e leai se Malo. E latou te le o aloa'ia lava o tatou aia tatau a e maise le Fa'avae Tusia o Samoa. Ua latou fa'aaliali mai le Tulafono Resitalaina ai Fanua ma Suafa (LTRA 2008), ua 'ave'eseina ai le pule tuto'atasi o Aiga uma o Samoa I o latou fanua ma tu'uina atu I le Malo e pule Tasi ai, ma maua mai ai a latou tupe mai lafoga ma tupe totogi mai tagata lava e ona nei 'ele'ele ma fanua. Ua ou fa'aigoaina le 'ave'eseina o le pule a Aiga Samoa e le Malo o se tulaga ua matua fa'alataina ai e le Malo o lona lava atunu'u o Samoa, talu ai, ua fa'asaina e le Fa'avae Tusia o

Samoa o lenei tulaga o aia tatau tau le aganu'u I 'ele'ele ma fanua tau le Aganu'u se I vagana ai ua ua iai se maliega a le luavaetolu o se palota fa'alaua'itele. A e peita'i, ua atili ai ona solia le Tulafono Fa'avae o Samoa, ina ua sainia e le Ao o le Malo Samoa o le Pili Fa'atatau e ui o lo o tusia manino I le Fa'avae o Samoa e le fa'atagaina sea tulaga. I le ma lea, o le Tulafono e Pulea ai Vai 2008 na fa'atagaina ai le Malo o Samoa e fa'atauina vai taumafa o Samoa, e kamupani mai fafo. E mafai fa'apefea e tatou o Samoa ona puipuia le fa'atauina atu o o tatou 'ele'ele ma fanua ma a tatou mea totino pe afai ua pulea e se kegi soli tulafono le fa'afoeina o 'upu fai o Samoa? O 'auala nei e mafai ai ona toe manumalo lo tatou tuto'atasi mai lima ole Malo solitulafono Ia tatau loa ona alo I fonotaga o Fono a Nu'u uma. Ia tatau loa ona savalia fa'ata'amilo tua'oi atoa o itumalo uma. Ia iai o ni taulele'a malolosi mai itumalo ta'itasi ina ia le fa'atagaina ona ulufale ma soli fanua . Ia tatau ona folafola loa se Aso Malolo mo galuega ma tapuni uma auala mo se aso e tasi ina 'ia ta'u atu I le atunu'u ua tuto'atasi nu'u ma itumalo. Ia logoina I se tusi, le Loia Sili a le Malo o le a tu 'ese mai itumalo mai le Malo ma e le toe ulufale lava se tasi I totonu o le itumalo vagana ua fa'atagaina se talosaga I le Fono a Matai o itumalo ta'itasi. O 'ele'ele ma fanua ma aia fa'a le Aganu'u I mea totino uma e aofia ai ma vai uma, o tagata o le nu'u ma aiga o itumalo, o I latou ia e ona ia meatotino. Ia tatau loa ona vaevae Samoa I Setete Tuto'atasi e fa'avae i ona Itumalo fa'ale Aganu'u. Mai lea vaevaega ma fesuia'iga e tatau ai loa ona maua o se tino fa'a Upu fai a Samoa e fa'aigoaina Setete Tuto'atasi o le Malo o Samoa. Ia tatou ta'utino atu loa, lo tatou fa'amaoni atoatoa I le Atua, o o tatou Aiga ma Setete uma o Samoa' E tatau ona fa'aaoga loa lo tatou mana'oga tutasi, ina ia 'ave'ese loa o I latou e ono faoina o tatou sa'olotoga. O le a le aloa'ia lava ni ta'ita'i e le aloa'ia tatou. Ia tatau loa I itumalo ona a've'esea o latou Suafa, ina ia taofi ai loa o le le amana'ia e I latou o aia tatau a tagata o le nu'u ua latou fa'aaogaina ma le le alofa. Ia soloia loa le Palemene ua tumu I uiga maasiasi.

Ua leva fo'i ona tagi atu I nei Sui faomea o le HRPP ma alaga atu fo'i i le Atua A e ua fuli mai o latou tua I le Atua ma Ona tagata. Ua tatau nei loa ona tula'i ma fa'ama'oti le tuto'atasi o Itumalo uma fa'ale Aganu'u ina ia mafai ai loa ona toe maua o se Tasi o Samoa I lalo o le pule fa'amalumalu a le Atua ma le fa'ale Aganu'u Samoa. Ia I latou e le o ni Samoa, e talosaga atu ina ia outou silafia o matou naunautaga ina ia tumau le filemu ma le aloa'ia o matou aia tatau fa'ale tagata soifua. Ia outou silafia o matou naunautaga mo pulega malamalama ma le manino, ma pulega e le o iai I totonu ni fuafuaga le tonu ma le le tausa'afia (corruption). Ia outou silafia lo matou onosa'i I tausaga e tele I lenei Itu Fa'a Upufai o le Malo ua fa'aauau pea lo latou le agava'a. Ia outou silafia lo matou naunauta'i ina ia tu'umuli tagata mai I fafo ina ia fai lava e matou a matou tu'utu'uga e fa'amamaina ai lo matou fale i Samoa nei. 'Aua ne'i aumaia ni fitafita tau mai atunu'u I fafo e fa'alavelave I a matou fuafuaga e 'ave'eseina ai e ua pulea fa'amalosi si o matou atunu'u o Samoa. Maua Faleauto. BA LLB