NILAI THUPUI ZIR PUITU

KTP CHANCHIN - A TIHDIKNA LEH SAWIBELH DUH TAN

- VL Muanchhana

Page Zat hi Zanina zir tur NIlai Thupui bu phek a ni 1. KTP Day atana kan hman February 22 hi Provisional Committee din hun tih hi a dik lo. (page 115 & 116) Hrilhfiahna a hnuaiah. KTP Thupui Rawngbawl tura chhandam tih hi a din tirh atangin a ni reng a, mahse chang thlan hi a tir chuan 2 Timothea 2:3 Krista sipai tha tak angin hrehawm mi tuarpui rawh tih a ni a, April 16, 1962-a inhruaina dan thar siam chuan tuna kan chang thlan Ephesi 2:10 Thil tha ti atan KRista ISuuah chuan siama awmin ama kutchhuak kan ni si a chu thil tha tih chu kan awmna turin Pathianin a buatsaih lawk a ni tih hi tun thlengin hman a ni ta a ni. (Page 116) Zanin kan zir turah Bial KTP Conference hi January Pathianni hnuhnung ber hmangin a tih hi a dik lo bawk. 2011 Bethlehem Rorel Inkhawma kan inhrilhfiahna hi a hnuaia mi ah hian a chiang mai awm e. Pathianni Vawi 4-na hmangin BIAL KTP CONFERENCE hi kan hmang thin tih tur a ni. January ni 1 hi Zirtawpni, Inrinni leh Pathianni-a a tlak chuan Pathianni vawi 5 kan nei thei a, a hnuhnung ber tih hi a dik lo a ni. (Page 117) NEICC Youth Association tih hi NEICC Youth Assembly tih tur. Kar hmasa Hmeichhiaa pawh khan Association ni lovin Assembly tih tur. (Page 117) General Conference neih loh kumah Rorel Inkhawmpui tih pawh hi, Rorel Inkhawm tih mai tur a ni a. General Conference pawh hi Pathianni vawi 2-naah neih a ni thin a tih pawh hi Pathianni vawi 1-naah reng kan nei, Kohhran Hmeichhie Inkhawmpui Lian nen hian Pathianni vawi 1-na ve veah neih thin a ni a, Rorel Inkhawm nei zawk zawkin Pathianni vawi 2-naah. Mahse SEC thuchhuak angin KTP General Conference leh Rorel Inkhawm hi pathianni vawi 1-naah neih thin tawh utr a ni a, Kohhran Hmeichhe Inkhawmpui Lian leh Rorel Inkhawm hi Pathianni vawi 2-naah neih thin tur a ni tawh dawn.

2.

3.

4.

5.

KTP : Member Zat - 1,31,085, Bial Zat - 178, Branch - 793 Kristian Thalai Pawl hi a tobul hi nasa taka chhui tawh a ni a. Tun dinhmunah hian chiang taka ziaka hmuh theih chinah chuan KTP tana ni pawimawh deuh deuh a awm a ni. NOVEMBER 27, 1953 : Hei hi Pi Zokhumi, KTP Secretary hmasa berin Pastor Bial hrang hrang lehkha a thawnchhuah kum 2004-a hmuhchhuah a nih atanga hriat a ni. Chuta Pi Zohmumi lehkha thuziak tlangpui chu Pute u, Tunlai thil awmzia enin kan kohhran chhunga thalai awmte hi mumal nei deuh taka suihkhawma a, Krista rawngbawl tura an mawhphurhna hriatchiantir lehzual hi tul hle tain kan hria a. Chumi lam sawihona nei tur chuan ni 27.11.53 zan khan Teachers Training School-ah Aizawl mi pawimawh deuh deuhte leh thingtlang Middle School Staff hote sawmin inkhawmna kan nei a. Sawihona kan neih zawh hnu chuan , Thalai Pawl din phawt hi tul ta berin kan hria a. TIchuan Provisional Committee kan thlang nghal a. Chung mite chuan Constitution an buatsaih zawh hnu chuan Synod Standing COmmittee nemngheh turin an thehlut a, annin remtihna an rawn pek hnuah chuan Thalai Pawl chu din ngheh tak tak theih a lo ni ta. Tunah hian kan dan (constitution) copy chu Pastor Bial tinah kan rawn thawn che u a, a that lohna te in Bial thalaiten lo en ve se la, conference hunah siam that rawt theih a ni ang.... In naute /Sd/-Zokhumi, B.A. (Hons) Kristian Thalai Pawl Dated, Aizawl 25.2.54 FEBRUARY 16, 1954 : Hei hi Synod Standing Committee thurel no. 3-in KTP din a hriatpui leh hmala zui tura an pass Ni a ni. Kristian Thalai Pawl din thu -: Kristian Thalai Pawl kan SYnod hnuaia awm tura din tumna leh an lo ruahman dan an Probatory Organising Secretary, Nula Zokhumi, B.A lehkha kan lo hmu a. Heti

anga tumna an lo nei hi lawmawm hlein kan hria a. Lo din phawt se la , a tul angin lo ngaihtuah zel a ni ang chu, kan ti. FEBRUARY 22, 1954 : KTP Minutes bu hmuh theih hlui ber. Kum 1989 February 23-26 chhunga Khawzawl Venglaia General Conference neihah khan KTP Day atan pawm a ni a. Hetih hunlai hian a chunga Document-te November 27, 1953 leh February 16, 1954 pawimawhna te khi haichhuah ala ni lo. SEPTEMBER 23-26, 1954 : General Conference neih hmasak ber. Teachers Training School, Mission Veng-ah. Hemi In hi tunah a awm tawh lo va. Kan hriat theih dan tur chuan Sikulpuikawn atanga Synod Office pan thlakin Synod Office main Gate thlen hma ding lama State Bank awmna thler thla Mendus Building Biak Inpui hnaih lamah hian a awm thin. September 25, 1954(Inrinni) hian Rorel leh Inthlanna hmasa ber neih a ni. SAWI ZAUNA : Tun kar August 21, 2013 (Nilaini) Zan hian Kristian Thalai Pawl tih thupui kan zir dawn a. Kan thupui zir tura thute hi a that zawk beiseiin ti hian han sawi thui ta deuh ila. Nilai Thupui Bu Phek 115-na tlar 12-naah Pu Awna chuan February 22, 1954 khan Thalai Pawl din dan tur ngaihtuah ho turin mi thenkhat a sawm khawm a, tih hi November 27, 1953 kha a ni tih Pi Zokhumi lehkha thawnchhuah hai chhuah leh atang hian a chiang hle a. KTP Thupui Rawngbawl tura chhandam tih hi a din tirh atangin a ni reng a, mahse chang thlan hi a tir chuan 2 Timothea 2:3 Krista sipai tha tak angin hrehawm mi tuarpui rawh tih a ni a, April 16, 1962-a inhruaina dan thar siam chuan tuna kan chang thlan Ephesi 2:10 Thil tha ti atan KRista ISuuah chuan siama awmin ama kutchhuak kan ni si a chu thil tha tih chu kan awmna turin Pathianin a buatsaih lawk a ni tih hi tun thlengin hman a ni ta a ni. Kan Nilai thupui bu hian Kohhran Hmeichhe Inkhawm 1904 vela intan hnu kum 50-naah Kohhrana thalaite chu pawl angin a insiam ve chauh a ni, a ti a. Kohhran Hmeichhe din ni atana pawm hi Pu Zosaphluia nupui Pi Hluiin 1903-1904-a MIssion Vengah Zirtawpni chawhnuah Mizo hmeichhiate a inkhawmpui thin hi Kohhran Hmeichhe din kum atan an hmang ta a. Zoram Kohhran hmeichhe Inkhawmpui Lian hi KTP General Conference vawi 6 kan neih hnu kum 1960 khan a hmasa ber an nei ve chauh va, Synod-in a hriatpui phei chu February 16, 1954-a KTP din a hriatpui hnu fe kum 1969 khan Kohhran Hmeichhia hia hriatpui chauh a ni. _____ Zanin kan zir turah Bial KTP Conference hi January Pathianni hnuhnung ber hmangin a tih hi a dik lo bawk. 2011 Bethlehem Rorel Inkhawma kan inhrilhfiahna hi a hnuaia mi ah hian a chiang mai awm e. Pathianni Vawi 4-na hmangin BIAL KTP CONFERENCE hi kan hmang thin tih tur a ni. January 1 hi Zirtawpni, Inrinni leh Pathianni-a a tlak chuan Pathianni vawi 5 kan nei thei a, a hnuhnung ber tih hi a dik lo a ni. Kum 2011-a Agenda Floor thleng lo kan inhrilhfiahna Bial KTP Conference neih hun hi sawn tlai ni rawh se. - Chhiahtlang Bial atanga lo lut chu tihian hrilhfiah a ni Hrilhfiahna : Heti ang rawtna hi kum 2009-ah a lo lut tawh a, SEC-in a lo rel tawh dan kan inhrilhfiahna chu hetiang hi a ni. SEC 191 : 41 Appendix III-ah inkhawmpui hrang hrang neih hun hetiangin ruat a ni : 1) Bial K|P Conference - January Pathianni vawi 4-na (4th Sunday of January) 2) Bial Hmeichhe Inkhawmpui - February Pathianni vawi 2-na (2nd Sunday of February) 3) K|P General Conference - March Pathianni vawi 1-na (1st Sunday of March) Kum khat dana neih \hin tur a ni ang. 4) Kohhran Hmeichhe Inkhawmpui Lian - March Pathianni vawi 1-na ( 1st Sunday of March) Kum khat dana neih \hin tur a ni ang. 5) Bial Inkhawmpui - April Pathianni vawi 1-na (1st Sunday of April) Palm Sunday, Good Friday & Easter Sunday-in a tihbuai chang chuan a remchan dan angin Bialin ruat mai tur a ni. SEC 202 : 9 of 1-3 June 2005-ah hetiangin rel leh a ni. Bial KTP Conference hun sawn tura rawtna : Executive Secretary i/c K|P lehkha (Gen.46) Central K|P

Committee chuan, Bial K|P Conference hun (January Pathianni vawi 4-na) hi February Pathianni hmasa berah sawn ni se tia SEC-a an thu thlen kan sawi hova, Conference hun sawn \ul an tih nachhan pawh chhiar chhuah a ni bawk a. Ngun takin kan ngaihtuah a, an dilnain a kaihhnawih theih thil hrang hrangte kan sawi ho hnuah, a hun pangngai January Pathianni vawi 4-na an la hmanzui leh hi a \ha rih e, kan ti, tiin a rel bawk a ni. Hetiang hi thil awm dan a nih avangin CK|P Committee 613 : V(7) chuan kum 2012 a\ang chuan a hun ngaia hmang tura inngen thar leh ni se tiin Bial tinah kan inhriattir zo chiah a ni a (MS/CK|P -5/2010/79 Dated 25th October, 2010). Keimahni chauh a nghawng loh avangin heng hi hre ranin a hma lama lo inbuatsaih lawk dan zawn thiam chu a \ha ber mai awm e. Kum 2011-ah vek KTP din ni leh din Tan dan hi ennawna chhuichian leh ni rawh se. - Mission Veng Bial atanga lo lut chu tihian kan lo inhrilhfiah bawk No 10 hrilhfiahna : SEC 203 : 41 chuan , Rev. Lalhmangaiha, Executive Secretary i/c K|P hnen a\angin K|P din \an kum chungchangah ngaih dan pathum - November 27, 1953; February 16, 1954 leh February 22, 1954 a awm a. Hei hi tichiang tura SEC-a a rawn thlen chu kan sawi ho va. Tuna an hman mek February ni 22, 1954 hi K|P din tan kum chu a ni e, kan ti tiin. Hemi thu ang chiah hi kum 2010-ah Aizawl Bethel Presbytery atangin SEC-ah a lut leh a, SEC 230 :23 (November 9 -12, 2010) chuan nguntaka kan sawi ho hnuin tuna kan hman lai 22nd February, 1954 hi a dik berin kan hria a, tihdanglam a ngai lo ve kan ti, tiin a relnawn leh a, hei hi pawm tlan mai a tha ber ang e. THUBELH : Khawi Branch nge Upa ber ? CKTP lam atang hian chumi hun chu Branch din hun atan pawm tur a ni e, tihna a awm lo va, Branch tinin kan pawm hun hun hi a nih mai hmel e. CKTP Record-ah pawh hian Branch lamin din ni a an rawn reprt apiang hia a din niah lo ziah luh zel a ni. Tuna record-a a lan dan chuan Sialsuk Branch 1925-a din, Kawnpui Chim Veng Branch August 23, 1941-a din, Keitum Branch April 8, 1942-a din te a hmasa te chu an ni. Branch KTP din ni chhut dan erawh a inang lo thei khawp ang, a thenin Kohhran Hmeichhe din ni an chhut ang deuhva Thalai Inhmuhkhawm/Inkhawm neih hmasak ber hun te, a thenin Hruaitu thlan hmasak hun te, a thenin CKTP-a in-register hun te, a thenin Kohhran Committee-ina pawmpui hun te, etc. kan ni hlawm awm e. Kan Zosap-te awmna Mission Vengah hian kum 1912 Krismas zana Kohhran Zaipawl neih hmasak ber atang khan thalai intihkhawm hi chu a awm chho deuh reng a, Thalai Inkhawm pawh mumal takin thlatin Inrinni zan vawi khat te, vawi hnih te hi Kohhranin a siam thin a, programme te pawh record ala awm a, a hmingah Thalai Inkhawm tih a ni. KTP Din Ni atan erawh KTP-in rawtna hrang hrang a thlen atangin Kohhran Committee-in Branch Din Ni atan chuan KTP din tawh hnua Branch Hruaitu thlan hmasak ber December 11, 1954 hi a pawm/thlang a ni. KOHHRAN KUT-KE NI TURA BUATSAIH KAN NIH KHA: He thuziak hi inhnialna tur atan lam ni lovin record hriat belhna leh hriat sual theih awm lai atana min vengtu atan ni se, Kohhran kut-ke ni tura buatsaih mek kan nihna angin tangkai takin tun NIlai thupui hi kan zir dawn nia. TICHUAN Naktuk lam atang chuan KTP Rawngbawlna hmasawnna tur lam leh Diamond Jubilee Urlawkna lamah kan lut tawh dawn nia :) Nilai Thupui Zir Nuam vek u

____