Synfocity = 457

Synod Information & Publicity Department, Synod Office (Third Floor), Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648

26th September, 2013

Alluminium Mistiri Training September 25 (Nilaini) khan Zosaphluia Building, Mission Vengah Mizo thalaiten Alluminium deh hmanga eizawnna tha zawk an neih theihna atana ruahman Alluminium Mistiri Training chu Pathian hnena hlanna hun neih a ni a, he Alluminium Mistiri Training hi Synod Social Front leh Bhagwati Sai Metal Alloys, Chanmari Aizawlte bultuma buatsaih a ni. Programme hi Upa C. Thangchhuana, Synod Social Front Executive Committee member-in a kaihruai a. Synod Social Front Co-ordinator, Upa H. Lalhmingmawian thusawina hun hmangin, Mizote zingah Alluminium Mistiri hi kan la nei tlem hle a. Sawrkar, Kohhran leh mimal inte chu hnam dang unau, vai kan tih ten Square feet rate-in min siamsak a la ni ber a. Alluminium Mistiri hna hi Mizote thiam chi tak, hna hahthlak lo, hlawk bawk si leh eizawnna tling a nih thu leh hetiang hnaah hian Mizote kan thanharh a hun thu Synod Social Front chuan a hria a ni, a ti. Tuna an training buatsaih turah hian mi 16 thlan an ni a. Training hi hmun khata ti lovin mimal Workshop hrang hrang paliah dah darh an ni dawn a. Chung Workshop neitute chu Pu Lalmuanpuia, Mission Veng; Pu S. Lawmkima (Pu Patea) Republic Venglai; Upa V. Lalrinzuala, Chhinga Vengthlang leh Pu Lalduhawma, Mission Veng te an ni. Training-a telte hi Synod Social Front chuan stipend atan Rs. 500/- a pe dawn a ni. Alluminium Mistiri Training hi Upa Dr. Lalrimawia, Synod Social Front Executive Committee Member-in Pathian hnenah tawngtaiin a hlan a. Training Centre neituten thusawina hun an hmang a, alluminium deh lama thiamna bik nei, John Lalfelkima Chhangte, V&V Industry, Chanmari chuan Bhagwati Company aiawhin zirtirna hun hmangin, alluminium deh hmanga eizawnna bul tan theih dante, sumdawnna kalpui tura an mamawh hrang hrangte hrilh hriatna leh fuihna hun a hmang a ni. SMTC-in Computer zirzo thlah Synod Multipurpose Training Centre (SMTC) chuan September 20 (Zirtawpni) khan Certificate in Computer Application Course batch 12-na zir chhuakte thlahna inkhawm an hmang a, Rev. K. Lalthangmawia, Synod Statistician chu Khuallian a ni. SMTC Programme Director Rev. Zosangliana Colney chuan inkhawm kaihruaiin SMTC Office Assistant Upa Vanlalhuman report a pe a, Khuallian Rev. K. Lalthangmawia zir chhuakte hnenah Certificates leh lawmman semin thu sawina hun a hmang nghal a. Zir chhuakte aiawhin Zirsanglianan thusawina hun a hmang a bawk ni. SMTC Computer zirna hi Council for World Mission (CWM) Mission Programme Support Fund atanga kalpui a ni a. October 15, 2007 khan Computer zirna hi hawn tan a ni a, course khat zir hun chhung hi thla 6 chhung zel a ni. Zirna atan hian Registration Fee Rs. 100/- leh monthly fee Rs. 50/- lak a ni a. Tluang taka zir chhuakte hnenah Incentive Prize Rs. 1,200/- zel pek thin a ni bawk. Tun tuma SMTC Computer course batch 12-na zirchhuakte hi mi 23 an ni a, Computer Course zirna hawn a nih atangin mi 250-in an zir chhuak tawh a ni. Campus Ministry Vawiin (Sept. 26) hian Serchhip khaw chhunga High School, Higher Secondary School leh College-te tlawhin hun hman a ni a, Rev. V.L. Krosschhuanmawia, Campus Ministry Coordinator, Upa Dr. B. Lalrinsanga, Ramhlun Vengchhak, Pu Lalremruata, Tlangnuam leh Tv. C. Lalremruata, Outreach Worker-te an kal. Naktuk (Sept. 27) hian Serchhip Kawnpui Presbyterian Kohhran Hall-ah Life Skills of a Teacher tih thupui hmangin workshop an nei zui nghal dawn a. He Workshop-ah hian Serchhip khaw chhunga Sawrkar leh Private Elementary School atanga College tin atangin zirtirtu pahnih theuh tel tura beisei an ni. Chawhma lamah Rev. H. Lallianzara, Serchhip-in programme a kaihruai ang a, Pu Zolawma, DEO, Serchhip-in thusawina hun a hmang ang a, Rev. V.L. Krosschhuanmawian Life Skills of a teacher with special reference to Value Education tih thupui hmangin paper a present ang a, sawihona neih a ni ang. Chawhnu lamah Rev. C. Lalduhawma, Serchhip Vengchung-in programme a kaihruai ang a, Pi Lallianzuali, SDEO, Serchhip-in thusawina hun a hmang ang a, Upa Dr. B. Lalrinsangan Life Skills of a teacher and dealing with the children tih thupui hmangin paper a present ang a, sawihona neih a ni leh ang. HIV AIDS Awareness Campaign Vawiin (Sept. 26) atang khan Synod Social Front buatsaihin ni hnih chhung awh Rampum huap HIV AIDS Awareness Campaign, Synod Conference Centre-ah neih tan a ni. Awareness Campaign hi chawhma dar 10:30 atanga tan a ni a, Rev. P.C. Pachhunga, Executive Secretary i/c Social Front in programme a kaihruai a, Dr. R.L. Sanghluna, Synod Hospital-in HIV/AIDS natna leh a kaihhnawih tih paper a present a, power point hmangin a hrilhfiah bawk. Nl. Lalremruati (Na-emi) chuan Pathian fakna hla a sa bawk. Chawhnu lamah Dr. Vanlalruata, Committee Member, HIV/AIDS,Drugs Cell-in programme a kaihruai ve thung a, sawihona leh zawhna hun hman a nih bakah HIV/AIDS tuar tawh mi pakhat hnen atangin testimony ngaihthlak a ni. Naktuk (Sept. 27) hian chawhma lamah Upa Lalzuitluanga, Committee Member, HIV/AIDS,Drugs Cell-in programme a kaihruai ang a, Dr. Lalchhanhima Ralte, Synod Hospital-in HIV/AIDS natna veite enkawl dan tih paper a buatsaih chu zirho a ni ang a, power point hmangin a hrilhfiah nghal ang. Nl. Dr. Shirley Lalbiakzuali Chhangte in Pathian fakna hla a sa ang. Chawhnu lamah Rev. Lalrinmawia, Committee Member, HIV/AIDS,Drugs Cell-in programme a kaihruai ang a, sawihona leh zawhna hun hman a ni leh ang a, HIV/AIDS tuar tawh hnen atangin testimony ngaihthlak a ni ang. A ni khatna (Sept. 26) ah hian Zoram pawn Presbytery huamin Presbytery 17 huam chhunga Kohhran aiawh mi pakhat theuh sawm an ni a, mi 265 an tel thei a ni. A ni hnihna (Sept. 27) ah Presbytery 18 huam chhunga Kohhran te sawm an ni a, tel tur mi 215 an in report tawh a ni. Kum 2012 Synod chuan, Zoram pum huapa HIV/AIDS chungchang inzirtirna Synod-in buatsaih rawh se tih chu Synod Executive Committee-in kan kalpui tawh dante hrereng chungin hma lo la rawh se tiin a rel a. Synod Executive Committee chuan Synod Social Front chu a bawhzui dan tur ruahman turin a ti, a ni. Synod Social Frornt Committee chuan HIV AIDS chungchang inzirtirna hi Kohhran tinin neih theih ni se, Bial huapa nei remchang zawkte pawhin trainer tur an duh zawng sawm mai se. Training pe tur hian Synod Social Front HIV AIDS & Drugs Cell pawh inkau reng ni bawk se, tia a rel chu Synod Social Front Committee chuan September 26 & 27 hian Rampum huapin HIV AIDS Awareness Campaign chu a buatsaih ta a ni. Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

Zin September 26 - 28 hian Lawngtlai Biala Minpui Kohhran Biak In sak thar hawng turin Rev. Lalzuithanga, Executive Secretary a kal ang. Kristian Thalai Pawl w CKTP chuan KTP Kum Puan 2014 -15 (Pathian tawk tura inpeih) puala hla inphuahsiak a buatsaih dawn a, December 20, 2013 aia tlai lovah Central KTP Office-ah thehluh theih a ni. Hla thluk (solfa), a phuahtu hming, address kimchang leh contact number chiang taka ziak lan tur a ni. KTP General Conference 2014 (Khawzawl)-ah results puan a ni ang a,lawmman hetiang hian siam a ni ang. Pakhatna Rs. 5,000 & thuziak (citation) Pahnihna Rs. 3,000 & thuziak (citation) Pathumna Rs. 2,000 & thuziak (citation) w Central KTP Committee chuan KTP General Conference 2014/ Diamond Jubilee lawmna programme-ah Bial Zaipawl zawng zawng infinkhawm Jubilee Zaipawlpui telh ve thain a hria a, hla sak tur atan "Halleluiah Chorus" leh "Ram Engmawi" te thlan a ni. A tirah "Khawiah pawh ni chhuahna apiangah" tih hla thlan a ni zet a, CKTP meeting hnuhnung chuan "Ram Engmawi" tih hla zawkin a thlak leh ta a ni. Hei hi Bial tinah hriattirna thawn chhuah tawh a ni. Aizawl khawpui chhunga Bialte chuan November 1 (Zirtawp) zan dar 7:00 ah Mission Vengthlang Kohhran Biak Inah a huhovin hla an zir ang a, Aizawl khaw pawna Bialte chu Presbytery Inkhawmpui laiin a remchan anga lo zir tura beisei an ni. w KTP Rorel Inkhawm 2013 thurel bawhzuiin Central KTP chuan October 25 hian ram pum huap Counselling Training hmun 10-ah a buatsaih dawn a. Hemi hma October 4-5 hian CKTP hruaitute pualin Synod Conference Centre-ah Counselling Training hi buatsaih a ni dawn a, Resource person atan Rev. Lalrinmawia (Leader, CKTP) leh Rev. R. Lalhmingthanga (Director, Family Guidance & Counselling Centre) te hman an ni ang. October 25-a Counselling Training neihna tur hmunte chu: Zarkawt, Aibawk, Lunglei Venglai, New Serchhip, Saitual, Kolasib Venglai, Darlawn, Rawpuichhip, Khawzawl Vengthar leh Champhai Vengthlang te a ni a, Kohhran Biak In/Hall-ah training hi neih a ni ang. Music September 25 - 27 hian Hmarphei Presbytery huapin Darlawn Vengpui Kohhranah Lengkhawm Zai Seminar neih mek a ni a, hemi neihpui hian Rev. P.C. Pachhunga, Executive Secretary; Upa F. Lalremthanga, Music Co-ordinator; Pu Lalromawia, Synod Music Instructor leh Upa R.L. Thianga, Music Committee Member-te an kal. Seminar-ah hian Hmarphei Presbytery huam chhung Bial 5 atangin Kohhran tin aiawh, Pastor leh Pro. Pastor, Presbytery Moderator leh Secretary te nen mi 125 tel tura beisei an ni. MSSU September 27 - 29 hian Tuipuibari Centre Bial huapin Tuipuibari II Kohhranah Sunday School Zirtirtu Training neih a ni dawn a, training neihpui tur hian T.Upa Lalthahluna Ralte, MSSU Asst. Coordinator; Upa F. Zakhuma, Selesih (MSSU Trainer) leh Pu P.C. Lalramliana, MSSU Office Assistant-te an kal ang. Hruaina Eng FM Radio & TV Programme w SEPTEMBER 27 (FM Zoawi Aizawl @ 7:30 p.m.) : Solo : Sailova - A tawpah Isua, Choir : Theiriat Pastor Bial Zaipawl-Kross Ka Chhuang, Thuchah : Tv. Lalthazuala - Zaimi te hnena thurawn, Solo : Lalremruata - A nung, Choir : Lunglei Presbyterian Choir-Aw, Chawimawi Ula, Solo : Alpha various Artist - Ka duhsam ber w SEPTEMBER 27 (FM Lunglei @ 7:30 p.m.) : Solo : Sailova - A tawpah Isua, Synod News Tlangpui, Choir : Lunglei Zotlang Pastor Bial Zaipawl - Thlarau Thianghlim, Thuchah : Tv. Lalthazuala - Zaimi te hnena thurawn, Solo : Lalremruata - A nung, Choir : Lunglei Presbyterian Choir-Thilmak Chhuisenloh, Solo : Alpha various Artist - Ka duhsam ber w SEPTEMBER 29 (TV Programme @ 3:00 p.m.) : Zaipawl : Tuikual South Pavalai - Fiahna ni, Bihchianna : Synod School of Music - Part II, Zaipawl : Venghnuai Bial Zaipawl - Ka lungawi zel ang, Sawihona : Pathian Biak Inkhawm Zai Dan Susamachar Prasaran Programme SEPTEMBER 29 (Pathianni) 5:00 pm. Hindi Gospel Programme (Susamachar Prasaran) : Group/Choir/Solo : Luangmual Bial Masihi Sangati - Mere Geeto, Group/Choir/Solo : Tuikual Bial Masihi Sangati - Prabhu Mere, Sermon : Rev David Lalramliana Ralte - Hum Parmwshwar ke santaan, Group/Choir/Solo : Republic Veng Masihi Sangati - Falaksa, Group/Choir/Solo : H. Vanlalringa - Prabu Tera Pyar Moderator Programme Synod Moderator Rev. Lalramliana Pachuau chuan September 29 (Pathianni) zanah Ramhlun Vengchhak Kohhran tlawhin hun a hmang ang.

ADVERTISEMENT
Synod Mission Board chuan kum 2014 chhung Contract basis-a thawk turin Missionary, category hrang hrang (Evangelist, Evangelist Teacher, Staff Nurse, Health Worker, puanthui zirtirtu) a la leh dawn a, dil duh chuan a hnuaia tarlante hi hriat tur a ni : 1. Synod Mission Board office atangin dilna form siam sa (standard application form) lak tur a ni a, hriat tur tulte chu dilna form-ah tarlan a ni. 2. Dilna chu October 18, 2013 (Zirtawpni) tlai dar 4:00 thlengin Synod Mission Board Office-ah thehluh tur a ni a; hun tiam hnu lama dilna thehluh chu pawm a ni lo ang. 3. Mathematics leh Science thiamte chu mamawh bikna avangin Evangelist Teacher atan duhsak theih an ni ang. 4. Diltu chu kum 18 - 35 inkar a ni tur a ni. 5. October 26, 2013 (Inrinni) dar 10:00 a.m.-ah Synod Office-ah personal interview neih tur a ni. 6. Hlawh chu Synod hnuaia Contract rawihna rate angin pek a ni ang. 7. Hrechiang duh chuan phone no. 0389-2325899-ah Office hun chhungin zawhfiah theih a ni.
REV. P.C. PACHHUNGA Executive Secretary i/c Mission
Synod Social Front Helpline: 9089777129; Students Helpline : 9856883377
Mail us at : mzsynfo@gmail.com, mizoramsynod@gmail.com Synod Information & Publicity Phone - 2314648

Synf o