KwIsoko ryUbuzima

mu muryango wabakristu
Diyoseze kuru ya Bujumbura Tl 22 22 05 00 / 79 602 229 / 79 927461
E-mail: sokoryubuzima@yahoo.fr Site: www.isokoryubuzimaburundi.fr.gd

" ukuri kuri jewe, ubuzima bwanje ni Kristu". (Ph.1, 21)

Iki kinyamakuru gifasha gutegera Ijambo ryImana mu misa no mu buzima

Igiciro:100F
42/13

20/10/2013 IDOMI IKA YA MIRO GO IBIRI ICE DA Umwaka C

Ijambo rya Papa Fransisko ryo ku musi mpuzamakungu wo gukwiza hose Inkuru nziza. Uyu musi Ekleziya yawuhariye kwibuka no kuzirikana bisumbirije ubutumwa bwo gukwiza hose Inkuru nziza. i mwisomere bimwe muvyo Papa Fransisiko yashikirije mwijambo rijanye nuyu musi: Bavukanyi nkunda, Uyu mwaka duhimbaje ubutumwa bwo gukwiza
hose Inkuru Nziza mu gihe turiko turasozera umwaka wukwemera Ni akaryo keza ko gukomeza ubucuti nubunywanyi dufitaniye nUmukamaUkwemera si ingabirano yo kwigungirako; kwiserurira mu rugero tugezako mu gusabikanya nabandi ivyo twemera, mu kubiyaga no mu kubigendera mu rukundo, tutibagiye kubishingira intahe mu buzima bwacu no mu mibano yacu Hariho ababatijwe bamwe bamwe bafise inyifato iteye kubiri nukwemera kwabo, bigasaba rero ko haboneka uburyo bushasha bwo kubigisha Inkuru Nziza. Iruhande yivyo vyose, twibuke ko mu gice kitari gito cisi hari aho Inkuru Nziza ya Yezu Kristu itarashika. Aho nyene tukaba turiko turaca mu gihe kigoye cubukene mu mpande nyinshi. Turetse ubukene bwibifungurwa, ubutunzi ntibwifashe neza, ibidukikije biguma bihona hari nubundi bukene bwukudatahura nukutubahiriza ubuzima bwa kiremwamuntu no guhonyanga iteka ryiwe... Birihutirwa ko duhaguruka tugashikiriza ukuri kwIjambo rya Yezu Kristu ari ryo dusangamwo ibidufasha kugumana umwizero, gusubiza hamwe, kurekuriranira, gusabikanya nabandi ivyo dufise,kwemera ko ububasha bwImana bushobora gutsinda umwijima wikibi Ndabahamagariye mwese kuba abashikiriza bInkuru Nziza, kandi ndashimiye ku buryo budasanzwe abamisiyonari, abasaserdoti bemera guheba ibihugu vyabo bakaja gufasha mu bindi bihugu, abihebeye Imana nabalayike benshi bitaba akamo kUmukama bagaheba imiryango yabo, ibihugu vyabo, ata kindi kibibatuma atari ukumenyesha Inkuru Nziza mu bihugu batanasangiye imico nimigenzoAbo rero bitaba akamo ka Yezu: Kwire isi yose, mushikirize Inkuru ziza ikiremwa cose(Mt.28,19). Ndatumiriye abo bose biyumvamwo uwo muhamagaro ngo bishurane urukundo nurweze iryo jwi rya Mutima Mweranda, uko bari kwose; ntibagire ubwoba bwo kwitaba ako kamo kUmukama Hari iciyumviro namana ku muzirikanyi: ni icerekeye benewacu bari mu bihugu bitandukanye bataronka ingene bagaragaza ukwemera kwabo kandi batubahirijwe mwiteka ryabo ryo kwitwa abakristu. Abo bavukanyi ni benshi cane ( bamwe barabaye abamaratiri mu binjana biheze) kandi barihangana bakagira ubutwari bwinshi mu ruhamo. Abenshi mbere ni abahasiga ubuzima kuko banka guhemukira Inkuru Nziza ya Yezu Kristu. Nagira ndabamenyeshe ko ndi hafi yabo mu gisabisho mperereza umwumwe, imiryango nimibano yose isinzikarizwa ubuzima canke ityozwa mu buryo ubwaribwo bwose. Mboneyeho kubasubiriramwo ya majambo aremesha ya Yezu Kristu; agira ati: timutinye! aratsinze isi (Yo.16,33) Ndahezagiye numutima wanje wose abamisiyonari nababafasha bose, hamwe nabashigikira ubwo butumwa buhambaye bwEkleziya kugira ngo Inkuru Nziza imenyekane mu mpande zose zisi. Vatikano, ku wa 19 Rusama 2013, ku musi mukuru wa Pentekoti. Papa Fransisko

Kwire isi yose mumenyeshe inkuru nziza Mu Burundi, iryo jambo ryaramaze kuranguka: abamisiyonari baradushikirije inkuru nziza yurukiza. Naho umurima ukiri munini abakozi bakaba bake, Uburundi bwarageze ku ntambwe yo kuronka abarungikwa gusamiriza inkuru nziza mu mahanga. Ehe namwe ni mwirabire: Mu Burundi turafise abasaserdoti bega amadiyoseze bakayakoreramwo, bababa 440. Abarungitswe namadiyoseze yabo gufasha mu bundi butumwa bwEkleziya, bababa 70. Abarangurira ubutumwa mu mahanga, bababa 60, abarungitswe kwiga nabo bababa 36. Abasaserdoti babanyamahanga bega amadiyoseze, bababa 30. Abari mu miryango yabihebeyimana nabo bababa 100, muri bo abanyamahanga bakaba 60. Imiryango yabandi bihebeyimana nayo ni 61; muriyo 50 ifise icicaro gikuru mu mahanga (c/o annuaire de lEglise du Burundi, 2011). IvyImana ikora nagatangaza. Itora uwo ishatse, ikamurungika aho ishatse. Mukama, dutabaze abasaserdoti benshi kandi beranda. dutabaze ababikira, abafrera, nabandi bihebeyimana benshi kandi beranda. Mukama, nufashe ingo zose zibe nyeranda, urwaruka rube rweranda, abakristu bose babe beranda.

TWUMVIRIZE IRYO IMA A ITUYAGIRA IDOMI I KA YA 29 YO MU MWAKA- C

IGISOMWA CA MBERE: Ihunga17, 8-13 Igisabisho gihozako ca Musa kiratsinda abansi Ivyo dusoma mu gitabu c'Ihunga: Mu gihe Abanyisraeli bari mu gahinga, Abamaleki baraja kubatera i Refidimu. Musa rero abarira Yozuwe ati: Dusobanurire abantu, ubajane murwanye Abamaleki; nanje ejo nzohagarara ku mpinga y'umusozi, nitwaje ya nkoni y'Imana. Yozuwe agira nkuko Musa yamubariye nyene, aja kurwanya Abamaleki; Musa na Aroni na Huri baraduga, baja ku mpinga y'uwo musozi. Maze, Musa iyo amanitse amaboko, Abanyisraeli nibo batera baja imbere; ayamanuye na ho, Abamaleki bakaba aribo batera baja imbere. Maze, amaboko ya Musa arateba araruha; bafata ibuye, bararimufatira aryicarako; Aroni na Huri bagumya amaboko yiwe, umwe ku ruhande rumwe, uwundi ku rundi amaboko yiwe araguma gushika izuba rirenge. Yozuwe rero aratsinda Abamaleki, abatsindisha inkota. IGISOMWA CA KABIRI: 2Timote. 3, 14-4, 2 Umuntu w'Imana aca abangukirwa, akagira ibimukwiye ngo akore igikorwa ciza cose Ivyo dusoma mw'ibaruwa rya kabiri Umutumwa Paulo yandikiye Timote: Mwananje nkunda cane: Urazigama ivyo bakwigishije, kuko uzi ko ari ivy'ukuri, ukamenya n'ababikwigishije. Kuva mu buto bwawe, wamye umenya Ibitabu Vyeranda: birashobora kuguha ubwitonzi bugushikiriza ubukiriro kubera ko twemera Kristu Yezu. Icanditswe cose cohejwe n'Imana kandi gifise akamaro mu kwigisha, mu guhanura, mu kugorora no mu kurera mu butungane. Gurtyo, umuntu w'IKWAMIZAKO MU GISABISHO. Ikintu gihambaye

mana aca abangukirwa, akagira ibimukwiye ngo akore igikorwa ciza cose. dakwihanikirije imbere y'Imana n'imbere ya Kristu Yezu azocira urubanza abazima n'abapfuye, ndabigusavye kandi kw'izina rw'uwuzoseruka mu buninahazwa bw'inganji yiwe: igisha udahengeshanya abaguteze amatwi n'abakwihoza, hanura, wihanize, uremeshe, mu bwitonzi no mu bwira bwinshi. INKURU NZIZA: Luka 18, 1-8 Imana izoburana abayo bayiborogera ijoro n'umutaga Ivyo dusoma mu Njili nyeranda yanditse Luka: Umunsi umwe, Yezu yaciriye abigishwa biwe umugani, kugira abigishe ko bikwiye guhozako mu gusaba ntibarambirwe: Habaye mu gisagara umushingantahe atubaha Imana, abantu na bo ntabababare. Muri ico gisagara nyene, hari umupfakazi yama kumusaba amubwira ati: Urantunga umburane, unkize uwirirwa arampama! Aramwankira kabiri, gatatu. Hanyuma yibwira ati: 'aho ntubaha Imana, abantu sindabababare, uyu mupfakazi arangora, ngira ngo ndamucire urubanza rwiwe, yoye kumena amatwi. Umukama arasubira ati: i mwumve imvugo yuyo mushingantahe mubi. one, Imana niyo itoburana abayo bayiborogera ijoro n'umutaga? iyo yobatevya? dababwiye: izobaburana bidahagaze. Ariko, none aho Umwana w'umuntu azogarukira, mbe azosanga ukwemera kw'isi? . yuyu musi, Yezu adutumirira gusenga tudahengeshanya. Yakoresheje umugani wumushingantahe mubi yaciriye urubanza rwiza uyo mupfakazi kugira ngo atwigishe ko bikwiye guhozako mu gusaba ata kwihebura. Dusome ayandi majambo adusigurira iryo shaka rya Yezu ridutegeka gusenga tudahengeshanya, ati: i musabe, muzoronka, ni murondere muzohabwa, ni mwuguruze muzokwugururirwa. Kuko uwusaba aronka, uwurondeye araronka na we uwuguruje arugururirwa. Igisabisho cacu rero, ubwa mbere coba icugusaba ivyo dukeneye mu bijanye nubukristu bwacu; ubwa kabiri, coba icukurondera kumenya ishaka ryImana mu buzima bwacu; ubwa nyuma, coba icugusaba Imana ngo itwugururire ubwami bwayo kugira ngo turonke ingabirano zose dukeneye mu bukristu bwacu. Umukristu wukuri, ni uyo atigera yirengagiza igisabisho. Yezu ashaka ko ubukristu bwacu burangwa nigisabisho. Bitayeko, Yezu adutumirira kumenya Imana nka Dawe wo mwijuru. Uyo mushingantahe mubi Yezu yatumenyesheje mu Nkuru Nziza, yagiriye impuhwe uyo mupfakazi; none Imana ari Dawe wo mwijuru, iyo Yezu yatumenyesheje, ni Yo itokwumviraintore zayo ziyiborogera ijoro numutaga? Igisabisho cacu, ni igisabisho cumwana akunda Se kandi akundwa na Se. Mu gisabisho, umwana na Se bayaga mu

mu bukristu bwacu ni igisabisho. Kubera ico, dushobora kuvugana nImana, kwugurukira urukundo rwayo no kurugendera. Umukristu ni umuntu asenga Imana nkuko Yezu yatwigishije. Mu nkuru Nziza, duhora tubona ko mu kurangura ubutumwa bwiwe Yezu atigeze asiga inyuma igisabisho. Turamubona arara arasenga ijoro ryose cane cane igihe yashaka kurangura umugambi uhambaye; nkakarorero: buca atora abatumwa biwe, buca afatwa ngo yicwe. We nyene ubwiwe yarigishije gusenga abigishwa biwe, adushikiriza natwe inyigisho nshasha nuburyo bushasha bwo gusenga: nukuvuga gusengana ukwemera, ukwizigira nurukundo kuko Imana ari Dawe. Nuko rero, uwo twebwe abakristu dushaka kugendanira ni umuntu agenzwa nigisabisho, umwana wImana yatwigishije akamaro ko gusenga; asaba uwo wese ashaka kumubera umwigishwa ko yorangwa nuwo mutima wiwe. Mu Nkuru Nziza

rukundo. Imana ni umuvyeyi afise urukundo rurengeye urwabandi bavyeyi bose. Umuvyeyi wo mwijuru ni mwiza, ni Munyakigo-ngwe. Umutima wiwe wuzuye urukundo nimpuhwe. None rero, uburyo buhambaye dufise bwo kuronka urwo rukundo, ni igisabisho; ni yo inzira duhwaniramwo na Dawe adukunda cane. Yezu rero agomba ko dusenga Imana twizeye ko ari yo Dawe adukunda cane. Inyifato rero, izobwirizwa kuba iyukwihangana, ukwicisha bugufi, ukwiyegeka kwuzuye ku Mana no kwinjira mwishaka ryayo. Naho yomerae nkiyica amatwi, ni twirinde rwose kwihebu-

ra. Ni twuguruze ku mwango wayo dushimitse cane, kugira ngo duhabwe ingabirano zayo; tuzikenguruke naho nyene atari zo twoba twari twiteze. Yo irazi icotugirira akamaro kuturusha. Mu vyukuri, igisabisho cukuri nta yindi ntumbero gifise atari iyukwiyegurira Imana nukwemeranurukundo ivyo ishaka: ni twasenga, tugire rwacu ya ego Umukama yavugira Getsemani: Ego Dawe! i bibe nkuko Wewe nyene ubishaka, ntibibe nkuko jewe nshaka!. Kwamizako mu gusenga, ni nkukwiyegurira mu rukundo rwa Data, tukabigira nka Yezu, hamwe na Yezu, muri Yezu! Amen.

Kwira isi yose, mumenyeshe inkuru nziza. Ugusamiriza inkuru nziza ngo imenyekane hose bikorwa mu buryo bwinshi. Uburyo bwa mbere: Kwitanga. Hari uburyo bwinshi bwo kwitanga ngo inkuru nziza ikwire hose. Hari abaheba vyose: umuryango, abagenzi, amatungo, igihugu camavukiro... bakaja mu bihugu vya kure canke ahandi hose barungitswe, iyo batazi, bakemera gutandukana nababo kugira ngo ubwami bwImana bushinge imizi. Hari nabandi badashobora kugenda ahandi, ariko bagakora uko bashoboye kwose ngo bashigikire ubutumwa bwo kumenyesha inkuru nziza mu bindi bihugu. Hari kandi nabarwaye batikoma, bagafatanya ububabare bwabo nubwa Yezu ku musalaba, bagahereza ububabare bwabo ngo Yezu amenyekane. Uburyo bwa kabiri: Ugusenga. Bavuga ko Tereziya wumwana Yezu yabaye umumisiyonari akomeye. Ubutumwa bwo kumenyesha inkuru nziza yaburanguye atigeze ava muri Karmeli yi Lisieux. Uwo mwitwarariko watumye ubuzima bwiwe bwose abugira igisabisho. Uwo wese atagatifuza igikorwa ciwe ca misi yose ngo yishure umuhamagaro wImana aba ariko arasenga. Uwo wese arinda kubwa Yezu amageragezwa, ingwara... aba ariko arasenga. Mwa bavyeyi mwitangira abana banyu ijoro numurango, muri abatumwa binkuru nziza. Na mwe mwipfuza kuja kumenyesha inkuru nziza ntimubishobore kubera imvo zitabavuyeko, muri abatumwa binkuru nziza. Hereza ibikorwa vyanyu nimisalaba yanyu ngo ubwami bwImana bukwire hose. Uburyo bwa gatatu: Ugutanga. Hari abakurikiranira hafi ibikorwa vyose bijanye nubutumwa bwo gukwiza hose inkuru nziza, bakihatira no kubishigikira. Umumisiyonari yoshobora kwitanga gute hatabonetse uwutanga uburyo buboneka bwo kurangura ubutumwa? Ibikorwa vyose abamisiyonari bakora babishobozwa nabantu bafise umutima wo gutanga; vyaba ivyo kwubaka ingoro Imana isengegwamwo, vyaba ivyo gukabura umuhamagaro wo kwihebera Imana mu busaserdoti, ubufrera canke ububikira. Uwufungurira akambika umutumwa, aronka impera yumutumwa. Twese turashobora kuba abamisiyonari mu kwitanga twebwe nyene, mu guhereza ububabare bwacu nibisabisho vyacu, canke mu gufasha uko dushoboye ngo abamisiyonari baronke ivya ngombwa vyo kubaho no kurangura ubutumwa bwabo. ( Vyavuye mu kanyamakuru kabamisiyonari ba Afrika, nomero 142, Gitugutu 2010)

Papa Yohani Paulo wa kabiri yari yaragendeye Uburundi.

Hari mu mwaka w1990, aho uwo mwungere wa Ekleziya gatolika yaza kuturamutsa mu Burundi. Ashitse ku kibuga cindege i Bujumbura, yavuze ati: daje ngaha iwanyu ku bwibanga nashinzwe ryo kuba umusubirizi wa Petero: Umukama yamushinze kuremesha ukwemera kwabantu mu Mana nzima je ndi umugenzi nincuti yigihugu canyu i mutegere akamo ndabateye : i mutsimbataze ubumwe bwanyu. Umugambi wImana wama ari mwiza kuri zi-na muntu wese dabateye ako kamo ntabahema kuko ndabakunda Mu mpera zurugendo rwiwe, yarasubiriye avuga ati: Barundi mwese, impinga iracari ndende, ni mushishikare urugamba rwugutsimbataza ubumwe kugira ngo muronke ishimikiro ryukurwanya ubukene nugushikira inzira yiterambere igihugu canyu kinyotewe. Mwubahe iteka rya zina muntu wese yagenewe kubaho mu mwidegemvyo yizigiye kazoza keza.Uruhara rwumukristu mu gukomeza ubumwe rufatiye ku mutima wuguheberanira nugusubiza hamwe, rugasaba kwubaha nukwubahiriza zina muntu wese. Mwamize ku muzirikanyi abakene; nabo ni benshi mu gihugu canyu, baba abo mu gisagara canke abo mu misozi... Ubu Ekleziya yaramaze gushira Papa Paulo wa kabiri mu bahimbazwa, ikaba yimirije no kumushira ku rutonde rwaberanda. Azoba abaye umweranda yabayeho mu gihe turimwo, yakandagije ikirenge ciwe mu gihugu cacu, umweranda abarundi batari bake biboneye amaso mu yandi, bakayaga. Imana yaraduteye iteka ko yamuturungikiye ngo aze kuturamutsa. Tubandanye tumwitura, tumutura nuburundi bwacu. Arabuzi kuko kubera yuko ari mu Mana, arabuzi ko yabugendeye. Ekleziya yashinze ko ahimbazwa italiki 22 Gitugutu. Urakoze Mukama ko wamutugabiye ngo atubere umugenzi nincuti!

DUSHEMEZE IMA A KU MU SI KU MU SI
20/10 D Idominika ya 29 -C
Kumenyesha Inkuru ziza

21/10 L Selina, Hilariyo 22/10 M Salome, Severo 23/10 M Yohani wi Kapistrani 24/10 J Antoni-Mariya Claret 25/10 V Gaudensiyo 26/10 S Evaristo UBUZIMA BWA JE

Ihunga17,8-13 Zab120,1-8 2 Tim3,14 4,2 Lk.18,1-8 Rom 4,20-25 ZabLk1,69-75 Lk 12,13-21 Rom 5,12-21 Zab 39,7-17 Lk. 12,35-38 Rom 6,12-18 Zab 123,2-7 Lk. 12,39-48 Rom 6,19-23 Zab 1,1-6 Lk. 12,49-53 Rom7,18-25a Zab118,66-94 Lk. 12,54-59 Rom 8,1-11 Zab 23,1-6 Lk. 13,1-9

one se, Imana yo ntiyoburana intore ziwe ziyiborogera ijoro numutaga, maze igateba kubaraba? Mwame mugavye, mwirinde ubunibuni iyo buva bukagera, kuko ubuzima bwumuntu butava kwitunga atunze. i mukenyere zigume kandi amatara yanyu yame yaka. i mube nka barya barindiriye shebuja ku musi bubugeni. Bitegere neza : iyaba nyenurugo yarazi ikiringo igisuma kizirako, yoraririye ntiyoretse ngo kimumenereko inzu Jewe naje kuzana umuriro kwisi kandi nta nikindi nshaka Atari uko wokwaka. Mwa bangushi mwe, murazi mwitegereza ibigirwa kwisi no mu kirere; ariko, ko mutitegereza iki gihe turimwo ni kuki? Mugira ngo abo Banyagalile babonye ayo yose, kuko bari bacumuye kurusha abandi bose? Haba nintete...

DABUSA GIYE ABA DI. Muntango yisi, Imana yararemye ibintu vyose; ivyo tubona nivyo tutabona. Yararemye umuntu ngo abigabe abiganze, ibigira kubera urukundo rwayo. Igitabu cItanguriro nico kitudondorera ivyirema kikatwereka ingene Imana yihweje ivyo yaremye igaheza ikavuga ko ari vyiza. Erega ubuzima bwari butanguye. None ni kuberiki novuga ko ubuzima bwanje ari ubwabandi? Imana iremye umutu yarabonye ko bitabereye ko yobaho arumwe ica iramuremera umufasha ngo buzuzanye, ubuzima bugire intumbero (Gn.2,18). Ivyo biratwereka ko ubuzima bwumwe bukeneye ubwabandi. Sukuvuga ko abantu bakeneranira kubera inyungu canke imigenderanire abo bantu bafitaniye; haba namba, nikubwurukundo Imana ibashakako. None urwo rukundo rwo ni uruhe? Nurwo ruzira amahinyu, rutagira amanegurwa, rutarondera akunguko, ni rumwe rushingiye ku rwImana, rumwe rurondera kwubaka, rukugurukira umuntu wese ukwari kwose. Augustino Mweranda avuga ati: Ata mugenzi, ubuzima ntibushobora kuba bwiza. Ata mugenzi, ubuzima bucika igicuga, ntibuba bugikwiye gukundwa. Basogokuru bacu bati: Umugenzi ni kirumara. Kubwabantu, biragoye gukunda umuntu yifashe nabi. Ariko kubwurukundo rwImana, umuntu nkuyo suwo guheba, nuwo kwitaho. Uwariwe wese, yaba uwubatse, uwutarubaka, canke uwihebeyImana, arakeneye gusangira ubuzima bwiwe nabandi mubihe vyose. Haba mumahirwe canke mumarushwa, ubuzima ni bube urukundo. Nka Tereziya Mweranda wumwana Yezu, ni tuvuge duti: Umuhamagaro wacu nurukundo. Hari abantu bamwe bamwe bibwira ko ubuzima bwiza bugizwe nukuronka ivyo kurya, ivyo kunywa, ivyo kwambara canke ibikwegana, bikaba bimaze. Hari abavuga ngo barikwije, ngo abandi ntaco bakeneraniye; uko nukwihenda, baba bariko bariyobagiza hamwe Yezu adusabira ko twese twoba umwe (Yo.17,21). Ubuzima sugusabayanga mu bisayangana; subwo kwanjanjwako mu gutwagwa nibije vyose. Nubwo kugwanira ngo bube nyabwo mu maso yabantu nImana. Nukumenya ko Imana yaduteye iteka mu buryo bungana twese, ko ubuzima bwuwariwe wese bukwiye kwubahirizwa.

Ishimwe ryoba irya nde? Iyo ndi mu mahigwe canke mu marushwa yama amba hafi;
niwe mahungiro yanje ibihe vyose. None ga yemwe ninde yoshobora kumbwira uwo nishimiye uwariwe? Erega mu bihe vyinshi bitangaje nibidatangaje nyene narabonye ibitangaza; mu buryo bwinshi butangaje eka nubudatangaje nyene nagunye ndabibona. None ninde ga yemwe yombwira ngo nshire amazinda nimenyere uwankunze ampoza ku mutima! Ninde yombwira akamundondorera uwariwe? Ewe icompa nkamumenya nanje nomwiyaga nkamwivuga. Narabajije mbaza inyoni mbaza ibiti ariko sinishuwe, none ga yemwe ninde yombwira ngo nshire inyota ninzara ndamufitiye? Abakurambere ngo bafise ako kanyota kuvyo bagiriwe bihebuje baragerageje kubaza, barabariza mu babanyi nabagenzi, ariko ngo akanyota baracagafise. Abubu niko kuko. Inyishu nagiye nayironka negereye Isoko ryUbuzima mu kwisomera ico kinyamakuru, aho Abungere bacu hamwe nabandi bitangira inkuru nziza batuyagira bakatwigisha uwutugirira ivyo twebwe tutokwibaza! Ninde none? NImana Mushobora vyose; kuva nakera na rindi yamye ihagararira abayifiseko umwizero, ntiyigeze ibata murudubi canke ngo ibatetereze yamye ibagirira ivyiza vyagahore. Barundi, nimuze twese abubaha Imana duciye kwIsoko ryUbuzima twihurire nuwukwiye ishimwe. ovice Anastase kunzimana. DUCISHEMWO DUTWE GE: Hari umugabo yakunda kwonesha imirima yabandi akitwaza ngo ariko avuga ishapule kuko yari azi ko ishapule yubahwa cane, kizira kuvugisha uwuriko arayivuga. Umusi umwe yahurira inka ziwe mu murima wa murundi araheza yigira ku ruhande nkuko ata na kimwe yoba ariko arabona, atangura gukondagura ishapule. Nyenumurima aharengutse atangura kuvuza akaruru, amutukagura nawe agaca amwereka ko ariko avuga ishapule kandi ariko amugirira nabi kuko ariko aramuyogorera mu matwi bigatuma atazirikana neza ivyibukiro. Nyenumurima aca arazikurayo arazishorera. Wa mugabo aravunduruka ivyishapule araheba amwirukako avuza induru ati: Yamara inka zanje, yamara inka zanje! Uri uwundi ati: Bandanya uzirikana ishapule yawe, nanse kuguma ndakuyogorera mu matwi nayo urubanza rwinka rwungururijwe ahandi.