1

BAPTIST CHURCH OF MIZORAM

NI PAWIMAWH PROGRAMME 2014

NI PAWIMAWH PROGRAMME 2014

Published by the Baptist Publication Board, BCM Serkawn

Copy : 5000

Printed at The Baptist Printing Press, Serkawn. Lunglei District. Mizoram 2014

A CHHUNGA THU AWMTE (NI PAWIMAWH 2014 SIAM TAWHTE) Thuhmahruai (iv) Inkhawm dan tur Kalphung (v) Sl No 1. Kumthar Ni 2. Missionery Day 3. Phar pual Pathianni 4. Kristian Hospital Sunday 5. Education Sunday 6. Missionery Thlen Champha 7. Martarte Ni 8. Harhna Thlen Champha 9. Tumkau Pathian Ni 10. Good Friday 11. Easter Sunday 12. KNP Day 13. Buhfaitham Pathian Ni 14. BKHP Day 15. Baptist World Alliance Day 16. BMP Day 17. Kristian Chhungkaw NI 18. TKP Ramthim Ni 19. Isua Van lawn Ni 20. Thlarau Thianghlim Thlen Ni 21. Relief Sunday 22. Missionery Sunday 23. TKP Day 24. Thlai Thar Hlan Ni 25. Theological Education Sunday 26. NEICC Day of Prayer 27. Khawvel Sunday School Ni 28. BWA Hmeichhe tawngtairual Ni 29. Rualbanlote Ni 30. Bib le Sunday 31. Mission Buhthar Hlan Ni 32. Krismas Date 1 January 2014 11 January 2014 26 January 2014 16 February 2014 23 February 2014 8 March 2014 30 March 2014 4 April 2014 13 April 2014 18 April 2014 20 April 2014 23 April 2014 27 April 2014 2 May 2014 4 May 2014 4 May 2014 18 May 2014 29 May 2014 29 May 2014 8 June 2014 15 June 2014 6 July 2014 30 July 2014 3 August 2014 17 August 2014 19 October 2014 2 November 2014 2 November 2014 30 November 2014 7 December 2014 14 December 2014 25 December 2014 Page

THUHMAHRUAI BCM Ni Pawimawh hman dan tur hi a changtu department lamin an siam a, bialah thawndarh a ni thin. Lehkha hmuhloh leh tlaipalh a awm fo avangin Assembly 2011 rorelna chuan Ni Pawimawh te hi a bu a siam nise, kohhran ten a hun tak a an hmuh theih nan butsaih nise tiin a rel a. A changtu department ten an rawn buatsaih chu remkhawm leh siam rem ngai siam remin, Kum 2012 a tang khan Worship and Music Department in a buatsaih ta a ni. Ni pawimawh thenkhat chu kohhran inkhawm hun pangngai a a inherchhuah loh avangin hman remlo te pawh a awm thei a, amaherawhchu, hun hmang thei te chuan inangtlang a hman hram hram tum nise kohhran inenkawlna leh thawhhona kawngah a tangkai ang. Ni Pawimawh bu siam chung changah rawtna leh thurawn tha tak tak in han thawh thin a, hei hi a lawmawm hle ani. Kan kal phung hi rorel a thu khaikhawm thin a nih avangin in beisei ang chiah lo deuh pawh a awm ang. Kan lo darh zau ve ta a, kan hman tlan theih tur ang ber a ruahmanna hi siam ani. BCM Assembly in, programmee duan bak, a history hi chu uluk deuhva ziak a tih thar fo ngailo tur a dah ni se ti a a lo rel tawh angina a history hi chu rin nghal a awm nual a ni. Ni Pawimawh pakhat a tan zing leh zan siam vek lovin, hun thenkhatah chuan hun khat zel hman tur a ruahmanna siam a ni. Tawngtai rual tur a nih chuan thupui pathum deuh zel dah ani a, Ni Pawimawh anihna dah deuh vek ani. Bible chhiar tur pathum chauh dah in, hun changtu in chhiar tur dang a neih pawh in leng thei tur a duan ani.

Rev. K.V.Thanga Director Worship and Music Department

INKHAWM DAN TUR KALPHUNG

Ni Pawimawha Pathian Chibai bk Inkhwm dn tr hi rualkhai taka kan hman theihna trin Inkhwm Programme kalphung tr (Order of Service), a hnuaia mi ang hian duan a ni. Hng bkah hian Tualchhng Kohhranin \l leh pawimawh an tihte a awm chuan an belh thei ang. A hnuaia order of service duan (model) ang zl zui hian a theih chinah chuan hman tum \heuh ni se a lwmawm hl ang. 1. 2. 3. 4. 5. 6. 7. 8. 9. 10. |anna (Pathian chibai bk tra swmna) : Hruaitu Hla sakho : Hruaituin thlang se |awng\ai : Hruaitu Thupuan : Secretary Special No. : Zaipwl/Group/Solo/Nauhlan etc Thu chhiar : Ni Pawimawh Bu-a dah a nih chuan Hla sakho : Thawhlwm lkkhwm leh hlanna Thusawi : Thupui a awm chuan sawi ni se Hla sakho : Thusawituin thlang se |awng\ai/Malswmna

Hriattr pawimawhte: 1. BCM Assembly chuan inkhwmnaah hruaitu awm se ti a a rel hi zawm tum hrm ni se. Inkhwm \an tra hruaitu a lo din vleh thu dang/thu nawi sawi lovin Pathian thu, Pathian chibai bk tra swmna lam, Sm-a mi te emaw chhiar tr. Thu nawi sawiin inkhwm bul \an loh tr. Hei hi Call to Worship kan ti a. Inkhwm hruaituin thuchah sawi leh thil \l lova hun lk \euh hi kan bnsan a \l m m. Kohhran hote leh a bk takin mikhual an awm chuan \ha taka lawm (welcome) tr a ni. 2. Hla sak tr hi tr a nih loh chuan hla hruaitute hrilh lwk tr. Hla hmasa ber hi ding chunga sak ni se, |awng\ai hi mipui la din laiin emaw \hu pawhin neih chhunzawm ni se. Hla sak leh |awng\ai hi chu hruaitu \ha tih angin a khawi zwk zwk pawh hi tih hmasak theih a ni. 3. Thu puang trin Secretary koh leh ni se. Mi \henkhatin ziaktu tih an chng a, hei hi hman loh tur ni. Secretary tih mai tr. Secretary te chuan an thu puan tr chu uluk taka lo inbuatsaihin hun rei lo deuh lk tum tr. Thu puan nna hun rei tak lk hian inkhwm boruak a tingui hma hle. Puan loha pawi lo thei trte chu pumpelh hrm tum ila. 4. Special Number kan tih hian a huap zau hle. Nauhlan te pawh a huam thei ang. Zaipwl, Group, Solo leh thil dangte pawh. 5. Thuchah chhiar hi a tiawm (entir nn:Missionary Day-ah chuan Mission Committee member/hruaitu a\angin) an awm chuan chhiar tr ni se, a

6 remchn chuan hmeichhia, aw fiah deuh leh lehkha chhiar thiam deuh hman ni thei se. 6. Thawhlwm lkkhwm laia hla kan sak hi \hu chunga tih a, thawhlwm hlan laia din hi a \ha hle. Thawhlwm hlan hi mi mal emaw |awng\airual pawhin tih theih a ni. |awng\airual a nih chuan a twpna siam trin hruaitu emaw mi dang pawhin hman ni se. 7. Thusawitu chuan thuhmahruai leh thil \l lo, mahni inbuatsaih dn \ha tawk lo tih vlte sawi loh ni se. Bible chhiar emaw thusawiin \an hmiah tr. Bible hi tam tak leh sei pui pui chhiar lovin tawi fel deuha chhiar a, a bk chu kan thusawi paha sawi lan mai hi a \ha m m. Thusawi hi drkr chanve bk hman loh tum ila, special programme leh thil danga hun hman rei tawh a nih phei chuan chu aia rei lo pawh a twk tho mai. Thusawi hi inkhwmnaa item pakhat a ni a, hun rei leh tam lutuk a lk hi a fel ber lo. 8. Inkhwm khar nn hla sak ho leh ni se, mipui chanvo a tam zwk theih nn thu hi rei lutuk lo sawi ila, a twp lamah hla pahnih pathumte pawh sak ni zwk se. 9. Lalpa |awng\aina emaw Malswmnain hun khr ni se. Malswmna sawi trin Pastor emaw Upate pawh hman \hin ni se. 10.BCM Assembly 2011 thu angin Ni Pawimawh inkhwmah hruaitu hran hi awm ngei se.

KUMTHAR NI 1 January 2014 (Nilai)

Hman dan tur: 1. Kohhran ho te Kum 2013 kum tluanna min hruaina leh Kum 2014 kumthar min hruai thlen a vangin Pathian hnen ah lawmthu i sawi ang u. 2. Hmandan tur Programme chu Tualchhung Kohhranin tha an tih ang in ruahmanna a siam ang. 3. Hun changtuin tha a tih ang a zalen tak a a hman theih nan Thupui siam a ni lo.

------------------------------------------------------------------------------------------------------------------------

MISSIONARY DAY JANUARY 11 (Saturday) Hman dan tur: 1. Zing leh zan Inkhawm nise 2. Chaw hnu lamah inpawlhona neih nise. Hetah hian Mission lam hawi thupui thlan bik sawiho nise. 3. Kohhran Zaipawl leh BKHP, TKP, BMP, KNP ten hla rem thei se 4. Tualchhung Kohhranin program chu tha a tih angin buatsaih se. Hun hmang turin hmun dang a mi (headquarters a mite pawh) sawm theih a ni. 5. A thei chuan ruai nena he ni hi lawm nise. Thuchah: Zorama Chanchin Tha lo thlen dan:

Sailam lal Bengkhuaia leh a pasalthate chuan Cachar ram an runa, chuta thingpui huan siamtu James Winchester chu thatin a fanu Mary Winchester chu sal atan an hruai haw ta a. He thu hi British Sawrkarin a hriat ve leh Mary Winchester chhanchhuak turin Mizoramah kum 1871 khan a sipai rual a rawn tir a, Mary Winchester chu an hruai kir leh ta a ni. Hei hi Vailian Ina an tih chu a ni. Mizote hian mi thaha an lu lak chu huaisenna leh pialral kalnaah an ngaih avangin hnamdang an run fo va, chuvang chuan British sawrkar chuan tukdawl vek thain a hria a, 1888 khan sipai tam tak a rawn tir chhuak a, hei hi Vailian II-na tih a ni. Mahse Mizo lalte chuti maiin an tlawm duh bik lova, theihtawp chhuahin an lo do let ve a. British sawrkar chuan tudawl thei ngei tur sipai tam zawk kum 1889 khan a rawn tirh belh leh ta a, Mizo lalho chu tukdawlin an awm ta a, British sawrkar chuan Mizoram chu a awp hlen ta a ni.

8 Sap ram nitin chanchinbuah James Winchestera thah anih dan leh Mary Winchester man anihdante, chhanchhuah leh anih dante leh mizoho chu lu la hnam, mi that a, an lu lak chu huaisenna leh pialral kainaa ngai an nihdante an ziak chuai chuai mai a ni.
Sap mi hausa Robert Arthington a rilru pawh chu chanchin chuan a khawih hle. Ama hming chawia Mission pawl din Arthington Aborigin Mission chuan Rev. JH. Lorrain (Pu Buanga) leh Rev. F.W. Savidge (Sapupa) te chu Mizo, lu la hnam zinga Chanchin Tha hrilh turin an rawn tir ta a. An ni hian 11th January 1894 khan Sairang lo thlengin hemi ni vek hian an mahni puanthuah tel (bedding) zawnin Aizawl an lo thleng chhova, he mi ni hi Missionary Day tiin Mizo Kristian zawng zawngin pawmin ni 11 January 1994 khan Chanchin Tha thlen champhaphak vawi 100-na (Centenary) chu kohhran hrang hrangin hlim leh lawm taka lawmho a ni a, Mizoram sawrkar pawhin sawrkar chawlh (holiday) ah a puang ta hial a ni. Wesh rama Calvinistic Methodist Foreign Mission chuan Mizote zinga mission hnathawk tura a rawn tirh Rev. D.E. Jones chuan 31st August 1897 khan Aizawl a lo thleng ve leh a. Pu Buanga leh Sapupa chuan Mission pawl hrang thawhkawp chu dikin an hre lova, tin, Robert Arthington hian hmun khatah kum thum aia rei cham lova, hmun danga Chanchin Tha la hrelote hnena kal a hril zel turin a ti bawk nen, duh taka hna an lo thawh lai mek chu Rev. D.E. Jones a kutah hlanin Abor ram (Arunachal Pradesh) ah an kalsan ta a ni. British sawrkar chuan Mizote Bengali tawnga lehkha min zirtir turin an lo buatsaih a, zirtirtute pawh an lo ruatfel tawh, amaherawh chu Pu Buanga leh Sapupa chuan Mizo A, AW, B. min lo siamsakin mi thenkhatte an lo zirtir hman der tawh a, chu chu British sawrkarin a hriatin an thil tum chu thulh lehin tuna kan hawrawp kan neih hi min pawmsak ta zawk a ni. Chuvangin Sap upa leh Pu Buanga hi tisa leh thlarauva Mizote chhanchhuaktu, hnam lungphum min phumsaktu an nih avangin engtikahmah Mizote hian kan theihnghilh tawh ngai lovang.
Tunlai hian mi thenkhatten Sap upa leh Pu Buanga aia chawi lansarh tum neiin Mizorama Chanchin Tha thlentu hmasa ber chu William Williams a ni te an ti. William Williams Mizorama a lo kal hma kum 10 kal ta-ah khan Sap Sipai Officer Thomas Herbert Lewin (Thangliana) leh a hote leh a nupui Dari chuan 25th December 1871 khan Belkhai atanga mel 6 Tuikawi khuaah Krismas hmanpuiin TH. Lewin hian ngaihnawm takin Lal Isua pian thu hi a sawi tawh a ni.(Lallhluna, RK; Rothangpuia, Thangliana & Darhmelthai. Tlabung Centenary Souvenir). William Williams kha missionaryte an thawh theihna tura ram enthli tura (survey) lo kal a ni. Tlawng lui Kutkawk kaiah thu a sawi tih hi a dik ang. Mahse he mi hma kum 10-ah hian TH. Lewin (Thangliana) hian Krismas thuchah Tuikawi khua-ah ngaihnawm takin a lo sawi tawh a ni.

Tuipui ral atanga Chanchin Tha eng min rawn pe tura Lalpan zosapte a rawn tirh avangin he Missionary Day hi lawmna ni a ni a, Pathian hnenah tihtak zetin lawmthu i sawi ang u.

9 PHAR PUAL PATHIANNI ( 26Th January 2014) (Republic Day nen a in rual) Thupui : A thlawnin in hmu a, a thlawnin pe ang che u (Matt. 10:8) Thupui then : 1) Kan chan ang phar ten an chan ve theih nan a hmanruaah Lalpan min duh a ni. 2) A thlawna kan hmuh hi a thlawna pe tur kan ni. 3) Pharte hnenah chanchin tha i hril ve ang u, Lal chhungte an ni ve si a. Tawngtai thupui : 1) Mizoramah hian TLM rawngbawlnain hma a sawn chhoh zel avangin lawmthu sawi ila, thahnem ngaia hma la tuten kohhran mit ti mim lova rawngbawl dan an thiam chhoh zel theih nan. 2) Phar tam takin 2014 chhung hian taksa, rilru leh thlarauva damna an lo chan leh theih nan. 3) Mizoram kohhran/kristianten he rawngbawlna tlawm tak hi an ngaih pawimawh a, ngaihthah deuh tawh te pawhin Lal Isua ngaih pawimawh rawngbawlna a ni tih hria a hma an lak thar ve leh theih nan. Thuchah tawi chhiar tur: Unau te u, Phar pual Pathianni khawvel pumah kan lo hmang ho leh thei hi a lawmawm in pharte tan malsawmna ni leh an tana tawngtaisakna ni a nih leh ngei TLM chuan kan beisei e. Khawvelah hian phar vei tam tak awmin kum tinin a vei thar an la awm belh ve reng a, India ramah ngawt pawh hian kum tin mi 150000 vel a veithar an la awm ziah a ni. Hengte hian chatuana nunna Isua Krista an lo neih a, an dinhmun leh chanvo an chan phak tawh loh an lo chan ve leh theih nan kum tinin an dinhmun chhiat zia te, tanpui an ngaihzia te kohhranhote hnenah kan tarlang thin a, kuminah erawh chuan TLM kaltlanga India rama kan rawngbawlhona chanchin tawtein han tarlan kan tum dawn a ni. TLM dinhmun tlangpui: South Asia Region Headquarters Delhi a ni a, chumi hnuaiah chuan Mizoram hi a awm. India ramah hian TLM in Phar Hospital 14 kan nei mek. Phar dam leh an chhung ten an duh tawh loh te enkawlna (mercy home) 5 kan nei Phar enkawl dam tawhte eizawnna zirtirna atan Vocational Training Centre (VTC) 6 kan nei mek. Phar Hospital thleng phak ve lo leh an natna ngaihthahte tan Community Base Project hmun 36 ah phar natna veite enkawl leh zawnchhuah hna thawh a ni. Kumtina kan rawngbawl dan tlangpui: TLM Hospital ah te hian kum tinin mi 5000 aia tam enkawl ziah a ni. Mercy Home ah te hian mi 300 vel bawr enkawl reng a ni. Vocational Training Centre (VTC) 6 ah te hian kum tinin student 1000 velin an zir thin. Phar natnain an taksa peng a tihchhitsak mi 1300 aia tam zaisak (surgery) thin a ni. Phar natna avanga mit chhia mi 3600 vel kum tinin an mit saiaka enkawl an ni thin bawk. Phar naupang leh phar fate school a an admit duhloh 1300 vel chu kumtin lehkha zirtir an ni. Phar dam leh mi 450 lai an eizawnna atan chhawmdawlna kumtin siamsak thin an ni. Phar chhungkaw 200 tan kumtin chenna in (Low cost house) sak sak thin a ni. TLM Centre tinah Councellor ten pharte counseling an neihpui thin a ni.

10 * Hemi ni a thawhlawm hi Calendar a arsi chhinchhiahna chuang anih angin Headquarters lut tur pawisal kal dan pangngai angin chhunluh tur a ni ang. Khawngaihna thilthlawnpek an tan rawn hlan ve la, Lalpan a van malsawmna in a vur ang KRISTIAN HOSPITAL SUNDAY (16 February 2014) Thuhmahruai: Christian Hospital Serkawn hi 10th February 1923 ah din a ni a, a din tan ni Pathianni hnaih hi Hospital Sunday atan dah thin a ni a, hemi ni hian a remchan chuan BCM Medical & Health Department Committee member te emaw, Hospital thawktute emaw, thuchah sawi tura sawm ni sela. An remchanglo a nih chuan Pastor emaw, kohhran Upa in emaw thuchah sawi nise. Medical Superintendent thuchah tawi hi chhiarchhuak tur mi hranpa inruat nise. Programme tlangpui: 1. Thupui - Kei Lalpa a tidamtu che ka nih hi (Ex. 15:26) 2. Inkhawm hruaitu turte leh programme chipchiar chu tualchhung kohhran kutah awm sela. Thuchah tawi: HOSPITAL SUNDAY THUCHAH: Lal Isua he kahwvela a awm laia a rawngbawlna kawng pawimawh ber pakhat chu tihdam rawngbawlna hi a ni. Taksa, rilru leh thlarau damlo mi tam takin an pan a, an tan damna a lo ni thin. A thilmak tih zawng zawng hmun thuma thena hmun hnih zet hi taksa damna a ni. He rawngbawlna pawimawh tak hi tun thlengin amah zuitute chuan kan la chhunzawm a, chanchintha puandarhna hmanraw pawimawh tak a la ni zel bawk. Tun lai thiamna hmanga tihdam rawngbawlna India rama bul tan tute leh hma la tak tak tute chu Christian Missionary te an ni a, tun thlengin Christian Medical College te leh Mission Hospitals te chu tihdamna kawnga hmahruaitu niin ringlo mite pawhin an hlut em em a ni. Mizoramah pawh he rawngbawlna hi Zosap Missionary ten an lo luh tirh atangin an tan nghal a, Mission hospital hmasa ber Christian Hospital Serkawn pawh kum 1923 khan an lo din a, Nurse zirna pawh 1952 khan tan a lo ni leh ta a ni. BCM pawhin he hna hi chhunzawm zelin tunah hian a hnuaia tarlan kawng hrang hrang hmang hian tihdamna hna chu a la thawk zel a ni 1. Christian Hospital Serkawnah hian khum 100 a awm a, heath hian doctor 11 leh thawktu 130 vel an thawk mek a, Lunglei leh a chhehvel mai bakah District dang atanga damlo rawn pantute enkawl an ni thin. Sorkar hospital changtlung tak awmin private hospitals te lo ding chho mah se he BCM hospital hian damlo enkawlna kawngah mawhphurhna pawimawh tak a la nei chhunzawm zel a ni. 2. Christian hospital branch Lawngtlai ah kum 2007 khan hawn a ni a, hetah hian doctor 3 leh thawktu 30 vel an awm a, Lawngtlai khawpui chhung leh Lawngtlai district chhunga damlo enkawlna kawngah a tangkaiin mi tam tak tan malsawmna a ni mek bawk. 3. Nursing, Christian Hospital Serkawnh hian kumtin GNM students 20 lak an ni a, tichuan zirlai 60 atanga 80 an awm reng a ni. Nurse students te hian an zirlai an zir bakah hospitala damlo enkawlna kawngah an tangkai em em a, hetianga nursing care practical tak a an thawh hian damlo enkawlna a taka an thawhnaah nasa takin a pui thin a ni. BCM in hnathawk nghal thei tur thiamna nei mihring (professionals) tam tak kan train chhuahna institution a ni a, a hlu hle a ni. 4. Thingtlang kilkhawr zawka awmte tan a remchan dan angin a khat tawk a clinic neih thin a ni a, mi tam takin hei hian chhawr hle a ni.

11 5. Sorkar nen health department programmes hrang hrangah kan thawkho a, tin, BHSS nena tangkawpin MLT vocational course kalpui a ni a, heta tang hian Laboratory technicians tam tak zirtir chhuah an ni a, Mizoram hmun hrang hrangah an thawk mek. 6. Rilru leh thlarau damna kawnga hma la turin Post Graduate Diploma in clinical councelling training chhuak chaplain full time a thawk tur BCM Pastoral department chuan min pe a, Ani ho hian councelling leh worship service hmangin hma lak a ni. 7. Staff training leh thawk tur sponsorship kalpui a ni a, tunah hian MBBS zirlai 4 leh post Basic BSc Nursing zirlai 1 CMC Vellore ah sponsor mek a ni. Pathian hruaina leh malsawmna avangin theih ang tawk a he rawngbawln ahi kalpui zel a ni a, amaherawhchu, mihrin gleh sum leh pai tlemna zawk hmuna awm kan nih avangin duh ang chuan hmasawn chak a har hle. Kohhrante tawngtaina leh tanpui kan ngaihna kawng tlem han tarlang ila 1. Taksa, rilru leh thlarau damna he hospital hi a lo nih zel theih nan thawktu leh zirlaiten Lal Isua hmangaihna nena damlote kan enkawl a pawimawh a, tin, tidamtu tak tak chu Pathian an i tih hria a, Pathiana innghat tlat fo thei turin tawngtaipuina englai pawhin kan mamawh a ni. 2. Tunlai kahwvel thiamna sang zelah thawktu hrang hrangte thiamna sang zawk nei tura kan inbuatsaih a pawimawh a, chutiang mite pawh Pathianin min pek zel a tul hle. Sorkar leh private health sector lo thang zelah hian doctor specialist mamawh belhna a lian em em a ni. Chutiang thiamna nei, inpe tur Pathian hnenah dil ila, kohhran hote pawhin chutiang mi an lo luh duhna tura rilru zau zawk kan put a, lo luh chakawm a kan insiam a pawimawh. 3. Mizoram chhung leh pawn hmun hrang hranga thawk tur nurse leh laboratory technician zir chhuahna hmun a ni a, heta tanga zir chhuak zawng zawng ten Lal Isua Krista rilru pu a tihdamna rawngbawlna hi an awmna hmun apiang a an thawh theih nan tawngtaipui an ngai thin. 4. Damlo te tana pan tlak ni zel tuirn khawl leh hmanraw tha leh changkang zawk neih zel a pawimawh hle a, Medical hmanrua te hi an to em em a, a nuai bi man an ni zel si a, chuvangin heng hmanraw tha kan mamawhte nei thei tur hian thilpek leh tawngtainaa tanpui kan mamawh hle bawk a ni. Taksa a hrisel loh tlat chuan chak takin eng rawngbawlna mah hi a kalpui tak tak theih ngai loh. Chuvangin, Pathian ram a lo zau a, a lo ngheh a, a lo lanfiah deuh deuh theihna tura rawngbawlna pawimawh ber pakhat tihdam rawngbawlna hi BCM chuan a thawk chhunzawm zel ang a, BCM member zawng zawngte pawh he rawngbawlnaah hian kan tel vek a ni tih hria a rilru thar nen he rawngbawlnaah hian hma la tlang zel turin kan insawm a ni.

12

EDUCATION SUNDAY. 23 February 2014. Thupui : Zirna-ah tan i la ang.

Bible thu innghahna : Gamaliela ke bulah chuan zira seilian ka ni. T.T. 22:3(b) Hun hman dan tur: Patthian ni chawhma inkhawmah thupui hmangin thuchah hi sawi tur a ni. Tualchhung Kohhran in hemi nia thuchah sawitu tur hi uluk deuhva ruat ni thei se. Inkhawm dan tur programme chu inkhawm hruaitu leh thuchah sawituten ruahman thlap se. Thu chhiar tur hi Kohhran Secretary in tha taka chhiar tur a ni. Thupui tarlante hmang hian thawhlawm hlan na nen tawngtai rual nise. Tawngtai rual thupui: 1. Kan Kohhran zirna hrang hranga zirna leh zirtirtu leh zirlaite tan. 2. Kan Kohhran mitten zirnaah tan kan lak thiam theih nan 3. Mahni Tualchhunga zirtirtute leh zirlaite tawngtai sak nise. Thu chhiar tur: Mizorama Missionary hmasa ber Sap Upa leh Pu Buanga (Rev, F. W. Savidge, Rev. J.H. Lorrain) te kha Mizorama zirna lung min phumsaktu (A, AW, B-siamtu) an ni. Chanchin Tha rawn thlen hmasa bertu an nih bakah mawlna ata chhandamna (zirna) min petute an ni. Kan Missionaryte an lo chhuah khan Lal Isua rawngbawlna ki pathum Chanchin Tha hrilh (Kohhran din) tihdam rawngbawlna (Damdawi in) leh zirna (School din) ah bul an tan vek a. Heng rawngbawlna te hi Kohhran in kan chhunzawm ta zel a ni. Kohhran ropui takin kan lo ding ta a, Damdawi in pawh 2 lai kan nei a. Zirna lamah Mizorama College nei chhun Kohhran kan ni. Zirna lama kan rawngbawlna: Tun dinhmuna kan Kohhranin zirna lama tha kan thawh nasatna ber chu Mission-ah a ni. Mizoram chhungah chuan Sawrkar school bakah mimal school te a lo tam ta a. Chuti chung chuan Theological College (AICS) kan nei a, College (HATIM) leh Higher Secondary School (KG Class VII) thleng, Social Work Commerce, Arts, Science leh MLT (Medical Laboratory Technician) zirna leh Nursing School te kan nei a, hengah te hian thawktu 139 leh zirlai 1704 (2013 dinhmun) zet kan nei a. R & D Department ah kum tin mi engemaw zat training kan pe reng bawk a ni. Hemi bakah Kohhran mal leh Pastor Bial ten an din English Medium school 10 chuang tanpuina kan pe a ni. Heng kan zirna hrang hrang neihte hi Mizoramah a tha pawl vek an ni. Nikum 2013 khan HSLC College ah mi 26 zet Top ten a passed kan nei a, a lawmawm hle. Kan ram hruaitu engemaw zat leh Officer lian pawimawh tak tak kan neihte hi kan school atanga chhuakte an ni. Kan dinhmun leh tan lakna tur: Nikumah result tha tak tak kan nei a, amaherawhchu keini Kohhran hian tan lakna tur tam tak kan nei. Kan tam berna Lunglei District leh chhim lama awmte hi Sawrkar ngaihsak dawng tlem lam kan ni a. Mizoram hmar lama kan Kohhran mi te pawh Aizawl khawpui mite tih loh chu harsa zawk chan changte kan ni a. Tun dinhmunah hian Sawrkara hna pawimawh Officer pawh kan nei tam ta vak lo. Chuvangin kan ram leh Kohhran kal zel tur thlir pawhin zirnaah tan kan lak a ngai hle. Tin, zirna kan tih hian A, AW, B, atanga BA., MA pass tura zirna chauh a nilova thiam thil hrang hrang zirna a huap vek a ni.

13 Zirna kalphung danglam leh kan policy : Hun engemaw lai atang khan kan rama zirna chu English Medium lamin ke kan pen a, mimal ten an din a, Kohhran pawl thenkhatten an din a, kan Kohhran mi tam ber chu Fee petu kan ni. Kan zirna hmunpui Serkawnah te leh HATIM ah te kan fate kaltir pha lo tam tak kan awm a, hemi avang hian BCM Education Department chuan kan Kohhran leh ram dinhmun te ngun taka thlirin Kohhran mal leh Pastor Bial English Medium School din te chu tanpuina pek dan a lo siam ta a ni. Kan ram leh Kohhran dinhmun thlirin Kohhran chhungkaw tinte tang tlang a mahni hmuna school tha din tura tan lak a pawimawh hle. Kan Mission rawngbawlna hmunah school tha kan pe a, zirtirtu atan kan nula- tlangval tha te kan tir liam a a tha a, hei hi kan chhunzawm zel ang. Hetih rual hian ram chhunga keimahni leh kan tu leh fate tan zirna tha buatsaih turin Zirnaah tan i la ang. Lalpan Kohhranhote malsawm che u rawh se.

BAPTIST CHURCH OF MIZORAM ASSEMBLY A hun : 5th 9th March 2014 A Hmun : BCM Serkawn Thupui : CHANCHIN THA MI TIN TAN (Luka 2:10)

14

MISSIONARY THLEN CHAMPHAPHAK 8 MARCH 2014 (Saturday) Mizoram Baptist Kohhran hian missionary rilru pu-a ramthim veina hi kan nei nasa telh telh zel a. Kan rama missionary te lo chhuak ngaih san na leh ngaih hlutna pawh kan nei thuk deuh deuh va. 1968 Assembly chuan he ni (8th March)-ah hian programme fel tak ruahman a ramthim veina rilru kan put zel theihna tura infuihna leh inzirtirna hun atan hman a duh ta a. Hun engemaw ti chhung chu chutiang chuan hman a ni thin. Amaherawhchu January 11 hi a ram pum huapa programme neia hman a lo ni ta bawk a, March ni 8 hi chu kohhran nawlpuiin awmni khama hmang lovin, kohhran hna thawktute chhuti ni atan kum 1989 atang khan hman a ni ta a ni.

Baptist Missionary Society (BMS) Mizoram chhim lam (Syhlet Province) ah Mission hna a thawha thawh theih leh theih loh enthlithlai turin tuna Bangla Desh kan tih tak atangin Missionary chu an tir a, an report atangin Mizoram chhim lamah thawh chu a titlu ta a. Arthington Aborigine Mission tirh a lo kal JH. Lorrain leh FW. Savidge chuan kum 1897 a Mizoram an chhuahsan hnu-in Abor ramah (Arunachal Pradesh a Adi hnam) rawng an bawl a. Baptist Missionary Society chuan Mizoram Chhim lamah rawngbawl turin an sawmna chu pawmin ni 8th March 1903 khan lawngleng-inTlabung an lo thleng a, chu ni chu Baptist Missionary Thlen Champhaphak ti a ni pawimawh bu a kan dah hi a ni. Lawngleng atanga khawmual an kaina lai hi Missionary Kai tih a ni a, hetah hian innghahkhawmna in (waiting shed) sak a ni. Sap upa leh Bu Buanga te Mizoram Baptist Kohhran din pui tura Tlabung an lo thlen ni hi Mizoram Baptist Kohhran chuan ni pawimawh leh chhinchhiah tlakah ngaiin Kohhran Office chawlh ni a tan a dah a. Kumin 2014 hian Inrinni a ni a, he ni hlutzia leh pawimawh zia hria-in chhun lama hmang thei chuan lawmthu sawi Inkhawm chhunah emaw zanah emaw a bik taka buatsaih thei nise a tha hle ang. Programme chu tualchhung kohhranin tha a tih angin siam nise.

MISION PLATINUM JUBILEE PROGRAMMEE Dt 20- 22 March 2014 Mission Platinum Jubilee Serkawn-ah Programmee hman tur ani a. Dt 29&29 March 2014 hian Aizawl, Lawngtlai leh Hnanthial ah te Programmee neih ani ang.

15

MARTARTE NI
30 March 2014 (Sunday) Thuhmahruai: Kum 2002 a BCM rorelna sang ber, Assembly chuan Krista rinna avanga tuartu Martarte hriatrengna ni hi hman ni se tiin thu a lo passed ta a.Assembly thurel chu Administrative Committee chuan bawhzuiin March Pathian ni hnuhnung ber hi kum tinin Martarte Ni a tan hman thin tawh turin a ti ta a ni. Kumin hi Martarte ni vawi 13-na kan hmanna a lo ni ve tar reng a ni. Thuchah (Martar awmzia) Martar tih tawngkam hi a lo chhuahna tak chu,Grik tawng Martus tih atanga lo awm a ni a, a awmzia chu Thuhretu tih a ni a, Thuhriatpuitu, Tantu, Lamtang tite pawhin a sawifiah theih bawk. Martar tih hi Kristiante rilruah chuan Krista dodalna avanga tuara, phatsan lova nun chante nihna sawi nan hman a ni ber.A tirte-ah chuan Lal Isuan khawvela rawng a bawl lai hmutu apostolte sawi na tluka hman a ni a. Kristiante tihduhdahna a lo awm tak fo hnu ah chuan an rinna avanga harsatna leh tihduhdahna tuar chhuakte sawi nana hman a ni ta a ni. Kristiante hian Martar tih hi intitatu deuh mah sela, hun a lo kal zela sakhaw dangte pawhin an sakhaw thurin tan avanga thihpui hial an awm ve tho avangin, martar tih tawngkam hi rinna thihchilhtute sawi nan zau takin hman a lo ni ta a ni. Hetiang a lo nih takah chuan Martar tih chu mahni sakhaw vawn leh thurin phatsan duhloh avanga nunna chantute sawi nan hman a lo ni ta a. Tunah phei chuan ram tana nun chantute sawi nan pawh hman a lo ni zel ta a ni. Heng bakah hian Martar han tih chiah theih loh rawngbawlna neih laia nun chante pawh hi Martar tih hming han pek hi an chakawm hle a; amaherawh chu Martar tih lo chhuahna chhan tak leh ringtu hmasate lo hman dan nen chuan a in an lo avangin, heng hi chu ropui takin chawimawi tlakin an thi a ni. KRISTIANTE MARTARNA CHHAN: Kristiante hi sakhaw hrang hrang zingah martar tam ber kan ni hial awm e. Thuthlungthar kohhran a lo din atanga reilote ah kristian martarna a thlenga, ringtu hmasa Stephena chu lunga den hlum a ni. Heng hun atanga tun thleng hian kristiante tuarna leh tihhlumna hi a la awm reng a ni. Heng a hnuaia tarlante hi kristiante martarna chhan tlangpui an ni. 1. Ringtu hmasate an lo tiak tan tihah dodalna a lo piang chhuak ve nghal a. A dodaltu berte chu Juda hnam an nia,Tirhkohte thiltihah kan hmuh angin zirtirte hian Judate kut vawi duailo an tuara, Stephana leh Jakoba-te pawh Judate kutah an thi a, Kristian martar hmasa an ni ta a ni. He martarna hi a chhan berah chuan Kristian thurin an puan chhuah chuan Juda sakhaw dan a kalh niin an hria a ni ber mai.
th

16 2. Rom sawrkar hunah tihduhdahna hmasa ber Nero-a hunah a lo thleng a. Heta Kristiante tihduhdahna chhan hi chu Rom khawpui tikangtuah an puh vang a ni.AD 64 July thlaah Rom khawpui a kang chiama, Nero-a hal nia rin a nia,chu mi laka Nero-a inthirfihlim nan Kristiante hi a haltuah puh an ni ta a ni. Kristiante hian hun tawpah khawvel meiin a kan ral tur thute an lo sawi thin nen Rom khawpui haltuah puh an ni hi a in hmeh ta viau a ni.He tihduhdahna ah hian mi tam tak an Martar a ni. 3. Kristiante martarna runpui lo thlen hi AD 64-313 in kar lai vel khan a a ni a, he mi hun chhung hian a khat tawkin a thleng reng a ni. Tihduhdahna karah hian Kristiante chu an pung zela, Rom lalber Pathian anga an biak ve duh loh avangin Kristian sakhua chu Rom ram chhungah sakhaw phal loh, a zawm a piang sawrkar dan bawhchhia, tihhlum tur ti a puan a ni bawk. Chu bakah Kristiante chu an Pathian nilo pathian dangte pawm lotu an nih avangin pathiante tivuiin, hrite, tamte, lirnghingte leh chhiatna dangte thlengtuah an ruat a, chuvangin Kristiante chungah tihduhdahna thlengin tihhlum an tam hle a ni. Kristiante zingah mithiam an lo chhuak a an dikna au chhuahpuitu Polycarp-ate,Justin Martar-a te mi tam tak Kohhran Pa kan tihte martar hun lai a ni. 4. Kristiante Martarna hi ringlotute atang chauh a ni lova, an Kristianpui Kohhran atangin an dawng tho a ni. Kohhran a lo lian zela, mithiam tam takin Kohhran leh Sawrkar inkawp dan te leh Pope thuneina dodalin Kohhran khalh dik an tumna lama tihhlum tuar John Huss-a te Jerome-a te mi dang engemaw zat an awm a ni. Kohhran leh sawrkar an tan rual avangin, Kohhran thlurpui chuan a kalphung sawiseltute chu sawrkar kut hmangin nasa takin a nek chepin a sawisa thin a ni. Roman Catholic kohhran lian ber atangin nekchepna hi a nasa bera, Protestant Kohhran zingah chuan Baptist Kohhran hi tuar nasa leh martar tamna ber kan ni. 5. Hman lai a tanga tun thlenga Kristiante martarna chhan lian ber pakhat chu sakhaw hran inhuatna avang hian a ni. Mahni sakhaw thurin chauh dik nia hria,sakhaw dang betu chu hmu ramhuai tlat leh sual tipunluntu anga ngaia, ngaihdan firfiak tak neitu hnen atangin Kristiante hian tuarna a nei nasa hle a ni. Hei hian vawiin ni thlengin khawvel hmun hrang hrangah hmun a luah hle a ni. 6. Heng bakah pawh hian Martarna chhan hi kawng tam tak sawi tur a awm, Kristian tam tak khawtlang nuna dikna leh mihring chanvo humhalh sakna tundin tuma beitute sawrkarin a huat em em, entir nan Bonhoefer-a te, Thomas Muentzer-a te leh Martin Luther King Jr. te martarna hi sawi hmaih chi an ni lo. Missionary tam tak hi an rawngbawlna hmun a a ram mitten an sakhua leh hnamzia tichhe vek tura an ngaih avangin an sawisa hlum thin bawk a ni. Kristian hmasa tihduhdah tuartute leh martarte hian an mahni humhim turin thilmak an beisei lo. Krista avanga tuarna hi huaisen takin an hmachhawn tawp mai a ni. Pathian Thlarau pawlna changin thlamuang takin an thi thin a ni. Martar hi lo in rin lawk a hneh taka lo hmachhawn lam aimahin a hunah Lalpa Thlarauin huaisenna pein a thlamuan thin a ni. Thihna hmanga Martar hi

17 Kristian mi zawng zawng chan phak a ni kher lo ang, amaherawh chu ringtute hian Krista kan rinna leh a laka kan rinawmna hmang hian thihna hmanga martarte tluka thukin kan nun hi Krista tan a in pek theih a ni. HARHNA THLEN CHAMPHA 4 April 2014 (Friday) Hun hma dan tur: He ni pual a hun hmang thei tur te tan :Thupui : Harh a hun tawh tak zet (Rom 13:11) 1. Programmee kimchang chu Tualchhung Kohhranin ngaihtuah mai se. 2. A hnuai a thuziak hi chhiarchhuah nise. Thuchah: Harhna awmzia:Harhna hrilhfiah dan kawng hrang hrang a awm a, mi hrang hrangin an ziak bawk. Sap tawngin revival tih a ni a, mi mal harhna sawina mai ni lovin, a huhova harhna a kawk bik thin. Kohhran pumpui huap emaw, khawtlang huap emaw, ram pum huap emawa harhna sawi nan hman bik a ni. Revial chungchang ziaktu lar tak Richard Owen Roberts chuan Harhna chu mihring nunah rah duhawm leh danglam tak a lo awm theihna tura Thlarau Thianghlim hnathawh danglam tak lo thleng hi a ni tiin a hrilh fiah a. Kan rama harhna lo thleng tawh leh a hna thawh dan enin he hrilhfiahna hi a dik hlein a lang. HARHNA BIHCHIANNA: Harhna hian Mizo Kristiante hi min chamchilh deuh reng thin avangin, a tlangpui chuan harhna hi kan hmelhriat viauin a lang. Amaherawhchu a nihna tak phawk chhuak lova thil narana ngaitu kan la tam awm e. Richard Owen Roberts-a sawifiah dan hian bihchian a dawl hle:1. Hrahna chu Thlarau Thianghlim Hnathawh a ni. Harhna a lo thlenin kan tihdan leh nunphung pangngai aia danglama thil a lo awm avangin mak tihna leh inhnialna a thleng fo thin. Thuthlung Thara harhna kan hmuh hmasak ber penticost ni-a lo thleng pawh kha a changtute leh luhchilh ve lo, ralkhat atanga thlirtute hriatdan chu a danglam hle. Pawn lam atanga thlirtuten uain thar an rui a nih hi an tih laiin chu harhna changtute zinga mi Petera chuan, Hengho hi in rin angin an rui lo ve.. tiin Pathian Thuin a lo sawi lawk tawh ang taka thleng a nihzia a sawi thei a ni (TT.2:13, 15ff.) Thlarau Thianghlimin a duh anga a thlentir a nih avangin mihringin kan hre thiam phak thin lo va, ngaihdan tamtak a piang thin a ni. 2. Thlarau Thianghlim hnathawh hi a danglam a ni. Thlarau Thianghlim chu Pathian a nih avangin, a duh ang leh tha a tih ang apiangin hna a thawk thei ( Jn. 3:8). Thuthlung Hlui atangin Pathian mite zinga harhna thlen hun hi sualnain mite rilrua hmun a chan nasat lai te, mi thinlung a chawlawl laite a ni fo. Mihirng hian ama duh hun hunah sual a simin nunthar a nei mai thei thin lo. Chutiang huna mite thinlung Pathian lama hawi kirtir chu thil awlsam a ni ngai lo. Chuvang chuan Thlarau Thianghlimin danglam tak leh mihringin awm leh mawi tawk a tih baka sawi thiat a ngai fo. Chuvangin kalphung pangngai baka danglamin a thawk thin a ni. Kan rama harhna thleng tawhte kan chhui kirin- khurhna te, tahna te, tawng hriatloh te, taksa chetnate-in a thawk thin. Mihring chu lemchang nuna nung thin leh mawihawih zawn ching- thlarau lam theipui hnah thui chawp fen ching kan ni. Chutiang nun chuan kan thatpui tur leh a tak ram min thlen zawh loh avangin, kan lemchanna leh hawihhawmna sawi thiatin, kawng hrang hrangin kan thinlung a tikeh thin a ni. Hei hian a maksak apiang a thlarau tihna a kawk lo. An mahni an inhria emaw, hre lo emaw, lem chang tam tak an awm thei bawk. Mahse a tak chu an tak a ni mai. Thlarau Thianghlimin a tum chu thutaka min hruai luh hi a ni (Jn. 16:13).

18 Chutianga Thlarau Thianghlim hnathawh danglam tak avang chuan, taksaa chetna emaw, thil danglam tak emaw dawng ve kher lotu pawhin ngaihvenna a lo neih phah a, Thlarau Thianghlim tan pawl theihin a lo awm phah thei thin. 3. Mihring nuna rah duhawm lo awmna bul a ni. Mihring nuna rah chu kan nun dan leh kan chetdan hi a ni. Kan lo pian thar hian Lal Isua nunzia chu kan zir tur leh kan nunpui tur a nih avangin, amah anna kawngah kan thang lian zel tur a ni. Chutih laiin thlarauva thanlenna kawngah duhtawk chin leh peih chin nei tlat kan awm fo. Mi piang thar tam tak chu kan luhlulna avang te, kan thatchhiatna avang te, kan chapona avang tein khawvel mite ang thovin kan nung a, kan rah hi a duhawm thin lo a ni. Thlarau Thianghlim kan tivui a, kan tilungngai fo thin. Chutiang mite chuan Thlarau Thianghlim khawih harh kan ngai em em thin a ni. Chutiang chu kan nih avangin thu-awihna kawnga kan intukluh theihna turin Thlarau Thianghlim chuan harhna boruakah taksa-ah emaw, thinlung lamah emaw min sawi (che) thin. Thu awi(h) na leh tlawmna hi kan rah theihna tura lei tha chu a ni a, Thlarau Thianghlim chuan harhna boruakah mi tamtak a titlawm thin a, Thlarau hruaia awm thei turin thuawihna kawngah a hruai thin a ni. 4. Rah danglam lo awmna bul a ni. Farisaite leh lehkhaziaktute Lal Isuan a ngaihtheih lohna chhan ber chu mi dangte laka an rilru putzia vang a ni. Mite hmuha Dan thuzawm leh a tiha tihah chuan an tha mahse hmangaihna leh khawngaihna dan thlawh khumin, an tihdikna chuan mi dangte an teh a, an teh tling lova, anmahni chu dik leh tha, mite chunga leng angin an inngai thin. Thlarau lam thilah hian kan hriat loh hlanin a lo chapo theih khawp mai! Harhna mamawh lova inhriat tlatna te hi thlarau lama chapona a ni. Thil tihsual langsar tak kan neih loh chuan tha thawkhata inngaih mai a awl fo. Thlarau chuan engkim a chhui chhuah thin avangin (cf.I Kor. 2:10) kan nihna leh kan ngaihtuah dan te hi a hre vek a. Harhna a thlenin mi mawl leh mi chuan hnuai te tete hi Thlarau Thianghlimin an mit tihvarsakin hruaitu mahni inhmu thei lote kaih harhna hmanruaah a hmang fo mai. Eng dang vang a ni lo rah danglam, a hma aia tha an neih a duhsak vang a ni. HARHNA RAH: Mi tam tak chuan harhna hi simeikhu anga eng emaw changa lo awm, ral leh mai thin ang lekin kan ngai awm e. Thenkhat chuan min tiphurtu satliah ang lekin kan ngai thei bawk. Harhna malsawmna sira lemchang nun lo buaipui tawk kan awm bawk. Amaherawhchu ngun taka chhut chuan harhna changtute nunah rah duhawm tak tak a thleng thin. Kawng hnih chauh lo sawi ila1. Thlarau Thianghlim lalna leh thuneihna a hriatchiantir: Harhna boruakin a khawih harh ringtu chuan Thlarau Thianghlim a hmelhriat a, a lalna leh a thuneihna pawh a hriat chian phah thin. Thlarau Thianghlim chu Pathian a nihzia te, a nunah awmze nei taka hna a thawh dan te, zui tlak a nihzia te a hriat chian phah thin. Piang thar inti si, Thlarau Thianghlim hmelhriat lo a awm theih. Chutiang mite chuan Pathian chu van sang taka awm daih anga ngaiin, ral khat pathian angin an be thin. Lal Isuan a sawi lawk angin Thlarau Thianghlim chu kan chhunga awm a ni a, englai pawha biak mawlh mawlh theih a ni si! ( Jn. 14:17). 2. Thlarau Thianghlim chu a nela a hmang tangkai thiam thin: Thlarau Thianghlim chu a hnena awm reng a ni tih a hriat chian avangin sual kawng zawh theihna lakah pawh amah chu a tih a, sual laka tanpuitu atan pawh a hmang tangkai thiam zual thin. Poul Yogi chuan Thlarau Thianghlim chu a thawhpui senior zawk (senior partner) angin a ngai a, a thil tih tur apiangah a pun thin a, hmu thei lo mahse a kianga awm ang chiahin a be mawlh mawlh thin. Thlarau Thianghlim chu sual kan nih min hriattirtu, Lal Isua hnena min hruaitu, Lal Isua min chawimawitirtu, he khawvel sual thima kalkawng min kawhhmuhtu, kan nun ngui leh chau min pawl harha min tichak thintu a ni.

19

Kan ramah hian Harhna ruahpui lo sur leh tawh se kan va ti em!

TUMKAU PATHIAN NI. 13 April 2014

Hun hman dan tur: 1. A thei apiangten zing karah naupangte nen Lal Isua chawimawina Tum kau nena kawng zawh neih ni se. 2. Chawhma Inkhawm chu hetiang hian hman ni se. Thupui Lalpain a duh a ni (Mathaia 21:3b) Bible chhiar tur: (Mathaia 21:1-5, Zakaria 9:9&10, Phil. 2:9-11) Note: Bible bung leh chang tar lante hi thusawitu tanpuina a ni a, chhiar vek tur tihna a ni lo) Tun tumah hian programme chipchiar siam lovin thupui chauh dah a ni. Kohhran hoten thupui pakhat hmang a hun hman tlan tur a ni. Zan lam inkhawm atan thupui siam a ni lo.Programme chipchiar chu tualchhung kohhran in tul leh tha a tih angin a ngaihtuah ang. Inkhawm programme kimchang chu Tualchhung Kohhran kutah dah a ni. Thuhmahruai: Tumkau Pathian Ni hi Lal Isua Jerusalema lal anga a luh ni hriat rengna ni a ni a. Pathianni a nih bakah Kristiante tan ni pawimawh bik, Lal Isua lal a nihna puan chhuah thar lehna hun leh amah chawimawina ni atan hman a ni. Hetianga hmang hmasa bertute chu Jerusalem kohhran an ni a, kum zabi 4-na tawp lamah an hmang tan chauh niin sawi a ni. A tak taka Lal Isua Jerusalem-a lal anga a luh atanga kum 300 hnu daihah he ni hi serh tan a ni chauh tihna a ni. Tumkau Pathian Ni hi Hnehna nena Jerusalema luhna ni ti a sawi a ni bawk. He hun hi a pawimawh em avangin Chanchin Tha bu ziaktu palite hian an ziak theuh a ni (Matt.21:1-17; Marka 11:1-11; Luke 19:28-42; John. 12:12-14). A pawi-mawhna chhan chu: 1) He khawvela a awm chhunga vantlang hriat khawpa langsara Jerusalem khawpuia a luh chhun a ni. (A rawngbawl chhung hian Jerusalemah an lut meuh lo)

20 2) Tisaa a awm chhunga mipui vantlang chawimawi a hlawh ve tum a ni. 3) Vantlang hriata Lal a nihzia tarlana a awm tum a a ni. Matthaia chuan he hun ropui takah hian mipui zinga a tam zawkin Lal Isua kalna kawngah chuan an puante an phah bakah thinga mi chhawl an sat a, an phah bawk tih a sawi a (Matt.21:8). Johana chuan Jerusalem mipuiten tumkau kengin an hmuak a ti a (John 12:12-13). Lal Isua chu Galili ram atangin a thilmak tih hmutu tamtakin an rawn zui a, Jerusalema khawpuia cheng, amah ringtuten an lo hmuak bawk a, amah rawn zuitute leh lo hmuaktute chuan rilru hmun khatin Lal Isua chu an theihtawkin he hunah hian an chawimawi a ni. Chutianga amah ngaisangtuten an chawimawina chu chhunzawmin, tumkau/hnahchhawl chawiin Lal Isua chawimawina kawng zawh hi Kristiante zingah neihzui a ni ta zel a ni. Tumkau Pathian Ni-ah hian Lal Isua chawimawia tumkau nena kawng zawh hi naupang (KNP) tih turah kan dah deuh niin a lang a, a tawk lo hle. Jerusalem chhehvela mipui, Lal a nihzia la hre chiang tak tak lotute mahin khati khawpa an chawimawi chuan, keini a hre chiangtu, thinlung tihvar tawhte hi chuan theihtawpa chawimawi hi kan tih ngei tur a ni.

21

GOOD FRIDAY 18th April 2014

Thuhmahruai: Good Friday hi Kristiante kut pawimawh tak tak pathumte zinga pakhat, khawvel chhandamna atana Lal Isua kross-a an khenbeh ni hriatrengna ni a ni. Kristiante hun pawimawh, a ni leh thla pangngai reng lo chi (movable feast) an tihte zinga pakhat a ni a, March 20 leh April 23 inkarah a thleng thin (Hetianga a hun a inthlak danglam thinna chhan chu Easter Sunday chungchang ziaknaah sawi a ni). Kum zabi khatna atang tawhin kohhranhoten zirtawpni hi chawnghei tawngtai ni atan an lo serh hrang tawh thin a. Kum zabi 4-na atang erawh chuan Easter Sunday hmaa zirtawp ni hnuhnung ber chu Lal Isua kross-a khenbeh a nih hriatrengna ni atan an serh ta a ni. A tirah chuan Holy Friday (Zirtawp ni Thianghlim) tiin an sawi thin a, Great Friday (Zirtawp ni Ropui) an ti bawk. Kum zabi 6-na vel atangin Rom Kohhranin Good Friday an ti ta a, chu hming chu a pu chho ta zel a ni. Zofate kristian kan lo nih tirh atangin, a awmzia tak kan man hma pawhin Missionary-te zirtirna atangin Good Friday hi kan serh chho ve a. Kan serh dan erawh chu khaw hrang hrangah a inang vek lo. Khua/kohhran thenkhatin an lak urhsun viau laiin kohhran thenkhat chuan a hming chuahvin an serh thung. Lal Isua sunna rilru nen hun hman a ni thin a, pulpit leh a chhehvelah puan dum te an zar thin. Khaw thenkhatah phei chian mitthi dar te pawh an vaw thin a ni awm e. Kan Mizo hlaphuahtute pawhin chutiang lam zawnga rilru hruai thei turin hla an phuah nual a ni. Hun lo kal zelah Lal Isua thihna awmzia kan hriat fiah angzia zelin kan hun hman dan leh kan rilru put dan pawh a danglam chho ta zel a ni. Pathian fapa sual reng reng hre lo, mihringte chhandam nana ama inpekna avanga kross-a khenbeha a awm hi khawvel history-a thil thleng ropui tak leh pawimawh tak a ni. Chuvangin a chhandamna changtute chuan he ni hi kan ngaisangin urhsun takin kan serh zel tur a ni ang. Hun hman dan tur : 1. Chawhma inkhawm Thupui: A kin ta (Jn.19:30) 2. Zaipawl awm thei se.

Notes: 1) Good Friday chawhma inkhawm programme chauh siam a ni a, a hma lam leh hnu lam chu Tualchhung Kohhran duh dana hman tur a ni. 2) Bible bung leh chang chhiar turte hi thuhriltu tanpuina a ni a, chhiar vek tur tihna a ni lo va, a dangte pawh chhiar theih tho a ni.

22

EASTER SUNDAY 20th April 2014

Thuhmahruai Kristiante kut pawimawh pathum- Chrismas, Good Friday leh Easter Sunday te hi mihringte chhandamna siam tura Pathian Fapa-in he khawvela a hun hman leh tawn ropui tak takte an ni. Chrismas hi mihringte tan lawmna ni a nih laiin, Lal Isua tan chuan tuarna hun a ni a, Good Friday phei chu tuarna vawrtawp a ni. Easter Sunday hi thihna hneha a thawhlehna ni a nih vangin, lawmna ni a ni. Chuvangin, Easter Sunday hi a ropui chung chuang a ni. Tirhkoh Paula chuan Krista thawhlehna chu kan rinna innghahna bul leh a Chanchin Tha hril innghahna a ti hial a ni ( 1. Kor. 15:14, 17). Easter Sunday chu Lal Isua thihna hnena a thawhlehna ni hriatrenga atana kristiante ni serh a ni. Kristiante kut pawimawhte zinga a ni leh thla pangngai reng lo chi (movable feast) an tihte zinga pakhat a ni a, March 22 leh April 25 inkarah a thleng thin. A hun leh ni a danglam thinna chhan chu hetiang hi a ni: Hun hmasa lama kohhran lo kaihruai thintute- Kohhran Pa an tihte chuan Lal Isua thihna, phuma a awmna leh a thawhlehna te chu Kalhlenkut zawh hlimchhawna thleng a nih avangin, Easter Sunday hi Juda-te Kalhlenkut zawh Sunday hmasa berah hman an duh a. Chutih laiin Judate hun pawimawh calendar (holiday calendar) chu calendar pangngai angin a kal lo va, ni leh thla her danin a hril zawk a. Hemi chhut dan pakhatah chuan khawvel hmun tinah kum khata chhun leh zan rei zawng inchen ni equinox pahnih (March 21 leh September 22) zinga a hmasa zawk [vernal (spring) equinox] March 21 hnua thla bial zan hmasa ber dawta Sunday hmasa ber tiin chhut a ni bawk thin. Hei vang hian Easter Sunday, Good Friday leh Palm Sunday te hi ni (tahrik) bik nei lo, insawn thei (movable) an ni a, kum hrang hrangah an thlen hun a inang lo ta thin a ni. Good Friday leh Palm Sunday te pawh hi Easter Sunday atanga chhut leta zirtawpni hmasa ber leh sunday hmasa ber te an ni thin a ni. Engpawh ni se, a hunbi (tahrik) hi a pawimawh ber lo va, kan serhna chhan tak, Lal Isua hun tawnga thil thlengte kha kan chhandamna kawng min siamsakna kalkawng a nih avangin, chung hun hriatrengna atana kohhran hmasaten hunbi an lo chhiar dan zawm mai hi a lem chuang lo ve. Kan serh dan leh kan ngaihpawimawh danah a innghat zawk a ni. Hun hman dan tur : 1. Chawhma inkhawm Thupui, Thawhlehna Thiltihteihna (Philipi 3:10) 2. Bible chhiar tur: (i) BKHP in 1 Kor. 15: 20 23, (ii)BMP in Matt. 28:1- 10 3. Kohhran leh KNP zaipawl awm thei se. 4. Tawngtairual nise, a hnuai a thupui angin. Tawngtairual thupui : 1) Khawvel chhandamna siam tura Lal Isua inpekna avanga lawmthusawina

23 2) Sual leh thihna hnehna min siamsak avanga lawmthusawina 3) Thawhlehna thiltihtheihna kan hman chhuah theih nan THUHRILTU TANPUINAN. (Kan lo darh zauin khawpui leh thingtlang a chengte kan dinhmun a in thlau ang bawk hian, Bible hriatna lamah pawh kan in anglo a ni. Thuhriltu-in a duh chuan, heng Bible chang tar lante tlawhchhanin hetiang hian sermon point a siam thei ang. Lal Isua tawhlehna thiltihtheihna chuan :1. Thihna hnehin thawhlehna min siamsak a, thih hlauhna bawi ata min chhuah a ni (Heb. 2: 15) 2. Hma lam hun atan beiseina nung leh lawmawm min siamsak a ni. (iiPetera 3:12-13) 3. Sual hnehna min pe a ni.( Rom 6: 12-14) 4. Tholeh nun neitu kan nih angin nun thianghlimin kan nung tur a ni.(I Petera 1:15-16)

Notes: 1) Chawhma inkhawm programme chauh siam a ni a, a hma lam leh hnu lam chu Tualchhung Kohhran duh dana hman tur a ni. 3) Bible bung leh chang chhiar turte hi thuhriltu tanpuina a ni a, chhiar vek tur tihna a ni lo va, a dangte pawh chhiar theih tho a ni.

24

KRISTIAN NAUPANG PAWL (KNP) DAY 23 APRIL 2014 (Wednesday)

Thupui

:: I naupanna tumahin ngainep suh se 1 Tim 4:12

Inkhawm hruaitu: Unitin ruat se Thuchah : A sawitu tur ruat ni se 1. Special items :Hengte hi a nei thei chuan neih tum ni se (i)Solo (ii)Recitation (iii) Group zai/changvawn (iv)Skit (v)Items dang awmthei apiang 2. Tawngtai rual i) -KNP rawngbawlna avangin lawmthu sawi ila ii) -KNP hruaitu zawng zawng avangin lawmthu i sawi ang u iii) -KNP-ten nu leh pa, hruaitute thu an awia, Pathian tan mi hmantlak an lo nih theih nan. 3. A hlung thei ang bera hun hman nise 4. KNP day hi Nilaini a ni a, hemi huna hmang thei lo tan pawh mahni remchan hunah hman ni se. 5. Heng bakah hian Programme hi Unit in siam belh theih a ni e. THUCHAH: KNP member zawng zawngte Lal Isua hmingin KNP Day chibai ka buk a che u. KNP day hlim taka hmang turin duhsakna ka hlan vek a che u. KNP hi BMS Missionary Pi Zoduhi leh Pi Zomuani ten April 23.1943 khan Kristian Naupang Pawl(KNP) hi an lo din tawh a. Chumi hnuah BKHP kaihruaina hnuaiah awm in rei tak BKHP ten an lo enkawl a, Christian Education Department hnuaiah awm leh in tunah hian Fellowship Organisation(FOD) hnuaiah alo awm ta a ni. Tunhma chuan KNP-te hian Missionary Pahnih (2 ) rampum huapin an chawm ve thin a, Tunah erawh chuan mahni Unit theuhah tangkai takin rawng an bawl mek a..KNP-te hian KNP inkhawmte, Sunday Sikul kalte, hla zirte thlahthlam lo ila, Kan nu leh pate, kan hruaitute thu awi i awi tlat ang u. KNP-te hian Chanchinbu Naupangte thian kan nei a, Mi engemaw zatin naupangte thian hi in la a, la lalo tam tak in awm a, la la loten lak theuh tum ila. Tin, article-te, thawnthu te lo ziak thin ula. Missionary-te leh Centre / Home hrang hrangte tan a laksak theih reng bawk a ni. Naupangte thian hmang hian rawngbawlna pawimawh tak kan thawk mek a ni tih i hre thar leh ang u. KNP-te hian kumtin thuzir kan nei thin a, kumin ah pawh thuzir tha tak kan hotuten min lo siamsak leh ta a, a lawmawm hle mai. Kan thuzirte hi November Pathian ni hmasa berah Exam leh tur a ni ang. KNP-ten thuzir bu pawh neih theuh i tum ang u.

25 Naupang kan nih lai hi kan tan hun tha tak, Pathian rawng kan bawlna hun pawimawh tak, kan damchhung atana chhinchhiah tlak, hun hlu tak a ni a. Vawiin KNP Day kan hman atang hian Lalpa tan a tharin i in hlan theuh ang u..

BUHFAITHAM PATHIANNI 27 April 2014 Hman dan tur: Chawhma inkhawm Thupui : Hma i sawn zel ang u (Phil. 3:16) 1. A hnuaia Thuchah hi chhiar tur a ni. 2. Tawngtairual ni se, a hnuaia thupui hmangin i) Buhfaitham rawngbawlna kan neih theih avang leh hma kan sawn zel avangin lawmthu sawi ila. ii) Buhfaitham enkawltu te leh a khawntu ten thahnemngaihna thar an neih zel theih nan dil i la. iii) Chhungkaw tin ten Buhfaithamah hma kan sawn zel a thlaraubo tam tak Krista hnena hruaina hmanrua a nih zel theih nan. 3. Tualchhung kohhran Buhfaitham dinhmun tlangpui report ni se (BKHP lam atanga tih ni thei se) Thuchah: Buhfaitham lo chhuah dan: A lo intan dan hi sawi dan hrang hrang a awm a, amaherawhchu kan kohhranin kan chhui theih danah chuan 1908 ah Khasi nu pakhatin a chaw chum atangin vei khat lek lekin a dah hrang thin a, chumi tlingkhawm chu rawngbawlna tangkai tak a lo ni a, Mizoram Baptist kohhranah pawh 1915 vel daih atang khan mi thahnemngaiten an lo tham ve ta a, 1920 ah chuan Hmeichhe Tirhkohte hlawh atan BCM hmunpui ah a lo lut khawm ta a ni. A hmanna: A tirah chuan eng atana hman nge tih hriat chian a ni lova, Pathian ram zauna atan kohhran sumpui ah hman a ni berin a lang. 1920 atangin Hmeichhe Tirhkoh hlawh atan hman a ni a, Hmeichhe Tirhkoh rawih an nih loh hnu khan Thawhlawmpui ah alut leh a, 1947 ah BCM in Nursery School a din khan zirtirtu hlawh atan hman a lo ni leh ta a, 1968 ah BCM in Mizoram pawnah Missionary a tirchhuahk tan a, tichuan Assembly rorelna chuan Missionary chawm nan sum hnar nghet neih turlin a hria a, 1973 atang chuan ZBM tan a lo dah nghet ta a ni. Vawiin thlengin Mission rawngbawlna atan sum hnar tha tak a lo ni ta a, Assembly budget chhungah khung tel a ni bawk a ni. BKHP kuta a awmdan: Buhfaitham rawngbawlna hi tunhma chuan kohhran kutah a awm a, 1973 atangin Assembly chuan BKHP kutah a dah tan a, BKHP te hian an khawn khawm a, kohhranin a buaipui thin a, 1982 atang chuan buhfaitham mawhphurhna zawng zawng chu BKHP kutah Assembly chuan a lo dah ta a ni. Buhfaitham man chu Tualchhung kohhranah thehluh a ni a, an nin BCM Mission lamah an chhunglut leh thin a ni. Buhfaitham hi rawngbawlna pawimawh tak leh Assembly budget khawih thei a nih avangin chhungkaw tin ten tan i la zel ang u. Buhfaitham pawimawhzia kan lo hriat a, kan tu leh fa te pawhin an lo ngaih pawimawh zel theih nan theihtawp i chhuah ang u. MBKHP executive Committee chuan BCM chhungkaw tinin buhfaitham Bel/Bur neih theuh ni se, buhfai pawh tham ngei ni se tiin a rel a, an zinna apiangah uar takin an sawi thin a ni. A tam leh a tlem chu mimal leh chhungkaw thahnemngaihna ang zel ni se, tin, buhfaitham bel a tar/bel tur MBKHP in a siam hi tar/bel ngei ni bawk se a lawmawm hle ang. Tunah chuan ram pumah Buhfaitham khawnna Bu inang kan lo hmang ta a, hmasawnna lawmawm tak ani. Hei hi FOD Committee buatsaih a ni a, chawlhkar tin khawn nise, a bu hi BCM office ah a thlawnin lak theih a ni.

26

BCM hian buhfaitham ah hma kan sawn nasa em em a, Pathian hnenah lawmthu i sawi ang u. Chhungkaw tin te leh a khawntu te leh buaipuitu te avangin sum tam tak a lo tlingkhawm a, a va ropui em. Lalpa chu fakin awm rawh se. Kum sawm chhunga BCM buhfaitham pek dan chu hetiang hi a ni Kum Pek zat (in rupees) 2003 2004 9136649.65 2004 2005 10856486.20 2005 2006 12271707.00 2006 2007 12997596.00 2007 2008 15007534.00 2008 2009 16547534.00 2009 2010 18995552.00 2010 2011 23444300.00 2011 2012 28803599.00 2012 2013 34895771.00 Total 182956728.85 2011 2012 aia 2012 2013 chhunga a punna hi Rs. 6092172.00 lai a tling. Heng zawng zawng thawkchhuak thei a min hruaitu Lalpa chu fakin awm sela, ram chhung leh pawn leh khawvel ram hrang hrangah buhfaitham hmanga rawngbawlna ah hma i sawn zel ang u. S/N 1 2 3 4 5 6 7 8 9 10

27

BKHP DAY 2 May 2014 (Friday)

nd

Hman dan tur : Unit tin ten BKHP Day hi Inkhawmna nen a hman theuh tum ila, Thupui : Tho la, i Pathian ko rawh (Jona 1:6) 1. Thilpek lakkhawm nise, (Bial kaltlangin MBKHP Fin. Secretary hnena thehluh tur a ni) 2. Tawngtairual nise, a hnuaia thupui ang hian hman nise i. Lawmthu sawina leh thilpek hlanna ii) Unit, Bial leh Mizoram BKHP hruaitute tan. iii) BKHP member zawng zawngte tan iv) Chhawmdawlna In, Melte, leh Drop-in-centre a thawktu te leh enkawltu te tan. v) Loisi chanchinbu in hma a sawn zel theih nan vi) 2015 a MBKHP inkhawmpui lo awm tur tan. A dawltu tur Hnahthial N & S te tan vii) Missionary te tan 4. Special item neih nise solo, group, thuvawn, skit etc. 5. A hnuaia thu ziak (thuchah) hi chhiar nise. 6. Thuchah thupui hmangin Thuchah: BKHP lo din chhoh dan: 1938 March thlaah BMS missionary Pi Zirtiri (EM Chapman) hovin, Kristian Nula Tlawmngai Pawl (G.A) chu Assembly hriatpui na leh kaihhruaina in Serkawnah din an i a, hruaitute chu Nl. Thenvungi President, Nl. Laltinchhingi Secretary leh Nl. Nuchhungi Treasurer te an ni. thuvawn atan, Ka Lalpan tih tura min ruatsak apiang chu ti turin ka inpeih reng e tih an hmang a, hei hi Sapram a G.A. te pawhin thuvawn atana an hman lai ani. 1939-ah chuan G.A. hruaitute leh mi thahnemngai te chu thingtlangah te an zin a, G.A. branch din duhte chu an dinpui zel a, 1945 ah chuan khaw 35 lai ah branch a lo ding ta a, G.A. te hian rim takin an thawk a, chhungkaw tanpui ngai te tanpui chu an tum ber pakhat ani. G.A. hian nula chauha huap avangin nu thahnemngai te chuan 1947 khan Nu Pawl an lo din ve ta a, Nu pawl hian inkhawmna te nei hrangin rawngbawlna hrang hrangah hma an la chho ve zel a, chutianga hmeichhe zinga pawl pahnih awm chu Mizoram Baptist Kohhran Assembly hotu te chuan fel tawk lovin an hria a, tichuan Nu pawl leh Nula pawl (G.A) chu pawl khatah inzawmkhawmin Baptist Kohhran Hmeichhe Pawl (BKHP) din a lo ni ta a, Assembly hriatpuiin 20th March 1965 ah a lo ding ta a ni. He pawl hian Baptist Kohhran Hmeichhia zawng zawng kum 14 chunglam a duh apiang chua huap vek a ni. 1971 April thleng khan committee neih phal a ni lova, inrawnkhawmna tih a ni thin a, 1971 May thla atangin Committee meeting neih phalsak kan lo ni ta a, a lawmawm hle mai. Lalpa chu fakin awm rawh se. Kumtinin BKHP Day 20th March h i 1989 thleng khan hman ani thin a, hmeichhe rawngbawlna kum sawmnga a lo tlin khan 2nd May 1988 ah MBKHP golden Jubillee hman ani a, MBKHP executive Committee chuan khawi zawk nge BKHP Day ah hman tur tih BCM General Committee

28 ah thlen a, BCM General Committee chuan 2nd May ah BKHP Day hi hman tawh nise, G.A. din atangin a kum zat pawh chhiar ni se a lo ti ta a, tichuan BKHP chuan kum 75 lo tling tawhin kum 2013 ah Platinum Jubilee hlim takin kan lo hmang thei ta a ni. Lalpa chu fakin awm rawh se. tunah hian BKHP member zawng zawng hi 27329 kan awm mek an i. Thutiam: Ka Lalpain tih tura mi ruatsak apiang chu ti turin ka inpeih reng e tih hi G.A. a nih lai atanga tun thlengin BKHP thutiam a ni. BKHP din chhan: BKHP din chhan chu Pathian ram a l o zau zel theihna tura Kohhran, khawtlang, leh chhungkua a rawngbawl hi a ni. A thil tum te: i. Pathian thu hriatna leh rinna kawnga hmasawn ii. Kristian chhungkaw din. iii) Pathian thua fate kaihhruai iv) Chanchintha hrilhna kawnga theihtawp chhuah v) Assembly in Buhfaitham hi enkawl tura a ruata ang a enkawl vi) A tul ang apiang kohhran leh khawtlang tana thawh. Baptist Kohhran Hmeichhe Pawl te hian G.A. hunlai atangin vawiin thlengin BCM hmalakna chi hrang hrang ah hma kan la nasa ve em em a, mission rawngbawlna leh damdawiin te, nauhnucham enkawlnaah pawh theihtawp kan chhuah zel a, TLM rawngbawlna leh AICS te, HATIM ah te pawh theihtawp kan chhuah zel hi Lalpa duhzawng a ni tih hre thar leh ila, hmalam i pan zel ang u. MBKHP in 2000 atanga luah hman tura Chhawmdawlna In a lo buatsaih te hi Pathian khawngaihna ani. Thalai tam tak nu te pawh Chhawmdawlna In ah an tlulut thin a, taksa leh thlarau damna chang engemaw zat an lo awm ta a, Pathian thu zir mekte pawh Chhawmdawlna In atang hian kan lo nei ta a, nasa lehzuala tawngtaina leh thilpek i hlan zel ang u. BKHP hian India hmarchhakah te, India Baptist Hmeichhe Pawlah leh Asia Baptist Hmeichhe Pawlah te, khawvel Baptist kohhran inkhawmpui lianah te Palai kan in tir ve thei ta hi hmasawnna ropui tak a ni. tunlai khawvel sual tak leh bawlhhlawh tak karah hian kan meichher chhi eng zel ila, kan kohhran, khawtlang, leh kan ram siam tha turin kan thlen chin atanga hma sawn zel turin tha ila, Pathian i au ang u.

29

BWA DAY (4th May 2014) Hun Hman dan tur : Thupui : an zaa pumkhat anihna turin (Johana 17:21) Thupui then :1. Inpumkhat hi Lal Isua duh dan leh tawngtaina ani. 2. Rawngbawlpui ten en kan inpumkhat a pawimawh. 3. Chhungkua a inpumkhatna pawimawh zia. Programmee kim chang chu tualchhung kohhran kutah awm se.
Thuchah chhiar chhuah tur:1. BWA Din tan dan:- Baptist World Alliance (BWA) hi khawvel pumpuia Baptist Kohhran te insuihkhawm a ni a. Kum 1905 khan London khawpui a Exeter (Ekzeter) Hall-ah din a ni. John Newton Prestridge-a chuan kum 1904 khan Chanchin Bu pakhat The Baptist Argusah Khawvel pumpuia Baptist Kohhrante intawhkhawm rawtna a chhuah a; chu thu chu John Howard Shakespeare-a chuan chanchin bu dang The Baptist Times and freemanah sawimawi zuina a chhuah ve leh a. Chu thu bawhzui chuan Baptist Union of Great Britain (Sap ram Baptist Inzawmkhawm) chuan October 1904 khan khawvel pumpuia Baptist Kohhran Inkhawmpui (Congres) neih chu an rel thlu ta a. Tichuan London khawpuiah July 1905 khan Inkhawmpui hmasa ber chu neih a ni ta. Kumin 2013 hi BWA kum 108-na a ni 2. BWA Din Chhan:- Kum 1905 Inkhawmpui chuan Constitution mumal tak a siam ta a. BWA hi khawvel pumpuia Baptist Kohhran zawng zawng hi Pathianin Isua Kristaa thil engkim fawkkhawm a tum tipuitling tura rinawm taka thawkho tur leh khawvel pumpui hi Krista ta a nih theih nana thawkho tura din a ni. 3. BWA Special Sunday: Mizoram Baptist Kohhran hian kum 1978 ah kan zawm ve a.full member kan ni. Tunhma deuh kha chuan BWA Day hi Fabuary thla Pathian Ni hnuhnung berah hman a ni thin a; kum 2005 atang khan May thla Pathian Ni hmasa berah sawn a ni ta a. Keini tan Kristian Chhungkaw Ni a

30 nih avangin May thla Pathian Ni vawi hnihnaah BWA Day hi kan hmang ta thin a ni. BWA Sunday zing Inkhawm thawhlawm hi BWA Headquarters BAPTIST WORLD ALLIANCE 405 N. Washington St. Falls Church, Virginia. 22046, USAah kan thawn thin a ni. BWA-ah hian Ram 120 atangin Kohhran hlawm (Convention/Union) 223 kan awm a. Tualchhung Kohhran 177,000 zet leh baptisma chang tawh maktaduai 42 (4,20,00,000) zet kan inzawmkhawm a ni. 4. BWA hian khawvela chhiatna lo thleng thin- Lirnghing,Tuilian,Thlipui,Tam, Indona vanga tuarna hrang hrangah te, Rorelna dik lo avanga mipui tuarna leh retheihnaah te, Natna leh Hri leng avanga tuarnaah te tanpuina hna a thawk thin a, kumin 2012-2013 chhung hian mahni awmna hmun leh ram theuha nasa taka thawk tur leh Khawvel hmun danga kan Baptist unaute nena thawkhoa chutiang kawnga tanpui ngaite tanpui hna thawh te; Ram rethei leh hnufual zawkte tana hmasawnna (development) hna thawh te hi kan hmalakna ki-pui tur a ni a. Lal Isuan ka ril a tamin nangnin ei tur mi pe a; ka tui a halin in tur mi pe a; mikhual ka nihin mi thleng a; saruak ka nihin puan mi sintir a; ka dam lohvin mi kan aHeng ka unau te berte zinga mi pakhat chunga in tih chu ka chunga ti in ni a tih kha. Mihringte rawngbawlsak hi Pathian rawngbawlna a ni (Service to man is service to God). Jerusalem atanga Jeroko khuaa kal tur khualzin pakhat suamhmang tawk,nasa taka sawisak leh thi chhawnga lum reng tawh, mahni in saseng thei tawh lo tanpui ngai Samari mi thain a tanpui ang khan Lal Isuan,Nang pawh chu ang bawk chuan va ti verawh a tih hi kan Beng leh Thinlungah ri thar ve leh rawh se. Kan khawtlang leh thenawmah te, kan Kohhran chhungkua ngeiah te pawh chutianga tanpui ngai leh puih ngaite dap chhuak ila; Puithiam leh Levia chi anga pumpelh tuma hell eh haider mai lovin Pathian hmingin tanpui leh chhawmdawl hna thawk zel turin inbuatsaih zawk ila, Kan theih tawk a lian emaw a te emaw midang,mamawhtute hnena thilpek leh tanpui hna hi eng ermaw ti tala thawk theuh turin BWA chuan Kohhran member tin Pathian hmingin min sawm a ni.

31

BAPTIST MIPA PAWL (BMP) DAY 4th May 2014

Baptist Mipa Pawl chanchin tlangpui: Baptist Mipa Pawl (BMP) hi Thingsaiah 4 May 1980 khan din tan a ni. Chutih lai chuan a hming hi saptawngin Baptist Mens Fellowship tih a ni a, a lam a har deuh avangin 1983-ah Baptist Mipa Pawl tia thlak a ni. BCM Assembly 1988 chuan BMP hi Kohhran hnuaia Fellowship pakhat ni turin a lo pawm ta a, chuta tang chuan Tualchhung Kohhran hrang hrangah din phal a ni ta bawk a. Assembly chuan BMP Inkaihhruaina Dan ruahman chu a pawm nghal bawk a ni. BCM Assembly 2006 chuan BMP din ni atan Thingsaia a din tan hun 4 May 1980 chu BMP Day atan a pawm a, chuta tang chuan kum tinin BMP Day hi hman thin a ni ta a ni. BCM Assembly 2011 chuan BMP chu Tualchhung Kohhran bakah Pastor Bial tina din a lo phalsak leh ta zel a, chuta tang chuan Pastor Bial tam takah din a lo ni ta zel a, a lawmawm hle. Tunah chuan hmun tam takah Bial BMP Inkhawmpui leh Rorelte pawh neih thin a lo ni ta. Bial hrang hrang atangin BMP te Rampum huap inkhawmpui nei ve tura dil puina a lo lut a. Fod Committee chuan ngun taka a ngaihtuah hnu ah, tum khat atan 2014 hian meet nei tur in Central Committee ah thlen sak ni se a ti a. Central Committee chuan a lo rem tih sak ta bawk a. BMP te tan kum chhinchhiah tlak a ni dawn ta a ni. Nasa takin BMP member-te chuan thlarau leh rawngbawlna lamah hma an sawn zel a, a lawmawm em em a ni.

Hman dan tur: 1. BMP Day 2014 hi BWA Day nen a in rual avangin programme siam ani lova, Unit tin ten chhun lam programmee siam in hlung tak a hman tum ni se. 2. Zan Inkhawmna buatsaih theite chuan mahni awmna kohhranah hun dil tur a ni ang a, thupui leh programme pawh mahni unit in siam tur a ni.

32

KRISTIAN CHHUNGKAW NI. 18 May 2014

Ni pawimawh a lo nih dan: Kum 1948 khan North East India Christian Council (NEICC) khatih laia Assem Christian Council (ACC) inkhawmpuia Baptist Kohhran palai zu kalte chuan Assembly (Presbytery) ah report an pe a; Kristian chhungkaw pawimawhzia hi uar takin an sawi a.Assembly chuan Kohhran tinin bawhzui nisela, May thla Pathianni remchang ber chu Kristian Chhungkaw niah hmang ila; chhungkaw inenkawlna pawimawhzia leh chhungkaw hlutna te hi sermonah thusawitu apiangin sawi thin ni rawh se tiin a rel a.Tichuan, 1948 atangin Kristian Chhungkaw Ni hi kan lo hmang tan ta a ni. Tunah chuan BCM Calendar-ah nghet taka dahin May thla Pathianni vawi 3-na hi kum tin Kristian Chhungkaw Ni atan kan hmang ta a ni. Kristian Chhungkaw Ni a Inkhawm thawhlawm hi hun rei tak chhung Headquarters ah thawnin, Nau hnuchham tanpui nan pek thin a ni. Assembly in Tualchhung Kohhran mamawh sang zel avanga headquarters a lut tur a tih tlem atang khan he mi ni thawhlawm pawh hi Tualchhung Kohhran tinin anmahni pualin an hmang ta zel a ni. Kristian Chhungkaw Ni hi Pathianni nimahsela, hetah hian programme hran siam a ni lo. A chhan chu Kristian Chhungkaw Chawlhkar kan lo nei ta a, he chawlhkarah hian thuzir tur leh kar pumpui programme (Kristian Chhungkaw ni telin) siam zel anih tak avangin. Kristian Chhungkaw Chawlhkar lo pian chhuah dan tawite in tarlang nghal ila. Kum 2003 Assembly-a Kristian Chhungkaw Chawlhkar hman nisela tih thu lo lut chu titluk a ni a; Kristian Chhungkaw ni behchhana hman a ni. 2004 Assembly ah Kristian Chhungkaw Chawlhkar hman rawtna lo lut leh pawh remtih niin hman a ni leh a. 2005 Assembly ah pawh a lo lut leh a. Chuti anga a zawna tum thum lai ngaihtuah anih takah chuan Assembly chuan kum tin Kristian Chhungkaw Chawlhkar hi hi hman thin ni tawh rawh se tiin a rel ta a ni. Tichuan tuanah chuan Kristian Chhungkaw Chawlhkar hi kum tin kan hmang thin a ni. Kristian Chhungkaw Chawlhkara chhung tin zir tur headquarters atanga buatsaih chu zirin urhsun taka hman ziah a ni. He hunah hian Kohhran(pui) inkhawm ni lo, FOD inkhawm leh tul dangte chu ti lo tura hriattirin Kristian Chhungkaw Chawlhkar chu duh thawh taka hman ziah a ni. Kristian Chhungkaw Chawlhkar hi Kristian Chhungkaw Ni nen inzawm chiaha hman thin a ni.

33

ISUA VAN LAWN NI 29 May 2014 (Thursday)

Thuhmahruai: Isua van lawn ni (ascension day) hi Baptist Church of Mizoram ni pawimawhte zingah dah tel ve ni rawh se tih thu ngaihtuah turin 2008 Assembly ah a lo lut a, ngaihtuah a ni a. Assembly chuan BCM ni pawimawhte zingah dah ve nisela, Calendar-ah chuantir ni rawh se a ti a. Kum 2009 atangin Calendar-ah chuantir a ni. Pathianni anih loh avangin programme hran siam a ni lo. Isua van lawn hun leh a pawimawhna te. A thawhleh hnuah Lal Isuan he khawvelah ni 40 hun a hmang a, tichuan vanah hruai chhohvin a awm ta a ni. Chu chu Easter Sunday atanga chhiara ni 40-na a ni. Isua chu vana hruai chhohvin a awm ngei a ni (TT 1: 9 11). Isua van lawn ni hi BCM in ni pawimawhte zinga a chhiar chhan chu Isua van lawn chung chang hian thil pawimawh tak tak a ken tel vang a ni; chung zinga thenkhat chu hengte hi a ni. 1. Thlarau Thianghlim a mite (kohhran) hnena rawn tir tura inbuatsaihna a ni. 2. Tlanna hna a thawk zo vek tawh tih chhinchhiahna a ni (Heb 10:11-14). 3. Pa ding lamah thua, a mite tana dilsak turin vana hruai chhoh a ni (Rom 8:34; Heb 7:25) 4. A zirtirte leh amah zuitute tan hmun siam sak turin (John 14:2) 5. Amah ngei hi a lo kal leh dawn a ni (TT. 1:11). Isua van lawn chung chang hian kohhran thurin puanchhuah pawimawh tak tak, viz: Tlannate, Thawhlehnate, A lo kal leh tur thute etc. tarlangin a nemnghet a ni

34

TKP Ramthim Ni (29th May, 2014 (Thurs) Thupui : Krista aia Palai (II Kor 5:20)
TKP Ramthim Ni lo chhuah dan : TKP te hian an din tirh atangin Ramthim veina lian tak an neih avangin Ramthim rawngbawlna lamah pawh hma an la tan hma hle a. District TKP inkhawmpui hmasa ber, Oct 21-23, 1955 (Pukpui)ah chuan Agenda TKP hminga Thuhriltu tirh tih hi ngaihtuah a ni a. Inkhawmpui vawi hnihna 1956 (Hnahchang) ah pawh Tuikuk Takam pual bik neih tih rel a ni leh a. Mahni remchan angin Tuikuk-Takam pual hian hun an lo hmang thin a, thawhlawm an lakkhawm pawh Ramthim puala hman atan Headquarters-ah chhunluh thin a ni. 1959-ah chuan District TKP Tuikuk-Takam Ni atan October 5 (Thawhtan ni) hman nise tih a ni a, 1960-ah chuan September thla Thawhtan ni hnuhnung ber hman nise tiin rel a ni a, chumi kum chuan September thla thawhtan ni hnuhnung ber chu September 26 a ni. September 26 hi hun rei tak chhung chu Ramthim pual atan hman zui a ni ta zel a ni. Tuikuk-Takam Ni tih chu huap zim deuha hriat a nih avangin 1969-ah chuan Ramthim ni tiin thlak a ni. Amaherawh chu September thla hi Beirual thla a nih avangin TKP tana Ramthim ni hman hi a remchang tawk lo deuh thinin hriat a ni a. Kum 2006 MTKP (S.Vanlaiphai) Rorelna chuan May thlaah sawn nise tiin a rel a. MTKP Executive Committee chuan bawhzuiin BCM-in ram pawna missionary a tirh chhuah hmasak ber, Rev.H.Rokhama-te nupa tirh chhuah ni, May 29, 1968 denchhenin May 29 hi TKP Ramthimni atan a ruat fel ta a. 2007 atang chuan kum tin TKP Ramthim Ni hi May 29-ah hman a lo ni ta a ni. TKP Ramthim Ni-ah hian inkhawm buatsaih thin a ni a. Heta thawhlawm lakkhawmte hi Headquarters-ah chhung lutin Mission rawngbawlna atan hman thin a ni. BCM Mission Field leh Mission Station zat : BCM chuan tunah hian (August, 2013) Mission Field 11 (sawm leh pakhat) kan nei a, chungte chu 1) Chakma Mission (Ram chhung), 2) Tripura, 3) Assam, 4) Bengal, 5) MP&MS (Korku), 6) North India Mission (Delhi), 7) Arunachal West, 8) Arunachal East, 9) Arunachal Far East, 10) Nepal, 11) Bhutan. Heng bakah hian Mission rawngbawlna hna kan thawhna hmun Mission Station 12 (sawm leh pahnih) a la awm bawk a, chungte chu 1) Bru Baptist Church (Ram chhung), 2) Non Mizo Evangelism (Ram chhung), 3) Andaman & Nicobar Islands, 4) Miria (Bangladesh), 5) Yinchuan (China), 6) Ghana (W.Africa), 7) Kenya (E.Africa), 8) Bandung (Indonesia) 9) Cambodia, 10) Chiangmai (Thailand), 11) Banluang (Thailand), 12) Naa Nongthum (Thailand) te a ni. BCM Mission Workers (Aug, 2013) : BCM Mission Workers zat chu hetiang a ni (a) Substantive workers mizo 132, native 15, total 147. (b) Temporary mizo 36, native 2, total 38. (c) Contract mizo 123, native 301, total 424. (d) Recognised missionary 20. (e) Missionary nupui / pasal 102. (f) Mizo volunteers 45. (g) Native volunteers 45. (h) Private support 70. Grand Total 888. BCM member zawng zawng hi 155,883 kan ni a (2012-2013). Member 176 in mission worker pakhat tir ang kan ni. TKP leh Mission : 2012-2013 chhung khan TKP Bial 68 leh Unit 207 in Mission Support an pe a, Mission Support pe hi kan la pung zel a. Hemi kum chhung tho hian MTKP chuan Mission Support Rs 135000.00 a pe bawk a, MTKP hian missionary damlo leh tanpui ngaite tanpui nan TKP Ramthimni thawhlawm a dawn khawm atangin Mission Relief a sem ve thin bawk a ni. Heng bakah hian MTKP, bial leh unit ten Mission lama hma kan sawn theih nan thuzir tur te buatsaihin, mission consultation te neiin, work camp leh mission visit te neih thin a ni bawk.

35

Hriattur Pawimawhte : 1. Thupui thlan chhuah, Krista aia Palai hmang hian Unit tinin Inkhawm Programme hi mahni remchan dan angin ruahman se. 2. Kohhran member tam zawkin min telpui theih nan uar takin sawm ila, a theih chuan Fellowship dangte (BKHP, BMP, KNP) pawh chanvo siamsak ve nise 3. Thawhlawm lakkhawm a ni ang a, Bial kal tlangin MTKP-ah chhun luh tur a ni. Mission rawngbawlna atan hman tur a ni. 4. Missionary-te pualin Tawngtai rualna neih nise, Inkhawm hruaituin ruahmanna siam se.

36

THLARAU THIANGHLIM THLEN NI 8th June 2014

Hun rei tak chhung chu Penticost ni hian programme hranpa buatsaih a ni ngai lo va. Tualchhung Kohhran tinin tha kan tih dan angin kan hmang thin a. Service Committee meeting November 25 & 26, 2009 chuan he ni hi inang tlanga hman thin turin programme buatsaih ni se tiin a rel a. Chuvangin, kuminah pawh hian a hnuaia mi ang hian programme siam a ni. Hun hman dan tur: 1. Chawhma inkhawm; Thupui, Thlarau Thianghlim, ringtu thiltihtheihna (Tirkohte Thiltih 1:8) 2. Bible chhiar: (i) BMP atangin Joela 2:28-32, (ii) BKHP hruaitute atangin -Tirhkohte Thiltih 2: 1-11. Tawngtairual :a hnuai athupui angin neih nise. 1) Thlarau Thianghlim kan hnena a awm avanga lawmthusawina 2) Thlarau Thianghlim kan tihlungngaih thin leh kan tihvui thin avanga thuphachawina 3) Thlarau Thainghlim tihharhna kan chan theih nana dilna A hnuai a thuziak hi chhiarchhuah emaw thusawituin sawilan emaw nise A hming awmzia leh a lo intan dan: Judate kut pawimawh tak Chawlhkar kut chu Greek tawngin Pentecost tiin sawi a ni. Pathian malsawmna an dawn buh thar lawmna a nih avangin Pawl kut an ti bawk (Lev. 23:15, Exodus 34:22, Deut. 16: 9-10). Thuthlung Hlui hun atangin Kalhlen Kut dawna Sabath ni hmasa ber atanga chhiara ni 50-naah he kut hi an lawm thin avangin Greek tawngin penticost tih a ni a, chu chu sawmngana tihna a ni. He ni hi Lal Isua thawhleh ni atanga chhuta ni sawmnga-naah a thleng ve chiah bawk a ni. A pawimawhna: He ni hi Kristiante tan ni pawimawh, kum tin a hman thin zawm vein kan ramah pawh kohhran tiah tirh atangin kan hmang a ni. Penticost ni ti in kan sawi ve mai thin. BCM Assembly chuan hei hi tha tawk lova hria in, Thlarau Thianghlim Thlen Ni ti in a pass ta a ni. Judate kut chhawm ve mai kan nih loh vang a ni. Thihna hneha a thawhleh hnu in Isua chu, Zirtirte hnenah ni sawmli zet an mahni buatsaihin a inlar a. Jerusalem khua kalsan suh u, Pa thiltiam ka sawi in hriat kha lo nghak rawh u, a tit lat a.(T.T.1:4) A Zirtirte kha anmahni mai a kalsan lova kumkhuaa thlamuantu leh thiltihtheihnaa thuamin hnuchhiah a duh ani. (Jn 14:16-18, T.T. 1:8) 1) Kristiante tan he khawvela min chenchilh tura Thlarau Thianghlim a lo thlenna ni a nih avangin a hluin a pawimawh em em a, Thlarau Thianghlim chu kan thusawi te tinungtu, kan hla sak te tinungtu, Kohhrante tan engkima engkim ani. 2) Thuthlung Thar Kohhran lo piantanna (birthday) ah ngaih a nih avangin a pawimawh hle a ni.

37 3) Kohhran lo thang chho zel a Baptisma channa ni atan an ruat thin. Hemi nia baptisma chang zoten kawrfual var an hak thin avangin, Whitsunday (Sunday var) tiin an vuah phah ta a ni. Anglican Kohhran chuan Penticost ni hi Whitsunday tiin an la hmang zui zel a ni. 4) Thlarau Thianghlim khan ringtute Thiltihtheihna leh huaisenna a pe a, Petera leh a thiante Juda hote hlauva Hmeithai in a tawm reng thin pawh vantlang hmaah an rawn au chhuak ta ani. 5) Rawngbawlna hlawhtling tak nei tur chuan mihring theihna piah lama min tanpuitu chak tak neih angai a, Pa thiltiam chu Isua thih atanga ni-50 na ah a lo thleng ta ani.

RELIEF SUNDAY 15th June 2014

Hman dan tur: Kum 2013 Relief Sunday hi kan ram leilung leh nungchate nena kan inkungkaih tawnna te, an thatna tura humhalh chunga enkawl tura infuih tharna hun atan hman nise. Khawvel sik leh sa lo danglam nasat tak avanga ei leh bar thawh chhuah a harsat phah tial tial thute, chu mi avanga natna lo pung zelte leh a tuartu chu mihringte kan nih thute in zirtir ila. Tin, Ram leh nungcha tinrengte chunga ngilneihna lantir hi Pathian ringtute mawhphurhna anih thute, an chunga harsatna thlentu tam ber chu mihringte kan nih rualin a siam that hna hi Pathian ringtute mawhphurhna anih thu te inhriat nawn tir ila. Thuchah sawitu ten helam hawi hian Sermon buatsaih in sawi ni sela, tin, Kohhran Chanchin bu-ah te pawh chu lam hawi thuziak chu tarlan uar ni se. Thuchah: Pathian chuan khawvel a siam zawh khan a han en a, Tha a ti em em ani tih kan hmu a. Chu a khawvel siam, tha atih em em chunga hotu ber chan changa enkawl leh veng turin mihring a dah thu kan hmu bawka. Gen. 1:20-25, 1:9,12,18, Gen. 1:31. Siamtu chuan Mihringte chu malsawmin lo darha lo pung zel tur leh a siam khawvel chu luah turin thu a pe a. Gen 1:28, 22. Pathian chuan a malsawmna a zara lo darh a lo pung te chu an awmna tur ramri te a khamsak theuh hlawm ani tih Bible-ah kan hmu a. Genesis 15:18-21 Number 34:18-29
Mizoram pawh Mizote tan chenna tura min pek ani a. Kan enkawl danah hian Siamtu in duh taka asiam leh tha atih em em enkawl leh veng tura min duh ang

hian kan enkawl thin em ? tih hi vawiin ah hian i in zawt nawn theuh ang u. Siamtun a duh dan angin thu chauh nilo, thiltih a enkawl tura hma la tura kan in fuih thar fo thin hi a va tul em ! Mihring duhamna chuan Pathian thilsiamte enkawl kawngah Siamtu duh dan ang ni lovin, anmahni chak leh nuam tih zawnga an enkawl avangin Ram a chhia in a chhunga chengte an chep tial tial a, thenkhat te chu hmuh leh miah tawh lo turin an boral tawh ani. Rom 8:19-22 Khawvel lo lum zel hian chhiatna chi hrang hrang a thlen belh zela. Kan ei tur thlai thar that theih lohna ram te lo zau zelin Tuifinriat chim chin alo sang zel a. Tui atanga kai chhawn theih natna te pawh pungin mihring pung zel ten harsatna kan tawk chho mek ani. Mizoram-ah pawh Malaria leh Typhoid tuar kan tam em em bakah, kan ram boruak nuam leh hmun thawl umin hnam dang

38 an lo tam ta hle mai. Kristian lo Biak in te pung zelin Pathian hminga kan tih tur leh kan tih hun bi te pawh palzut a hlawh tan ta hle mai.
Hawh u, kum 2014 hi Pathian min pek, khawvela kan ram neih chhun, Mizoram hi ram mawi leh nuam, eitur thar chhuaka min chawm theitu ram a nih zel theih nan keini Ringtute hian kan phak tawk theuhin siam thatu nih tumin tan ila ang u, tiin Pathian hmingin kan in sawm nawn ve leh ani e. Lalpan Kohhran hote Hruaiin

Malsawm zel che u rawh se. MISSIONARY SUNDAY 6 July 2014 Hun hman dan tur: 1. Chawhma inkhawmah Thupui: dak ulang lote en rawh u, (Johana 4:35) (Luka 9:1&2; Tirh 1:8; ) Heng Bung leh changte hi Thuhriltu pui tu a tan tarlan ani a, thuhriltu in a duh chuan a chhiar tel thei ang. Thuchah chhiar tur hi Kohhran Secretary in Mission Commettee member zing a mi ruat se. 2. Zan inkhawm hun changtuin zalen zawka ahman theih nanprogrammee hran siam ani lo.

Zoram Baptist Mission to bul : Zoram Baptist kohhran hi a dintirh atangin Chanchin Tha hrilh hi a pianpui a ni kan ti thei awm e. Ringthar hmasate pawhin a tirte atangin ringlote Krista hnena hruai hi thupui berah an nei tlat a. Thlarau Thianghlimin a thuama, mizoram chhung chang ni lo, an chhehvel a mizo hnahthlak awm Bangla Desh leh Tripura a awmte an vei em em a ni. Ringtu hmasate zinga pastor Rev. Zathanga pawhin Miria, Bawm, Pang leh Lau awmna ram a fan thu a thih hma khan a sawi thin. Kum 1918 khan Chanchin Tha hril tura inpete chuan Tripuraah lutin kohhran nghet tak an phun a, tun thlengin Tripura hnam hrang hrang tieng turin an pawimawh hle a ni. Tichuan hnamdangte veina a lo lian zela, Mizoram chhunga Tuikuk Takam te veina a lo lian zel a, kum 1939 Charchar Assembly ,Thiltlang a neih chuan a ngaituah ta a, chutah chuan tirhkoh pahnih rawih rel thluin Easter Sunday zing thawhlawm hi mission bik atan dah a rel nghal a. Tuikuk tTakam puala thawhlawm hmasa ber tlingkhawm hi Rs.244/- chiah a ni. Tirhkohte hlawn atan Rs.11Pm an fixed nghal bawk. Ramthim veina a lo len zel tak avangin 11-12 July 1962 a Assembly Executive Committee chuan Ramthim Sub-Committee a din ta a. Kum 1963 ,June Executive Committee chuan SubCommittee chu ding chhawm zel turin a relin 1966 thleng a ding chho nghe nghe. Kum 1966 chuan Account pawh a hrana vawng turin a rel zui a. Damdawi lama rawngbawlna pawh tula hriat anih avangin June 1963 khan Rotlang (W) Tuikuk zinga thawk turin Nurse Lianzami chu tirh ani a, 1964 khan amah thlak turin Nurse Vanlalnghaki tirh thlak leh a ni. Ramthim rawngbawlnaah hian Education, Direct Evangelism leh Medical lama thuangthuma rawngbawl a ni. Pastor bial hrang hrang atangin Ramthim lam ngaihtuahtu bik Committee din tul zia sawi anih avangin 17 -18 June 1966 Executive Committee chuan Zoram Baptist Mission (ZBM) chu a din ta a ni. Missionary Sunday to bul :

39

Kohhran Assembly rorelnain ramthim lam ngaihtuahtu bik Committee a siam hma pawh hian pastor bial thenkhat, Phawngpui bial, Tuithumhnar bial te chuan Matupui / Kampelet te, Mire ramte bei turin an bial huapa Committee dinin thuhriltute an tir a, Ringtu siamin an bial kohhranin an harh phah hle a ni. Kum 1949 khan July Pathian ni hmasa ber zing thawhlawm hi Tuikuk-Takam pual atan Assembly chuan a ruat a. Hun engnge maw lai khan a khaihlak deuhva, kum 1975 khan tithar lehin he mi ni hi Missionary Sunday atan hman a lo ni ta a ni. Kohhranhoten ramthim veina kan lo neih theih nan 1951 leh 1952 khan Tirhkoh pahnih a inkawpin kohhran hrang hrang a tlawhkual tir a, hei hian kohhran te tiharhin Ramthim veina a neihtir nasa hle a ni. Tichuan vawiin thlengin he ni hi kan lo hmang chhawm ta zel a ni.

40

TKP Day (30th July, 2014 (Wed)

Thupui : Krista leh Kohhran tan
TKP tobul & TKP Day : Hun enge maw chen kohhrana thalaite puala rawngbawlna huang hran siam tura uluk leh fimkhur taka an ngaihtuah hnuah July 30, 1951 khan Serkawn-a Thalai rualte leh Kohhran Upate chuan kan Zosap Missionary-te duhsakna leh kaihhruaina hnuaiah Thalai Kristian Pawl hi an lo din a. Hruaitu hmasa te chu President Pu Lungruala; Vice President Pu Vanlalkunga; General Secretary Pu K.Lalliana; Treasurer Pu T.Ropianga; Senior Adviser 1) Rev H.S.Luaia; 2) Upa C.Saizawna; 3) Zomawia Nu (Mrs FJ.Raper) 4) Pu Lalmama te an ni a. Executive Committee member te chu Nl Rothuami; Pu Hrangthanga; Pu Lalsawma; Pu Remkunga leh Pu Thanghmuna te an ni. Thalai Pawl din hi Presbytery (tunah BCM Assembly kan ti) in a lo phalsa tawh avangin 1952 Presbytery inkhawmpui (Pukpui) chuan Thalai Kristian Pawl lo ding ta chu a pawmpui nghal ta bawk a. TKP hi Presbytery hian Biala din phalna a pek nghal bawk avangin bial hrang hrangah pawh TKP hi din nghal a ni. Hetih lai hian Mizoram hi Assam state chhunga district pakhat mai a nih avangin Zoram huapa TKP inkhaikhawmna pawh District TKP tih a ni a, District TKP inkhawmpui hmasa ber pawh 1955 khan Pukpui-ah neih a ni. Hun rei tak chhung chu TKP Day atan hian District TKP inkhawmpui hmasa bera (1955) a ni hmasa zawk, October 22 chu hman a ni thin a. Amaherawh chu he ni hi dik tawk lova hriatna a awm avangin MTKP Rorelna chuan vawi hnih thum lai a ngaihtuah hnuin 1995 MTKP Rorelna (Sethlun) chuan Kohhran hruaitute leh kan missionary-te kaihhruaina hnuaia Serkawna TKP an din ni, July 30 hi TKP Day-ah hman ni tawh se a ti a, chu chu BCM General Committee pawhin a pawmpui tak avangin 1997 atang chuan TKP Day hi July 30-ah hman a lo ni ta a ni. TKP Rawngbawlna tlangpuite: 1. Mission : TKP hian a din tirh atangin thlarau bo veina lian tak neiin, District TKP inkhawmpui hmasa ber 1955-a Pukpuia neihah pawh Agenda TKP hminga Thuhriltu tirh tih ngaihtuah nghal a ni a. Vawiin thleng hian TKP te hian theih tawkin hma kan la la ve zel a ni. 2012-2013 chhung khan TKP Bial 68 leh Unit 207 in Mission Support an pe a, Mission Support pe hi kan la pung zel a. Hemi kum chhung tho hian MTKP chuan Mission Support Rs 135000.00 a pe bawk a, MTKP hian missionary damlo leh tanpui ngaite tanpui nan Mission Relief a sem ve thin bawk a ni. Heng bakah hian MTKP, bial leh unit ten Mission lama hma kan sawn theih nan thuzir tur te buatsaihin, mission consultation te neiin, work camp leh mission visit te neih thin a ni bawk. 2. Kohhran leh TKP : Krista leh Kohhran tan ti-a thupui kan dah angin TKP hian Kohhran tana a tangkai thei ang bera awm hi a tum fo thin. BCM project hrang hrang te chu MTKP chuan thalai te project-ah pawmin a hlawhtlin theih nan theihtawp a chhuah thin a. Tun hnai maiah pawh AICS leh HATIM tan te, Christian Hospital Lawngtlai leh Serkawn tan te, Nauhnuchham (BCO) enkawlna atan te pawisa faia a tanpui bakah hnatlang leh thil dangtein a tanpui thin a. BMS Centenary lawmna leh Mautam tuar tanpuina chungchangah te Kohhran kutke tangkai tak a ni thin a ni. Kohhran thlarau lam nun hmasawnna atan crusade, camping, discipleship / leadership / counseling training te buatsaihin, zaipawl hmasawnna atan pawh solfa camp leh zaipawl intawhkhawmna te buatsaihin hma nasa takin a la thin bawk. 3. Khawtlang thatna tura hmalak : TKP hian khawtlang thatna turin kawng hrang hrangin hma a la thin a. Zirna lam te, khawtlang fai leh thianghlimna thu te, environment humhalh thu te, zu leh ruihhlo do chungchang te, HIV/AIDS chungchanga inzirtirna te, a thlawna thisen pek chungchangah te hma a la thin a. 2009 atang khan Zonunmawi beihpui thlak a ni a, ngaihhlut tur

41 dik inzirtirna te, intodelh tura inzirtirna te pawh neih a ni. Heng hmalakna hrang hrangah hian sorkar leh tlawmngai pawl hrang hrangte bakah kohhran pawl dang thalai te nen pawh hmalakho thin a ni. 4. Thalai Pawl dangte nena thawhhona : District TKP inkhawmpui hmasa ber (1955) chuan kohhran pawl dang thalai te nena thawhhona leh rampawn thleng pawha huang zauh a tul thu a lo ngaihtuah tawh a. Vawiin thlengin TKP te hian Mizoram chhungah leh kan state thenawmah te leh hmun hla zawk thleng pawhin palaina leh rawngbawlna a la nei zel a ni. North East India Christian Council Youth Assembly-ah a hnarkaitu te zinga mi kan ni a, Baptist Youth Fellowship India-ah pawh chanvo pawimawh tak tak changin, National Council of Churches in India Commission on Youth (NCCI CoY)-ah te pawh kan tel ve ta a. Asia Pacific Baptist Youth Fellowship leh Baptist Youth World Conference-ah te pawh zaipawl leh palai kan intir ve reng thin a ni. 5. Thalai Entu : TKP ten ziaka rawngbawlna hlu tak kan neih Thalai Entu hi 1978 atanga chhuah tan a ni a, tunah hian thla khatah copy 10720 (Aug 2013) sem chhuah mek a ni. Thalai Entu hi Pathian thua infuih thar nan te, chanchin inhriat tawn nante, rawngbawlna report tarlan nan te leh thalaite tana thu bengvar thlak tak tak inhrilh hriat nan te hman a ni thin a. TKP te rawngbawlna pawimawh tak a ni. Tun hnaiah hian Pathian malsawmna leh thawktute thahnemngaihna azarah kan semchhuah zat pawh a pung nasa ve hle a ni 6. Inchhiarna : Tunah hian TKP te hi Pastor Bial 75 ah Unit 382 neiin, member zawng zawng hi 38174 kan ni a, Member tamna bial te chu Bazar (1574) leh Serkawn (1395) te an ni a, member tlemna te chu Parva (62) leh Vaisam (84) te an ni. Hriattur Pawimawhte : 1. TKP Day hi Kohhran leh khawtlangin kan hlawkpui theih nan hman tum nise. Social Service pawh neih ngei tum theuh ila 2. Kumin TKP Day hi nilai zan a ni a, unit tinin mahni tualchhung kohhran-ah dilin inkhawm prog hi Unit TKP-in uluk taka buatsaih nise. Thupui Krista leh Kohhran tan hman tur a ni. 3. Kohhran member tam zawkin min telpui theih nan uar takin sawm ila, a theih chuan Fellowship dangte (BKHP, BMP, KNP) pawh chanvo siamsak ve nise 4. Thawhlawm lakkhawm a ni ang a, Bial kal tlangin MTKP-ah chhun luh tur a ni.

42

THLAI THAR HLAN NI 3rd August 2014

Hun hman dan tur : Tualchhung Kohhranin tha a tih angina programmee a siam ang. Thuhmahruai: Kan pi leh pute hun laiah September thla hi Mimkut Thla tih a ni. Kristian an nih hma chuan he mi thla-ah hian mitthi pual-in thlan-ah thlai leh ei tur thildang an chhiah thin. Kristianna a lo luh hnu-ah ringtute chuan he ni hi an thlai tharte Pathian hnena hlanna ni-ah an hmang ta zawk a, chu chu Thlai Thar Hlan ni tih chu a lo ni ta a ni. Hun rei tak chu September Pathian ni hmasa berah hman thin a ni a, he mi ni hian lo, leipui leh huan a thlai thar remchang apiang la khawmin biak inchhung leh hulhliap-ah an chhung vum thur a, Inkhawm banah an lilam thin a ni. Hmun thenkhatah chuan he ni hi Inrinni atanga a hmangin ruaite thehin Pathian faka zaikhawmin an lam mup mup thin, Thlai Thar Kut an ti hial thin. September thla Pathian ni hmasa ber hman thin hi thingtlang hmun thenkhatah chuan thlai thar chuai tawh lam a nih avangin kum 1993 BCM Assembly chuan August Pathian ni hmasa ber hi Thlai Thar Hlan ni a tan a ruat ta a ni. A tirha chuan he mi ni a pawisa tling khawm hi Headquarters a thehluh tura tih a ni a, kum 1984 BCM Assembly chuan mahni tualchhung kohhran pual atan a dah a, tun thlengin tualchhung Kohhran pual a ni ta a ni. Tunah chuan kan khawsak dante a lo danglamin thlai thar hlan tur nei kan tlem tial tial ta. Amaherawh chu thlai thar hlan tur neilote pawhin kan thinlung leh kan thil neih hlu, malsawmna kan dawnte Lalpa hnenah hlanna hun atan hman i tum theuh ang u.

Thuchah: Mizoram Baptist Kohhran hian Thlai Thar Hlan Ni hi kum tinin August Pathianni hmasa ber kan hmang ta zel a. Tun hma deuh chuan awmni khama Inrinni-ah te hmangin Pathian hnena lawmthu sawina leh zaikhawm nan, a then phei chuan ruai nen hial hmang pawh thingtlang lamah chuan an awm thin. Lo, leipui leh huan lama thlai thar remchang apiang thawh khawmin Biak in hulhliapah an chhung vum thur a, inkhawm banah lilamin an tiral thin a. Darkar rei fu fu a awh hial thin a ni. Kohhran leh khawtlangin a nghahhlelh hun pawimawh tak a ni thin. Tunah erawh chuan huan leh lo neiha eizawng kan tlem tial tial a, khawpuiah phei chuan thlai thar hlan tur nei lo hi chhungkaw tam zawk kan ni hial ang. Heti chung hian Thlai Thar Hlan Ni hi Special Sunday-ah kan hmang zel a. Thlai thar hlan tur nei lote pawhin kan thinlung leh kan thil neih hlu dangte hlanna hun atan hmang ila. Pathian miten Pathian kan zawmna leh kan inkungkaihna tithar zeltu chu thil hlan inthawina (rawngbawlna) hi a ni. Thil hlan inthawina hi awm lo ta se la, Pathian chibai buk kan tih hi Israel-te nunah a khingbai hle ang. Pathian chibai kan bukna, lawmthu kan hrilhna, kan hmangaihna, Amah

43 nena kan inkungkaihna tilangtu leh kan Pathian a ni a, Ama ta kan ni tih chhinchhiahna pawimawh tak a ni tih hriain kohhranho ten Lawmna thinlung puin i hmang theuh ang u.

THEOLOGICAL EDUCATION SUNDAY 17th August 2014

Hun hman dn tr: Programmee kim chang chu tualchhung kohhran kutah awm se. Thupui : Thu ka pek zawng zawng che u pawm turin zirtir rawh u (Mathaia 28:20) Lal Isua thupek, Zirtira siam hi BCMin kan dah pawimawh em em a, a tha a ni. A zawm chiah, Thu pek zawng zawng (Thu sawm pek bakah dan tesep sing ruk chuang) zawm tur chuan, mahni in dap chhuak thei tur leh thupekte zawm thei tura zirtir an nih loh chuan in kawhhmuh vek hman a ni lo. AICS bak-ah Jubilee Bible School kan nei leh tur hi a pawimawh ani. Beiseina nen tawnghtai in I thlir ang u. 1. Inkhwm hi AICS-a mite kalnaah chuan anmahni znga mi hruai tr leh thuchah sawi tura beisei an ni, hei hi zirlai tn practical ministry atn chhiar nghl a ni. 2. Bible Chhiar: Sm 84:1-10 (|KP member nula-in chhiar se) Phillipi 3:12-16 (|KP member tlangvlin chhiar se) 3. Special No: KNP or Kohhran Zaipwl 4. AICS Report Chhiar chhuahna: AICS a mite an kalnaah. |awng\airual thupui: 1). Lwmthu sawina: Pathianin AICS hlawhtling tak min dinsak avngin, leh Kawng hrang hranga min hruaina avngin lwmthu i sawi ang u. 2) |awng\aisakna AICS- thawktu zawng zawngte leh zirlai leh chhngkua awm zawng zawng tn. 3) India rama Theological College hrang hrang a kan Pastor M.Th leh Doctorate zira Jorhat, Bangalore, Madurai, leh Serampore-a awmte tn. 4) Jubilee Bible School tan tura beisei ani. A hun taka tan anih theih nan leh zir tur mi kan neih theih nan Pathian hnenah I dil ang u. .

44

NEICC DAY OF PRAYER 19th October 2014

Thuhmahruai: NEICC Day of Prayer hi, kum 1975-a NEICC Inkhwmpui, All Saints Cathedral, Shillong-a Church of North India-in an dwl kumin passed a ni. Kum tin November Pathianni vawi 3-na hi hman \hin ni se ti-a rl thlk a ni. Inpumkhatna leh India hmar Chhak Kohhrante in\awng\ai sak tawnna ni atn ruat a ni. Hemi ni-a thawhlwm pawh NEICC puala pk zl ni rawh se, tih pawh lungrual taka tihthlk a ni bawk. Hun a lo kal deuh va, Kohhranhote hman remchan rual twklohna avngin, 1994 NEICC Inkhwmpui, Chandmary Presbyterian Kohhran, Aizawl-in an dwl kumin, tna kan hman lai, October Pathianni vawi 3-naah hian sawn a ni ta a ni. Hun hman dn tr: Thupui: Thupek thar ka pek che u hi, in hmangaih ula; (Johan 13:34) Thupui \hen: 1) hmangaihna hi Pathian zia a ni. ( iJohana 4:7&8) 2) Isua zirtirte kan ni tih miinn an awih theihna trin inhmangaih a \l(Jn13:35) 3) hmangaihna hi a ropuia chatuan thlenga awm reng tur a ni. (iKorin 13:13) # Thawhlwm hi BCM headquarters-a thawn tr a ni. Thuchah hi chhiarchhuah ni se. Inkhwm programme \l dang chu Kohhranin a ruat ang. A hnuaia \awng\ai thupui trlan ang hian \awng\ai rual ni se. |awng\airual Thupui 1) Rev.R.LKalnunzira NEICC Secretary te chhungkua leh an thawhpuite tan 2) NEICC hmalkna hrang hrang hian Kohhrante thawhhohna a tihchak zl theih nn. 3) NEICC College, Union Christian College tn, zirlai leh zirtirtu hnam hrang hrang awmkhwmte inngeih taka an awmkhwm zl theih nn. Thuchah: NEICC hnuaiah hian member 51 zet kan awmkhwm a. India hmrchhaka Kohhran tamf zwk hi kan awmkhwm tihna a nih chu. NEICC thil tum ber chu, kohhran hrang hrangte inhriatthiam tawnna neih te, thil tihho te, thawhhote, in zahtawnte, \anrual te, inpumkhatna siamte a ni. Hei hi thil \l

45 tak, Pathian zia leh a lwm zwng, khawtlng, hnam leh chi leh kuang inremna bul pawh a ni. Kohhran hrang kan nih avnga chhiatni \hatni-a kan in en hran dn te, chhngkaw inlaichnna a tih dal theih dn te, sawrkr hna leh therhlo thlenga kan induhsakna kawng a nghawng dnte hi bih chian a tul thin. Heng kan duhsam zawngzawng min thlen thei tu chu, hmangaihna Pathian a tanga chhuak ani. Ringlo miten Kristiante an awh lohna chhan lian ber fo chu kan inngeihlo leh kan in\hen hrang hi hi a ni. Lal Isua an awih theihna tr chuan kan \anrual a, kan thawhho thiam hi a \l a ni. Pathian ropuina hliah fotu chu inpumkhatlohna hi a ni. Innghirnghona leh indona hmunah chuan Pathian a ropui thei lova, Setana lmtualah a chang mai \hn. Inpumkhatna hi Pathian siam a ni a, inhuatna hi Setana atanga chhuak a ni. Inhmangaihna hi Kohhrante kan \hanlenna tr leh kan famkim zlna kawng pawihmawh tak a ni. Krista thupek anga kan inhmangaih tawn chuan, vnram zia khawvl mite hnenah kan trlan a ni. Kan Lal Isuan, Thupek thar ka pek che u hi, inhmangaih ula; keiin ka hmangaih ang che u hian nangni pawh inhmangaih ula. In inhmangaih chuan mi zawng zawngin ka zirtirte in ni tih chu miah chuan an hria ang, a ti a ni.

46

KHAWVEL SUNDAY SCHOOL NI 2nd November 2014

Sunday School In\an dn. Tn laia Sunday School kan tih hi 1780 kuma Robert Raikes-an Gloucester, England-a a din a ni. Hei hi a \hang zl a, Sunday School a pung zl a, 1785 kumah Sunday School inzawmkhwm pwl hmasa ber, Society for Promoting Sunday School a lo ding hial a, a hnu lawkah Sunday School Society tia thlk a ni. Khawvl hmun hrang hrangah a darh zau zl a, India ramah pawh kum 1800 khan William Carey leh a \hiante pathumin Serampore-ah an lo din a. Tin, Mizoramah chuan kum 1896-ah Sp upa leh Pu Buanga ten Aizwlah an din a, chhim lamah chuan kum 1902-ah Tv. Thanknga (a hnua Tirhkoh leh Pastor ni ta) leh a \hianten Sethlun-ah an din a ni. Khawvl Sunday School Ni. Khawvl Sunday School Ni dintu chu Dr. George W. Bailey a ni. Ani hi America (USA) mi a ni a, khawvl huapa Sunday School rawngbwlnaa mi pawimawh tak a ni a. Kum 1910 khan World Sunday School Association-ah President atn thlan a ni a. Ama huaihawtin kum 1907 khn khawvl pum huap Sunday School Ni, Rome khawpuiah an lo hmang tawh a, President a nih kum, 1910-ah phei chuan Washington khawpuiah May-22 ah ropui takin an hmang a ni. Khawvl Sunday School Ni hi a remchn dn angin hman a ni \hn a; mahse, India ramah chuan tna kan hman lai mk, November Pathian ni hmasa ber hi hman a ni ta reng a ni. BCM pawhin kum 1939 khn All India Sunday School Union kan zawm a, chuvng chuan Khawvl Sunday School Ni hi kan lo hmang ve ta a. A hnuah Christian Education, Evangelical Fellowship of India kan zawm leh a, kum 2009 a\ang khn All India Sunday School Association kan zawm leh ta a ni. Sunday School pawimawhna. Sunday School pawimawhna kan sawi sng lovang. Hun rei tak Sunday School-a kan hotu ber ni thin, Rev. V.L Zawnga sawi hi tawi tein sawi chhwng ila - 1. Mizote lehkha thiamna petu, 2. Kohhran dintu, 3. Kohhran ban, tiin a sawi a ni. Sunday School pawimawhna hi a tr t a\angin BCM rorlna sng ber pawhin a hria a, 1904 kuma Sethlun inkhwmpuiah chuan Kohhran din tawhnaah chuan Sunday School awm zl rawh se tiin an lo rl daih tawh hial a ni. Chuvngin BCM huam chhnga Kohhran tinte chuan Sunday School kan ngaih pawimawh hi kan tih tr dik tak a ni.

Hun Hman dn tr:

47

Thupui: Pathian thu hi a nung a, thil ati thei a ni. (Hebrai 4:12) ( Thuf 3:1 8; Johan 6:63-65). Programmee kimchang leh hun changtu chu tualchhung kohhran in tha a tih angina a buatsaih ang. BWA HMEICHHE TAWNGTAI RUAL NI 3rd November 2014 Khawvel pumpui Baptist Kohhran hmeichhe pawl te hian kum tinin November chawlhkar hmasa ber Thawhtanni hi tawngtairual ni atan a ruat a, kum tinin tawngtai programme hi hman thin a ni. Khawmualpui hrang hrang a ram hrang hrang te tan kan tawngtai thin a, a hluin a pawimawh takzet a ni. Khawvel Baptist Hmeichhe Pawlt ehi khawmualpui 7 a ram 136 atangin member 235 kan awm mek a, heng ram hrang hrang atanga kohhran 235 te lungrual taka thupui thuhmun hmanga kan tawngtai thinna hian nasa takin Pathian ram a tinghetin a tizau ngei ang. Nikum lamah khan tawngtai ni a thawhlawm hmanna tur project engemawzat siam a ni a, Indonesia a Hmeichhia te tana Leadership Training na atan te, Pakistan a naupangte zirna tur atan te, Karen State ramhnuaia raltlan camp hrang hranga awm te hnena tawngtai programme hman te ani a, Tin, Karen hmeichhia te eizawn nana ranvulhtute hnena ran chi tha sem leh enkawl dan zirtir te a ni. Khawvelah hian mirethei maktaduai 900 aia tam Asia ah hian an awm a, chumi zinga hmun 3 a thena hmun 2 te chu hmeichhia an ni. Indona leh buaina ah a tuartu berte chu hmeichhia leh naupangte a ni a, heng atana tawngtai leh thilpek kan pek theihna remchang tak a ni. Tawngtairual thupui leh programme hi kum tinin khawmualpui hrang hrang a miten an inseam chhawk thin a, testimony te, bible study te an buatsaih bawk thin a, a hlawk thlak em em ani. Kan hman dan tur an rawn thawn hunah bial leh unit hrang hrangah kan inhriattir leh thin a ni. Tuna khawvel Baptist kohhran Hmeichhe pawl hruaitute chu hengte hi an ni. 2010-2015 thleng an hruai ang President Raquel Contreras Secretary/Treasurer Donna Groovee Executive Director Patsy Davis

48

RUALBANLO TE NI 30th November 2014

Hun hman dn tr: Thupui : Riangvaite hnenah Chanchin Tha (Luka 4: 18) 1. Pathianni zng inkhwm chu Rualbanlote pual inkhwmah hman ni se. Sermon pawh rualbanlote pual rawngbwlna lam sawi ni thei se. 2. Rualbanlote pual Sunday thuchah hi tun tum chu chhiar chhuak kher lovin Inkhawm hruaitu in a tlangpui sawi lang mai se. Thuchah: Mi thiamte chht dn chuan Khawvl mihring za zla panga hi Rualbanlo an ni a, rualbanlohna hi rilru lam chauh te, taksa leh pianphung chauhva rualbanlohna te, a pahniha rilru lam leh pianphunga rualbanlohnate a awm thei a ni. Rualbanlohna chhan hrang hrang a awm a, nuin nau a pai lai a\anga fel lo awm thei a\ang te, piantirh lai thil awm dn leh naupan laia natna vei a\ang te, ei \ha tlkchhamna avang te, leh mizovin kan sawi \hin angin, Piansualin tlai luat a nei lo, an lo tih angin, accident chi hrang hrang avngin rualbanlohna a awm thei a ni. Mizoten rualbanlote kan hmuh dn leh kan ngaihdan hi a \ha vak lova, kan inzir a \l hle. Hnam changkng apiangin rualbanlote enkawl an thiam a, rualbanlote hi rilru lama banlo an nih chuan finna zirtr theih an ni a, mi pangngai angin an zir chaklo a nih pawhin anmahni rau rauvah hma an swn thei a, an thiamna zir theih ang ang kha anmahni inenkawl nn leh thil \angkai thawhchhuah ve nn an hmang thei a ni. Mizo hian mi ang mang lote kan bwl khawlo fo va, mi pangngaia chhuah theihte pawh chhngkua leh khawtlngin kan en dn leh kan enkawl dn avngin mi ang lovah kan chhuah fo niin a lang. Mi pngngai chen zn lote pawh enkawl thiam chuan mi pangngai ang maia chhuah theih leh mi an chen lohna laite pawh sawitham loh leh pawitham lovin a chhuah theih a, chu chuan mahni tn leh chhngkaw tan, hnam pumpui tn a \ha m m a ni, tih hria ila. Pianphunga rualbanlo pawh a \ul ang zla zirtr leh hmanrua nna thuamin an rualbanlohna lang lo hialin tanpui theih an ni. Khawvlah hian rualbanlo ni si mi ropui tak tak an lo chhuak fo tawh a, mitdel, zaithiam leh hla phuahthiam, vawiin ni thlenga hla ropui ber ber phuahtute, mitdel , khawvl khawmualpui zawng zawnga tlngsng berte lwn

49 chhuak vek thei khawpa chak te, bengngawng, scientist ropui tak te, fuke kim lo, mi pngngaiin an tihtheih loh thiltithei tam tak sawi tr an awm a ni. Lal Isua khn khawvla rawng a bwl lai khn rualbanlote a khawngaihin a ti dam \hn a, Mathaia 10:27, 9:32-34, 15:29-31 te, Marka 7:31-35 te kan en chuan Lal Isuan mitdel, kebai, piangsual tinrngte, zengte, Ramhuai man (Rilrubuai) a tih dam thute kan hmu a ni. Keini pawhin kan znga awm rualbanlote hi kan enkawl \hat a pawimawh a, Kan Lalpa thupk pawh a ni tih i hre thar leh ang u. Khawvl ram changkngte chuan rualbanlote tn inzirnate, School hranpa leh infiamna anmahni pual bkte siamin zin veivahnaah pawh a thlwna chuan theihna te, an tna remchnna chi hrang hrang an siamsak \hn a, kan ram pawhin hetiang lamah hian hma kan swn ve hret hret a, chak zwka hma kan lk zl pawh a \l hl a ni.

50

BIBLE SUNDAY 7 December 2014

th

Thuhmahruai: Bible Sunday hi Pathianin Bible min pk vnga kohhran hoten a hnna lwmthu kan sawina ni atna Calender-a kan serh hran hi a ni. Kohhran tam tak chuan Krismas hmaa Pathianni pali znga a pahnihna-ah an hmang \hn, amaherawhchu, he hun hi Pathianni eng hunah pawh hman theih a ni. Bible Sunday hi Krismas hmaa Pathian ni pali znga a pahnihnaa hmang trin Anglican Calendar-ah nghet taka dah a lo ni ta a. Zawi zawiin kohhran pwl tam takin Bible puala Sunday serh hran duhna an lo nei zl a, tnah chuan Great Britain-ah chauh lo pawh, ram tam takah hman a lo ni ta a ni. Bible Sunday ni atna ram hrang hrangin an hman chu in ang lo mahse tum thuhmun neiin, Pathianin a duhnate kan hriat theih nna Bible min pk avnga lwmthu sawina leh fakna huna hman a ni ber \hn. Kristian ten Bible kan neih avnga kan lwmna kan lantr mai bkah he hun hi Bible la nei ve lo tam tak, khawvl ram hrang hranga miten an neih ve theihna tra remchngah hman a ni bawk \hn. Hei vng tak hian Bible Society chuan kum tinin Bible Sunday-ah hian Kohhran leh Pwl hrang hrang bkah mi mal hnnah ngenna siamin Bible nei loten an neihna tra thawk trin a swm \hn a ni. Bible thehdarhna tra \hahnemngai taka thawk trin ngen \heuh kan ni. Hun hman dn tr: 1. BSI Central Office a\anga thuchah lo kal \hn chu Aizawl Auxiliary Office a\angin Kohhranah an rawn thawn ang. 2. Tin, Bible Society puala thawhlwm lkkhwm chu mahni awmna kohhran huamtu BSI Branch Treasurer hnnah thehluh mai tr a ni e. Remchn lohna nei chuan Auxiliary Office, Bible House MG Road, Upper Khatla, Aizwlah pawh thehluh theih a ni e. Thupui: Krista hnna min hruaitu Bible chhiar tr: Johana 17:17, 5:5:39 Thusawitu \anpuitu: Khawvlah hian Bible ang m ma mite ngainat, mite huat, mite zah leh nchhe lawh hlawh lehkhabu dang hi a awm awm lo ve. Bible avng hian indonate a lo chhuak tawh \hn a, a chhng thute avng hian ram hrang hrangah inlumleh burhna a lo thleng tawh a, lalram tam takte pawh an lo

51 tluchhe tawh a ni. Bible danglam m m bikna chhan hi an thu lkna hnr leh an thu kente a chungnun bik m avng a ni. Bible hi Pathian nihna dik tak inpuanna a ni.

MISSION BUHTHAR HLAN NI 14th December 2014

Hun hman dn tr: 1. Vawiin hi BCM kohhran zawng zawng tn ni pawimawh bk a nih avngin Kohhran Zaipwl leh KNP ten hla rem se. 2. A hnuaia thupui hmang hian \awng\ai rualna hun hman ni se. (a) Pathian hnn a\anga malswmna kawng hrang hranga kan dawn te avngin lwmthu sawi ila, a bk takin buhthar malswmna kan dawn avngin lwmthu sawi ang u. (b) Kamding, lo nei ve kher lote pawhin thla tina kan hlawh lk hi thla tina kan buh tharah ngai ila, lo nei lova ni tin inhlawha eizawng te pawhin kan hlawh hmuh ang ang hi ni tina kan buh tharah ngai ila, sumdwngte pawhin chutiang zlin, Pathian hnnah lwmthu i sawi ang u. (c) Mission rawngbawlna lama hma kan swn zl theih nn Pathian \anpuina dlin i \awng\ai ang u. 3. Hun chang tr leh \l dang awm apiang chu kohhranin ruat se. Thuchah chhiar tr: Vawin ni pawimawh bk takah hian kohhran mipuite in vaiin BCM Headquarters Office a\angin kan Lalpa Isua Krista hmingin chibai kan bk a che u. Kohhran pwl dang tam tak aia Mizo ram Baptist Kohhran kan danglam bkna chu missionary rilru pu, ramthim vei kohhran kan nihna hi a ni. Kum 1939 a\ang daih tawh khn kan rama Bru leh Chakma te zngah tirhkoh ruaiin Chanchin |ha la hre ve lote hnnah mission hna kan lo thawk \an daih tawh a. He rawngbwl hna pawimawh tak hi kan uar zl theih nn Executive Committee Meeting 18.6.1966 chuan Zoram Baptist Mission (ZBM) a din ta a. He rawngbwlna lama hma kan swn zla thil pkte pawh a lo pun zl theih nn kum1984 Assembly chuan ZBM BUH THAR HLAN NI hi a lo ruat ta a ni. Kum 2005 thleng khn ZBM Buh Thar Hlan Ni thawhlwm pawh Headquarters-ah chhn luh a ni. Hun a lo kal zl a, ZBM Buh Thar Hlan Ni tih chu Mission Buh Thar Hlan Ni tia thlk a lo ni leh ta a. Hemi ni-a thawhlwm tling khwm pawh chu Headquarters-ah thawn lovin Tualchhng Kohhran rawngbawlna atn hman trin Assembly 2005 chuan a lo rl leh ta a. Vawiin thleng hian December Pathianni vawihnihna hi Mission Buh Thar Hlan Ni atn hmangin thawhlwm pawh tualchhng kohhranin a chang ta zl a ni. Thingtlng leh khawpuia chng ten, buh chnga huan, leipui leh lo neite chuan kan buh thar a\angin tualchhng mission rawngbwlna atn \hahnemngai takin Pathian hnnah i hln ang u. Hetianga Buh Thar hlan tr nei

52 kher lote pawhin kan huan thlai, kan ran vulh leh sum leh pai, kawng hrang hranga Pathian malswmna kan dawn a\angin tualchhng mission rawngbawlna atn i pe ang u. Kan buh leh bl, kan sum leh pai chauh ni lovin keimahni ngei pawh hi Lalpa tn he ni pawimawh bkah inhln thar leh ang u.

KRISMAS December 25
Hun hman dn tr : 1. Thupui siam a ni lova, hun changtu in \ha a tih ang thupui sawi mai tr a ni. 2. Programme leh pawimawh dang awm apiang chu Tualchhng kohhranin \ha a tih angin ruahmanna a siam ang.