Вы находитесь на странице: 1из 10

2013

Wesleyan Methodist Kohhran Thurin

PUBLISHED BY: Mizoram Wesleyan Methodist Church 9/28/2013

Wesleyan Methodist Kohhran Thurin


MIZORAM WESLEYAN METHODIST CHURCH
(Wesleyan Methodist Church of East India)

2013

THURIN
1. Pathiana Mi Pathum Thianghlim Rinna: Pathian pakhat nung leh tak, thianghlim leh hmangaiha khat, chatuan mi, thiltithei, finna leh thatnaa khat, thil zawng zawng siamtu leh vawngtu chu ka ring. Pa leh Fapa leh Thlarau Thianghlimte inpumkhatna chhunga mi pathum awmte chu thiltihtheihna leh chatuan mi nihnaah inang vek an ni.
Gen. 1:1-2; 17:1; Ex.3:13-15; Deut. 6:4; Sam 90:2; Isa. 40:28-29; Joh. 4:24; 16:13; 17:3; Tirh. 5:3-4; 17:24-25; I Kor. 8:4,6; Eph. 2:18; Phil. 2:6; Kol. 1:16-17; I Tim. 1:17. Heb. 1:13; I Joh. 5:20.

2. Pa Pathian: Thilsiam hmuh theih leh hmuh theih loh thlarau, thil awm zawng zawngte bul chu Pathian a ni tih kan ring a. Fapa leh Thlarau Thianghlim nen ama anpuiin mihring mipa leh hmeichhia a siam a. Mihring hnenah Pa angin inkungkaihna a siam tlat a. Tichuan mihringte hnena a thatna chu englai pawhin tihlan leh puan chhuahin a awm reng a. Hmangaihnain mi sualte a zawng a, sual simte chu lawm takin a lo pawm leh thin.

3. Pathian fapa: Isua Krista, Pathian Fapa neihchhun chu kan ring. Ani chu Thlarau Thianghlim paitirin nula thianghlim Marin a hring a, mihring dik tak leh Pathian dik tak a ni a. Mi zawng zawngte bawhchhiatna leh sual bul ngaihdam a nih a, Pathian nen kan inrem leh nan Kraws-ah a thi a, phumin a awm a. Krista chu taksa ngeiin thihna ata a tho leh a, vanah a lawn chho va, mi zawng zawng chunga rorel tura ni kin ni-a a lo kal leh hma chuan min sawipui turin Pathian ding lamah a thu rih a ni.
Sam.16:8-10; Mat.1:21,23; 11:27; 28:5-9, 16-17; Mk. 10:45; 16:6-7; Lk. 1:27, 31,35; 24:4-8; Joh. 1:1,14,18; 3:16-17; 20:26-29;21; Tirh. 1:2-3; 2:24-31; 10:40; Rom 5:10,13, 8:34; I Kor. 15:3-8,14; 2Kor. 5:18-19; Gal. 1:4; 2:20; 4:4-5; Eph. 5:2; I Tim. 1:15; Heb. 2:17; 7:27; 9:14,26; 10:12; 13:20; I Pet. 2:24; I Joh.2:2; 4:14.

Wesleyan Methodist Church

Page 2

Wesleyan Methodist Kohhran Thurin

2013

4. Thlarau Thianghlim: Thlarau Thianghlim chu Pa leh Fapa ata lo chhuak, Pa leh Fapa nen ropuina, thiltihtheihna leh nihna thuhmun, chatuan mi leh dik Pathian chu kan ring a. Mi zawng zawng hnenah Pathian khawngaihna thlentu leh, sual nih inhriatnaah te, piantharnaah te, tihthianghlimnaah te leh chawimawina te awmtirtu bul ber a ni. Englai pawha awm reng, ringtute hriat chiantirtu, venghimtu, hruaitu leh chakna petu chu a ni.
Job. 33:4; Mat. 28:19; Joh. 4:24; 14:16-17; 15:26; 16:13-15; Tirh. 5:3-4; Rom 8:9; II Kor. 3:17; Gal. 4:6.

5. Chhandam nan Pathian Lehkhabu Thianghlim chuan thuneihna kim a neiin a tling tawk a ni: Thuthlung Hlui leh Thuthlung Tharte chuan Pathian Lehkha Thianghlim an siam tih kan ring a. Pathian Thu dik lo thei lo leh Pathian thawk khuma ziak awm chhun chu a ni tih kan ring a. Atira ziak a nih atang renga dik ziktluak; mihring thuneihna aiin a sangin a chungnung zawk a, thurin pawimawh engmah tihchingpena awm lovin tun thleng hian kan hnenah hlanchhawn a la ni a. Pathian Lehkhabuah hian chhandamna tura zirtirna pawimawh zawng zawng chu a kim a, chuvangin, a chhunga kan hmuh leh chhiar ni lo, Pathian thu atanga fiah pawh ni lo chu tuman thurin anga neih tur a ni lo va, chhandamna atan thil tula ngaih tur pawh a ni hek lo. Isua Krista hmangin mihringte hnenah Nunna chu pek kan nih thu Thuthlung Hlui leh Thuthlung Tharah fiah takin hmuh a ni a. Krista chauh chu Pathian leh mihringte kara Palai chu a ni a. Thuthlung Thar bu chuan Kristiante chu Thuthlung Hlui buin thatna dan tlangpui a kawhhmuh hlen chhuah dan te, Pathian thu awih tura koh kan nih leh Amah hmangaih theihna te pawh hi Ama Thlarau Thianghlim chenchilhna atanga awm thei chauh a ni tih min zirtir a. Thuthlung Hlui bute chu hengte hi an ni a:Genesis, Exodus, Leviticus, Numbers, Deuteronomy, Josua, Roreltute, Ruthi, I Samuela, 2 Samuela, I Lalte, 2 Lalte, I Chronicles, 2 Chronicles, Ezra, Nehemia, Estheri, Joba, Sam, Thufingte, Thuhriltu, Hla Thlan, Isaia, Jeremia, Tah Hla, Ezekiela, Daniela, Hosea, Joela, Amosa, Obadia, Jona, Mika, Nahuma, Habakuka, Zephania, Hagaia, Zakaria, Malakia. ( Bu 39 ) Thuthlung Thar bute chu hengte hi an ni :Matthaia, Marka, Luka, Johana, Tirhkohte, Rom, I Korinth, 2 Korinth, Galatia, Ephesi, Philippi, Kolossa, I Thessalonika, 2 Thessalonika, I
Wesleyan Methodist Church Page 3

Wesleyan Methodist Kohhran Thurin

2013

Timothea, I Timothea, Tita, ;Philemona, Hebrai, Jakoba, I Petera, 2 Petera, I Johana, 2 Johana, 3 Johana, Juda, Thupuan bute. ( Bu 27 )
Sam 19:7; Mat. 5:17-19; 22:37-40; Lk. 24:27; Joh. 1:45; 5:46; 17:17; Tirh. 17:211. Rom 1:2; 15:4,8; 16:26; 2 Kor. 1:20; Gal. 1:8; 2 Kor. 1:20; Gal. 1:8; Eph. 4:12; 10:1; 11:39; Jak. 1:21; I Pet. 1:23; 2 Pet. 1:19-21; I Joh. 2:3-7, Thup. 22:1819.

6. Mihring tana Pathian thil tum: Lalpa kan Pathian chu thinlung zawng zawnga hmangaih tur leh keimahni kan inhmangaih anga kan vengte hmangaih tura thupek pahnih ropui takte hi Pathian lehkha thua dan zawng zawng khaikhawmna a nih kan ring. Pathianin mi zawng zawng hi angkhat vekin min siam a, Pathian chauh chu kan roreltu ber a nihzia kan puan chhuah theih nan, mimal leh chhungkua, pawlho leh hnamte pawh mihring khawsakhonaa kan awmdan zirtira kawhhmuh nan leh tehna atan a tling ber a ni. Chuvangin mi zawng zawngin he thupek hi mahni theuhah la lut ila, vantlang zingah, politic hmanga thiltih engkimah pawh Pathian zah leh a thu awih chungin ti vek ila, tichuan mi tin tana zalenna huang chhungah chuan hlim takin kan awm ang a, kan zalenna leh dikna te thiam taka hmang chung zelin mi zawng zawngin neihnunna leh phuisuina kawngah hma kan sawn zel dawn a ni.
Lev. 19:13;34; Deut. 1:16-17; Job. 31:13-14; Jer. 21:12; 22:3; Mik. 6:8; Mat. 5:4448; Mk. 12:28-31; Luk. 6:27-29; Rom 12:9; 13:1,7-8,10; Gal. 5:14; 6:10; Jak. 2:8; I Pet. 2:17; I Joh. 2:5; 4:12-13; 2 Joh. 6.

7. Inneihna leh chhungkua: Pathianin mihring hi Ama anpuiin a siam tih hi kan ring a. Pathian anna atang chuan inhmangaihna te, inpawlhona te, inkungkaihna te a awm thei a. Mimal atanga lo pungin mi tam zawk thlengin inkungkaihna a lo awm thin. Mihring chu inthlah chhawng theia siam a ni a. Pathian thu chuan mihringte inneihna chu Pathian leh thuthlunga a thlan mipuite inkungkaihna leh Pathian leh ringtu mimal te inlaichinna entirna tha ber atan a hmang a. Chuvang chuan mihringte inneihna leh chi thlahna chu dan anga nupui pasal atana inmal neihna atang chauhva hman tur a ni a. Dam chhunga nupa ni tura Pathian mit hmuha a thuthlunga inneite chauhvin inpawlna neih leh fa hrin hi Pathian duh dan a ni a. Mihring kan inkungkaihna dang zawng aiin hei hi kan ngai pawimawh tur a ni.
Gen. 1:27-28; 2:18,20,23,24; Isa. 54:4-8; Jer. 3:14; Ezk. 16:3; Mal. 2:14; Mat. 19:4-6; Mk. 10:9; Joh. 2:1-2,11; I Kor. 9:5; Eph. 5:23-32; Heb. 13:4; Thup. 19:8.

Wesleyan Methodist Church

Page 4

Wesleyan Methodist Kohhran Thurin

2013

8. Mihring duhthlanna: Mihring chu Pathian anpuia siam a ni tih chhungah hian a dik leh dik lo, a chhia leh atha thlan theihna a huam tel tih kan ring a. Chutichuan, mihring chu ama finna hmanga duh thlanga khawsa tura mawhphurhna neia siam a ni a. Amaherawhchu, Adama bawhchhiat atang khan thil tha leh dik ti turin ama chakna chuan mihringin a ti thei ta lo va. Hei tak hi Sual Bul chu a ni a. Adama chu kan tan entirna leh aiawh satliah mai ni lovin, mi tin mai hi nihdan leh kalhmang chhe zo tawh kan ni a. Chutiang chu kan ni tih Adama thlah zawng zawngte hian kan nihna ze dik takin kan lantir a ni. Chutia mihring chu atira mi fel a nihna atanga hla taka a lo awm takah chuan a nihna chuan sual lam a awn zui ta zel a. Tichuan, Pathian kova a lam hawi tur leh, chhandamna chang tura rinna nei tur pawhin amah ngawt chuan tih theih reng a nei lo. Amaherawhchu, mihring tih theih rual loh chu Pathian khawngaihna avangin Isua Krista zarah tih theih a ni ta. A lam hawia chhandam duhtu zawng zawngte hnenah chuan a thlawna pek zel a ni.
Gen. 6:5; Deut. 30:19; Jos. 24:15; I Lal. 20:40; Sam 51:5; Isai. 64:6; Jer. 17:9; Mk. 7:21-23; Lk. 16:15; Joh. 7:17; Rom 3:10-12; 5:12-21; I Kor. 15:22; Eph. 2:1-3; I Tim. 2:5; Heb. 11:6; Thup. 22:17.

9. Inremlehna (Atonement): Krista chuan Amah ngei chatuan atan vawikhat a inhlan a, thi khawp hiala Krawsa a tuarna chuan khawvel pum pui sual te, sual bul leh tih sual te tan inremlehna leh tlanna a siam tih kan ring a. Hei chauh lo hi chu sual laka chhandamna kawng dang reng a awm lo. He inremlehna hi Adama thlah mi zawng zawng tan a tha tawk a. Pian tirh atanga rilru buai te leh naupang chhia leh tha hriatna la hmang thei rih lote pawh he chhandamna hian a huam a. Amaherawhchu, mi pangngai kum puitling tawhin sual sima Krista chu an pawm a, an rinna an lantir hunah chauh he chhandamna hian awmzia a nei thin.
Isa. 52:13; 53:12, Lk. 24:46-47; Joh. 3:16; Tirh. 3:18-19; 4:12; Rom 3:20; 24-26; 5:3,11,13,18-20; 7:7; 8:34; I Kor. 6:11; 15:22; Gal. 2:16; 3:2-3; Eph. 1:7; 2:13,16; I Tim. 2:5-6; Heb. 7:23-27; 9:11-15, 24-28; 10:14; I Joh. 2:2; 4:10.

10. Simna leh Rinna: Pathian khawngaihna hnuaiah mihring chuan ama duhthlanna ngeiin simna leh rinna a nei tur a ni tih kan ring a. Rin leh sim theihna chu Pathian atanga lo kal a ni a, mahse, rin leh sim chu mihring mawh a ni. Simna hi Thlarau Thianghlim hnathawh sual hriattirna atanga lo awm a ni a. Thinlung taka sual huaa tih tak zeta felna duh a, thil sual tih
Wesleyan Methodist Church Page 5

Wesleyan Methodist Kohhran Thurin

2013

tawh chunga inchhir leh pawiti a, lungngaia nundan siam that duhna te hi Thlarau hnathawh a ni a. Simna hi chhandamna tling rinna neih hmaa awm tur a ni a, a tel lo chuan chhandamna tling rinna hi neih theih a ni lo. Rinna chauh hi, mal khai thilah chuan, chhandamna chu a ni. Simna leh rinna nei turin atir berah rilru leh duhna thinlungin Chanchin tha thutak a pawm phawt a, chu chu a bul tanna a ni a, chu chuan Isua Krista chhandam theihna rinchhanin mihring nihna pumhlum intulut vekin, a Lalpa leh Chhandamna tling rinna neitu chuan Isua Krista chu a Lalpa a nihzia Krista kohhran hote hnenah puangin a lantir thin.
Mk. 1:15; Lk. 5:82; 13:3; 24:47; John. 3:16; 17:20; 20:31; Tirh. 5:31; 10:43; 11:18; 16:31; 20:21; 26:20; Rom 1:16; 2:4; 10:8-10;17; Gal. 3:26; Eph. 2:8; 4:4-6; Phil. 3:9; Thes. 2:13; 2 Tim. 2:25; Heb. 11:6; 12:2; I Pet. 1:9; 2Pet. 3:9.

11. Thiamchantirna, Piantharna, Faa pawmna: Miin Lal Isua Krista a rin a, a sual a sim chuan chu mi hun lai ngei chuan thiamchantir, mi paingthar, Pathian chhungkuaa pawm a lo ni a, thlarau thianghlim hriatpuinain chhandam inhriat chianna pawh a chang tih kan ring a. Tin, thil tih avang ni lovin, kan Lalpa leh chhandamtu Isua Krista thil tha tih rinna avang chauh zawkin ringtu chu thiam lohna ata tlanchhuah, a thiltihsualte avanga hremna zawng zawng famkim taka ngaihdam, mi fela pawm a lo ni ta tih kan ring bawk. Tin, piantharna hi thlarau thianghlim hnathawh ngei a nih kan ring a. Ringtu a sualte sim tak taktu hnenah chuan thatna nun thar, thlarau lam nun danglam tak hmangaihna leh thuawih theihna pek a ni a. He piantharna hi Isua Krista rin vanga chan a ni a. Piantharna chuan sual thiltihtheihna leh rinhlehna zawng zawng ata chhanchhuakin thahnemngai taka Pathian rawngbawl turin nun thar a pe tih kan ring. Tin, Faa pawmna hi Pathian thil tih a ni tih kan ring a. Mi piangthar, thiamchang tawhte chu Pathian fate chanvo te, mawhphurhna leh hamthatna zawng zawng changtu an ni tih kan ring.
Thiamchantirna : Heb. 2:4; Tirh. 13:38-39; 15:11; 16:31; Rom 3:28; 4:2-5; 5:1-2; Gal. 3:6; Eph. 2:8-9; Phil. 3:9; Heb.10:38 Piantharna : Job. 1:12-13; 3:3; 5:8; 2 Kor. 5:17; Gal.3:26; Eph.2:5,10,19; 4:24; Kol.3:10; Tit. 3:5; Jak. 1:18; I Pet. 1:3-4; 2 Pet. 1:4; I Joh. 3:1. Faa pawmna : Rom 8:15; Gal. 4:5-7; Eph. 1:5 Thlarau hriatpuina : Rom 8:16-17; Gal. 4:6; IJoh.2:3;3:14,18-19

Wesleyan Methodist Church

Page 6

Wesleyan Methodist Kohhran Thurin

2013

12. Thil tha tihte: Thil tha tihte hian Pathian rorelna emaw kan thil tihsualte lak atangin emaw min chhandam thei lo mah sela, rinna rah chhuah, piantharna zuitute an nih kan pawm a. Chutichuan, Kristaah chuan Pathian lawmtlak leh pawm tlak an lo ni a. Thing chu a rahah in hre mai ang tih ang khan rinna nung chuan rah tha a chhuah thin.
Mat. 5:16; 7:16-20; Joh. 15:8; Rom 3:20; 4:2,4,6; Gal. 2:16; 5:6; Eph. 2:10; Phil. 1:11; Kol. 1:10; I Thes. 1:3; Tit. 2:14; 3:5; Jak.2:18,22; I Pet. 2:9,12.

13. Pianthar hnua sualna: Piantharna fiah taka kan chan hnu pawh hian, sualah a la tluk theih tho va. He khawvela kan awm chhung hian suala tlu thei lo khawpa thianghlimnaa chak leh sng a awm theih lohva. Amaherawhchu, suala tlu leh pawhin simna leh rinna dik tak a neih phawt chuan Pathian khawngaihna azarah ngaihdamna changin a ding chhuak leh thin tih kan ring a ni.
Mal. 3:7; Mat. 18:21-22; Joh. 15:4-6; I Tim. 4:1,16; Heb. 10:35-39; I Joh. 1:9; 2:1, 24-25.

14. Tihthianghlimna : A tirah, thang zelin, a pumin. Tihthianghlimna chu Thlarau thianghlim hnathawh a ni a. Pathian fa chu sual ata tihrangin, Pathian hnenah a hruai a, tichuan thinlung zawng zawnga Pathian hmangaih theihna leh a thupek thianghlim zawm vek theihna a chang thei tih kan ring a. Tihthianghlimna chu thiam chantirna leh piantharna miin a chan atang khan a awm nghal a, chutatang chuan zawi zawiin tihthianghlimna chu a thang zel a, ringtu chu Pathian nen kal dun zelin a khawngaihnaah chuan ni tin a thang lian zel a, tichuan Pathian thuawihna famkim a nei thei a. Hei hian ringtu chu a puma tihthianghlim a nih theih nan a buatsaih a. Tichuan, ringtu chu inthawina nung leh thianghlim, Pathian lawm tlak ni turin amah ngei chu Isua Krista rin vangin a inhlan a, tichuan Thlarau Thianghlima baptisma channa ngei chuan a thinlung leh ngaihtuahna te chu sual zawng zawng ata a tlengfai thin a ni. Tichuan, tihthianghlim vekna chuan ringtu chu hmangaihna leh hlawhtling taka rawngbawlna nei turin a tifamkim thin a. A dam chhungin Isua Krista, kan Chhandamtu leh Lalpa hriatnaah leh a khawngaihnaah chuan an thang zel thin. He thianghlimna nun hi Isua Krista tihthianghlimna thisen rinna avanga damchhunga awm zel tur a ni a, Pathian duhzawng lantira awm tihnuam taka pawmtu hnenah chuan tihnghehin a awm thin.

Wesleyan Methodist Church

Page 7

Wesleyan Methodist Kohhran Thurin

2013

Gen. 17:1; Deut. 30:6; Sam 130:8; Is. 6:1-6; Ezek. 36:25-29; Mat. 5:8,48; Luk.1:74:-75; 3:16-17; 24:49; 26:18; Rom 8:3-4; I Kor.1:2; 6:11; 2 Kor. 7:1; Eph. 4:13-24; 5:25-27; I Thes. 3:10; 12-13; 4:3,7,8; 5:23-24; 2 Thes. 2:13; Tit. 2:11-14; Heb. 12:14; 13:12; Jak.3:17-18; 4:8; I Pet. 1:2; 2 Pet. 1:4; I Joh. 1:7,9; 3:8-9; 4:17-18; Jud. 24.

15. Thlarau Thilpek: Thlarau Thianghlim Thilpek chu Amah Thlarau Thianghlim ngei hi a ni tih kan ring a. Ani chuan kohhran member tinte chu chenchilhin a kaihruai a. Krista taksa Kohhran ngei chu fel taka rem chhotu a nih avangin a thilpekte ai chuan Amah chu ngaihsan zawk tur a ni. Thlarau thilpekte hi kan mihring nihphung pangngai hian hre thiam pha vek kher lo mah se, kohhran pum pui siamthat nan hna a thawk thin a. Heng thilpekte hi mihring finna leh duhdana hmang lovin, Kohhran Lu Krista kaihhruaina hnuaiah hmangaihnain hman tur a ni a. Thlarau thilpekte hi a changtuin a phurpui danah teh lovin, Kohhran lama a tangkai dan atanga teh zawk tur a ni.
Lk. 11:13; 24:49; Tirh. 1: 4; 2:38-39; 8:9-20; 10:45; 11:17; Rom 12:4-8; I Kor. 12:1; Eph. 4:7-8, 11-16; Heb. 2:4; 13:20-21; I Pet. 4:8-11.

16. Kohhran: Krista Kohhran chu Isua Krista ringtute ngei hi an ni a. Amah Krista ngei chu Kohhran dintu leh l ber a ni tih kan ring. Kohhran chuan ringtu Lalpa hnena kal tawhte leh leia la awm mek- khawvel thil te, tisa duhzawng te leh sual kalsana, Kristan a lo kal leh hma lohva kohhran hote hnena thawh tur a pekte thawk tura anmahni ngei inpete chu a huam a. Leia la awm mek kohhran chu Pathian Thu thianghlim hril tur leh Krista zirtir dan ang taka Sakramen-te buatsaih fo tur leh Krista thupek zawng zawng zawma nunpui chu a din chhan a ni. Tualchhung kohhran chu ringtuho, Chanchin tha kaihhruaina ang zela inzawmkhawm, Chanchin tha hrilna te, inzirtirna te, inpawlhona te leh Pathian biakna te fel taka neitute chu an ni a. Wesleyan Methodist Kohhran chu Sakhaw chungchanga puanchhuah Pathian thute pawm tlattu leh kohhran chungchang rel fel turin rorel pawl fel taka nei a ni a. Krista taksa pengte ni turin Tualchhung kohhran (Local), Bial (Circuit) leh District etc, angin member-te an siam thin.
Mat. 16:18; 18:17; Tirh. 2:41; 9:31; 11:22; 12:5; 14:23; 15:22; 20:28; I Kor. 1:2; 12:28; 16:1; 2Kor. 1:1; Gal. 1:2; Eph. 1:22-23; 2:19-22; 3:9-10,21; Kol. 1:18,24; I Tim. 3:15; Heb. 12:23; Jak. 5:14; I Thes. 1:1; 2 Thes. 1:1,2.

Wesleyan Methodist Church

Page 8

Wesleyan Methodist Kohhran Thurin

2013

17. Sakramen: Baptisma leh Lalpa zanriah. Tui hmanga baptisma chan leh Lalpa Zanriah Sakramen-te ei hi rinna tak nena changtuten khawngaihna an dawn theih nan Krista thupek leh nemngheh a ni tih kan ring. Hengte hi kan chunga Pathian khawngaihna hnathawh lantirtu leh chhinchhiahna an ni a. Hengte hmang hian Pathianin min tiharh a, min tichak a, kan rinna te a tinghet thin a ni. Tui hmanga baptisma chan hi kohhran Sakramen a ni a, ringtu hnena tih ngei tura Lalpa thupek a ni tih kan ring. Isua Krista avanga inremlehnaah chuan seng luh an nihzia leh khawngaihna thuthlung tharah chuan an tel tih entirna leh puan chhuahna a ni. Ringtu chuan he sakramen hmang hian Isua Krista chu a Chhandamtu atan a pawm tih a puang chhuak a ni.
Mat. 3:13-17; 28:19; Mk. 1:9-11; Joh. 3:5,22,26; 4:1-2; Tirh. 2:38-39,41; 8:12-17, 36-38; 16:15,33; 18:8; 19:5; 22:16; Rom 2:28-29; 4:11; 6:3-4; I Kor. 12:13; Gal. 3:27-29; Ko. 2:11-12.

Krista thihnaa tlan kan nih hriat reng nan leh hnehna nen a lo kal leh dawn tih kan beiseina te, Kristiante kan inhmangaih tawnzia lantir nan te Lalpa Zanriah hi Sacrament a ni tih kan ring bawk. Mi tupawhin inngaitlawm a, thlarauva tih tak zet a, rinna tak nen a chan phawt chuan Lalpa Zanriah Sakramen hmang hian a thinlungah khawngaihnain Pathianin a pawl thin.
Mat. 26:26-28; Mk. 14:22-24; Lk. 22:19-20; Joh. 6:48-58; I Kor. 5:7-8; 10:3-4, 1617; 11:23-29.

18. Krista lo kal lehna: Krista chu hmuh theih taksa nen a lo kal leh ngei dawn a, chu chuan nun dan thianghlima nung tur leh taima taka chanchin tha khawvela hril turin min tichak tih kan ring. A lo kal leh hunah chuan amah nena inkungkaih hrilh lawkna zawng zawng a tikim tawh ang a, sual leh ramhuai chunga a hnehna chu a hlen chhuak tawh ang tih kan ring.
Job. 19:25-27; Is. 11:1-12; Zak. 14:1-11; Mat. 24:1-51; 26:64; Mk. 13:1-37; Lk. 17:22-37; 21:5-36; Joh. 14:1-3; Tirh. 1:6-11; I Kor. 1:7-8; Thes. 1:10-19; 3:13; 4:13-18; 5:1-11, 23; 2Thes. 1:6-10; 2:1-12; Tita. 2:11-14; Heb. 9:27-28; Jak. 5:78; 2 Pet. 3:1-14; I Joh. 3:2-3; Thup. 1:7; 19:11-16; 22:6-7,12,20.

Wesleyan Methodist Church

Page 9

Wesleyan Methodist Kohhran Thurin

2013

19. Mitthi thawhlehna: Mitthi zawng zawng taksa neiin an tho leh ang a, mi fel chu nunna neiin an tho leh ang a, mi fel lo erawh chu chatuan hremnaah an lut ang tih kan ring. Mi felte chu Krista lo kal leh hunah an tho leh ang a, mi fel lote erawh chu, chu mi hnuah an tho ve ang. Krista mite an tho leh ngei dawn a ni tih tiam nghettu chu Krista thawhlehna ngei hi a ni a. Tho leh taksa chu thlarau lam taksa a ni tawh ang a, pianhmang kim leh hriat theih ngei a ni ang.
Job. 19:25-27; Dan. 12:2; Mat. 22:30-32; 28:1-20; Mk. 16:1-8; Lk. 14:14; 24:1-53; Joh. 5:28-29; 11:21-27; 20:1-21,25; Tirh. 1:3; Rom 8:11; I Kor. 6:14; 15:1-58; 2 Kor. 4:14; I The. 4:13-17; Thup. 20:4-6, 11-13.

20. Mi zawng zawng chunga rorelna: Pathian lehkha thu chuan Pathian chu mi zawng zawng chunga roreltu angin a lantir a. Chatuan ata Pathian dik leh engkim hria a nihna hmanga rorel tur angin min hrilh a. A thiltihtheihna leh a ropuina lalthutthleng hmaah mi zawng zawng chunga rorelna hnuhnung chu buatsaih a ni ang a. Mi tinte thiltih chhinchhiahna chu endik a ni ang a, mifelte lawmman hmu chu chatuan lawmnaah an lut ang a, mi fel lote chu chatuan hremnaah an lut bawk ang.
Thup. 12:14; Mat. 10:15; 25:31-36; Lk. 11:31-32; Tirh. 10:42; 17:31; Rom 2:16; 14:10-12; 2 Kor. 5:10; 2 Tim. 4:1; Heb. 9:27; 2 Pet. 3:7; Thup. 20:11-13.

21. Chatuan hmun: Mihring chu thih hnuah pawh thlarau lam taksa leh chhia leh tha hriatna neiin a awm dawn tih fiah takin Pathian lehkha thuin min zirtir tih kan ring a. Mihringte chatuan hmun tur chu Pathian khawngaihna leh mihring mawhphurhna chunga innghat a ni a. Pathian thuneihna ngawta innghat lovin ama duhthlanna leh nun danah a innghat bawk a. Isua Krista hmanga Pathianin chhandamna a siam thlangtute chu Vanah, Krista hnenah, a ropuina leh malsawmna te changin chatuanin an awm tawh ang a, a chhandamna ropui tak hnartute erawh chu Pathian nen chatuana inthenna hmun tur hremhmun rapthlakah chuan an cheng tawh ang.
Dan. 12:2; Mat. 25:34-46; Mk. 9:43-48; Lk. 13:3; Joh. 8:21-23; 14:2-3; 2 Kor. 5:6, 8,10; Heb. 2:1-3; 9:27-28; 10:26-31; Thup. 20:14-15; 21:5,14-15.

Wesleyan Methodist Church

Page 10