THLARAU THIANGHLIM HNATHAWH

DAWNG TURA INBUATSAIHNA

Tirh 1:4

Tirhkohte Thiltih bung hnihnaah hian ropui taka Thlarau Thianghlim
hnathawh a lo thlen thu kan hmu a. An chan kha a ropui a, an chan
hnua an khawsak zui dan leh rawng an bawl zui dan pawh
ngaihnawm tak a ni. Chutih rual chuan an chan hmaa an lo
inbuatsaihna lam pawh hi ngaihthah theih hauh loh a ni. Thlarau
Thianghlim hnathawh ropui tak hi kan duha kan thlentir a, kan duh
loha kan dan ngawt theih chu ni lo mah se, mihringte lo inbuatsaihna
lam hi Pathianin nasa taka mal a sawm thin avangin he Pentikost ni-
ah hian heti hian Thlarau Thianghlim hnathawh dawngtute lo
inbuatsaihna lam hi i lo ngaihtuah zui ang u.

1. Jerusalem khua kalsan suh u: Jerusalem chu Israel hoten Pathian
an biakna hmunpui awmna a ni a, chu lai hmun chu kalsan lo tura
hriattir an ni. Thu an awih a, chu Jerusalem ah ngei chuan Thlarau
Thianghlim hnathawh ropui tak chu an dawng ta a ni. Pathian biakna
hmunpui tlansan zawnga harhna chan tum hi a fuh thin lo. Chu
Pathian biakna hmunpui ngeia harhna chan chu a ropui a, a tlo
bawk a ni. Tin, Jerusalem chu sualna nei lo Isuan thiam loh a
channa hmun kha a ni. Chu hmunah ngei chuan Isua chu tihropuiin
a awm ta a ni. Thlarau Thianghlim hnathawh ropui taka a lo thlen
chuan kan mualphona leh kan chak lohna hmun zawng zawng hi
Isua zarah kan ropuina hmun a lo ni thin.

2. Pa thiltiam ka sawi in hriat kha lo nghak rawh u: Nghak tura hrilh
an nih ang ngeia an nghak ta fan fan kha an entawntlak ngawt mai.
A tiamtu a rinawm avangin a tiam ang ngeiin a nghak fan fantute
chuan an nghak chhuak ta ngei reng a ni. Pentikost hi sawmngana
tihna a ni a, chu chu Judate kut, hun bi kim pawimawh tak pakhat a
ni. Pathian hi fel taka engkim reltu a ni a, Paulan a hun bi a lo kim
khan a tih ang deuh khan, Pathianin hun bi a ruatah tak harhna
ropui tak chu a lo thleng ta a ni. Nghahhlelh luat avangin ni lo pui hi
ni ang ziazanga cheibawla rik chiam theih a ni awm e. Nghak fan
fantuten Thlarau Thianghlim hnathawh ropui tak chu an dawng ta
ang khan nghah fan fan hi a pawimawh hle a. Dil reng chungin, a lo
thlen mai loh pawha nghak tlatin harhna kan chang zel dawn a ni.
Amen.







INKHAWM PROGRAMME







JUNE THLA
Meeting Chairman:
Rev. K.M. Vanlalpeka
Vawiin Inkhawm 3:00pm
Hruaitu: Pastor Vanlalnunmawia
Zawngte
Tantu: Tv. V. Lalramdina
Thupui: Thlarau Thianghlima
khah (Tirh.2:1-4; 4:29-31; 13:52;
Eph. 5:18)
Thurhiltu: Rev. K.M. Vanlalpeka
June 15, 2014 (Pathianni)
Pathian Biak Inkhawm
Hruaitu: Pastor
Vanlalnunmawia Zawngte
Tantu: Pi K. Vanlalhruaii
Thuhriltu: Rev. K.
Lalhmuchhuaka, Synod
Moderator
Zaipawl: Kohhran Zaipawl
June 22, 2014 (Pathianni)
Pathian Biak Inkhawm
KTP Hruai
Hruaitu: Tv. HMS Dawngliana
Tantu : Nl. R. K. Lalrinsangi
Thusawitu: Tv. K.
Remruatfela
Special Items:
1.Nl.Saithanpuii Zote
2.Group Singing









June Thla
Thupui:
Isua Zui

Volume IV Issue No. 23 OLIVE 8th June, 2014 1
Inkhawmna Hmun:
JRC Hall
United Theological College
Millers Road, Benson Town.

Inkhawm Hun:
Pathianni tlai dar 3:00pm












MALSAWMNA AWMNA
HMUN

Liandova te unau chanchin hi kan hre
theuh awm e. Fahrah an ni a, miten an
hmuhsitin an tiduhdah em em a. Tum
khat chu an ram vahhonaah Liandova
nau Tuaisiala chuan saphai a hmu a,
an that ta a. Mahse mite chuan a sa
tha lai an pe ve phal lo va. An duh loh a
pumpui an pe a, lui mawng lama su fai
turin an nawr liam a.

Liandova chu a rilru a na em em a, a
tap tap a. Tuaisiala erawh chuan
saphai pumpui chu a zai a zai a. Chu
saphai chu sumdawng hausa tak mai lo
dawlhtu a lo ni a. A pumpui an han zai
hawn chuan an ngaihsan em em thi leh
dar tam tak a lo awm reng mai a. Mite
duh loh saphai pumpui, a ek chauh a
awm emaw an tihah khan malsawmna
nasa tak a lo awm reng mai a. Lui
mawng lamah daih ni mah se mite
hriatpui lohvin an hlim ta hle tih kan
hria a ni.

Malsawmna hi kan duh leh beisei angin
a lo thleng lo fo a, kan beiseina
hmunah a lo awm lo fo bawk. Kan
lungngaiha kan tahpui tlawk tlawkna
hmunah hian ro inphum ru hlu tak a lo
awm reng thei a. Miten min hmuhsitna
leh min deuhsawhna ruamah ngei
pawh chu malsawmna ro inphum ru
kan hmuh chhuah avang chuan kan
hlim hle thei bawk. Kristiante tan chuan
chung hlimna leh malsawmna zawng
zawng inphumna hmun chu miten an
duh lohva na khenbeh Isua Kristaah
khan a awm vek a ni.









SEC 251-na a thu
June 3-5 2014 (Thawhlehni) chhung khan Synod Office-a JM Lloyd
Hall-ah Synod Executive Committee thutkhawm vawi 251-na neih a
ni. Meeting hi Rev. K. Lalhmuchhuaka, Synod Moderator-in a
kaihruai a, palai hming lam a nih hnuah Upa H. Zoliana, Synod
Secretary-in reports a pe a, Finance Officer report ngaihthlak a nih
leh hnuah Committee member thlakna hun hman a ni a, rorel tan zui a
ni. Tun tuma SEC thu rel zingah hian agenda tar lansa 53 a awm a,
tarlan sa bakah hian ngaihtuah tel ngai tar lansa loh engemaw zat a
awm. Thu ngaihtuah zinga langsar zualte chu- Synod Finance
manager chungchang, Contract leh Daily-a thawkte hlawh en thatna,
RC & RL chungchanga sawrkar nena thawh ho thu, P.C. Girls
Headmistress ruat, Vellore Hospital Council member ruat, Ramthar
rawngbawlna hmathlir siam leh enthatna commission reports, Synod
Endowment Fund Dan ennawn, Kristian Thalai Pawl din kum
tihchian, Hlimen-a Synod ram chungchang, Synod Administrative
Set-up leh Management enthat, Dialysis khawl lei chungchang,
Serampore College-a thawk tur zirtirtu dilna chungchang, KTP
Inhruaina Dan ennawn, USA-a Mizo Presbyterian Kohhranin pastor
an dilna chungchang, Council of Churches in Mizoram din tura hma
lakna kawnga Kohhran aiawh member tur ruat te an ni (Synfocity).

Pro. Pastor Orientation
June 9 - 13, 2014 hian nikum 2013 Synod Inkhawmpuia Pro. Pastor
lak tharte pualin Orientation training, Synod Conference Centre,
Mission Vengah neih a ni ang. Training-ah hian rawngbawlna
kawnga tangkai tur thil chi hrang hrang zirtir an ni dawn a, resource
person turte chu : Rev. Dr. R. Lalbiakmawia, Rev. Lalzuithanga, Upa
Vanengliana, Rev. P.C. Pachhunga, Dr. Lalchhanhima, Rev. C.
Rosiama, Dr. C. Lalhrekima, Rev. B. Sangthanga, Upa H. Zoliana,
Rev. H. Remthanga, Dr. Robert S. Halliday, Rev. Zosangliana
Colney, Rev. C. Vanlalhruaia, Upa F. Lalsangliana, Rev. Lalramliana
Pachuau, Rev. Lalchhuanmawia, Rev. K. Lalhmuchhuaka te an ni
ang. June 13 (Zirtawpni) zanah Synod O.M. member-te nen
inkawmhona hun an nei ang (Synfocity).
.
NEICCYA Biennial Conference-cum-Seminar
June 12 - 15, 2014 hian North East India Christian Council Youth
Assembly (NEICCYA) 15th Biennial Conference cum - Seminar,
ECM Church of Vaihpi, Saiha-ah neih a ni dawn a, inkhawmpui hi
Evangelical Church of Maraland (ECM) ten an thleng dawn a ni.
Inkhawmpui thupuiah Oneness in Christ (John 17:20 - 21) an
hmang ang. Inkhawmpui neih chhung hian Mizoram Synod Choir-te
tum 4 (Inrinni zan, Pathianni Chawhma, Pathianni Chawhnu leh
Pathianni Zan) an zai ang (Synfocity).
_________________________________________________



Volume IV Issue No. 23 OLIVE 8th June, 2014 2
Editor:
Rev. Lalawmpuia Hauhnar
Phone: 81059 60852
Joint Editors:
R. Lalremruata
Lalruatdika
Deborah Lalrempuii
HMS Dawngliana
Circulation Managers:
Lalchhandama
Thangkhuma
Email: olivenewsletter@gmail.com
Chhiar leh download duh tan:
www.scribd.com/Olivenewsletter/documents
Olive Variety






KOHHRAN CHHUNGKUA

Synod Moderator Lo Zin Dawn
Mizoram Synod Moderator Rev. K. Lalhmuchhuaka
chuan June 13-15, 2014 chhung hian Bangalore Mizo
Kohhran a rawn tlawh dawn a. A nupui leh Dr. Robert S.
Halliday (Superintendent, Synod Office) ten an rawn
tawiawm ang. Inrinniah hmun hrang hrang tlawhin thil tih
tur tul apiang an ti ang a, zanah Kohhran Committee te
nena inkawmhona hun a awm ang a. Pathianniah
Kohhran inkhawmah Pathian thuchah a sawi ang.

Academic Year Zo, Thenkhatin Tan
Leh Mek Bawk
Tunlai hian zirna in tam takah academic year zovin,
hmun thenkhatah chuan an tan thar leh mek bawk a.
Chawlh hmanga Zorama haw mek an awm laiin chawlh
hmang zova lo chhuk leh tawh an awm nual bawk. Zoram
atanga Bangalore-a lehkha zir tura lo chhuk thar mi eng
emaw zatin admission an ti mek.
(Column lehlamah chhunzawm a ni)
































Cir. Manager Zin
Kan Circulation Manager Tv. Lalchhandama chu a
thiante nen Pondicherry lamah an zin mek.

Tv. Sammy Leh A Naute An Che
Tha
Kan member Tv. Samuel Lalrozama, MISMA Technical
Director ni bawk leh a naute chu nimina zawh tak India
rama National Pro Am Muai Thai Tournament, World
Professional Muai Thai Federation in an sanction event
hmasa berah an che tha hle. Tv. Ngurlianzuala Sailo, 5
th

IR Battalion, Lily veng chuan 85 kg ah gold medal a la a.
Tv. Samuel Pachuau chu 57 kg ah margin tlemte in semi
final ah a chak lo va, bronze medalist a ni pha tho a. Anni
pahnih hi thla khat chhung vel Tv. Sammy-a hnena
training laa rawn awm an ni. An inkhel hi Local TV
lamah tihchhuah niin media ten an ngaihven tha hle a. An
coach Tv. Sammy a pawh sum tak tak hlawha instructor
ni tura sawmtu club pahnih an awm nghal bawk a. Kan
chhuangin kan lawmpui hle a ni.
____________________________________

Pentikos Ni Hi
June 8, 2014 (Pathianni) hi Pentikos Ni a ni.
Pentikos tih awmzia hi Sawmngana tihna a ni.
Thuthlung Hlui-ah chuan Kalhlen Kut tiak ni atanga
ni sawmnganaah an hmang thin. Thuthlung Thar
hunah erawh chuan Isua Thawhleh tuk (Easter)
atanga ni 50-naah hman a ni ta a ni.

Presbyterian Kohhran chuan Pentikos Ni hi General
Assembly puala tawngtai rual hun atan a hmang
thin. India Hmarchhaka Presbyterian Inkhawmpui
(Assembly) vawi 20-na, April 28 -30, 1972-a
Churachanpur-a neih tumin hetiang hian rel a ni :-
Pentikos Ni hi Chanchin Tha
hrilna (Evangelism) atana Tawngtai Ni-ah kum tin
hman a ni ang a. Hemi nia thilpek lakkhawm chu
Kohhran zawng zawngin he mi atan hian an
hrang ang a, thilpek la khawm thei lo an awm erawh
chuan tawngtaina tal an hmang tho ang. ( Assembly
Thurel No. 3, April 28, 1972 )











Volume IV Issue No. 23 OLIVE 8th June, 2014 3
NITIN LALPA NEN
(Bible chang tarlan hi nitina i chhiar zel chuan kum khat
chhungin Bible i chhiar chhuak ngei dawn a ni.)
08 June (Pathianni)
1 Kings 3:3-4:34; Acts 6:1-15
Psalm 126:1-6 ; Proverbs 16:26-27
09 June (Thawhtanni)
1 Kings 5:1-6:38; Acts 7:1-29
Psalm 127:1-5; 16:28-30
10 June (Thawhlehni)
1 Kings 7:1-50; Acts 7:30-50
Psalm 128:1-6; Proverbs 16:31-33
11 June (Nilaini)
1 Kings 8:1-66; Acts 7:51-8:13
Psalm 129:1-8; Proverbs 17:1
12 June (Ningani)
1 Kings 9:1-10:29; Acts 8:14-40
Psalm 130:1-8; Proverbs 17:2-3
13 June (Zirtawpni)
1 Kings 11:1-12:19; Acts 9:1-25
Psalm 131:1-3; Proverbs 17:4-5
14 June (Inrinni)
1 Kings 12:20-13:34; Acts 9:26-43
Psalm 132:1-18; Proverbs 17:6
15 June (Pathianni)
1 Kings 14:1-15:24; Acts 10:1-23
Psalm 133:1-3; Proverbs 17:7-8


K..P Thil Tumte:
Isua Krista leh Amah anna kawnga halaite hruai.
Kohhran kutke ni tura halaite buatsaih.
Kohhran hnathawh tihpuitlin.
Krista chanchinha puan darh.
Olive Huan Vengtu









Mite chuan, Huan vengtu, tunlai chu thu uar zawng
inang lo hian kan titi tam ber a luah tlat mai.
Thenkhatin Ezra leh Nehemia siamthat thu an uar a,
thenkhatin Johana ziak ringawt an sawi vawng a,
thenkhatin Mathaia an sawi lar thung a. Mahni uar
zawng sawi len paha a dang ngaihthah kan ching
deuh lehnghal a. Engtia han tih tur nge maw ni dawn
le? an ti a. Olive Huan vengtu chuan, Khaw
pakhatah hian dawrkai lian tak mai hi a awm a. A
dawrah chuan dal te, chini te, buhfai te leh
khawsakna atana thil pawimawh dang tam tak a zuar
a. Tum khat chu naupang pahnih hi an inhnial a.
Pakhat zawk chuan, Dawrkaipa saw buhfai zuar a
ni, a ti a. A thianpa chuan, Dal zuar alawm, a ti ve
thung a. Chutia an inhnial lai chuan nu pakhat hi a lo
kal a, Dawrkaipa chu chini zuar alawm, a rawn ti
ve thung a. An inhnial ta laih laih a. Nakin deuhah
chuan dawrkaipa fapa chu a lo kal a. Ka pa chuan in
sawi zawng zawng kha a zuar vek a, in la sawi loh
pawh thil dang tam tak a zuar bawk alawm, a rawn
ti a. An inhnial buai ta lo, tiin a lo chhang a. Thu
pakhat ringawt sawi uar a, a dang hlamchhiah vek
that lohzia an hriat chian tak avanga lawm tak chung
an haw ta diah diah a.
_____________________________________________

Olivet Smile

*** Kohhran pakhat pawh hian Krismas ruai
nawi an lilam thin a, an Kohhran member
chhungkaw hnih hian an lilam an chhang ve duh
ngai lo va, Kohhran Committee chuan an
ngaihtuah a, He mite hian Krismas ruai nawi an
chhan duh loh avangin chapo kan ti hle, an ti!

*** Kohhran pakhatah pawh Chairman-in Kan
thuhriltuin malsawmnain min tin se la tih tur
kha Kan thuhriltuin Lalpa Tawngtainain min tin
se la a ti palh hlauh mai a. Thuhriltu chuan
Lalpa Tawngtaina chuan a tin dawn ta a. A lai
laklawhah a theihnghilh palh a. A sawi bah ta
nak mai a. Chairman mangang chuan A, kan
za vaiin i sawi rual leh si mai ang u, a ti a. An
sawi chhuak thei ta hram e an tih chu!!











Be strong and courageous. Do not be afraid or
terrified because of them, for the LORD your God
goes with you; he will never leave you nor forsake
you. Deut. 31:6

June Thla Chhunga Pathian Biak
Inkhawma Chavo Chang Turte:

Khuangpu : Tv. Zothanmawia leh Tv
Lalhruaizela
Keyboardist : Tv. Vincent Saihmingliana
Sailo
Guitarist : Tv. Lalruatzela Pautu
Organist : Pu, Levis K. Lalsiamliana
Hla Hriltu : Nl. K. Zohmingmawii
Usher : Nl. Lalbiaktluangi (Convener)
Nl. Lalrampari
Tv. L.C Beirarona
Tv. Lalrinfela
June Thla KTP Fellowship Programme
A Hun : 8
th
June 2014,
Hruaitu : Tv. R. Hmingthanzauva
Tantu : Nl. Zomuanpuii Khawlhring
Sharing : Tv. Jerome H. Lalrinfela
Musical Band : Convener Tv HMS Dawngliana



Volume IV Issue No. 23 OLIVE 8th
t
June, 2014 4
OlitoN
Olive Newsletter 8th
t
June, 2014
I Ngaihtuah Ngai Em?
Harsatna awm lova engkim tluang tak tih hi
kan duh theuh a. Mahse midangte harsatna
sutkianpui aia an harsatna siamtu nih hi kan
hreh lo fo thin tih hi i ngaihtuah ngai em?