Академический Документы
Профессиональный Документы
Культура Документы
CAMIÑO FRANCÉS | CAMIÑO FISTERRA-MUXÍA | CAMIÑO INGLÉS | CAMIÑO NORTE | CAMIÑO PORTUGUÉS | VÍA DA
PRATA | CAMIÑO PRIMITIVO | CAMIÑO PORTUGUÉS POLA COSTA | CAMIÑO NORTE | RUTA MARÍTIMA-MAR DE AROUSA
Obxectivos
Conxugar a literatura co Camiño de Santiago,
o Ano do Libro e a Lectura co Xacobeo 2010,
percorrendo os camiños dende a semana das
Letras Galegas.
Amenizar os camiños para os peregrinos que
neses días estean a percorrer calquera das súas
versións, ao tempo que difundimos a cultura
literaria galega entre os nosos visitantes e os
habitantes dos concellos.
Chegar coa poesía e a música a Compostela
no mes da celebración do Apóstolo.
9 camiños, 30 concellos
Trinta eventos de animación á lectura ao
longo dos nove Camiños de Santiago.
Recitais poético musicais durante seis
semanas seguidas nos meses de maio e xuño
(16 de maio a 27 de xuño).
Comezaremos a nosa andaina nos municipios
máis afastados de Compostela e iremos
percorrendo simultaneamente os nove camiños,
de xeito que a derradeira semana todos os
espectáculos confluirán no contorno da meta
do Camiño: Compostela.
Tres espectáculos, 10 artistas
Contaremos con tres espectáculos, todos
dunha duración de 50 minutos, nos que
traballarán un total de dez artistas:
De Amor e Lúa, de Xosé Carlos Caneiro
O programa debe o seu nome ao poemario
deste poeta Ourensán: Recital de Amor e Lúa.
Carlos Caneiro é escritor e columnista da
Voz de Galicia.
O seu é espectáculo intimista que xira sobre
este poemario de amor e novos versos inéditos.
Acompáñao na guitarra (clásica e acústica)
o músico Xosé Manuel Salgado.
Trátase dun recital músico/poético capaz
de transmitir emoción ás persoas que o escoitan,
como xa se ten amosado noutros encontros do
autor co público.
Camiño ao mar, de X.H. Rivadulla, Corcón
X. H. Rivadulla Corcón, poeta, escritor e guionista
de Muxía é o autor deste poemario narrativo.
Nel, un mariñeiro - vagabundo, atopa unha
gaivota morta en Compostela, feito que o motiva
iniciar a viaxe de regreso ao seu mundo, o mar,
coa intención de enterrar unha pluma desa gaivota
nunha praia da Costa da Morte. En realidade trátase
dunha viaxe na procura da verdade interior do
vagabundo.
A viaxe transcorre a través do Camiño Xacobeo
de Santiago Fisterra - Muxía.
O músico de orixe cubana Franky Valencia
aporta a poesía musical co Fliscornio e aTrompeta,
creando un ambiente máxico e un espectáculo
diferente e novidoso.
Voces Novas nos Camiños
Este é un espectáculo no que disfrutaremos das
voces de tres mulleres novas, pero que levan moito
tempo dedicadas á literatura: María Lado, Olaia
Cociña e María Canosa, acompañadas por música
en directo.
María Lado
María Lado é da Costa da Morte.
Comezou a escribir no núcleo do Batallón
Literario da Costa da Morte, onde publicou os seus
primeiros textos en tres libros colectivos, Nós, Mar
por medio e Rumbo ás illas.
Ten participado en máis volumes colectivos e
antoloxías poéticas, e colaborado tamén en prensa
con xornais e revistas galegos e portugueses, así
coma en diversas publicacións galegas e
peninsulares.
Na música de María está o coñecido músico
Miguel López Seoane, que adereza o espectáculo
con sons diferentes, modernos e mesmo dixitais.
Olalla Cociña
Olalla Cociña naceu en Viveiro.
No 2000 obtivo o premio de poesía 'O Facho
na Coruña, e en 2004 acadou o segundo premio
na XVIII edición do certame literario da Asociación
Cultural Galega Rosalía de Castro de Cornellà.
Ten publicado As cervicais da memoria (editorial
Fervenza, premio de poesía 'Avelina Valladares'
2004), aquí (intemperies) (colección "Poeta en
Compostela" Grupo Correo, Concello de Santiago,
AELG 2006) e Libro de Alicia, (editorial Espiral
Maior, premio de poesía Fiz Vergara Vilariño 2008).
Tamén participou em diversas publicacións e ten
colaborado en diversos xornais e revistas.
O músico que acompaña e completa este Voces
Novas é Bernardo Martínez López.
María Canosa
María Canosa naceu en Cee.
Ten publicadas varias obras, entre elas Bramido
Maino, A pedra de seixo, Faíscas, ou Entre papoulas.
A literatura de María complétase no seu
espectáculo coa guitarra acústica e o tres
(instrumento de corda cubano) do músico Willy
Mondeja.
Programa de eventos
Programa de eventos
A meta do Camiño: Santiago de Compostela
Completaremos o noso percorrido poético
musical realizando un evento final en Santiago
de Compostela no que confluirán todos os
espectáculos.
O venres 2 de xullo celebraremos o evento
final de Camiños de Amor e Lúa no cemiterio
do Parque de Bonaval.
Programa
O espectáculo comezará coa máis veterana
das tres mulleres que compón o grupo Voces
Novas nos Camiños: María Lado.
A continuación, veremos o recital que dá
nome ao programa, o Poemario De Amor e Lúa
de Carlos Caneiro.
De seguido, intervirá a poeta afincada en
Compostela, Olalla Cociña, de Voces Novas nos
Camiños.
Continuará o recital de man de X.H. Rivadulla
e Franky Valencia, con Camiño ao mar,
rematando coa actuación de María Canosa.
A modo de broche, os dez artistas recitarán
xuntos un poema de Uxío Novoneyra, a quen se
dedica este ano o Día das Letras Galegas.
POESÍA E MÚSICA NO CAMIÑO
CAMIÑO FRANCÉS | CAMIÑO FISTERRA-MUXÍA | CAMIÑO INGLÉS | CAMIÑO NORTE | CAMIÑO PORTUGUÉS | VÍA DA
PRATA | CAMIÑO PRIMITIVO | CAMIÑO PORTUGUÉS POLA COSTA | CAMIÑO NORTE | RUTA MARÍTIMA-MAR DE AROUSA