Вы находитесь на странице: 1из 3

Thu leh Hla, Kum 30-na, February 2004, Bu 2-na, pp.

9-14
A monthly Literary Journal of the Mizo Academy of Letters

ZO|AWNG HAWRAWPTE HI
- K. Lalchhandama

Mizo \awnga hawrawp (alphabet) chungchâng hi rilru-ah kum tam ka lo vei ve tawh a, thu
\hahnem deuh fê chu computer-ah chhinchhiahin ka dah \ha e ka ti ve bawk tak nâ a, thla li
kalta vêl khan computer suihlung mâwlin a hriat rengna ata a lo hnâwl ta mai a, ka hawi
dawha ta reng mai a ni, a pamhmai hle. Khawii lai laiah emaw hawrawp \henkhat khat
chungchâng a kahpah deuh taka sawi a awm leh zauh \hin avângin ngaihtuahnaa la châmbâng
a \hen a zârte hi u\awk tûr vawn mai lo va, a lin laia thîr han den zui mai hi a hnemhnânawm
vêk loh pawhin, ngai kan awhna \ha tê tal a nih beiseiin thlohpui rorêlin bul ka han bung leh
hnuhnawh a nih hi.
Roman hawrawp hmangin Hunterian thuziak dân kalhmang an tih mai zûlzui thei ang
berin Pu Buanga (J. H. Lorrain) leh Sap Upa (F. W. Savidge) te chuan Mizorama an khawsak
\an a\ang thla hnih emaw lek, kum 1894 March thla vêl khân Mizo \awng ziah nan hawrawp
an siam a (B. Lalthangliana, Mizo Chanchin, 2001, pp. 549-551) – â, a, b, d, e, f, g, h, i, j, k,
l, m, n, o, p, r, s, t, \, u, v, z, ch – hawrawp 24 kan lo nei ta a ni (M. Suaka, Durtlang lal,
1994). A lam rîk dânah ‘â’ hi /aw/ a ni a, ‘\’ hi /thraw/ a ni a, ‘j’ hi /chei/ a ni.
Mizo \awngah chuan ‘c’ hi ‘h’ tel lova hmanna a awm lo tih hriain he’ng hawrawp pahnih
inkawp hi remchâng takin hawrawp mal ‘ch’ (/chaw/) atân hmanna châng an hria. L. Keivom
(Zoram Khawvel 5, 1999, p. 115) chuan ‘â’ hi a telh lo, a hriat dik loh emaw a ziah sual palh
emaw a nih a rinawm. Dr. Laltluangliana Khiangte sawi dân (Thuhlaril, 1995, p. 104),
‘Atirah chuan Aw-A-B...,’ tih pawh hi a dikhlel âwm e, ‘â’ hi ‘aw’ a nih avângin tûna kan
‘aw’ hi a hmang palh niin a lang. Rev. Saiaithanga (Mizo Kohhran Chanchin, 1969, p. 9)
pawhin ‘â’ aiah ‘aw’ a hmang ve bawk; tin, ‘ng’ a telh hi a dikhlel ang. B. Lalthangliana
(Mizo Academy of Letters, Zo Kalsiam, 1997, pp. 55-79) chuan hawrawp an siam hi ‘an lo
thlen a\anga thla 4’ ni âwmin a sawi, hei hi a dik thei lo. Amah Pu Buanga sawi dân chuan
April 1, 1894-ah he’ng hawrawp hi an zir \an tawh tlat a ni (J. H. Lorrain, Thu leh Hla, June
1983, p. 9). January 11, 1894-a Mizoram lo thleng an nih avângin thla hnih leh a chanve zet
chauh an la awm hman tihna a nih chu. Chutichuan rî maia \awng lo nei kumkhua tawh khân
kan lo ziak ve thei ta a ni, hawrawp hriat awl tak a nih hlawm avângin Mizote chuan ziak leh
chhiar an thiam zung zung mai a (Rev. F. J. Sandy, Elements of Lushai Grammar, 1920),
India ramah na nâ nâ chuan ziak leh chhiar thiam tam lamah kan lo uang tham ta hial.
Welsh missionary, Zosaphluia (D. E. Jones) leh \awng lama sam sâr nei mi, Zosapthara
(Edwind Rowlands) te an lo chuang chhuak ve leh a. Pu Buanga te \hian dûn sûlhnu an han
chhui chuan, felhlel tam tak an hmu thuai a. Mizo \awng hi thlûk nei \awng dang aiin a lo
khirhkhân zâwk fê mai a, thu mal pakhat hian thlûk hrang tam tak a nei thei a, chumi thlûk
hrang chuan thu awmze hran a hril leh bawk; tin, awmze ngai rengah pawh thu kan sawi duh
dân (expression) azirin a thlûk a hrang thluah thei. Chu bâkah hmun hrang hrangah
\awngkam thuhmun thlûk dân a inang vek lo lehnghâl. Pu Buanga te’n Hunterian system
anga ‘aw(â)’ leh ‘o’ hmanna tûr an thliar hran te pawh Zo\awngah chuan a lo chichawm ta
nuaih mai a. Hei hi hriain Zosapthara te rawtna pawh î-hê lovin an pawm a, Mizo \awng
hawrawp pawh tihdanglam hret a ngai ta.
Kum 1903-a Pu Buanga te Serkawna an khawsak \antirhin, Zosapthara te ruahman angin
Mizo \awng huap zo thei ber tura an ngaihin hawrawp an siam rem leh ta a ni: a, â, aw, âw, b,
ch, d, e, ê, f, g, h, i, î, k, l, m, n, o, p, r, s, t, \, u, û, v, z – hawrawp 28 lai a lo awm ta (J. H.
Lorrain, Dictionary of the Lushai Language, 1997, p. viii); chhangchhe bangbâwr tak a ni,
vowel bîkah. Zo\awnga hmanna awm lo ‘j’ bânna châng an hria. Dr. J.V. Hluna (Mizoram
Hmar Bial Missionary-te Chanchin, 2003, p. 66) chuan ‘g’ tel lo angin a ziak, ‘h’ pahnih a
telh thung. Consonant ngai awm nawn hian awmzia a neih loh avângin hei hi pawm a har.
A eng a pawh chu ni se Mizo \awng ni lova Lushai \awng ziah nana an la ruahman vâng
chu a ni kher lo maithei, hei hi hman a ni ta lo. Tin, ‘g’ hi Mizo \awng tluangah chuan a mala
hmanna a awm lo tih an hre leh zêl a, ‘n’ hian a hmakhalh ziah \hîn, chuvângin he’ng
Thu leh Hla, Kum 30-na, February 2004, Bu 2-na, pp. 9-14
A monthly Literary Journal of the Mizo Academy of Letters

hawrawp pahnihte hi kai kawpin ‘ng’ (/eng/) neih a lo \ûl leh ta. Hawrawp mal atân hawrawp
inkawp (combined letters) pathum – aw, ch, leh ng – a lo awm ta a ni; hei hi \awng dang laka
Mizo \awng danglamna a ni nghe nghe. Chutiang chuan Zosapthara te kutchhuak ‘Mizo Zir
Tir Bu’ (2nd edn., 1901)-a chuang angin Mizo \awng ziah nan hawrawp 25 – a, aw, b, ch, d, e,
f, g, ng, h, i, j, k, l, m, n, o, p, r, s, t, \, u, v, z – kan lo hmang ta, tûn thleng hian a felhlel laite
nên lam he’ngho hi kan \awng ziahna hawrawp atân kan la \ahngai lungpui sa vawn ta
chawrh chawrh mai a ni.
Kan hawrawpte hi Sâpho siam ni mah se Sâp \awnga hawrawpte nên a intlukin a inang
diak diak lo. Hemi chungchângah hian Linguistics lama a thiamna rinhlelh kai (J. M. Lloyd,
History of the Church in Mizoram, 1991, p. 29), kan hawrawp siamtu ni si, Pu Buanga te
pawh khân harsatna lian tak an nei rêng a ni. AW leh O hmanna tûr thliar hran dân an siam
(B. Lalthangliana, Mizo Literature, 1993, p. 108-111) pawh a fel zîktluak thei lo. A tîrah
chuan English kalphung angin AW hi vowel thlûk seiah chauh an hmang a, O hi a thlûk
bungah chauh an hmang. Ri khat atâna hawrawp chi hrang hman chu Zo\awngah chuan a dik
teh \euh lo tih hriaiin Zosapthara te chuan tûna kan hman tâk dân anga vowel thlûk sei leh
tawiah pawh AW hman vek chu an rawt ta a ni (J. H. Lorrain, ibid, p. viii). O hi English-ah
chuan /au/ a ni a, Zo\awngah chuan /awu/ a ni thung, danglam tak a ni. O rî-ah hian /aw/ a tel
sa avângin AW leh O a hrang a hraia neih hi thil \ûl lo tak a ni, O tel lo hian Zo\awng
kimchang kan la ziak thei tho (P. C. Lalngaihawma, Thu leh Hla, December 2003, Bu 12-na,
pp. 34-36). Amaherawhchu P. C. Lalngaihawma rawtna anga O aia AWU hman te, diphthong
dang atân pawh hawrawp mal neih vek mai hi chu a buangbârthlâk lutuk ang, hmasâwnna a
nih chiah pawh ka ring lo. A chhan chu kan diphthong dang – ai, au, ei, eu, ia, iu, ua, ui, awi
– tân hian notation/symbol thar kan rawih belh \heuh a ngai dâwn tihna a ni. Chu ai chuan O
hi AW aia hman ni ta zâwk se, chutiang harsatna chu a awm theih loh mai bâkah thu mal AW
neiho kha kan ziak tawi thei sawt ang a, Pu Buanga te buaina ang hi a lo kiang fel dâwn bawk
a ni. ‘Politics chu Politik tih tûr’ titute (Synod Publication Board, Mizo |awng Grammar,
1992, p. 67) hi chuan a hmangchâng an hriat hmêl viau.
Ngun zâwka chhût phei chuan O hi AW anga tihrîkna kan nei sa reng mai (proper noun-ah
phei chuan AW aiah O kan hmang châmchi), chu chu thu lam (syllable) tâwpa vowel ri
inkawp /u/ ria inkhâr a awm a, thu lam dawt leh chiah vowel-a a in\an hian a ni (Synod
Publication Board, ibid, p. 3), eg., lova, lo vang, Zova tehova, etc. He’nga O hi /awu/ ri, /u/-a
tâwp, makse /u/ tel lova /aw/ rî hlang ang veka kan hman a ni. Thil dang rawn inrawlh ta chu
V hi a ni. Hetianga V hi a thu mal kengtu ni lovin, thu lam hniha vowel awm zâwn lam kawp
tisamkhaitu behbâwm (auxilliary) mai a ni (J. F. Laldailova, Bible Thlirna, 2003, p. 156). He
thil hi Zo\awng ziah dân tibuarchuartu a ni. Kan sawi tâk anga thu lam hniha vowel inzâwn
zawng zawngah /v/ kan tiri tel vek hauh lo, kan ziak tel nahek lo. O dawttu vowel chu verb a
nihin ziakah leh \awngah engtik khawtikah mah V a tel ngai lo.
Chu bâkah vowel awm zâwnah chauh kan hmang lo, eg., lohva, deuhva, chauha, etc.
He’ng kan lam rîk dân tak phei hi chu /lawva/, /deva/, /chava/ tih te a ni nghe nghe, a fel lo
khawp mai. Kan \awng rîk ang apianga thu kan ziak dâwn a nih chuan a hautak lutuk ang,
Vai \awng te pawh a pâwl deuh roh e a! Tin, kan \awngkam tam takah chuan hetianga /v/ hi
/u/ angin a ri zâwk bawk (Ralluaii Chhangte, Mizo Tawng Chikna, 2001, pp. 113-122). He
thil buaithlâk pumpelhna chu V ziah tel lo hi a ni. AW aia O kan hmang thei a nih ngat phei
chuan a lo dik felfai êm êm dâwn a ni, eg., ‘lo va’ tih chu ‘lou a’ tiin ziah a ngai tawh ang,
chhiar dik a awl ang a, behbâwm V hian \angkaina a neih tawh hek ‘lou ang’. Chu mai chu a
la ni lo, thu bânna (apostrophe) kan hman sualna \hin ‘lo’ng’ leh ‘lo’m’ tihah te hian buaina
tûr a awm tawh ngai dâwn lo.
He ngaihdân hi a \ha reuh asin. Vowel zîngah O chauh hi ri hnih inkawp, thlûkna (ˆ) kan
chhîpchhauntîr ngai loh awm chhun a ni a (K. Lalchhandama, Thu leh Hla, June 2003, Bu 6-
na, pp. 29-35). Ri mal /aw/ atâna hman a nih chuan thlûk a nihna hmunah thlûkna kan
khumtîr ve thei tawh ang, eg., ‘lâwmzâwng’ aiah ‘lômzông’. Hetiang hian thlûkna hman
dânah pawh vowel zawng zawng kan khai rual thei dâwn tihna a ni.
Thu leh Hla, Kum 30-na, February 2004, Bu 2-na, pp. 9-14
A monthly Literary Journal of the Mizo Academy of Letters

Pu Buanga te’n | hi /thraw/ tihna châng hre mah se a awmze kal zêl an hriat fiah tâwk loh
thu leh a hrana hawrawp ngai lovâ /tr/ hman a dik zâwkzia hi sawi a hlawh hle, fiah taka
chhui a ni tawh nghe nghe (Ralluaii Chhangte, ibid, pp. 82-85). Diphthong kan sawi tâk ang
deuh bawk khân consonant pahnih lam kawp /tr/ tâna hawrawp neih hran hi a \ûl lo.
Chuvângin | hi hlamchhiah ta mai ila “kan ‘thratpuiin’ kan ‘trangkaipui’ zâwk ngei” a
rinawm (L. Keivom, loc cit).
Hawrawp lam kawp dang NGH kan hmannaho pawh hi a dik lo, /hng/ rî a nih avâgin HNG
tia ziah zâwk tûr niin a lang (R. Burling, Indian Linguistics, 1957, pp. 148-155). English leh
\awng dang dangah chuan ‘h’ hi hawrawp dangin a rîkpui (aspirate) \hîn. Chutiang chuan
English-a K, P, leh T te hi ‘h’ ri keng tel sa (naturally aspirated) an ni; chuvângin /khe/, /phi/,
leh /thi/ tih angin an rî a ni. Mizo \awngah chuan he’ngah hian a hrana ‘h’ kan belh loh chuan
aspirate an ni ngawt lo. Hei tak hi kan Zosâpte’n Mizo \awng an lam dik fak theih lohna
chhan ber pawh kha a ni. |awng dang hmang tân chuan Zo\awnga ‘h’ leh consonant, vowel
rî-a in\an (l, m, n, r), inkawpho hi lam a har rêng a ni; he’ng /hl/, /hm/, /hn/ leh /hr/ te hi a
aspirate lai tak hi an tiri thiam lo châwk. Chutah chuan Pu Buanga te bawk khân a dik zâwk
hre lovin /hng/ aiah /ngh/ an lo hmang ta mai a ni (J. H. Lorrain, ibid, p. ix). HNG tia hman
tûr lo ti ta se chuan sawi sawi ngai lovin kan hmang hmiah hmiah ngei ang (Tlanglianthanga,
Thu leh Hla, September 2002, Bu 9-na, pp. 10-11).
Zo\awng ziahna atâna chhawrbâwkna awm lo hawrawp chuangtlai pahnih G leh J, kum za
chuang kan la rûla raw neih tlat mai hi khawvêl thil mak a nih chiah loh pawhin Mizo thil
mak zawng a ni. Kan fak phuhlup Pu Buanga leh Zosapthara kha kan dem leh zâwk mai
dâwn em ni? J an hluihlâwn zet tawh an han seng lût leh te hi an rilru tûr chhui dâwn a har.
|awng dang ziahna atân a \angkai (J. H. Lorrain, ibid, p. ix), tih vânga kawl churuk reng chi
a ni dâwn em ni, G hi /ek/ tih tûr te an la ti ta deuh deuh nên; \awng dang ziah leh chhiar
thiam nan a nih hrim chuan eng’a C, Q, W, X, Y te pawh kan chhawm law law loh
(Ngurthansanga, Thu leh Hla, November 2003, Bu 11-na, pp. 30-32). A nih loh rau rau chuan
G leh J te hi eng tikah tak chhawk ngam ang i maw?
Tûna kan hawrawpte hi a hman dân azira siam \hat ngai a awm nual a nih hi. Kan \awnga
chhawrna tûr awm lo G leh J te hi paih ila, | hi hnâwl ta bawk ila, AW hi hlawiin a aiah O
hmang ta zêl ila, thu lam kârcheha V hi ziak tel tawh lo bawk ila Zo\awng ziah dânah kan
changtlung zâwk maithei. Chutichuan he’ng hawrawp 21 (vowel 5 leh consonant 16) – a, b,
ch, d, e, f, ng, h, i, k, l, m, n, o, p, r, s, t, u, v, z – te hmang hian Mizo \awng dik kimchang tak
kan ziak thei reng tho a ni. ’Nge ‘kan khaw lamah chuan au ka ti thau thau’ kan ti reng dâwn?

Оценить