Synfocity = 589

Synod Information & Publicity Department, Synod Office (Third Floor), Mission Veng, Aizawl

www.mizoramsynod.org

mail us at : mzsynfo@gmail.com; mizoramsynod@gmail.com - Phone - 2314648

9 th June, 2016

SEC 263-na a thu

June 7, 2016 (Thawhlehni) chawhma dar 10 atang khan Synod Executive Committee a vawi 263-na atan Synod
Office-a JM Lloyd Hall-ah a thu a, committee hian vawiin (June 9, 2016) thleng a awh ang.
Committee hi Rev. H. Lalrinmawia, Synod Moderatorin a kaihhruai a, member kal an tha hle. Synod Secretary
report te, Finance Officer report te leh Audit Report te ngaihthlak a ni. Synod Secretary hnen atangin Synod aiawha
inkhawmpui hrang hranga palai kan intirh thinnaah te tluang takin palaite an kal thu te, Kohhran hming ziah dan tur
siam thar chu kohhran tinah tihchhuah a nih tawh thu te, Synod Prison Ministry ten Jail a rawngbawlna an tan tawh
thu te, kan Mission Field pakhat Tripura a Presbytery te chu Provisional Synod a siam tura PCI in a rel thu te,
Chhimtawp Presbytery leh Teirei Presbytery thar hawn a nih thu te, Lawngtlaiah Synod Bookroom building thar
hawn a nih thu te leh SEC hmasa Feb 23 - tun SEC inkarah Synod Relief fund atangin harsatna tuar mi hrang
hrangte hnenah tanpuina Rs. 20,19,000/- pek a nih thu te leh Synod hnuaia Account vawn te audit fel a nih tawh thu
te ngaihthlak a ni.
Tuntum SEC a thurel tur chhawpchhuah langsar deuh te chu - Kohhran hming ziah dan in Kohhran Hmeichhia leh
KTP a khawih tel dan tur te, India ram khawpuia Pastor rawngbawl dan kaihhruaina te, Central Kohhran Hmeichhe
committee member tihtlem dan tur te, Synod Mission Website siam rawtna te, RSBY Smart Card nei damlo
chungchang te, John Williams Hospital, Lunglei leh Hmangaihna In kaihhruai dan enthat te, Synod Administrative
set-up & Management enthat te, Pastor Quarters hnuai siam leh hmandan tur te, Minister & Pro. Pastor thawklai
thi te nupui fanau chhawmdawl dan tur te, Nupa chungchang dan enthat te, Hospital damlo awm man ba ti tlem tura
zirchianna report te, TA/DA, Sitting Allowance leh in luah man te leh pemhruaina dan ennawnna te, Kohhran
inpumkhatna leh thawhhona chungchang te, Youth Empowerment zirchianna te, Pastoral Ministry kaihhruaina te,
Ramthar Manual enthat te, Synod Higher Secondary School behchhana College hawn chungchang zirchianna te,
zuk leh hmuam chungchanga hmalak dan tur te leh thil pawimawh chi hrang hrang te an ni.

Synod Revival Meet a tiak ta

Synod Revival Meet Vawi 5-na chu Bungkawn Kohhran Biak Inah June 3 - 5, 2016 chhung khan tluang taka hman a ni.
Meet-ah hian palai 601 lai an kal a. A tan zan, Zirtawp zanah Inlawmna inkhawm neiin Upa H. Ronghaka, Synod
Secretary Senior in khawm a kaihruai a, Synod Moderator Rev. H. Lalrinmawia'n thuchah a sawi. Synod Revival
Director, Rev. K. Rolungmuana'n Synod Revival rawngbawlna report a pe.
Report-a tarlan danin Kumin chhung hian Revival Committee vawi 5 an nei tawh a, Committee ruahman angin Synod
Camping Centre-ah February thla atang khan Camping thlatin buatsaih thin a ni a, camp-ah hian Kohhran pawl
hrang hrang atangin an lut bawk a, lut tawh zat chu mipa 420 leh hmeichhia 62, an vain 482 an lut tawh a, la buatsaih
chhoh zel tum a ni bawk.
Kuminah Programme hrang hrang hmun 126-ah siam a ni tawh a, a tam ber chu Crusade niin Camping in a dawt a,
a bak chu Revival meet/Retreat leh Rising day hmanpui te an ni. Kumin January thlaa Bial KTP Conference-ah khan
hmun 19-ah Revival Speaker ten thupui sawiin an kal a, Bial Kohhran Hmeichhe inkhawmpui February ah khan hmun
22-ah Revival Speaker te thupui sawiin an kal bawk.
March 16 - 19. 2016 chhung khan Speakerte pualin Synod Camping Centre-ah Camping buatsaih a ni a, Speaker
atan Rev Vanlalbela hman a ni a, Rev Dr LH Rawsean Bible Class a neihpui thin bawk.
Inrinni chawhma, chawhnu leh zan te Pathianni chawhma leh chawhnu-ah te Pathian Biak inkhawm neih a ni a,
inkhawmah Meet thupui "Thlamuanna" tih chu Revival Speaker hrang hrangin an sawi a ni.
A tawp zan, Pathianni zanah chuan Rev. Lalchhuanmawia, Bungkawn Bialtu Pastorin inkhawm a kaihruai a, Rev.
Lalramliana Pachuau, Senior Executive Secretary-in Pathian thuchah a sawi.
Meet chhungin Zaipawl hrang hrang te zai tura sawm an nih angin an hun an hmang thei theuh va, tum 16 lai zaipawl
zai ngaithlak a ni. Inkhawm banah lenkhawmna neih thin a ni bawk.

Synod-in chhawmdawlna pe
Tun hnaia harsatna hrang hrang neite hnenah Synod Relief Fund atangin chhawmdawlna hetiang hian pek an ni.
S.No Khua
Pek chhan
Chhungkaw zat
Chhawmdawlna pek zat
1. Teirei Forest
Damlo/Rethei
1
Rs. 4,000/2. Zohmun
Thli leh Rial tichhiat
4
Rs. 14,000/TOTAL
Rs. 18,000/-

KTP
w Zanin (Ningani) dar 7 hian Pi Zaii Hall, Synod Conference Centre-ah Mizoram Synod Choir (2016-2018) hlanna
inkhawm neih a ni dawn.
Inkhawm hi Pu Ngurhmingliana, CKTP Asst. Leader-in a kaihruai ang a, Upa Zonunmawia, General Secretary in
report leh inhmelhriattirna hun a hmang ang a, Pu. K. Lalruatpuia, Director, Mizoram Synod Choir-in thu sawiin
Rev. H. Lalrinmawia, Synod Moderator-in member hlanna a nei ang a. Rev. Zothansanga, CKTP Leader hnen
atangin thuchah ngaihthlak a ni bawk ang.
w June 6, 2016 (Thawhtanni) khan Sialhawk Branch KTP Diamond Jubilee lawmna neih a ni a, hemi hunah hian
Upa Zonunmawia, General Secretary leh Tv. Robert Lalduhzuala, Comt. Member leh Nl. Lalhriatchhungi, Ramhlun
North te an kal.
w June 8, 2016 (Nilaini) khan Hlimen Branch KTP Diamond Jubilee lawmna neih a ni a, hemi hunah hian Pu
Zonunsanga Ralte, Treasurer a kal a, June 10, 2016 (Zirtawpni) khian Rev. Zothansanga, Leader in hun a hmang
bawk ang.
w June 11 & 12, 2016 chhung hian Bungtlang Bial KTP Meet neih a ni dawn a, meet hmanpui tur hian Tv. Joseph
Lalsangzuala leh Dr. Lalrotluanga Comt. Member te an kal ang.
Contd,..

Synod Information & Publicity Department, Synod Office (Third Floor), Mission Veng, Aizawl

MSSU
June 11 - 12, 2016 chhung hian Pukzing Bial ah Sunday School Zirtirtu Training neih a ni dawn a, hemi hunah hian
Upa Lalthahluna Ralte, MSSU Asst. Coordinator leh Pu Lalthanchhunga, Bungkawn te an kal ang.

Campus Ministry
June 9, 2016 (Ningani) hian Govt. Hrangchhunga High School, Salem Vengah hun an hmang ang a, June 10, 2016
(Zirtawpni) khian Govt. KVM High School, Chhinga Vengah hun an hmang leh ang.

Hruaina Eng FM Radio & TV Programme

w JUNE 10, 2016 (FM ZOAWI AIZAWL @ 7:30 P.M.):
Solo : Elijah Lalrinawma - Vavaihna thlaler, Zaipawl : BESY Choir - Chawimawina, Thusawi : Tv. H. Lalthazuala
- Zaimi te tana thurawn, Solo : Loncya - Duhdang ka nei lo , Zaipawl : Mizoram Synod Choir - Keini zawng
w JUNE 10, 2016 (FM LUNGLEI @ 7:30 P.M.):
Solo : Elijah Lalrinawma - Vavaihna thlaler, Zaipawl : BESY Choir - Chawimawina, Thusawi : Tv. H. Lalthazuala
- Zaimi te tana thurawn, Solo : Loncya - Duhdang ka nei lo , Zaipawl : Mizoram Synod Choir - Keini zawng
w JUNE 12, 2016 (Tv Programme) @ 3:00 p.m) :
Weekly Round Up, Pastoral Care & Counselling Training vawi 24-na

Susamachar Prasaran Programme

w JUNE 12, 2016 (Pathianni) 5:00 pm.
Group/Choir/Solo : Hamren Pastorate Choir - Vang thu tha, Group/Choir/Solo : Luangmual Vengthlang - Bondhu
re, Sermon : Rev SB Gurung - Samai Ka Sudh Upyog, Group/Choir/Solo : Jubilee Kohhran - Hijo Aja, Group/
Choir/Solo : Aizawl West Area Choir - Bharat Desh Mahan

Moderator Programme
Synod Moderator Rev. H. Lalrinmawia chuan tunkar tawpah hetiang hian hun a hmang ang :
w June 11 - 13, 2016 Kelkang Kohhranin kum 3 chhung chawl lova Inkhawmna an neih champha Pathian hnena
lawmthu sawina hmanpui.

HNARUAK DIL THEIH

1. Mizoram Synod hnuaia Women Centre-ah Contract Basis-a thawk tur, Superintendent hna pakhat(1),
Hmeichhia, Graduate chin (Theological Degree nei duhsak bik an ni ang) kum 30 - 40 inkar tan dil theih
a ni. standard Form Synod Office General Administration Department atanga la chhuakin June 23, 2016
(Ningani) dar 5:00pm thleng thehluh theih a ni.
Screening Test :
June 25, 2016 (Inrinni) Dar 10:30am ah neih a ni ang.
Interview
:
June 29, 2016 (Nilaini) dar 10:00am
Hriattur dang chu Application form-ah a kimchangin thil tel a ni e.
2. Mizoram Synod hnuaia Women Centre leh Presbyterian Bible School-ah Contract Basis-a thawk turin
Peon-cum-Chawkidar hna pakhat (1) ve ve, CLass VIII pass chin kum 18 - 35 inkar tan dil theih a ni.
Standard Application Form Synod Office General Administration Department atanga la chhuakin June
23, 2016 (Ningani) dar 5:00pm thleng thehluh theih a ni.
Screening Test :
June 25, 2016 (Inrinni) Dar 10:30am ah neih a ni ang.
Interview
:
June 29, 2016 (Nilaini) dar 10:00am
Hriattur dang chu Application form-ah a kimchangin thil tel a ni e.
REV. LALRAMLIANA PACHUAU
Senior Executive Secretary
Synod Office, Aizawl

SYNOD BOOKROOM BOOK NEWS FOR THE MONTH OF JUNE 2016

1.
2.
3.
4.
5.
6.
7.
8.
9.
10.
11.
12.
13.
14.
15.

Theology of Mission - by Rev. Lawmsanga

Hermon Daifim - by Rev. Zoremthanga
Thlarau nun chawmtu - by Lalngaiha Ralte
Kristian Nun - by Chhawnmawia
Edenah i kir ang u - by B.T. Nghinglova
Robert Arthington - by L.L. Rokhum
Ka chanchin - by H.T Sangliana
Vul lai chul hnu - by Darrokima
Mizo chanchin - by B. Lalthangliana
Mizo Tawng Dictionary - by Remkunga
Mi ropuite kam chhuak - by Nawlchunga Chinjah
Dan hi tehfung dik a ni - by Robert Hrangdawla
Mizoram GK, Mini Edition - by Lalhmachhuana Zofa
Mizo Tawng i hmang dik leh ang u - by Isaac Zoliana
Hnahthel - by Kaphleia Memorial Trust

Synod Social Front Helpline: 9089777129;

Tuai & Patil
: 8729800130;
MailHelpline
us at : mzsynfo@gmail.com,
Students Helpline :mizoramsynod@gmail.com
9856883377

Synod Information & Publicity

Phone - 2314648

Rs. 300/Rs. 100/Rs. 200/Rs. 150/Rs. 80/Rs. 150/Rs. 250/Rs. 150/Rs. 200/Rs. 390/Rs. 100/Rs. 200/Rs. 100/Rs. 100/Rs. 170/-

Synfo