Lamberto Gabriel Kung ako'y diringgin, ibig kong ilahad Ang magagawa kong kabutihang ambag; Aking ihahtid sa puso ng lahat Itong kabatirang nagmula sa aklat. Ibig kong tumulong sa ikalulutas Ng mga problemang hadlang sa pag-unlad. Kung ako'y diringgin, ibig kong sa mundo Mapawi ang banta ng grabeng piligro; Iwaksi ang digma sa isip ng tao 'Pagkat lisya ito sa aral ni Kristong Tayo'y magmahalan, mag-ibigan tayo, At mag-unawaan saan man may gulo. Kung ako'y diringgin, ibig kong lumahok Sa mga mithiin ng Dakilang Diyos; Ipadarama kong sa bawat pagtibok Ng buhay sa lupa ay isang pagtubos. Anu mang saliksik na aking naabot, Aking ihahasik ng buo sa loob Kung ako'y diringgin, ibig kong mangyari Na ang kapakanan ng kapwa'y bumuti; Ang handog na aral mula sa sarili; Tungo rin sa iba't sa lalong marami. Sa bansa ko't lahi'y magiging bahagi Ang aking hangaring magand't may silbi. Kung ako'y diringgin, tinig ko'y pakinggan Ng ating tahana't sintang paaralan; Ang hiling ko sana'y magtulong pumanday Ng mga nilikha sa kawalang-muwang Bakit di ipunla ang gawang marangal Nang tayo sa puso'y mamalaging buhay?