Yeh khat hai uss guldaan ke naam, jiska phool kabhi hamara tha,

Wo jo ab tum uske mukhtaar ho to sun lo

Use acha nahi lagta,
Meri Jaan ke haqdaar ho to sun lo
Use acha nahi lagta !

Ki wo jo zulf bikhere to bikhri na samajhna,

Agar jo maathe pe aa jaye to befikri na samajhna,
Darasal use aise hi pasand hai..
Uski azaadi uski khuli zulfon mein band hai.

Jaante ho wo agar hazaar baar zulf na saware to uska guzara nahi

hota,
Waise dil bohot saaf hai uska, inn harkaton mein koi ishaara nahi
hota..

Khuda ke waaste use kabhi rok na dena,

Uski azaadi se use kabhi tok na dena..
Ab main nahi, tum uske dildaar ho to sun lo,
Use acha nahi lagta..!!