Kung ikaw mahigugma

Paningkamoti na dili
Sa usa ka balekara
Kay iyang himuoag
Metapora tanang butang
Na imung buhaton
Apil na bugason mong
Nawong ug mga lubak niini
Apil na ang imung mga lihok
Bantayan kini niya asta imung
Bahong ilok
Himuan ka niyag balak sa way pagduha-duha
Imung mga mata, ilong ug baba
Iyang tagaan ug importansya
Apil na sa imung kalag ug huna-huna
Himay-himayon niya tanang matahom
Na iyang Makita kanimo, imung pulong
Na iyang gyung paminawon, himay-
Himayon ug pangitaon ang imung
Mga mga saad na niana ka imung gugmang way
Paglubad, dili kini ilad, gugma nimo nga dili
ra kutob sa istorya kundi kutob ra sa mubo
mung pasensya kay
ikaw nahigugma sa usa ka balakera ug
nagtuo ka na ang iyang kalibutan sa
imuha ra nagtuyok, nga tanang pulong
para sa imu, ikaw nahadlok
na sama sa pagsuwat ug balak siya
mapul-an kanimo, ang metapora
na iyang gikahadlokan, ang gugma ug saad
sa us aka tagapaminaw na nindot, maayo
ang iyang balak ug wala na kay lain masulti
Kay nakalimot n aka kung para ka kinsa ni.

Para kanimo na nahigugma sa usa ka balakera

Mao undangi na maypa mangita ka ug lain
Ayaw na paminaw sa iyang mga pasangil
Kay ang iyang gugma kanimo sama sa
Usa ka dakong metapora, na dili mo masabtan
Pareha kadak-a sa kalibutan ug kalingin sa buwan
Mga bituon na nangitik, iyang metaporang pagkalami!

Ug sa mabalaknon na pulong, ikaw madani, dili na nimu

Makit-an kung kinsa ang nagsuwat ug nagsulti niini
kay ikaw
Nahigugma sa dakong metapora dili sa usa ka balakera.