Вы находитесь на странице: 1из 15

Jireenya Wal Keessaa/Mixed Life

Seensa

Amantiin kiristaanaa qulqullummaa qabaachuu qaba. Makaan wantootaaf malee amantiif hin

tau. Waaqayyoo yeroo garaa garaatti saba Israael kan komachaa turee sababii isaan ollaa isaanii

wajjiin walitti makamuun jireenya Waaqayyoo akka isaan jiraataniif isaan abboome booressaniif

ture. Haras Waaqayyoo akka adda baanuuf nu abbooma. Adda bahuu jechuun ijoollee

Waaqayyoo tauun dukkana keessatti ibsuu jechuudha.

Mee wantoota armaan gadii kanneen amantootni raawwachuu qabu moo hin qaban kan jedhu haa

ilaallu. Kiristaanni tokko jireenya olla wajjiin adda bahee beekkamuu qaba moo walitti

makamuun wal nyaatinsa uumee jiraachuu qaba? Gaaffii jedhu manni amantaafi amantootni

deebisuu qabu jedheen yaada.

Namni fayye tokko maal gochuu qaba?

Armaan olitti Fayyuu jechuun gooftaa Yesuus Kiristoos akka fayyisaa dhuunfaa ofii godhatanii

fudhachuudhaan dua bara baraa irraa bararamuu; akkasumas cubbuu irraa adda bahuu akka tae

ilaallee jirra. Ittuma aansuudhaan namni amane tokko maal gochuu akka qabu ni ilaalla.

2. Waaqayyoon qofaa sagaduu

Addunyaa irra jiraannu kana irratti waaqayyooliin tolfamoon baayeetu jiru. Isaan kunneen aadaa

tokko irraa aadaa birootti, hawaasarraa hawaasatti, yeroodhaa yerootti, biyyarraa biyyatti;

akkasumas akkaataa fi bifa sagadaatiinis garaagarummaa qabaachuu ni dandau. Macaafa

Qulqulluu keessatti waaqayyoolii tolfamoo baayeen maqaa dhaamaniiru. Isaanis;

2.1.Fakkii yookiin bifa tolfamaa


Sabni Israael Museen isaan biraa deemee osoo hin deebiin waan tureef nama isaan gargaaruufi

fuuldura isaanii deemu waan dhaban waan itti fakkaateef fakkii warqii bifa jabbiitiin hojjatanii

sagadaniifii turan.

Sabni sun Museen Tulluu irraa gad buuun isaa akka ture yommuu argan, Aaronitti dachaanii,

Musee isa biyya Gibxii nu baase kanatti maaltu akka itti dhufe hin beeknu; kanaaf kaiitii

waaqayyoolii nu dura adeeman nuuf tolchi!jedhan. Kana irratti Aaron, Amartii warqee gurra

dubartoota keessanii, ijoollee dhiiraa keessanii, ijoollee durbaa keessaniitiis ciraatii as anatti

fidaa! jedhe. Namootni hundinuu amartii gurra isaanii irraa ciranii gara Aaroniitti ni geessan.

Inni immoo warqicha isaan harkaa fuudhee mia ittiin hojjatuun bifa itti baasee, warqee

baqfamaa irraa dibicha (jabbii) isaaniif hojjate; yommuus isaan, Yaa Israael Waaqayyo kee

inni biyya Gibxii si baase isa kana jedhan (S.Bau 32:1-4).

Mootichi Nebukadnezaar jedhamu fakkii bifa ofii isaa ciqilee jaatama tau dhaabe uummatni

akka isaaf sagadu godheera.

Nebukadnezaar mootichi bifa fakkeenyaa hojjaa isaa dhundhuma jaatamaan, balina isaa

immoo dhundhuma jaaan warqee irraa hojjachiisee, Baabiloon kutaa biyya keessaa bakkee isa

afaan isaaniitti Duraa jedhamu keessa dhaabe.Nebukadnezaar nama ergee warra kutaa biyyaa

bulchan, warra mataa kutaa hojii irra jiran, abboota biyyaa, warra gorsituu, warra

horii(maallaqa) baatan, abboota firdii, warra seera eegsisan, warra kutaa biyyaa keessatti aboo

guddaa qaban hundumaa walitti waamsisee,namni gombifamee hin sagadne siuma sana

iddoo abiddi itti bobau keessatti ni darbatama jedhe.namoonni saba garaa garaa fi gosa

garaa garaa keessaa dhufanii, afaan garaa garaa dubbatan, bifa fakkeenya warqee irraa

hojjatame Nebukadnezaar mootichi dhaabeef gombifamanii sagadan (Dan 3:1-7).


2.2.Daagon

Warri Filisxeemotaa waaqa tolfamaa kan mataa isaanii qabu. Innis maqaan isaa Daagon

jedhama. Waaqi tolfamaan kun waaqa midhaanii yookiin waaqa biqiltuu jedhamees akka

beekamu seenaan ni ibsa.

Gurguddoonni Filisxeemotaa, Daagon Waaqayyoon keenya, harka keenya keessa buuse

Siimson diina keenya jedhanii waaqayyoo isaaniitiif kennaa qalma guddaa isaa

dhieessuudhaaf isatti gammaduudhaafis walitti in qabaman (Abo. Firdii 16:23).

2.3.Kemosh

Warri Moaabotaa waaqa tolfamaa maqaan isaa Kaamosh jedhamu ni qabu. Isaafis sagaduun

aarsaa garaa garaa ni dhiyeessuuf.

Solomoon yommuus tulluu mandara Yerusaalem irraa gara baa-biiftuu jiru irratti iddoo itti

Kemosh waaqayyo tolfamaa warra Moaab isa ciiggaasisaaf, Moleek waaqayyo tolfamaa warra

Amoonotaa isa ciiggaasisaaf sagadan in ijaarsise. Akkasuma inni dubartoota isaa warra biyya

ormaatii fuudhe warra ixaana aarsanii waaqayyoolii isaaniitiif aarsaa dhiyeessan hundumaafuu

iddoo sagadaa in ijaarsise (1Mot 11:7-8).

2.4.Moleek

Waaqni tolfamaan kuni immoo saba warra Amoonotaa biratti kabaja guddaa kan qabuu fi

kennaafi aarsaan akkasumas sagadnis kan dhiyaatuufiidha (1Mot 11:7-8).

Waaqayyoolii tolfamoo kanneen akka Kemosh fi Moleek kanaaf ijoollee abiddatti gubuudhaan

aarsaan ni dhiyaataaf.
Ani Waaqayyoo dha; ati ijoollee keeti keessaa tokko illee Moleek Waaqayyo tolfamaadhaaf

ibiddatti dabarsitee hin kennin! Maqaa ana Waaqayyo keetiis hin xureessin! (S. Lew 18:21).

Isaan waanuma ciiggaasisaa Waaqayyo jibbu waaqayyoolii isaaniif godhanii, ilmaan isaanii fi

intaloota isaanii iyyuu ibidda keessa buusanii waaqayyoolii isaaniif gubaniiru; ati garuu

Waaqayyoo gooftaa keef akkas hin godhin (S. Kes 12:31).

Isaan ilmaan isaanii, intaloota isaaniis aarsaa godhanii, hafuurota hamootaaf in dhiyeessan

(Far 106:37).

2.5.Bieel Zebul

Waaqni tolfamaan kun kan waaqeffamu Eqroonittiidha. Hiikkaan isaas Gooftaa

titiisaa/tiitichaa kan jedhuudha.

Ahaab mootiin Israael erga duee booddee, biyyi Moaab Israael irratti in kae. Yeroo sanatti

Ahaaziyaan mana isaa isa Samaariyaa keessaa hulaa kutaa manichaa isa ol aanu keessa baee

waan kufeef, miidhamee in ciisa ture; inni kana irratti, Dhaqaatii dhukkuba kanattii nan fayya

yoon tae, Baaal Zebub waaqayyo warra Eqroon anaaf gaafadhaa! jedhee namoota in erge

(2Mot 1:1-2).

Waaqni tolfamaan kun kakuu moofaa keessatti Bieel Zebub kan jedhamu yommuu tauu kakuu

haaraa keessatti immoo Bieel Zebul maqaa angafni seexanaa ittiin waamamuudha.

Yommuus namicha hafuurri hamaan keessa jiru, iji isaa jaamaa, arrabni isaas didaa tokko

gara Yesuusiitti fidan; inni immoo arrabni namichaa akka dubbatu, iji isaas akka argu godhee

isa fayyise. Yommuus namoonni hundinuu naanii dinqifatanii, Kun ilma Daawit tauu hin
dandauu? jedhan. Warri Fariisotaa yommuu kana dhagaan garuu,Namichi kun Biel Zebul

angafa seexanootaa duwwaadhaan hafuurota hamoota baasa jedhan (Mat 12:22-24).

Waaqayyooliin tolfamoon kanneen qofa miti. Hadaad (Baaal), Moot, Anaat, fi Riimoon

kanneen jedhaman biyya Sooriyaa keessatti ni waaqeffatamu.

Gama biraatiin immoo biyyuma keenya keessatti iddoo garaa garaatti maqaa fi bifa sagadaa

garaa garaa haa qabaataniiyyuu malee waaqayyooliin tolfamoon baayeetu jiru. Tarii maqaalee fi

gosti waaqayyoolii kanneenii baayinaan Kibba Itoophiyaatti (Kibba Oromiyaa fi Naannoo

Uummattoota Kibbaa dabalatee) kan argaman yommuu taan achumattis iddoo tokko irraa gara

iddoo biraatti garaagarummaa qabaachuu waan dandaaniif dubbistoonni gamanumaan kana

yaada isaanii keessa galfachuu qabu. Isaan kanneenis mee tokkoo tokkoo isaaniitiin haa ilaalluu.

2.6.Gimbee

Gimbeen wanta harka namaatiin tolfamuudha. Innis baala weessii (warqee) fi biqiltuu gara garaa

irraa wanta ni taa jedhan sana walitti makuun kan hojjatamuudha. Biqiltuun tamboo jedhamu

tokkos itti makameeti hojjatama.

Namni Gimbee kana qopheessee uummataaf raabsu woyyuu/woyyicha jedhamuun beekama.

Innis uummata keessatti kabajaa fi sodaa guddaa kan qabuudha. Akkaataan itti fayyadama isaas,

yommuu namootni wal dhaban yookiin quuqaa sababa garaagaraatiin wal irratti qabatan yookiin

immoo qabeenyi nama tokkoo isa kan biraatiin yommuu badu abbaan dhimmaa sun gara

woyyichaa deemee dhimma isaa itti himata. Woyyichis dhimma kana erga abbaa dhimmaa sana

irraa hubatee booda namni yakka raawwate sana waamuudhaaf jecha Gimbee baasa. Sana booda

abbaan dhimmaa sun Gimbee qophaaeef sana mana namicha isa yakka raawwatee sanaa

fuulduratti mukaan dongoree kaaa.


Gimbee sana keessa xalayaan waamichaa kan akkana jedhutu keessa kaaama.

Guyyaa _____, Obboo _________f. Dhimmi gara mana Woyyichaatti waamamuu keessan

ilaala. Badii isin hojjattaneef gara mana woyyichaatti waan waamamtaniif hadaraa siinii,

hadaraa, medhechoo (baala weessii isa furdaa jechuudha), hadaraa jabanaa, hadaraa bunaa,

hadaraa waaqaaf lafaa, hadaraa woyyichaa.gaafa guyyaa________,ganama keessa saaatii

_________tti gara mana woyyichaatti akka dhiyaattan waamicha isiniif goona.

Gaafa gara mana woyyichaa sana dhaqan wantootni aarsaa waaqayyicha sanaaf godhaman

kanneen akka bunaa, ixaanaa, tamboo, jinnii, karbii, sandalii fi kanneen biroo ni geeffamu.

Woyyichi sun mia amma dhiyaateef kana fudhachuun waaqayyicha sana ni kadhataaf.

Yakki namichaas erga qoratamee booda akka kafaluuf ni godhama. Yoo kafaluu dide yookiin

yoo waamicha kabajuu didee hafe waaqi sun adabbii armaan gadii kanneen namticha ajajamuu

dide sana irratti geessisa jedhamee amanama. Isaanis;

Dua ;

Jireenya isaa guutuutti dhibee fi rakkoo garaagaraatiin dhiphachuu;

Horiin irraa dhumuu;

Miidhaa/balaa qaamaa garaagaraa;

Ijoolleen jalaa duuu;

Maasiin/fichaan isaa omisha gaarii kennuu diduu;

Haati manaa isaa wanta lubbuu hin qabne yookiin lubbuu qabaatee qaama guutuu kan hin

qabne yookiin immoo bineensa dauu dauu;


Namni nama sanaa hangaa gosa torbaatti dhumuu kan jedhuu fi kkf dha.

Miidhaa/balaa armaan oliitti tuqame kanneen nama sanarratti geessisuuf woyyichi haala

garaagaraa kan namticha sanarra gauu qaba jedhee amanu sana gochaan agarsiisaa yookiin

maqaa dhaaa waaqa tolfamaa sana kadhata. Qeyee namticha quuqaa irraa qabanii sanatti daaraa

bittimsuu fi wanta garaagaraa awwaaluudhaan ollaan nama sanaas akka mana sana seenee buna

hin dhugne, bishaan madda tokkorraa akka hin waraabbanne, ijoolleen isaanii akka horii walitti

hin bobbaasne gochuu fi namni sun yeroo gara namaa dhaqu akka hin keessummeeffamne

godha.

Haalli armaan olii kun yommuu tolfamu namichi nama isa kan biraa irraa quuqaa qabu sun ani

qaallicha yookiin woyyicha irratti obboo abalutti sagadeera! jedha. Kana jechuun mana

qaallichaa/woyyichaa sana keessatti sagadaa fi aarsaa garaagaraatu godhamaaf jechuudha.

2.7.Botowaa

Inni kun gosa Gimbee taee Gimbee caalaatti kan sodaatamuudha. Kan tolfamus biyyee

suphee/faara irraati. Garaagarummaan Gimbee fi Botowaa gidduu jiru, Botowaan biyyee

suphee irraa bifa nama qaama guutuu hin qabnee, bineensa, yookiin uumama adda tae tokkotti

fakkeessanii hojjatu. Namni botowaan kun qeee isaatti awwaalame ni dua yookiin uumama

lubbuu hinqabnetu qeee sanatti dhalata yookiin immoo namni qeee sana keessa jiru ni dhuma

jedhamee sodaatama.

Haalli sagadaa, aarsaan isaa fi humni waa namarra geessisuu isaa kan Gimbee caalaatti ni

sodaatama.

2.8.Xanoo
Xanoo jechuun isa afaan Amaariffaatiin Xinqolaa jedhamu sanaadha. Namni quuqaa yookiin

dhimma nama biraa irraa qabu gara mana xonqaayii deemee akka inni duu, yookiin maraatu

xanoo itti xana. Namni sunis balaa garaagaraatiin saaxilam, ani dua, ni maraata, humni dalaggaa

isaa ni hirata, fi kkf jedhamee amanama.

2.9.Tolcha qalachuu

Wanti qalamu yeroo baayee hoolaa, reee, fi lukkuudha. Namni hiyyeessi horii kana hin qabne

biqiltuu maqaan isaa hiddii (buqqii fardaa) jedhamu qalata. Inni kun kan godhamu yoo namni

tokko rakkoon tokko isarra gahe rakkoon lammaffaa deebiee akka isarra hin geenye faroo

qalatee ofirra dabarfata. Kana jechuun erga namni sun horii sana qalatee dhiiga horii sanaa jala

hulluuqee dabree rakkoon sun lammata akka nama sanatti hin deebinetti amanama. Namni horii

sana qalus woyyuu, qaalluu, xonqaayii fi nama guddaa naannoo sanatti hojii kanaan

beekamuudha.

2.10. Qodha

Wanti tokko raawwatamee wanti raawwatame sun rakkoo taee mulachuu ni dandaa. Namni

rakkoo kanaaf sababa taa jedhame sun lubbuudhaan kan hin jirre yoo taee rakkoo uumame

kanaaf furmaata akka kennuu gara awwaalcha/hirreensa nama sanaa deemanii ekeraa ni dubbisu

yookiin ni qoratu jechuudha. Qabeenya baayees awwaalcha sana bira kaauudhaan akka

waaqaatti gargaaramu. Macaafa Qulqulluu keessatti;

Ani Waaqayyo gooftaa keeti, gara eker-dubbiftuutti hin garagalin, isaaniin xuraauudhaafis

warra ekeraa dubbisan hin iyyaafatin (S. Lew 19:31) jedhamee barreeffameera.
Qodha kan jedhamu kanaan kan wal fakkaatu immoo faacii kan jedhamus jira. Akkaataa faacii

yookiin qorannoo sanaatti qabeenya hamma barbaadame awwaalicha cinaa kaauudhaan faaciin

raawwata jechuudha.

1.11. Xaaree

Xaareen baala biqiltuu yookiin wanta biqiltuu irraa hojjatamee dha. Namni qabeenya isaa hattuu

akksumas horii irraa eeggachuuf xaaree itti xaarfata. Egaa xaareen qabeenya namaaf eega

jedhamee amanama. Xaareen osoo qabeenya sana irra jiruu namni yookiinis horiin qabeenya

sana yoo tuqe ni dua yookiin immoo ni dhukkubsata jedhamee amanama.


1.12. Gabrieelii fi Mikaaeel

Jia keessatti Gabriieliin gaafa guyyaa 19 kan kabajamu yommuu tauu Mikaael immoo gaafa

guyyaa 12 kabajama jechuudha. Gaafa guyyoottan kanneenii wantoota godhaman keessaa

gurguddoon; farsoon ni dhugama, buusiin garaagaraa ni buufatama, silatni silatame ni gala,

silatni haaraan ni silatama, okkoteen yookiin jabanaan ni dhungatama, Gabrieel ykn Mikaael

akka ummata sana eebbisu ni kadhatama, akka balaa hamaa isaanirra dabarsu ni kadhatama, akka

dhibamaa uummata keessa jiru fayyisu ni kadhatama. Egaa kana hundumaa kan godhu Gabrieel

yookiin Mikaaeel jedhamee amanama. Guyyoottan lamaan kanneenitti (12 fi 19) hojiin

kamiiyyuu hin hojjatamu.

Macaafni Qulqulluun garuu akkana jedha; waaqayyo keetiif sagadi malee wantoota tolfamoo

kamiifuu gad hin jedhin. Darbees namni wanta kana godhee argame abaaramaa akka tauudha

kan dubbatu.

Bifa qirixame, fakkeenya wanta ol waaqa irra jiruu, gad lafa irra jiruu, yookiis bishaan keessa

gad lafa jala jiruu hin tolfatin. Ati bifa fakkeenya kanaaf hin sagadin, isaafis hin hojjatin! Ani

waaqayyo gooftaan kee Waaqayyo hinaafaa dha; cubbuu abbootaa hamma dhaloota sadii,

hamma dhaloota afuriittis harka ijoollee warra na jibbanii keessaa nan barbaada. Dhaloota

warra na jaallatanii abboommii koo eeganiitti garuu, kumaatama isaaniitti gaarummaa koo nan

agarsiisa (S. Bau 20:4-6).

Namni bifa Waaqayyoo arge kamiiyyuu waan hin jirreef wanti waaqa nuuf taa jedhamee harka

namaatiin hojjatamee yookiin yaadaan akkana taa jedhanii itti fakkeessan kamiiyyuu waaqa

tolfamaadha. Bifa namaattis taee bifa humnoota samii irra akkasumas bifa bineensaatti yookiin

urjiiwwaniitti fakkeessuun Waaqa tolfamaa sagaduudha.


Kanaafis isin ofii keessanii of eeggadhaa! Isin gaafa Waaqayyo Siinaatti ibidda guddaadhaan

isinitti dubbate sana bifa tokkollee hin argine; isin fakkaattii waan tokkootiin bifa qirixame

tolfachuudhaan karaa irraa akka hin kaanneef of eeggadhaa! Bifa waan tokko illee, kan dhiiraa

yookiis kan dubartii, fakkaattii bineensa lafa irraa tokko illee fakkaattii wanta baaleedhaan

qilleensa irra balaliuu tokko illee,.tolfachuu irraa of eeggadhaa! Gara waaqaatti ol ilaaltanii,

biiftuu, jia, urjoota, macca waaqa keessaa hundumaas yeroo argitan, wallaalchifamtanii, warra

Waaqayyo gooftaan keessa saba guutummaa bantii waaqaa jala jiraniif kenne sanaaf akka hin

saganneef, isaaniifis akka hin hojjanneef of eeggadhaa!......... (S. Kes 4:15-24).

Gubbaa samiittis taee lafa irraatti Waaqayyo tokkicha qofatu jira. Sagadnis isuma qofaaf

barbaachisa. Tarii namni dhala hin qabne tokko Mikaael yookiin Gabrieelitti silata. Akkana

jedhaan; yoo ati dhala naaf kennite galatoo siif galcha jedhee silata. Galatoon kunis korma

loonii, korbeessa hoolaa, lukkuu, midhaan, yookiin qarshii tauu dandaa. Kan nama dinqu

immoo gadaamessa dubartii keessatti sanyii/dhala kan uumu ergamoota osoo hin taane

Waaqayyo tauu isaati.

Garaa haadha kee keessatti utuu si hin tolchinan si foadhe. (Erm 1:5).

Kennaan galataas kennamuu kan qabu Waaqayyo isa waan hundumaa dandau qofaafiidha.

Maqaan Mikaael fi Gabriiel jedhu kun maqaa ergamoota Waaqayyooti. Mikaael angafni

ergamootaa iyyuu, yeroo reeffa Musee irratti Seexanaa wajjiin walitti falmanii wal qoccolan,

Gooftaan sitti haa dheekkamu! jedhe malee, arrabsee itti faraduudhaaf ija hin jabaanne (Yih

9). Elsaabeex ulfooftee jia jaaffaa isheetti, ergamichi Gabrieel Waaqayyo biraa kutaa biyya

Galiilaa mandara Naazireet jedhamutti ergame (Luq 1:26).


Kutaaleen Macaafa Qulqulluu armaan olii kunneen ergamoonni Waaqayyo kanneen Mikaael fi

Gabrieel jedhaman akka jiran nutti dubbatu. Ergamootni waaqayyoo immoo kan ofii isaanii

karoorfatanii rakkoo keenya nuuf argan yookiin fedha Waaqayyootiin alatti waan nuuf

barbaachisu nuuf godhan osoo hin taane Waaqayyo biraa fi akeeka Waaqayyootiin kan waaee

keenyaaf ergamaniidha.

Karaa ati deemtu hundumaatti, akka si eeganiif ergamoota isaa (Waaqayyo) siif in abbooma,

(Far 91:11). inni harkaan na qabe sun Yaa Daanieel nama guddaa jaalatamaa, amma ani

gara keetti waanan ergameef, dubbii isa ani sitti dubbadhu yaadaan qabi, iddoo jirtuttis ol

qajeelii dhaabadhu! naan jedhe; (Dan 10:11).

Ergamoonnis kan uumaman harka Waaqayyootiiniidha. Isaanumti ofii isaanii Waaqayyoof ni

sagadu.

Ani Yohaannis kana hundumaa dhagaeera, argeeras; kana dhagaee, argees erga ani

raawwadhee, ergamaa isa kana hundumaa anatti argisiiseef sagaduudhaaf miila isaa jalatti nan

kufe. Inni garuu, Kana gochuun siif hin tau! Ani siif obboloota kee warra raajotaaf, warra

dubbii Macaafa kanaa eeganiifis hidhata hojiiti, Waaqayyoof sagadi naan jedhe (Mul 22:8-

9).

Yommuus ergamaan sun, Warri gara cidha gaaela hoolichaatti waamaman haa gammadan!

Atis kana caafi! Itti dabalees,Kun dubbii Waaqayyoo isa dhugaa dha naan jedhe. Kana irratti

isaaf sagaduudhaaf miilla isaatti nan kufe; inni garuu, Kana gochuun siif hin tau! Ani siif,

obboloota kee warra isa Yesuus dhugaa baetti qabamaniifis hidhata hojiiti, Waaqayyoof

sagadi naan jedhe. Inni Yesuus dhugaa bae immoo isa hafuurri namoota raajii

dubbachiisuudha (Mul 19:9-10).


Kutaaleen Macaafa Qulqulluu armaan olii kunneen akka nutty himanitti, ergamtootni ofii

isaaniitiif sagadamuu akka hin dandeenyeefi sagadni Waaqayyo qofaaf akka barbaachisuudha.

Wanti goonu hundi maqaa gooftaa keenya Yesuus Kiristoosiitiin qofaa tauu qaba. Dhuguma,

dhuguman isiniin jedha, namni anatti amanu waan ani hojjadhu hundumaas in hojjata; ani gara

abba waanan dhaquuf kana irra kan caalu iyyuu in hojjata. Abbaan ilma isaatiin ulfina akka

argatutti, waanuma isin maqaa kootiin kadhattan ani nan raawwadha. Waanuma tokko isin

maqaa kootiin yoo kadhattan, ani nan raawwadha (Yoh 14:12-14).

Wantootni armaan olitti barreeffaman kanneen akka gimbee, botowaa, xaaree, tolcha,

guyyoottan Gabrieel fi Mikaaeel fi kkf baayee sodaatamu. Yeroo tokko tokko sodaafi ulfina

waaqayyoof hin kennamin isaaniif kennamaa jira. Namni wanta namaa hatuu kan sodaatu sababa

hanni cubbuu taeef osoo hin taane tarii xaareen irra jiraachuu dandaa jedhanii kan sodaatan

lakkoofsa hin qaban. Wanti harka namaatiin hojjatame hammam akka waaqa namarratti taate

asirratti hubachuun ni dandaama. Kun isa macaafni qulqulluun Waaqa tolfamaaf hin sagadin!

jedhuudha. Dhalootni kiristoositti amanee lammii haaraa tae kamiiyyuu hirriibaa kauu qaba.

Wantoota duraan dhiifaman kan amma deebianii waldaa xureessaa jiran macaafa qulqulluutiin

gaggeeffamee barbadeessuu kan qabu dhalootuma kanaadha.

Mootii Israael kan beekaan Solomoon bara jireenya isaatti naaf tau jedhee dubartoonni inni

fuudhee bara dulluma isaatti laphee isaa waaqayyoo akka inni deebifatuufi waaqa tolfamaaf

iddoo sagadaa akka inni ijaaru taasisaniiru.

Solomoon mootichi warra ormaa keessaa intaloota baayee ni jaallate; inni intala mootii Gibxii

malee, durba warra Moaab, durba warra Amoon, durba warra Edoom, durba warra Sidoon,

durba warra Heet ni fuudhe. Isaan saba warra kaan warra Waaqayyoo waaee isaaniitiif
Israaelootaan, Isaan yaada keessan gara Waaqayyoolii isaaniitti akka hin jalifnetti, intaloota

keessan ilmaan isaaniitti hin heerumsiisinaa, ilmaan keessanis intaloota isaanii hin fuusisinaa!

jedhe keessaa turan. Solomoon garuu isaan jaallatee isaanitti in maxxane. Solomoon

yeroo dulloometti dubartoonni isaa yaada isaa gara waaqayyoolii kan biraatti in jalisan.

inni yaada isaatiin Ashtaarot waaqayyittii tolfamtuu warra Sidooniifi Moleek waaqayyoo

tolfamaa warra Amoonotaa isa ciiggaasisaa duukaa in bue. Solomoon fuula waaqayyoo duratti

wanta hamaa hojjate malee, akka abbaa isaa Daawit guutummaatti waaqayyoo duukaa hin

buune 1Mot 11:1-6

Haras warri laphee isaanii waan fooniitiifi waan duri dhiisanitti heerumsiisan akkuma Solomoon

waaqayyo gaddisiisuun isaanii booqaa hokkole. Mee sia tokko waan hojjachaa jirru of haa

laallu. Medirekii irratti tajaajilaa jirru mee haa ilaallu. Dhuguma medirekii keenya irratti kan

lallabamaa jiru kiristoosii? Siyaasaan mata isaa dhokfatee nu keessa galee hin jiruu? Wantoota

dur ganne meeqa amma duubatti deebifnee itti fayyadamaa jirra? Mammaaksa namni afaan

Ingiliffaa dubbatu tokko mammaake dhageessee jirtaa? To get something, you have to loose

something! waan tokko argachuudhaaf isa tokko dhabuu qabda jedha hiikkaan isaa. Kiristoos

nuuf taa jennee wantoota dhaalaan arganne kan laphee keenya gara waaqa tolfamaatti harkisan

hedduu dhiisnee turre. Seexanni qaroon garuu dhuftee Maaliif isaan kanneen gattee?

Eenyummaa kee hin dagatin! Kana kana deebisii itti fayyadami! nuun jennaan wantoota dur

ganne deebifnee itti fayyadamaa jirra.

Akkuma dura dubbannee wabiin (reference) keenya Macaafa Qulqulluu dha. Wanti Macaafa

Qulqulluudhaan alatti mana sagadaa keessattis taee alatti dalagamu kamiiyyuu xaaotii yookiin

waaqa tolfamaa sagaduudha. Warri ergamaan akka ofii isaatiif lafaa kaee isaan gargaaruutti

godhanii ergamaadhaaf sagadaa, guyyoottan ergamootaaf kennuudhaan sirna ofii isaanii uumanii
ittiin tajaajilaman eessaa akka fidan beekuun rakkisaadha. Ergamaa kadhadhaa! Innis isin

gargaara kan jedhu eessa keessatti barreeffame? Guyyoottan Gabrieelii fi Mikaaeliif adda baan

kunneen kutaa Macaafa Qulqulluu isa kam keessatti barreeffamanii jiru? Kitaabileen seenaa

garaa garaa amantii keenyaaf buuura tauu qabuuree? Moo isa jechaan abbootii keenya irraa

dhufeen amantiin keenya buuureffama?

Buuurri amantii Kiristaanummaa (warra gooftaa Yesuusitti amananii fayyan jechuu kooti)

Macaafa Qulqulluu dha malee kitaaba seenaa kamiiyyuus miti. Macaafa obboo ebeluun

barreeffame osoo hin taane hafuura Qulqulluudhaan akeekamuudhaan kan barreeffame sanatu

wabii keenya tauu qaba. Isa afaaniin dhalootarraa dhalootatti dabraa dhufes miti.

Gooftaa Dafee Dhufa! Haa Qophoofnu!

Qopheessaan:

Alemayehu Hotessa Edema

Address:

E-mail: alex_literature_ministry2012@yahoo.com or alexiye77@gmail.com

Cell phone: +251910 53 41 58

Facebook: Alemayehu Hotessa/ahe.edema

Addis Ababa, Ethiopia

Вам также может понравиться