Академический Документы
Профессиональный Документы
Культура Документы
Diaz
Sa isang malayong kaharian sa bandang Mindanao, may mag asawang hari at reyna na nag-aasam
ng supling upang maging tagapagmana ng kaharian. May kasamaan ang ugali ng hari kung kayat ang sabi
ng kanyang mga nasasakupan, siya daw ay sinumpa. Sa kabaliktaran, ang reyna naman ay ubod ng bait at
mahinahon. Kung sino-sino ang nagtungo sa kaharian upang gamutin ang reyna upang siya ay magdalang
tao ngunit walang nagtagumpay hanggang mayroon isang matandang babae ang kusang nagtungo dito
upang tumulong. Dinala ng kawal ang matanda sa silid ng Reyna. Mahal na Reyna ang matanda pong ito
ay handang tumulong upang mabigyan kayo ng anak. Nagsimulang magsalita ang matanda Ako ay si
Sinang mula sa nayon ng hardinan, ako ay nagtungo dito upang kayo ay tulungan na magkaanak. Narinig
ko sa usap usapan ang inyong suliranin kung kayat ihinanda ko ang boteng ito na tinatawag kong ugat ng
buhay na mula sa hardinan. At ano naman ang kakaibang meron sa boteng iyan sa ibinigay ng ibang
manggagamot, pare parehas lang kayong walang silbi! ani ng hari. Mawalang galang na po mahal na
hari, tunay na totoo ang aking sinasabi. Sa oras na mainom ng Reyna ang katas ng ugat nito siya ay
magdadalang tao, ngunit ang bawat hangarin ay may kapalit! ang patotohanang sagot ng matanda.
Nagsimulang magsalita ang Reyna Kahit ano pa ay handa akong ibigay upang mabigyan lamang ng
supling ang hari.
Nakinig ng mataimtim ang hari at reyna sa sinabi ng matanda na matapos mainom ng Reyna ang
pulang katas na nasa bote, siya ay magdadalang tao pagkalipas ng tatlong araw. Ang reyna ay magsisilang
ng isang mabait at malusog na prinsipe ngunit dapat nilang iwasan na siya ay masaktan dahil ito ang
magiging dahilan ng kaniyang pagpanaw.
Ininom ng reyna ang kulay pulang katas na dala ng matanda, Gaya ng sinabi ng
matanda, siya ay nagdalang tao at nagsilang ng isang malusog na lalaki ngunit mapula
ang kulay ng kanyang balat. Pinangalanan ng hari ang sanggol na Prinsipe Gumam.
Gayunpaman, labis ang kasiyahan ng hari at dahil dito lalung sumama ang kanyang ugali,
pinipili lamang niya ang lalapit sa prinsipe kung kayat lumaking malungkot ang prinsipe.
Napansin ito ng reyna kung kayat sinabihan niya ang hari. Mahal kong hari, napapansin
ko ang kalungkutan ng prinsipe sa kadahilanang palagi siyang nag-iisa, hindi ba panahon
na upang siya ay ilapit sa mga tao? naaalala ko ang sinabi ng matanda at ayokong siya ay
masaktan. Malaking kalokohan ang maniwala sa matandang nagtungo dito, nais lang
niyang manakot sa akin at hindi ako natatakot sa kahit na sino kung kailangan ng prinsipe
ng kasama, pawang mga bata lang ang puwedeng kuma-usap sa kanya. Sinabihan ng
reyna ang kanyang dama na dalhin ang anak niyang batang babae upang may
makausap ang prinsipe.
Si Ela ang batang anak ng dama na naging kaibigan at nakasama ng prinsipe sa
kanyang paglaki. Napakabait ng prinsipe kung kayat sila ay magkasundong
magkasundo ni Ela sa lahat ng bagay. Mahilig sa bulaklak ang prinsipe kung kayat sa
hardin sila madalas magtambay ni Ela. Prinsipe Gumam, kahit kuskusin pa ang inyong
balat ay hindi magbabago ang kulay niyan sapagkat kayo ay espesyal na nilalang biro
ni Ela. Lagi mong sinasabi na ako ay kakaiba, ngunit ang puso ko ay ordinaryo lamang
Ela at ang tinitibok ay ikaw. Gusto ko sana magtapat ng pag-ibig sayo Ela. Ikaw ang
gusto kong makaisang dibdib, lalu na ngayon na narinig ko na sinabi ng hari na ako daw
ay nasa sapat na gulang na para magpakasal. Ang alam ko ay nagpapahanap siya sa
ibang kaharian ng mga prinsesa upang aking makaisang dibdib. Sa hardin na ito tayo
mgpapakasal at dito rin tayo magkakasama hanggang sa muli kasama ng mga bulaklak
dito. Sinusumpa ko yan sa harap ng mga ugat ng halaman at bulaklak dito. Sasabihan ko
ang hari na ikaw ang gusto ko Ela. Sanay parehas tayo ng nararamdam ang
pagtatapat ng prinsipe kay Ela. Natahimik si Ela at waring nabigla sa pagtatapat na ito at
bilang tumulo ang kanyang luha at nagsabi Mahal kong prinsipe, parehas man ang ating nararamdaman ay
hindi na mahalaga pa sapagkat ako ay hindi nababagay sa iyo. Alipin ang aking mga magulang at
nasisiguro ko na hindi papayag ang hari. Labis kitang mahal kung kayat ayaw kong ikaw ay mabigo sa iyong
nais
Kinabukasan, kinausap ni Prinsipe Gumam ang hari tungkol sa kanyang hangad na makaisang dibdib si
Ela. Matindi ang pagtutol ng hari dito Hindi maaari Prinsipe Gumam, ikaw any nakatakda ng ikasal sa
prinsesang anak na ating kaibigang kaharian sa susunod na buwan. Si Ela ay anak ng ating alipin at ayokong
magmula ang lahi mo sa dugo ng mga alipin. Mahal na hari, si Ela ang aking sinisinta at tanging taong
kasama ko sa mundo ng kalungkutan, tanging kamatayan lamang ang makakapaghiwalay sa amin.
Gamitin mo ang iyong utak Prinsipe Gumam, ang mga alipin ay para din sa kapwa nila alipin!. Narinig ng
reyna ang pag-uusap ng mag-ama ngunit alam niya na walang makakapigil sa kagustuhan ng hari kahit
masaktan pa ang prinsipe, ang bagay na kanyang kinakatakutan. Kinausap niya ang prinsipe na sumunod na
lamang sa hari at kung gusto niyang makasama si Ela ay puwede pa rin naman na magpatuloy na manilbihan
sa kaharian si Ela upang ipagpatuloy ang kanilang pagkakaibigan kahit kasal na siya sa prinsesang mula sa
kaibigang kaharian ng hari. Pinaliwanag din ng reyna na masasanay din ang prinsipe na iba ang kasama niya.
Hindi kumibo ang prinsipe sapagkat iba ang kanyang nais.
Hindi pinalagpas ng hari ang pagkakataong ito. Lahat ng hahadlang sa kanyang balak ay
tinatanggal niya sa kanyang dadaanan. Palihim niyang inutusan ang kawal na dakipin si Ela at patayin upang
wala ng maging balakid. Natagpuan ang bangkay ni Ela sa ilog na waring namatay sa pagkakalunod. Nung
malaman ito ng prinsipe ay labis siyang nasaktan at nawalang ng ganang kumain. Pinautos na lamang ng
reyna na ilibing si Ela sa hardin upang madali lang madalaw ng prinsipe. Malapit na ang iyong kasal aking
prinsipe, kailangan mong kumain upang manumbalik ang iyong lakas. Mahal kong reyna, patawarin mo ako
at hindi ko magagawang palitan si Ela sa puso ko. Kahit siya pa ay nasa kabilang buhay na. Nararamdaman
ko na hindi na ko aabutin pa pagsikat ng araw bukas. Mahal kita aking ina at nais kong maging maligaya ka
pa rin kahit hindi mo na ako makasama. Ilibing mo ang aking labi sa hukay kasama si Ela. Pinapangako ko sa
iyo na mag-iiwan ako ng alala. Ako man ay maglaho, akoy muli at patuloy na mabubuhay upang makasama
mo at ipaalala sa lahat na may dalawang taong nagmamahalan. Umiyak ang reyna at sinabi Patawarin mo
ako anak kung hindi kita natulungang ipaglaban ang inyong pagmamahalan sa hari. Kinabukasan, wala ng
buhay ang katawan ng prinsipe, Gaya ng ibinilin niya, iniling din siya sa hardin kasama
ni Ela.