12th August, 2010

Synfocity=305 www.mizoramsynod.org
 Mizo Lengkhawm Zai Seminar
August 17 & 18 hian Kanghmun Kohhranah Mizo Lengkhawm Zai Seminar neih a ni dawn a, Chhimthlang
Presbytery huam chhunga Kohhran tin atangin mi 3 theuh tel tura sawm an ni a, mi 30 vel tel tura beisei an ni.
Seminar neihpui tur hian Upa H. Lalhmingmawia, Music Coordinator, Pu Lalromawia, Synod Music Instructor leh
Upa Hmingthansanga Pachuau, Synod Music Executive Committee Member-te an kal ang.
August 17 (Thawhlehni) hian session hnih hman a ni ang a, Session I-ah Chhimthlang Presbytery Moderator
Rev. R. Laldintharan programme a kaihruai ang a, Upa H. Lalhmingmawia, Music Coordinator hovin ‘Lengkhawm
zai tobul leh a kal zel dan’ tih zirho a ni ang. Session II-na hi Rev. John F. Lalhmingliana, Darlung Bialtu-in a
kaihruai ang a, Upa Hmingthansanga, Synod Music Executive Committee Member hovin ‘Kohhran lengkhawm zai
pawimawhna’ tih zirho a ni leh ang.
August 18 (Nilaini) chawhmaah Session III-na neih leh a ni ang a, Upa Ramdinliana, Darlung (Synod Music
Committee Member)-in programme a kaihruai ang a, Pu Lalromawia, Synod Music Instructor paper buatsaih
‘Lengkhawm zai leh khuang vuak’ tih zirho a ni ang. Chawhnuah Session IV-na neih leh a ni ang a, Upa L.
Ramliana, Kanghmun (Synod Music Committee Member) in programme a kaihruai ang. Pu Lalromawia, Synod
Music Instructor hovin Zai hruai dan leh Khuang vuak dan practical-in an zir ang a, Upa H. Lalhmingmawia, Music
Coordinator-in lawmthu sawina hun a hmang ang.
Synod Music Committee hian Mizo Lengkhawm Zai Seminar hi Presbytery huapin a buatsaih thin a, tun tum hi
Seminar an neih vawi 10-na a ni.

 Zin
 August 6 - 17 chhung hian Dumka, Patna, Lucknow, Delhi Field Committee-a tel turin Rev. Lalzuithanga,
Executive Secretary i/c Mission a thang mek a, August 18 - 20 chhung hian India Missions Association (IMA)
General Meeting, Nagpur-ah a tel nghal ang.
 August 17 - 23 chhung hian India Missions Association (IMA) Conference, Nagpur-a neih turah Synod
Executive Secretar, IMA Vice Chairman ni bawk Rev. Zosangliana Colney a tel ang.

 Grace Home hlanna

Vawiin (Aug. 12) chawhnu dar 2:00 hian Grace Home thar hlanna inkhawm, Presbyterian Hospital Campus,
Durtlangah neih a ni dawn a, Synod Moderator Rev. C. Chawnglianan Pathian hnenah a hlan ang.

 Synod Mission Board

 Synod Mission Board Secretary Rev. Lalchhuanmawia chuan August 13 (Zirawpni) hian Tuibuipari II a Synod
hmun hrang hrangte a tlawh kual ang a, August 16 (Thawhtanni) hian a lo kir leh ang. Rev. Lalchhuanmawia
tawiawm tur hian Upa H. Ngurkhuma, SMB Promoter leh Nl. Ramherliani, Staff Nurse ten an tawiawm ang.
 Synod Mission Board hnuaia a zawna kum thum lo thawk tawh Contract Missionary te tan Board-in hamthatna
(LIC Policy) a siam zawm thei tur mi 41 te leh Synod Mission Board hotute August 18 (Nilaini) hian Pi Zaii Hall,
Synod Conference Centre-ah an inhmukhawm ang.
 St. Peter’s High School, Madhuripathar, Arunachal West Field-ah Science Teacher (Short Term Missionary)
atan K. Lalremmawii (B.Sc.) D/o K.C. Parmawia, Bawngkawn Chhim Veng chu lak thar a ni a, August 15 -
December 31, 2010 chhung a thawk ang.
 August 18 - 21 chhung hian Loktak Christian Model High School, Moirang, Manipur-ah School Inspection nei
turin Pu Saidinga Sailo, Supervisor of Schools leh Pu Lalzawngliana, Duftry te an kal ang.
 August 11 khan Chilbili, Patna khawdaiah Rev. Lalzuithanga, ES i/c Mission hovin Fellowship thar hawnna leh
Biak In thar hlanna neih a ni a, ringthar puitling 23 hnenah Baptisma chantir nghal an ni. He inkhawmah hian Patna
Mission Field-a thawktute leh ringlo mi tam tak an inkhawm a ni.

 MSSU
August 14 (Inrinni) hian Aizawl Venglai Kohhranah Sunday School Zirtirtu Training neih a ni dawn a, training neihpui
tur hian Pu Lalthahluna Ralte, MSSU Asst. Coordinator; Upa K. Vanlalnghaka, Ramhlun East leh Upa Laldingliana
Sailo, Ramhlun Venglai (MSSU Trainers) te an kal ang. Chawhma lamah Naupang leh Puitling zirtirtute a hrangin
training neihpui an ni ang a, chawhnuah a huhovin neih a ni ang. Zan inkhawmah Fanau enkawl (Child
Evangelism) chungchang thuchah Upa K. Vanlalnghakan a sawi ang.

 Synod Bookroom News

 Serchhip Branch-ah August 10 – 14 chhung hian Reduction Sale neih mek a ni a, item hrang hrangah 5% -
80% discount pek a ni.
Synfocity=305 1
  August 9 – 13 chhung hian Mamit Branch Synod Bookroom Physical Checking neih mek a ni a, checking nei tur
hian Pu Zonunsanga, Distributor (Supply) leh Pu K. Lallungmuana, Seller, Bawngbawn Branch te an kal.
 Zanin (Aug.12) hian ITI Veng Branch KTP leh Bookroom tangkawpin Literature Nite an hmang dawn a,
Upa F. Lalsangliana, General Manager, PRESCOM-in thu a sawi ang. Synod Bookroom Manager Tv. Lalnilianan
Slideshow a present ang. Literature Nite an hman turah hian man tlawm zawkin bungrua zawrhchhuah a ni ang.
 August 16 (Thawhtanni) zan hian College Veng Branch KTP leh Bookroom tangkawpin Literature Nite an
hmang leh dawn a, Upa Dr. Laltluangliana Khiangte-in thu a sawi ang. Synod Bookroom Manager Tv. Lalnilianan
Slideshow a present ang. Literature Nite an hman turah hian man tlawm zawkin bungrua zawrhchhuah a ni ang.

 Synod Literature Campaign

August 14 & 15 hian East Lungdar Kohhranah Synod Literature Campaign neih a ni dawn a, campaign neihpui tur
hian Rev. Thangzauva, Editor, Synod Literature & Publication Board (SL&PB); Upa B. Bawlkhuma, SL&PB leh
Upa K. Thangkima, Board Executive Committee Member-te an kal ang.
 Kohhran Hmeichhia
August 10 - 12 chhung hian North East India Christian Council Women Assembly (NEICCWA) Executive
Committee, Shillong-ah neih mek a ni a, Central Kohhran Hmeichhe Chairman leh NEICCWA President ni bawk, Pi
Zomuani a kal.

 Thawktu thar
 Synod Rescue Home, Durtlanga Staff Nurse hna thawk turin H. Lalramdinkimi d/o H. Zachuailova, Rulchawm
lak a ni a, Waiting List-ah H. Varrinpuii d/o Thansiama (L), Kulikawn dah a ni. Nurse atana lak thar hian August 12,
2010 aia tlai lovah a hna hi zawm tura tih a ni. Waiting List hi July 2011 thleng a nung ang.
 Synod Theological Education Board Meeting No. 7/2010 Dt. 6.8.2010 Thurel No. III nain a sawi angin
Lalrammawia s/o R. Kapchhinga, Lungpuizawl chu Aizawl Theological College-a chowkider atan lak a ni a. A hna hi
September 1, 2010 ah a zawm tan ang. Waiting List-ah Laldinpuia s/o Upa L. Saitluanga, Khawrihnim dah a ni a,
August 2011 thleng a nung ang.

 Family Guidance & Counselling Centre

August 14 & 15 hian Thingsulthliah Kohhranah Kristian Chhungkaw Inkaihhruaina Seminar/Campaign neih a ni
dawn a, seminar/campaign neihpui tur hian Rev. Zothansanga, FG&CC Director leh Rev. Jonathan Pachuau,
FG&CC Campaigner-te an kal ang.

 Moderator Programme
Synod Moderator Rev. C. Chawngliana chuan tun kar tawpah hetiang hian hun a hmang ang:
 August 14 (Inrinni) Zan - Nursery Veng Kohhran
 August 15 (Pathianni) Chawhma - Hlimen Vengthar Kohhran
Chawhnu - Hlimen Dam Veng Kohhran
Zan - Saikhamakawn Kohhran

NAU HUALNA CARD CHUNGCHANG

MSSU Committee-in a rel angin Nau Hualna Card hi Kohhran tinin a thlawna lak tawh tur a ni a, MSSU Office atangin emaw, Bial Sunday
School Secretary hnen atangin emaw mahni kohhran mamawh tawk lak mai tur a ni e.

REV. ZOSANGLIANA COLNEY

Executive Secretary
i/c MSSU etc.

SYNOD MULTIPURPOSE TRAINING CENTRE HRIATTIRNA

Synod Multipurpose Training Centre, Mission Vengthlang, Aizawl-ah Certificate in Computer Application Course (6 months) training-na
hawn a ni leh dawn a. Application Form chu Office hun chhungin Office-ah lam in a hnuaia hming ziak hnenah hian Kohhran lehkha nen
thehluh tur a ni. He training hi khawsak harsate chawikanna tura ruahman a ni.

 Dilna thehluh ni hnuhnung : September 20, 2010 (Thawhtanni)

 Screening test & Interview : Synod Multipurpose Training Centre,
neihna hmun Mission Vengthlang, Aizawl

Synfocity=305 2
  Screening Test neih hun : September 21, 2010 (11:00 a.m)
 Interview hun : September 24, 2010 (10:00 a.m)
 Class tan hun : October 4, 2010 (Thawhtanni) 9:30 a.m
 Dil thei chin : HSLC Passed

Sd/-
REV. F. LALRINNUNGA
Programme Director,
Synod Multipurpose Training Centre

MUSIC ADMISSION
Synod Music School-ah Tonic Solfa & Staff Notation zir duhte tan admission hawn a ni a. Dil duhte tan Synod Office, Music Department-ah
Dilna Form lakchhuah theih a ni. Dilna form-ah hian Kohhran lehkha thil tel tur a ni.
 Dil theih hun chhung : August 24 (Thawhlehni) thleng
 Admission fee : Rs. 50/- (mi pakhat tan)
 Monthly Tuition Fee : Rs. 150/- thla khatah (thla 3 atan Rs. 450/-) A vaiin : Rs. 500/-
 Class kal hun : Thawhtanni - Zirtawpni zing dar 6:30 - 7:30. Tonic Solfa leh Staff Notation hi tuk
tin inkarthlaka zir thin tur a ni ang.
 August 25 (Nilaini) dar 1:00 p.m.-ah seat chang tur tar chhuah a ni ang.
 August 26 - 30 chhungin admission tih fel vek tur a ni.
 September 1 (Nilaini) zing dar 6:30-ah class tan a ni ang.

REV. ZOSANGLIANA COLNEY

Executive Secretary
i/c Music etc.

………………………………………………….............................................................................................................................
12th August, 2010
Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org

Synfocity=305 3