Nama : I Nengah Rama Adi Suputra

Kelas : XII MIA 6

No : 26

Moksa ring Globalisasi

Om Swastyastu.

Bapak Guru sane wangiang titiang, tur timpal-timpal sane tresnain titiang, ngring iraga
sareng-sareng ngaturang puja pangastuti ring Ida Sang Hyang Widhi Wasa, saantukan antuk kerta
waranugrahan Ida, iraga sareng sami prasida kacunduk ring galahe sane mangkin. Ri kalane puniki
titiang ngaturang dharma wecana indik Moksa ring Globalisasi.

Ring Panca Sradha utawi lima dasar Agama Hindu sajeroning ngamolihang tetujon
Mosartham Jagadhita Ya Ca Iti Dharma wenten sane mateges moksa. Moksa inggih punika konsep
agama Hindu sane mateges kebebasan saking duniawi miwah maya lan Punarbhawa.

Wenten makudang-kudang jalan ngerereh moksa. Wenten sane mawasta Catur Marga/Yoga
sane wenten petang bagian, Bhakti Marga Yoga, Karma Marga Yoga, Jnana Marga Yoga, lan Raja
Marga Yoga.

Bhakti Marga Yoga punika ngelaksanayang bhakti ring Ida Sang Hyang Widhi Wasa lan
saling asah asih asuh ring manusa madasar antuk Tat Twam Asi

Karma Marga Yoga punika iraga para yowana ring era globalisasi makarya madasar dharma.
Mangkin akeh sane makarya nanging tusing becik sawireh tusing uning tetujon sane sujati iraga
ngerereh Artha.

Jnana Marga Yoga, iraga ring era sane mangkin patut uning ajah-ajahan lan sastra agama.
Ring sekolah iraga para yowana ngerereh ajah-ajahan sane kaangge ring makarya. Iraga masih patut
uning sastra agama sakadi mantra sane kaucap sadurung makarya, Om awighnam astu namo sidham.
Om sidhirastu tad astu namah swaha. Yening iraga sampun uning punika, iraga prasida makarya sane
becik.

Raja Marga Yoga punika ngelaksanayang yoga lan samadhi. Iraga ngelaksanayang tapa lan
brata ngacepang manah mangda suci.

Nanging mangkin era globalisasi, jaman kaliyuga. Sampun akeh adharma ring jagat, sakadi
yowana sane ngangge narkoba, punyah, ngemaling, mrekosa utawi kawin lari lan sane lianan. Patutne
iraga sareng sami melaksane sane becik sakadi ngelaksanayang Tri Hita Karana, Tri Kaya Parisudha,
Catur Purusartha sane madasar antuk dharma, Panca Yama Bratha, Pnca Nyama Bratha, lan Yoga.

Yowana ring masa Brahmacari melajah mangda uning sane patut lan nenten patut ring
globalisasi . Yadiastun akeh adharma iraga nyidayang polih moksa ring jiwa iraga sareng sami.
 Inggih asapunika dharma wecana sane kaaturin titiang. Dumogi wenten pikenohnyane ring
semeton sami. Titiang nunas pangampura ring Bapak Guru lan timpal-timpal titiang sareng sami,
yening wenten ring atur titiang sane nenten patut. Panguntat atur titiang antuk parama santih.

Om Santih Santih Santih Om.